يوميات حملة نيولوك انثى الصيفية الرمضانية .. نقطة الانطلاق الفعلية

[نجاح بلا حدود]

للرفففففففففففففففففففففع

يومين المنتدى معلق

اي والله
يومين هو معلق
الان ايش الحل
بتضيع علينا النقاط
و لا نكتب عنايتنا لليومين الي فاتوا

حيادر فيدينا الله يحفظك

 

[غمـــ ^^ ـــازه]

واااى من امس احاول ادش مايفتح معاى

جدولي سويته ومانسيت شي باليوم الي مادشيت فيه

عنايتي الثلاثا

فرشت اسناني بمعجون وبودره المراميه و سنفرت ويهي بسنفره ستيفلز بالمشمش

ومسحت الكتكوت بغسول حيادر ولمه نشف حطيت كريمي

عالعصاري برش بشعري تونك الاكليل والبابونج والزعتر والثوم واعجفه

وعالمغرب بسبح اغسل شعري بشامبو الصبار واوزع صابونه البياض الشامي على جسمي واتفرك

بعدها اتنشف واحط عالكتكوت كريمي وادهن ايدي بفازلين الاظافر وامشط شعري بالمشط الخشبي

قبل النوم

اغسل الكتكوت بصابونه البقدونس وامسحه بمغلي البابونج والافندر واحط الكريم

وويهي امسحه بنفس المغلي

اسوي مساج حق اردافي بزيوت التخسيس

تحت عيوني جنين القمح

رموشي خلطه حيادر

 

[احلى دبه]

يومين الموقع معلق :cxxxp:

ببكي



انا اليومين اللي فاتو ارسلت يومياتي لابله عشرينيه على ايميل الحمله :eh_s(8):


اليوم الثلاثاء
29-6
غسلت وجهي بصابونة بابايا وحطيت ماي ورد معاه جلسرين


وبعدين حطيت فيوسدين على الحبوب

وفتحت ريقي بماي دافي بعد كذا شربت حليب حار مع زنجبيل وحليته بتمر

لبست شراباتي + وشورتي

(( طبعا امس نزلت على الحلوه الدوره ))



وماراح اقدر اسوي شي من خلطات مثلا او حنه ومن اسوالف







وبس لي باك ان شاء الله :eh_s(9):

 

[دلوعة الـ غ ـيم]

الأحد 27 / 6 / 2010م:

عنآيه العصر :

دهنت وجهي بكريم آولاي بالتوت البري

حطيت لابيللوو بالكرز لشفآيفي و كحلت عيوني بآثمد أسود

حطيت خلطه دلع لرموشي و حواجبي

حطيت ديودرنت الليمون لآبآطي و دهنت صدري بزيت زيتون

عنآيه الليل :

عجنت لي من حنآء حيآدر مع تونيك الأعشاب و حطيتها بشعري و عجفته

غسلت إيديني بسنفره الحرير و دهنتهم بخلطه اللوشنات

دهنت وجهي بكريم الأحلام

كليت كبسولات زيت كبد الحوت و كبسوله ترآي هميك و شربت قلآص مآي و نمت

​

 

[طفلة كبيرة]

وحشتووني وحشتووني
هاليوومين ماراح احسب لكم اي نقاط نظرا لمزاجية المنتدى ههههههههه

عنايتي هاليومين كانت
الاحد اشتغلت حمام مغربي وشعري زيته
وامس حمام زيت لشعري
وشيرة لجسمي
وسويت حواجبي
اما اليووم عنايتي بسيطة لان عندنا ضيووف وباجر عرس اختى >> فبغيب عنكم ):
دعواتكم لي ولاختي والفال لكم يارب

 

[دلوعة الـ غ ـيم]

الاثنين 28 / 6 / 2010م:

طبعاً بما إن المنتدى أمس و قبله كان معلق ما يمديني ألحين أجزء عنآيتي فجمعتهم كلهم مع بعض

عنآيه الظهر :

غسلت وجهي بمآي و دهنته بحمايه لويس وديمر

حطيت لابيللوو بالفراوله على شفايفي

غسلت إيديني بصابون و بعدين دهنتهم بخلطه اللوشنآت

أفطرت شعثه مع فنجالين قهوة و بعدين شربت لي كوووب من العصير الأخضر

كليت كبسولات زيت كبد الحوت

عنآيه العصر :

