يوميات حملة نيولوك انثى الصيفية الرمضانية .. نقطة الانطلاق الفعلية

[« لُوشَـــا ~]

مســآء الخيـــــر ,,


سويت لي مآسك بعد صلآة المغرب
( ملعقه صغيره هرده + نص ملعقه مره مطحونه )
غسلت وجهي بماء دآفي وحطيت المآسك عليه لمدة 40 دقيقه
بعدها غسلته ورشيت عليه ماء ورد بآرد
وأول مانشف حطيت كريم الكولآجين


وشفآيفي سويت لهم الخلطه اللي أمس سويتها
( عسل + زيت لوز حلو + زيت زيتون )
وبعد خليتهم على وجهي مدة 40 دقيقه
لآني حطيتهم سوآ هي والمآسك حق الهرده
غسلتهم وحطيت مرطب بيزلين

وهذي صورهم ~

اللي يمين حق الشفايف , واللي يسآر مآسك الهرده





أما الحين بآقي عنآيتي للنوم وبس ,,
بكتبها ألحين عشآن اخاف المنتدى يسوي حركآته القديمه :eh_s(3):
وآنآ عندي أختبآر بكرره

الوجه : بغسله بصابونة الكركم واحط كريم فيد آوت
الأيدين : أغسلهم بصابونة الكركم بعد وادهنهم بفآزلين الوردي + زيت جنين القمح
الرجول : الخلطه وقبل شوي سويتها ولبست شراباتي
الشفآيف : عسل طبيعي
الرموش : دلع حيآدر
الأسنآن : معجون سنسودآين بالنعنآع



أشووفكم على خير حبيبآآتي :eh_s(8):

 

[el3aNoOoNa]

هذي صوووووووووووره السدر الي قلت لكم عنه

علبتين روب ... بيضتين ... نص قلاص زيت مازولا ... سدر ماذكر جم قفشه بس اذا مو غلطانه 7 قفاش كبيره سدر

وسلامتكم

 

[غلآيُ]

عنآيتي إلجمعهَ قبل آلنومِ :

غسلت فيسي بـ صآبونه الباباياً ومسحته بـ آيرآيديرمِ ,
و ع الآثآر هيدروكسيد بيلٍ ..

ومسحه جنين آلقمح بآللوز تحت عيوني ، و خ . حيآدر لـ رموشي وحوآجبيٍ
وفآزلين بآلعسل وآلليمون لـ شفآيفي ،

وحطيت ع فروهَ رآسي بتنوفآَيت وعجفتهَ ~

و كتوفي وصدري وسيقآني خلطه آلتقشير ,

وآلكتكوت خلطتهَ ،

وركبي وآكواعي ورجوليٍ ، خلطه آلفآزلينٍ تبعهمُ
وخلصت عنآيه قبل آلنوم وبنآم بدريّ عشان آصحى آرآجع
تصبحون ع آتم خير ,
ودعوآتكم بكره عندي فآينلٍ

 

[حيادر]

قووووووة


اليووووووووم يوم السدر العالمي لوووول

انا بعد توني حطيت سدر بس بخلطة خنفشارية ابتكارية لوووووول



الفير عدت افكر حق عنونة شنو تضيف على السدر

جااااااااااان اتذكر

انا شارية محار معلب من زمااان قلت بخليه حق شعري

تعرفون الاكل البحري شلون متروس بروتين ويود وفيتامينات عجيبة غريبة لووول

عاد شوفوا التالي

انا الحين بنزللكم الخلطة وبروح اغسل شعري ولارديت بتفرغ لكم عدل


اول شي حطيت السدر بطاستي المفضلة الوردية وحطيت معاه قفشة حبة بركة مطحونة وقفشة مسمار مطحون وقفشة شعيييييير مطحون







وبعدين فتحت علبة المحار وحطيتها بصحن علشان اصورلكم اياها











وبعدين حطيتها كلها بالخلاط مع الماي مالها وماضفت عليها ولا شي
وصار جذي شكلها بعد الخلط







