يوم طلعتي معاه عقب الملجه شلبستي ؟

[vanilla-D]

السلام ليكم و رحمه الله و بركاته
عقب الملجه راح اطلع مع ريلي يبيلي جم بدله ذربين
بنات حدي متوترا انا ما اعرف حق اللبس الرسمي ستايلي كله جينزات و تريننقات أوف ما اعرف من وين اشتري و شنو اشتري ولا أخيط تكفون حطو صور أنتو شنو تلبسون لما تطلعون معاه

 

[حشمه]

رد : يوم طلعتي معاه عقب الملجه شلبستي ؟

انا عن نفسي لبست تنوره مع جاكيتها عملي وناعم

لان الجاكيت كان جنز بس فيه شغل

واما انتي حسب ستايلج وذوقج تقدرين تلبسين

النفانفيس الناعمين او تلبسين قميص فخم مع بنطرون

لو مو حابه تلبسين تايور لان الحين صراحه

اشوف القمصان صارو فخمين وتقدرين تلبسينهم

مو بس للجينز بس بنطرونات ناعمه وتركب

عندج مثلا انوتا لو تدورين تلقين تايورات ناعمه

وعندج محلات القسم اليديد بالافنيوز عندهم شغلات حلوه

والله يوفقكم

 

[حرم_طيار]

رد : يوم طلعتي معاه عقب الملجه شلبستي ؟

هلا حبيبتي انا اول يوم خذت لي بدله من الاسطورة و لبستها

 

[كويتيه قطوه]

انا بصراحه ريلي خجول فماطلعت معاه ماعدا ايي البيت بس نصيحه روحي انوتا دبنهامز تلقين بلايز تصير طويله وفيها شغل ناعم ومبروووك

 

[الأميرة جوري]

رد : يوم طلعتي معاه عقب الملجه شلبستي ؟

لبسي بدل كشخه مع اكسسورات راقيه ...او بدل رسميه

 

[فوشيه عجيبه]

من حزب الطماشه
و موفقة يا رب

 

[][ sarah ][]

انا بعد من حزب الطماشه
بس حبيبتي عادي مو صعبه السالفه , بس انتي لاتبالغين باللبس يعني جنج رايحه عرس ولا انج تلبسين لبس عادي حييل

راعي هم المكان اللي تبين تروحينله

وحوسي بقسم الازياء اتوقع راح تلقين اللي يناسبج

 

[عصير توووت]

انا شريتلي نفنوف قصير اوف وايت كشخة من hoss الافنيوز تحت يم باتجي و ركبت عليه بنطرون من زارا بيج. و جذي او روحي الاسطورة محلاته كشخة و اهم شي لبسي اول يوم فاتح عشان تبينين عروس والله يوفقج

 

[angell]

رد : يوم طلعتي معاه عقب الملجه شلبستي ؟

حبيبتي انتي الحين عروس اذا كانت طلعتج معاه صبح او نهار خلي الوانج فواتح ابيض وردي وخلي تنوره وبدي او ستره كشخه والافضل مو جنز ومكياج الوان فواتح وردي برتقالي واذا باليل خلي الوان داكنه بس فيها شغل او القماش في لمعه وكعب ومكياج اوفرر وانشاءالله مايشيل عينه من عليج الله يسعدج

 

[غمزة خجل]

رد : يوم طلعتي معاه عقب الملجه شلبستي ؟

مبرووووووووووك حبوووبه


انا عن نفسيي لبست بدله ناعمه

لبسي بنطلون لانه هذا ستايلج وبدعي بالبلوزه

او لبسي بدله كامله ناعمه والونها فاتحه وردي

وحاسبي الوقت ليل ولانهار والمكان شوفي وش يصلح معاه لبس

لاتكبرين السالفه ولاتبالغين بالبس والاكسسوارات خلج نعومه

الله يووفقج

 

[*أم*خالد*]

الله يوفقج

 

[vanilla-D]

رد : يوم طلعتي معاه عقب الملجه شلبستي ؟

اجمعين يا رب مشكووورييييييين كلكم

 

[AnArI]

رد : يوم طلعتي معاه عقب الملجه شلبستي ؟

حبيبتي اخذي لج بدله من الاسطوره او من المحلات الكشخه الغاليه انتي عروس لازم تكشخين لان العين راح تكون عليج وانصحج روحي الاسطوره وشوفي
الله يوفقج ان شاءالله ويسعدج

 

[الـــغـــلآ]

رد : يوم طلعتي معاه عقب الملجه شلبستي ؟

مآدري بس بالنهآيه خلييج حلوهـ و طبيعيه

 

[أحلى عروس 2012]

رد : يوم طلعتي معاه عقب الملجه شلبستي ؟

خليجي رسمية
احسن لج