تسبحت ، غسلت شعري من الحنا بصابونه غار و بعدين برغوة شآمبو بانتين

جسمي غسلته كله بجل لوكس بالبندق و الكريما اللذيذه

فرشت آسناني بمعجون سنسودآين واقي المينا

حطيت سنفره التوت البري على وجهي مع تفريك ع الخفيف و غسلتها بمآي

لما طلعت من الحمام عزكم الله حطيت ديودرنت ليدي سبيد لآبآطي

دهنت جسمي كله بكريم زبده الكاكاو من فازلين

رشيت وجهي بمآي ورد بارد و بعدين دهنته بكريم الكولاجين

حطيت لابيللوو بالكرز لشفايفي

مشطت شعري و دهنته بكريم أبو وردة الإنجليزي و بعدين حطيت له كثيرآ و لفيته

عنآية الليل :

مسحت وجهي بمنقوع المره

دهنت إيديني بكريم زبده الشيا من جورجنز

دهنت وجهي و آكواعي و ركبي بكريم الأحلام

حطيت خلطه دلع لرموشي و حواجبي

حطيت خلطه قلب الحب لصدري مع التدليك

كليت كبسولات زيت كبد الحوت و كبسوله ترآي هميك و شربت مآي بماي الورد و نمت

​

 

[دلوعة الـ غ ـيم]

وحشتووني وحشتووني
هاليوومين ماراح احسب لكم اي نقاط راحه لمزاجية المنتدى ههههههههه

عنايتي هاليومين كانت
الاحد اشتغلت حمام مغربي وشعري زيته
وامس حمام زيت لشعري
وشيرة لجسمي
وسويت حواجبي
اما اليووم عنايتي بسيطة لان عندنا ضيووف وباجر عرس اختى >> فبغيب عنكم ):
دعواتكم لي ولاختي والفال لكم يارب

مآآآ يوحشك غالي ياا قلبي أنتي

و الله كلكم لكم وحشه بعد

صدق حسيت أني ضايعه بدون المنتدى اليومين اللي فاتوا :jumpon:

و يسلموو ع البريك المزاجي فديتك

و تتهنين بالعنايه يااا رب

و الله يوفقك اختك و يتمم عليها بخير

و يزرقك و كل بنات الحمله بالأزواج الصالحين آآآمين ياا رب العالمين << و أنا معاااكم :tek:

 

[الكريستال]

وااااااي زين فتح مللني

يومياتي حق الاحد 27\6
صابونة بابايا
وحمام مغربي
وسنفرة العروس
وملح الحليب
واستخدمت صابونة بالمرز للسترتش مارك
وشعري بنيفيا كستان وككاو
وبلسم بديل الزيت

الاثنين 28\6
سنفرت جسمي بسنفرة المشمش
وراستخدمت كريم العروسة جنه
وشعري شامبو كستنا وككاو نيفيا
وحمام زيت
وويهي الصابونة السحرية

واي احس مو ذاكرة عدل شنو سويت لان المنتدى غثني

 

[دلوعة الـ غ ـيم]

الثلاثاء 29 / 6 / 2010م:

عنآيه الظهر :

غسلت وجهي بمآي و فرشت أسناني بمعجون كرست كوبليت 7

رشيت وجهي بمآي ورد بارد و بعدين دهنته بحمايه لويس وديمر

حطيت لابيللوو بالفراوله على شفايفي

حطيت خلطه دلع لرموشي و حواجبي

غسلت إيديني بسنفره الحرير و بعدين دهنتهم بلوشن فيتامين سي

تغديت و كليت فواكه و بعدها كليت كبسوله زيت كبد الحوت و ملعقتين من خلطه التسمين و شربت قلآصين مآي


برب بعد شوي مع عنايه العصر و الليل

​

 

[بنت الاحلام]

انا امس واليوم الدوره طبعا

عنايتي بس امسح وجهي باسكلون واحط مرطب


ونظفت اسناني

وماقدر اسوي شي بعد الدوره


ماكو سبوح

 

