يوميا @ سجلي حالتج النفسيه اهني@متزوجات حيااكم@

[مكتومه]

اي بكلمها بس الوقت تأخر بكره بدق عليها عشان اعرف مواعيد المستشفى متى بيفضون عشان ادل الفندق واروح اخذها

 

[يارب يطيب عبود]

الله يعينك مكتومه

 

[am faisal]

اشوف احسن شتسوين

 

[يارب يطيب عبود]

ام فيصل اسمعي بقول لك
زوجي يسمع اغنيه لراشد الماجد ومبسوط فيها يقول كلماتها روعه وتجنن
ومدري ايش
عاد قلت يابت خليكي رومانسيه بأ هم الأتراك أحسن منك في إيه
قلت له حبيبي هذي الأغنيه تهديها لي صح
قال










لا
أهديها بنتي
انقهرت صح انها بنتي بس دقرني
وزعلت عليه

 

[يارب يطيب عبود]

مايعرفون يجاملون

 

[مكتومه]

زوجي يقولي سألي الى بالنت يصير الزوج ينام ومرته قاعده ع الاب توب

ياربي ترحمني قلت بيقلون عادي عاد انتو قولو عادي هههههههههههههه

 

[((shoOoshoOo))]

حالتي النفسيه : مرتاحه

 

[مكتومه]

ام عبودي عندي وعندك خيررر

 

[حباااري]

هلا ام عبووود
بس بسآلك سؤال اشفي عبود ولدج عسى ماشر ؟!
الله يشفيه ويخليه لج انشاالله

 

[يارب يطيب عبود]

مكتومه قولي عادي اللي بالنت كلهم ازواجهم نايمين واهم جالسين عالنت جنبهم بالسرير

 

[يارب يطيب عبود]

هلا حياري
عبود ولدي الله يشفيه ويعافيه مايتحرك ولا يتكلم ولا يجلس
ولا يحس فيني ولا يعرفني
حسبي الله على من كان السبب

 

[حباااري]

الله ياجرج ليش اشفيه ومنو سوا فيه جذي

 

[@ام ضاري@]

قالبينه شات اشوف تجميع صار:

لاتخالفون القوانين حبوبات والا الموضوع يتم اغلاقه

ــــــــــــــــ

وانا حالتي النفسيه: عال العال

 

[يارب يطيب عبود]

