ايم هير دير وسوري عالتأخير :> ..
بارت روحه السوق ,,
لازم مبلغته قبلها بأسبوع عشان يعمل حسابه وهم لازم تذكرينه كل يوم عشان لا يخطط لشي ثاني ,,
بالنسبه لريلي السوق لازم الصبح وايام الاسبوع مو الويك اند << بند مقفول تماما :/
نقول مثلا يوم بالاسبوع الساعه 2 الظهر ورا الغدا ..
الزوجه : مو تنسى اليوم السوق ,,
الزوج : مو ناسي بنام ساعتين وبعدين قعديني :/
الزوجه : اذا من النوع الي تكشخ وبدل وجذي لازم مزهبه اللبس والميك اب بهالساعتين وورا الساعتين ارتزي جدامه ونطريه ..
وبعد ساعتين ..
الزوجه : تتسحب بأطراف ريولها وتروح له وبطرف صبعها تقعده
الزوج : يقوم مفزوع @@ شنو فيه ؟
الزوجه : يالله الساعه اربع ؟
الزوج : نص ساعه بعد < ويرد ينام !
الزوجه : انغلب على امرها وقالت ننطر ..
ورا النص ساعه ,,
تروح مره ثانيه ونفس السيناريو ..
الزوج : يقوم ويأفف :/ ويطالعج من فوق لي تحت ولازم يعلق على اي شي فيج ووين رايحين احنا على كل هالكشخه ؟!
خففي حمرتج ولا عدلي شيلتج .. وانواع التحلطم ..
الزوجه : ساكته لانه اي كلمه ممكن تنقلب ضدها
الزوج : يدخل الحمام تكرمون .. وبعدين يطلع ويطالعح @@ شنو بتشترين من السوق ؟
الزوجه : ملابس شتا وشوي اغرض ؟
الزوج : لا ترى مارح افتر كله مكان واحد
الزوجه : اي نروح مجمع وهناك نشوف ؟
الزوج : ترى مالي خلق فرفره اهو مكان واحد ماغيره اخذي الي تبين منه وخلصينا
الزوجه : انزين بدل الطلعه بصوب والبجايم بصوب والجواتي بصوب ؟ :/
الزوج : قلت لج انا مارح افرفر و خلصيناا ييبي دلاغي :/
الزوجه : انا خالصه ناطرتك :X
بعد ما لبسو وراحو السياره
الزوج : منفس وماله خلق .. اي مجمع بتروحين ؟
الزوجه : كيفك ..
الزوج : الحين مو انتي الي بتشترين ؟!
الزوجه : ودنا سنتربوينت
الزوج : زحمه الحين ولوويه
الزوجه : انزين سوق السالميه
الزوج : يعني مرقعتهاا ! هناك زحمه اكثر :/
الزوجه : خلاص كيفك ودنا مكان مو زحمه
الزوج : يعني وين مثلا لا تخليني اقفل واردج البيت !
الزوجه @@ طبعا لي الحين ساكته لانه مو بصالحهاا لووول
خلاص الديره ,,
رحنا الديره ..
صفطنا ونزلناا ,
محل عطور ييتي بتحطين ريلج عند عتبته
الزوج : يعطيج الخزه @@
الزوجه : تكمل طريجها سيده : /
محل قمصان << حتى لا تفكرين تعطينه نظره من عالجنب لوووووول
والي يقهر وانتي بروحج ما تشوفين شغلات حلوه بس مع زوجج مليون شي اينن
ويدش اهو محل فنايل ومكسرات ويعد ربع ساعه يختار له
بعدين يدخل محل مسابيح .. وينقعج نص ساعه ..
عاد الحين انتي دشيتي السوق وبتشترين .. يالله .. بسرعه
خلصي ؟ .. انزين شرايك بهذا ؟ اي حلو خلصي :/ من الدودهه اي شي تشترين عشان تخلصين :rgewrg:
ييتي عند الكاشير .. 80 دينار وانتي صاعده ..
الزوج : يدفع وطلعتو ,, شنو شاريه هالكثر ؟؟
الزوجه : بجايم ؟ كل واحد 3 بجامات وناقص بجايم للبنت ودلاغات والاندرويرات
الزوج : كل الي دفعته وماخلصتي شغلج ؟ ماكو يالله البيت ,,
الزوجه : :rgewrg: ماكو بالمحل للبنات شي حلوو خنشوف المحل الي يمه ؟
الزوج : اخذي اي شي وطلعي خل نخلص ترى تعبان ومو نايم شي ومالي خلق :/ :/
بعد ما طلعتو من السوق وقاعدين بالسياره ..
تشوفين راس ريلج يطلع منه دخان من الي دفعه
الزوجه : ليش الاسعار صارت غاليه جذي قبل ارخص بوايد وهذا احنا بالديره يعني
الزوج : يطالعج من طرف عينه وده يزنطج لووول .. لا وكنتي تبين سنتر بوينت بعد !
الزوجه : ترى انا لي الحين ما شريت شي حقي
الزوج : مالي شغل فيج عندج مصروفح وروحي بروحج
الزوجه : انزين خل نشتري عشا
الزوج : يصفط بالشارع وتحديدا بالخط السريع ويقول لها نزلي
لا لا اتغشمر بس يقول في عشا بالبيت سوو ..
ولما نوصل البيت نطلب مطعم :bbbiu:
ردينا البيت وقعدت اطالع الي شريناه وطبعا لازم في شغلات ناقصه وتتحلطمين نسينا نشتري هذاا ولا نشتري ذاك ,,
الزوج : يدق تلفونه ..
هلاا فلان .. لا والله ماعندي شي ؟!
اي قهوه ؟ لا لا بروح النادي .. تعال هناك .. يالله اشوفك هناك ..
الزوجه : :rgewrg: اشوف الحين لك حيل وخلق ومصحصح :eh_s(10):
الزوج :
صج ما يبين بعينج ؟ الحين من الساعه جم موديج ومفرفر معاج وشريتي الي تبين ,,, الخ ؟
ويذكرج بطلعه هالسوق اسبوع جدام :/
:eh_s(16):