[الغــلآ]

جكجكجكجكجك واخييييييييرا فتح المنتدى

:stars:


:68_asmilies-com:


اليومين اللي طافوو كنت مسسستمره عالعناايه قبل امس عنايتي خفيفه
وامس يوم السبوح العالمي بعد الدوووره
زيت شعري وتفركت بالصابونية وسنفرة المشمش وملح البابايا
وحطيت على جسمي بيبي جونسون وخلطة الزنجبيل
وويهي عنايتي المعتادهـ

:33_1185028183:


اليووووووووووووووم


الصبح

فرشت اسنااني << عوار التقويم مو طبيعي

قشرت شفايفي عالخفيف بعسل وشكر

غسلت ويهي بصابونة البابايآ
رشيت ماي ورد

وحطيت حمآآآيه ولابيلو بشفايفي ورحت الدوآآم


الظهر السسآعه 3 رديت

مشطت شعري حطيتله تونيك اكليل الجبل والاس

وعجفته عالخفيييف


مسحت ويهي بزيت اللوز وفركته بسنفرة المشمش من استيفنز ورشيت ماي ورد

ايدي وريلي فركتهم بملح الحليــب

حطيت ع ويهي مرطب الهمالآيآ

وشفايفي لابيلو بالكرز

ورموشي خلطة حيآآدر

خذيت حبة بنتوغآر

وايدي وريلي وكووعي مسسسحتهم بلوونآآ


والحين معآآي كوفي وافتر بالمنتدى

<<< واخيــــــــرآآ :jumpon:

 

[ماف راسها]

مساء الورد وريحة الورد والعنبر



يومين يالظالم !! يومين !1 قواك قلبك تهجرني يومين <--أعاتب المنتدى لووووووول


اليومين الي راحوا اعتبر خارج الخدمة مثل المنتدى لأنه علي الدورة

مافي لاشاور ولا عناية شعر ماعدا تونيك أكليل الجبل واخوانه وتونيك السدر

الوجه غسل بكلين اند كلير ودهنه بزيت لوز مر

وقبل النوم أمس فازلين على وجهي

كل الي اشربه قرفة ومسمار
قشر قهوة
شاي أخضر بالنعناع
وتمر معجون بخرابيط الدورة


وحشتـــــــــــــــــــــــــــــــــــــــــوني​

 

[EnG.SaMoRa]

المنتدى صارله جم يوم معلق مادري عن الكل ولا عندي بس
كلش مايشبك حتى بالدوام الي كان سريع ومستانسه عليه
عالعموم انا بكتب يوميا هالجم يوم ورا بعض طبعا كاتبتهم بالوورد وبسرعه كت وبيس
شسوي ماتوقع في غير هالحل

عنايتي ايام التعليق

الاحد
27/6/2010
بعد الظهر

رديت من الدوام مسحت فيسي بمناديل جونسون
بعدها مسحت ايدي وريلي ورقبتي وفيسي والاندر ارم باسكينول خيار
وبعدها غسلتهم بالصابونه السودا
مسحت فيسي باسكينول مع اسبرين
(طريقه وحده كاتبتها هني تقول انها توخر اثار الحبوب ووتحلف قلت بجرب )


وحطيت خلطه كريمات (فير اند لفلي البقع والتفتيح+هملايا تفتيح +اولاي للتفتيح )
رموشي وحواجبي خلطه ملاك
شفايفي لابيلو
ايدي وريلي فازلين
ونمت شوي الظهر ولمن قعدت

حطيت على ركبي واكواعي فازلين فيتامين e
غسلت فيسي بصابونه البابيا وا

بعدين سويت سكرب خفيف لويهي وايدي بكوستي مشمش
دهنت ايدي بفازلين زبده كاكاو مع ستيفنز كولاجين
مسحت فيسي بمنقوع البابونج همن توني مسويته
شفايفي لابيلو وبس لي بالليل
بعدين غسلت فيسي بكلين اند كلير للرؤوس السودا
وحطيتله خلطه الكريمات (رتنأ + الدكوين فورت)
رموشي وحواجبي خلطه ملاك
اثار الحبوب بظهري جل ديفيرين
شربت قلاصين جاي اعشاب (اكليل الجبل/بابونج/جاي اخضر/مراميه)
ونمت
.............................................................................................................................
الاثنين
28/6/2010
صباحا

