يوميات ثقيله الوزن[ روآيه مسمُوح بهآ ]

[q8tya 3asaal]

السلام عليكم بنات
شلووونكم
اليوم بحط لكم قصه من تاليفي اهيا حدها خياليه بس فيها واقع من الحياه على شكل فكاهي و كوميدي و فيها رومانسيه بعد
اتمنى ان تعجبكم

يوميات ثقيله الوزن​

]كنت قاعده بالممر بين المطبخ و عرفه الطعام.. اشوف الخدم لاهين يشيلون هذا و يحطون هذا و يودون هذا و كل شوي اخذ طله عالمطبخ الي امي منعتني اقرب صوبه اليوم و كل ما قربت خطوه تيلي الخدامه (( ميري )) و تقولي ( نسمه ماما يقول انتي مايصير يجي داخل متبخ ((today !!
اخذلي طله صغيرونه و اشوف الطباخ قاعد يتفنن بالحلويات و الموالح و اشم هالريحه السنعه !!
أي صح انا ما قلت لكم شصاير عندنا اليوم و شنو سبب هالخبه و اللويه !!
اليوم يوم special عندنا و خاصه بالنسبه لي!! وتدرون ليش ؟؟
اليوم يايين ناس يشوفوني و احلى شي بالموضوع ان هذول اول ناس يطقون بابي و انا الوحيده بين خواتي الي ماتزوجت و فوق هذا انا العوده بهالبيت !! يا سلام !!
فجأه بين لويه الخدم و ريحه الاكل سرحت بلي يدور حولي ,, و سرحت بالموجود في الاستقبال مع الضيوق و امي !!
لين ما يتلي ميري تناديني
(( نسمه ,, نسمه ,,, يالله ماما يقول تعالي الحين ))
قمت من كرسيي و بخطوات ثقيله مشيت لي الاستقبال ,,, و كان كل تفكيره حق الي بالاستقبال !!
وقفت من بعيد و اول شي طاحت عيني عليه الي بالزاويه !!
ياويلي شنو هذا !!
الظاهر بيصير فيني سكته قلبيه من المنظر الي شفته ,,, راح اقدر امسك عمري و اقاوم ولا لا بس المشكله الي قاعده اشوفه واشم ريحته مايتقاوم ...
ترددت بيني و بين نفسي .. بس بس يا نسمه الحين شيقولون عنج الاوادم ,, مشفوحه و مو شايفه خير ,,,
(( السلام عليكم ))
(( و عليكم السلام ,, يا هلا اشلونج نسمه ))
(( الحمدالله تمام انتي شلونج ))
(( الحمدالله ,, نسمه جم عمرج و تدرسين تشتغلين ... الخ ))
كانت اسئله الخطبه المعتاده بس طبعا بالي كان كلش مو وياها كنت سرحاااانه في عالم ثاني ,, عالمي الخاص افكر بلي بالزاويه
(( نسمه شرايج تيين هني نسولفو نتعرف على بعض اكثر ))
ها ... ))
تستحين يالله تعالي ))
امبي توني استوعب .. امبي هذا شفيه حدي مو مستحيه بس كنت سرحانه ,,, سرحاااانه !!!
قمت من مكاني و رحت صوب القنفات الي عالزاويه ..
يا سلام و اخيييرااا
ما اصدق ,,,, انا و نصفي الاخر مابينا الا خطوه ... او اقل
كان يتكلم و يتكلم و يتكلم ,,, و تبون الصج ماكنت داريه بلي يقوله كنت سرجانه في عالمي ..
نسمه ,, نسمه ,, ))
هلا ))
وياي ,, )))
أي وياك ,, وين كنا ؟ ))
هههه انتي الظاهر كلش مو معاي وين بالج يا نسمه ))
بالي اه وين بالي لو تدري بس ...... شعور غريب الي احس فيه ,, قد ماقدر احاول اني اقاول و اقول بيني و بين نفسي ,,, بس يا نسمه كلها شويه ويروحون تحملي ,, ماقدر خلاص ,, جنه الملاك الي على جتفي اليمين يكلمني و الجني الي على جتفي اليسار يكلمني من صوب
(( أي نسمه مالج شغل من احد سوي الي تبينه و طيبي خاطرج ,,,, لا يا نسمه نطري شوي لا تخربين الي قاعد يصير ... )) و هكذا ,,
نسمه ,,, يا نسمه ))
...
نشمه شفييج ))
و فجأه قلت بصوت عالي ( لا بس خلاص ماقدر ماقدر اتحمل ))
و مديت يدي لصحن المعجنات اللذيذه الي جدامي واكل جني اول مره اكل بحياتي
الكل انصدم و شهق من المنظر الي يقاعدين يشوفونه
الفطاير الي بيدي اخلصو هالمره مديت ايدي باخذ الصحن كله ,, كانت المعجنات لذيذه و فريش ماقدرت اقاوم ,, بس تدرون شصار
و انا ماده ايدي باخث الصحن قميصي انشق من كثر ماكان ضيج صوب الزنود بس انا ما اهتميت قمت من مكاني و رحت صوب الحريم
(( يالله صحن الحلو هذا من مساعه يوم كان يسويه الطباخ و يشيلونه الخدام كان خاطري فيه ))
و امد ايدي ابي اخذه و لا ينشق القميص اكثر
و انا ولا على البال ,, بس اشوف الكل يطالعني و اولهم امي
امبي شفيكم تطالعوني جذي ))
و اخذ كيكه من الصحن و اعطيها حق ام عروس الغفله
تبين اخذي لا تستحين انا اشوفج تطالعيني اكيد تبين هالكيكه ))
طبعا كان لا تعليق منها امممم يمكن خاطرها بالفطاير ,,, جان امدلها صحن الفطاير
عادي تقدرين تاخذين وحده اكيد خاطرج فيهم من مساعه اشوفج تطالعيني و انا اكل ))
طبعا كانت رده فعلها الوحيده انها قامت تصرخ و تنادي على ولدها و الحريم الي وياها و يطلعون بره البيت
و كانت رده فعل امي انها تصرخ علي و تهاوشني
فشلتييييينا ,,, فشلتيييينا ,, متى تيوزين عن هالحركات !!!!! )))
يمااا شفيييج ,, شفيكم ما صار شي كل هذا علشان ما خليتكم تاكلون وياي يما انا قلت لج خلي الطباخ يسوي وايد بس انتــ... ))
اوص ولا كلمه ,,, اذا انتي جذي و هذا طبعج و ماتبين تعدلينه و تتسنعين قعدي عنسي وو خلج عله على قلبي ))
هاو هذيل شفيهم شسالفتهم حمدالله و الشكل
و قعدت كملت اكلي ,,,,
الحين عقب هالموقف بعرفكم على نفسي

