يومياتي بريجيم طالب

[ام خدود ورديه]

السلام عليكم رشيقات المستقبل:weight_lift::weight_lift::weight_lift:


امس رحت حق الدكتوور طالب الشمري

يحليله دمه خفيف ويظغط لوول المهم

سألني اذا فيني غده او لأ وعطاني تحاليل اسويهم بعدين قالي شنو اهم وجبه عندج قلتله الغدا
وقالي اوكي بالغدا تبين سندويشات ولا مشويات ولا سلطات
وقلتله مشوياات

جان يعطيني هالنظااااااام مدة اسبوعين وقالي نزلي 5 كيلوات مو اقل
النظام :

الريوووق :

ملعقتين متوسطه نسكافيه+2-3 ملاعق متوسطه حليب بودره+ سكر عادي


بعد سااعه مو اقل


الغداا:
صدر دجاج
او
6-10 ربيانات
اول
1-2 همبرجر مشوي
او
1-2 كباب
+سلطه (خس -طماط-خيار -ليمون وخل وملح )
+
دايت

العشا :

شوربه
اللي اهيا كنووور
الجاهزه يعني اللي بس انصب عليها مااي جذي قالي

وبين الوجبات قالي
تقدرين تشربين
نسكافيه
دايت
شاي
مشروبات تروبيكانا اللي بدون شكر

هالريجيم مدته اسبوعين
موعدي الياي 15-2
ادعوووووووولي اظعف


وزني 79
الهدف الاول :74
الهدف الثاني :70​

 

[صدى الأفراح]

يارب تنزلي اكتر
حلو كتير هالريجيم يعني مابصير النسكافيه الجاهز بالحليب والسكر؟؟؟3 في 1

 

[nono al7lwa]

يارب تنزلين بصحه وعافيه
وين مكان عيادته واذا ممكن الرقم وجم ياخذ بالزياره وشنو التحاليل الي طلبهم عشان مره وحده اسويهم واروحله
وشكرا

 

[ام خدود ورديه]

مشكوورين عالدعووه الحلووه صدى الافراح مادري والله ماسألته بس انا ماحطيت حليب بودره اليوم كان لي اول يوم سخنت حليب خالي الدسم وحطيت 3 قفاش نسكافيه بس اتوقع يصيير

نونوو

مشكوره قلبي
عيادته الله يسلمج ورى مستشفى الامييري بعماره اسمها مركز الطبيعه اسمه مو مكتوب عليها شوفي اتخلين مستشفى الاميري على يمينج واتدشين اول دخله يمين عقب المستشفى همن يصير على يمينج تمشين سيده اييج دوار صغير اخذيه يسار تلقين العماره على يمينج يم مطعم

اول زياره 15 مع فتح ملف يعني روحي ومعاج 15 دينار بس
مايطلب تحاليل بس انا لمن شافني قالي فيج غده قلتله مادري بس امي فيبها عطاني اسم التحاليل وقالي سويهم بس عطاني الريجيم يعني مانطر النتايج


وهذا الرقم الموجود بالكرت
22455637
وهذا العنوان اللي بالكرت
شرق
بجانب طب اسنان الاميري
شارع بن مسباح
والعفوو حبيبتي

 

[يمامة]

صراحه حلة نظامه

يارب ينزل وزنج وتوصلين لهدفج

 

[ام خدود ورديه]

مشكووره قلبي عالدعوه
اي حلو نظامه بس صعب وايد

 

[كيكه توفي]

انشالله توصلين للوزن اللي تبينه يارب

الله يوفقج

 

[ام خدود ورديه]

حبيبتي مشكووره



اليوم تريقت
حليب خالي الدسم سخنته وحطيت 3 قفاش نسكافيه و3 حبات سكر رجيم
وتغديت 2 برجر دجاج مشوي وسلطه

والعشا شوربه من ماجي
بس الشوربه كانت شعريه ماكان عندي الشوربه الجاهزه وحسافه ماسالته اذا يصير او لا

 

[نشميه]

موفقه حبيبتي

انا بعد كنت اراجع عنده وعلى سالفه نسكافيه 3 في 1 قالي لا تشربينه وسوي الطريقه اللي قلتلج عليها

وهم شوربه ماجي قالي عليها لا بس برمضان كان عادي بس علشان اقلل من السعرات الحراريه اللي فيها كنت لما اسويها اصفيها بالمشخال واحط شويه بس من الشعريه فيها

 

[نشميه]

موفقه حبيبتي

انا بعد كنت اراجع عنده وعلى سالفه نسكافيه 3 في 1 قالي لا تشربينه وسوي الطريقه اللي قلتلج عليها

وهم شوربه ماجي قالي عليها لا بس برمضان كان عادي بس علشان اقلل من السعرات الحراريه اللي فيها كنت لما اسويها اصفيها بالمشخال واحط شويه بس من الشعريه فيها

 

[رسَــيــل]

موفقه يا قلبي

 

[كراميلا مرة]

موفقه
وان شاء الله تنقصين وزنج بصحه وسلامه
ونظامك حيل حلو ان شاء الله اجربه عن قريب

 

[ام خدود ورديه]

يعني مايصير شوربه ماجي ولا حليب كي دي دي بالله من وين اييب حليب بودره احس يلوع الجبد مادري ليش مشكورين بناات
واليوم لي ثاني يوم ان شاء الله اقدر اكمله بدون ما اخربط

 

[بدوره 22]

شكثر ينزلج هالريجيم بالاسبووووووووع ؟؟؟

 

[ام خدود ورديه]

قالي بالاسبوعين 5 بس مادري اذا ظبطته ان شاء الله اكثر من 5 ماقالي بالاسبوع اشكثر تقريبا

 

[بدوره 22]

موفقه ام خدود وان شاء الله تضعفين على صحه وعافيه يااااااااااارب

 

[ام خدود ورديه]

اجمعين ياارب :* :* :* مشكوره حياتي ماتقصرين



امس تريقت نفس الشي حليب ونسكافيه وشكر ريجيم

تغديت
سلطه + 2 برجر دياي مشوي

تعشيت
شوربه كنور بالكريمه والدياي حدها لذييييذه
شربتها مرتين بس مو ورا بعض بينهن نص ساعه قالي اهوا بكميه مفتوحه بس لاتشربين جيسين مع بعض

 

[روعة خيال]

تقريبا نفس الريجيم اللي عطاني اياه و يهبببببل

موفقة يا قلبي و ان شاء الله توصلين الوزن المثالي

 

[سآق نملة]

موفقه حيـأأأإإإآآتـــي ,,,

 

[دريم ويب]

موفقاااااات عزيزاتي

عاادي شوربة كنووووووور بهالرجيم؟؟ شنو احسن شي تنصحوني فيه اي نكهه