يوميا @ سجلي حالتج النفسيه اهني@متزوجات حيااكم@

[قموووره]

ام توشا ليش معطيه حق الموضوع اهميه ؟؟ترى حتى انا يصير معاي جذيه بعض المرات
طاااااف يعني يت على اون لاين؟؟؟؟
ياشيييييخه دعي الخلق للخالق​

 

[قموووره]

لا شدون ماعرفه
اهو ادري شيبي
يبيني اروح واقوله انا غلطانه والغلط راكبني من ساسي لي راسي وسامحني يا طويل العمر
وهم بعد هالكلام راح يلعن خيري وبيقول يوم انج تدرين انج غلطانه ليش ترفعين ضغطي وتخليني اعصب يعني تستانسين؟؟
وبعدين بيقول خليني وانا اهدا بروحي انا مو على كيفج ماني دقمه وبعدها بجم يوم يرد طبيعي

بس عاد تخيلي اهو الي مطلع عيني واهو الي بيسوي فيني جذيه !!!!!
عسى ربيً يسلط عليه​

 

[شادن33]

سلاااام كبييير الام اعيون كحيله ام ضاري

 

[شادن33]

وااي قموور لاتدعين جذي الله يسخره لج

ماادري ليش احس ان ريلج يحبج وايد بس وايد يكااابر ومتفشل من اللي سواه

يبا طيحي الحطب انتي وانتي بردو الكبييييره
ياعيووووني

 

[ام توشاا]

قمووه مو حل انج قاعده مع الريال وماتكلمون بعض امج تدري

 

[ام توشاا]

واللله صج طيحي الحطب والحياه تنازل ومافي كرامه بين المرا وريلها اهو ريال وعنده كبريااء مشيه علي قد عقله وكان االله غفور رحيم

 

[قموووره]

لا ماتدري ولا ابوي مابي اعور قلوبهم بعد عمري انا من تزوجت واهم يدرون اني ماكله تبن ويحاتوني وايد
امي تصبرني بس قلبها يعورها علي وانا مابيها تحاتيني وابوي وده يطلقني منه اليوم قبل باجر
من كثر هواشنا طول هالسنين اهلي ما يحبونه كلش ولا يواطنونه لانهم يدرون انه محسر فيني بس اذا شافوه يجاملونه علشان خاطري
يعني مو ناقصين يسمعون سوالفه والله حتى السوالف العاديه حتى بالغشمره لي يبت طاريه يقلبون ويوههم يقولولي خواتي عفيه لا تطرينه جدامنا مانبي نسمع لازينه ولا شينه​

 

[ام توشاا]

واللله انتي قاعده معاه علي اي اساس منفسين وماتكلمون بعض وانتي تقولين ان اهو ياب لج مرض وساكته وفاعده عنده ةمافي مبرر واحد تحبينه ماضنتي اللي تموتين فيه صح وعيال وماعندج ومنفسين علي بعض واهو اتوقع مخليج عن الفضيحه ولا جان ذلق مم زمان وريح عمره صح يا بنات ولا انا غلطانه

 

[قموووره]

ام توشا انتي موعارفه اهو شنو سوى فيني؟المرض الي يابه لي والحسره الي فيني ومطلع عني وفوق هذا يتلككلي ويختلق مشاكل ويصارخ ويسبني ويسب اهلي ولابوج لابو الي يابج على ولا شي ويطنقر علي واقوله اسفه ؟؟؟؟؟؟
فوق شينه قواة عينه
الله يوريني عجائب قدرته فيه يااااارب​

 

[قموووره]

لا ماتدري مو اهو يحلف ان اهو ماخاني ولا سوى شي وانه يحبني ويموت علي بس انا الي شكاكه وما اثق فيه
وهو الحين لاعب دور المظلوم الي انا تجنيت عليه
اذا تطلقت هذي الاخيره !!!!​

 

[شادن33]

ياقموووره الله يسامح ويغفر شلون بني ادم
وانا اشوفج متمسكه فيه رغم كل هذا
اكيد تحبينه

 

[قموووره]

انا يوميا قاعده استخير والله يسكتني !!!!!
مادري شنو الي ياي الله العالم
واذا على مانكلم بعض هذا عادي اهو جذيه من تزوجني لان امه وابوه جذيه مايحاجون بعض بالاشهر
البيئه لها دور
واهو طبعه زعول يعني اذا انقث من امه يقعد شهرين مايحاجيها وهي امه ​

 

[شادن33]

قموووره يمكن الريال يحس انج متكبره عليه ولا شي
ترا الرياييل كله ولا هذي لويموت عليج ماينسي ويحقد بقلبه
بس من داخله يموووت عليج

 

[شادن33]

شوفي قمووور وايد حريم غيروا رياييلهم وخلوهم يوصلون اهلهم وبقوه
مو شرط البيئه تقدرين لو شوي تغيرينه
بس خليه يحس بالامان معاج مو انج كاشفه حركاته على طووول
ياعيوووووني خخخ

 

[شادن33]

صدقيني ريلج في رجا وامل
ياعيووووني

 

[قموووره]

ياقموووره الله يسامح ويغفر شلون بني ادم
وانا اشوفج متمسكه فيه رغم كل هذا
اكيد تحبينه

شدون ساعات يصير عندج ظروف تحدج على شي انتي ما تبينه
مو موضوع حب ،،،انا ماحبيته لان اهو ما خلالي مجال تحبه شخض مضطرب حيل مو العادي
وانا الحمدلله من بداية زواجي وكل مشكله استخير قبل لا اسوي اي شي انا قبل سنه كنت مطلقه منه وباستخاره ورديت ه هم باستخاره
والله احس جني مسيره جني مسحوره مادري ليش اردله ؟؟؟ مع انه قاثني حيل ولا يطاق
بس اختي تقولي دامج تستخيرين لا تتحسفين ماتدرين الله شنو خاش لج


​

 

[شادن33]

قمووور بغير الموضوع واسميه نفسيه قمووووره ياعيوووني
خخخخ
يلا ضحكي

 

[شادن33]

اي صح كلام اختج ربج رايدلج الخير
يا حقه ولا حقج
مثل سالفه الشاكر والصااابر
ياعيوووووني

 

[ام توشاا]

عيل تطلقي قاعده معاه شحقه واللله صج

 

[شادن33]

يبا قموووره كل هذا ماجوره عليه
والله اييب اللي فيه خير
ياعيووووني