يوميا @ سجلي حالتج النفسيه اهني@متزوجات حيااكم@

[أم فـرح الحلوه]

انثى الله يصبر اعصابج علييه ويعين وسالفة الطبيب صعبه بس حاولي تسوينً تمارين الاسترخاء والضغط عشان نفسيتج

 

[manoooram]

انثى عاشقة
ما عليه حبيبتي لا تكرهين نفسج ولا تكرهينه
دام ان قاطع الزقاير خصوصا اذا متعود عليها فنفسيته أكيد صفر
وما غير اعصابه ثايره
استحمليه وهاديه يا قلبي والله يعينج

وسالفة التأثيث لمن تشوفينه نفسيته زينه روحي أثثي معاه
واذا معصب ما انصحج تروحين لأن بيعكر عليج الطلعه كلها

ولنفترض ان خالتج تبيج تتمين عندهم وخاطرها باللمه وياكم ..
في غرفة تريحين فيها أو تبدلين على راحتج او شي ؟!

وانا اشوف ما سويتي شي غلط و ما فيها شي اذا طلبتي تروحين بيت أهلج
وزوجج موافق خلاص انتهى

سؤال بس شالحكمة
من سالفة البنت تتم عندنا وانتي تروحين بروحج لأهلج ؟!!!!
خصوصا انكم مو بنفس المكان
والله لو انكم بنفس المنطقه اوكي اهلها ويبونها عادي

وبيتج بترجعين له يا قلبي لا تحرين نفسج
بس قولي حسبي الله ونعم الوكيل

 

[نهى الأحمد]

هلا فيج ويحييج حبيبتي نهوي
الحمدالله مستانسة اليوم خلصت كم شغله ورديت الى قواعدي سالمه
لوووووووووول

فديتج والله

عسى دوم الوناسه ياقلبي
والله يعطيج الف عافيه ويبعد عنكم كل مكروه

‏​​​أِهٌَـِْْلٌََـ♡ـٌْيٌََنَْ ‏​وسـِْْهلٌََـ♡ـٌْيٌََنَْ وبـِْْوسـِْْتيٌََن ع الخـٌْديٌََـِْْن
كيفكم عسلات
وحشتوووووني مووووت
حالتي النفسية في الحضيض
دعواتكم الله يمسح ع قلبي ويفرج علي

هلا انوثه
شخبارج

عسى ربي يمسح على قلبج ويفرجها عليج حبيبتي

مع بعد الضيق الا الفرج
بس قولي يارب

انتو شلونكم نفرة نفرة ؟
باتشو
شدونة
نبوض
مانورام
بوبا
قمور
ام فروح
ام الدرر
ام اريج
ملوكة
بيري
والباقيات كلهم

افا انوث

وين اسمي

:eh_s(16):

 

[انثى عاشقة]

والله يا ام فروح من الضيقة الي فيني ودي اتعالج نفسيا


مانو
هو طبعه اناني لنفسه عادي مستعد يدفع
والشي الي انا ابيه لا طبعاا
يدور لي اي سالفة من تحت الارض عشان يكنسل

اما سالفة البنت خليها وروحي هذي من تحت راس امه
بالعقل شلون اترك بنتي واروح منطقة ثانية
الله ينتقم منها
حسبي الله عليها
كلها يومين ارتاح عند اهلي وهو خليه يهيت مثل ما يبي
بس شقول حسبي الله عليهم كلهم

 

[انثى عاشقة]

نهى غلاتي شلونك
الذاكرة عندي ما تجمع من الي بقلبي
ولا كلكم خوات غاليات والله

 

[أم فـرح الحلوه]

انثى عارفه وضعج وحتا تبين تفضفضين تحسين بتصير بينج وبين الجنون شعره باسم الله عليج واذا ع بنتج محد بيتحملها الا انتي وخليها عندهم جمعه ماعليج منهم وخالتج تبي المشاكل بينكم حسبي الله ونعم الوكيل عليها وهو الله يصبرج يارب انه يهديه او ياخذه ويافكج ولا تطلقين بعد هالمعاناه والصبر

 

[انثى عاشقة]

صاجة ام فروح
احس بيني وبين الجنون شعرة
القاها منه ولا من امه
الله فوقهم حسبي الله عليهم
لي فترة مكتئبة حييييييييل وصايرة عصبية موت
من الضغط النفسي الي انا فيه
اخاف يجي يوم وانفجر ع الآخر


ابي حل حكيم يريحني من الوضع الي انا فيه او الله ياخذني او ياخذه

 

[انثى عاشقة]

هي ماهمها بنتي
بس تبي نكادة
ولا اذا انا عندهم ا وبغينا نروح المستشفى تقول لي اخذي بنتج لا تتركيها
يعني ماحليت بنتي الا لما جيت اروح لاهلي !!!
وتخيلو تو امس الليل واصلين عندهم ع ٣ بالليل ع اساس ننام ونمشي بيتنا
تقول لي اليوم انا ماصحيتج تركتج تنامين للظهر
والشغالة سوت الاكل
تبيني من اطب بيتها اطبخ وانفخ !!!!