اسمي نسمه  (( نسبهه الى نسمه الي في خالتي قماشه )) و عمري 25 سنه اشتغل في احسن وزاره بالكويت و دارسه بكليه العلون الاداريه !!
بالنسبه حق خواتي انا حظي قليل لاني وااايد طيبه و على نياتي
خواتي الي اصغر مني مبروكه 23 سنه متزوجه و عندها ولد و محظوظه 20 سنه اسم على مسمى لان اهي السنعه و الذربه و الرشيقه و الي ماخذه واحد انا لو انطر مليون سنه ماراح احصل واحد نفس ريلها
انزين انا شفيني !!
ترا انا مو جيكره لا شحلاتي و شملحي
و انا احلى خواتي بس عندي مشكله وحده 
الا اهي وزني الزايد
انا متبتبه لا لا ياليت انا متيينه  و طويييله و ضخمه بالنسبه لطولي
مشكلتي احب الكل ماقدر اقاوم الاكل اكل بكل حالاتي
يقولون عني هيلقيه و مو سنعه ماعرف البس و احط ميك اب نفس بنات هالايام
يقولون اني دفشه و كلش مو سنعه
علشان جذي امي و خواتي يفتشلون مني ,,, علشان جذي اهلي يفتشلون مني و لازم لمه يكون عرس او مناسبه مع بطاقه امي بطاقتين صغار حق محظوظه و مبروكه !! بس وين نسمه
تصدقون حتى رفيجات ماعندي ,, مالي غير رفيجتي و حبيبتي سويره الي اهي كانت نفسي متينه و كلش مو سنعه بس سوت رجيم و صارت ضغييييييفه و سبحان الله من اضعفت البنت تغيرت صارت ذربه
هذي انا نسمه  و هذي يومياتي و شلون حياتي بدت تتغير

