~~ًَ~~ ياللي خذيت قلبي هاته قبل لا تروح ~~ًَ~~

[استبرق أم علاوي]

غلاي

تو الناس يمكن اخلصه 2 او 3

 

[white**angel]

نااطره البااارت

 

[استبرق أم علاوي]

محطة البانزين بين ادنبره والارياف - الساعه 1 الظهر

ام محمد وفاطمه وروان كانو يتسوقون بالسوق اللي يم المحطه عقب ماخلصوا راحو مكان اااللي الباص كان واقف بس مالقوه ونصدمو راحت فاطمه تدق على حمد اخوها من اقرب تيلفون لانه تيلفونها مافي شحن وروان وام محمد ظلوا بمكانهم وسمعوا واحد وراهم يتكلم : السلام عليكم

التفتو وشافو شاب طويل ولابس دشداشه وشماغ وملامحه مبينه انه سعودي

ام محمد: وعليكم السلام يا هلا آمر

السعودي : يا خاله محتاجه شي شكلكم ظايعين تراني بالخدمه

ام محمد : والله ياوليدي باصنا كان هني رحنا نتسوق ويينا ماشفناه

السعودي : باصكم اسود؟

روان : اي

السعودي : من دقيقتين مشا أجل خلوني اوصلكم اكيد راح نلحق عليه بالطريق

ام محمد : وشلون توصلنا

السعودي : بسيارتي , انا مأجر سياره

ام محمد : الله يجزاك خير ماقصرت بس اخاف انأخرك

السعودي : لا تأخير ولا شي , تفظلو معي

روان : لحظه خالتي خل انادي فطوم

ام محمد : بسرعه لا تتأخرين

راحت روان نادت فاطمه - وفاطمه كانت توها بدق على حمد

روان : فاطمه شيقول حمد

فاطمه : ليلحين ماكلمته مو راضي يلقط الخط

روان : انزبن احنا شافنا واحد ويقول بساعدنا وهوا اللي بيوصلنا

فاطمه : روانو وانتي تثقين بأي واحد

روان : شكو اهوا كلم خالتي وهيا قالت انه بنروح معاه , انزين يالله عاد لا نتاخر

فاطمه : يالله يالله خل اشوف منو هذا

راحو عند ام محمد وشافت فاطمه الريال ومبين انه محترم من اول ماياو البنات نزل راسه - ركبو السياره

السعودي : خاله انتم عارفين وين بالضبط شاليهكم

ام محمد : والله ماادري , اتعرفونه يا بنات

روان : اللي انعرفه b2

السعودي : جد والله حنا سطرتكم أجل

مشت السياره وروان كانت ورا السعودي وكانت سرحانه والسعودي كان بيطال بالمنظرا السياير اللي ورا وصارت روان في ويها انبهر بجمالها
وقال في نفسه : ماشاء الله جميله وشكلها حزينه ومبين من عينها الارهاق وتعب الطريج << شاف سواد الكحل
رفعت روان عينها وطاحت عينها بعينه ارتبكت بس اهوا مابينلها انه قاعد يطالعها بالعكس طالع السياير اللي ورا

ام محمد : اقول يا وليدي

السعودي<< مبتسم : معاج عبالعزيز

ام محمد : والنعم والله , مطوليين يا وليدي

عبالعزيز : ربع ساعه بالكثير

وبالطريج شافو سياره ماره يمهم فيها محمد وبومحمد وحمد

روان : لحظه لحظه كا عمي لحظه

وقف عبدالعزيز ورجع وهوا يطق هرن حقهم التفتو وشافو روان وفاطمه قاعدين يأشرونلهم - ابتسم بومحمد عقب ماكان مخترع انه يضيعون - وقفو بطرف الشارع ونزلو البنات وام محمد وركبو مع بو محمد ونزل بومحمد يكلم عبدالعزيز

