يوميات حملة نيولوك انثى الصيفية الرمضانية .. نقطة الانطلاق الفعلية

[~ بطوطهـ مالحهـ ~]

عنايتــي يوم الخميس :

اول ما قعدت تريقت شاي أخضر وشابوره دايت

وغسلت اسناني بسنسوداين

ومسحت ويهي منقوع المرا والاسكينول

ورطبته بالفازلين

وحطيت ع شفايفي الحمرا السحريه وفوقها مرطب بودي شوب

وبعدين رحت يبت نشا وليمون وماي ورد وبودره جونسون للأطفال

واسكينول وجلسرين وقطن وملح الحليب

وقعدت قعده ع ركبتي وكوعي والكتكوت

اول شئ مسحتهم بالاسكينول وبعدين حطيت عليهم نشا

وعصرت فوقهم ليمون وحطيت مرا ثانيه نشا

ونركتهم فتره بعدين جبت ليمون وفركتها بكوعي وركبتي

بعدين مسحتهم بكلينكس علشان انشف المنطقه

وأخذت ماس ورد ونشا وبودره جونسون وخلطتهم مع بعض

وحطيتهم ع كوعي وركبتي

ونطرت فتره وبعدين فركتهم بالليمونه

وبعدها يبت ملح الحليب وحطيته بصحن وعصرت فوقه ليمون

وبعدين أخذت من الملح لانه ما ذاب وحطيته ع كوعي وركبتي

وفركتهم بايدي وبعدها دخلت الحمام وغسلت وبعدين غسلت الكتكوت بالغسول

وبعدها طلعت حطيت ع كوعي وركبتي والكتكوت جلسرين وبعدين سودو كريم

وبعدين مسحت ايدي باسكينول وحطيت عليها سودو كريم

وبليل كنت حدي تعبانه مالي خلق اسوى شئ

بس حطيت كولاجين ونمت

هذي كانت عنايتـي

اما النتايج :

اول شئ احسن انه كوعي وركبتي والكتكوت صاروا ناعمين

وقاعد يفتحون عن لونهم الاسمر

وجهي اللى كله حبوب احس الحبوب خفت وصار الوجه صافي

ايدي اللى كانت لونها اغمج من جسمي حسيتها انها قاعد ترد للونها الطبيعي

رجولي تحسنوا لكن يبيلها شووي

بالنسبه لجسمي

صار لي جم يوم أخرب وما قاعد اسوى رياضه

بس انشاء الله

بحاول كثر ما اقدر اضبط عمري بالرياضه علشان اضعف

والتزم بالريجيم

 

[قمر دسمان]

صباح الخير

عنايتي اليوم :
* فرشت اسناني بمعجون فلورايد
* غسلت ويهي بالخلطه الصابونيه
* رشيت على ويهي ماي ورد
* غسلت ركبتي و اكواعي من خلطة جابر القحطاني و رطبتهم
* رطبت ايديني و ريولي بلوشن جليسوليد
* تكحلت باثمد

بسم الله ما شاء الله لا قوة الا بالله

 

[قمر دسمان]

النتـايج :

بسم الله ما شاء الله لا قوة الا بالله تبارك الله

* جسمي كله ناعم من الترطيب المستمر الحمد لله
* رموشي اللي تحت طالوا بشكل واضح اما اللي فوق طويل ما يحتاي
* الركب و الاكواع تفتحوا حييييل مع العلم اني من قبل الحمله مهتمه فيهم
* الشعر في لمعه و حيويه
* بالنسبة للاظافر الحمد لله اظافري قويه بس دايما اقصهم ما احب الاظافر الطويله

بس للحين مو راضية عن الركب و الاكواع و مو راضية عن جسمي شوي باهت مو منور
و بهتم باكلي اكثر و اكثر ان شاء الله

 

[بنت الاحلام]

قبل لا اكتب يومياتي مال اليوم بكتب


النتيجة الاولى تاريخ 11-يونيو



قبل ما انسي


طبعا اهم شي واكثر شي لاحظت وجهي فتح حيل وصفا والكل ملاحظ هالشي ومااحط حتي كريم اساس ومكمله بسبب التغذيه السليمه
والماسكات الطبيعيه