قعدت غسلت فيسي بالصابونه السودا وخليت رغوتها
فرشت اسناني بسنسوداين مبيض
وخرت الرغوة من ويهي ومسحت فيسي بعدها بمنقوع المره
خليته ينشف بروحه وطلعت
حطيت حمايه لويهي ماركه ايسو ايسو ورحت الدوام
شربت هوت جوكليت

.......................................................................................
الاثنين
28/6/2010
بعد الظهر

مسحت فيسي بمناديل جونسون
مسحت ايدي وويهي ورفبتي والاندر ارم باسكينول خيار
غسلتهم بالصابونه السوده

مسحت فيسي بمغلي الباباونج
تحت عيوني رول غارنييه
شفايفي لابيلوو
رطبته بخلطه(فير اند لفلي البقع +فير اند لفلي تفتيح +هملايا تفتيح+اولاي للتفتيح)
تغدين شوي عيش ابيض مع روب

ونمت

...............................................................................................................
الاثنين
28/6/2010
مساءا

كنت طالعه فمامداني اسوي وايد اشياء
حطيت حمايه قبل ماطلع وطلعت
لمن رديت غسلت فيسي وايدي بالبابايا

الاندر ارم ورقبتي مسحتهم باسكينول
مسحت فيسي باسكينول مع اسبرين
(حده يحر بس بشوف النتيجه)

حطيت خلطه كريمات الدكوين فورت +الرتن
شفايفي لابيلو
رموشي وحواجبي خلطه ملاك
ايدي وريلي رطبتهم بخلطه تبييض
تعشيت ماكدونالدز
شربت وراها قلاصين شاي اعشاب (اكليل جبل/مراميه/جاي اخضر/بابونج)

كنت رايحه الصالون حفيت ويهي
وسيتي سنتر شريت جم شغله وبس
هذا كان يومي امس
..........................................................................................................
الثلاثاء
29/6/2010
صباحا

غسلت فيسي بالبابايا
خليت رغوتها على ماغسلت اسناني بسنسوداين مبيض
مسحت الرغوة
وبعدها مسحت فيسي بمنقوع مره
طلعت من الحمام عزكم الله
حطيت حمايه لويهي ورحت الدوام
...............................................................................................
الثلاثاء
29/6/2010
بعد الظهر

مسحت فيسي بمناديل جونسون
ويهي والاندر ارم ورقبتي وايدي مسحتهم باسكينول خيار
غسلتهم بالصابونه السودة

مسحت ويهي ورقبتي بمغلي بابونج
نطرت ينشف وحطيتله اولاي للتفتيح
شفايفي لابيلو
تحت عيني رول غارنييه
الاندر ارم درابولين

ايدي وريلي ارام
تغديت شوي عيش ودياي
نمت
........................................................................................................................

 

[EnG.SaMoRa]

الثلاثاء
29/6/2010
مساءا

لمن قعدت طبعا حطيت خلطه زيوت على جسمي
(سمسم / لوز مر/ليمون/جلسرين)
بنطر ساعتين واتسبح من الدورة

شعري زيته بالخلطه العجيبه

حاطه زنجبيل على خشمي الحين وبنطر شوي واشيله

ولي عودة مع اخبار الشور ليلا


سي يو

 

[شيخه الغيد]

