يوميا @ سجلي حالتج النفسيه اهني@متزوجات حيااكم@

[manoooram]

ام الدرر
سلامات ما تشوفين شر يا قلبي والله يعطيج العافيه ويعينج عالجرد


وردة وطني
اللهم آمين والله يشفي زوجج
حسبي الله عليهم شلون نفسهم تطاوعهم يسحرون بخلق الله
وهم عارفين ان حرام

ديانا
الله يعينج يا قلبي حتى انتي ماعندج خدامه
شفيهم الخدم تمردوا ولا شنو ؟؟؟

 

[وردة وطني]

مشكور كل من دعتلي الله يجزاه بموازين حسسناته

حالتي النفسيه : بتقهوه من تقهو وياي قهوتي عربيه مع كاكاو من تورينو☺
حياااااكم بنات< تو تقهوه هًِہهًِہهًِہهًِہهًِہهًِہهًِہهًِہهًِہهًِہ☺

 

[manoooram]

وردة وطني
الله يحييج يا قلبي ضربتي على الوتر الحساس
صج مشتهيه قهوة عربية

 

[وردة وطني]

حياتي حياج حبيتي ادز لج عنوان بيتنا
هًِہهًِہهًِہهًِہهًِہهًِہهًِہهًِہهًِہهًِہ☺
هًِہهًِہهًِہهًِہهًِہهًِہهًِہهًِہهًِہهًِہ☺
وعليا كسرتي خاطري حاسه فيج اذ مر اسبوع ماشربته انسئ الدنيا والكون

 

[متيمه فيه]

حييييييل متضايقه عساكم ماتحسون بهالضيقه


يااارب فرج همي واجمع شملي مع زوجي
امين

 

[PuPa^^SWeeT]

السلام عليكم



شلووونكم بنات


عدنا من جديييد

صارلي يومين مادري عن المنتدى يالله يالله اشبك


لوية و اجتماعات و سوالف صارت



والاهم اني مرتااحة البال حاليا

 

[ديانا سبنسر]

مانورام ايه ماعندي خدامة صارلي يومين طنقرت وقالت مابي الشغل

متيمة فيه الله يهدي زوجج لج. ويرده لج ردا جميلا لا تضايقين روحج أشغلي نفسج بأي شي ولاتذبحين نفسج بالتفكير

بوبا الله يعينج ويقويج ويديم عليج راحة. البال

 

[نبض آلخفوق]

صبااااح النسگافيه ....

انوووث عساهـ منزل مبارگ ويراويچ خيره ويگافيچ شر عيون الناس...
ديانا مالچ الا خدم البارت تايم ملوت باتشوو ڵــ☻☻ـــۆۆۆڵ

 

[مارشميلو..]

بنات أنا في هم كبير ادعو لي الله يفرجها علي
وابي وحده تساعدني على الخاص جزاها الله خير

 

[ديانا سبنسر]

نبوض خخخخ جاري الاستعانة باتشو

 

[PuPa^^SWeeT]

ديانا



الله يعييينا عالخدم والله



وجووودهم و عدمهم مولم

 

[Perfume]

حبيبتي مارشميلو الله يفرج همج
احنا كلنا خواتج هني

 

[ام الدرر]

مساء الويك اند
الحالة النفسية
بطلع ارفه عن نفسي
صحبة حريم

مانو
تسلمين حبيبتي

ديانا
اي والله يصير مالج خلق حتى نفسج
انا اكره روحة مكرمة الحمام اول يومين

بوبا
الله يعينكم
شغلكم شقا
الله يعطيكم العافية

متيمة فيه
عسى ربي يفرج همج ويفك ضيقتج
ويسخر لج زوجج ويجمع بينكم عالخير والصلاح


ماشميلو
فضفضي حبوبة
كلنا خواتج


باقي النفوسات
شحالكن ​

 

[Perfume]

مساء النور ام الدرر
عليج بالعافية
استانسي حبيبتي

 

[Patcholli]

مساء الخير


الحاله النفسيه احس اعصاب مخي تنبض

بنات صايره وايد عصيبه وايد وااااااااااااااااايد بدون خدامه صايره ما اتحاجى

مسكين ريلي اليوم لعب بشعري جان اعصب واقوم اتسبح ..
بعدين كسر خاطري وراضيته وقتله سوري معصبه من الظغط وتعبانه نفسيا وجسديا

حبيبي كسر خاطري :<


بنات مو قادره اسوي كنترول على اعصابي شسوي عفيه نصحوني قبل لا العن خير السالفه واعفس بيتي فوق تحت

مابي ازعل ريلي

بنفس الوقت محتاجه هدوء وصمت


مو متحمله اسمع كلام او نقاش او ظحك

تعبانه وهلكانه صج صج صج

الدوام كراف

والبيت كراف

وغير طلبات الحبيب الي اتي بوقت انا اكون صج محتاجه ارتاح :<

احس ظغط وبنفس الوقت ماكو تعاون ولا تقدير

حتى دلاغاته مايشيلهم عن الارض

ياكل كاكاو يقط القراطيس عالارض

طيوره وصخين يطشرون اكل وماي وكلساعه انظف تحتهم ويرد يوكلهم


مستواليته مايقعد ساعتين واهو نظيف ومرتب كلساعه يعفسه

القنفه كلساعه معفسها

الهدوم يقطهم مايعلق شي والمشكله يعفسهم مايقهم مرتبين بعد

كبته ما الحق عليه الهدوم المعلقين كلهم بقاع الكبت كل 4 تيام ارتب وانظف ويرد نفس ماكان

الزباله مايطلعها الا بالحنه والرنه حشاكم

:< تعبت

غير شغل وكراف البيت اللي مايخلص اهو ييزيد بتصرفاته اللي مايحس فيه

ولما اكلمه يزعل

ماحب بيتي وصخ ماااااااااااااااااااحب

 

[Patcholli]

وبعز الشغل يطلب اشياء تافهه

مثلا افرك الحمام يناديني عشان اسويله قهوه

اسوي اوتي يناديني عشان اطلعله دواه

وانا اغسل مواعين يناديني ايبله شاحن الاي فون


واي شنو هاذا ماكو احساس ..!!

 

[Patcholli]

شلونكم بنات

بيري

ام الدرر

بوبا

شدون

قمور

نبوض


انوث

وباجي الشله العزيزه

 

[Perfume]

باتشوو حبيبتي
انا بخير الحمد لله
الله يعينج الصراحة الوحدة تتلف اعصابها بدون خدامة
حبيبتي لا ترهقين نفسج
قسمي الشغل وخليه يساعدج
يعني وانتي ترتبين الثياب قوليله حبيبي حط معاي الثياب
وانتوا تسولفون بنفس الوقت
وابسط شي تطلبينه منه انه مايقط اغراظه وراه

 

[Patcholli]

بيري ماكو فايده لمحتله بطريقه حلوه بس ماستوعب ولمحت مره ثانيه جان يزعل
واذا قتله لاتقط اغراضك بيقعد يتصيد علي انتي قاطه هدومج وانتي مسويه جذي وانتي مسويه جذاك
طبعه بايخ

 

[Perfume]

الله يعينج حبيبتي
قسمي شغلج
وعندج خدم البارت تايم يساعدونج