,,,يومياتي بصـور وبتفاصيل ماعليكم الا تشجعونـي ,,, (مدة الموضوع شهر من تاريخه)

[سويره راحت البر]

قوه بنات
اليوم فطوري بيضتين مسلوقه وكافي
انا بنام الحين وبقوم العصر اتغدى وبذاكر بعدين بمشي 45دقيقه
مبرووووووووووووووووووووووووووووووك روزيه عقبالي بس انا مراح اوزن اليوم لاني باديه من امس
روزيه صرت اسمع كلامج ومااخربط شفتى شلون

 

[el3aNoOoNa]

السلام عليكم بنات شخباركم

انا اليوم اول يوم لي من قطعت الرجيم
واول شيء سويته اني نزلت هالصوره وحطيتها خلفيه حق الاب توووب عشان اشوفها



وبعد اشوي انشالله باذن الله بروح الجمعيه اشتري اغراض الررررجيم لانه اغراضي خلصت


توني قاعده وتريقت عصير اناناس + توسته وحده وفوقها مسحه جبن كيري شسوووي والله ماعندي شيء خفيف انشالله اليوم اروح اشتري





طبعا عقب ماكليت جان اتذكر ان ماوزنت
انا اول مابديت معاكم كان 72.8 الاسبوع الي طاف يوم كنت معاكم نزلت كيلو وبهاليومين الي خربته رد وزني 72.4

 

[el3aNoOoNa]

ااامبي بيتنا طالبين من مطعم دجاج نااااااايف ديايه مشوووويه وبطاط وحمص وبووري وورق عنب وشاورما وكلشيء لذذذذذيذ عاد انا اموووت بهالمطعم
والريحه حدها بمممممخي واصله هههههههههههههههههههههههههه
بس لا انشالله ماراح يأثروووون علي :ggdw::ggdw: لازم لازم لازم اضضضضضضضضضضعف واوصل67 هالشهر ضرووري جددددا :0bee2e8d89:

وانشالله يارب يقوي ارادتي ويثبتني على الرجيم يارب قولو امين :eh_s(6): >>> كنت بحط الويه الحزين هاذا بس قلت لا اتفائل واحط شيء حلوو لووووووووووووووووووووووووووووووول يعني عشتووووو شيء اجابي :dddds:

 

[el3aNoOoNa]

والله مادري وينكم اليوووم

اانا بروح اسوي تمرين المعده 10 مرات وبحاول اريح واكملهم اخليهم 20 >>> وايد عليج الناس على 50 و100 مره لووووووووووووول

 

[أسرااار]

الله يكون بعونج اختي حياتي بس اذا بنسوي ريجيم لازم بعد فتره كسر هالرجيم بوجبات غنيه عشان نخدع الجسم
هذا اللي انا اعرفه

 

[el3aNoOoNa]

اي اي دري انشالله بس خل استمر اسبوعين وعقبها راح اسوي يوم اووووف اكل كل الي ابييييه وعقبها ارد مره ثانيه

 

[el3aNoOoNa]

انا توووني تغديت شووووووربه خضاااار انشالله انزل لكم صورتها بعد اشوي
وبقوم البس عشان اروح الجمعيه مع صديقتي الصدوووقه منى ( فديت حبيبي ) بروح اشتري اغراض الرجيم :ggdw:

بس عندي اقتراح قبل لا اروح
بغيت اقترح ان بدال لا يتسكر هالموضوع بعد جم اسبوع ونفتح موضوع يديد ليش مانمدد فتره الموضوع لي اسبوعين جدددام عشان الي امثالي خربو الرجيم وتوهم رادين وجذي :eh_s(6): مادري مجرد اقتراح

انشالله بس ارجع ارد لكم واقولك شنو شريت :dddds:


يالله سيييي يوووو
باي ​

 

[فيونكا فوشيهـ]

غدااي
الاهل مسوين مرقة سمج عاد انا اخذت بس السمجه و اكلتها
و اخذتلي 2 توست اسمر و جبن بس ماكملت الثانيه اكلت بس نصها

و قبل شوي اكلت كيويتين

و مشيت اعتقد 10 دقايق مادري

 

[سويره راحت البر]

قوه بنات انا توني قعدت من النوم وغداي بيكون2 همبرجر مشوي وعليهم قطعه جبن سلايس قليل الدسم وعصير

 

[بـتـول]

قوه بنات ريوقى تست مع قشطه قليلة الدسم وحليب قليل الدسم

والغداااا روب مع بذره الكتان وانشاء الله نضعف بصحه وسلامه

 

[el3aNoOoNa]

قووووووووووووووووووووووووووه بنات انا ردييييييييييييييييييييييييتتتتت
خل اقولكم شنووو سووويت اليوم
طبعا مثل ماقلت لكم اني بروح الجمعيه مع رفيجتي (( فديت حبيبي ))
دقيت عليها الساعه 3 ولا الانسه نايمه تقول بعدين بعدين مو الحين نروح قلت لها اوكي عيل انا اروح امشي واييج 4ونص
وفعلا قعدت امشي وعقبها لبست هدووومي ورحت لها

طبعا وصلت عندها وكنتي حححححححححححححححدي ميته يووووع فا قلت لها تسويلي نسكافيه وسوت لي

عقبها على الساعه 6 ونص جذي رحنا جمعيه الفيحا عشان اشتري اكل الرجيم
شريت روب وحليب وتوست اسمر وجبن وتفاح وعصير اناناس وكوفي ميت الايت وشريت دارسين وبابونج لزوم الرشاقه خخخخ

