يهمني اعرف رايكم .. الفرق بيني وبينه؟

[Stylista_Q8]

ترا الشهاده مو مقياس سوري بنات بس احس الوحده لي فكرت بهالشي تكون shallow

شوفي شنو يشتغل معاشه زين ؟ اذا زين اوكي حلو

الوالد الله يخليه ماكان عنده شهادة ثانوية ! تزوج ويابنا واشتغل ودش الجامعه بعد !

ليش ؟ بتشجيع من الوالده الله يعطيهم طولة العمر

فـ إنتي شوفيه .. يمكن يقتنع ويقدر يكمل .. ماكو شي مستحيل

اهم شي الاخلاق .. ومحترم وفاهم وواعي والله يجدملج اللي فيه الخير ياااااا رب

 

[عرق الطيب]

انا مع انه يكووون في فرررررق 5 سنين او اكثررر عادي
بس يكون ماعنده شهاده صعبه
احنا في زمن الشهادات
منو الحين الي مو جامعي
منو الحين الي مو قاعد يكمل ماستر ولا دكتوراه
كل شي صاااار سهل

آنا مع رايها 100%​

 

[ЄŊg.Đσ`3Ч]

اولا : شهاده لااااااااااازم بأجر انتي تتعثبين وتتفشلين عند عيالج وهم علشان تفتخرين فيه انتي وعيالج

ثانيا : اكبر منج علشان لاا تصيرين عيوز واهوا للحين شباب لوووووول والله من صجي المرآه يبين عليها الكبر بسرعه
انا الريال لاا وبعدين الكبير يدلع يا قلبي ..
لووول مشكوره ع الموضوع والله يوفقج انشا الله ويرزقنا ويرزقج بعيال الحلال

 

[يمة يادلبي]

شوفي اغلب البنات جامعيات وأغلب الصبيان ماعندهم شهادة ولو كل وحدة بتطالع شهادتها وشهادة الي بتاخذه محنا مخلصيييين وانا عن نفسي ما اهتم بالشهادة كلش كلش اهم شي ثنوية ومعاشه يكفي

بس شتسوين بالأهل الي شرط اساسي عندهم الشهادة

وعن العمر هم عادي عندي وبالعكس كل ماكان الريال اكبر كل مادلللج أكثر عكس الصغير الي يعل الجبد

 

[الرياش]

حبيبتي انا بقولج عن تجربه شخصيه انا مهندسه وزوجي شهادته متوسطه وماخذ دورات يعني شغله فني ومعاشه ماشي حاله يعني اذا بتاخذين واحد ما عنده شهاده أهم شي المكان الي يشتغل فيه زين ومعاشه ماشي حاله لأن الصراحه بهالزمن 300 والا 400 دينار ماتسوي شي خل نكون واقعيين اشويه أما من ناحية ايكون في اختلاف من ناحية التفكير انا الحمدالله ما عانيت من هالمشكله نهائي الحمدالله أهو تفكيره كبير ومثقف يعني الشهاده مالها دخل نهائي أهم شي تقعدين معاه وتشوفين اسلوبه وتفكيره انا ماخذه ولد عمي علشان جذيه عارفته وأهلي عارفينه زين يمكن لو كان مو من أهلي جان فكرت وايد قبلها , أهم شي بالمضوع انج تتقبلين تاخذين واحد أقل منج دراسيا في ناس سبحان الله ما تتقبل من ناحيتي عمري ما حسسته بهالشي واهو عمره ما تحسس من الوضع وعايشين حياتنا و رفيجتي هم ماخذه ولد خالتها شهادته متوسطه واهي مدرسه واختها أيضا دكتوره ونفس الشي . انتي استخيري والخيره فيما اختاره الله

 

[جورجيت]

العمر مقدور عليه


بس الشهاده صعبه شوي !!

 

[شنكولة]

انا جامعية وزوجي شهادته رابعة متوسط
عادي ماحسيت ان في فرق بالعكس اشوفه والله يتفوق علي بشغلات واجد

 

[ًwo0ow]

حبيبتي حبيت اقولج ان الشهاده مو كل شي اهم شي اخلاقه وان يعزج ويكرمج
وايد اعرف بنات شهايد وريايلهم على رابعه متوسط وعايشين عيشه حلوة الله يهنيهم
وعلى العمر خمس سنين كفرق وايد حلو حتى انا قريت دراسه مسوينها ان اذا كانت المرا اصغر منه بخمس سنين يكونون حيل متفاهمين ومتهنين
وعسى الله يوفقج

 

[<miss botamba>]

لااا لازم توافق بكل شي

شهاده : علشان محد يعاير الثاني لازم جامعي

العمر: ما احب اكثر من سنتين ثلاث بالكثير علشان نكبر مع بعض باجر اييب له العيال ويقولي مالي خلقهم لااا اهوا يربي وانا اربي

المركز المالي: لازم يكون في توافق علشان بيصرف علي وعلى عيالنا

المركز الاجتماعي: لازم كلنا نفس البيئه والمجتمع

كل شي لازم يكون توافق علشان تقل المشاكل

 

[Tutti-Frutti]

مـسـالـه الـعـمـر مـو مـشـكـلـه
احـب يـكـون اكـبـر مـنـي ومـو اصـغـر

وبـالـشـهـاده افـضـل واحـد نـفـس شـهـادتـي
او دبـلـوم لـكـن مـا يـقـل عـنـه

وشـاكـرتـلـج

 

[ارجوان]