وبعدين صبيت هالمحار المهروس على السدر وحطيت عليهم شوية ماي مغلي وصار الخليط لزج وهذا شكله






وترااااااااااااااااااااااااااااااااااام




حطيته بشعري

الريحة قتااااااااالة ويع ويع وييييع

بس انا متفائلة خير بروح اغسله بالصالون وبشوف شيصير معاي وابلغكم

طبعا اغسله بشامبو الصبار بوديه معاي الصالون ماني مخليتهم يغسلونه بشامبوهم انا شارية درزن شامبو لووووول


زهبوا اسئلتكم واستفساراتكم على ما ارجع لكم لووووول

ادري كل وحدة الحين فاجة حلجها لووووول




برب برب برب

باااااااك

الريحة صبار على محار ييييبوووووووووووووووووي

والله خست خست خست

بس تصدقون

صارت فيه لمعة عجييييبة ومانشف وايد كالعادة لما احط سدر !!!!


لزوجة المحار صارت مثل الزيوت والبلسم مع ان لاتنسون انا هالمرة ماحطيت زيوت مع السدر كلش قلت بشوف هالمحار شيسوي



عجيبة عجيبة بحطها عقب باجر بعد مرة ثانية

وايد عجبتني جربوها صج الريحة قتالة بس والله من اول مرة تشوفين عجب عجاب



الحين رديت البيت وكاهي خدامتي فوق راسي قاعدة تحطلي زيت بشعري وبعد ساعتين بس اسلم المندوب طلباته بطييييير على الشاور على طول

وللحين ماغسلت شعري مبعد شوي بروح اتسبح واسكر النت وبنام لان باجر عندي وايد شغل من الصبح بعد

 

[Stylist]

عنايتي لليوم الجمعــــة...
رديت من السوق توني علطول عالحمام حطيت زيت على شعري
غسلت ويهي وبعدين حطيت سنفرة المشمش على ويهي ويديني وفركتهم عدل
المنطقه الحساسه حطيت لها الخلطه مالتها
وكليت حبتين كبد الحوت
ومسحت ويهي بأسكينول و مسحت شفايفي بفازلين
ودهنت ايدي بكريم سيباميد

باخذ شور بعد اشوي وبحط حمام كريم على شعري
وبحط ماسك الطين على ويهي
وبدهن ريولي بفازلين ...
وبـــــــــــــس

 

[وردة سلفر]

هااااي عسلاات حبيبات قلبي خواتي الحلوييين :hjy5jewf:

اليوم خليت السدر على راسي 4 ساعات كنت بخليه ساعتين بس تعايزت ههههههههه .. وما لبست الكاب الحراري بس خليته وقت طويل زين يعني استفدت منه عدللل .. :icon30:

على العصر غسلته بس بماي عدل عدل وبعدين طلعت رشيت على ويهي ماي ورد بااارد وخليت شعري بالفوطه ينشف بروحه .. وحطيت على كل جسمي خلطة شالسالفه تأهبا للمغربي <<<<< شرايكم بالكلمه ؟ لووووول

طرت المطبخ طبعا ازهب خلطاتي وشغلي :

1-اول شي سويته السفيد اب طحنته وحطيت عليه نتتتتفة ماي سويته عيينه ثقيله (اتفرك فيه مع الليفه)

2- سنفرة حدوور وعليها شوية هرده

3- ماسك للجسم ايننن ( 4 قفاش ترمس مطحون - 3 قفاش روب - قفشة من مطحون الخزامى والبابونج - قفشة من جنين القمح مطحون
وجم نقطه من زيت اللافندر( خزامى) ريحته وااو .

4- ماسك للشعر ( روب - مايونيز - حمام زيت فاتيكا - بيضه - عسل )

وهذي صورة الخلطات :

...............