جدولي التعليقي المنتدوي

يوم الاحد والاثنين تتبابع لكل التفاااصيل والحفـــله


قمت من نوم يوم الاحد غسلت ويههي ورطبت وانا ذاكره ترطيب ويه والايد والريول

امس حطيت بشعري حمام زيت فاشكول وبيضه عشان كان عندي مناسبه لان قبلها حاطه حنه



وبعد ماحطيت بشعري رشيت على ويههي ماي ورد

سويت بديكير ومنيكير لايدي

ورطبت ايدي وريولي ب اللوز مر وليمون وجلسرين

بعد ساعه سويتهم ونظفتهم وعمقتم وحطيت صبغ

وتسبحت وحطيت سيرووم

ورطبت جسمي بيبي اووويل

ورحت صالون

بليل رديت تسببحت جسمي كله عدل مدل بس شعري لا

بنطر الثلاثا عشان مسويين بف ماابي يخترب لازم يدهن شوي هع

اليوم الاثنين حطيت ماااسك شووووفان وروب على ويههي

ورطبت ايدي وريولي ولبست دلاغ

حاولت اشيل بف بايدي ومشطت شووويه وسويت عنقوووص

وطلعت مع الاهل

رديت غسل ويههي ورطبته وشربت لي كوبين ماي





--------------------------


يوم الثلاثا


فرشت اسناني وغسلت ويههي ورطبته
فركت ايدي بليمووووونه وخليتها تنشففف وحطيت بايدي كريم خلطه كريم فازلين ولوز وجلسرين

غسلت ريولي وحطيت كريم ولبست دلاغ

مشطت شعري حاولت افكك البف
حطيت زيت نارجيييييييل بشعري

دهنت بجسمي ليمون وجلسرين ولوز

اليوم بتوصل لي مجموعه بشره من لمسات جوري فديتها

تعاملهاااااا يهبل مشاااااااءلله الله يحفظها من كل شر آأمين امين ان شاءلله

منطقه الحساسه كير فري+ خلطه حيادر

 

[نجاح بلا حدود]

السلام عليكم

عناتيتي ليوم الاحد

الصبح

1- غسلت و جهي بصابونه الغار + فرشت اسناني بكرست

2- حطيت على وجهي زيت فيتامين اي

الليل

1- غسلت و جهي بصابونه الغار + فرشت اسناني بكرست
2- حطيت على شعري شويه من زيت الفازلين و جدلته
3- حطيت على وجهي كريم التبييض و على جسمي من لوشن التبييض
3-فرشت اسناني بكرست + حطيت على شفايفي من خلطه التوريد

عنايتي ليوم الإثنين

الصبح

1- غسلت و جهي بصابونه الغار + فرشت اسناني بكرست

2- حطيت على وجهي زيت فيتامين اي

الليل

1- فرشت اسناني بكرست
2- حطيت على وجهي قناع مكون من سدر + زبادي + عسل + خميره و هاذي صورته

3- حطيت على وجهي كريم التبييض و على جسمي من لوشن التبييض
4- حطيت على شعري شويه من زيت الفازلين و جدلته
5- فرشت اسناني بديبرودنت + غرغرت فمي بالماء و الملح + حطيت على شفايفي من خلطه التوريد

 

[وردة سلفر]

عناية الأحد 27/6
استغفر الله العظيم من كل ذنب عظييم .. يمال عيونكم البط ياللي ماتذكرون ربكم .. من ال12 الظهر وانا احاول انزل مشاركة ولاني قادره بسبة التعليق وقمت كل ماسويت شي كتبته بنوت باد بروحه عشان لا انسى شنو سويت ،
ومضطرة الحين الصقهم كلهم بمشاركة وحده .. لكن راح افصلهم بالاوقات اللي كتبتهم فيها :

الساعة 12 الظهر
حطيت لي قفشتين كباار (ملوت المرق ) من حنة حدوور وسيلتها شوي بماي وسخنتها وحطيتها على كل شعري وعجفته ورفعت العجفه بماشات ولبست الكاب النايلون والفوطه وراه الكاب الحراري وبخليه ساعه واشيله وانطر بعد 3 ساعات فوقها يعني عال 4 وادخل اتسبح

الساعة 2 الظهر
الحمدلله تغديت وشربت جاي اخضر مع زنجبيل وليمون

ورحت سويتلي ماسك عبارة عن (جنين القمح-مطحون خزامى وبابونج-شوفان-روب+ ليمون) وحطيته على ويهي ولما نشف غسلته بس بماي ورشيت على ويهي ماي ورد بااارد

الساعة 4 العصر
على الساعه 3 مسحت ويهي بالبابونج والخزامى ورحت دهنت كل جسمي بزبت اللوز المر والجلسرين وعصير ليمون وبقعد لين الخمس وبدش اتسبح من الحنة والزيوت

اشوفكم بعد الشور حبيبات قلبي



الساعة 6 ونص

على الخمس دخلت اتسبح واخذت معاي صابونيتي ..

