يوميا @ سجلي حالتج النفسيه اهني@متزوجات حيااكم@

[ام اريج 22]

شخباركم امورات شعلومكم والله حالتي النفسبه نص ونص الحمدالله على كل شي

 

[ام الدرر]

السلام عليكم
الحالة النفسية
نحمده ونشكره على نعمه


شلونكم نفوسات
زنوب الحمدلله ع السلامة ​

 

[Zinab BH]

سلام عليكم صباحكم عسل بنااات
شخباركم شمسووووين

ملكة الله يشفي جدتج يارب بجاه الحبيب المصطفى محمد عليه افضل الصلاة والسلام
ام فروحة والله وانتي صاجة عند ربج ناس تخدعنا بزيها الديني واهما من تحت لتحت ياخذون الدين ذريعة عشان يوصلون لمبتغاهم بس هذولا عذابهم عند الله شديد وعسير
ام الدرر الله يسلمج حبيبتي شخباارج وشخبار ولدج ان شاءالله صار احسن والله يرد لج ابو العيال بسلامة يارب

والحالة النفسية الحمدالله على حلو القضاء و مره
انطر الجامعة تبتدي يوم الاحد وحشني الكراف لوووول

 

[أم فـرح الحلوه]

بعد عمري ملكه ماتفقدين غالي والله يشفيلج جدتج

 

[شادن33]

السلام عليكم
شلووونكم يأنفوسااات ياجميلاااات
النفسيه الحمد لله اللهم لك الحمد والشكر

ملوووكه الله يشفي يدتج عليكم بالصدقه عنها
زنوووب لاحقه ع الكراف

 

[ملگه]

مرحبا
حبايبي ماقصرتو

عساكم ماتذوقون حر غالي
مشكوري 

 

[طالبة انجلش]

قوه بنات انطقيت طق من زوجي
وانا مظلومه بسبة اخته
مو راضي اروح لاهلي
قسم بالله عالنيه قلت لخالتي انا بعت شبكتي قبل لا اتزو وشريت هذي
بعجد صارت حقي
ماحس الا بعد ربع ساعه الا ياني وطقني طق مارحمني جسمي مزرق منه ..



حسبي الله ونعم الوكيل
حسبي الله ونعم الوكيل
حسبي الله ونعم الوكيل

ماقدر اكتب لان ادري يراقبوني
بس قسم بالله اني ماؤفعت صوتي على اخته كل اللي قلت لها بنبره عالياه مو عليت صوتي ان ماقلت شي لخالتي
اللي كل شوي قالت مرة فلان مرة فلان قلن ماصارت مرة فلان ومشيت
تنادنيني قلت ماقلت شي انا وتعلي صوتها علي وتسمعني كلام تقولي عبالي فقيره طلعتي بويهج الثاني

وقدام زوجي قالي مو غلطانه
انهنت قدامه وللمره الثالثه وماتكلم
جا يراضيني قبل الطق لان يعرف نفسه واخته غلطتنين ومارضيت
ماقدر ارضى واتذكر شلون هاوشتني قدام امه وخواته

 

[طالبة انجلش]

ادعولي الله ياخذ لي حقي

 

[Perfume]

لا حول ولا قوة الا بالله
بس ليييش يطقج !!!!

 

[طالبة انجلش]

يقول شلون تقولين انج بعتي الشبكه
بعت الشبكه وانا اجهز لعرسي
قلت على نيتي عبالي تدري عبالي اختك قالت
ومارحمني اقوله ابي اهلي يقولي توج يايه

الله موجود ,,

 

[طالبة انجلش]

الشبكه والمهر حلالي شرع وقانون
لو ابقطهم بالزباله مالك حق تمد ايدك
الله ماينسى احد اصلا يطقني طق بالعقال ومابجيت

 

[qoot]

طالبة انجلش الله يمسح ع قلبج ويصبرج
والله مادري شقولج بس صبري ورددي حسبي الله ونعم الوكيل
حسيت انج عايشه بحرب مع امه واخته ومانتي قادره تخلين ريلج بصفج
امه واخته خلج سطحيه معاهن لابعد الحدود واي كلام يدور بينج وبينهن لاتقولين لريلج عنه
ومثل ماقلت لج رددي حسبي الله ونعم الوكيل

