ّّ ودي اوافق بس خايفه اغضب ابوي تعبت ّّّ

[بنت.المطيري]

لا صج صج برد عليج الحين جد



اولا حرااااااااااااااااااااااااااااااااااااااااام انتي مسلمة واهو لأ


ثاني شي حسي بابوج.عاش طول عمره عشانج ..اخر شي جذي تجازينه ؟؟

ترا حوبة ابوج ماراح تتعداج

وبعدين الريال لاتثقين فيه مردج مالج الا ابوج وامج

لاتقولين ولد خالتي ..ولايقص عليج يسلم ومادري شنو

بس زواااااااااااجج منه ظلم لابوج ..ومايجوز بالدين تتزوجين بدون موافقته

ابوج يبي مصلحتج لاتتهورين

لاتبيعين ابوج ولاتخلينه يندم بيوم انه ضحا عشانكم

واذا كلللللللش اهو مصر يتزوجج شرطي عليه تعيشون بالكويت

عالاقل عشان يتربون عيالج التربية الاسلامية الصحيحه مايشوفون المفاسد والفتن ويتعودون عليها

 

[Mazyoona]

حيآتي أول شي و أهم شي لآ تخسرين أبوج اللي تخلى عن حيآته علشآنج
أدري الكلآم سهل بالنسبه لي لأني مو بهالموقف اللي أنتي فيه بس فكري عدل ~

أنا أبوي لما خالي يتغشمر أنه يبيني حق ولده يرفض !
مع أنه ولد خالي كويتي بس أمه بريطانيه و كان عايش وياها!
و مسلم و يصلي و يصوم بس تربيته غييير

الزواج رحلة حلوه بالحيآة ليش تبين تبدينهآ بتعب و حوسه الكويتي و المتربي بالكويت حيل أهون!
الله يعينج و يسهل دربج و يحنن قلب أبوج

 

[Blonde girl]

رد : ّّ ودي اوافق بس خايفه اغضب ابوي تعبت ّّّ

شوفي انتي شنو اللي تبينه وما عليج من اي حد
كل شئ بالهواش إلا الزواج بالاتفاق
والله يوفقج بحياتج

 

[بنت.المطيري]

رد: رد : ّّ ودي اوافق بس خايفه اغضب ابوي تعبت ّّّ

مشكورين ع الرد بنات
اكيد ابوي وماابدله بالدنيا وتعب بحياته عشان اعيش احسن عيشه ولامقصر بشي ادري والله ادري
بالنسبه انه مو مسلم اهو بيسلم بس انا مابغيته يسلم عشاني انااا مابي
والولد والله مايتعوض انزين انا شدراني باجر بييني واحد نفترض كويتي بيناسبني ؟؟مادري يمكن لاني تربيت بين اهني واهناك منو يرضى بوضعي ويكون متفهم مو متسلط!
وولد خالي والله لو كويتي ماكو بنت ارفضته صدقوني كامل اللهم ديانته وادري هالشي مهم

مممممممممم

حبيبتي والله فيج الخير بحط نفسي مكانج اهو دام ناوي يتزوجج وانتي بنت خالته معناته صج تبرى من ديانته

لان عندهم حرام الواحد ياخذ بنت خالته لانه مثل اخته

وهذا شي يشجع للامانه

وبالعكس منو قال ماتلقين
مممم وبالنهاية الحل بايدج .. بس فكري بمستقبل عيالج راح تتقطعين مليون مره لو واحد منهم ماطلع مسلم او رفض يسلم
لان هناك كل شي مباح عندهم والفتن وايد وحرية زياده والكل بيوقف ضدج انتي مو ضد الولد

جربي تشرطين عليه الاقامة بالكويت وشوفي شيقول

 

[m7romah]

انا اللي اعرفه ان المسيحين عندهم حرام يتزوجون الكزن العيال خاله او عمه
اشلون بيتزوجج
ودي افهم هالشغله

 

[Maaya]

