يوميات حملة نيولوك انثى الصيفية الرمضانية .. نقطة الانطلاق الفعلية

[وردة سلفر]

قووووووووووة بنااتات

تابع عنايتي ليوم الاربعاء 9/6


برنامج قبل النوم :

مسحت ويهي بمغلي النعناع اللي حاطته بالثلاجه .. وحطيت على الشوائب كفر قيرلان وتحت عيوني خلطة فازلين وجنين القمح واضافاتي
(نشا البطاط) وحق رموشي حطيت خلطة الملاك ولابيلو على شفايفي .

دلكت اظافري بزيت الزيتون والخروع ودهنت ايدي واكواعي وركبي بخلطة تفتيح الايد وبعدين جليسوليد وريولي خلطة ارام ولبست دلاغ

ولبست الحزام الحراري على بطني ، لأني قبل الصلاة حطيته بس على الظهر وخليته يرتاح والحين كملت البطن .. وبسس لي طفا بعد نص ساعه بنام

تصبحون على الف خيير :* :sfg:

 

[الدلـــع كله]

السلام عليكم حبايبي

تابع عناية يوم الاربعا 9-6 (( عناية ما قبل النوم ))

بسم الله ما شاءالله لا قوة الا بالله

غسلت الكتكوت بصابونة ديتول



وحطيت عليه من كريمات التقشير الثلاثة(اليكا + الدوكوين + رتن اي)
رطبت جسمي بمرطب الهيمالايا
غسلت ويهي ورقبتي بصابونة البابايا وحطيت من خلطة داهية
فرشت اسناني وسنفرت شفايفي بفازلين وفرشاة الاسنان الخاصة فيهم وحطيت مرطب لابيلو بالكرز
حطيت خلطة دلع للرموش
طبعا خلطة الريول (فازلين وجلسوليد ومعجون اسنان سينجال تو ) يومين اي ويومين لا
اكلت حبة سيبروفيتا
وبعد ما اسكر اللاب توب بحط لايديني من خلطة داهية

اي نسيت امس لما حطيت من خلطة الريول قبل ما انام الساعه 4 الفجر غسلتهم الساعة 8 بصابونة البابايا ورطبتهم بمرطب الهيمالايا
ورديت نمت لاني ما اتحمل انام وريولي مجيسة

وسلامتكم


سي يو تومورو :sfg:

 

[Nokia N95]

صباح الخير جميعا ....



ان شاء الله الصورة تكون واضحة ....

 

[وردة سلفر]

نسيييييييييييت اقووول اني دهنت الكتكوت بمسحه من (زيت الورد + زيت جنين القمح )

 

[الدلـــع كله]

بناااات شفيكم امس الاربعا 9-6
واغلبكم >>>> وانتي اولهم
كاتبين عناية يوم الثلاثا 9-6

عفيه لا انتلخبط

انا عنايتي بداية اليوم كتبت الثلاثا 9-6 ... واهوا المفروض الاربعا 9-6

لذا اقتضى التنويه :ssssso:

 

[غلآيُ]

9\6\2010
قوّه ~

،
آمس سآعتين آحآول آنزل عنآيه قبل آلنوم ومعييّ يفتح ، وسويت لهآ كوبيّ وهذي هي ~
عنآيتي آلآربعآَ قبل آلنومِ ,

* فيسي غسلته بـ صآبونه البآبآيآَ وآلكركمِ ،
ومسحته بـ محلول آلزنك وآيرآيديرمِ ،
ودهنته بـ بيبآنثينِ ~
و ع الآثآر هيدروكسيد بيلِ ..

* تحت عيوني مسحه جنين آلقمح بآللوز آلمر
ورموشي وحوآجبي خروع مصري بـ حبه آلبركه ، وفوقه خ ، حيآدر بـ الآثمد

* بتنوفآيت لـ شعريٍ ،

* دهنت كتوفي وصدري وسيقآني بـ خلطه آلتقشير

* وركبي وآكواعي ورجليني .. خلطه آلفآزلينِ

* وآلكتكوت , جلسويد بآلليمونِ وآلتلك

وآستغفرت ,
وآكلت حبه مضآد حيويّ
وشغلت آلبقره + آلرقيه وونمت عليهمِ ،.