خطوات حمامي فديتكم :

بعد ساعتين بخلطة شالسالفه .. عبيت الجهاز ماي وجم نقطه من زيت اللافندر (يعطيج العافيه ماف عالفكره) من حطيته فاحت الريحه الحلوه :blueSmCLR:

شغلت الخيمه ورحت حطيت الماسك على شعري ولبست الكاب النايلون ودار مداره مناديل عن الحوسه .. ورجعت

دخلت الخيمه 10 دقايق وبعدين اخذت الصابون التونسي اللي بالورد هالمره لونه وردي .. مالي خلق اصوره خخخخ .. وقعدت اتفرك فيه بايدي وخليته 10 دقايق علي (ثلث ساعه ظليت بالخيمه) والكاب مال الخيمه على راسي عشان يستفيد الشعر والويه من البخار.

طلعت ورحت تشطفت عدل وتفركت بالليفه والسفيد اب حطيته مثل الماسك على ويهي بعدين احط منه على الليفه وافرك جسمي.. يااااااااااااااااااااي ياللي طلع هذا وانا كل اسبوع مغربي
شالوضع مادري :080402ask_prv: .
وهالصابون الوردي طلع احلاهم كلهم تصدقون؟؟ وانا اتشطف بس قبل لا استعمل الليفه قاعد يطلع شوائب من ضغط ايدي بس تخيلوا !! :eh_s(12): اخر شي فركت ويهي بليفة ويه خفييفه من الحواي .

المهم عقب ماخلصت دخلت مره ثانيه الخيمه وتسنفرت بسنفرة الهرده وخليتها خمس د وحطيت فوقها ماسك الترمس على كل جسمي وقعدت 10 دقايق وطلعت اخذت هالماسك الجمييل فدييته من ثلاجتي وكان بااااااارد يهبببل : :hjy5jewf:

نشا وماي مع دم الغزال ( سويته مثل المهلبيه ) وحطيته بالثلاجه .

رحت تشطفت زين وحطيته كلللل مكان حتى ويهي وخليته خمس دقايق على مافرشت اسناني وشفايفي .. وغسلته وبسسس .

طلعت على طول حطيت زيت زيتون وخروع على اظافري عشان وايد تعرضوا للبخار وماشاءالله بسرعه يقويهم بنفس اللحظه ماينجفسون تف تف تف تف

والحين انا اكل بيتزا واكتب لكم وانا بالفوطه للحين مالبست :botetoo: .. بقوم اتدهن والبس واطير اسوي ماسك حق ويهي واصوره وألوصه وايي اقولكم شسويت بالضبط .

 

[القائده]

مرحبا بنات
ماقدرت ادخل اليوم بعد ماصحيت
عنايتى
صحيت الساعه 1ونص فاتتنى صلاه الجمعه مع انى حاطه المنبه بس الشيطان
غسلت وجهى وايدى بماء وغسلت المنطقه بصابون فرجنتى وفرشت اسنانى
صليت وقريت الاذكاروصوره الكهف
رشيت ماء ورد وحطيت الحمره السحريه ورحت لسريرى ونمت مره ثانيه صحيت العصر وصليت
حطيت ماء ورد على وجهى
رحت للعطاراشرى بعض الاغراض الى ناقصه لخلطه راح اسويها جديده راح تكون من ضمن عنايتى
ان شالله لسويتها بحط صورتها
تعشيت ربيان ومكرونه اليوم كنى خربتها بس ماكثرت شويات بس لانى ماتغديت ولاكليت شى من صحيت
شوى راح اسوى رياضه للبطن والخصر والارداف

اممممممم اشوف البنات حاطات النتايج
وراح احط النتائج
البشره:فتحت كثير واحس بشرتى مره مرتاحه
الشفايف:اممممممم لحدالان موملاحظه تغير كبير يمكن مع الوقت ان شالله
الشعر:لاحد الان مقدر احكم الامع الاسابيع الجايه ان شالله
ايدى:فتحت كثيرومع الوقت ان شالله يفتح الون اكثر
الرجول:نفس الشى فتح بس احتاج عنايه اكثرعلى كعب ارجولى

 

[ماف راسها]

