يوم التبويض ؟؟؟؟؟؟؟؟؟؟؟

[توته وسوسو]

بنات بليز شلون اعرف يوم التبويض اذا كانت الدورة غير منتظمة ؟؟؟؟؟؟؟؟
اللي عندها معلومه تفيدني جزاها الله خير:eh_s(17)::eh_s(17):

 

[الدنيا حلوة]

صعبه تعرفينها اذا دورتج مو منتضمه الا اذا رحتى وسويتي سونار وشافو مقاس وحجم البويضه

 

[a.n.y]

أول ما تخلص دورتج أو في اليوم العاشر
روحي للدكتورة تسويلج سونار تقولج متى أيام التبويض

 

[q8 83]

بصراحه ما ادري بس ما حبيت ادش و ما ارد

 

[om jori]

اكو مثل جهاز في الصيدلية يبينلج متى يصير عندج التبويض

 

[ام حمد]

عن طريق السونار

 

[تاليا]

أحسن شي وأضمن شي عن طريق السونار

 

[Swan]

فتره التبويض فيها أعراض إذا ركزتي فيها عدل راح تحسين فيها
اول شي راح تلاقين بعد حوالي اسبوع الى اسبوعين من بعد الدورة بحسب وقت التبويض ألم ووخزات في مبيض واحد كل شهر جهه
قبل يوم او يومين من التبويض راح تتغير الإفرازات الطبيعية
بتشوفينها ثخينه وتشبه بياض البيض وبأيام التبويض راح تزيد وتلاقينها صارت مثل الماي ...
ركزي عليها جم شهر ورا بعض وراح تعرفين انتي بأي وقت من الشهر يبدي معاج التبويض

 

[كرتون أبيض]

|وأزيد عليها
يكون الجسم حرارته دافية
ويكون معاك بلل دائم
وتكثرالأفرازات
وسلامتك والله يعطيك إلي في بالك : )

 

[دانتيل]

يوم التبويض تكثر فيه الافرازات الي لونها شفاف جنها ماي ... هذا اذا حبيتي تعرفينه بروحج..
بس الافضل انج تروحين الطبيبه تقولج بالسونار اضبط تعطيج اياه اي يوم بالضبط يصير التبويض
ما تشوفين شر حبيبتي .........................................اختج دانتيل