يوميا @ سجلي حالتج النفسيه اهني@متزوجات حيااكم@

[PuPa^^SWeeT]

مساء الخييير



شلووونكم


دوام اليووووم طويييل وايد




و صراحة شكله الكورس ماراح يخلص بسرعة




مطول


و كله عطل

 

[ملوكة الامورة]

هلا صبااايا
نفرة نفرة
متابعتكم من اول التجمع
ايااااام ام فيصل وسوالفها هههههههههههههههههههههه
بس ماكنت ارد لان من الايفون
اخبااااركم
حالتي الحمدلله منيحة بس تعب قل نوم
احب باتشولي احب كلامها الله يرزقك ويوفقك

 

[Zinab BH]

قمور الله يعطيج خير السيارة ويكفيج شرها ,, والله يعوضج خير عن ريلج
كنت اقرا سالفتج وية ريلج من زمان مادري شلون استحملتيه
مشاءالله عليج صبووورة على الظيم الله يأجرج والله
هالريايل ماوراهم الا التكفخ بالنعل علا وعسى يتسنعون ومافي فايدة

 

[ملوكة الامورة]

ايه دخلت امس العناية بالشعر والبشرة والجسم
لقيت خلطة صفار البيض
سويتها بس ماضبطت معي وبسسسسسسسسسسسسسسسسس

 

[ملوكة الامورة]

قموررررررررررررررر الله يكتبلك الخيرررررررررررررررة
متابعتك من اول قصتك
الله يعينك

 

[Zinab BH]

ام ريلي متصلة لي على سالفة الاجار تبينا نقعد معاها بالبيت
تقول لي اذا تبون ابني الطابق الثالث اخذيها كله وحطي لفت
بقرض الاسكان وانا مابي اخلي قرض اسكان في بيت مردني بطلع منه
قلت لها لا قرض الاسكان بخليه حق بيت نيمع و نخلي عل ىقرض الاسكان وناخذ لنا بيت
قالت اي كيفكم على راحتكم اكسرت خاطري بس انا اخاف اتم مع حمولة
من كثر السوالف اللي اسمعها و اللي تصير انا مالي خلق مشاكل
كفاية دواماتي و ريلي مالي خلق شي ثاني
بس اللي قهرني ان البيت فيه مساحة 300 متر و اكثر قلت لريلي قول لامك
تكتبها باسمك ونبني عليها يوم قال لها مارضت قالت بتسويها ديوانية
THAT'S WHY I GET ENGRY :'(
mabiiiiiiiiiiiiiiiiiiiiiiiiiiiii

 

[manoooram]

مساء الخير جميعا
اليوم حلو والجو بديع ما شالله
زينب حبيبتي بيت خالتج هذا شلون تطلبين من ريلج تكتب هالجزء باسمه حتى لو بنيتو عليها !!
عليها بالعافيه يا قلبي حلالها هالمساحه لا تزعلين ولا شي
يمعي مع ريلج مع قرض الاسكان واشتري لج بيت وخلاص في حال متخوفه من المشاكل

 

[Patcholli]

مساء الخير
اليوم غصلت مواعين فريج كامل
امبيه فيني طبع بااااااااااايخ لما ادش المطبخ لازم اطلع الف جدر والف صحن والف سجينه والف قفشه وانا اطبخ ماعرف استعمل صحن صحنين وافك عمري

شدون بروح اليوم ان شاء الله وانا مجبوره وقلبي مقموت الله يعينا ويرزقني بوحده ادميه وتخاف الله هالمره
مادري اي جنسيه ايييييييييييييييب
جربت الاثيوبيه والفلبينيه والاندونسيه كلهم اخس من بعض :<


زينب البحرين اهلا فيج بالتجمع حبيبتي
سالفة بيت الحموله اول شي صح لما رفضتي تاخذين قرض الاسكان لان مردكم بتطلعون البيت وبيطلعلكم بيت من وين بتبنونه اذا خذيتو القرض الحين ؟
اما سالفة انه امه تسجل جزي من البيت باسمه اشوفها كلش مو حلوه وخصوصا انها تطلع منج
اولا اهو عيب يبين حق امه انه يبي يشاركها بحلالها اهي ليلحنيها عايشه ماورثها
ومادري اذا عنده اخوان او لا بس اذا عنده اخوان هم مو حلوه بحقه ياخذ جزء من البيت وهذيلاك يطالعون
راح تصير مشاكل
ثاني شي يقدر يبني بدون ماتسجل جزء باسمه