شعري صار احسن بنسبه 30 بالاميه وبكمل بعد

جسمي اصفا واحلي


والركب في تغير بنسبه 10 بالاميه عن قبل


والسواد الي تحت عيوني خف والحمد لله مادري عاد من الاكل ولا من الماسكات مو عارفه اهم شي خف حيل


شعري ما يتساقط الحمد لله اهو من قبل ماكو تساقط بس انا بحط عنايه ابي يطول اكثر

ابي ينزل من المحفوووووووظه


لانه ماسكه حده صار له شهرين من قل الاهتمام



ايدي فتحته اكثر واكثر وهذا لو شي لاحظته وجني اقول فتحت من من عنايتي فيها من كثر ما اخلط فيها خلطا تلوووووولي


وشكرا لج يا حدوره هذا ملخص اسبوعي


واليوم جدولي



اولا كريم حق الشعر


وشور سريع لاني بروح ازور حرمه مريضه

وبعدها العصر اكمل عنايتي وبعدها بروح ازور واالده اف انا اليوم

 

[nono93]

[] صبأأأأأأأأأأأأأأأأحكوووووووووووووووو يا حلووووووووووووووووووين []


النتــــــــــــــــــــــــــــــــــايج

& اول شي حسيت فيه

النعوووووووووووووومه يعني احس جسمي كله نعووووومه ونااااااااااااااعم حيييييييييل واحس اني بنت لوووووووووول


& همن احس ان بشرتي تحسنت واحس الحبوب خفت


& اما الباقي للحييييييييييييييين لأن توا اول اسبوع ما يبين شي

يعني انشالله مع الاستمرار يكون في نتايج افضل



وبسسسسسسسسسسسسسسسسس​

 

[« لُوشَـــا ~]

ألحين بقووم أغسل شعري بشآمبو هيدآند شولدرز



وبحط عنآية النووم ~

الوجه : فيدآوت
الأيدين : فآزلين الوردي مع زيت جنين لقمح
الرجول : الخلطه مع شرابات
الرموش : دلع حيآدر
الشفايف : عسل طبيعي
وأسنآني : معجون سنسودآين << دآيم انسآهم مدري ليه



اشوفكم لا صحصحت ان شاء الله :eh_s(8):

 

[miss.lol]

السلام عليكم


شلونكم بنات

امس المنتدى بالليل و الله ما فتح وياي و يتني النومة و نمت


يصير انزل يوميات الخميس الحين ؟؟؟ و الله تعبت عليهم ... و كان أمس عندي جلسة ميزوثرابي الشعر و الطبيبة عطتني كريم حق بشرة الويه



المهم انا بكتب يوميات أمس ملوت الخميس ... و بعدهم النتيجة و بعدين يوميات اليمعه


انطروني


يعطيكم العافيه بنات

 

[ام عزيزان]

وبما انه اليوم الجمعه راح اخذ راحه

ولكن عنايتي اليوميه مستمره

والنتايج اللي لاحظتها

الوجه : الحمدالله شفت ترطيب ولمعه لان وجهي نااااشفه وجاف
الجسم : نعوووووومه ونظافه وخفه هههههه
الشعر : وهذا اللي ودي يتغير علي بس ان شاء الله استمر على السدر والزيوت .... لان مازال التساقط مستمر .... ولكن الترطيب ممتااااز وخف الجفاف من شعري
والقدمين : ذبحنا السيراميك شقق اريولنا تشقق يازين الزوالي قبل ههههههه.... بس الحمدالله لقيييييت نعومه وتحسن كبير
واليدين : صارت سوده من السياره ولكن لاحظت عليها تغير بسييييط باللون

:33_1185028183:
​

 

[EnG.SaMoRa]

عنايتي يوم الخميس 10-6-2010
مساءا

طبعا لمن رديت من الدوام مصدعه عالاخر
يدوب مسحت ويهي ورجلي وايدي ورقبتي باسكينول ليمون
وغسلت بالصابونه السوده
ومسحتهم بنشا وماي ورد
ونمت لان حدي دااااااااااااااااااايخه وتعبانه
لمن قعدت تغديت غدا خفيف عباره عن كبابه وحمص وعصير وماي بسسسسس
وهذي الصورة


