ان شاء الله توافق تجهزني هي شكلها مالها خلق
بس الليزر وين اسوي محتاره بين ايوكو ابولو وبين جار الله الالماني
وتهقين ينفع جلستين ؟
اخاف بوقت العرس يكون شعر صغير!!
وانا ماعرف استخدم الموس ولا مره استخدمته
شوري علي
سوي جلسه كل اسبوعين عادي هذول يصيرون 4 جلسات لي العرس
او كل 3 اسابيع
واساسا ياكو ابولو يسويلج جلسه رتوش بعد 10 ايام بس مايعلمون احد انتي لازم تقولين لهم ابي واهيا فري بدون رسوم
انا اشوف الليزر اهم شي للعروس
لان الريل يبي يشوف وحده ناعمه ونظيفه
الرياييل ترا مو كلهم يهمهم الجمال و الا البياض ولازم بشره جنها بورسلان ههههه
اهم شي النعومه والنظافه
وقسمي الفلوس من الاهم للاقل اهميه
يعني اذا ماعندج حق حق ميك اب غالي اشتري ميك اب رخيص اهم شي تشترين كونسيلر وفاونديشن سنع والا الباجي عادي من اي مكان و بالنسبه لي انا والله حمر المباركيه احسن من اي حمره والله عندي وحده ماركه الامسكا ودي اقطها اصلا بزباله مكرمه اتلوع الجبد
العطور مو لازم زليون عطر ترا 3 حق شهر والله كافي وزياده وبعد العرس اشتري معاه واكيد ناس بييبون لج هدايا مو الكل بييب لج شي غالي والا ذهب وهالسوالف
لا ترا وايد ناس بيعطونج عطور والا قمصان نوم جد والله
واذا اشياء تحسين مالها داعي مو لازم اتسوينها مثلا برنامج العروس بالله عليج هذا مو اشياء عاديه مجرد معطينها مسمى يشد الناس علشان الناس تدفع مبلغ وقدره وتسويه والمصيبه ماتستفيدين منه !!!
انتي بروحج كل اسبوع روحي صالون سوي حمام مغربي او كل اسبوعين حسب شتحبين
مانكير وباديكير انا اشوف مره بالشهر كافي وانتي مع كل شاور حكي ريلج من تحت وكل يوم بليل دهني ريلج بفازلين ونامي فيه وايدج دهنيها بفازلين ولبسي دسوس نايلون وخليه بس ربع ساعه كل يوم
مرتين بالاسبوع زيتي شعرج ومره بالاسبوع ماسك طبيعي جرجير او صبار او بيض حسب احتياجج
الحواجب كل اسبوعين
الوي انا كنت تقريب كل 3 اسابيع بس الحين مسويته ليزر ومفتكه
ونفس الشي للجسم كنت كل 3 اسابيع او كل شهر شيره بس الحين هم مفتكه مسويه ليزر
بس نصيحه صدرج و ظهرج اذا مو غزير الشعر تشقيييييييييييييير لا تشيلينه لان هذا وبر مو شعر
ومثلا اذا فلوسج ماتكفي حق اكسسوارات غرفه النوم عادي ترا الزوج اهوا يحطها او روحوا مع بعض اشتروا الاغراض
العبايات اذا انتي تلبسين عبايه
اخذي 4 او 5 كشخه و 6 متوسطين وبعد الزواج فصلي غيرهم بس هم لاتكثرين ماتدرين يمكن تحملين
الدراريع انا مادري شنو نظامكم بس اذا كلش بحياتح ماتلبسين دراريع لا تخيطين على ابو انه مقرر على العرايس لااا خيطي مثلا 4 او 3
والملابس الله يعافي المعارض و الاسواق مكودين الهدوم وباحلى الاسعار واهم شي دام مهرج شويه اول شي تروحين تفترين وتقارنين بعدين تشترين وتحطين جدول بالاشياء المهمه بس وبعدها اذا زاد اشتري الي خاطرج فيه عشان ماتتوهقين وعقب تشترين شي ويقعد بالكبت بدون فايده
