عميمة
New member
- إنضم
- 22 أبريل 2009
- المشاركات
- 562
- مستوى التفاعل
- 0
- النقاط
- 0
اليوم رحت معهد الشفاء الصيني بالسالميه
وكنت حاجزه موعد لجلسة مساج تخسيس
طبعا صارت احداث وقررت اني اكتب لكم كل شي بالتفصيل منها افضفض ومنها اوضح لكم طبيعة المعهد يمكن احد يستفيد او يتشجع وعالاقل تكون عندها صوره عن شغل المعهد
المهم
دخلت وقالت انتي فلانه قلت اي ودخلتني غرفة المساج الي كانت دافئه الى حاره نسبيا
قالت لي الصينيه يلا قلت شنو يلا ؟ طبعا بلغة الاشاره بما انها ماتعرف عربي ولا انجليزي عرفت انها تبيني اكون بس بالملابس الداخليه عشان ادخل للسونا
طبعا توهقت ماكنت حاطه بحسابي ما يبت معاي شورت بس قلت شسوي وقمت لفيت نفسي بالفوطه ودخلت جهاز السونا
وقعدتني فيه ربع ساعه طبعا حسيتها طوييله مع الحر مع انه كان اوتوماتك يطفي ويرجع يشتغل
بعدها يوم طلعت من جهاز السونا حسيت ان الدار باارده مع انها كانت حاره اول ما دخلتها بس مقارنه بالسونا صارت بارده
انسدحت عالفراش وغطتني بالفوطه ويابت شغله كانها ليفه ونظفت بطني بعدين فوطه فيها ماي ونظفت بطني بعدها يابت كريم وبدت تدلك وتدلك وتدلك عاد بيني وبينكم انا بطني يعتبر منطقه حساسه عندي بسرعه اضحك بالذات في مناطق معينه فكنت قاعده على اعصابي في البدايه عشان ما اضحك
وفجأه
قامت تطقطق على بطني طراقات .. انا هني ماقدرت امسك نفسي وقعدت اضحك بس لحد يسألني ليش .. الوضع بحد ذاته كان يضحك
وتم الحال مره تدلك ومره تطقطق واخر شي لفتني في نايلون وحطت على بطني جهاز تدليك وخلته يمكن ثلاث ساعه
واثناء هالشي سوت لي زنودي نفس طريقة بطني
انا طبعا ما اخترت الى زنودي وبطني لآنهم اهم جزئين ابيهم يشدون
وبعد ما خلصت خلت علي النايلون وقالت لا تشيلينهم الا بعد اربع ساعات .. اذا طاحو عادي بس يفضل انهم يضلون علي اربع ساعات عشان الحراره
وقبل لا اطلع عطتني ثلاث انواع من الشاي
واحد من الاعشاب قالت لا تشربينه الا بالويكند لانه مدر ومسهل قوي
وثاني واحد قالت تشربينه كل يوم قبل لا تنامين وهو نفس الشي مدر ومسهل بس مو قوي نفس اول واحد
وثالث واحد اسمه بيوجي او شي جذي وقالت شربيه عالريق وحطيه مع عصير او شاي او اي شي تحبينه
خلصت من المساج الساعه 6 والحين الساعه 9 وانا للحين احس زنودي حاره
وقررت انه اكتب يومياتي واحط قياساتي واشوف جم تفرق معاي اسبوعيا وبقول كل يوم شنو اكلت وشنو سويت بالاضافه الى المساج
اي صح نسيت اقول لكم اني اشتركت شهر عبارة عن 15 جلسه يوم وترك الا اسبوع الدوره يتوقف المساج
اليوم 3-5-2009
قياساتي
الخصر 89 سم
المعده 91 سم
الصدر 104 سم
الزند 36 سم
والوزن للحين مو متأكده منه لانه قالت بتاخذ وزني قلت مابي اخذه بعد المساج لانه ماراح يكون دقيق
بس قلت المره الثانيه بروح وانا مو ماكله وباخذ وزني قبل المساج احسن
وان شاء الله كل يوم بحط اذا رحت النادي ولالا لأني مشتركه بنادي سنه كامله واروح كل ما فضيت
وبقول اذا كنت ملتزمه برجيم ولا خربطت
وبيني بينكم انا مو حاطه رجيم معين في بالي بس بخليه على الله الي يطلع معاي بسويه يوميا
وبس سلامتكم
بس ياليت القى تشجيع منكم والي عندها نفس التجربه ياليت تشاركنا وياها وتحط قياساتها وتقول شنو صار معاها