بومحمد : السلام عليكم

عبدالعزيز : وعليكم السلام عمي

بومحمد : مشكوووور الله يعطيك العافيه

عبدالعزيز : الله يعافيك عمي هذا واجب شفتهم تايهين وقلت لازم اساعدهم

بومحمد : والله احنا بدولة غربا زين في عرب الله يابك ولا جان ظاعو الاهل

عبدالعزيز : واجبنا عمي

بومحمد : تفضل عندنا على الغدا

عبدالعزيز : مره ثانيه عمي

بو محمد : مايصير اتطق كل هل طريج وترد بدون مانظيفك لا مو قبول

عبدالعزيز كان يشوف روان بسياره مطلعه راسها من الدريشه تسمع الحوار وكان شكلها وايد حلو ويونس فقرر يقبل طلب بومحمد بس مو اليوم لانهم توهم واصلين عشان يتعرف عليهم أكثر

عبدالعزيز : يا عمي انه لازم ازوركم بس انتم توكم واصلين ارتاحو وابشر ان شاء الله اجيكم

بومحمد : باجر لاااازم تتغدا عندنا والحين تعال بس دل الشاليه كاهو حذفت عصا

عبدالعزيز : ان شاء الله

صعدو سياريهم وعبدالعزيز يفكر بروان شكلها حبوبه وونيسه - بسيارة بومحمد كانت ام محمد تعاتب بومحمد
ام محمد : ليش هديتونا ومشيتوا ماتتفقدونا انتو

بومحمد : هههههه اعصابج , انتو الله يهداكم بطيتوا وقلنا الكل ركب قالت هاجر اي ولمن جريب نوصل قالو انكم مو موجودين وصلناهم ورجعنالكم بالسياره

فاطمه : هذي سيارت منو ؟

محمد << التفت عليها : انا اجرتها حق الطلعات عشان اقز فيكم

حمد : والبنات شكو احنا وين رحنا لمن نخلص طلعاتنا ايصير خير

فاطمه : يا سلام لو مو مأجرينها أحسن

روان : اي والله

كلهم التفتو على روان مستغربين النها قالتها بنفسيه - وصلو الشاليه نزلت روان اول وحده وراحت حق ابوها حظنته

روان : يبا انتو شلون مشيتو عنا ها اكو ابو ينسى بنته

عبالهادي : هههههههههههه تدودهنا ماشاء الله شكثركم

هاجر : قول لا اله الا الله , قل اعوذ برب الفلق

بو محمد << يكلم عبدالعزيز : تفضل تفضل

هاجر << تساسر فاطمه : منو هذا

فاطمه : عجبج

هاجر : ذلفي ذلفي طاع انا منو سألت - روانو منو هذا ؟

روان : تعالي هناك يم الحوض اسولفلج بالهواء النقي

هاجر : ويييييييه صارت رومانسيه الاخت فطوم شمسوين فيها

كلهم : ههههههههههههههههههههههه

في صالت الريايل قعدوا يسولفون مع عبدالعزيز ويتعرفون على بعض

عبدالعزيز : شوف ياعمي انا قبلت دعوتك وابيك تقول تم

بومحمد : تم

عبدالعزيز : لازم عقبها تتفضلون عندنا تتغدون

بومحمد : هههههههههههههه مانبي نسويلكم زحمه

عبدالعزيز : لازحمه ولا شي وانت قلت تم

بو محمد : ابشر طال عمرك

عبدالعزيز : تسلم يا عم انا الحين استأذن لاني اتأخرت على الاهل

بو محمد : اذنك معاك

طلع عبد العزيز معاه محمد وعبدالله ريل منال يوصلونه سيارته

عبدالله : وين صاير شاليهكم

عبد العزيز : حنا بعد شاليهين من شاليهكم b 4

محمد : قريب زين عيل لازم انشوفك

عبد العزيز : ابشر , يالله مع السلامه

محمد / عبد الله : مع السلامه

عبد العزيز ركب سيارته وهوا يشوف روان من بعيد قاعده تسولف وتشرح حق البنات ابتسم على حركاتها حس انها عفويهشغل سيارته والتفتو البنات