ويه حياري بتقلبين علي المواجع
عبود اول ما ولدته مافيه شي سليم سوينا كل التحاليل اللازمه وطلع من المستشفى
كان طبيعي يتحرك ويصيح ويرضع ما فيه اي شي
بعد خمس وعشرين يوم صارت تجيه حركه بيده استغربناها وتكررت وديته مستشفىى وانا اقول عادي ما فيه شي حتى اني ما رحت ارسلته مع امي
ومن هنا بدت معاناتي
قالوا عنده تشنجات بس مو معروف سببها
وسويت اشعه وفحوصات وتحاليل
ما بقى شي ما سوو له مسكين تخيلي ما كمل شهر ومصومينه يصيح مرا جوعان بس لازم عشان البنج
بنجوه كامل وسوو له رنين مغناطيسي
المهم انهم ما عرفوا السبب وصارت تجيه تشنجات صدق انها ما تطول يمكن مدتها خمس ثواني بس تجسه كثير يمكن مية مرا فاليوم او اكثر بدون مبالغه
وتنوم بالمستشفيات وتعذب مسكين اذا جو ياخذون منه تحاليل ما يلقون وريد يمكن عشرين ابره ةلا يلقون الوريد واذا لقوه يصير جسمه بارد وما يمشي الدم هذي مشكلتنا بكل مرا يبون تحليل والله اذا قالوا تحليل يضيق صدري ويتقطع قلبي عليه
وقف صياحه ووقفت حرحته وصار كاننه خرقه لو اخليه يوم كامل على وضع ما يغيره
مرا كنت اسبحه بالمسبح وقلت بجرب لو ينكتم يمكن يحاول يتحرك وابدا ولا كان فيه شي ما تحرك
المهم ان حالته صارت صعبه بعض الاطباء يتهرب كانه يقول ما اقدر اعلج ولدكم
وبعضهم يتطبب فيه يعني يجرب تخيلي الدكتوره تقول طيب وش رايك يام عبد الله نجرب هالدوا فيه
وانا شدراني تساليني وادوية التشنج مرا قويه وما نحصلها الا بوصفه مختومه لها طريقة خاصة
واذا خلصت الادوية وما لقيناها بالصيدليات شي ثاني ما بقى دوا تشنج ماخذاه
المهم بعد ماجربت كل شي بدون مبالغه مستشفيات بالشرقيه كلها وبالرياض من احسن المستشفيات ومشايخ يقرون وحريم يعاجون وطب شعبي كل شي
قابلنا دكتور اردني اسمه محمد البقاعي يعالج بالطاقه في الرياض ياخذ عالساعه 150 دينار
قالنا شرايكم تروحون مركزي بالاردن احسن ورحنا شهرين بس عالجه ما نفع مع عبود لان المفروض نوقف التشنجات اول وخسرنا كثير
بعدها قررنا نوديه المانيا وطبعا الدولة رفضت نسافر على حسابها من زين مستشفياتهم الفاشله يتعلمون بالمسلمين
المهم رحنا لالمانيا وانا كلي امل اني بلقى له علاج هناك
فالوا قبل ما اروح انه ممكن فيه عمليه للراس تخليه يتحرك بس مو اكيد شافه جراح المخ والاعصاب وقال اللي نفس حالته ما تنفع له عمليه قمت اصيح الامل اللي كنت متعلقه فيه راح غيروا ادويته وخفت تشنجاته
وباخر رنين سووه له قالو ولدك ما عنده مخ انهبلت وقلت انتوا قلتو انه فيه مخ وما فيه ضمور قالو مع الوقت وكثر التشنجات تاكل مخه وما بقى منه الا عشره بالميه وهالعشره بعد تالفه
راسه صغير عن الحجم الطبيعي
وكل الاطبا قالو هذي اعراض نقص اكسجين
وهذا خطا طبي عند الولاده بس اهم ما قالوا لكم
وانا بوقت الولاده صرت حوسه وقالوا دقات قلب الطفل تعبت ودخلو علي طبيب رجال لاني كنت رافضه بس لما قالوا فيه خطر عليه وافقت واسكتوا وطلعوه من المستشفى
وكل المشايخ اللي قروا عليه قالوا هذا حسد
حسبي الله على من كا السبب

حاولت اختصر قد ما اقدر
سامحوني سولفت كثير

 

[((shoOoshoOo))]

الله يشافي عبوووود
ربج كريم لاتياسين من رحمته

 

[يارب يطيب عبود]

امين يارب
ادعوا له ربي يشفيه

 

[يارب يطيب عبود]

حياك ام ضاري>>> فيس خايف انك تقفلين الموضوع

 

[مكتومه]

يااارب ياارب تشافيه يارب ام عبود والله عورتي قلبي عليه انتي كل سمي عليه كم عمره ؟؟

وياارب تحنن قلب ام ضاري علينا ههههههههههه

 

[حباااري]

آه ياأم عبود والله اقرا وادموعي على خدي حسبي الله ونعم الوكيل يارب ياكريم ياعظيم اشفي عبدالله يارب وعافه يارب فرح قلب اميمته
آلي والله بوعدج بكل صلاه بدعيله من قلبي ولا تيآسين من رحمة الله ربج قادر على كل شي سبحانه

 

[يارب يطيب عبود]

الله يجزاك خير يا حياري ادعي له لا تنسينه من دعواتك

مكتومه عمره ثلاث سنين ونص