ينزل مني دم طول هالشهر

[~رحيل~]

شلونكم بنات ..


أنا والله نفسيتي تعبانه :eh_s(2):
طفشت من المستشفيات من مرض لا مرض إستغفر الله بس ..
المهم أنا بقولكم قصتي من البدايه ..

انا قبل لا اتزوج دورتي تمام كانت تجي في وقتها ..
وبعد ماتزوجت كم شهر اوكي مافيني شي الحمدلله .. وبعدين قامت تلخبط يمكن يوم خذت 6 شهور واروح عند الدكتوره وتقولي فيج هرمون حليب واتعالج عنه الحمدلله ماكان مرتفع حيل .. وصرت تمام

ويوم اني كملت السنه تقريبا رجع علي التلخبط ..
ورحت الدكتوره قمت اتعالج عن تاخر الانجاب .. سوت لي اشاعه تراقب المبايض .. وقالت ان فيني تاخر نمو في المبايض توصل للحجم الطبيعي بس بوقت متاخر .. وتتاخر علي الدوره اسبوع كل شهر .. عطتني كم يوم جماع وما صار حمل .. بعد ما جاتني سويت تحليل هرموني وطلع هرمون الحليب مرتفع عندي بس مو حيل نفس هذيك المره .. وتعالجت عنه وهم هذا الشهر ما صار حمل .. ويوم جاتني الدوره رحت لها عطتني حبوب منظم الدوره اخذه يوم خامس الدوره وكلوميد اخذه من ثاني يوم الدوره .. طبعا الحمدلله دورتي قامت تجيني مضبوطه .. بس بعد ما صار حمل ورجعت اخذ المنظم لان قالت الدكتوره المنظم اخذه 3 شهور اذا ما صار حمل .. انا هالمره مارحت الدكتوره واخذت المنظم من الصيدليه .. في نفس هالشهر بعد ما اغتسلت حسيت انو فيني التهاب ورحت حق دكتوره غيرها بمستشفى غير .. عشان هذيك عليها زحمه ومابي اجلس انتظر .. المهم ماقلت لها اني اتعالج وكذا عطتني تحاميل مهبليه وغسول ..وعادي رجعت البيت واخذت التحاميل 3 ايام وغسول بس كل بعد جماع ينزل مني دم ويروح انا استغربت من الشي اللي صار وقلت يمكن فترت تبويض وينزل مني دم .. ماهتميت بس بعدين سويت بحث بقوقل وقالوا يمكن قرحه أنا هنا ماعرفت شسوي وخفت .. بس هالشهر كان زوجي مزحوم بشغله ومابي ازعجه بالمستشفيات وسكت .. بس بعد بكم يوم نزل علي دم من غير جماع وهذا الدم طول الشهر يوقف ليله ويرجع يوم ثاني بس الحين له اسبوع مو راضي يوقف وباقي على دورتي 6 ايام .. طبعا الدم اللي ينزل خفيف يوم بوني ويوم احمر خفيف مره
أنا الحين ضايقه فيني الوسيعه والله انا انتظر بس متى الله يكتب لي الحمل الثابت بس كله اقول الحمدلله على كل حال .. بس الحين ابي دورتي تنتظم لاني طفشت مستشفيات .. وغير كذا اتعالج عن كذا شغله فيني ..
بس الحمدلله على كل حال ..
طيب أنا بس ابي استفسر عن الدم اللي نزل طول هالشهر ..
واذا وحده صار لها مثلي وشنو طلع فيها

الله يعطيكم العافيه لاتطنشوني

 

[ياليتهم يشعرون]

الله يشفيج حبيبتي أنا نفسج الدم مافارقني من شهرين اول كنت حامل بأسابيع بعدها ظل دم. متواصل واجهضت وصار لي أسبوعين بعد الإجهاض وانا.ينزل علي دم أوف زهقت محتاجه آليوم الي اتنظف فيه
بس انتي لازم تروحين للدكتوره لاتهملين نفسج نزول الدم عباره عن خلل ولازم تراجعين من البدايه

 

[بنتـ المملكه]

ماتشوفي شر ان شاء

اذا عندك قرحه روحي المستشفى تسوي لك كي ع شان ماتكبر القرحه

 

[~رحيل~]

الله يسلمج عمري .. والله يعوضج يا رب ..
آآه والله انا خايفه .. بس احس اني طفشت زوجي كل يومين طالعه فيني عله جديده ..
الله المستعان

 

[~رحيل~]

بنت المملكه .. الشر ما يجيك ..
آح كي .. احس انه يعور

 

[sosowaty]

ماتشوفين شر

 

[فديت سالم]

سلااااامتج ياقلبي ان شاااءالله ربي يشفيج وتبشرينا بحملج بدون علاج قوووولي اميين

 

[ابدا يالغالي مانساك]

حووبي ماتشوفي شر شوفي انتي كشفي وسوي تحليل عن قرحة الرحم يمكن هي السبب نزول الدم ولاتخااافي علاجها بسيط وبعدهاااا تحملي عالطول وداومي علي البردقوش عشان هرمون الحليب منضم للهرمونات وربي يرزقج وخلج علي دكتور واحد وفاهم مو كل شوي تغيررري

 

[~رحيل~]

ماتشوفين شر

الشر ما يجيج حبيبتي .

سلااااامتج ياقلبي ان شاااءالله ربي يشفيج وتبشرينا بحملج بدون علاج قوووولي اميين

الله يسلمج عمري .. آمييين ويرزق وكل محروممه بالذريه يارب :eh_s(7):

حووبي ماتشوفي شر شوفي انتي كشفي وسوي تحليل عن قرحة الرحم يمكن هي السبب نزول الدم ولاتخااافي علاجها بسيط وبعدهاااا تحملي عالطول وداومي علي البردقوش عشان هرمون الحليب منضم للهرمونات وربي يرزقج وخلج علي دكتور واحد وفاهم مو كل شوي تغيررري

الشر ما يجيج حبيبتي .. الله يعطيج العافيه يا رب .. انشالله راح ارجع على دكتورتي القديمه وبشوف نهايتها يارب يفرجها علي يارب :yaaaaaarb:

 

[دلوعة مبارك]

ان شاء الله ماتشوفين الشر ياقلبي

 

[اخت خالتهم]

انا قبل زواجي كان هرمون الحليب مرتفع
تخيلي دورتي 10 ايام توقف يومين او ثلاث وترد تنزل 10 ايام
و مرات 15 يوم واهو ينزل مني دممممممممم ومرات يوم يوم ويرد ينزل
اذكر برمضان مرة نزلت اسبوع و وقفت اسبوع و عقب ردت اسبوع فطرت 16 يوم برمضان

 

[أم عزيـز]

الله يشفيج حبيبتي بهالحاله محد يقدر يفيدج غير الدكتور
دام الدم صار له فتره ما وقف لا تتهاونين في صحتج

وان شاء الله ماعليج شر