مساء الفل والورد والكادي


اليوم اعتبره يوم الترطيب

الوجه غسلته بكلين انك كلير المقشر اليومي

بعدها دهنته بزيت لوز مر

على الشعر تونيك أكليل الجبل واخوانه ...على فكرة أمس كتبت اني بحط تونيك السدر قبل النوم بس ماامداني نسيت للتنويه

رطبت كل جسمي بخلطة الكريمات
مسحت الركب والأكواع باسكينول بالنشا ورطبتهم
خلطة التشققات
رطبت رجولي ولبست شراب
شفايفي فزلين دم الغزال
الديودرانت الطبيعي
باردونتكس للأسنان


الماسك اليومي حلبة + زبادي + ليمون
غسلته ورشيت تونيك الورد والجليسرين
رطبته بكريم جارنييه
واستعملت جارنييه لتفتيح الهالات السودا

بعد فترة طويلة مسحت وجهي بتونيك البابونج

والحين إن شاء الله بقوم اغسله وادهن وجهي (زيت النعناع + زيت لوز حلو + زيت جنين القمح) ..خلطتي الجديدة
ومافافلا للرموش استعمله الحمدلله يوميا


فازلين مع الكركم للهالات قررت ابطله ..من بحثي في جوجل لقيت انه الفازلين مو زين للمنطقة حوالين العين أبدا ..يسبب تجمع سوائل وانتفاخ تحت العين


مسحت المنطقة الحساسة باسكينول مع نشا ورطبته بالكريم الخاص


الغداء ماي دافي مع ملعقة زيت زيتون + عصرة ليمون

الشراب الأخضر ( بقدونس + فلفل حلو + جرجير + تفاح + طماطم + زنجبيل ) حوالي كاسين
الأكل فطاير

ماي مع ماي ورد حوالي ربع فنجان
ماي الزعتر نص بيالة
زيت كبد الحوت وزهرة الربيع + كالسيوم ( امس نسيت زيت كبد الحوت قلت باكله ونمت عنه )​

 

[جوري الفيلجاوي]

انا دهنت ايدي بفازلين وويهي بمرطب كلين اند كلير وتعشيت توست ولبنه زعتر وعصير تقاح كي دي دي

عنايتي قبل النوم:اثر الحرق: لكويد والدكوين

رموشي وحواجبي: خلطه حدوره

الهالات كريم ريكسول

شفايفي فازلين وكركدي

ريلي فازلين

صدري خلطه الملاك

ويهي فيتامين سي واي

قريت المعوذات والحين براجع شوي وبنام دعواتكم باجر امتحاني

 

[Stylist]

نتايـــج الأسبــــوع الأول

طبعاً مافي تغيير جذري
بس في تحسن بسيط بما ان اول اسبوع وكنت مريضة:cxxxp:
ايدي وريولي الحمدلله صارو انعــــم
ويهي في شوية نضارة عن أول
وشعري بعد حمامات الكريم صار شوي أطرى وفيه لمعه خفيفه

الحمدلله الأحلى من كل هذا ان صارلي روتين يومي تعودت عليه
وان شاء الله ماتغير ولاامل

وبس :33_1185028183:

 

[ترانيم مبدعة]

الحين بروح انام


بدهن رجولي ويديني بجلوسليد

والمنطقة الحساية بحط لها خلطه النشا

وافرش اسناني

وامرر الثلج على صدري

ووجهي ثلج السدر


وتصبحون على خير

 

[شيخه الغيد]

حطيت عنايتي الصبح والظهر
الحين

شربت لي جاي زعتر

وسويت لي خلطه التمررررر مع زبده وحبه البركه والرشاد واكلهممممممممممممم
لانه اووووووووووول يوم دوووره





الصبح مصوره خلطه الصبار كنت حاطه صبح مخربطه نوومي امتحاانانت شسوووووووووي








ادعووووووووووووووووووووولي

 

[dandon87]