 

[ملگه]

لا حول
شنو هاذا الله يهديهم كلهم
ورذي حسبي الله ونعم الوكيل
بلعصر هاذا فيه طق الله يهديه

 

[Perfume]

شلونكم يا حلوات
باخذ رايكم بشغلة
اختي توها متخرجة
وزوجها يبي يسويلها حفلة في البيت
واهيا محتارة
تقول تسوي حفلة وبوفيه وتعزم
او تلبس وتكشخ وتصور مع زوجها
بدون حفلة ولويه

 

[Patcholli]

حياتي طالبة انقلش والله عيني دمعت خصوصا يوم قريت ان يطقج وانتي ماتبجين حسيتج صج مقهوره
حسبي الله ونعم الوكيل فيهم مايخافون الله فبنات الناس وصج الدنيا دواره باجر كله بيرد عليهم
حبيبتي نصيحه والله كل ماتظايقتي لبسي ثوب صلاتج وصلي ركعتين وعقب ماتخلصين سجدي لربج وطلعي كل الدموع والهم الي بقلبج وانتي ساجده والله بتحسين براحه مو طبيعيه
وراح تنتصرين عليهم صدقيني
كل ظالم وله يوم انا ناس ظلموني سنين بس مايأست وكنت واثقه ان الله بياخذ حقي والحمدلله الحين قاعده اشوف حوبتي فيهم والدنيا دارت عليهم بدون ما اتعب نفسي او احاول اضرهم اكتفيت بالتحسب والدعاء
الله ماينسى عباده خصوصا اللي يفوض امره كله لرب العالمين ويكون اعتماده كله على الله

 

[Patcholli]

بيري والله لو انا مكانها استانس مع ريلي وبس
ماله داعي تفتح عيون الناس عليها
واهي ماتدري شنو داخل نفوسهم
ساعات وحده تحبج وتموت فيج بس بقلبه يكون في حسره او غيره بشي تملكينه وماتملكه
انا اشوف ماله داعي حفله وخل تستانس ويا زوجها ووياكم انتو خواتها واهلها بس

 

[Perfume]

حبيبتي باتشوو
اهيا بعد ماتبي حفلة ولوية
بس زوجها خاطره يسويلها حفلة
وتلبس فستان وتكشخ وتصور معاه
اهيا تقول تكشخ وتحتفل معاه بروحهم
وبعدها ممكن يسافرون شحقه الخساير
بس اهوا بخاطره لانه حاشتهم ظروف وقت الزواج
وما سوالها حفلة كبيرة بس راحوا شهر العسل
انتي شرايج ؟

 

[امـ خــزامـى]

حسبي الله ونعم الوكيل

طالبه بعد هالسالفه اسمحيلي لازم تاخذين موقف وتكون ردة فعلك قويييييييييييييييييييييييييه

لاتسكتين ولا بيتمادى
حسبي الله ونعم الوكيل
انا دائما انصحك تتغيرين وتحاولين وتمشين
بس مابعد الضرب شي

ازعلي واتصلي على اهلك يتفاهمون معه وياخذونك ويعطونه كلمتين بالعظم
بنات الناس مو لعبه



الله يكون بعووونك طمنيني عليك

 

[امـ خــزامـى]

بيري حبيبتي انا بالعكس ااايد الحفله خليها تحتفل وتنبسط مع اهلها وصديقاتها

والسفر وزوجها لاحقه عليهم ان شاءالله

حفلة التخرج ماتتكرر

 

[شادن33]

بعد عمري طالبه عورني قلبي عشانج

عمري كلشي ولا مده الايد اللي صار صار بس لازم تكونين صارمه هالمره عشان لايتمادى
خل يفهم ان اللي صار شي كبيييييير كان من المفروض ايي عندج يفهم السالفه بالاول مؤ بالعنف
ازعلي زعله قوووويه عشان يحس باللي سواه وان حس وانباه ضميره خذي عهد منه ان مايعيدها نهاااائيا ولا بيصير الرد عند اهلج واخوانج يصرفون معاه
والله يسخره لج حبيبتي