اول شي خليت الماي الحار يصب على جسمي 3 دقايق وبعدين حطيت من الصابونية بالليفه الخشنه وقعدت افرك عدل عشان اطيح الزيوت من جسمي
وتشطفت ورجعت تليفت مره ثانيه وخليت الرغوه على جسمي ليين غسلت ويهي بالمر والكركم وفركت كعوب ريلي ، وبعدين غسلت الصابون عن جسمي وسنفرته بملح الحليب والعيش المطحون
وخليته على ما قلبت راسي وغسلته عدل بالماي ونزلت باجي اعشاب الحنة بحمام زيت عالسريع بس حطيته عالقمة والشعر وشطفته ونزل كل شي ، وبس ماغسلت بشامبو ..رفعت شعري وغسلت جسمي وطلعت .

اول شي دلكت ويهي ورقبتي وصدري بثلجة ماي وررد وبعدين دهنت جسمي كله بستيفز الا بطني وخواصري بالزنجبيلية ، بعدين حطيت ديودرنت حدوور وبودرة جونسون بين صدري وفخوذي ولبست ورشيت ملابسي سبلاش بالاناناس
وشعري نشفته عدل بالفوطه ورفعته بدون تمشيط بمشطه قبل لا انام بالليل .

.. حطيت بيبانثين على المناطق الناشفه بويهي ورطبت شفايفي بلابيلوو ودلكت اظافري بزيت الزيتون والخروع .. وقعدت وشغلت الحزام الحراري على ظهري


وبمركم ان شاءالله مع كل يديد




الساعة 10:43
عناية قبل النووم

غسلت ويهي بالمر والكركم ومسحت الكتكوت بالبابونج والخزامى والمره وفرشت اسناني وسنفرت شفايفي بالسكر والعسل وطلعت
مسحت ويهي بمغلي النعناع وراه تونك البابونج والخزامى وخليته ينشف بروحه .. حطيت خلطتي للهالات
وعلى رموشي وحواجبي خلطة الملاك . حطيت عالاثار كريم شيرلي وعلى شفايفي لابيللو

دهنت ايدي وريلي بخلطة تفتيح الايد ودهنت ريلي بعدين بزبدة الشيا وكريم جليسوليد .. وركبي حطيت عليهم من كريم شيرلي .. ومشطت شعري وعجفته

وتصبحون على خيير

 

[استمد الشوق]

:eh_s(11):

اشتقت للمنتدى

وهذي عنايتي حق الايام اللي طافوا عناية يوم السبت كنت ناويه اكتبها الليل بس علق وماامداني انزلها

يومياتي ..
اليوم : السبت
التاريخ : 2010-06-26

فرشت اسناني وغسلت وجهي ورقبتي وركبتي بصابونة الكركم حطيت على وجهي ورقبتي سيروم ومرطب افين وقبلها مسحت رقبتي باسكنول النشا وحوالين عيني غارنييه الرول ورموشي خلطة حيادر وشفايفي لابيلو ورطبت اطرافي بجرجنز ولبست دلاغات وركبتي بخلطة الترطيب ..\
بطني وفخوذي مسحتهم باسكنول بالنشا وحطيت خلطة ماي ورد .. وكليت احبوبي الحديد

يومياتي ..
اليوم : الاحد
التاريخ : 2010-06-27


فرشت اسناني وغسلت وجهي ورقبتي بصابونة الكركم حطيت عليهم سيروم ومرطب ورموشي خلطة حيادر وشفايفي لابيلو وحطيت على رجلي خلطة الترطيب ولبست دلاغات وركبتي بخلطة الترطيب ..\
بطني مسحته باسكنول بالنشا وحطيت خلطة ماي ورد على بطني وفخوذي .. وكليت الفتامين


قبل النوم حطيت على شعري تونك فازلين مخلوط معها نواة تمر محمصه وفرشت اسناني رموشي خلطة حيادر وجسمي خلطة داهيه ( مو كل الجسم بس الاماكن اللي يبيلها توحيد لون ) ورجولي فازلين ولبست دلاغ

