يوم دراسي جديد

[PuPa^^SWeeT]

السلام عليكم


كيفكن صبايا




المهم باجر انشالله دوامنا و انا بروح اتسبح و انام


ادري بحوشني قلق اليوم الاول لووول


باجر انشالله لقاءنا مع المدرسات و الاداريات



باجر اول ماتدشين النت تفتحين هالموضوع

تكتبين متى قعدتي من النوم شنو مكياجج شنو لبسج


متى طلعتي

اول ماوصلتي شنو سويتي


اول وحدة سلمتي عليها

شلون قسمج اللطيف


باقي الاقاسام شلونهم



شنو سوالفكم شنو دردشتكم ولما رديتو البيت شنو سويتي



شنو غداكم


لوووووووووووووووووووووووووووووووووووووووووووووووول




اوكي انا بخليه الموضوع الحين باجر بشبك وانشالله اشوفكم رادين عليه


ولا ترا ازعل <<< خوش ابلة




يالله تصبحون على الف خير



لوف يووو


​

 

[jen2n]

اممممممم والله بيرحون الدوره مالهم مشاركه بهالموضوع؟؟

وموفقين يارب

 

[منال القلب]

وانتي من أهله..
أنا الظاهر من الحماس مافيني نوم..
وكل شوي انحصر واروح الحمام وانتوا بكرامة >> لما اتحمس انحصر ليش مادري لووووول

 

[ترف بابا]

رحت الصالون وكملت باجي الاعمال

بس للحين ماخترت البدله !

 

[ترف بابا]

وانتي من أهله..
أنا الظاهر من الحماس مافيني نوم..
وكل شوي انحصر واروح الحمام وانتوا بكرامة >> لما اتحمس انحصر ليش مادري لووووول

وااااي

منال القلب توني انتبه شنو كاتبه


مش معؤؤؤوله انتي ههههههههههههه

 

[PuPa^^SWeeT]

لووووووووووووول منال عيل لاتاخذين درس ريادي لوول


ترف البابا زين سويتي





جنان لا لهم رب ليش لا




المهم انا اليوم لبستلي بلوزة حرير من ديزل بنصل صورتها بعد شوي بقسم الازياء
تحتها بدي وردي فاتح
وجينز علشان ماتوسخ بنطلوناتي


شيلة سودة طبعا ضايق خلقي لووول



وحطيت ميك اب كحلة سودة خفيفة و شدو بني و كريم حماية و كونسيلر و مسكرا و حمرة وردية




اول مادشيت سلمت عالناظرة و الاوكيلات



بعدين صعدنا فوق الا الغرفة مغبرة جنه طاق عليها ثلج بيجي لوول


نزلنا قعدنا بصف من الصفوف



وسولفنا القسم كله حلييو و يهبل



بعدين ردينا بيوتناا عال11:30

يعني داومت من ال9 لين 11:30


حدي دايخة بس بناتي مايبوني انام

 

[بنات حواء2]

هوهو ليش ضقت الخلق بنات خلكم فريش
انا اليود داومت الدوره قمت الساعه 6 و نص شربت كوفي و اذا بها العمه مشرفه من بعد انقطاع 3 اشهر لا تستغربن انا جذي عمتي ماتيي بانتظام و لمن اروح اسوي تحاليل يقولولي مافيج شي بديت اصدق ان مافيني شي عمومن يت و ارتحت
المهم مو خوش مزاج من الصبح و اول يوم دوره و العمه مو مشكله شربت قلاص كوفي
حطيت ميكاب ناعم مع شوية اي شدو سلفر و لبست بدي بنفسجي و بنطرون رمادي و سكارف من شنيل لونه عجيب
و حقيبتي و حذائي شنيل لونهم لحمي
و الملفع رمادي
رحت الدوره و مثل مارحت رديت حجي فاضي و مكرر بس

 

[fri2010]

