- إنضم
- 8 يوليو 2011
- المشاركات
- 1,987
- مستوى التفاعل
- 0
- النقاط
- 0
السلام عليكم رشيقات المستقبل او بطوطات المستقبل << حق خواتي العصقولات :eh_s(22):طبعا ترددت وترددت يالله قررت اني ابتدي اكتب يوميات هني ان شاء الله ويارب يكون هالشي سبب يخليني التزم بالرجيم اكثر :eh_s(15):
حابة اول شي افتح قلبي واطلع تاريخي مع الرجيم :$
طبعا عذروني مخي موقف فسنة يالله تطلع مني الكلمة
انا وحدة حالي حال بعض البنات اللي نشد حيلنا بأول يوم وتالي ناكل الاولي والتالي وبس ننقص كيلو الا رديناه ومعاه 10 مجانا :eh_s(16):
وكانت اعذاري كما يلي :
وقت امتحانات اكيد النفسية لا تعليق خلاص ان شاء الله لما اخلص التزم :eh_s(9):
يت العطلة ويه العذر الثاني :
وقت عطلة وما ادراك ما العطلة : يمعات - زوارات - سفرة - شاليه << وكل هذولي مشروع بلعة × بلعة
وكان العذر اللي وراه ان شاء الله برمضان التزم
يه رمضان وكان العذر كالتالي :
عاد هني يجابلوني اهلي جنج مسوية جريمة لي عفتي التشريبة والسمبوسة وطقتهم وهم لو قدرت اعوفهم بصراحة وين اقدر اعوف القيمات وربعها :eh_s(16): وكان العذر والامل الياي اهوه بعد العيد ان شاء الله :eh_s(9):
يه العيد و يت الدوامات وحوستهم وتردين تعبانة واي شي جدامج تاكلينه وان اتعبت نفسيتج حيلج كله بالحلو و غيره
هذا واقعي المرير بس لي تجربة ناجحة للأمانة بس كل ما اتذكرها يعورني قلبي :eh_s(16): بس بنفس الوقت تعطيني امل اني بضعف ان شاء الله
اذكر بهذاك الرجيم اكثر شي فادني :
النومة مبجر << كنت دياية
العشا يا ماكو يا خفيف ويكون بوقت مبجر
الماي كنت وايد اشربه
الجاي الاخضر وطقته
الريااااضة << انا كسولة بس المشي كنت مخليته عادة عندي يمكن بالبداية كنت اتأفف و امل بس شوي شوي تحسين خلاص تعودتي
اللحين ببدي صفحة يديدة ان شاء الله وبهالسنة اليديدة بنسى تجاربي الناجحة او الفاشلة وببتدي من يديد ان شاء الله:eh_s(9):
بالنسبة للطول : 165
وزني الحالي ما قسته لأن اليوم آخر يوم للدورة وان شاء الله باجر الصبح اوزن بس اهوه بالتسعينات اعتقد وصلت 93
راح احطلي جدول وكل هدف له رجيم ان شاء الله :
بالبداية راح ابتدي برجيم محمد ربيع القاسي ومدته ان شاء الله من
8 - 1 لين 22 -1
وان شاء الله ادش الثمانينات وهذا اول هدف لي
ثاني هدف بكون من
22-1 لين 19 -2
وبكون رجيم يوسف بو عباس << للأسف رحتله مرة وحدة بس نظام رجيمه ماكو نشويات وسكريات ان شاء الله وبلغي العشا ان شاء الله
تقريبا 4 اسابيع بكون وان شاء الله وقتها احقق هدفي الثاني اهوه السبعينات
وأخيرا هدفي الاخير اهوه الستينات و الوزن المثالي ان شاء الله لي على قولة الدكتور من 67 ونص لين 62
وان شاء الله يارب احققه و وقتها بصوم ديني + رجيم التمر بس المدة قصيرة لين ما اوصل الوزن اللي اشوفه مناسب لي
و ان شاء الله يارب عالشهر 3 او 4 واصلة لهدفي :yaaaaaarb:
و النقاط اللي بلتزم فيها ان شاء الله :
1- اوزن الصبح كل يوم احد فقط
2- ما اقول لأحد مسوية رجيم غيركم طبعا
لأن جد في ناس بيقعدون يا يخلونج تاكلين غصب يا يحبطونج او يراقبونج كل شوي :eh_s(16):3- الرياضة و الرقص و التمارين بلتزم فيهم ان شاء الله يوميا وبوزعهم على اليوم .
4- بشتري ان شاء الله قشر القهوة واسوي الخلطة المعروفة والتزم بشربها يوميا ان شاء الله << بس بحاول مااطول فيها تجنب لأي اعراض لا سمح الله .
5- بصير دياية ان شاء الله وانام عال 8 << منها انحاش من عشا اهلي .
6 - ريوقي 6 الصبح و سناك 9 و الغدا 12 و سناك 3 والعشا 6 ان شاء الله .
7- الماي ما استغنى عنه واكثر منه ان شاء الله .
8 - كل ماحست اني انجزت والتزمت بكافىء نفسي بس مو بأكل
.9- المساج الصيني بسويه بس مو حاليا ان شاء الله لي وصلت الهدف 2 .
10 - آخر نقطة باعتني بشعري وبشرتي وبنفسي اكثر منها ما اخلي تركيزي بس على وزني واي خلل راح اتحبط وارد من اول لا سمح الله يمكن الباجي يرفعون معنوياتي زيادة :eh_s(22):
بالنهاية دعواتكم بنات لي وان شاء الله يارب نوصل للوزن اللي نبيه وان شاء الله راح ادش موضوعي كل يوم قبل لا انام واكتب يومي كامل ومع الصور ان شاء الله .
اختكم miss $_$ sem sem
:eh_s(17)::eh_s(8):