 

[عاشقه الحب]

رد: يوميات ثقيله الوزن

شكرا على القصة حبيبتي

 

[miss disaster]

رد: يوميات ثقيله الوزن

يسلمو وناطرين باجي اليوميات

تدرين هاليوميات تذكرني بوحده نفس نسمه بس الفرق انها اضعر من نسمه بجم سنه

 

[q8tya 3asaal]

رد: يوميات ثقيله الوزن

ان شاء الله كل يوم بارت

 

[q8tya 3asaal]

رد: يوميات ثقيله الوزن

ان شاء الله كل يوم بارت

 

[miss disaster]

رد: يوميات ثقيله الوزن

اليوم ماكو بارت ؟؟؟

 

[q8tya 3asaal]

رد: يوميات ثقيله الوزن

سورري كولت عليكم
الحين انزل بارت

 

[q8tya 3asaal]

رد: يوميات ثقيله الوزن

يوميه رقم 2

كلهم تزوجو الا انتي الي ماتزوجتي ولا راح تتزوجين ))
يماه هذا نصيييييب نصييييب .. ماله شغل بالشكل !!))
جان زين يت بس عالشكل ,,, انتي حتى اسلوب و ذرابه ماكو ,, شكثر بنات وياي بالجامعه متاان و جكر بس تزوجو لانهم سنعات ))
عدل كلام اختج محظوظه ,,, تعلمي منها ,, اصغر منج و شوفيها شلون صايره !! ))

كنت حدي منقهره منهم والله انا مو مهتمه اني اتزوج والله عادي الزواج مو كل شي ,, بس الي قاهرني ان وايد بنات من العايله قاعدين يتزوجون و ينخطبون هالايام و كل مانسمع خبر عن وحده امي تعايرني فيها !! اليوم يابولنا بطايق حق ملجه لولو بنت خالتي ,, لولو عاديه مافيها ذاك الجمال بس ريلها ماشاء اله يقولون جميل و دبلوماسي باليابان بذمتكم هذا مو نصيب !!
المهم الغريب بالموضوع ان انا نسمه بنت البطه اليوده يايبيلي بطاقه ,, اول مره تصير بالتاريخ !!
علشان جذي امي مشتطه فيني و تبيني اروح و اكشخ و لا يايبتلي اختي الصغيره محظوظه تعطيني درس في الذرابه و السنع !!

شوفي يا نسمه اليج تروحين السوق و تشترين نفنوف حلو مو ملوت سوالف الهلاقه و اخذي وياج وحده من خواتج علشان يعلمونج شنو تشترين ))
يمااه !! شنوتبين رفيجاتي يقولون عني اذا شافوني وياها امبي تفشل !! ,, سمحيلي مامي خلي مبروكه تروح وياها ))
طبعا انا كنت اراقب و اسمع بصمت جني طوفه لا خذو شوري و لا شي
خلاص انا بدق على مبروكه و اشوفها اذا فاضيه ))
يماه تدرين شلون ,, انا بروح ويا سوير ))
وععع مالقيتي الا هذي ,, بروحها هيلقيه ,, لابالله كدينا خيير ,, مامي دقي على مبروكه ))
تراانا مو ياهله خلاص بروح ويا سوير )) !1

حددنا يوم انا و سوير نروح فيه الافنيوز ,, و كان يوم السبت الظهر الي هو يوم طلعتنا الاسبوعيه حق الافنيوز
و طبعا هاليوم يكون زحمه و نشوف فيه كل الاشكال

اول مادخلنا الافنيوز كنا حدنا يواعه فقلنا اول شي نتغدا بعدين نروح نفتر عالمحلات
قعدنا في مطعم نينو طبعا كان زحمه و ساعه كامله لين ماحصلنا لنا طاوله
و طول ما احنا كنا واقفين ننطر الطاوله انا كنت افكر بالاكلو افكر شراح اطلب و شلون باكل و شنو اول شي راح اكله .. كلش ماكان تفكيري شنو بشتري حق العرس اهمشي الاكل و أي طبعا لا انسا شنو بحلي اخر شي !!

