رد : يوووميااات بنات الميداني 
الله يوفقكم
نصيحة بنات لا تخافون ولا تحاتون ترى والله ما يسوى انا كنت قبلكم جذي احاتي وافكر وحالتي حالة
والله ما سوت علي كنت كله مجابلة اللابتوب واعصب اذا احد كلمني وما كنت مهتمة بروحي لا اطلع لا استانس
واخر شي خذيت جيد جدا على كل هالمحاتاة والله انقهرت مو عشان ماخذه هالدرجة لا عشان اهملت نفسي وحتى اهلي
والحمدلله معدلي ثبت وحتى اذا يبتوا امتياز ما راح يرتفع وايد تقريبا 10 نقاط انا ما ابي احبطكم بس الي ابيه انكم تهتمون
بعمركم وبصحتكم وترى القلق والتفكير اييب الامراض اهم شي تسوون باللي يرضى الله بس لا تهتموون بالمشرفات ما يعجبهم
العجب بس اهم شي اتييبون وسايل وتشرحون وهذا كافي اما ابداع وابتكار وخرابيط مالها داعي سووا اشياء بسيطة لا تعبون مخكم
وجيبكم وبغمضة عين راح يمر الكورس وان شاءالله سهالات عليكم يارب واتمنى انكم تاخذون بكلامي لان انا تحسفت اني ما سمعت كلام
الابلات الي معاي والحمدلله صارلي سنة متوظفة وقاعدة اسوي شي يرضى الله واليهال
وبس اما الادارة والمشرفات فمعطتهم طااااااااااف
