يوم العيد بتروح بيت اهل ريلي

[مجبوس]

رد : يوم العيد بتروح بيت اهل ريلي

لا والله ما آخذ ريلي فديته ياخذ ويوديه لهم من الليل

 

[<<لمار>>]

انا قبل العيد اشترى سوالف للريوق مثل كيك الشمالى ودرابيل وبتى فور وبقصم هالسوالف يستانسون عليها

 

[حرم الاسد]

والله انا

بالعيد اول يوم اروح ليدته فاخذ حلوووو و ريوق مع ان كل شي موجود بس غير لما تقول الاسد وحرمه اول من ياني و ريقني..

وبعدها اروح لعمتنا المشتركة وهمن اخذ حلووووو

 

[هدولى]

لازم اخذ معاى شى فشله رايحه وايدى فاضيه وهذا عيد ويا كثر محلات الحلويات .

 

[عيش و مرق]

انا شريت لها طخم استكانات وفناييل قهوه ومطارتين وحده حق الشاى والثانيه قهوه


وعطيتها الهديه مقدما عشان تحطهم بالعيد استانسسسسسسسسسست .......

 

[أنفاسي دخون]

اخذ معاي حلو اكون مسويته او طالبته من مره لان مستحيل زوجي يمر محل حلويات بصبح العيد ولازم عيديه خالتي

 

[الرها]

انا ساكنه معهم

بس كل عيد اجيب
سله شوكلاته من الوليمه

لازم حلالاوه العيددددد

 

[سيدة الذوق]

اكيد اخذ معاي
اي شي من الفناتق الحلوه

 

[ماعلى الدنياعتب]

انا معاهم بالبيت

ما انزل شي

بس متعودة اعطي خالتي عيدية

 

[بنت رجال طيب]

ذااااااااااااك أول أروح لهم ومعاي شي وشيااااااات أما الحين لا حتى شوفتي والله لحرمهم منها حبيبتي انتي أدرى بحالج أذا حمولتج طيبين واجواد أخذيلج شي وشيات أما أذا كانوا شرانيين وماوراهم ألا الأذيه ففرقاهم عيد والبعد عنهم غنيمة وحسبي الله ونعم الوكيل

 

[دانة حبيبها]

رد : يوم العيد بتروح بيت اهل ريلي

:
:

انا لازم اذكر خالتي و عمي و حماتي الصغيره بشي ..

افرحهم فيها ..

و حيل يستانسون ..

حتى الخدامه و حمالي الي مو متزوج اذا كان بالكويت ..

حتى لو كانت اشياء بسيطه بس يستانسون فيها ،،

و حلوو يديد ..

ديلايتس وايد يحبونه لما نروح زوارت بيت خوال ريلي يمعتهم هناك ..

:
:

 

[هنوده]

انا حبيبتي اطبخ لهم خروف العيد

 

[دمثة]

ذااااااااااااك أول أروح لهم ومعاي شي وشيااااااات أما الحين لا حتى شوفتي والله لحرمهم منها حبيبتي انتي أدرى بحالج أذا حمولتج طيبين واجواد أخذيلج شي وشيات أما أذا كانوا شرانيين وماوراهم ألا الأذيه ففرقاهم عيد والبعد عنهم غنيمة وحسبي الله ونعم الوكيل

صح السانج ولاهنتي والله هذا الصج عجزناا واحنا نودي ونجيب ولا صارت اشكرة اهي وبناتهااا تعيب عليه وع شنو هذاا جايبة لنا الاخت وع .... من يومهاا ماودي شي حرام عليهم شي ... لاتقولين لرجلي كيفه مليت

 

[ساندريلا]

بودي طبق حلو انشالله

 

[فوفو22]

رد : يوم العيد بتروح بيت اهل ريلي

انج تدخلين على اي ناس

وبيدج شي

هذا نوع من الاتيكيت والذرابة والذوق

سواء انتي ساكنه عندهم او بره

وخاصة بيت الحموله وبيت الاهل


داخل طالع

يعني حتى لو تتكدس مواعين الحلو

رح تنوكل م هالاوادم الداخله والطالعه

بالنسبة لي

كل عيد

اشتري واطلب

ماعونين

حلو

واحد لاهله

واحد لاهلي

ودايما اختار الشي الزين والحلو

فوفو

 

[" تعب قلبي "]

رد : رد: يوم العيد بتروح بيت اهل ريلي

انا والله صارلي 12 سنه متزوجه ماعرف ادش بيتهم فاضيه بمناسبه او غير مناسبه

لازم كل زواره بيدي صحن حلو من شغلي او اشتريه

بس بالعيد نكون هلكانين من مطبخ رمضان وحلاته يكون كعك العيد

اخذ نفس الشي حق بيت امي وبيت اهل زوجي

وما اتخير عن كعك البحصلي او دين اند ديلوكا او اللؤلؤه

حدهم ناطعين ومناسبين للعيد والكل يستانسون عليهم والله

 

[ام دودو المزيونه]

لازم معاي شيئ فشله اما من سابليه او الخباز ولبيت خالي العود نتيمع اهناك

 

[مدام زيزو]

رد : يوم العيد بتروح بيت اهل ريلي

مرسي على الردود بس انا اكيد بودي شي والسؤال الي طارح نفسه شنو ومن وين لا تشطون بعيد بالردود واللي تقول خالتي شراني واللي تقول حماتي لوول

 

[anwar92]

رد : يوم العيد بتروح بيت اهل ريلي

هو كنوع من الذرابة مو حلو انج تدشين وايدج خالية وهذا العيد فرحة ووناسة .

 

[توليب بنفسجي]

رد : يوم العيد بتروح بيت اهل ريلي

حسب ذوق اهل ريلج
احسن شي للعيد من وجهة نظري البيتي فور
احببببببببه بس بالعيد