ّّ ودي اوافق بس خايفه اغضب ابوي تعبت ّّّ

[ّّمزاجــــيهّّّ]

قوة بنات
انا ماسجلت بالمنتدى الا عشان اعرف رايكم ولو كنتو مكاني شتسوون؟
بقولكم حياتي بالمختصر
امي وابوي منفصلين وامي مو كويتيه اجنبيه وكل مراحل دراستي اهني بالكويت عند ابوي طبعا ابوي ماتزوج من بعد امي
وعندي اخو واحد واكبر مني
المهم اروح بين فترة وال2 لامي طبعا ما اقاطعها كلش حبيبتي واهي تزوجت وعندها ولد وبنتين فديتهم:eh_s(6):
وعندي خاله اللي اهي اخت امي وعندها ولد((مادري فهمتو احس شربكت الموضوع:eh_s(1)(
المهم الولد هذا من يومنا صغار يعني ماقول نحب بعض لكن فاهمين بعض اهو عمره25 وانا 22 وتقدملي بأجازة الصيف الولد اناااااااا اعرفه اكثر من نفسي من غير مدح كامل والكامل اللهولما تقدملي اكثر وحده استانست امي الله يخليها عشان اعيش عندها بس المشكله ابووووووووووي ماتوقع يبيني اتزوج انقليزي واعيش بعيده عنه:eh_s(1): طبعا عطيته مقدمات وجذي سوالف وعصصصب حيل وتضايق بعدها راضاني وكلمني قال مابيج تشوفين اللي شفته ولاتعيشين اللي عشتهولا تتعبين بحياتج بس يياربي ابيه ومابي اقول احبه بس ابيه ابييييه واهو حييييل متعلق فيني يمكن لاني مو معطيته ويه بالنسبه لاخوي موافق لانه رفيجه حيل

ادري قرقت بس الحل شنو اوافق ولا لا امي تقول انها بتكلم ابوي وان ماله حق يرفض ويتدخل بحياتي انا والله مرتاحه مع ابوي حيل مايرفض ولااااا طلب اللي ابيه موجود سيارة سفرة وغيره بس عشان مايخسرني انا واخوي:0bee2e8d89:

للعلم انا عندي جنسيه وجواز بريطاني لاني مولوده اهناك انا واخوي

 

[الفراشة]

مادري شقولج بصراحه ما الووووم ابوج انتي ما خذتج الحين العواطف و المشاعر بس في وايد اشياء لااااازم تفكرين فيها تقدرين تتحملين تعيشين برى تقدرين تخلين عيالج باجر يتربون مثل ما تبين ولد خالتج دينه مسلم او لا مادري احس الموضوع صعب و الله يوفقج

 

[a7la bnoota]

رد : ّّ ودي اوافق بس خايفه اغضب ابوي تعبت ّّّ

ماحبيت اطلع من غير رد بس ما اقدر فيدج ان شاء الله البنات يساعدونج

 

[كتكوته ورديه]

صراحه علي راحتج بس يمكن اهو مومسلم وانتي صغيره باجر بتغربين وعيشته ما راح تناسبج صدقني غربه حتي لو عندك جواز برطانياخذي كويتي انفع هههه ابضحك اشوي علشان لاتزعلين الكويتي انفع صح

 

[ّّمزاجــــيهّّّ]

رد : ّّ ودي اوافق بس خايفه اغضب ابوي تعبت ّّّ

الفراشه حبيبتي تقريبا كلامج نفس كلام ابوي
بالنسبه لي اي اقدر اعيش اهناك واتأقلم بالعكس ماماتي عندي
وبالنسبه للديانه اهو قايلي يبي يسلم بس بيني وبينج ماكنت ابيه يسلم عشاني ابيه يسلم عشان ربه

 

[ّّمزاجــــيهّّّ]

رد : ّّ ودي اوافق بس خايفه اغضب ابوي تعبت ّّّ

loOol
كتكوته الكويتي انفع بس مو يمكن البريطاني هم ينفع لووول سوري فصلت

 