يومياتي ..
اليوم : الاثنين
التاريخ : 2010-06-28

اول ما صحيت من النوم رحت اتسبح غسلت شعري اول بشامبو سلفكرين حنا وبعدين سنفرة جسمي وفركت فوقها الصابونيه وبعدين غسلتها واخر شي غسلت وجهي جسمي بصابونة الكركم نشفت جسمي وحطيت على الجرح مرهم ميبو ورطبت جسمي بجيرجنز وبطني وفخوذي بخلطة ماي ورد ورموشي خلطة حيادر وجهي ورقبتي سيروم ومرطب افين وحوالين عيني غارنييه للهالات شفايفي لابيلو ورجولي فازلين ودلاغات ...


وبسسس ياارب :yaaaaaarb: مايعلق اليوم بعد

 

[وردة سلفر]

يوم الاثنين 28/6

قعدت من النوم غسلت الكتكوت ومسحته من برى بالخزامى والبابونج والمره وخليته لين نشف بروحه على ما غسلت ويهي بالمر والكركم
وفرشت اسناني وسويت سكرب حق شفايفي بالفرشة بالعسل وسكر القصب .

طلعت مسحت ويهي ورقبتي بثلجة ماي ورد وحطيت بيبانثين بين شفتي اللي فوق وخشمي ، ودهنت ريلي وايدي بخلطة التبييض بعدين جليسوليد .

اكلت 5 عجوات وقاعده اشرب حليب بالزنجبيل

واشوفكم الظهر وان شاءالله مايبدع فيني المنتدى نفس امس :|



الساعة 4 العصر
لا اله الا الله اللهم طولج ياروح على هالمنتدى

قمت غسلت ويهي بس بماي ورشيت عليه ماي ورد باارد .. وحطيت على شفايفي عسل

ورشيت راسي بتونك اكليل الجبل والاس مع شوية تدليك للقمة وعجفته .

مسحت ركبي باسكنول عشان اشيل الشيرلي مال امس وحطيت عليهم من خلطة الزيوت (لوز وجلسرين وليمون) وبس

اليوم المفروض عندي دهن حق شعري ، بس متوقعه الدوره في اي وقت فمابي اتسبح واقطعها .


الساعة 8 ونص
عالسبع حطيت مبيلين دريم موس تحت عيني ومسكارا وطلعت رحت الجمعية شريت اغراض ناقصتني .. ولما رجعت مسحت عيوني بمزيل مكياج نيتروجينا المائي ورحت غسلت ويهي بالمر والكركم
ورشيته ماي ورد بااارد . ورطبت شفايفي بلابيللو

عنايتي اليوم حيل خفيفه لأن الدورة بتشرف اليوم او باجر .



الساعه 1:00
عناية قبل النوم

غسلت الكتكوت بفيم فرش ومسحته من برا بغسول حدور وطلعت دهنته بزيت الجلسرين واللوز وعصير ليمون .

مسحت ويهي بمغلي النعناع وبعدين تونك البابونج والخزامى وخليته ينشف بروحه ، دهنت ويهي بكريم الكركم اليوم شريته ، بس شاكه انه مو الاصلي :/ مادري اكمل عليه ولا احطه مع كريم جسمي :|


حطيت خلطتي عالهالات وخلطة الملاك عالحواجب و دلع حيادر عالرموش.. ورشيت راسي تونك اكليل الجبل والاس .. ودلكت بطني وظهري بالزنجبيلية

ايدي وريلي بخلطة التفتيح وراها جليسوليد ، وركبي مسحتهم باسكنول وحطيت لهم شيرلي

تصبحون على خيير :*

وحشتووني :"(

 

[~ غـــيـــر البِشـــر }}]

شلونكم بنات

صارلي 3 ايام موراضي يفتح الموقع معاى

عنايتي ,,,,الاحد
وجهي المقشر
شفايفي فازلين ودم الغزال
حواجبي حيادر
رموشي الملاك

الصبح قمت غسلت وجهي بصابونه المر
وفرشت اسناني بسنسوداين
وبودره ايفا

المغرب حطيت كريم للحبوب
ونطفت رقبتي باسكينول الليمون وسفيد اب