رد: يوميات ثقيله الوزن
يوميه 14
حدي حدي خايفه و دقات قلبي كل مالها و تزيد ماني عارفه شسوي ولا شقول !!
و خلودي من صوب ثاني يبجي !!
كنت في غرفه كلها رياييل و انا البنت الوحيده الي بينهم ,,,, المكتب كان صغير و لويه و مبين البنيان قديم !
كنت اصبصب عرق من التوتر و الخوف حاولت اني اسلي عمري اب أي شي اتذكر شي حلو و احبه علشان انسا الخوف أي شفيكم ننفس الفلم sound of music
انا قعدت اتذكر شي لذيذ و احبه اممم الله بهل الحر و الموقف المليق مكو على باسكن روبنز رينبو العود مو الي ينباع بالمحل لا مال الجمعيه الله يم يم يم !!! بس مشكله صراخ و بجي خلوودي يخلون الواحد يركز على شي !!
ولدي ولدي ويييينه ولدي )))
اختي مبروكه تفز فزه قويه صوب ولدها و تيره من حظني و تقعد تبوسه و تلمه و و تشوف اذا صار فيه شي ولا لا !!
مبروكه شفيج ولدج مافيه شي لا تحاتين ))
حبييبي شوفي ويه حمر وعليا كل هذا مافيه شي ,,, |)) و تلف ويها صوبي بعصبيه و تكمل
و انتي شلون و متى خذتييه هاااا و شحقه ما قلتيلي بغيتي تذبحين ولدي ,,)))
ماقاطعها الا صراخ امي
نسمووووو شصاااير شمسويه ,, شمهببه ,, فضحتينا فشلتييينا انتي ماتهيعين !! ماتنثبرين لازم تسوين هالبلاوي و تفضحينا خو هيعي قعدي عاااجل شحقا تسوين السوالف و تفضحينا )))
هدي هدي عمتي ماصار الا العافيه الريال بخير مافيه شي , بس مخترع من الموقف الحمدالله ربج ستر )))
عقب شنو يا ولدي هالبنيه مادري شسوي فيها يننتني يننتني !! محد بيذبحني غيرها )))
يمااا حبيبتي بعيد الشر بعد عمر طويل ان شاء الله ))
سكتي سكتي لا تكلميني ماابي اسمع منج ولا كلمه !!! ))
الحين تبون تعرفون انا وين و شصار بالظبط و ليش كل هذا و شحقا امي تصرخ علي و معصبه و اختي تبجي على ولدها !!
و دخل سعود ويا شرطي ثاني ,,,,
عمتي الحين لازم تدخل نسمه عند المحقق و ان شاء الله مايصير الا كل خير !!! )))
وي يما ليش محقق بعد مو تقولون ان الريال مافيه شي و كل شي زين ))
أي عمتي لازم بعد هذي اجراءات قانونيه ,, بس انتي لا تحاتين مالج الا طيبه الخاطر ان شاء الله ))
انزين يصير انا ادخل وياكم ))
أي عادي عمتي حياج الله بس لا تتكلمين و تعلقين على شي بس نبي اقوال نسمه ))
قعدنا انا و امي و اختي خذت ولدها و راحت بيتهم ,,,,,
قعدنا بغرفه انتظار خاصه للعوايل ,,,
المكان مو غريب علي هذي ثاني مره ادش هالمخفر ,,, من بعد هذاك الحادث الي سويته ذيج المره !!
قعدت اتأمل المكان و اتطمش و امي سااااااكته ولا حس !! تقدرون تقولون هذا هجوء ماقبل العاصفه !!
كان في لوحات الي كل شوي تتغير ارقامها و الكلام الي فيها !!\
لاحظت فيها شي غريب !!
هاو مو جنهم مغيرين رقم الشرطه شحقا باللوحه للحين 777
يماااا ليش ماغيرو رقم الشرطه )))
امي لا تعليق ,,,,
مو جنه غيرو الثلاث سبعات شحقه للخين هالرقم موجود )))
امي هني بطتها صراخ و تزفزف
و انتي ماعندج سالفه ! لو انتي تبطلين هالتفاهات و الفراغه الي فيج اخنا بخير ))
يما شفيج ,, ما قلت لج شي ))
انتي وين و انا وين ,, ليش تسوين فيني جذي ليش تحبين تينينيني ليييييش !! ليش ماتصيرين نفس خواتج يسمعون الكلام !!))