حياتي ملوكه فديتج والله نورتي التجمع وان شاء الله على طول نشوفج اهني تسجلين حضورج معانا

قمور حياتي عفيه عليج والله
اولشي مبروك السياره
عيشي حياتج واتهني واستانسي وخيولي هذاك والله من زمان انا اكرهه بس ماكنت ابي اشيشج عليه
بس مدام انتهى الموضوع
خيولي الخايس الوصخ وباللي مايحفظه جليل الحيا
شبع من المغرب والحين يبيج تحللينه ؟
ماخاف من ربه يوم كان بصحته
والحين لما ارقبته ورمت صار ذليل ويبي الناس تحلله ؟
جليل الحيااااااااااااااا

 

[Patcholli]

شدون اتصدقين نا بعد صايره عصبيه وما اتحاجى
توا قاعده اغسل مواعين الغدا
والحبيب ياي يعطيني انتقادات
يقولي ليش حاطه راس الجدر المغسول عالخشب ينقع ويدود ومادري شنو
متصورين ان انا قاعد اطبخ واغسل واكرف على كاونتر طوله مترين ونص ؟؟
وين احط الصحون يعني ؟
الكبت اللي احط فيه الصحون املغسوله طفح اليوم
الباجي حطيتهم بصينيه عالكاونتر الخشب بعد مو حاطتهم بروحهم عالخشب
وياي يعطي تعليمات
جان اهب فيه
قتله حطلي مطبخ نفس الناس اول
مو كاونتر بالصاله وشصغره ومافيه حتى طاوله يمي
وين احط المواعين على راسي ؟

واي نرفزني فوق اللي واقفه على حيلي من امس مارتحت ياي ينتقد


ظحكني يعني ياي بيساعد
قام حط صحون الغدا كلهم فوق بعض بالمغسله
وصب فوقهم ماي
صارو يلوعون الجبد
انترسو دهن ورديت شلتهم من فوق بعض وحطيتهم على جنب
اشلون بغسل بالمغسله واهي متروسه صحون
مشكله لما تحوشه نخوة المساعده المنزليه
هههههههههههههههههههههههههههههههههههههههههههههههه

 

[Patcholli]

توني سابحه وقاعده عالفراش واسمه مبطل فيديون مزعج في موسيقى مزعجه
جان اصكر باب الغرفه

امبيه انا قاعده اتحول الى وحش كاسر
وكتله من الاعصااااااااااااااااب

 

[Patcholli]

اسمه= اسمعه
فيديون = فيديو

كاااااااااااااااااك فيديون ههههههههههههههههههههههه

الحاله النفسيه ظهري يعورني وشعري مبلل ابي احد ينشفلي ياه

 

[manoooram]

لوووووول باتشولي حشى مو مطبخ صراع
اي والله جنج انا بالمطبخ اطلع اللي عندي يعني جذي طبخت وتعبت هههههههههههه
وعليه والتعب على هالمساكين اللي عندي
قامو يفكون نفسهم من يدرون بطبخ اليوم يزهبون لي 3 صحون ويكون قاصين الخضرة واليدام
لووووول

 

[manoooram]

الله يخلي لج ريلج باتشولي يعطيه العافيه ان بيساعدج والله زين منه
اعجبتني نخوة المساعدة المنزلية وترى الريال والله لو يوم يمسك المطبخ
ماتشوفينه ينتقد بيسكت ولا يتكلم
وشنو ماتسوين وتقولين صح هههههههههه

 

[PuPa^^SWeeT]

باتشوووولي


هههههههههههههههههههههه



خلييييه بالعكس يعاااونج



حتى لو يعفس


خليه يعااونج



الله يعييييين والله



الحياة من غير خدم بلشة



ما انكر ارتحت باللبس وجذي



بس وااايد تعبت


ولا الحوادث اتحسين صج تعباااانة واااايد



تكسر مواعين



سجيينة اتشق ايدي


قلااص ينكسر و هاات يا خم و تنظييييف



تعبت


بعد عمري ريلي كافاني بعيييد ميلادي احلى مكااافاة




اتحسووون كسرت خاطره وايد



يقولي عورتي قلبي

 

[انثى عاشقة]

بنات احس بيطير برج من عقلي
انا ترى تحملته وايد وعطيته ويه
فوق اني متحملة غثاه وقايمة فيه بمرضه
وطلباته الي تهد جبال
يسوي معي جذي
وامس متصل ع ابوي يقول لي يعني بس اقول لها يلا روحي تقوم تروح !!!!
جذااااااااااااااااااااااااااب
قلت له ما ابي اروح وشهو له كل ما سار تتش بيني وبينك قلت روحي !!
قال مو بكيفج
روحي ما ابيج عندي دقيقة
يعني بعد هذا يبني اقعد عنده
ابوس ريوله مثلا !!!!


