يموت عالتراب الي تمشي عليه ويخونها؟؟؟؟؟؟؟؟

[معبوجه]

حبيبتي هالشي صار عادي الحين عموما على حسب الخيانه اذا كان بس تلفونات ومغازل او خيانه من نوع ثاني يعنى(زنا) اذا خيانة تلفونات بس حجي هالشي عادي ثلث ارباع الرياييل جذي اذا موكلهم..في الحياة الزوجيه اتيي للرجل فتره لازم يكلم حرمه ثانيه اما يستمر واما يبطل....وفى رياييل لا يكون هالشي مرض فيهم عنده علاقات ويحب ان يكون ليلحين اهو الرجل اللى تتمناه كل مره وانه المزيون المرغوب...الحل كالتالي

تغمض عيونها وتسوي نفسها انها ماتشوف وهى بالاساس تشوف كل شي وتعرف حدود هالعلاقات ...تسولف له ان سمعت عن وحده طاحت على ريلها وانهدم بيتهم

او تمثليه شافت قصتها وتبين استيائها طبعا هالشي صعب ويبيله قلب بس لازم
تسوي جذي عمر الزوجه ماتعطى مجال حق بنت حرام تخرب بيتها شنو ايوون بنات الشوارع ياخذون الريل بارده مبرده؟؟؟؟؟؟؟؟ ثاني شي تلهيه بطلبات البيت والعيال

بالحبابه (( حبيبي خل نروح الجمعيه)) ياقلبي السوق مايحلى الا معاك...يعوينتي ابيك تشوف هالفلم بالسينما بخاطري وياك...ثاني شي كل حرمه تعرف حالة زوجها الماديه اول باول شطبي عليه بدون لاتمللينه اشتري لج ولعيالج واشتري له وهاديه

من فلوسه وخلى عيالج يهادونه ويحسسونه انهم ولاشي بدونه؟؟؟حسسيينه انه
عامود البيت وبدونه البيت ولاشي...اعتمدي عليه بكل شي بقى شيين مهمين بطنه وشسمونه لاتبخلين عليه بالاكل الرياييل يحبون بطونهم طبخي له وبدعي
وتالي الليل اجوائكم رومانسيه سوي له البدع روحوا شاليه او سفره على الطاير

غيري جوج لبسي تعطري وتنظفي وايد حريم
مع رياييلهم بالفراش وماعندهم نظافه وتاكدي ان هذي نزوه وتعدي وانج انتي ملكة البيت وتاج على راسه ومارده بيرجع لانج انتي الحلال وهذيج اهي الحرام وسلامتج

 

[امازيغيه]

بنات عرفنا الي بحب ما يخون عاذا معروف

وعرفنا اذا زوجه مقصره في شيء من ناحية النصافه والا البيت والا الفراش والا غيره يخون بس هاذا كله غير موجود


اعتبرو ان الي نحكي عنه مريض او عنده صدمه في حياته او طبيعة تربيته هلاته يسوي هالشيء شنو الحلول معاه مش عارفه ليش الحريم دايما سلبيات تحسسو الوحده ان الدنيا انتهت وان مافيه حل الا لمن رحم ربي وين الخطط وتجارب والمحاولات وين كيد النساء عشان كذا الرجال يخون الف مره بسبب نقص في الزوجه في تفكيرها المحدود والمحصور بالشكل والبيت

 

[لوولوو_88]

اختي عطيناج الف حل و مو عاجبج ،، الحين شدراج لا قالت حق زوجها روح عالج عند استشاري بخونها اكثر على اي اساس قررتي ،،

قلنا تصلي و تدعي و قله وازع ديني مو عاجبج ،، قلنا تنفصل هم ما تبين و بعدين يعني

تبين كيد النسا شنو تبين انتقامات ولا ترد له نفس الحركه و تخونه ولا نعطيج حلول حرام على بو كيد النسا ،،

يبا الريال مريض خل يتعالج خل يلتزم بصلاته خل يروح استشاري ،، خل اطبق بعدين قولي ما يفيد ،، اذا ما فاد مالها الا الدعا ،، و خلي عنج استسلام و كيد نسا صارت حرب مو علاقه بين زوج و زوجته

 

[امازيغيه]

ابببببببب



تجارب يا حلوات ويا شاطرات


كيد النساء للي ما يعرف معناه ذكاء النساء معلومه فقط

 

[الجادل الخشف]