مساااء الخيير ياحلويييين

اليوم الظهر تسبحت وكان كالتاااالي
اول شي نقعت ريولي بمااي حاار و حطيت معاهم شور جل يمكن 5 دقايق بعدين سنفرت ريولي بسكرب المشمش و فركتهم عدل
وبعدين سنفرت جسمي كله بسنفرة المشمش وركزت على اكواعي و ركبي و المؤخرة و غسلت جسمي
وغسلت شعري من خلطة الحنة والسدر و غسلته بعدين بشامبو مرة وحدة و حطيت على شعري من نصه للاطراف كريم الشعر بالبروتين من همالايا و رفعت شعري وبديت بجسمي

حطيت على جسمي كله من خلطة الصابون مالتي و حطيت على المؤخرة والكتكوت و فيسي و رقبتي خلطة دانة الكويت ونطرت خمس دقايق

ولبست كفوف بودي شوب و بايدي صابونة التبييض من بالمرز و فركت جسمي كله وازيد على خلطة الصابون الي بجسمي صابونة بالمرز

غسلت شعري وجسمي عدل و طلعت من الحمام

مسحت الكتكوت والاندر ارم وركبي و اكواعي باسكينول الليمون ودهنت جسمي كله بلوشن ستيفز مع فيتامين اي و فازلين زبدة الكاكو ، ركبي و اكواعي بكريم سودو ، الكتكوت بخلطة الكريمات مالته ولبست علشان اتفضى لفيسي

حطيت سنفرة ستيفز بالمشمش للتبييض على فيسي و قعدت فيها يمكن 10 دقايق

بهالوقت خلطت سكر مع زيت الزيتون بصحن وصورته اكيد لول

[/url] تحميل صور[/IMG]

و فركت شفايفي عددددل وفكرت بعدين فيسي و غسلته وطلعت مسحته بقطنة عليها كلينسر للتنظيف العميق من كلين اند كلير و بعدين كسرت انبولة كولاجين من ايفا و دهنت فيسي و رقبتي فيها و مسجت خدودي

وقبل ما اطلع وابدى بالميك اب حطييت كريم النهار من اولاي على فيسي ورقبتي و كفوف ايدي

عناية الليل
رديت غسلت فيسي بغسول كلين اند كلير و حطيت عليه كريم الليل للتفتيح من اولاي
وشفايفي خلطة الفازلين و دم الغزال و عسل

الكتكوت غسلته بغسول كير فري وحطيت عليه خلطت الكريمات مالته وركبي و اكواعي بكريم سودو

واشووفكم على خيير حباايبي :ch12:

تصبحووون على خييير :eh_s(8):

 

[ماف راسها]

بالنسبة للنتايج تذكرت اني مصورة وجهي قبل الحملة

رحت صورت وجهي اليوم بنفس المكان ونفس الإضاءة وحطيت الصورتين جنب بعض

من حملة الجوهر والمظهر صار لي تقريبا 3 شهور عناية مكثفة الحمدلله

مع الجدول الجديد في هذي الحملة أتمنى بعد كم أسبوع احل الأشياء الي ودي تتعدل فيني وتظهر نتائج إيجابية

الفرق الوحيد بين الصورتين انه ابتسامتي أكبر وعيوني فيها لمعة أكبر الحين...لووول مبسوطة في الحملة وجمعة البنات الله لايحرمني منكم

الشي الثاني شفايفي شكلهم أنعم لانه في الصورتين كنت توني مغسلة وجهي ومنشفته ومو حاطة اي شي

فازلين + دم الغزال منتج إن شاء الله بستعمله للأبد:eh_s(3):​

 

[بنت السلطآإآن]

ورده خيمة البخار مالتج من وين ماخذتها وبجم

بنات لو اقولكم ماتصدقون توني قاعده اقيس وزني لاني ببدي رجيم باجر اول يوم حمله كان 75 الحين 73 شلون راحو كيلوين مادري انا قلت يمكن الميزان خربان ورحت خذيت كل ميزان موجود في البيت وقست عليه لوووووووووووول طلع صج ناقصه كيلوين خخخخخ وناااسه

 

[الغــلآ]