الله يسلط عليها وع ولدها الي يطلع عينهم

 

[أم فـرح الحلوه]

صج قويه عين ماقومتج انا ضيفه بدل لا تحببوني بجيتكم وفوق هذا الخدامه مو هي او بناتها مسوين الاكل

 

[خالتي قموش]

هلا فيج نهى
يا اهلين وسهلين

انوث صج الله يعينج ويصبرج
ويمسح على قلبي انا بعد


ام فرح تولدين بلسلامه

 

[manoooram]

انثى عاشقة
اسم الله عليج ويعطيج طولة العمر حبيبتي
صج صج الله يعينج على الوضع اللي انتي فيه
وشخصية زوجج متعبه الله يهديه بس شتسوين فيه طبعه جذي
عاوني حمولتج باللي تقدرين عليه وشاركيهم
ولي شغفتي البنات او الشغاله تطبخ خلاص روحي جابلي بنيتج
وشي ثاني دوسي على قلبج شوي وخليها عندهم يوم وانتي روحي لأهلج اعتبريها نفاهه
وشوفي شنو الوضع بيكون
يجوز تبيها مو بقصد تضايقج
وصدقيني مره كبيرة مالها خلق مجابل يهال بتتعب أكيد
وانتي ادرى بخالتج وشنو بنيتها

 

[انثى عاشقة]

‏​​​أِهٌَـِْْلٌََـ♡ـٌْيٌََنَْ ‏​وسـِْْهلٌََـ♡ـٌْيٌََنَْ وبـِْْوسـِْْتيٌََن ع الخـٌْديٌََـِْْن
شلونكم صبايا ؟

ام فروح بجد مو طبيعية امه
عادتني شغالة عندها ولا شلون !!
والله شغالتهم راحمتني من امس تقول لي
مدام انت وجه في اصفر
انت مافي اكل كويس
وجابت لي كاسة نسكافيه مع بسكوت
هي شاريته من فلوسها

قلبي من داخل موجووووووع عفت كل شي
احس من فترة ان ودي اروح مكان بعيييييييييد لحالي

 

[انثى عاشقة]

مانو
صج كلمة متعبة قليل في حق شخصية زوجي
والله الياهل عقله اكبر من عقل زوجي

وامه ماتعرف حيا ولا حشيمة
بنتها نفس وضعي ساكنة بعيد بنفس منطقتي
من تزوجت كل ماجت تنزل عند امها وتزور خالتها وترجع لامها
انا لا انزل لهم هني اول اقعد يومين جذي
بعدين اروح لاهلي
وزوج بنتها يقعد عند امه ما تتشكى من وجوده
الي عندي تقول لي شلون تتركين ريلج وتروحين لاهلج
حنا نخدمه يعني

اما سالفة البنت انسي اتركها لها
والله شفت بعيني شلون عيال بناتها يضربون بنتي
وهي ولا عليها
انا فاهمة ان الدعوة نكادة

كانت تسويها فيني قبل اترك لها شغالتي واروح لاهلي
تخيلي نفسك بهالموقف
انتي شنو وضعج بالحياة
مالج كلمة ع شغالتج ولا ع بنتج !!!!


امس جتني الغرفة تقول تعالي نشتري فستان لبنتج عشان عرس حماي
تقول ما ابي احد يدعي علي

عارفة نفسها ان قاعدة تظلمني

حسبي الله ونعم الوكيل

 

[manoooram]

أنثى عاشقة
الله يصبر قلبج يا قلبي
والله لي متى على هالحال اسم الله عليج ألزم ما عليج صحتج وعافيتج
قعدي مع زوجج تفاهمي معاه بان لكم بيت خاص فيكم بتستانسين فيه
ومو معقولة أهد بيتي كل مرة كم يوم وارد له
وخالتج انتي أدرى بتصرفاتها وأبخص منا
وهي مره كبيره مالها الا الاحترام والتقدير ومو عارفه شتسوي بوحدتها كل شي جايز
ومن نوع اللي تقدم على خطوة سلبيه تالي تتحسف
تعاملي معاها باللي يرضي الله وخلي احتكاكج فيها سطحي دامج حيل تعبانه

 

[انثى عاشقة]

خالتي قموش
ااااامين الله يفك كربتي وكربتك

 

[انثى عاشقة]

مانو
انا ما ابي منه ولا منها شي
تعبانة وابي ارتاح لحالي وبس
هذا مو مال تفاهم مولية
والام لها رب يحاسبها

حتى هذا حارمينه علي
جعل ربي يسلط عليهم الي يعاملهم بالمثل

 

[وردة وطني]

انثئ عاشقه الزمي الاستغفار وقراءه البقره
الله يسخر لج زوجج
والله حسيب امه صج ناس لاضمير ولاذمه
اهم شي راحتج لايغثونج هي تبي تغثج
والله قعدت ادعي عليه بدون مااحس بنفسي

 

[أم فـرح الحلوه]

وردة وطني الله يعين ع هالخالات استغفر الله مالومه ولدها عاهه الام اللي هي الاساس عاهه يعني بتجيب مثلا احد فيه خير الله يكفينا الشر الدنيا ماخذتها بقوتها

 

[وردة وطني]

الله يعين بس
ربج مايبتلاء الا اللي يحب وفعلا فيه مثل هالنمنونه
لله يعينه

 

[manoooram]

انثى عاشقة
بس قولي حسبي الله ونعم الوكيل
والله يعينج ويهدي زوجج