يوميا @ سجلي حالتج النفسيه اهني@متزوجات حيااكم@

[شادن33]

شادن فعلا هاذا الي بطبقبه تدرين ليش ؟ لان المراقبه مالتي حاطتني براسها
وظالمتني سواء اشتغلت او ماشتغلت
بكل الاحوال انا مظلومه
فقررت ان اكون فعلا مثل ما معتبرتني
ماراح اتعب روحي ولا راح اكرف نفسي واشف روحي نصين واسوي شغل مو شغلي وبالتالي تظلمني وتعاملني غير عن باجي البنات
حسبي الله عليها
اللي مصبرني بس ان اهي ناويه عالتقاعد عسى الله يسهل امرها ويفكني من شرها
انا صج وايد احرق اعصابي وقلبي عليها من اليوم ورايح لا مبالاة واعيش حياتي ومايهمني اسوي شغلي وبس

باتشوووو عمري انتي وايد مرتبه بشغلج تبارك الرحمن

بس هالشي يتعبج لازم تحطين حواجز مايتعدونها وترتاحين

 

[Patcholli]

بيري اهي نظامها تبين اصير نفس الخدامه عندها تبيني 24 ساعه فوق راسها ابخر لها المكتب وابطلها البريد صفحه صفحه واذا ناقصها شي من لبس او غيره اروح السوق اشتريلها ياه
شكو بالله ؟؟
عنها ماحبتني ولا قدرتني
بس انا الحين عرفتها عدل لو اقطع روحي قطعه قطعه ماراح يبين بعينها كلش

ييتلها بكل الطرق مافاد بس ماراح انزل لي روحي لي مستوى خدامه عشان تحبني
عنها ماحبتني وعنها ماحطتلي امتياز

وانا ماراح اتعب روحي بشي زايد
شغلي وبس .. ارضى ربي واحلل معاشي شي ثاني ماني مجبوره فيه الصراحه لان محد كفو
لا اهي ولا بنات القسم ..
كلهم اللهم نفسي وتهمهم مصلحتهم بس وقت المصلحه محد يذكرج ..

 

[شادن33]

قمووووور >>> بلاعيمي عورتني وانا انااادي

الله يحفظها وين ماتكون >>>> الحاجه فوتنه ام الدعاوي المستجابه خخخخ

 

[شادن33]

باتشووو اهو انتي ناقصه يكفي شغل البيت ختولي والله

 

[Patcholli]

امس حرني ريلي ..

قاعدين نطالع مسلسله كويتيه مادري شسمها

المهم بالمسلسله الابو مرته ماتت ويبي يتزوج

وبناته سفلو فيه

جان يطمر ريلي يقول والله لو بناتي جذي يكلموني اتزوج فلبينيه ورقاصه عناد عليهم :|

امبيه حرررررررررررررررررررررررررررررررررررنييييييييييييييييييييييييييييييييييييييييييييييييييييييييييييييييييييييي


احس ربعه بالديوانيه وايد قاعدين يأثرون عليه

عيل امس ياي يقولي كيم كرديشيان ..!!

بلله انت شعرفك بكيم من عقب عوض دوخي و المطرف صرت تسولف عن كيم ويايه الافنيوز ..!!

قتله مو لايق تسولف عنه وانت لابس هالوزار ..


وهم زل لسانه وسلفلي عن ارفيجه رايح المغرب لان مرته ماتخيله يقرب صوبها ..!!
تمرض وتتعب ..!!
قتله انزين ليش يروح حق الحرام خل يتزوج ..

المهم غير الموضوع وانا سكت وطوفت

بس هالسوالف قاعده تطلع ورا بعض

قمت اخاف ريلي ماكان جذي

مادري منو قاعده اييله الديوانيه الي جذي صاير يسولف

قام تلوع جبدي منه

 

[Perfume]

امبيييييه
شكو تبخرين مكتبها وتشترين لها هدوم !
ختولي اهم شي تخلصين شغلج

 

[شادن33]

باتشووو عمري والله انتي وايد طيبه طرشيلهم قموووور تعرفلهم ههههه

 

[Patcholli]

صاجه قمور ختولي والله ماني معطتها اكبر من حجمها واكبر من معاملتها حقي

اذا ماتسنعت انا بصير اخس منها ..

