رد: يوميات ثقيله الوزن
يوميه 11
اليوم السبت و اليوم اهو يوم الافنيوز و يوم البنك بيرري
مو بس بنك بيرري اختي مبروكه عازمتني عالسينما تعويضا عالحادث و الاحداث الي مريت فيه او ,,,,, يمكن اهي تبي تعطيني نصايح قبل لا ايي جاسم و يوشفني خاصه اننه من عايله وايد زينه و بترفع راسنا ,, و خاصه اني انا نسموووو باخذ جااسم !!
اوكي اختي ماتحب الزحمه !!
فحجزت سينما بالفنار ,, ادري درب من الفنار لي افنيوز و العكس
بس اليوم السبت لازم اكل بنك بيرري لاااازم !!
الفلم يبدي الساعه 2
الحين 12 الا ربع
اذا طلعت الحين و خذت لي تيك اوييمديني الحق
طبعا لبست و كشخت ,, لبست نفنوف تركوازي و رفعت شعري و لبست تاج و تراجي شوي طوال و حديت ميك اب حق عبوني لونه ارزقو اخضر و حمره فووشيه
و تقريبا شوي شوي وزني قام ينزل
صج هالايام صايره اشوق حتن لو انا متينه !!
ركبت سيارتي و بسرعه طيران علالافنيوز !!!
وصلت ,, الساعه 1 و ربع زين يالله يالله يمديني اروح الفنار الحين
رحت صوب بنك بيرري ولا طاااابوووووووووور طوييييييييييييييل
واي لا !!! ليش جذي مايمديني الحين !!
وقفت و امري لله و انا افكر بالبنك بيريو احاتي اختي
كان في ثنتين واقفين وراي يسولفون
لا لا نابكت احلى )))
من صجج لا بنك بيري احلى كلمن يقول ))
واي انتي جربتي نابكت علشان تقولين جذي !! ))
لا بس انا كله اطلب من هني و مستجيل اغيره ))
شنو نابكت !! ووين صاير ليش ماجربه يمكن ماطو هالزحمه و على قوله هالعصله الي جدامي نابكت احلى !!
تزحزحت من هالطابور و رحت سالت السيكيورتي عن نابكت و اشرلي على فوق
صعدت فووق و شفته
وااي شكله زووووقه و الديكور ايينن @@
و احلى شي بالموضوع ان فاضي
رحت بطلب جان تقولي ان فيه انواع و نكهات !! هاا اول مره ادري ان فيه نكهات و ان نكهه اليوم رقي !!
قلت لها عادي اجرب و جربته
و كان شعور لا يوصف يم يم يم لذيذ بشكل خيالي !!
حسيت اني قاعده بمكان بين نجوم و قوز قزح و خدودي تصير على شكل نجوم هههههه
طعم الروب صاير جنه برد مو روووب
لذيييييذ !!!
قلت لها ابي بعد و عطتني سابل ثاني و طلبت منهم تيك اوي على رقي !!
وااو كبيير مو نفس بنك بيري !!
شفت الساعه ولا 1 و نص حلوو يمدييني اروح الفنار
خذته ركض و انا امشي اكل !!
ركبت سيارتي و انا اكل يم يم طعم لا يقاول
و المصااافط زحممممممممممه !!! خيال
و انا اكل لاهيه بالاكل ولا طااااااااااااااااااااخ !!
امبي شصار ,, شنو هذااا
ولا انا داعمه الي جدامي الي وقف فجأه !!
نزل معصب ,, كان امريكي و كان يصرخ و انا اكل نابكت
نزلت الجام
Get out if ur car and call the police !!))
Wait calm down calm down << im sorry ))))
Ok enough of saying sorry get out and call the police !!)))
نزلتمن السياره اشوف اشصاير ,, ولا سيارته مافيها الا زلغه صغيره وانا سيارتي مسكينه شوي تعورت
قلت له اوكي بدق عالشرطه
نطرنا الشرطه و اهو طول الوقت معصب و يتحلطم و يصرخ بويهي و انا اكمل النابكت مالي
يوو الشرطه و قالو لنا تعالو ورانا و رحنا اقرب مخفر !!!
دشينا على الشرطه و شرحنالهم شصار و كل شي !! و قال نطرو المحقق
شفت ساعتي ولا امبي 3 الا ربع الحين اختي مسكينه تنطرني !!!
ادق عليها ماترد ويي لايكون معصبه و زعلانه مني
ادق ادق ادق
ولا ترد !!
امبي نسمووو ماقدر ايي اليوم سووريي خليها مره ثانيه ))
هااا !! شنو هذا توها تتحجا و انا احاتيها الحين اكين تنطرني ,,
سكرته منها و انا حدي معصبه و متنرفزه من الوضع !!! ليش انا بروحي مو معاي ريال امبي ابي احد وياي فشله !!!
اول احدخطر اب بالي حموود ,, أي عادي صرنا نسيايب مافيها شي لو ادق علي يفزعليو خاصتا اهو ياري حتن لو تزوج
جان ادق طوووط طوووط طووووط
مااايرد
و ادق ادق ادق !!!!
توه رد ولا قمشوووو ,,
نغم ))
وين محمد ))
خير شتبين فيه انا اقوله و منو انتي ))
انا نسمه وين محمد ))
واي انتي قوات عين شتبييين شتبييييين محمد عند امه !! بعدين ليش داقه صج قوات عين !! ))
ولا اسمع حس محمد
قموشه من تحاجين !! ))
هذي نسمه داقه مادري شعنددها ))
هاا نسمه !! عطيني اياها اشوف شعندها ))
الو نسمه شفييج !! ليش داقه ))
واي الشرهه علي اني حاسبت لك حساب انك بتفزعلي !! انا الحين بالمخفر و علبالي بتيي تفزعلي و الحين تقول شتبيين !! ))
و جك اسكره صج جلييل الحيا !!!
