يمي يمي

[New Mum]

نطوعه افا عليج جم نطوعه عندنا
اتبعي هالخطوات بحذافيرها و راح تضبط من اول مره

1) تقصصون جبن الكرافت الأزرق مكعبات
2) تقصصون البيديان مكعبات نفس حجم جبن الكرافت
3) تاخذون البيديان و تحطونه بالفرن لين يلين شويه
4) تغمسون البيديان والجبن بالبيض و تالي بالبقسماط
5) تغززون بعود الأسنان بيديانه جبنه بيديانه جبنه
6) و تقلولنهم لين يتحمر البقسماط
7) تصفونهم بماعون
8) تسون الصوص اللي يعجبكم انا احط مارجريتا صوص العلالي مع وينجز صوص اللي حاكه صورته احلاهم
9) تحطون الصوص بماعون بالنص
و بالعافيه مقدماً

 

[نطوووعه]

هههههههههههههه

اوضح من جذي مافييييييييييييش


مشكوووره على سعة صدرج حبيبتي


بس اقدر اغطس البيديان و الجبن بشي ثاني غير البيض؟؟ ماحب زفرته

 

[New Mum]

نطوعه صكي خشمج و غطسي

 

[نطوووعه]

لوووول


ان شاء الله


بجربها اليوم واعلمج )

 

[New Mum]

ناطرينج وبالعافيه مقدماً

 

[om.5doja]

تسلم ايدج والله يعطيج الف عافيه