يوميا @ سجلي حالتج النفسيه اهني@متزوجات حيااكم@

[manoooram]

Patcholli
جنج انا اعلق بالحمرا لووووول خاصة اذا يديده استانس فيها
وتالي بين فترة وفترة أحط منها
صج احلى الألوان الوردي الفاتح والنود عندي والمشمشي بالنسبة للفواتح
اما الغوامج كلهم حلوين عندي الا كم لون

 

[PuPa^^SWeeT]

باتشولي صااجة اتعلقين على ماركة معينة بعد


انا حاليا معلقة على حمر بوبا و غيرلان و كلارينس



دييغو حلوين بس للحين ماستعملتهم وايد



همممممممممممممممم عندج حمر سي ري بس ثابتين حييل اتوقع اتقطع الشفايف


انا احب سوالف كل الالوان الا البتفسجي حلوة علي بس اتسمرني يقولون حلوة بس انا ماتعجبني

 

[PuPa^^SWeeT]

الله يعافيج باتشوو


والله مو زحمة



بس انا مارحت الافنيوز



رحت المارينا و فريت السالمية



يعني خلصت من كذا مجمع



الحمدلله مو زحمة


الكل هجووم على الجراند



نفسي اشوووفه

 

[Patcholli]

لوول بوبا لو تذبحيني ماحط بنفسجي واي كلش مو حلو علييييييييييييييييييي احس اني اصير مو انا
واللي ماحبها بعد اللحمي الفاتح حيل اللي تسوي الحلج جنه ابيض ماحب هاللون كلش
احب الاحمر والوردي والمشمشي

بوبا انا رحتله اول مابطل كان زحمه والناس بس ياين يتطمشون صج الوضع كان بايخ ماقدرت ادش ولا محل زحمه مو طبيعيه لاعت جبدي قلت بنطر ليما يطخون عنه وبروح
اهو في جم محل حلوين بس وايد مهولين واهما يتكلمون عنه توقعته احلا من جذي بوايد بس يقولون في تكمله بعد حق الماركات الغاليه ^_^

 

[Patcholli]

الحين قاعده انظف الكبت واي تعبت اففففففففففففففففففففففففففففففففففففففف تعبت ماخذه بريك الحين قاعده اصبغ اظافري لون اسود مادري ليش ههههههههههههههههههههه

 

[manoooram]

Patcholli
عليج بالعافيه عاد اللون الأسود حلو مع الاظافر المتوسطة الطول
شرط يكون لماع وحطي بطرفه مطفي او light gold
صج حلو

 

[Patcholli]

مانو صارلي سنه شاريته توه اول مره اجربه اي لماع جنه جلد لوول
عاد كنت يايه بصبغ ذهبي بس الذهبي ناشف :<

 

[manoooram]

Patcholli
عليج بالعافيه شنو ماركته صبغج ؟؟
والصبغ الذهبي اذا شفتيه ناشف حسب اللي اعرفه من بعض البنات
ان يا يحطونه بكوب في ماي حار لي نص غرشة الصبغ
أو
يحطون نقطة اسيتون بداخل الصبغ ويحركون (هذا انا اللي اسويه مرات)
يدعي شحليله

 

[Patcholli]

مانو ماخذته من ريميل مكتوب عليه 60 سكيند

مانو نزلت لوك روحي القي نظرة وجيكي عالاظافر ترى اللوك كله بس عشان اوريج لون الاسود

 

[Patcholli]

امبيه انا من العصر ليلحين ارتب الكبت ولا خلصت
الحين بنجرت مالي خلق اكمل افففففففففففففففففففففففففففففففففف تعبت ظهري شب علي

 

[PuPa^^SWeeT]

سلامتج



باتشووولي كملي باااجر

 

[manoooram]

Patcholli
سلامتج من التعب حبيبتي
والله ريحي بس من متى وعليه وانتي تعدلين فيه !!!
جذي صلبتي ظهرج حرام عليج

فديت اللوك وصاحبة اللوك والله يعني اهداء لي

اللوك عجبني نايس حد الكول يا كول
ما شالله الكروس والبريسلت توب عليج بالعافيه
والصبغ حلو والله تتهنين
دام مكتوب عليه 60 second يعني يجف بسرعه ؟

 

[Patcholli]

حياتي عيونج الحلوه ^_^
اي يجف بثانيه مايلعوزج انا معاناتي مع صبغ الاظافر الي مايجف لازم يتعلبج ..


مانو وبوبا تدرون اذا وقفت الحين متى راح اكمل ؟؟
مستحيل باجر يمكن بعد اسبوعين او شهر
انا عرات وفصلات مو اي وقت لي خلق الكبت لان عفسه فوق تحت الحين خلصت تقريبا بس بقالي الخماجير الي مني مناك ..


الملابس الداخليه الي مابيها مادري شسوي فيها اشلون تقطون اغراضكم ؟
ريلي مو راضي اقطه بالزباله يقول حرقيهم @@
يخاف الهنود مالوت الزباله حشاكم يلعبون فيهم
بالله شنو احرق هدومي اخاف

 

[PuPa^^SWeeT]

انا الفزهم بجيس جمعية و اربطه و اقطه



يعني مايبين عدل


انتي اذا تبين اتقطينهم قصصيهم


و قطيهم

 

[manoooram]

Patcholli
الكبت ترتيبه ينرفز خصوصا اذا الهدوم وايد وتعالي شوفي شنو تبين وما تبين منهم
الله يعينج والله ودام ما بقى الا تناتيش شويه ترتبينهم خلصيهم مره وحده
وبالنسبة الملابس الداخليه اللي ما ابيهم عادي اقصص فيهم وتالي أقطهم

 

[ديانا سبنسر]

الحالة النفسية. مظلومة وحاسة بقهر واكتشفت أني وحيدة بها لدنيا اكتب ودموعي تحرق خدودي مدري ليش طرت علي باتشو وأنا. بها لوحدة ودي المها وابجي لين ارتاح.

 

[أم فـرح الحلوه]

ليش ديانا عسا ماشر والله يبرد ع قلبج واذا ع الحرات لازم تذوق جبودنا وتنحرق وتنزل دموعنا ومالنا لا حول ولا قوه بس الله كريم ويعوضنا مع الايام



انا منغثه من زوجي مدري شسالفته شقصته واكره شي اني غبيه مافهم ولا استوعب واسامح بسرعه وبطيئة الفهم

 

[ديانا سبنسر]

ام فرح الحلوة ماقصرتي مشكلة ان. الظلم يجئ لج من اقرب الناس. ام واخت. للأسف. الله كريم. مالي إلا الصبر وتوكيل امري لله

 

[PuPa^^SWeeT]

ديانا



سلامتج ياقلبي من ضيقة الخلق



بيعينا بالسوق



الله يفرج همج و يعييينج و يكون وياج و ينصرج

 

[ام الدرر]

ياصباح الخير ياللي معانا ياللي معانا
الكروان غنى وصحانا وييييصحانا

قطيعه الاغنية تذكرني يوم كنا صغار ونروح المدرسة


صباحكم خييييير حبيباتي


ديانا
حياتي ماعليه طوفي يمكن لانج قاعدة عندهم حايا والوضع متازم بينج وبين زوجج
تصيرين حساسة والموضوع مايستاهل تاخذين موقف من امج او اختج
عسى الله يريح بالج حبوبة

ام فرح
شلونج حبيبتي​