[شقرديـه عالطل]

ترى حبيبتي الغربه صعبه
وبالعكس ابوج اتوقع اكثر واحد بيفرحلج بس لانه مجرب وما يبيج يصير فيج نفس ماصار فيه
وانتي عاد ادرى بطبع ابوج يعني يرفض الشغله بالبدايه وبعدها يطخ ويرضى؟
وماعليج الا الاستخاره حبيبتي
والله يوفقج

 

[ّّمزاجــــيهّّّ]

رد : ّّ ودي اوافق بس خايفه اغضب ابوي تعبت ّّّ

شقرديه ثنكس حبيبتي
بس اي انا مجربه ابوي مايقدر يردلي طلب بس هالطلب اول مرة اشوفه جذي متنرفز ومعصب@@
الله كريم يارب

 

[الفراشة]

الله يوفقج يا رب بس نصيييييييحه فكري عدل و عدل ترى الزواج مو سفر و طلعه ووناسه بس صدقيني مسؤؤليه كبيييييره و ما راح يحلج ياها غير رب العالمين بالسجود ادعي وايد ان لو في هالشي سعاده و راحه الله يقربه و اذا فيه شقا و هم الله يبعده و يرزقج باللي يستاهلج عاجلا غير اجل ياااااااااا رب

 

[نور الكويت$$]

رد : ّّ ودي اوافق بس خايفه اغضب ابوي تعبت ّّّ

صعبــــــــــه..
وابــــوج جــــــــرب وشاف..
الله يوفقج

 

[Model Look]

حبيبتي حياة الانجليز صعبه حيييييييييل

انا طالبه بانجلترا واحس مو قادره عالغربه ،، ادري وضعج غير امج معاج

بس الانجليز همهم الشرب والوناسه وعندهم علاقات وااايد

لما يتزوجج اوكي انتي زوجتي بس عندي صديقتي عادي يسوي معاها اللي يبي وكل واحد فيكم عنده حريه شخصيه

ما ادري عاداتهم وتقاليدهم غير

فكري عدل واستخيري

 

[^^ساره ^^]

قوة بنات
انا ماسجلت بالمنتدى الا عشان اعرف رايكم ولو كنتو مكاني شتسوون؟
بقولكم حياتي بالمختصر
امي وابوي منفصلين وامي مو كويتيه اجنبيه وكل مراحل دراستي اهني بالكويت عند ابوي طبعا ابوي ماتزوج من بعد امي
وعندي اخو واحد واكبر مني المهم اروح بين فترة وال2 لامي طبعا ما اقاطعها كلش حبيبتي واهي تزوجت وعندها ولد وبنتين فديتهم:eh_s(6):
وعندي خاله اللي اهي اخت امي وعندها ولد((مادري فهمتو احس شربكت الموضوع:eh_s(1)(
المهم الولد هذا من يومنا صغار يعني ماقول نحب بعض لكن فاهمين بعض اهو عمره25 وانا 22 وتقدملي بأجازة الصيف الولد اناااااااا اعرفه اكثر من نفسي من غير مدح كامل والكامل اللهولما تقدملي اكثر وحده استانست امي الله يخليها عشان اعيش عندها بس المشكله ابووووووووووي ماتوقع يبيني اتزوج انقليزي واعيش بعيده عنه:eh_s(1): طبعا عطيته مقدمات وجذي سوالف وعصصصب حيل وتضايق بعدها راضاني وكلمني قال مابيج تشوفين اللي شفته ولاتعيشين اللي عشتهولا تتعبين بحياتج بس يياربي ابيه ومابي اقول احبه بس ابيه ابييييه واهو حييييل متعلق فيني يمكن لاني مو معطيته ويه بالنسبه لاخوي موافق لانه رفيجه حيل

