يمووت قهرر من الموقف الخاايس اللي صارلي اليوم :(

[ga6wa90]

انتي غلظانه شلون تخلين سيارتج شغاله وتنزلين؟؟

 

[Tom ♥ Jerry]

رد : يمووت قهرر من الموقف الخاايس اللي صارلي اليوم

.


يا قلبي مآ عليه !
ترا الشباب قليلين آدب و بعد رآح تشوفين آكثر و آكثر

طنشي طنشي و لا تعورين رآسج !

 

[(رنين)]

رد : يمووت قهرر من الموقف الخاايس اللي صارلي اليوم

يا إختي يوم شفتي المطعم زحمه ليش ما رحتي لغيره أحسن و أستر من وقفتج بالزحمه
عشان جذي الشباب يو عندج
و الله يستر علينا

 

[$حبيبة عبودي$]

رد : يمووت قهرر من الموقف الخاايس اللي صارلي اليوم

غطيه وجهج ومايجونج يمكن وجهج يفتن ..

 

[حلآوهـ حمرهـ]

انتي غلطانه شلون تخلين سيارتج شغاله وموقافلتها امبيه حدج راهيه ولا رايحه مجمع بعد لو رايحه الجمعيه ماتخلينها مبطله

لاااا انا نزلت المجمع وقفلتها عاادي ~ السالفه صاارت عند المطعم وانا قلت المطعم ف الشارع مو ف المول فهمتيني غلط ~ وومبركنه السياره مجابل صب واي ~ تخيلي بس انزل المجمع واخليها شغااله هاي روحها مخاالفه علي خخ

 

[عاشقه مودي]

رد : رد: يمووت قهرر من الموقف الخاايس اللي صارلي اليوم

:dddds:
تبين آلصج مشآءآلله عليه مزيون :dddds:
ههههههههههههههههه يمه والله مت ضحك على تعليقج لو أنا مكانج و لقيته مزيون ولا مسوي روحه زوجي كان طلعت بطاقتي المدنيه و خليته الموقف صج مو غشمره < ترا أتشغمر :lololoe:

:wqedqw: :wqedqw:

 

[بولندية]

بصراحة انا منصدمة من موقفج اكثر شلون تخلين سيارتج شغالة حبيبتي ?تعيدينها مرة ثانية زين ما باقوها والصبيان هذا حالهم ما يخلون احد بحاله

 

[اميره1980]

حمد ربج ما باقو سيارتج
هذا درس تتعلمين منه

 

[3w!Shni]

عادي حبيبتي

الشباب يجربون والي تعطي ويه تعطي ..

انا هم نفسج خو ماحف حواجبي وعباتي الكبيرة الي مافيها لا الوان ولا هم يحزنون

والشيلة الببسها كبيرة تغطي لي الصدر ..

وهم جي وانا طالعه من الكلية ايام كنت طالبة و ركبت سيارة رفيجتي توصلني سيارتي

لان كانت بعيده و الجو حار بعز الصيف بالصيفي ..

الاخ مر شافنا واقفين يم سيارتي

قلتلها خلانزل عشان لا يحسبونا مستانسين انهم يشوفونها

نزل ركبت السيارة ولاصديقتي تتصل

تقولي ما راح احرك الا لما تحركين .. لان هذول طقو فوق تحت وبيرجعون

وحركنا مع بعض و بس

الله يستر علينا بس

 

[حربيه وبس]

رد : يمووت قهرر من الموقف الخاايس اللي صارلي اليوم

انا مابي اعلق على موضوعج

انا ابي اعلق على طريقة كلامج

وااااااااااااااااااااي اموت على الامارات واهل الامارات

شحلات كلامج يهبل

 

[حلآوهـ حمرهـ]

رد: رد : يمووت قهرر من الموقف الخاايس اللي صارلي اليوم

انا مابي اعلق على موضوعج

انا ابي اعلق على طريقة كلامج

وااااااااااااااااااااي اموت على الامارات واهل الامارات

شحلات كلامج يهبل

هههه فديتج انا مشرقه ومغربه بالرمسه شوي كويتي وشوي اماراتي ~ عاد شي ناس اهني تزعل اذا تكلمت كويتي لوووول