هاجر : روانو قعدي فشلتينا مرتزه قباله

أزهار : انا بقول شي بس ما ادري يمكن يتهيأ لي

هاجر : شنو تهيأتج

أزهار : جنه كان قاعد يطالع روان

روان : لا حرام لا تشكين فيه

فاطمه : اصلن اهوا لمن يينا بنركب السياره نزل راسه

هاجر : عيل يتهيألج

أزهار : الظاهر

عبد الله وقف يم دخل داخل وصعد غرفته ووقف بالبلكونه ويفكر بغدير
" انا شلون طاوعت نفسي وعطيتها الرقم , وحتن لو اهيا قصدها عني ومعجبه فيني انا شعلي منها عندي منال مو مقصره معاي , ليش خليت الشيطان يقص علي , اذا دقت ماراح ارد عليها "

منال : اللي ماخذ عقلت يتهنى فيه

عبدالله<< يلتفت عليها : انتي

منال : يبختي يبختي من ادي

عبد الله : تعالي شوفي المنظر من هني جنه جنه

منال : طاع جبور ونصور من وصلنا وهما يلعبون كره

عبد الله : شافو المساحه كبير واستغلوها

-------------------------------------

البنات كانو قاعدين عند حوض السباحه يسولفون وشافو رغد طلعت من الشاليه وراحت خذت بنتها كانت تلعب ودخلت داخل الحقتها فجر ودخلت داخل ورغد توها بتصعد

فجر : رغد
.
.
.
.
يتبع

 

[white**angel]

ونااسه حلاته تعطيها زفه محترمه تقهر هالرغد

 

[جنان الغدير]

أم علاوي حبيبتي

تكفين حطي بارت اليوم ما عندي شغل اجازة وراحة بقعد اقرأ التكملة

يلا عساش عالقوة :edbf4317b9:

 

[مشتاقة الى الله]

ناااااااااايس

وايد وايد روعة

يالله ننطر الباقي عافية مو تتاخرين​

 

[غمـــ ^^ ـــازه]

وي فجر لاتبيعها وتقولها @@

يعطيج العافيه عالبارت وناااطرييينج :*

 

[جنان الغدير]

ام علاوي

اليوم راح نقرا بارت جديد ولا لأ

علشان إذا ماكو بارت اليوم

بروح البر

حسافة ما عندي ايغو شان خذيت اللاب توب معاي

تكفين الحين حطي بارت جديد وطويل بردي قلبيييييييييييييي يا قلبي انتي:bye22:




:nbvppw:

 

[فوز وفواز]

خووووووش بارت ميرسي ام علاوي وناطرين اللي بعدو بلييز لاتطولين

 

[noof>>]

يعطيج العافيه

 

[انا خطر]

ناطرينج

 

[miss fa6om]

يعطيييييج العافاية مشتهيه بااااااااااارت طويييييييييل >> طماعة

 

[غلاي غير]

مشكووووووووووووره ام علاوي

 

[Jandi]

ثانكس على الرواية مررة روعه

ام علاوي الله يخليج بليز نزلي بارت, لأن ما راح اشبك الا بعد اسبوعين ونص >> اختبارات ><!

 

[♥ الــزيــن ♥]

ناطرينج حبيبتي

 

[white**angel]

ام علاوي ناطرين البارت

 

[miss fa6om]

ام علاوي وغلاات علاوي حطيلنا بارت

 

[كاسبرينوو]

ناطرينج حبوبه

 

[warood]

Um 3alawi 7yaati plz mu tet2a5erain 3alaina!! ana ma 9adagt a5ali9 exams 3shan ajaabil il lap o agra 8e9a9 o atharii maku shay ydeed :080402ask_prv: plllzz mu tet2a5eraain ;* Na6ryynich 7yaatii ,, Fdaitich ;*~

 

[!pink-card!]

waiting