ادري قرقت بس الحل شنو اوافق ولا لا امي تقول انها بتكلم ابوي وان ماله حق يرفض ويتدخل بحياتي انا والله مرتاحه مع ابوي حيل مايرفض ولااااا طلب اللي ابيه موجود سيارة سفرة وغيره بس عشان مايخسرني انا واخوي:0bee2e8d89:

للعلم انا عندي جنسيه وجواز بريطاني لاني مولوده اهناك انا واخوي

ابوج ابوج ابوج ابوج
ابوج اهو الاهم كفايه انه قضى عمره من غير ما يتزوج لا تخسرين ابوج ترى لو تتزوجين قصب عليه و الله تندمين
نطري لين اييج نصيبج و ان شاء الله الله يرزقج بالزوج الصالح ويكون كويتي علشان تكونين يم ابوج
امج واصليها لا تقطعينها بس لا تتزوجين ولد خالتج و ابوج مب راضي و انتي قلتي ان ابوج عصب يوم قلتي له هذا يعني انه واااااااايد يحبج و خايف عليج و خايف انه يفقدج
واذا ابوج ماله حق يتدخل في حياتج عيل من اللي له حق هذا ابوج اللي رباج و تعب عليج له كل الحق انه يتدخل بحياتج
و انتي تقولين انج مرتاحه مع ابوج و ما يرفض لج طلب عشان ما يخسركم فانا ارجوج ارجوج لا تغضبين ابوج
الله يخليكم لابوج و يخليه لكم و ان شاء الله تربيته لكم ما تضيع
هذي رايي و انتي حره بقرارج
الله يوفقج

 

[Mrs_Orchidia]

و الله انا اقول و قول الله أبرك

اقول انج تستخيرين .. و بنفس الوقت وازني امورج .. و لا تاخذج الرومانسيات وايد


ما تخافي زوجج باجر يمل من الاسلام؟ و يقرر يرد على دينه .. باجر بالغربة من وراج؟
عيالج .. جناسيهم بتصير بريطانية .. انسي ياخذون الكويتية

حبيبتي صح ان امج اجنبية .. بس انتي كويتية و بنت الكويت .. مو سهل انج تطلعين من هالحياة "للأبد"
و رضى ابوج واجب عليج ترى .. تقولين ما يرد لج طلب .. ترضين تكسرين بخاطره جذي؟ حرام عليج مسكين

حطي رضى ابوج بين عيونج و لا تنسين تستخيرين
:aha:

 

[اميرة-الاحجار]

لا تغصبين ابوج ومدام ماتحبينه ذاك الحب الانتحاري عيل طيعي ابوج وبلا عيشة تمرمط

 

[ضايعة بدنيتي]

رد : ّّ ودي اوافق بس خايفه اغضب ابوي تعبت ّّّ

حبيبتي حطي في بالك شغلة مهمة . رجال بداله الف رجال . لكن ابوك ما لك الا هو في الدنيا ما لك الا رضاه . فكري في الموضوع من كل الجوانب وبالعقل ولا تاخذك العاطفة .
فكري كيف بتتعايشين معاه وانتي مسلمة وهو غير مسلم وبيسلم عشانك بس عاداته وتقاليده حيييل مختلفة عنك حتى لو كنتي متحررة . يعني هم عادي الاختلاط عندهم بشكل مستهان فيه . مبادئهم في الحياة عكس مبادئنا احنا يالمسلمبن . كيف بتربون عيالكم ؟ شنهي المبادئ والاسس الي بيكبرون عليها ؟ كيف بتقدرين تعيشين بعيد عن ابوك وديرتك وللأبد ؟ حتى لو بتكون في زياارات بتكون قصيرة . في امور كثيرة حبيبتي لازم توزنينها عدل قبل لا تقررين . وهو حاولي تعطينه كتب وتخليه يقرا ويتعمق في الاسلام اكثر قبل لا يسلم كلام وخلاص ترى ما يجوز حبيبتي مو بمجرد ما قال الشهادتين خلاص اسلم . لازم يغير معتقداته ويصدق بالله وحده سبحانه لا شريك له كثير اشيا لازم تتغير وتكون ايجابية بعدين ابوك صدقيني لو شافه كذا راح يوافق لانه بالنهاية يبي سعادتك . انا اقول اصبري شوي لا تستعجلين حاولي تضبطين الامور من كل صوب واولهم ولد خالتك . وربي يكتب لك الي فيه الخير والصلاح .