يمااا انا اسفه والله مو قصدي )) قمت و بست راسها !!
حدي زعلت من كلامها و ما عرفت شقول ,, ليش دايما يقارنوني بخواتي !! شسوي هذي انا ماقدر اتغير !!
يانا سعود و طلب منا نلحقه لي غرفه المحقق ,, دشينا عنده المكتب
مكتب المحقق اهون من الي برا عالاقل مرتب و بااارد
نسمه انا ابيج تقولين لي كل شي ,, شلون صار الحادث و كل شي من اول شي لي اخر شي ,, لان هالحادث تقريبا يعتبر محاوله قتل !!))
اقول ك شي كل شي )) ؟
ي يكون افضل ))
اممم انزين ,, انا كنت توني طالعه من دوامي و دقو علي وكاله المرسيدس علشان استلم سيارتي اليديده حلوو ..
المهم رديت البيت ,, حست حست ادور السايق ولا اهو في بيت اختي مبروكه !!! قلت زين اروح هناك اخليه يقطني الوكاله و يرد البيت عقب عادي ايرد سيارتي القديمه هناك ))
انتي متى سويتي كل هذا و ليش ما شاورتيني مو انا امج ,, شلون تروحين و تردين على كيفج و السياره شحقا ما قلتيلي عنها هااا )
يمااا هاا شفيييج انا اول مارحت الوكاله قلت لج عنها )))
كملي يا نسمه و يا خاله بليز لا تقاطعينها خليها تكمل )))
المهم انا رحت بيت مبروكه و شفت خلودي يلعب بالحدييقه و متملل وعليا !! قلت دام اني بروح اييب سيارتي اليديده بخليه اهو اول واحد يركبها بعدين بوديه الالعاب و اخ1ته وياي ))
يمههههه منج شلون تاخذينه ,, ماتخافين يصير فيه شي هذا امانه !! زين ماذبختج اختج ))
ام نسمه احنا شقلنا ))!!!!
كملي يا نسمه )))
طلعنا انا و خلودي و ييبنا السياره و قلت حق السايق يتوكل و انا ارد خلود بيتهم ,,, و تمينا نتمشى و ندوس بالسياره اليديده والله حدنا استانسنا بس !!!!!
بس شنو كملي )))
كنا نتمشى ولا نشوف هندي يمشي بالشارع جان خلود يأشر عليه و يضحك و انا اتغشمر قلت ادعمه,, امممم جان يقول اييي )))
يا المينووووووووونه ,,,,, متى تعقلين متى شكبرج بتصكين ال30 و انتي على ينووونج !!!))
ام نسمه خليها تتكمل )
المهم انا ما بغيت اكسر بخلودي قلت بسوي روحي ادعم الهندي و اسوي في مقلب بس للاسف اهو تيمد بمكانه و انا ما قدرت ادوس البريك بسرعه و دعمته , بس ما صار فيه شي مو ؟؟)))
هذي السالفه الي صارت اليوم
صكوني عين ما خلوني اتهنا بسايرتي اليديده حشى من طلعتها من الوكاله العين عليها
من اول يوم دعمت فيها الله يستر بس
و امي حدها معصبه و مطنقره علي و سعود يخزني و انا مادري شقوله صارلي جم يوم اخقره و لا ارد عليه معنه اهوا ما قصر ويانه !!
الحين جريب نطلع انا و امي و نرد بيتنا و لا سعود ينادي امي
عمتي ...))
هلا وليدي ,, مشكور ماقصرت على وقفتك ويانه ))
لا واللله عمتي تعبكم واجب ,,,عمتي بغيت اسالج انتي مرت فلان الي اول كنتوساكنين ..زه ,,, ))
أي يمه ليش انت تعرف المرحوم ؟)))
افا عمتي ماعرفتيني انا سعود ال,,,,,, انا الي كنت ساكن قبالكم ))
سعود ,,, هللاااااا وليدي هلا فيك ماشاء الله تبارك الرحمن والله و صرت ريال يا سعود شلون الاهل شلون الوالده و الوالد))
كلهم طيبين واللله ))
أي سلم عليييهم ))
ان شاء الله يوصل ,,)
يالله عيل احنا نترخص ,,,تامرنا بشي ))
ايي عمتي بغيت رقم تلفونج ,,))
ها ليش ,, ))
هههه لا ولا شي علشان اعطيه حق امي ,, تسلم عليج ))