تكتبين متى قعدتي من النوم شنو مكياجج شنو لبسج

قعدت من النوم واصلا ما نمت الا ساعه ونص الساعه 6

مكياجي كان اي شدو بيج واي لاينر داخلي وخارجي وقلوس

لبسي كان جمبسوت اسود وفوق تونز اسود مشير بوردي وبيج

وشوزي وردي وجنطتي بيج وشليتي سودااا ههههه

ونظارتي الطبيه الحلوةةة



متى طلعتي

طلعت الساعه 7


اول ماوصلتي شنو سويتي

وصلت الساعه 7 وربع سلمت على الحارس دخلت المسرح سلمت بطاقه الدخول قعدت على الكراسي عشان دورة المعلمين اليدد



اول وحدة سلمتي عليها

هههههه اول واحد الحارس والثانيه وحده من زميلاتي بالكليه


شلون قسمج اللطيف

والله امبين على المعلمين اليدد خوش ناس



باقي الاقاسام شلونهم

للحين ما رحت مدرستي وما ادري شنهي هههههههه


شنو سوالفكم شنو دردشتكم ولما رديتو البيت شنو سويتي

ما سولفت الا بوقت البريك مع رفيجاتي وهم كانت عن الدورة شنو خذو شنو سوو ولما رجعت البيت صليت الظهر ونمت وقعدت الساعه 4




شنو غداكم

والله ما تغديت


ومشكورة على الموضوع

 

[ذكريات عشاق]

نمت 2 وقعدت الساعه6
قمت على ماغسلت وطبعا تفس حاله ام زنوب شرفت علي الدورة
ولبست عباييه في تطريز اسود مع شيله ساده
مكياجي كريم اساس ناعم وعدسات فرش لوك رمادي ماسكارا وكحل ابيض داخل العين واسود من على الطرف
حمرا ورديه وبلاشر لحمي
والشوز اسود والجنطة بيج
دشيت سلمت على الحارس
وصلت تقريبا 8
دشيت المسرح قعدت بالسطر الخامس
ونطرنا لي 9ونص ياله بدت الدورة

ورديت البيت 12 والساعه 1 رحت للسينما وتغديت ساعه4 بيتزا

 

[^^ريهام^^]

ما نمت رحت مواصلة

كنت تعبانة (شرفت الدورة قبل الدوام بيوم)

طلعت البيت الساعة 8ونص ووصلت الساعة 9

كنت لابسة عباية وما حطيت مكياج بس كريم حماية بصراحة مالي خلق ابد

سلمت على المديرة والوكيلة ومريت الاقسام وسلمت عليهم وبعدين رحت لقسمي ما لقيت فيه احد ( بس انا مداومة) رحت قعدت مع قسم علوم الاسرة, وبعدين طلبو مني شغل حق الدور الثاني

انا دايما جذي او اسبوع دوام مالي خلق بس بعدين اتعود

 

[مشغوله و محتاسه]

تدرون شنووو ابيخ شي ؟؟ انج تكتبين رد طويل و مفصص و ملون و ينمسح :eh_s(22):



المهم يا حلوين ..


اليوم وصلت دوامي 8 او 8 و ربع



المدرسه فيها صيانه .. عمال رايحين رادين
و شكلها ما راح تخلص على بدء دوامات الطالبات
بس لما تخلص ان شاء الله راح تكون شي جميل و يفتح النفس .. النظافه و التجديد حلوين يا جدعاااان



سلمت على الحارس اول خو مرتز عند الباب ... و عطيته نصيبه من القرقيعان .. شايلته له من قرقعنا ..


و خلصت كمية البوس المقرره لمثل هذي الظروف


ما دخلت للقسم .. ادري غبار و عمال و لويه ... قعدنا بالاداره و عالتسع ونص حطينا القهوة و الجاي تسلينا فيهم << هبة ريح ماخذه قهوتي من اول يوم ادري المخ يقفل شوي يبيله انعاش :eh_s(22):



رديت البيت مستويه من الشمس ... حرررر و للاسف حتى مو فاتحه الدرايش شوي ... لاهوب استغفر الله

صليت ... و ريحت شوي و انسطلت سويعه من اثر الحر و التعب .. عقب تغديت و نمت بضميييييييييير



اممممم شنوو بعد ؟؟

اي .. غدانا صينية دياي بالفرن مع شوية عيش لليهال ..

