رد : رد: رد : ਓ҉ ஹ ҉−ـ‗ღ رشأاقتـــي في رمضــــ 2010 ـــان ღ‗ـ−҉ ஹ ҉ਓ
ماشاء الله الله يوفقج حبيبتى وتوصلين للوزن اللى تبينه
بس ياريت تقولين لنا اذا تاخذين حبوب او اعشاب وشنو ريجيمج كان قبل رمضان
تقبلى مرورى
ماكنت اخذ لا حبوب ولا اشرب اعشاب ولا شاي اخضر ولا خلطات ولا اي شي من سوالف الريجيم
بسسسسسسسسسسسسسسيط جدا سألتني دكتورة التغذيه في مستشفى العدان شنو تاكلين كل يومين وحدت لي الريجيم الاكلات اللي احبهم بس على خفيف
الصبح توست مع بيض او شابورة مع جبن
الغدا همبرغر او مجبوس دجاج او مجبوس عيش بس حجم كف اليد وسلطه
العشا بيض وتوست او شابورة وجبن او همبرغر مشوي او نقانق
يعني ريجيم بسيط جدا
لكن اللي خلاني اضعف هو شرب الماي وايد الصراحه المشي ما نزل وزني وايد بروحه لكنه عطاني لياقه عشان اسوي ايروبيك معاه بسيدي ديفيدي تزلته من النت عقب ماسويت بحث عن اكثر واحد يحرق دهون...وممتع في نفس الوقت
ترا يابنات اللي يروحون نادي يدروا بالكم خالتي راحت ولما تركت النادي صار جسمهم الله لا يوريكم الحين المسكينه ماتقدر تحمل وسافرت لندن حاولوا ينزلون وزنهم عشان تحمل ماقدرت تنزل وايد...
نصيحه اللي تشترك بنادي لازم تعرف لانها لازم تظل طول عمرها في النادي ولا جسمها راح يرد نفس قبل واسوأ
اما اللي يبون يضعفون صح عليهم بالمشي وسيديات ديفيدي في البيت عشان يتعودون عليهم ونظامهم موصعب ...بعدين لو تحطينه مرة او مرتين في الاسبوع بيظل جسمج حلو
انا اقول لاني جربت كل هالاشياء وعن خبرة
