صباح الحب والسعادة على الجميع
يارب حقق في هذا اليوم كل أماني بنات الحملة ووفقهم لكل الي في خير ليدنهم ودنيتهم
آمـــــــــــــــــين
الحمدلله محافظة على قيام الليل والاستغفار مازلت مقصرة لكن اجاهد نفسي
سويت لي اليوم حمام مغربي من غير ساونا وبخار
أول شي بللت كل جسمي وحطيت لي هالخلطة
( صابون مغربي معجون بمنقوع البابونج + الخزامى والشاي الأخضر )
مو سائلة بس صورت قبل ما اخلطهم زين
تركتهم على جسمي أطول فترة ممكنة
وجبت لي الليفة المغربية ..بللتها وابتديت افرك كل جسمي واليفه زين خاصة المناطق الخشنة مثل الركب والأكواع
ومناطق التشققات والسليولايت اتليف بشكل دائري
غسلت جسمي بالماي
أخذت سفيداب ومع شوي ماي وأخذت بالليفة المغربية وليفت كل جسمي بالسفيداب ..ياحلو الخيوط الي تطلع لووول
خليته على جسمي اطول فترة ممكنة وغسلته بالماي
بعدها شاور جل دوف لشد البشرة
الماسك المنعم
بودرة صندل + زبادي + عسل + جليسرين +ماي ورد
هذا شكل بودرة الصندل بروحه
دهنته على كل جسمي وخليته أكثر من نص ساعة
غلسته بالماي
آخر خطوة التعطير
ورد بلدي + خزامى + منوقع في كاس ماي حار
اتركهم شويتين وازيد عليهم ماي بارد يكفي لشطف كل جسمي مع نقطتين مسك سائل
طلعت من الحمام نشفت جسمي وبديت الترطيب
خلطة التشققات
خلطة الكريمات لكل الجسم
كريم المنطقة الحساسة
الكريم الشمعي للرجول ولبست شرابات
فازلين مع دم الغزال للشفايف
دهنت شعري بكريم الصبار ومشطته
وسلامتكم