عادي اللي يحب يخون الحين سهله الخيانه والبنات بكل مكان قبل الشباب يسافرون عشان الخراب الحين محد يسافر الخراب بكل مكان شقق شاليهات وحتا عالبحر بوس اشكره والبنات الخربانات كثرو وللاسف تلقينها مراهقه والا متزوجه وزوجها موداري عنها للاسففصارت الخيانه شي عادي يعني اللي تصيد زوجها لاتستغرب بالزمن الوسخهذا
حتا الزين بلحظه ممكن ينغري من دون قصد يدش انستغرام تويتر تصير محادثات لاشعوريه وعقب انجذاب عقب تتطور العلاقه واتس اب عقب مكالمات عقب مواعدات مطاعم عقب تتطور اكثر واكثر
الشي صار سهل سهل جدا والبنات ماقامو يخافون من الفضيحه محد قام يفضح البنت تروح وحدة تجي غيرها بسهوله عبر التواصل الاجتماعي الرجال بطبعه شهواني وترا ماتكفي مرة وحدة عشان جذي الحكمة من الزواج من اربع وطبعا احنا البنات شبهه نحرمه اكيد محد منا تبي زوجها يتزوج عليها والزوج يخاف يتزوج عليها ويهدم اسرته في عده شعب لموضوع نقدر نسولف فيها ولو عندنا دكتور تقدر تحلل هالحلقات لهالموضوع

 

[al-musk]

ومن يتق الله يجعل له مخرجا ويرزقه من حيث لايحتسب ----- السر بالآية

 

[غالية زمانها]

انا يموت علي ومايعرف يتصرف من غيري
خاني وتزوج علي !!!!
لدرجه ان بعد زواجه يبي بس يبوس ريولي عشان ارضى
بس لو شنوووو اسامحه او افكر احبه نفس اول !!!

 

[امازيغيه]

نفس الحاله ما يتصرف من نفسه ويستشير في كل شيء ومو مقصر ويخون طيب ليش


صح العيب من بنات الشارع والي ما يخافو الله بس اكيد في شيء يساعد لان الوازع الديني لازمه متابعه من متخصص لانه مو اي احد ينوثق فيه حتى زوجه ويعتبر مصدر ضعف منها للاسف

والتهديد وما ينفع

اعتقد الوحده لازم تحل محل بنات الشارع بس في بيتها يعني في حدود شرع تلبس وتتزين وتتكلم زيهم بس اكيد عندهم سر ثاني


لان الممنوع مرغوب بنات شوارع يكون عليهم العين اكثر ويعتبر منافسه بين الرياييل مين تمشي معاه طبعا هي من صالحها لان بيصرف عليها وتخليه يحبها ومش بعيد يتزوجها اذا تعلق فيها وكانت شخصيته ضعيفه

وهاذي المصيبه وين ان زوجه المسكينه اخر من يعلم وخوفها على بيتها يخليها ترضخ للامر الواقع

 

[امـ خــزامـى]

النقااش بهالمووضووع جددا عجبني

وانا مع البنات اللي يقوولون ان الحب مو دليل
الخيانه شي ماله دخل بالحب

مره سمعت وحده تقول ان واحد كان فاتح كام لوحده بشات ووتسولف معه
فجأه قاطعها وقال لبى هالزووول


قالت وش زوله مافتحت كامي قال لالا اقصد زوجتي يازينها احبها عليها جسم

تقول انا عيوني طلعت من مكانها قلت اول مره اشوف واحد يخون ويمدح بزوجته الاغلب يذم او يكذب يقول مو متزوج او مطلق


رد عليها قال انا بس كذا اللعب واضيع وقت ولا ماافي بقلبي غير زوجتي !!!!!!




راح اتناقش نقطه نقطه

اولا اصدقااااااء السووووء ء,>>> هذي عانيت منها


الرسول اللهم صل وسلم عليه قال في ما معنى الحديث من عاشر قوما 40 يوما فهو منهم


زوجك اغلب يومه او تقريبا شبه يوميا يجلس مع اصدقائه مو اقل من ساعتين
وكل كلامهم بنت فلان وبنت علان
وشوف هالمزه كلمتني
شوف هالجسم والجمال عندي مسويتلي فولو

تتوقعين زوجك ماينجرف ويعجبه هالجووو ؟؟؟؟؟




ثانيا والاهم يحبك ويحب تفكيرك وجسمك يهبل ومهتمه بنظافتك وسنعك بس للاسف مو واثقه من نفسك
ترا لاشعوريا توضح عدم الثقه وزوجك يحس فيها
الرجل يعشق وتلفت انتباهه البنت الواثقه
لو هي شيفه اذا حس بثقتها بنفسها يشوفها تهبل



ثالثا الفرااغ وهالنقطه تطرقت لها فوفو ماقصرت

رابعا حكمه من الله انه حلل للرجل يتزوج 4 وهالنقطه تطرقت لها الجادل ماقصرت


خامسا الزوج اللي مو واثق من نفسه يحب بين فتره وفتره يسوي علاقه يبي بس يجدد ثقته او يرفعها بمديح هاللي يكلمها واعجابها فيه
يبي يجدد شعور ه انه مرغوب ومازال عنده خياررات حتى لو انه يحب زوجته
وكثير بنات من اللي ازواجهم يموتون فيهم تقول اذا خاني احس فيه يكون مبسوط ومستانس ويجلس معي ويضحك وهو واثق من نفسه
ويكون شجاع يعطيها حب وكلام ويصير رومانسي اكثر والاغلب تحس وتفهمه انه يغطي على بلوته
بس هو بالاصح اللي قلته انه يكون مشحووون ويفضي هالشحن بحبيبته زوجته
المفروض انت يازوجته تضغطين على نفسك وتقتنعين انه مايمثل هو صادق بمشااعره صحيح وسيلته كانت غلط بس غايته انت والحب لك انت
انبسطي معاه ولاتعكرين الجوو وجااريه صدقيني هالعلاقه بتصير مؤقته وبتنتهي بسرررعه
لان شاف الاعجاب بعد منك وهذا اللي هو يبيه