وبسٍ ، يآلله عن آذنكم بآفك ريقي بـ ملعقه عسل مقري عليه مع مآي فآتر ..
وآسوي عنآيه آلصبح

 

[واحشنى موت]

بحطلكم جدولي لليوم



الخميس 10 - 6


اليوم نزلت علي الدوره فمالي خلق للتفرك


بحط ماسك على وجهي (( روب + هرده + زيت لوز المر + منقوع مره ))

وعقب بغسله وبمرر عليه ثلجه

وتحت عيوني بحط سيريوم للهالاات


وبنقع رويلااتي وايديني بماي وصوديوم وعقب بفركهم بسكر وليموون


وركبي بفركهاا بليمون وصوديووم


وعناايه الليل اكتبهاا في منتصف النهاار

 

[بروريتآ]

دايماًً ناسين الكتكوت هههههههههههههههههههههههههههه

 

[ام عفاف الكويت]

ماشاء الله لا إله الا الله
ولا حول ولاقوة إلا بالله

الصبح اليوم
الشعر
خمريه لانه امس حطيت سدر راح احط التفاصيل بس ارد من الدوام عن السدر

الوجه
غسلته في الصابونه السوداء وحمايه من الشمس فرشت اسناني

الجسم
ماكو لانه امس شايله شيره فماقدر احط خلطات ولا كريم
بس حطيت بالايد حمايه ولبست دلاغ

ماشاء الله لا إله الا الله
ولا حول ولاقوة إلا بالله

 

[غلآيُ]

10\6\2010

عنآيتي الخميس آلصبحِ :

* فيسي غسلته بـ صآبونه الباباياَ ،
وسنفرته بـ سنفرهَ آلخيآر ،
وبخيت عليه مآي ورد

* يديني سنفرتهم بـ سنفره آلباباياَ بآلحليب

* آسناني آيميلٍ ، وشفآيفي كريم آلكرآميلٍ ..

* بخيت ع كتوفي وصدري مغلي آلريحآَن ،

* و ع شعري تونيك آلسدر وعجفتهَ

* وآلكتكوت وركبي وآكواعي ورقبتي مسحتهم بـ آسكينول آلباباياً بآلنشآَ

* ودهنت آلكتكوت بـ سودو بآللوز

وآكلت ملعقه عسل مقري عليه مع مآي فآتر ع الريق

 

[وردة سلفر]

هااااي بناااتاات صباح الخير

انا طبعا سحير الليل مااانمت وبعدل نومتي اليوم بظل موااصله .. هذي حالتي كل يومين اعدل وارجع اخرب .. المهم

توني من جم ساعه مسويه عناية الليل فماكو عناية الصبح ههههههههههه . بس مسحت الاندر ارم بزيت الورد المخفف بماي الورد وحطيت ديودرنت حيادر ، وفجيت ريجي بقفشة عسل وكوب ماي والحين بتريق

واوافيكم بالمستجدات .. اليوم راح يكون جدولي حافل ماشاءالله :sfg:

 

[dandon87]

صباااح الخيــر :eh_s(7):

بداية عنايتي ليوم الخميـس 10/06/2010

قمت الصبح غسلت فيسي بغسول كلين اند كلـير الأخضر للتحكم باللمعان واسناني كريست 3 دي وايت

وغسلت الكتكوت من الكريمات و مسحته بقطنه عليها اسكينول الليمون ولبست كير فري

وحطيت على فيسي كريم النهار من اولاي للتفتيح مع حماية من الشمس من لوريال

ايديني دهنتهم بكريم كلين اند كلير للتفتيح و حماية وطلعت الددوام

بالدوام يايبة معاي حليب بس قاعدة الحين اشرب كوفي :nbptr:

ولي عودة بإذن الله :wqedqw:

 

[EnG.SaMoRa]

عنايه الاربعاء مساءا 9/6/2010

لمن رديت من الدوام مسحت ويهي بمناديل جونسون
وبعدين قطنه فيها اسكينول ليمون على ويهي ورقبتي ورجلي وايدي والاندر ارم
بعدين سنفره كوستي لوجهي وايدي
بعدين غسلت وجهي وايدي ورجلي ورقبتي بالصابونه السوداء

غسلت الاندر ار والكتكوت بصابونه الشبه وبعدين مسحه بغسول الملاك عالكتكوت

رشيت ماي ورد مخلوط بنشا على فيسي وطلعت ،،
نمت قعدت المغرب صليت


سويتلي مكعبات الثلج نصها ماي ورد ونصها مره
وعندي واحد ثاني بسوي فيه طريقه وحده من البنات الخيار والبطاط عيزت ادور الموضوع مالقيته


نسيت اقولكم اني شريت حمايه حق ايدي من بي فارما حمايه 15% بشمع النحل
وهذا رشاش ماي الورد والنشا


شريت هذا قلت حق الماسكات مكون من قندون عادي حجمه صغير وفرشه للخلط وقفشه فيها 3 مقاييس يونس ووايد ريحني



عاد قمت سويتلي ماسك نشا وعسل وهرده



هذي المكونات حطيتها مقدار قفشه صغيره من المقياس من النشا والعسل والهرده


هني لمن خلطتها كلها مع بعض



وحطيتها على فيسي لمده ساعه الا ربع بعدين نشفت وقشرتها بايدي بس وبعدين بماي فاتر
وغسلت بالصابونه السوده ويهي ورطبته بخلطه لوشنات ،،،


بالليل يبت بطاطه وقصيتها شريحتين صغار وحطيتهم تحت عيوني مثل موضوع الاخت ريريز بس حسافه نسيت اصور

وونطرت نشفت وشلتهم

بعدين حطيت خلطه الرموش مالت الملاك ،، وحق اظافري مقوي مافالا ،، وشفايفي لابيلوو وبس نمت

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

عنايتي الخميس 10/6/2010
صباحا

غسلت اسناني بسنسوداين مبيض
فيسي بالصابونه السوده ( تهبل عن جد رغوتها موطبيعيه تحسفت ليش طلبت وحده انا احب اكود لوووووول)
الكتكوت بغسول الملاك
رشيت ماي ورد على ويهي وطلعت
حطيت حمايه ورحت الدوام

وباااليل راح اقولكم عنايتي الليليه ،،
ولاتنسون باجر يابنات اول نتيجه لنا


بالتوفيق للكل

 

[الغــلآ]

صبــــــــآح الورررد
عنآيتي لليوم الصبح <<قاعده مبجر
قشرت شفايفي بشكر وماي ورد
غسلت ويهي وايدي بصابونه البابايا
فرشت اسناني بسيجنال وايت
ورشيت ماآي ورد على ويهي
رقبتي مسحتها باسكينول النشا
والمنطقه الحساسه بعد مسحتها
تررريقت توسته بالجبن وعصير برتقال فرششش
حطيت مرطب غارنييه بماي الورد وفيتامين اي على ويهي ورقبتي
ايدي فازلين الوردي
شفايفي مرطب لابيلوو بالكرز
شعري مشطته وحطيت من بخاخ اكليل الجبل والاس وعجفته
وبث
ببدي درااسسسه حق امتحاني الساعه 5 دعواااتكم
واكمل عنايتي بليل ^-^

 

[قمر دسمان]

صباح الخير

اليوم الصبح :
* صليت الفير و قلت اذكار الصلاة الحمد لله
* غسلت ركبتي و اكواعي من خلطة جابر القحطاني بالخلطة الصابونية و رطبتهم
* غسلت اسناني بمعجون فلورايد
* غسلت ويهي بالخلطة الصابونية
* رطبت ويهي بكريم فيتامين e
* رطبت ايديني و ريولي بكريم جليسوليد