بآآك تآآبع لعنآيتي اليوم

حطيت سدر بششعري وخلطة جونسون بويهي وجسمي

بعد ساعتين

تسسبحت


غسلت شعري بالشامبو الايراني بالثوم وحطيتله فاشكول بالثوم لميته وفركت حسمي

بصابون البيآض آلشــآمي وخليته 3 دقايق وغسسلته

والركب والاكواع بسنفرة المشمش


وبعدين غسلــت جسمــي بالشاور جل


تنشفت عدددل وحطيت بيبي جونسون

بعدين الفاولين البنفسجي للاماكن اللي فيها سيلوليات وباجي جسمي لوشن فيتامين اي من ستيفنز

المنطقة الحساسه خلطة جونسون

والاندر ارم فيبكس

ورشيت بودر ولبست شورت قطن

ويهي غسسلته بكرريم العرووووووسه اليوم شريته ورشيت عليه ماي ورد

شعري خليته بالفووطه للحين ابي ينشششف عددل :eh_s(13):

وحطيت تحت عيني مرطب بوندس وويهي كريم استيفنز شفايفي لابيلوو بالكرز

رموشي مافالا دب لااش


بعدين حطيت حوض مااي حاار ونقعت ريلي

وايدي وفركتتهم عدددل بالشكر والليموون نعوووومه :eh_s(3):

وحطيت زيت زيتوون بايدي و ريلي


وبعد شوي بمشط شعري واحطله من بخآخ اكليل الجبــل والاس

:eh_s(17):

 

[سعودية تموت بأهل الكويت]

الحمدلله فتح المنتدى

المهم غسلت شعري من الزيت بالشامبو الاحمر الانجليزي

وتروشت بالخلطة الصابونية وتفركت بليفة بودي شوب

وباقي عناية قبل النوم مثل كل مررة

الوجه الدوكين وافالون المقشر واليكوم

الشفايف فازلين ودم الغزال

الاكواع كريم شارلي الاخضر

اليد والرجل فازلين

والهالات كبسولة فيتامن اي

وسلامتكم يااحلى الحبايب

ياارب يطلع الردلان المنتدى بد\ا يلعب بذيله لووول

 

[طفلة كبيرة]

عنايتي للشاور وبعده:
غسلت شعري من الزيت بشامبو سلفركين الحنا ومسحة من زيت اصغر علي
جسمي هردة حيادر وصابون البياض الشامي
الترطيب لمسة حيادر وبدرة بوندس
فيسي ماسك الاعشاب
ديودرنت حيادر
سودو كريم للكتكووت
مقوي اظافر
جلوسيد لبشرتي
ولايبلوو لشفايفي

 

[ReRez]

الحين انا حاطه على ويهي ماسك عباره عن مقدار قفشة شاي من
(جنين قمح مطحون - خميره - مطحون البابونج والخزامى - نشا البطاط - نص قفشة مرة مطحونه - وشوية روب )

وهذي صورته

بعد شوي اسوي عناية الليل وادخل اقولها ان شاءالله

 

[وردة سلفر]

انا بعد المغربي دهنت جسمي بكريم ستيفز بالفيتامين ماعدا بطني وظهري والسلوليت تحت الارداف بخلطتي الزنجبيلية .. ودهنت ايدي وركبي واكواعي بكريم التبييض وبعدين جليسوليد وريولي بخلطة ارام ولبست دلاغ .

ورحت سويت لي ماسك عبارة عن (جنين القمح مطحون - مرة مطحونه - نشا البطاط - مطحون البابونج واللافندر وروب وخميره) وحطيته على ويهي لين نشف وغسلته وهذي صورته :

وبعدين حطيت لصقة الخشم ولما شلتها دلكت ويهي كله بثلجة ماي ورد .

حطيت خلطة سلفر للهالات (جنين القمح وفازلين ونشا البطاط) .. ورموشي وحواجبي خلطة الملاك .. ولابيلو على شفايفي

وبشوف شوي مشاركاتكم وبنام :* تصبحون على خير قلباتي :33_1185028183:
:eh_s(8):