 

[ألماس q8]

والله اخذي رااااي ابوج ابرك

ابوج يشوف نظره بعيده بالمستقبل شنو بيصير اما انتي عكسه ماخذتج العاطفه اكثر

عموما الله يكتب اللي فيه خير والله عالم وين نصيبج

 

[- دنيا الوله -]

رد : ّّ ودي اوافق بس خايفه اغضب ابوي تعبت ّّّ

شنو يعني بتتزوجين واحد كافر ؟ ! وتفكرين بالموضوع ؟!
اعتقد والله أعلم ان حرام البنت تاخذ غير المسلم ولكن يجوز للرجل يتزوج من أهل الكتاب !!

فالسالفه من البدايه شلون تاخذينه واهو مو مسلم !! اذا مسلم ماشوف فيها شي بالعكس عادي حاله حال غيره
بس اذا لا !! امبيه شلون ترضين انتي اصلا؟

 

[ShoSho_4]

حبيبتي لو انا مكانج ما اوافق
1- مو مسلم وحتى لو بيسلم يسلم عشانج .
2- ابوج مو راضي واكبر غلط وراح تندمين عليه اذا بديتي ريال على ابوج هذا ابوج عزوتج صار ما صار بيقولج هذا اختيارج لازم تفكرين لي جدام وتفكرين بمستقبل عيالج .
3- فكري ابوج حرم نفسه وما تزوج عشانج .
4- ابوج انسان جرب واسأل لمجرب واكيد يحبج ما يبيج تذوقين الي ذاقه.
5- تزوجي كويتي وبموافقة ابوج ورضاه احسنلج لانه صار ما صار محد بيوقف معاج غير ابوج .
6- روح بعيد وارجع سالم اذا تزوجتي ولد خالتج وصارت بينكم لا سمح الله مشاكل امج اه من بطني واه من ظهري ما تدري توقف معاج والا مع ولد اختها وتفكر ما تبي تخسر اختها .

والله يوفقج وايسر امورج يارب :*****

 

[الاميره وبس]

لا حبيبتى
الاسلام كرم المراءه
هذا بكره يوديك شقق عند خوياه واصدقاه عادى عندهم
لا ياختى راي من راييك ابووك وبقوووووووووووووووووه

 

[a7la MUM]

رد : رد: ّّ ودي اوافق بس خايفه اغضب ابوي تعبت ّّّ

ابوج ابوج ابوج ابوج
ابوج اهو الاهم كفايه انه قضى عمره من غير ما يتزوج لا تخسرين ابوج ترى لو تتزوجين قصب عليه و الله تندمين
نطري لين اييج نصيبج و ان شاء الله الله يرزقج بالزوج الصالح ويكون كويتي علشان تكونين يم ابوج
امج واصليها لا تقطعينها بس لا تتزوجين ولد خالتج و ابوج مب راضي و انتي قلتي ان ابوج عصب يوم قلتي له هذا يعني انه واااااااايد يحبج و خايف عليج و خايف انه يفقدج
واذا ابوج ماله حق يتدخل في حياتج عيل من اللي له حق هذا ابوج اللي رباج و تعب عليج له كل الحق انه يتدخل بحياتج
و انتي تقولين انج مرتاحه مع ابوج و ما يرفض لج طلب عشان ما يخسركم فانا ارجوج ارجوج لا تغضبين ابوج
الله يخليكم لابوج و يخليه لكم و ان شاء الله تربيته لكم ما تضيع
هذي رايي و انتي حره بقرارج
الله يوفقج

معاها[/color][/size]