اي وطبعا واحنا قاعدين نمشي الانسه (( فديت حبيبي )) بغت تاخذ كاكاو كندر :eh_s(14)::eh_s(14): بس على منو ؟ تقدر تاخذ شيء وانا معاها ؟؟ امممملها :tomato2: خخخخخخخخخخخخخ وهاذا فضحتج

عقبها طلعنا ورحنا الحواي تشرينا جم شغله

لي 7 ونص طبعا حدي مستانسه اني قاعده اتحرك :ada:
اي ونسيت لا اقولكم شيء خطير _03BA:
عشان ماتطلع لكم الخطوط البيضه رررررررطبو جسمكم بأي كريم - لوشن 5 مرات باليوم الصبح والعصر المغرب والعشا وقبل لا تنامون عشان تتفادووون هالمشكله
وكككثرو ماي بنات عشان الككككله الله يحفظكم ونضعف بصحه وعافيه قولو اميين :eh_s(6):

وانشالله الحين بروح اكل لي تفاحه
وبعد اشووي انزل لكم الصووور :ggdw::ggdw:

وانتو شخباركم ؟؟؟ اليوم الموضوع صخه لبش ليكون قاعدين تخربطون ؟؟ ها :eh_s(14): ترا الي تخربط ياويلها ​

 

[Ya7aLaTi]

هااااااااااااااااااااااااااااااي :eh_s(6):

أنا كاني :eh_s(22):

اليوم طبعا أول ما قعدت شربت ليمون وماي (معنة وحدة قالتلي مو زين عالريج بس شربتة ).. ورحت ويا الحجية نور الجمعية وما كليت شي.. وعلى الكندر صج شوقني بس ما كنت باخذة والله :dddds:.. وأنا بعد شريتلي بابونج ودارسين لووووول :dddds: ولمن رديت البيت سويتلي عصير (حنوشة الحلوة) لكسر الوزن... وبقعد علية اليوم وباجر... وإنشاالله يوم الأثنين راح أسوي رجيم ثاني غير عن رجيم (الفنانة) بس مادري أي رجيم أسوي..يمكن أسوي من مخي..


وقست وزني اليوم.. ولا نازلة بس 200 جرام عن أمس .... ووزني حدة باااااااااااااط جبدي مو قاعد ينزل من الناس :eh_s(14)::eh_s(14): علشان جذي اليوم وباجر العصير وإنشاالله ألقى نتيجة حلوة عقب هاليومين :yaaaaaarb: وهذي صورة وزني..

[/URL][/IMG]

 

[el3aNoOoNa]

وااااااااااي اخيرا احد حس فيني ودددخل

ميخالف مونو ترا 200 قرام زين نعمه والله وانشالله مثل ماقلت لج خليج على العصر وشوفي اذا مانفع اخذ يوم اووووف وردي على الرجيم من يديد

انا اول ماوصلت البيت كليت تفاحه
والحين سويت لي جاي في دارسين ومراميه وبابونج بس خل يبرد وبشربه

 

[Ya7aLaTi]

مبروووووووووووووووك روزو عالـ 5 كيلو وواااااااااااااايد حلوييييييييييين :ggdw::ggdw:

عاد إستمري جذي.. وإنشاالله راح توصلين الوزن إلي تبينة :ggdw:


ويلا شبكي لا تنطقين لووووووووووول :dddds:

 

[Ya7aLaTi]

وااااااااااي اخيرا احد حس فيني ودددخل

ميخالف مونو ترا 200 قرام زين نعمه والله وانشالله مثل ماقلت لج خليج على العصر وشوفي اذا مانفع اخذ يوم اووووف وردي على الرجيم من يديد

انا اول ماوصلت البيت كليت تفاحه
والحين سويت لي جاي في دارسين ومراميه وبابونج بس خل يبرد وبشربه

إي إنشاالله بتم على هالعصير اليوم وباجر.. وبسرب الدارسين والبابونج وإنشاالله ينزل وزني :eh_s(6):

شلون سويتيهم ؟؟ بس حطيتي الجياس كلهم مع بعض بكوب ماي حار ؟؟

 

[el3aNoOoNa]

اي بس وبماي حار وشربتهم

 

[Ya7aLaTi]

بسرب = بشرب

لووووووووووووول

 

[Om ToOoTa]

بالعافيه عليكم كلكم بناات

انا صارلى جم يوم مو قاعده اكل ومو نازله شي

اليوم واول امس اكلت جم شغله سلطه و تفاح

ولا نازله نص كيلووو


شفت وزنى 59.5

لوووووووووووووووووووووووول شكو يعنى آكل وانزل شسالفه

وزنى مخرف هههههههههههههههههه


...

 

[el3aNoOoNa]

ترا عادي تصير لوووول
اهم شيء انج قاعده تنزلين
وبس مو مهم اي شيء ثاني

 

[Om ToOoTa]

اليوم اول مادخلت بيت حماى

ولا حماتى مستقبلتنى عند الباب

جان تقول شهالحركات شالكشخه وين الكرش شالجسم المنكان هههه


عاد انا ضحكت قلت لها من حقي عيد ميلاد ريلى << شكووو برقع ههههههه


بس اشوه ونستنى الله يونسها دنيا وآخره يارب


ومرت حماى قعدت يمي تقول ام البنوته وايد ضعفانه بس ماتفكرين تحملين وتخربين رجيمج <<< حاشتنى صاعقه من جملتها لانه انا مفكره احمل الحين

ياربي شسوووووي احبااااط


بس طااف بسوي رجيم واحمل شنو يعنى احسن :eh_s(14)::eh_s(14): علشان لما احمل اصير رشيقه هههههه << تقص على نفسها