بعدين قمت تسبحت اول شي دهنت جسمي بخلطه زيووت (جلسرين /ليمون/لوز مر)
قعدت ساعتين ودشيت اتسبح
شعري بسلفكرين حنه + فاشكول بالجرجير
جسمي مثل الترتيب بهالصورة من اليسار لليمين



1- قطنه واسكينول كل جسمي
2- الصابونيه مالت مزيونه
3- خلطه دانه الكويت وقعدت بالبخار فيها 10 دقايق وفركتها بالليفه المغربيه
4- بيبي اويل على جسمي ورشه ماي بارد ،، وغسلت شعري من حمام الزيت وطلعت
5- رشيت ماي ورد على جسمي وصابونه الشبه للاندر آرم والكتكوت وبعدها غسول الملاك للكتكوت وطلعت

نشفت شعري بس بهوا الاستشوار مالي خلق اصدع مرة 2 ( حطيتله سيروم كريستال مع شوي زيت 555)
رطبت جسمي بخلطه اللوشنات مالتي
الافخاذ وبطني والحلوة بخلطه السليولايت
الاندر ارم بدرابولين
الارجل بخلطه الرجل مالتي (جليسوليد /فازلين / جلسرين / نشا/ ليمون ) تهبل تنعم وتبيض
رموشي وحواجبي خلطه الملاك
شفايفي لابيلو
اظافري( خروع / زيت زيتون / ثوم/كبسوله فيتامين e)
الكتكوت سودو مخلوط بزيت اللوز
شربت قلاسين ماي من عطش الحمام المغربي وبسسسسسسس

ماذكر اني تعشيت جنه خربطت بس وشربت جاي اخضر ،، رحت الحواج شريت جم شي ناقصني
وبسسسس ياحلوات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

عنايتي اليوم الجمعه 11/6/2010
صباحا

مسحت ويهي بمنقوع المره
اسناني بسنسوداين المبيض
غسلت بالصابونه السوده
الكتكوت بغسول الملاك
رشيت ماي ورد لويهي وطلعت

قريت سورة الكهف ،، وبعدها قررت اسوي خلطه عشرينيه
الي اهيه عباره عن

هذي مكوناتها واضحه وكامله ونسيت اصور الجليسوليد معاهم ترى موجود بالخلطه
ملاحظه : العلبه الي يم سنفرة الكاب فيها شكرابيض مااعندي بني لان الخلطه اساسا فيها بني والقندور الي تحتها فيها عيش محطون ،،
والزيوت الي تحت من اليسار ( سمسم ابو جمل / زيت لوز / جلسرين / جنين القمح)

قمت يبت قفشتين من كل من ( ملح الحليب/ ملح البابايا / شكر / عيش مطحون)
حطيتهم على نصف علبه سنفرة كاب
وحطيت قفشه من كل زيت من الي طافوا
وقفشتين جليسوليد وبسسسسس

هذا شكلهم فوق بعض





وقعدت اخلط واخلط لمن طاحت ايدي

وهذا شكلها النهائي ،،، جنها برد تووووووووووووووووووونس



وشكلي بعد الغدى بتسبح فيها
يمكن مايشبك وياي ،، بعدين فبقولكم غداي راح يتكون من عيش ابيض وروب وسلطه
وقلاص ماي

بس الحين قاعده آكل برتقاله



وعنايتي بالليل راح اقولها بالليل او باجر اذا ماشبك المنتدى الحلووووو

برب بكتب نتيجتي الاولي

 

[ام عفاف الكويت]

ماشاء الله لا إله الا الله
ولا حول ولاقوة إلا بالله


النتيجة الاولى


الشعر
الحمدلله رب العالمين
السدر صج الواحد يستفيد منه
رضاء تام من حيث الطول او الشعر نفسه


الوجه
الحمدلله وايد تحسن بس حاليا زعلانه عليه هههههههههههههه
لانه تحت عيني من السهر تعبان فلازم احرص انه ماسهر
الحمدلله الاسنان فيري قوووووووووود
الزيوان ( النقط السود ) حول الخشم ارتحت منها مو نهائي لا بس اخف من اول
الشفايف الحمدلله من الحملات اللى قبل وانا محافظه على السنفره