:rerrerek:


و بس سلامتكم

و كل عام و انتي و كل المعلمات بالف خير

 

[PuPa^^SWeeT]

بنات يسلمووو عالتفاعل

 

[ملآمح يوسفيه]

,
السلآم عليكم ورحمه الله
اول يوم بالنسبه لي كان متعب
صج ماكو شغل
بس اذا مو نايميه تتعبين ومع الصيامه
انا نمت بعد صلاة الفجر وقعدت 6
لبسة عبايه لان مالي خلق قلت يمكن ساعتين ويطلعوناا
وصلت 7 وربع
وانصدمت بواقع مرير انه ما طلعتنا الا وحده الا ربع

 

[PuPa^^SWeeT]

ويييه عيل مدرستنا اتهبل


بس ساعتين خلونا انداوم

 

[وحدة من الناس *]

وين صايره مدرستكم جود نتوظف فيها لووول

 

[¤§ زيتونة §¤]

مرحبا حبايبي
شلونكم

كل عام وانتم بخير وعام دراسي موفق للجميع باذن الله



انا قعدت ست ونص خذيت شور للانعا ش والحيوية والنشاط لاني مو نايمة الا ساعتين تقريبا

لبست بدلتي الحلوة جيبكلوت بيج مع توينز بني كلهم سادة وملفع مشير جوتشي

طلعت من البيت ثمان الا ربع ووصلت الا خمس لانها يم بيتنا بس للاسف مافي مجال اروح مشي جان رحت هههههههههه

الحمدلله دخلت ولا الاقي جم وحدة من قسمنا سلمنا بحرارة حاارقة ههه

وكملت السلام عالباقي من الاقسام الثانية والله ياحلو الابلات ويا حلو سلامهم

وبعدين ارتزينا عند باب الادارة جنه لجنة استقبال وترحيب

وبعد ما اكتمل عدد معلماتنا وكلهم حضرو رحنا هجمنا على غرفة الوكيلة وقعدنا فيها لان كل الغرف والصفوف تحت الصيانة

وقعدنا وسولفنا وفضفضنا عما يجول في خاطرنا <<<<< اتعب عاللغة العربية

ويوم يات 11 الا ربع بشرونا الطلعة 11 ونلبس عبينا ونستعد للانطلاق للبيت


وانطلقنا بحمدالله الى البيوت وسويت غدانا عيش ومرق بامية دياي وتغدينا ونمت وقعدت عالاربع وشوي ورحت السوق قزيت شوي ويبت جم غرض حقي وحق بنتي للدوام وردينا بالسلامة الى احضان بيتنا بيت العز يا بيتنا



وجهزت ملابسي حق باجر نفنوف وبدي تحته واكسسواري وساعتي يم حمرتي وكحلتي وكريمي وبسسسسس


وسلامتكم

 

[PuPa^^SWeeT]

توني اليوم سويت اخلاء طرف بس باقي توقيع المدرسة الاولى

باجر من الصبح اخلاء طرف انشالله بعديين بروح اشوف انقل بنتي يم مدرستي اليدييدة انشالله

 

[PuPa^^SWeeT]

ايي نسيت اقولكم امس مسوية دياية مشوية بالفرن مع عيش و سلطة


اليوم سويت صينية هوت دوج بالبطاط حق اليهال وانا تريقت بالدوام

 

[ذكريات عشاق]

قعدت 6ونص وعلى ما قمت وغسلت ولبست الا السعه7ونص طلعت منن البيت وصلت 8الاخمس ووقعت الحضور
وقعدت بالدورة
لبست عباية وشيله ومكياج خفيف


تغديت عيش ودياي
وانسدحت شفت االارض الطيبة
وبعد شوي بروح اشوف اغراضي لباجر بجهزهم عشان الصبح لازم اقوم مبجر والبس بسرعه لان قالوا بعد 7ونص راح نعتبركم تاخير

 

[غلا التركي]

بالتوفيق انششششششششششششششششالله وعام دراسي جديد