حبيبتي نصيحتي لج صبري ولا تتسرعين
خل اقولج سالفتي انا لما كنت صغيره بعمرج واصغر كنت احب الاجانب (امي وابوي كويتيين ) واروحلج بهالافلام والاغاني ولغه وحاله
كنت احسهم جنهم شي حلوو عجيب ناس غير وكنت اتمنى اتزوج اجنبي حلم بالنسبه لي بس اقول وييييين اللقى الاجانب مايعطون ويه يبون البيض الشقر .
بس صدقيني والله والله مادريت ماحسيت كل هذا يطلع كلام خرطي الحين كبرت شوي ودخلت النت وصارتلي هواياتي وعرفت اجانب كوووود ويحترموني غصبا عنهم والمصيييييبه ان يحبوووون بسهوله انا انصدمت @@ واحد متعلق فيني يبيني واسلم وسمعني الشهاده ( مادري عشاني ولا عشان ربي) بس اهو يبي كويتيه يبي عربيه لأن على قولته الاجنبيات مامنهم فايده بس احنا غيييير نهتم ونخاف ربنا واهو حظ ماكووو بس والله مخلص جامعه وعنده خير ويشتغل بشركه عالميه كبيره بس سبحان الله اقوله ماقدر احنا مجرد اصدقاء واعطيه اعذار قلت له مثلا انا مستحيل اعيش برا ديرتي ( وانا قبل ميته ابي اطلع برا اسافر عمري ماسافرت دوله اجنبيه واجرب اعيش اهناك) قالي انا قاعد ايمع وودي اشوف وظيفه بالكويت تخص شركتهم او شي جذي يعني قام يفكر بكل الاحتمالات غير الهدايا بالبريد,وواحد غييييره سوالي تحقيق عن الاسلام وعن شلون اذا يفكر يتزوج مسلمه ( يملح لي ان يبيني ) , وغيره وغيره والاخير اجنبي عاااايش بالكويت واتواصل معاه بالنت وافهمه واااايد شغلات بس هذا غير هذا اسلم من 3 سنين قبل لا اعرفه لأن اهو حب الاسلام ويملح بس برغم هذا كبرت واحس مارضى الا بولد ديرتي اللي يلبس دشداااشه ويغتر يا زينه هيييبه وربي .
نصيحتي لج والله بتندمين انا مثلج وترا يمشي حالي بين الاجانب بالعكس بشطارتي بوايد مواضيع يحتاجون خدمات فيها انحب والكل يلجأ لي.
بس ولد ديرتي ابرك . باجر اعيالج شلون بيضيعون بينكم وصدقيني صعبه برا تربينهم على دينهم وهالمره ابوهم كاان مو مسلم حبيبتي مايصير تاخذين غير مسلم .
وصج اختي محرومه قالت شي صحيح انا اعرف بريطانيه كبيره بالعمر بالاربعينات لما اسولف لها ان عادي عيال عم عيال خال ياخذون بعض تستعجب واحس انها تشمئز اقولها ليش تقولي مايصير عندنا واللي يسويها الكل يتحجى عنه وممكن توصل الجرايد فغريبه اهو يبيج وانتي بنت خالته .

الريال يتعوض اللي مايتعوض الابووو . لي خذيتي كويتي باجر كشخي فيه جدام اهل امج بيكون عندهم وااااو عربيييي ..​

 

[أبله كويتيه]

رد : ّّ ودي اوافق بس خايفه اغضب ابوي تعبت ّّّ

لا حبيبتي اول شي اهو مو مسلم الحين .. مايصير لازم تزوجين مسلم حرام جذي شنو يسلم عشانج لازم مثل ماتقولين عشان ربه

انا اقول استخيري وسمعي كلام ابوج وقعدي اييج نصيبج يالغاليه

ماتسوى عليج .. هالاجانب عندهم سوالف غير وعادات وتقاليد غيييير عنا

لاتاخذج العواطف والمشاعر .. باجر بتعذبين وبتعضين اصابعج ندم حياتي

ابوج تنازل عن حياته عشانج وعشان اخووج ماتزوج وقعد عليكم يربيكم وماخلا عليكم قصور

لاتسوين شي يضايقه ويكدر خاطره يبي يفرح فيكم اهني بديرته يبيكم جدام عينه

بيشوف عيالكم مايبيج تعذبين وتروحين غربه ترا الغربه صعبه وانا اختج

لاتغضبين ابووج .. اهو سند لج بهالدنيا وانا اختج

 

[أبله كويتيه]

رد : ّّ ودي اوافق بس خايفه اغضب ابوي تعبت ّّّ

بقولج قصة وحده يقولج راحت محكمه مع ابوها وريلها واخوها وولدها

راحت المحكمه على قضيه من القضايا .. قالو لها كلهم ينسجنون الا واحد ... الجريمه كان فيها 3 مو 4

قالها اختاري منهم منو تبين

قالت الابن يتعوض بمليون ولد غيره والاخو يتعوض بأخو غيره والريل يتعوض بزوج غيره

بس الابو مايتعوض واختارت ابوها

 

[ابلة لولوة]

حبيبتي لا تاخذين ولد خالتج

انتي كويتية ومتعودة على نمط حياة معين صعب يتغير

وانشالله ربي يعوضج باللي احسن منه

 

[نشيج الروح]

حبيبتي أحس أبوج يعني مفكر بالسالفة عدل ... أنتي راح تكونين مغتربة ... إذا قادرة تأقلمين على هذا الوضع .. وضع الغربة و أهلج راضين ... وعيالج ما تبينهم كويتيين والخدمات و و و و وو ........إلخ

قبل كل هذا فكري بالايجابيات والسلبيات وحطيهم بورقة وشوفي شنو أكثر .. وشنو الحل لكل سلبية وهل ممكن تحلينها أو السلبية كبيرة وصعبة

 

[Stylista_Q8]

