يوميات البنات اللي بيكثروون شعورهم ويطولونها (هذا تجمعنا)

[اميره بكلمتي]

صباااح / مسااء الخير ع الكل الحلوااات ​

مع البنات اللي دايم يشتكون من الشعر بسبب انه خفيف وابي اكثره وزياده الخير خيرين ابي اطوله وحبيت احط هالتجمع عشان نفيد بعض ونستفيد من خبراتنا ،،،،،​

وياليت من خواتي يقولنا شنو الشغلات المفيده اللي استخدمها من التكثيف والطول ؟؟ (ياليت تكون من تجربه شخصيه ) ​

سواء حنه ( بروحها او حطيتي معاها خلطات )
احسن نوعية الحنه اللي جربتيها ؟؟​

او زيوت ؟؟ ( مع اسم الزيت اللي جربتيه )​

وهالتجمع راح مرجع للكل ​

وشكرا ،،،،​

 

[اميره بكلمتي]

اول شي بذكرلكم تجربتي ،،،

استخدمت الحنه وخلطت معاها الحلبه والزيت الزيتون وعصير ليمون
للامانه جربته جاب نتيجه حلو انه حسيت شعري طال بشي بسيط عن قبل والحين برجع للحنه مره ثانيه بس بروحها لانه نطرت الجو على مايدفى
ومن ناحية الزيوت جربت كل شي واحس اللي نفعني اكثر شي زيت الحلبه لانه كثف شعري شوي وسد الفراغات اللي فيها وحسيت انه طولان شوي

 

[اميره بكلمتي]

وبنااات ياليت تذكرون تجاربكم مع الامبولات

اترك المايك لكم

 

[!! Ba6a 7lwa !!]

اب
اب
اب

 

[اميره بكلمتي]

مشكوره ع الرفع

وين البنات يفيدونا بتجاربهم

 

[تبيني آرضى عليك]

انا استخدمت زيت الحلبه وانا سويته بنفسي ولاحظت طول وكثافه
واستخدمت خلطة زيوت انا مسويتها ولاحظت نعومه وطول وكثافه بس لما خلصت الخلطه اتكسلت اسويها
بس شكلي راح ارجع اسويها لان شعري انعدم من الاستشوار

 

[نهى المطيري]

انا لي فترة احني شعري واحط معها اعشاب مثل قشور رمان ومحلب وسدر ومرات احط املج
وزيت شعري بزيت جوز الهند وحسيت شعري طال وصار ناعم

 

[تالا]

ننطر الصيف عشان نحط حنه و زيوت انشاءالله .,

نبي شعورنا جنها عبايه من وره <~ لا عاد قويه

 

[Dalo0o3a Cute]

.

.

من خبرتي بهالمجال من كثر ما احوس ههههههههه بالمواقع الاجنبيه والعربيه بخصوص الشعر الخفيف

ومن واقع تجربتي اذا كان شعرج خفيف

لازم تبدين من الداخل تعرفين شنو هي الاسباب والاغلب تكون فقر دم و نقص فيتامينات

والعلاج حبوب "فوليك اسد" و حبوب فيتامينات للشعر انا شخصيا جربت " هيرفيت" والصراحه اتينن

حتى مره رحت لعيادة الجراح التجميلي ماجد التقي عشان استشاره ولقيته حاط صور دعاية هالحبوب

وطريقتها تستخدمينها ثلاث كورسات



الحين نيي للعنايه

السدر الحلو ويطلع الشعر ويخليه يطول بشكل فضييييييييييييييع
بنات عن تجربه اللي تاكل حبوب فيتامينات وتستعمل سدر بانتظام راح تنصدم من شعرها يخليه يطول بشكل مو طبيعي


بس الشي الثاني اللي حبيته الحنه
السدر ينشف الشعر بس الحنه نعمت شعري

كنت اعيينها واخليها يوم كامل
ولما بستعملها احط عليها عصير برتقاله + فنجال زيت اللوز

والسبب اني استعملت البرتقال وزيت اللوز في دراسه قريتها اكتشفوا مواد بالبرتقال وزيت اللوز تكثف الشعر وتغذيه

والحمدلله كانت النتيجه طيبه

ملاحظه : بعد السدر او الحنه لازم تحطين زيت يعني اليوم اللي وراه



الحين بقولكم الشغلات اللي تاكدت انها تكثف الشعر بس ما استخدمتها

الديرما رولر هذا فضيع وعليه مدح خصوصا بالمواقع الاجنبيه
وفي عضوه معانا اسمها " زيني طبيعي" متكلمه عنه ومجربته



تونيك كامينوموتو > مدري اسمه صح

له طريقه استعمال معين والكل يمدحه في تكثيف الشعر



وبس هذا اللي اذكره الحين :$


وموفقات :*

 

[Dalo0o3a Cute]

.

.

بناااات حبوب اوميغا 3 تطول الشعر حيل وتمنع تساقطه

انا مجربتها ^__^

بس اخذي نوع زين اذا كنتي بتشترينها

 

[عشقي اناني]

دابر املا وبس

 

[ღ جمانة ღ]

تطويل ما فيه الا حاجة وحدة وشفت نتائجها بعيوني لا زيت ولا حناء اهو الظفائر الافريقيه ...

 

[ღ جمانة ღ]

يعطيك العافيه على الموضوع

 

[ya al3rosa]

دابر املا والحنة وزيت جوز الهند براشوت وزيت فاتيكا

 

[شيهانه شماليه]

وااااااا و

جاي بوقته

انا مسويه حمممممله عل شعري

ابيه يطول ويكثف

شعري ناااعم بس ابي كثافه وطووووول

مشكلتي الفراغات من الجوانب فوق الاذن

المهم مسويه جم خلطه اكتبها لكم مره ثانيه باذن الله لان داخله بفوني الحين



لي باااااك

 

[al39laa]

انصحكم ب كامينو موتو جنه سحر بنات جربوه وادعولي

اول اسبوعين تستخدمين اللي يكثف
واسبوعين اللي يطول

 

[عسلهم]

ابيييييييي شئ يكثثثثثثثثثثثثثثثثثف
شنوو ؟؟؟؟

 

[ana moo ana]

مااكو على دااابر املا يطول وينعم

 

[firstgirl]

سمن الشوكة والملعقه رووووووعه
لكن ابي شي يطوووووول الشعر بليززززز

 

[amami al-kuwai]

انا ودي اسوي حمله لشعري بس ابي معاي احد علشا اتحمس

وانا بعد وياكم

لي رجعه