انا طلبت تقريبا نص المنيو و قعدنا ننطر ننطر نن\ر بس جنهم بطو على طلبنا صارلهم نص ساعه و للحين محد يابلنا شي 
و بعد كل هالنطره هذي يابولنا صحنين شوربه !! نعم احنا ماطلبنا شوربه !! و لاشوربه رجيم بعد !! يا سلام شنو هذي هديه و نغزه من الي كان ماخذ طلبنا ولا شنو بالظبط
و بنفس الوقت كان في بنتين قاعدين بالطاوله الي يمنا
وحده منهم صوتها كان عالي و حدها معصبا
احنا ماطلبنا هالاكل ,, امبي شنو هذا ))
الظاهر غلطانين ماعليه ننطر شوي ))
واي تخيلي انا اكل هالاكل كله ,, تتوقعين منو طالب هالاكل اكيد عايله ولا قروب كبير !! )
وحده منهمكانت تتحلطم و الثانيه كانت ماسكه الشوكه و تقول
مناير اقولج خلينا نذوق هالباستا ريحتها تينن شكلها لذيذه !! ))

انا هني ماقدرت اتحمل الي سمعته و الي قاعده اشوفه بعيني
لا اراديا فزيت من مكاني لي طاولتهم و يريت الصحن صوبي و حضنته و قعدت اصرخ
شتبين هالباستا مالتي مالتي مالتي انتو طلبتو شوربه مالت الرجيم الي اغلطو و يابولنا اياها و عطوكم طلبنا )) !!
حطيت الباستا في الطاوله مالتي و قمتاشيل صحن صحن و ارده طاولتنا
كان شكلي و اسلوبي بمنتهى الدفاشه
حمدالله و الشكر ))
عطيت هالبنيه خزه تخرع و صرخت بويها !!
يالمحتره شتبين !! تبين نفس طلبي روحي طلبي لج كاهو المنيو ))
واي امبي حمدالله و الشكر في احد ياكل هالاكل بروحه حمدالله حمدالله اللهم لا تبلينا بما بليت به السفهاء من قبلنا ,, حمدالله عالصحه ))
منو قالج ان باكله بروحي كاهي رفيجتي وياي ))
أي رفيجه الظاهر زود الاكل خلاج تخيلين وايد ))
لفيت ويهي حق سوير شفتها مو موجوده ,, هذه طبايعها لازم تخليني و تروح في هالمواقف بعدين ولا جنه شي صاير !!
المهم عادي انا اكله بروحيمو انتي يالنفه بتاكلين هالشوربه مسكينه هذي ضرويبه الرجيم ))
خذت صحنين الشوربه و قطيتهم على طاوتهم و قعدت بروحي اكل الاكل كله لين شبعت !!

طلعت من نينو و دقيت علىسوير
الوو سوير وييينج هاا اوكي يايه الحين )))

ساره كانت في الاسطوره كنت حدي منقثه من حركتها البايخه !!
رحتلها و انا حدي مثوره و معصبه
اول ما شفتها ثرت بويها
انتي ليش تفشليني و تخليني ليش ))
امبي من صجج شنو الي سويتي ولا تبيني اقعد فشلتيينا يا نسمه والله عيب ))
واااي لا تصيرين نفس امي و خواتي كله فشله و فشله و فشلتينا ))
و انتي ما شفتي عمرج وشكنتي قاعده تسوي ترا الي سويتي مو شويه كان حده يفشل ))
دام انج تتفشلين مني شحقه واقفه وياي روحي لا افشلج بعد ))
والله انج مو مال حشيمه ,, انا بروحو بخليج و فكري بكلامج عدل و الي اقولج اياه انج لازم تحطين لج حد حق تصرفاتج ,, باي ))