الشرهه علي انا الي داقه
لايكون على باله اني للحين ميته عليه و ابيه
دشيت عالمحقق
كان شاب بالثلاثينات و وسييييييييم ويه بشوووووش !!
و غمازات و خشمه طوييل و سيييده و صغيير و عيونه كبار !!
ماشاء الله
واي شفيج نسمه جذي تنحتي بالريال !!! هدي شوي شوي جنج مو شايفه خير
تفضلي اختي ))
قعدت
ابتسملي
يا هلا بنت ,,,,,,,,, شلون الوالد و الوالده ))
تعرف ابوي !! ))
أي شلون ماعرفه ابوج كان رفيج ابوي حييييييل و انا الحين ذكرتج كنتو بفريجنا قبل من انتقلتو قطعتونا الله يهديكن ))
حاولتاني اتذكر و اتذكر
افا شكلج ماعرفتيني ))
لا والله ,, ))
ها يالله تذكريني ,, كنا ييران و انتي كنتي كله اطقيني معني اكبر منج ))
هااا امبيي !! الحييين تذكرت واي يالفشييله
شفت اسمه حاطينه عالمكتب و الحين تذكرته 100%
,, يحليله كبرو صار شحلاته
نسمه ))
هلا ))
ليش يايه بروحج وين ابوج ))
...... لحظه صمت ,,, ابوي عطاك عمره الله يرحمه ))
لا الله يرحمه )) وكان على ويهه علامه تعجب و حزن
خلاص انا بمشي امورج بسرعه علشان انتي بنت بروحج هني ))
جان اضحك ضحك موو طبعي اهو مستغرب
نسمه ليش تضحكين ))
تذكرت يوم كنا صغار انا كله اطقك )))
زادت ابتسامته اكثر
و قعد يضحك و يقول ((( أي بس هالشي الي تذكرينه ))
شنو تذكرين بعد ))
امممم مادري )))
يالله تذكري انا شنو كنت اقولج قبل ))
والله مادري )) و قعدت اتبوسم
يالله هذي اةراقج خلصت و عندج التامين خلال 48 ساعه ))
ان شاء الله و مشكور ماقصرت !! ))
وقف من كوله و قال
نسمه !! ))))
هلا ,,))
بسألج سؤال ؟؟؟ ))
هلا امر ؟؟)))
انتي للحين ماتزوجتي !! ))
شكو هالسؤال واي احراج اجررررررررررررراج !!!! شقوله لا شكبري للحين ماتزوجت ولا بيقول هذي شمتنها منو بياخذها !!
لا ))
اها زين ,, امممم )))
خير في شي ؟؟ )))
لا بس بغيت رقم تلفونج ابيج اب موضوع )) ويها قلب الواااان
انحرجت شقوله ,,,, اقوله هاك يقول عني مطفوقه ولا اقوله لا بقول على شنو شايفه روحها شمتنا و جذي نفسيه
انت اكتب لي رقم تلفونك انا اتصل فيك ))
و كتبلي الرقم و طلعت و الف سؤال يدق براسي
من متى يا نسمه من متىىانتي صايره جذي !!! صار عادي عندي اخذ و اعطي مع شباب !!
ولا من بديت اضعف قامو الشباب يلاحقوني
قمت اتخيل نفسي لابسه نفنوف عرس و اركض و اربعه يلحقوني بدشداشتهم و بشتهم الي اهم (( محمد و بو هلال جاسم و سعووود ))
و انا محتاره اختار مين و اخلي مين
وصلت بيتنا و دخلت امي كانت موجوده
نسمه !!
هلا يمه ))
يوم الخميس وسن كنتي فيه ماكنتي بالمكتب ))
لا يمه كنت هناك ليش خير عسى ماشر !! ))
جاسم يه !! ))
ها جاسم سه متى و وين و شلون ماشفته )))
لا يه و ماكنتي موجوده و و ))
و شنو يمه قوليي شسالفه ))
يه ماحصلج وين كنتي فيه ))
يوم الخميس وين كنت امممم عصرت مخي و جان !!! اتذكر
اييييي رحت اييب لي غدا من 360 و رديت !!))
ايي اهوا ه هالحزه !!))
أي عادي خل ايي باجر !! ))
لاااا 1!!)
ليش لا ))
شاف له شوفه و قاعد ينشد عنها !!))
ها منو شاف منوو بالدوام بنات غيري و ,,,,,,,,,,, ليووون !!!!))
أي منو ليان و من بنته لان اختج داقه تسال عنها !!! جافها و انعجب فيها !!))
بس يماا هذي مطلقه !! )))
والله مادري بعد شوي بقول حق اختج اهي تقولهم و بالنسبه لجاسم خلاص غسلي ايدج منه باااح ,, موو انا قايلتلج انثبري مكانج هالاسبوع !!))
اووه يما شدراني مو انا كل يوم انطر ما يه شدراني انه بيي بهالساعه الي طلعت فيها اشتري غدا !! ))
رحت داري و انا كلي احباط و بنفس الوقت متشوقه علىسعود يااازيينه يااااازينه يا ناااس يهبل انسدحت على فراشي و انا الم الورقه الي فيها رقمه و اطيح بساااابع نومه !!
