~ْ ســـؤال : الأجســام المضــادة للحــامل المسبــبة للإجهــاض " + تجــاربكم ََ~

[BaBy_SMiLe]

الســـلام عليــكم

شســـالفة الأجســام المضــادة للحــامل ؟
وهل كل حــامل محتــاج تســوي هالتحليــل ؟
وشنو العـــلاج ؟ ونبــي تجــاربكم ؟

​

 

[كويتيه مذهله 87]

رد: ~ْ ســـؤال : الأجســام المضــادة للحــامل المسبــبة للإجهــاض " + تجــاربكم ََ~

الدكتوره تطلب هالتحليل اذا شافت الحامل اجهضت او توفي الياهل اب بطنها

مثلا انا اول حمل مات اب بطني لمن رحت لها قالت ضروري تحللين هالتحليل

وحللت وطلع فيني اجسام مضاده وانا ما ادري
وكنت اسمع البنات يقولون عنه وماكنت حاطته ابالي كلش ومومتوقعه يصير فيني جذي لان خواتي ومن عايلتنا كلهم مافيهم اجسام مضاده فأستبعدت هالشي
وحملت مره ثانيه وهم صار الي صااار معني كنت اخذ الابر والحبوب وكل شي

حللي شنو خسرانه يكلفج بالخاص 65 دينار

انا سويته بالخاص والحكومه بمستشفي الصباح

و15 يوم يالله يطلع

 

[BaBy_SMiLe]

رد: ~ْ ســـؤال : الأجســام المضــادة للحــامل المسبــبة للإجهــاض " + تجــاربكم ََ~

الله يعوضج ويرزقج من حيث لا تحتسبين ويفرحج بحمل سليم ان شاء الله

انزين التحليل عبارة عن شنو ؟ بس اخذ عينه دم ؟

 

[TeKaNa_Girl]

رد: ~ْ ســـؤال : الأجســام المضــادة للحــامل المسبــبة للإجهــاض " + تجــاربكم ََ~

حياتي انا سويت تنظيفات مرتين والسبب الاجسام المضاده
لاني ماكنت ادري ان فيني
وكان يؤدي الى موت الجنين في البطن ... الله المستعان
وبعدين سويت تحليل وبين معاي
والدكتور قال لي علاجج لما تحملين ان شاء الله ابر كلكسان مع بيبي اسبرين
وعطاني الحين بيبي اسبرين استمر عليه ليما الله يكتب لي الحمل عشان سيولة الدم
لان السبب كان تجلط في المشيمه
انصحج انج تعالجين بسرعه

وعسالله يشافينا

 

[كويتيه مذهله 87]

رد: ~ْ ســـؤال : الأجســام المضــادة للحــامل المسبــبة للإجهــاض " + تجــاربكم ََ~

اي حبيبتي يسحبون لج دم اي وقت عاادي ويطلع بعد اسبوعين بالضبط

فيه منه انواااع وااايديتعلق بالجينات والوراثه اذا ريلج يصيرلج بعد يأثر الي فيهم اجسام مضاده بس طبعا مو الكل

 

[BaBy_SMiLe]

رد: ~ْ ســـؤال : الأجســام المضــادة للحــامل المسبــبة للإجهــاض " + تجــاربكم ََ~

انزين الزوجين الي مسوين فحص ما قبل الزواج .. لازم يسوون هالفحص

ما ادري اذا من ضمن التحاليل هالتحليل ولا لآ