هالشي اول مره يصير سوير راحت و خلتني 
و so what !!
شنو يعني خير يا طير انا اقدر اسويها و اتسوق بروحي
اوكي يمكن انا دفشه و سوالفي هيلقيه بس ترا ذوقس حلو

قعدت افتر بالاسطوره بس ماحصلت شي واو
سوالفهم حلوه بس حسيتها قديمه ّ!!!
قلت اطلع و اروح اشوف محل ثاني اول محد بويهي كان ana sui
و همن كان بويهي نفنوف اسود اينن
زوووووغه بشكل مو طبعيي
كان شوي قصير
لونه اسود حرير
الا اجربه
بس يا نسمه يمكن مو كبرج !!
انا شوراي راح اجرب اكبر مقاس !!
مرحبا لو سمحتي تعطيني اكبر مقاس من هالنفنوف ))
و اخذه و على طول غرفه القياس
و انا اجرب النفنوف حاشتني 3 مشاكل
1- صعوبه في لبس النفنوف : لان النفنوف في قصه بالصدر و انحكر علي و انا البسه
2- اهوا الحين دش علي بس: جني انحكرت و ماقدر اتحرك و الحين ابي افصخه بس موراضي يطلع مني جان اقوم ايره حيييل لمه انشق السحاب و النفنوف
3- و انا احاول اطلع نفسي من هالمصيده الي انا فيها اتعرجب لي وراي و ينشق النفنوف اكثر

Maam do you need any help ))
Nooo im fine << Im fine ))
امبييي شسوي الحيين !!!
رحت لبست لابسي بسرعه و اخذت النفنوف و حاسبته و الكاشير تخزني خز
جان ابتسم لها و اقول
I guess I over eat for lunch ;-p

طلعت من المحلو بيدي جيس في نفنوف مشقق
ضاق خلقي واايد
على سالفه سويره و سالفه النفنوف
ماقدر افكر و حدي مضايقه محتاجه احلي !! أي ماكو غير pink berry
وقفت بالدور الي يبيله مليون ساعه و انا اشوف هالاشكال و البنات
كل وحجه اضعف من الثانيه و اسنع من الثانيه
اول ماقعدت عالطاولهمرت وحده جدامي حدها نازكه طويييله و ضعييفه
لونها بروزني و شعرها طويل و اسود
الكل كان يطالعها من جمالها
عيونها كانت وسييييعه و عسليه فاتحه و لمه تبتسم تبين اسنانها البض الناصعين !! و كانت لابسه هالنفنوفالمشقوق الي وياي
و ياحلوه عليها !!
لمده دقايق تناسيت ال pink berry مالي و قعدت اتخيل نفسي لو اضعف و اصير نفسها
تخيلت نفسي اني انا اهيا
و لابسه هالنفنوف المشقوق
خلاص انا قررت ,, اني اسوي رجيم و اضعف و اصير نفسها
بس الحين يا نسمه خليني استمتع بالي عندي قبل لا يذوب علي و اذا خلصت اطلب واحد ثاني علشان احتفل بتوديع السمنه و اكل أي شي ابيه اليوم !!

 

[miss disaster]

رد: يوميات ثقيله الوزن

يسلمو

وان شاء الله تضعف وتحرهم

ناطرين الياي

 

[sweet.sanfoora]

رد: يوميات ثقيله الوزن

امبي هالنسمة تقريباً مثليي لوووووووووووووول

ويييييييييتنغ

 

[ررروووان]

رد: يوميات ثقيله الوزن

حبوبه كملي
ويعطيج العافيه

 

[makhroosha]

رد: يوميات ثقيله الوزن

Looooool way nafs el mo3anat
Please 7abebty kamlAaaaaay

 

[makhroosha]