ابوج ابوج ابوج ابوج
ابوج اهو الاهم كفايه انه قضى عمره من غير ما يتزوج لا تخسرين ابوج ترى لو تتزوجين قصب عليه و الله تندمين
نطري لين اييج نصيبج و ان شاء الله الله يرزقج بالزوج الصالح ويكون كويتي علشان تكونين يم ابوج
امج واصليها لا تقطعينها بس لا تتزوجين ولد خالتج و ابوج مب راضي و انتي قلتي ان ابوج عصب يوم قلتي له هذا يعني انه واااااااايد يحبج و خايف عليج و خايف انه يفقدج
واذا ابوج ماله حق يتدخل في حياتج عيل من اللي له حق هذا ابوج اللي رباج و تعب عليج له كل الحق انه يتدخل بحياتج
و انتي تقولين انج مرتاحه مع ابوج و ما يرفض لج طلب عشان ما يخسركم فانا ارجوج ارجوج لا تغضبين ابوج
الله يخليكم لابوج و يخليه لكم و ان شاء الله تربيته لكم ما تضيع
هذي رايي و انتي حره بقرارج
الله يوفقج

معآهآ

وحلآت الثوب رقعته منه وفيه والكويتي إنفع :$

الله يجدملج إللي فيه الخير حبيبتي ،، وبصرآحة مآدري شلون بتفآرقين أبوج عقب هالسنين كلهآ

أحس صعببببببه خصوصاً إنه ضحى عشآنكم وعشآن تربيتكم ،،

فكري عدل ^^

 

[غربــــة اِحساس]

تتزوجين كاافر؟؟؟

وحتى لو اسلم تضمنين اسلامه لله صج والا شكليا عشان يعقد عليج

 

[bambena]

رد : ّّ ودي اوافق بس خايفه اغضب ابوي تعبت ّّّ

لاتتزوجينه راح تكون حياتج صعبه
وحرام ابوج اللي رباكم ولا تزوج تخيبين امله فيكم !

 

[باربية الكوووويت]

اخذي ولد خالتج ابوج مو دايم لج وربي يطول بعمره انشالله

والريال قالج بيسلم وانتي بذكائج تحببينه بالاسلام وتكسبين اجر

دشي قسم الحياه الزوجيه وشوفي رياييل الكويت شيسون بحريمهم خيانه ولاعبين بايدهم وريولهم حياتهم ماتفرق عن الاجنبي الي لا خوف ولا خشيه من ربه

اخذي الاجنبي وانشالله يطلع احسن من الي عندنا

وعشتي عند ابوج عمرج كله اظن هم امج محتاجتج يمها كل ماكبرت وابوج منتي ناسيته اكيد

بس ماعلييه مستقبلج اولى

 

[sawaranza]

امممممممم انا لو مكانج ما اخذه بس انتي استخيري وكيفج بس نصيحه لا تزعلييييين ابووووج والله ما اتوفقييييين والله يقدم اللي فيه الخير والصلاح

 

[cup-cacke]

صدقيني محد راح يعرف مصلحتج كثر ابوج..اهو اكبر منج وعاش اكثر منج

وبالنسبه لسالفه انه يسلم..اتوقع المفروض انه يشهر اسلامه..وما ادري جنج تقولين راح يسلم بس بالسر!!!!!!!

واذا على امج وتخافين اذا تزوجتي تنقطعين عنها..قنعيها تجي تسكن هني

انا اعرف وحده امها اجنبيه..يوم كبرت البنت وفهمت..وتعبت من سالف هني وهناك..كلمت امها وقالت لها ردي معاي الكويت..والام وافقت عشان بنتها..وكلمت ابوها وقالت له ابي امي معاي بالكويت..وابوها ماقصر مع بنته وامها..مع انه تزووج وحتى زوجته الثانيه ماقصرت معاهم

فكري فيها بكل شي..اهم حياتهم غير حياتنا

والله يكتب اللي فيه الخير لج

 

[bnt_7waa]

"واهو حييييل متعلق فيني يمكن لاني مو معطيته"

هاذي الجمله خوفتني حبيبتي انتي متأكده انه شاريج

اخاف باجر ليه صرتي عنده وجابلتيه راح يفج ويمكن الي شادج له انه متمسك فيج

علعموم الله يوفقج بس حبيت انبهج على هشي ومن سمعت انج صليتي استخاره وماحسيتي بشي بقولج تطمني ترا مو شرط الواحد يحس بهشي

ساعات لمه تشوفين الامور تتسهل هذا دليل على انه هذا الشي رد انه اهوا اختيارج الصح

good luck

 

[one two 3]

وي توني ادري انه اجبني بريطاني بعد

والله انتي طايحه خوش طيحه ههههههه


يقولج المثل حلات الثوب رقعته منه وفيه

اي نعم الكويتي يعل بس سظل كويييييييييييييييييييييييييييتي
دينج دينه
جنسيته جنسيتج

وبالاخير هاذي حياتي و موفقه بلي تسويناا

 

[one two 3]

انتي شوفي حالتج شلون عشتي
امج غير عن ابوج
امج بديره وابوج بديره

تبين عيالج يصيرون مثل حالج ؟؟

هاذا زواج مو لعبه

بس ما ينفع الكلام لي طاح الفاس بالراس