الجسم
بصراحه بسبب البياض الشامي وقبلها اللمسه السحريه حسيت تبيض وايد وايد يعطيكم العافيه
وبالنسبه للخطوط البيضا روووووووووووووووووعه بسبب الشيا
والحمدلله ماشاء الله
والاظافر من خلطه الثوم قوت تبارك الرحمن
والايد والريل فتحوا عن اول ماشاء الله


ماشاء الله لا إله الا الله
ولا حول ولاقوة إلا بالله

 

[&موناليزا&]

بالتوووووووووووفيق للجميع حبيبات قلبي

 

[el3aNoOoNa]

صباح الخير
توني قاعده من النوم
غسلت الكتكوت بالغسول ماله
نشفت المنطقه ومسحته بالاسكينول ولبست الفوطه اليوميه من كير فري ولبست الاندر ويييير
غسلت ويهي بغسول بودي شووب >>> مابقى شي ويخلص
فرشت اسنانسي بالمبيض


امس خلص تونيك كيلن اند كلير مالي فا قعدت افكر بالعلبه مابي اقطها ابي احط فيها شي وافكر افكر
فركت احط فيها اوراق الجاي الاخضر
بس لاعت جبدي من شكل الاوراق لووووووول

فا قرررت اني احط داخلها فيتامين سي
واسنخدمه على وييهي مره بالاسبوع او مرتين بالاسبوع

وهذا اهوا




عاد توني طلعت مسحت ويهي فيه

وحطيت مرطب النهار من الهملايا
ورطب ايدي

ووووبث


اليوم شغلي بالصالون ان شاء الله لاني بحط سدري هناك
ارد واقولكم شنو سويت


بس خل اقولكم نتيجتي الحين

برب

 

[EnG.SaMoRa]

النتيجه الاولى
يوم الجمعه 11/6/2010

شعري : ملاحظه فيه لمعه حلوة اكيد وانعم من قبل طبعا اكيد من زيت 555 طبعا لاني بداوم عليه على طول شكلي يهبل
اظافري : موملاحظه نتيجه كبيره احتاج وقت اكثر بعد للعنايه فيهم بس نسبيا صاروا اقوى شوي من قبل
جسمي : ناعم بشكل عام والكتكوت والاند آرم صاروا افتح بنسبه 30% + ان اثار الحبوب الي بظهري بدت تخف وملاحظه هالشي واااااايد
رجولي وايدي : ناعمين والاثار الي فيهم قبل قلت تدريجيا
اسناني : مالاحظت بياض واضح عليهم ، عادي نفس قبل
رموشي : طلعوا اكثر من قبل حتى بالاماكن الفاضيه طلعلي رموش صغيره ،، بس عيبهم انهم قصار يمكن مع الاستمرار يطولون
وموقفه الماسكرا مؤقتا مابي يختربون ويتقطعون .


بس في شي مضيق خلقي
انا قلت بحافظ على وزني
بس انصدمت اني
زايده كيلو
صرت 54

للأسف

 

[el3aNoOoNa]

النتيجه

اولا من الناحيه الدينيه الحمدالله صايره وايد ملتزمه بصلاتي واذكار الصباح والمساء وصايره كل ماطلع واصادف فراش اعطيه ربع نص اي شي الحمدالله ..

من ناحيه الجسم


طبعا نا قلت لكم وزني 72.6
توني وزنت
لقيته 72.1
بصراحه مو زعلانه ولا ضايق خلقي لانه الصج الصج ينقال انا ماتزمت وايد بالرجيم ومامشيت الا جنه مرتين وكانو 20 دقيقه بس
وجم مره اخربط بليل لووووووووول ومره طلبت من بره فا استاهل حدي
وانا كنت عارفه نفسي وادري ان ماراح التزم بس قلت بحاول اخفف