ياقليبــــــــــي فرق خمس سنين حلو والشهاده مو شرط انا كل اللي حوالي جامعيات وازواجهن ثانويه ومتوسط اهم شي موظف ومرتبه زين واهم شي التوفيق انا اعرف بنات جامعيات ومعلمات وكل شي فيهن كامل والكامل وجه الله وبالاخير تزوجوا عليهن بعذر ان شهادته عاليه وترقى منصبه مرات تكون الشهاده للرجل نغمه على زوجته يازين البساطه

 

[ذلتني عيونك]

العمر اصلا حلات الرجال يكون بينه وبينج فرق والشهاده مالها شغل بتفكير الرجال لان في وايد عندهم شهادات مايعرفوننوالي ماعندهم يعرفون احسن منهم فهذا الشي مو مقياس

 

[قلب^الوله]

افضل انه الفرق يكون 3 سنين

بس ماراح ارفض احد عشان العمر بس يعني 5 سنين هم زين

والشهاده اذا كان انسان زين انا اقدر اقنعه يكمل ..

بصراحه يعني اذا واحد اخلاق وزين من اي ناحيه لا العمر ولا الشهاده راح تفرق معاي

 

[تمنيت قلبي]

السلام
حبيت اشارك بالموضوع
لاني دخلت وعجبني شوفي حبيبتي
الشهاده مو شي ضروري ياما في ناس عندهم
شهادات بس للاسف مافيه ذره ذكاء وفي ناس
مو متعلمين واذكاء ناس واذا علي العمر عادي
لو فوق عشر اسنين....................
تقبلي مروري

 

[تآعِبنْ قَلْبِيْ]

أختي متزوجه ولد خآلي ومستوآهآ آلتعليمي آعلى من مستوآه
بس هذآ أهم عآيشين عيشة حلوة ومتفآهمين ..
يعني آلتعليم مو شرط للزوآج آلنآجح ..

بآلنسبة لي زوجي أكبر مني بـ 5 سنوآت وأحس حلو آلفرق آللي بيننآ
بس لايكون أقل من سنة أو أكبر من 8 سنين ..

مشكورهـ ^^

 

[Miss independent]

بطه حلوة
فافا7
صدى الاثير
ماحد مثلي
دلوعه ابوها
بببيت

اسطوره العشق

صح نبهتيني البنات يكبرون اسرع


كيوت انجنير عاد والله خرعتيني


جيرلووونا اي صح اكبر منج ب 10 سنين حق الدلع لوول

 

[Miss independent]

ستايلسته
مو القصد اني اعايره او شي
انا عن نفسي عادييييييييييي ولا يهمني الي جدامي شنو شهادته كل واحد وقدراته
بس انتي ماتدرين الشخص الي جدامج شنو تفكيره ولا يمكن في عقد نفسيه تطلع واهيا ماخطرت على بالج
لما طرحت الموضوع كنت ابي وجهات النظر الي تفكيري المحدود ماوصلها او ماخطرت على بالي
يعني اكيد كل شخص يشوف الموضوع من زاويه الشخص الثاني مايشوفها
من ناحيه التشجيع انا اكثر وحده اشجع ع الدراسه
بس تدرين انا وجهه نظري كانت ان شخص بعمره قعد طول هالفتره ومافكر يتزوج ع الاقل تكون عنده شهاده ثانويه
في شي غلط
وبعد عمري فديتج ع الدعوة الحلوة

عرق الطيب مشكوره على مرورج الطيب

اهتم فيني لوول اقنعتوني بالشايب بس خوفج باجر تعابلين فيه لوول
والله يرزقنا انشالله الي فيه الخير

يمه يا دلبي اي انا معاج بس الفرق الجامعه عن المتوسط كبير

الرياش عاد انا غلطت ولا سألت عن الوظيفه ومستحيه افتح الموضوع واسأل لووول بيضيعنا الحيا
وبالنسبه لتفكيره صعبه اعرف تفكيره لأن احنا لازم نوافق بعدين الشوفه وهم صعبه اكلمه واعرف تفكيره مادري
والله يوفقج حياتي ويوفق اختج ورفيجتج وانشالله بستخير اليوم

 

[Miss independent]

جورجيت
واو
مس بوتمبه
توتي فروتي
ارجوان
ذلتني عيونك
قلب الوله
مشكورين ع المرور فديتكم


شنكوله
الله يوفقج وياه يارب


تمنيت قلبي
مشكوره حياتي انتي
وصح احنا مايحيرنا الا هالشي
تناقض
شلون انه مو مقياس بس مقياس لوول
وثانكس على مرورج الحلو ياحلوة

ام ساره الله يوفقكم مع بعض يارب
حلو هالمقياس وصحيح
اسعدني ردج حبيبتي

 

[Miss independent]

جورجيت
واو
مس بوتمبه
توتي فروتي
ارجوان
ذلتني عيونك
قلب الوله
مشكورين ع المرور فديتكم


شنكوله
الله يوفقج وياه يارب


تمنيت قلبي
مشكوره حياتي انتي
وصح احنا مايحيرنا الا هالشي
تناقض
شلون انه مو مقياس بس مقياس لوول
وثانكس على مرورج الحلو ياحلوة

ام ساره الله يوفقكم مع بعض يارب
حلو هالمقياس وصحيح
اسعدني ردج حبيبتي

 

[^PaNDa_G!RL^]

لا ما اايد

لان في فرق بين المستويااات

و مارااح يقدروون يتفااهموون

و هذاا ياثر على الزوااج طبعا

.....................................................................

يسلموؤوؤوؤو على الطرح

ما قصرتي

يعطيج ربي الف عافية