رد: يوميات ثقيله الوزن

Up up

 

[q8tya 3asaal]

رد: يوميات ثقيله الوزن

enshalaaa alyoom ba7e6 part

 

[fato_kw]

رد: يوميات ثقيله الوزن

لوووووووووووووووول امبيي مووو صج


كمليي بليييز

 

[miss disaster]

رد: يوميات ثقيله الوزن

ناطرين

 

[سعودية تموت بأهل الكويت]

رد: يوميات ثقيله الوزن

نبي بارت

نبي بـارت

نبي بـــارت

نبي بـــــــارت

نبي بـــــــــارت

نبي بــــــــــــارت

نبي بــــــــــــــــارت

نبي بـــــــــــــــــــارت

اي بــــــــــــــــــــــــــــــــــــــــــــــــــــــــــــــــــــــــــــــــــــــــــــــــارت

 

[q8tya 3asaal]

رد: يوميات ثقيله الوزن

قوه بنات
اليوم جزئي بدايه احداث واااايده بحياه نسمه

ان شاء الله يعجبكم

 

[q8tya 3asaal]

رد: يوميات ثقيله الوزن

يوميه رقم 3

يماااااا please pleeeeeease !! ,, ))
قلت لج لا يعني لا !)
والله بعدها ماراح اطلب شي ثاني والله ))
و بعدين وياج ,, ليش تعاندين و ماتسمعين الحجي ))
بس يماا حرام هالقطوه صغيرونه و ماعندها احد حتن امها قطتها ,, ))
و تاليتها وياج ,,,, ))
يماا ,, )
انزين سوي الي تبينه بشرط ان هالشي مايدخل بيتي !! )
هاو شلون ,, يطاوعج قلبج ؟ ))
كيفج قطيها بالملحق ولا عند السايق . ))

همممم اهم شي ان امي ماقالت شي عن القطوه حتن لو احطها بالصكه
طول عمري اتمنى يكون عندي حيوان اربيه ,, حتى مرات اتمنى اتزوج واحد يحي الحيوانات و و يحطلي بالبيت حديقه عووووووووووده فيها كل انواع الحيوانات !! هههه وناسه !!

دقيت على سويره ,, أي ماقلت لكم ترا تصالحت وياها !! لازم رفيجات

سويييره ,, تعالي بيتنا اليوم ))
ليش شعندج ))
انتي تعالي و بس ,, عندي لج شي وااايد حلوو ))

طبعا كلكم مستغربين شلون يت القطوه عندي و شلون حصلتها و ليش قلت عنها مسكينه

الله يسلمكم صالرنا جم يوم نسمع حس شي ينونو علينا صوب الملحق
عاد انا فيني لقافه و خاصه اني اموووووت عالجيوانات و القطاوه
كانت بين الاغراض و الجياس و اللويه وعليه عليها منحكره شكلها عور قلبي 
طلعتها من مكانها و نظفتها لان ريحتها كانت ارف و صخه حدها و سبختها و استشورت شعرها !!
و هالقطوه صارت صديقتي الصدوقه الي من اول ما شفتها ما هديتها الا دقايق و ارد لها 

يت سوييره و رحنا صوب الملحق اول ما شافتها ينت علييها و شالتها و قعدت تبوس فيها
كان لونها برتقالي على ذهبي زووووووووووووووووقه و لا جنها قطوه شوارع

نسموووووو واي شحلاته زوووقه من ويلج اياه !! ))
لقيته خنت حيلي امها قطتها و راحت ))
ها شنو )) سويره اتنج
لا يكون قطو شوارع !! )
أي ))
ويع ويع )) و تعطيني اياه

واي سوير حرام عليج شوفيه يزوق !!
شراح تسمينها ولا تسمينه ماعرفناله ))
اممممم مادري كيفج يالله نختار اسم ))
اشراااايح ,,, google < ,,))
اللللله زوووقه من وين مطلعه هالاسم ))
اييي شعبالج ))