بسم الله ما شاء الله لا قوة الا بالله

 

[EnG.SaMoRa]

وييي بنات نسيت اقولكم ان امس الاربعاء بديت احط تريتوسبوت على ركبي ابي اقشرها
امس حطيتها نص ساعه ومسحتها وغسلتها ورطبتها بسودو وزيت لوز
واليوم راح يكون ساعه والي عقبه ساعه ونص
وهكذااا لمن اوصل الى 6 ساعات


مثل ماعلمتني ام عفاف فديتها

 

[~ بطوطهـ مالحهـ ~]

صباح الخير

,,

عنايتـي يوم الاربعاء :

اول ما قمت غسلت اسناني بسنسوداين

وبعدين رحت وتريقت بيض وجبن سلايس وتوست

وعصير اناناس

وبعدين سويت سنفره لويهي

وهالسنفره بالخيار عجبتني حيل

وارتحت عليها

وبعدين مسحت ويهي بمنقوع المرا

والاسكينول

ورطبته بالفازلين

وبعدين رحت عند ركبتي مسحتهم بالاسكينول

وحطيت عليهم جلسرين وسودو كريم

ونفس الشي لكوعي مسحت لاسكينول

وحطيت جلسرين مع سودو كريم

وبعدين مسكت ايدي ومفاصل ايدي ومسحتهم باسكينول

وحطيت عليهم سودو كريم

وحطيت ع ويهي كولاجين

غداي كان شابوره دايت وشاي أخضر وبسكوت ويقولون اني اكلت كاكاو

ما سويت امس ولا نوع من الرياضه ولا حتى رقص

شعري حطيت عليه كريم وسويت له مساج خفيف

وساقي حطيت عليها جلسرين

وعشاي خربطت فيه لوووول

وبس

 

[EnG.SaMoRa]

الدهمشيه صح كلامج حقه مهضووم هالكتكوت لووووووووووووووول

بطوطة كل يوم تخربطين انتي ككككككككككككك

 

[kimoo]

حبيبتي عشرينية يعطيكي العافية


عنايتي ليوم الاربعاء 09/06/2010

رول ان غارنييه تحت العيون

غسلت وجهي بصابونة دوف البيضا
اااممم وبس

صحيح يمكن ايام ما عم اسوي شي كثير بس الحمدلله عم راعي الصدق بنقل اليوميات

عنايتي لليوم 10/06/2010

الصبح بالشاور استعملت شاور جل دوف لشد الجسم

كريم حمام زيت بوناويل بالمشمش عالشعر

رول ان غارنيية تحت العيون

كريم حماية الشمس افين عالوحه والرقبة وبس
بليل رح اسوي اشيا بعد رح احاول اذكرها اليوم بليل او بكرة الصبح

 

[هلا فيني]

صباح الخير كويتيات

اليوم قمت الساعه 8 غسلت وجهي بصابونة الكركم

والمنطقه غسلتها من عقب الدوكين بصابونة فرجنتي

وتنشفت عدل وطلعت حطيت خلطة السترج مارك

وتدهنت بزبدة الكاكاو وحطيت غارنييه تحت عيوني

وركبي وأكواعي رتن اي

وبعد شوي بحط فيتامين سي على وجهي

والرياضه من قلت ببدأ فيها وأنا رجلي شد عضلي مااقدر أمشي عليها

يارب باجر أتحسن وأقدر اسوي الرياضه

وكنت شاريه جم شغله جديده حق الحمله صورتها لكم

الصابونة السودا بزبدة الشيا للبشرة الدهنية

واللي بالنص زبدة الشيا الخام اللي عندي باقي فيها شوي

وآخر شي صابونة زبدة الكاكاو للبشرة العادية

القطن اللي عندي خلص والأمواس نسيت أشتريهم بداية الحملة


واليوم ان شاءالله بكمل عنايتي المعتادة واللي هي نفس العناية الأولى بعيدها

وبالليل بحط ع المنطقة الدوكين

وعساكم ع القوه