مشكوووووووره اختي عالموضوع ويعطيكم العافيه والله عالردود استفدنااااا
بالنسبه للقرقيعان :رحت محل قصر الهدايا بالفروانيه اخذت بوكسات اوف وايت وذهبي حق بنتي وولدي علشان يكون اللون محايد وسوالف تعليقات ع اشكال قديمه وعبارات عساكم من عواده وشرايط ذهبي وعنابي واوف وايت وإنشاءالله يطلع حلو وسله كبيره اوف ويات ومجسم هلال بلزقه عالسله وبزينها بشرايط وسويت تصميم وبطبعه وإنشاءالله يطلع حلو
وحق الكبار لقيت مجسمات جاهزه عندهم رووعه بس تحطين الحلاو او شغلات حق الكبار حلوى ولقاح وماي ورد او عطر بيطلع روعه
لبس بنتي للقر قيعان بفصله لها لاقيه لها موديل وكل الخامات موجوده بالبلوكات بس جاري
البحث عن خياط يضبط واللي تعرف تقولي جزاها الله خير ابيه بالمنطقه الرابعه
ولدي شريت له دشداشه جاهزه اللهم بس بآخذ له سديري وقحفيه بشوف معرض افكاري او المعارض يمكن باجر اروح واكون خلصت شغل القرقيعان بس باقي التنفيذ
بنتي اول يوم رمضان فصلت لها دراعه ميني نفسي اسم الله عليها عمرها 3 سنين الحين وبتطلع عليها كيووت وهم مفاجأه للكل بتكون لجدتها وعماتها وهم لرحت ابارك لامي وجدتي واخذت لها صندل ذهبي من انوتا حق الدراعه وهم يصلح للقرقيعان
وولدي ابوه شراله دشداشه مطرزه معاها سديري حق اول يوم رمضان بس ناقص اشتريله صندل
حق العيد .. ولدي ابوه بيفصله دشداشه حق اول يوم وودي تكون فيها شغل شد او تطريز واخذت له قمصان وبلايز من زارا ونيكست واش &ام ومذكير وجاب وآدم كيدز كله بالافينيوز وبنطايل جينز وبيج وزيتي وكحلي من مذركير واش &ام قسمتهم قسمين تبديلات له للعيد والباقي لرمضان وقت الزورات
زارا قمصانهم حلوه حق عمر 0 - 12 شهر اخذت له بيج بزيتي ومن نكست قميص مع كرفته واغلب شي الصبيان الموضه القمصان المبكره حاليا كله المحلات جذي بس ناقص اشتريله الجواتي ومو شايله هم سنتر بوينت القى قياسه فديته حق 9 شهور
اما البنات الله يعينااااا عليهم علة تجهيزهم
تتعبين تعب وصراع نفسي وينكسر ظهرج بالنص من كثر الفراره وطبعاا الترجي قبلها بيوم علشان ابو الشباب يوديج لانه مل من كثر ماتحنين عليه وكل يوم نروح ونجي ع هذا المنوال ..ان لقيتي البدله ماتحصلين لها الجوتي إلا عقب صولات وجولات ومعركه حامه الوطيس واذا خلصتي منه تعالي دوري الاكسسوارات وطبعا تكونين شايله معاج كل البدل وتقارنين هذا يليق ولأ مايليق وابو الشباب يخزج وناقد ..وبالاخير يقوول روحي مع خواتج احسن لوول وهكذاا تستمر الحكايه الى ماله نهايه !!!
اقولكم قصه بنتي بعدين لووول