المهم google عطا حياتي لون يديد .. اول مره اهتم بشي هالكثر
اول ما اقوم من النوم اركض برا صوب الملحق العب وياه
ارد من الدوام سيدا قبل لا ابدل اقعد وياه و لاول مره بحياتي اخلي احد يشاركني الاكل او اني افكر بغيري قبل لا اكل
كان همي الاول و الاخير
و سويره مانت تقريبا كل يوم تيلي تلعب وياه
واي شحلاته زوووووقه قبل لا اروح الدوام يلحقني لي سيارتي
و اول ما ارد ينطرني عند الباب
المهم مرت الايام و google صار عمره اسبوع و جم يوم كان يلعب و يسرح و مافيه الا العافيه مع انه هاليومين كان شوي يتعب و يرد طبيعي ,, يمكن لان سبحته و استبرد وعليه

كنت قاعده ويا سارونه بالدار و نقرا محلات عن الموضه و المكياج ,,, أي شعبالكم نسيت موضوع الرجيم و ملجه لولو ,,,,

كانت سوير تختارلي جم نفنوف بس انا مصره على نفنوفي المشقوق الي وديته الخياط و صلحه لي و كل يوم اقوم من النوم و اقول بصير ضعيفه علشان البس النفنوف 
جان نبطل صفحه الابراج !!

منو الي يؤمن بهالسوالف !! خرابيط و حجي فاضي
بس ساره تصدقهم و حبها و غرامها الابراج !!1

نسموووووه خل اقرالج برجج ))
من صجج انتي يبا هذا حجي فاضي و خرابيط ))
سمعي سمعي هالسنه بتكون سنه استثنائيه ,, لانج راح تتعرفين على شريك حياتج و بكون حب من اول نظره ))
انا و شريك حياتي و حب من اول نظره )) و قعدت اضحك
اييي شفتي شلون ))
انا وين و الحب وين ))
أي لو تعدلين هالاسلوب الدفش ,,, الف من يتمناج ,, ركدي ركدي يا بنيه ))
انا اقولج امشي انروح نطل على google خنت حيلي قاعد بروحه ))

يوم رحناله ولا وعليا طايح عالارض غصب يتنفس !!
Google <<< gooogle ماما قوم ,, شفيك ))
امبي نسمووو اخاف مات ))
فال الله ولا فالج ))
قعدت على الدحه و حطيته بحظني ....اي انا حدي حنونه
امبي ساره شفيييييه ,,, ))) و قمت احاجي google , و عيوني تدمع
ساره اطالعني مستغربه
نسمو شفييج ))
قمت من مكاني ,,, يالله قومي نوديه الطبييب ))
ها شنو ))
أي يالله قووومي ))
امبي لا مو من صجج !!! ))))
كانت سيارتي بالقاراج و ساره السايق يايبها
دقي على سايقكم يالله سايقنا مو موجود )))
لااا اليوم لاهي ويا عيال اخوي ))
عيل قومي ندق لنا على تكسي ))
كان قووقل حداا يكسر الخاطر 
مرات يوقف ما يتنفس و فجأه يشق و يرد يتنفس جنه ميت و روحه تطلع
اول ما يا التاكسي بسرعه ركض انا و ساره
طبعا ريحت قووقل قامت تخيس و تصير جنها خامره
و راعي التكسي يطالعنا مستغرب و احنا نقوله يودينا سوق الطيور لان في طبيب حيوانات هناك

