مساء الربيع والجو البديع
تكملة تقييمي للخلطات الي استعملتها علشان الكل يستفيد مثل ما أنا استفدت
وللتذكير
طبعا لك شخص يختلف عن الثاني في الي يناسبه والي مايناسبه
والله يجزى كل واحدة استفدت منها في خلطة كل الخير ويحقق لها كل أمانيها سواء من المنتدى أو من خارجه
طريقة التقدير الي باتبعها :
قلب واحد = الخلطة حلوة لكن فايدتها تحتاج وقت أو للحين بدري جدا اني احكم عليها لكن مبدئيا زينة
قلبين = الخلطة زينة لكن لي عليها شوي ملاحظات
3 قلوب = ممتازة جدا
4 قلوب = ماارح اعيش من غيرها في المستقبل لوووول
كريم لترطيب المنطقة الحساسة وتفتيحها ..اعتقد يحتاج فترة طويلة للتفتيح
جلسوليد + لوز مر + ماي ورد ..لكن ترطيبه قوي
سودو كريم للركب + الأكواع يوميا تقريبا ...والمنطقة الحساسة مرتين في الاسبوع
يحتاج وقت
خلطة تفتيح الركب والأكواع
مشقر ويلا بالأعشاب حق الشعر + حليب بودرة
استعمتله مرة واحدة فقط ونعم ركبي بشكل ملحوظ
المفروض استعمله مرتين في الأسبوع
فازلين وكركم للهالات السودا ..بطلت استعمله ...الفازلين مو زين للمنطقة
بحوله لركبي ان شاء الله
زيت أملا بارشوت للشعر ...ماتحملت ريحته ..أملا مع محلب مطحون ...غير انه ماشفت منه فايدة
عصير الجمال الأخضر ..اتعب وأنا احكي عنه ..غرامي
يقضي على الإنيميا وفقر الدم
الشيء الوحيد الي داومت عليه فترة وانقال لي بعدها وجهك ماشاء الله منور
طعمه صراحة مو حلو ..لكن الحين ماستغني عنه وعادي اشربه وأنا مبسوطة
( نص حزمة بقدونس + نص حزمة جرجير + تفاح + برتقال + فلفل حلو + زنجبيل + طماطمة )
مرات ازيد ملوخية ..مرات سبانخ ..اي شي اخضر ورقي