وجان بخت لو تنقلني من القسم

المشكله سجن اللي يدش مايطلع الا بواسطه وطلعة الروح

تقولها اشكره يبو واسطه قويه وطلعو غصب عني

انا ماطلع احد لو تنطبق السما عالارض


شنو غصب يعني شاريتنا بفلوسج انتي ؟؟

 

[Patcholli]

اي والله بيري مره شافت علي بنطرون قالتلي ابي منه
روحي يبيلي لا وتخيلي دازتلي مسج مع صلاة الفير اتذكرني
يعني تبيني من يشق النور اروح السوق حقها

هههههههههههههههههههههههههههههه

عطيتها احلى طااااااااااااااااااااااااااااااااااااااااااف جان تحش فيني عند البنات
روحي ذلفي انا يالله اروح السوق حق نفسي مالي خلق روحي اروحلج انتي

 

[شادن33]

وييييي وييييي ويييي باتشوووو عنتر كان في جره وطلع لبرااااااا

شعرفاااه بكيم الله ياخذهاااا

لا لا لا مادام وصل لكيم دق ناااقوس الخطرررررر خخخخخخ

دريباااالج خليج اقدع عن كيم وجاااابليه هههههه خلي المواعييين عنج لوووول

 

[Perfume]

اتصدقين باتشوو انا ريلي زايدة طلعاته من بديت دراسة
يقول انا اجابل الدراسة واهوا يمل وربعه كل يوم يعزمونه
قلتله والله اشك فيك شكلك تغازل
قام كل يوم يصور صورة جماعية مع ربعه ويدزها لي لوووووول
بس صاجة حييل ياثرون عليهم بالسوالف البطالية

 

[نهى الأحمد]

مساء الخيرات والمحبة كلها


شخباركم يا خواتي


عساكم بخير




ممكن ادش :eh_s(22): >>>> انتي دشيتي وخلصتي يا نهووي

 

[شادن33]

أش وهو طرزان مايعرف كيم بس يعرف مذيعات الجزيره خخخخخ

 

[Perfume]

اهليييييين نهووووي
حياج حبيبتي

 

[شادن33]

اتصدقين باتشوو انا ريلي زايدة طلعاته من بديت دراسة
يقول انا اجابل الدراسة واهوا يمل وربعه كل يوم يعزمونه
قلتله والله اشك فيك شكلك تغازل
قام كل يوم يصور صورة جماعية مع ربعه ويدزها لي لوووووول
بس صاجة حييل ياثرون عليهم بالسوالف البطالية

وييي الرجاااله انفلتت ياجدعااان هههه
وحده مجابله دراستها وحده المواعين خخخ
والثالثة مكبره المخده من الساعه عشر. ههه >>>> انااا

 

[شادن33]

اهلا نهووووي شربتي المليسه خخخخ

 

[Perfume]

لووووووووووووووووووول شدوووووون
ظحكتيني

 

[ام الدرر]

السلام عليكم
الحالة النفسية
الحمدلله

بيرفيوم انا بخير عمري

مانورام -بوبا
شسوي احسن من ماميش
اهم شي تغسل هدوم وتكوي ولو انه الملابس مرتين اردهم لها تكويهم بس تمشي الحال
كل شي مقدور عليه طباخ تنظيف غرف الا الغسيل والكوي ​

 

[نهى الأحمد]

يا حلوكم ويا حلو سوالفكم


عسى ربي يبعد عنكم كل مكروه حبيباتي




يا حلو العزوبيه >>> كلش ما احرركم ههههههههههههههههههه

 

[Perfume]

اهليييين ام الدرر
متجمعين عند النبي ان شاء الله