طول الدرب انا ابجي علييه و اقوله لا تموت يالله قووم ,,, لا تضحكون 
يوم وصلنا الطبيب كان حدااا زحمه و كان جدامي واحد ماسك جلبه بس انا درعمت و دزيته و دخلت عالطبيب الهندي
لا يطوفكم الدور امه محمد كلها هناك يهال و كبار هنود و عرب معاهم قطاوه سلاحف جلاب عزكم الله !!
المهم اني درعمت عالطبيب !!
Maam please take a line
Nooo please my cat is dying help me help me pleas
الناس كانت تطالعني كنت شايله القطو بخرجه و انا اطالعهم و اترجاهم يعطوني دورهم جان اصرخ بصوت عالي
بلييييييز دخلوني قبلكم قطوي مريييييض )))
راعي الجلب حده معصب و يخزني خز جنه مو عاجبه ,,,,
الطبيب شاف القطو قالي لازم اودي المستشفى الخاص الي يمهم لان يحتاج انعاش
و رحت ركض اهناك اول ماشافه الدكتور قالي خلاص ماكو فايده انا هني قعدت ابجي (((((
ليش ))
انا سبحته ))
عطيته لحم ))
الدكتور : لا انتي مالج دخل اهو من ولد فيه فايرز ))
ياللله نسمه امشي نروح ))
طلعنا من الطبيب و كان في واحد مع بنته الصغيره توهم طالعين من العياده الحكوميه و كانو شايفين حال قووقل
جان يسالني الريال : هااا شصار عليه ))
انا هني ماتحملت جان ابطهاا بجي و ساره ترقعلي انه عيوني فيها حساسيه من الغبار ))
اول ماركبا التكسي قلناله يودينه مادونلدز ,, انا صالي اسبوع مخففه اكل بس صدمت اليوم محتاجه اكل
اول شي طرالي big mac !!
احس بفراغ كبير الايام الي فاتت انقطعت عن اكلي المفضل حتى ويهي صار شاحب و تعبان ما اكل نفس الناس
و الحين قطوي مات
لازم اغذي نفسي قبل لا يصير فيني شي !! بهالحاله ما ينفع الا ماك
طبعا راعي التاكسي استأذن دقايق يدخن و يرجع

و احنا قاعدين في التاكسي طلع الولد الي وياه الجلب ,,, الصراحه كان وسييييم
طويل ابيضاني و عنده سكسوكه جسمه رياضي

و هالحلو الابيضاني قرب صوب التاكسي و قعد يطق الدريشه !!
و ويهه حده معتفس ,,,,
تهقين معصب ليش انج دزيتيه و لا اعتذرتيله ولا شي ))
لا شكو ))
نزلت الدريشه و قلت له : نعم خير ,,,, !!! شوف ترا انا ماكنت اقصد حركه مساع فالسموحه و الحين خلنا بحالنا !)) و سكرت الجام
طبعا اهوا و ساره علامه استفهام
جان يرد يطق الجام و انا اقنووووووور لين حاول يبطل الباب !!
يا جلييييييل الحيااا )) !! صرخت اب ويهه

اختي ترا انتو مسكرين على سيارتي )))
امبي حداااا فشله

و سويره تساسرني
فشلتينا فشلتينا )))

دقينا على راعي التكسي يرد بسرعه و سويره استسمحت منه و مشينا

رحنا ماكدونالدز

طبعا انا للحين ضايق خلقي و العبره خانقتني و كل ما اتذكر ارد ابجي
كنا واقفين نطلب

Hey good evening mum welcome to macdonals how can I help you
I wont to order 4 big mac sandwich and 1 mac royal meal ,, and 2 mac florry because google used to like it ,,, goole my cat just died today
انا هني رديت بجيت و قعدت اقوله قصته و شلون مات المسكين قعد يطالعني و يقولي
Am sorry maam << am sorry maam

ساره اطالعني مستغربه وين الرجيم و وين الكلام الي فات و انا مالي شغل بحد بروحه ويهي ذبلان من قله الاكل و مافيه حيويه و جام انا نسمه ماكو فايده مني

عقب ما اكلنا طلعنا من ماك و كل وحده ردت بيتها
قطينا ساره البيت و انا راده البيت اشوف سياره بي ام وراي ,, امبي هذي نفسها البي ام الي مساعه نزلت من التاكسي اهو صفط و نزل !!!
امبي مو من صجه هذا شيبي و شلون طلع عنواني ولا يايب جلبه وياه !!!!

 

[sweet.sanfoora]

رد: يوميات ثقيله الوزن

كمليييييييييييييييها عفيااا

ملحوذة : انا مو متينة لدرجة تشقق النفانيف واقدر اصبر ع الاكل يعني متروووسة بس انا دفااااشة