ويهي الحمدالله ماشاء الله انا اساسا ويهي مافي شي اللهم السواد الي تحت عيني وليلحين مافي نتيجه لاني ليلحين قاعده اسهر لووول بس ابيض
صايره وايد اشرب مااااي الحمدالله
ايدي قدرت ارد لها لونها بالليمون والتفرك الحمدالله
الكتكوت احس احس ان فتح لونه ليلحين مو متاكده بعد ابي ياخذ وقته بالعنايه >>> جهاد
الخطوط خافه عندي من ايام موضوعي مال خلطه ماي ورد بريسم يتحق الثقه .. بس الحين خلصت الخلطه
شنو بعد ياربي
شعري ليلحين مافي اي نتيجه تذكر عليه بس انا راضيه ومرتاحه وايد على الي قاعده اسوي فيه احس فيه حيويه
اي اظافري قاعده اقويهم
رموشي طايلين
لانه اصلا خلطه الرموش بلشت فيها من قبل الحمله بسبوعين او اسبوع


ان شاء الله يارب ماكون نسيت شي

 

[ام عفاف الكويت]

ماشاء الله لا إله الا الله
ولا حول ولاقوة إلا بالله


الشعر

اليوم جمعه
حبيب الشعب لوووووووووول
توني سويته



الوجه
حطيت القناع المقشر
روعه هذا هو



وبعده بريح بشرتي وادش اتسبح



الجسم
بعد شوي بتسبح فراح يكون في سنفرات راح تنحط في وقتها


الريجيم
الحمدلله والشكر بطلت عيني اكلت بفك بنتي حطته بحلجي
وشربت بطل ماي


ماشاء الله لا إله الا الله
ولا حول ولاقوة إلا بالله

 

[ام عزيزان]

<<<<<<<<<< تتابع نتايج شعر البنات لانها تبي شي يوقف التساقط​

:080402ask_prv:

 

[ام عفاف الكويت]

ام عزيزان السدر اول شي يهد الشعر هد يطييييييييح
بعدين يبدأ يتعود عليه

 

[احلى دبه]

جمعه مباركه ياحبايب :eh_s(8):


وناسه اليوم النتايج :jbdwjbd:

طبعا اليو الجمعه 11-6

صحيت غسلت فيسي صابونة كركم ماي ورد شفايفي دم غزال وفازلين فيسي كولا جين بعدين اولاي
شعري تونك اكليل جبل


افطرت ملقه عسل واي دافي

كرمت بين فخوذي ولبست شورت


وراجعتلكم بعد الغداء ان شاء الله :eh_s(13):

اكثرو من الصلاة على حبيبنا محمد

 

[وردة سلفر]

السلام عليكم بناتاات عسلاات حبيبات قلبي

انا قعدت اليوم على الساعة 9 نشيطه الحمدلله تعدلت نومتي :n2006107:

غسلت ويهي بصابونة المر والكركم وفرشت اسناني بكرست ، وغسلت المنطقة بفيم فرش

وطلعت اكلت قفشة عسل ودلكت ويهي بثلجة خيار وعقبها رشيت ماي ورد بارد .. حطيت تحت عيوني لوريال (وايت بيرفكت اي)
وعلى شفايفي لابيلو وعلى الحبه الزعنونه كفر قيرلان .مشطت حواجبي بمسكرة نوا التمر اللي مسويتها ، ورطبت ايدي واكواعي بخلطة تفتيح الايد وريولي بجليسوليد .

ورحت سيده عالمطبخ سويت لي سدر وحطيته على كل شعري (وقبل لا احطه مسحت شعري بمسحة من زيت السمسم) و بخليه على راسي ساعتين لأن اليوم وراي مغربي معتبر :sfg:

وهذي صورة السدر مع مغلي البصل والثوم (ومقدار غطا من زيت الجوجوبا وزيت الحيه وزيت الحلبه) + قفشة آس مطحون (على نصيحة ام عفاف فديتها) .

بالنسبة للنتايج راح اذكرها ان شاءالله بعد الحمام المغربي ( يعني بعد مشاركتي اليايه بذن الله )

 

[ام عزيزان]

ام عزيزان السدر اول شي يهد الشعر هد يطييييييييح
بعدين يبدأ يتعود عليه

بس انا مو اول مره استعمل السدر يعني كنت استعمل بين فتره وفتره

بس الحين ابي استعمله كل اسبوع