وبسس :eh_s(6):
وكنت حاجزه موعد لجلسة مساج تخسيس
طبعا صارت احداث وقررت اني اكتب لكم كل شي بالتفصيل منها افضفض ومنها اوضح لكم طبيعة المعهد يمكن احد يستفيد او يتشجع وعالاقل تكون عندها صوره عن شغل المعهد
المهم
دخلت وقالت انتي فلانه قلت اي ودخلتني غرفة المساج الي كانت دافئه الى حاره نسبيا
قالت لي الصينيه يلا قلت شنو يلا ؟ طبعا بلغة الاشاره بما انها ماتعرف عربي ولا انجليزي عرفت انها تبيني اكون بس بالملابس الداخليه عشان ادخل للسونا
طبعا توهقت ماكنت حاطه بحسابي ما يبت معاي شورت بس قلت شسوي وقمت لفيت نفسي بالفوطه ودخلت جهاز السونا
وقعدتني فيه ربع ساعه طبعا حسيتها طوييله مع الحر مع انه كان اوتوماتك يطفي ويرجع يشتغل
بعدها يوم طلعت من جهاز السونا حسيت ان الدار باارده مع انها كانت حاره اول ما دخلتها بس مقارنه بالسونا صارت بارده
انسدحت عالفراش وغطتني بالفوطه ويابت شغله كانها ليفه ونظفت بطني بعدين فوطه فيها ماي ونظفت بطني بعدها يابت كريم وبدت تدلك وتدلك وتدلك عاد بيني وبينكم انا بطني يعتبر منطقه حساسه عندي بسرعه اضحك بالذات في مناطق معينه فكنت قاعده على اعصابي في البدايه عشان ما اضحك
وفجأه
قامت تطقطق على بطني طراقات .. انا هني ماقدرت امسك نفسي وقعدت اضحك بس لحد يسألني ليش .. الوضع بحد ذاته كان يضحك
وتم الحال مره تدلك ومره تطقطق واخر شي لفتني في نايلون وحطت على بطني جهاز تدليك وخلته يمكن ثلاث ساعه
واثناء هالشي سوت لي زنودي نفس طريقة بطني
انا طبعا ما اخترت الى زنودي وبطني لآنهم اهم جزئين ابيهم يشدون
وبعد ما خلصت خلت علي النايلون وقالت لا تشيلينهم الا بعد اربع ساعات .. اذا طاحو عادي بس يفضل انهم يضلون علي اربع ساعات عشان الحراره
وقبل لا اطلع عطتني ثلاث انواع من الشاي
واحد من الاعشاب قالت لا تشربينه الا بالويكند لانه مدر ومسهل قوي
وثاني واحد قالت تشربينه كل يوم قبل لا تنامين وهو نفس الشي مدر ومسهل بس مو قوي نفس اول واحد
وثالث واحد اسمه بيوجي او شي جذي وقالت شربيه عالريق وحطيه مع عصير او شاي او اي شي تحبينه
خلصت من المساج الساعه 6 والحين الساعه 9 وانا للحين احس زنودي حاره
وقررت انه اكتب يومياتي واحط قياساتي واشوف جم تفرق معاي اسبوعيا وبقول كل يوم شنو اكلت وشنو سويت بالاضافه الى المساج
اي صح نسيت اقول لكم اني اشتركت شهر عبارة عن 15 جلسه يوم وترك الا اسبوع الدوره يتوقف المساج
اليوم 3-5-2009
قياساتي
الخصر 89 سم
المعده 91 سم
الصدر 104 سم
الزند 36 سم
والوزن للحين مو متأكده منه لانه قالت بتاخذ وزني قلت مابي اخذه بعد المساج لانه ماراح يكون دقيق
بس قلت المره الثانيه بروح وانا مو ماكله وباخذ وزني قبل المساج احسن
وان شاء الله كل يوم بحط اذا رحت النادي ولالا لأني مشتركه بنادي سنه كامله واروح كل ما فضيت
وبقول اذا كنت ملتزمه برجيم ولا خربطت
وبيني بينكم انا مو حاطه رجيم معين في بالي بس بخليه على الله الي يطلع معاي بسويه يوميا
وبس سلامتكم
بس ياليت القى تشجيع منكم والي عندها نفس التجربه ياليت تشاركنا وياها وتحط قياساتها وتقول شنو صار معاها
وبسس :eh_s(6):
