يوم الطفل العربي

[fofowa_q8]

السلام عليكم


شلونكم يااحلى ابلاااااااااات:eh_s(6): ...؟؟


عندي مناسبه عقب باجر اللي اهي ( يوم الطفل العربي ) ومحتاره مادري شسوي

ابي افكار حلوه ومميزه وخصوصا اني توني مدرسه يديده فريييييييش

ياليت تقولون لما افكاركم من السنين اللي طافت عشان نستفيد واكون شاااااكره لكم حبيباتي

 

[fofowa_q8]

up up up

 

[fofowa_q8]

شدعوه بنات 10 مشاهدات ولا رد واحد !!!!!

 

[^ليلاس^]

والله ماعندي فكره بس العام عندنا ابله سوت قصه بالبوربوينت عن الاطفال العرب والحروب ومن هالحجي

 

[fofowa_q8]

احس حراااام نوري الاطفال حروب وبلاوي

مشكورة حبيبتي على ردج

 

[fofowa_q8]

بنااااات اليوم قعدت مع المدرسات اللي باجر علينا مناسبه يوم الطفل العربي

وقررنا نسوي التالي :

مشهد تمثيلي عبارة عن معلمه تمسك المايك وتكون تحت مو عالمسرح وتصير اهي الراويه

واحنا على المسرح 4 ابلات ابو وام وبنت وخادمه الام دايما لاهيه عن بنتها وماتدري عنها

والخادمه كانت 24 ساعه مجابلتها فتعلمت حجيها وقامت تتكلم نص عربي ونص انجليزي

وماقامت تصلي لما تسمع الاذان و 24 ساعه مبطله المسجل وترقص على الاذان ما تحترمه

وطبعا كل هذا الخادمه اللي تعلمها وبعدين الام تمرض فتتضطر تقعد بالبيت وتنصدم بالوضع

ويلاحظ الابو ان البنت تغيرت ويلوم الام ويقولها بنتنا بنت عربيه مسلمه لازم تتكلم اللغه العربيه

وتحترم دينهاا وبعدين بنحط اغنيه عن الطفل العربي واااايد حلوه وبس سلامتكم

 

[^ليلاس^]

مادري والله اهم سووا عن حروب وبلاوي على قولتج :eh_s(6):

بس حلو المشهد الي راح تسوونه:ggdw:

 

[ملاك-77]

فوفواا

حلووو مشهدكم التمثيلي يمكن ألطشه منج حق باجر لووووووول

لاني متوهقه انا ورفيجاتي مو لاقين فكره

الله يعطيج العافيه

 

[fofowa_q8]

الله يعافيج عليج بألف عااااااااافيه لطشي اللي تبين

 

[البندري الكويتية]

يوم الطفل

يعطيكم ألف عافيه ابلاتنا العزيزات
ادري والله اني بطلب طلب والقى منكم المساعده وماراح تقصرون معاي
بغيت اذا عندكم فيديو عن الشعوب بمختلف الدول أو يستحسن اذا كان عن الأطفال بمختلف الشعوب
محتاجته ضروري ليوم الطفل العربي
ولكم مني كل محبه وتقدير
ومشكووووووووووووووووووووووووورين

 

[رضاب]

حلو فكرة المشهد التمثيلي


يعطيج العافية