يوم العيد ...حمولتج والا أهلج

[حجيه هيونه]

اهلي وبس والباقي خس لووول

اهلى لانه ماكو حموله ولله الحمد

 

[وجدان الكويت]

ابيت اهل زوجي بعدين اروح لاهلي

 

[fulla.81]

بما اني عند حمولتي فأعايدهم قبل والغدا عند أهلي أكيد
والله جو العيد عند حمولتي يمرض .. مووو شي

 

[أنفاسي دخون]

عقب صلاة العيد على طول نتجمع عند حمولتي وعقبها نعايد اهلي مرات عقب الغدا ومرات قبلها على حسب الظروف

 

[الصعيريه]

رد : يوم العيد ...حمولتج والا أهلج

كل أيام العيد ببيت أهلي وطلعاتي مع زوجي او خواتي

 

[اميره1980]

انا بس مالجة و للحين عند اهلي
بس لو كنت مو عندهم على حسب نتفق كتى نتجمع كل العايلة مع بعض
بس لو على الاقل ازور و ارجع و العزيمة الكبيرة بوقتها

 

[كويتيه79]

رد: رد : يوم العيد ...حمولتج والا أهلج

اول شي حمولتي اسلم عليهم اقعد اشويا واطلع اروح بيت اهلي
والغدا فبيت اهلي بعد

:tongue22:

 

[احب المنتدى]

رد : يوم العيد ...حمولتج والا أهلج

بما اني ساكنه عند حمولتي
اول شي اروح اصلي صلاة العيد بعدين ارجع و البس و اتكشخ و انزل عندحمولتي اقعد ساعتين او ثلاث بعدين اروح ليدتي
و الغذا مايحتاج اكيد عند

الماما الله يخليها لنا يااااااااااااااارب و يطول بعمرها

 

[احساس امومة]

رد : يوم العيد ...حمولتج والا أهلج

انا ساكنة بيت حمولة ..... واول يوم عيد قاعدة ما اطلع لان امي وابوي ما يقعدون بالبيت اول يوم ..يفرون عل البيوت يعايدون .. مرات اروح معاهم اذا ما عندي ياهل بو اشهر او سنة ... ثاني يوم عند يدتي ام امي وثالث يوم عند يدتي ام ابوي....

الصراحة العيد ابيت حمولتي روعة... صج عيد ... ما الشا الله الريوق زحمة ... والغدا زحمة.... والعصر ناس داخلين وطالعين ... لي نص الليل ... مسكينة خالتي مرة كبيرة !! اخر اليوم تكون هلكانة....

 

[روقاء]

اكيد ما يحتاج عند اهلي الله يخليهم لي ولان بيت اهلي البيت العود اشوف الكل هناك
وثاني يوم عند اهل زوجي

 

[@ دهن العود @]

اول شي بيت اهل زوجي بعدين بيت اهلي

 

[tmtmt]

ـ اول يش الصبح اروح مع ريلي طبعا بيت ال امي واهل ابوي
ـ بعدين اتغدا مع امي وابوي وخواتي وورا الغدا اروح يمعة اهل ريلي

 

[كويتksa]

رد : يوم العيد ...حمولتج والا أهلج

انا ساكنة مع حمولتي
فاقعد انطر خواته يتجمعون واسلم واطييييييييييييييييييييييييييييييييييير لاهلي العيد فبيت حمولتي يجيب الاكتئاب

 

[هجووورة]

الصبح عند اهل زوجي والظهر عند اهلي

:n2006107:عيدكم مبارك مقدما
نفس البرنامج:blueSmCLR:

 

[أحلى الألماس]

بمااااااااااااااااا اني ساكنه في بيت حمووووولتي
اول عندهم ابارك لهم واسلم على خالتي وعمي
وبعدين اروح لاهلي اتغدى عندهم

 

[احلى ـآ وحده]

العشا يكون في بيت ريلي ..

والظهر عند اهلي

 

[ام اغلى الناس]

بالاول بيت اهل زوجي بعدين اهلي

 

[امواج الكويت]

بيت اهلي لاني ساكنه عند حمولتي انزل اسلم عليهم بعدين اصعد البس وامر بيت عمته اسلم عليها وبعدين طيران لبيت اهلي يا نتغدا هناك او نتغدا برى

 

[ANON AL-A]

الصبح بيت حمولتي وساعه باليل بيت اهلي عقبها ارجع لحمولتي

 

[حبيبة ملوكي]

اولا عيدكم مبارك
وكل عام وانتم بالف خيييييير
انا مع الحموله وبصراحه جو العيد عند حمولتي نفس اهلي
فاول شي عند اهل ريلي وناااااسه وجمعه وبعد الغدا طبعا نووووووووووووووم لان انا وريلي دايما سهرانين ليلة العيد
والعصر طيرااااااااااااااااان عند خواتي وثاني يوم نطلع انا وزوجي