حسبي الله عليه ونعم الوكيل
قليل الاصل هو وامه

والله مايستاهل ظفر رجلي

مو مدح في نفسي بس حتى بعايلتهم عماته يحترموني حيييييييييييييل
امه تقول حصني نفسج كل اهل ريلج يقولون ماشا الله فلانة سنعة حيل
وخلوقة
احصن نفسي !!
وولدها شيسوي بعمره

قلبي مليان منه
ع كثر ما احاول امشي حياتي معاه واضغط ع نفسي
ترجع حليمة لعادتها القديمة
امس اقول لابوي شلون اكمل حياتي مع واحد نفس هذا
لا ويبوني اجيب اخت او اخ لبنتي
وانا حياتي اصلا مافيها استقرار ولا شي صح


اللهم اجرني في مصيبتي واخلفني خيرا منها
​

 

[انثى عاشقة]

قمووور
مبرووووك السيارة اليديدة الله يعطيج خيرها ويكفيج شرها ..
استانسي بالنيو لايف مالج
كان غثى وهم ونكد وراح لحاله

الله يعوضج كل خير ياقلبي ..


مشكورين بنات كل الي اهتمو بموضوعي
ادري غثيتكم بس مالي بعد الله احد غيركم
ابي افضفض اقل شي
لان احس قلبي متروووس وبنفجر
=(

ام فروح
يابعد قلبي الله يعوضج كل خير
انا بعد الي قاهرني شهالتصرف الصبياني !!
قلت لابوي ماني متزوجة مراهق ولا ياهل
ع كل شي قال روحي
كل بيت تصير في مشاكل وتنحل بين الزوجين
اما ع كل شي قال روحي !!
والله اروح وماعاد ارجع له خل يلاقي وحدة نفسي تتحمل غثاه وتقدر تعيش معاه
​

 

[PuPa^^SWeeT]

انثىىى



الحييين انتي معصبة


تعوذي من ابليييس


انسييييه

انسييييه



و ريحي باااالج



و شووووفي رووحج هالاسابيع الياية



ريال يوديييج بيت اهلج


يبييله توقفييينه عند حده


واتكونيين صارمة


بس اخاف تخسرين حياتج ويااه و انتي بعز غضبج



من جذي اقووولج خلاص انسييه و ريحي بالج هالاسبوووع و شوفي نفسج

 

[شادن33]

مرحباً يا حبااايب ياحبااايب مرحباا

 

[شادن33]

لوووول
قمووور طلع كل التجمع يكره هولاكو ههههه

انوووث دي بالج مايسوى عليج ظغطج يرتفع او يصير فيج شي

يبا خلي الايام تادبه وخليج بيت ابوج لين يسنع اذا جذي سوالفه كلمه والثانيه روحي بيت اهلج

الله يعين

 

[&هند&]

مساء الخير يالغوالي

قموووووور هلا والله بالقمر الي طل ع التجمع فديتج


الف مبروووووووووووووووووووووك السياره



:nbvppw::33_1185028183::nbvppw::33_1185028183::nbvppw:


والله يعطيج خيرها وكافيج شرها :ggdw: فديتج استانسي ودلعي نفسج والحياه ماشيه والله يعوضج بالي احسن منه يدلعج ويعرف قدرج وهو عسى حوبتج ما تعداه الي ما عرف قدرج الخايس:rgewrg:

انوث حياتي وسعي صدرج لا يجيج ضغط مثلي متعبني حيل خليج ريلاكس واستانسي فبيت اهلج وخليه باجر يتحسف ويجي يدورج وانتي اشرطي عليه واهم شي خليج ريلاكس واطلعي مع بنتج حرام لا تحس بشي مالها ذنب

باتشووو روحي للمكاتب واخذي لج خدامه اريح لج انتي دوام وحاله وظهرج ما يتحمل والله يرزقج بخوش وحده الي تبرد قلبج بشغلها

نبوض وسعي صدرج وادعي له الله يهديه وما عليج مع العشره راح يتغير ويتسنع وان شاء الله بتوظفين وبتصرفين على نفسج

ام فروح & ام الدرر & بيرفيوم& شدون & ملوك فديتكم تسلمون