سادسا كثير تطرقوا لهالنقطه الا وهي ضعف الوازع الديني


سابعا زمنا اللحين يخوووووووف نسأل الله السلامه
زمن انتشر فيه الفساد ومحد سلم منه
انا ماص رت اخاف زوجي يخووني صرت ااخاف انا اخوون من كثر ماسمعت عن حريم يخونون ازواجهم وهم مومقصرين معهم وبشهادتها
وربي وربي اعرف وحده بنتها طولها وتخووووووون
ايه تخووووون والادهى بفلوووووس استغفرك ربي واتوب اليك
تقول عندي حساااب محد يدري فيه يحولون لي الفلوس ويجوني بالبيت >>>> ادري مارح تصدقون
طبعا عمرها بنهاية الثلاثينات مافيها ولا مر من عندها الجمال سمينه وكرشه وحالتها حالها
الله يستر علينا وعليها ويتوب عليها ويهديها انفضحت واخوها درا وجلدها جلد
وزوجها ياغافلينكم الله تخيلتوااااا <<< ادري لا
بس الشكوى لله قلت لكم زمن يخووووف



سابعا كووني انت صديقة زووووووجك قبل لاتكونين حبيبته وعشيقته وزوجته وامه
خليك سهله معه جاريه بافكارره افتحي عقلك وقلبك
خليه يتجراأ معك
مو مل لمه يقولها ولا عن اصحابه على طول تنقدين عليه
وتنصدمين


خلي عقليتك منفتحه

ثامناا امدحيييييييي امدحيييي امدحي
طول اليوم امدحيه
تغزلي فيه
حنا تربينا وتعودنا ان المدح للبنت والرجل لو مدحناه نمدح بس باخلاقه

بس لاا والله مثل مانت تنبسطين اذا قال شعرك اليوم حلو
هو بعد يتشقق من الوناسه اذا قلت اليوم حلاقتك جميله ونظيفه

او شعرك يهبل

طالع من الحمام بالروب تغزلي قولي لبئ هالجسم
فديت طولك
قلبي هالشنبات


حبيت ستايلك ذاك اليوم

عطرك يدووخ


ذوقك رااقي


جررربي اسبووووع ومارح تندمين

ومن زمان موااعده االبناات انزل مووضوووع عن المدح وبإذن الله قريب




اممممم كثير افكار ممكن البنات يكملونها لان ماشااءالله بهالقسم كثير بنات عقلياتهم جميله تعجبك
فوفو وتوته الاماراتيه ولولو وكثير كثير بس. هذولا قريت ردودهم واعجبتني
لانهم واقعيات وجديات وعقلانيات ماتغلبهم العاطفه


ماايقصرون واتمنى استفدتي

 

[قــمر]

أولا نبي كلام واقعي ودقيق وصحيح الريال اللي يحب يعشق يموت في انسانه سواء كانت مرته آو حبيبته مايخونها فاهمين شنو يعني مايخونها لكن الرجال أذكى من الحريم بمراحل يحب يتلاعب في الحقائق يسوي تمويه وغسيل مخ يحاول يثبت فكره انا احبج هذول لعبه بس لكن في الحقيقة هو فعلا يحب زوجته لكن يحبها من حبه لنفسه لانه يحب نفسه يبي تكون عنده مره تقعد في البيت تهتم في شؤون حياته تجيب له عيال ديكور ومنظر اجتماعي يحبها نعم ليش لان هي تحقق له كل الأمور اللي يبيها في حياته لكن الحب النادر انه يحبها اكثر من نفسه يحبها مب عشان مصلحته يحبها لذاتها حب مب أناني لكن اغلب الريايل انانين يبي كل شي يبي مره ويبي عشيقه بس ما تتوقعون ليش شنو السبب لان للاسف والواقع الصعب والمر ان يدري اذا مرته صادته ماراح تهده وان حبيبته عادي عندها ان ريال متزوج وتحبه

 

[امازيغيه]

كلام صحيح
الرجال يحب المدح و الغزل حتى على شيء بسيط يحب يكون سي السيد يحب يكون مستنده عليه حتى يحس بروجلته واهم شيء تحسسيه بالحب واحتياجك له


اصحاب السوء انا مش اعاني منهم هذول عقدة حياتي وزوجي اغلب اصحابه عزابيه تخيلو كيف حياتهم نصحته بطريقه وديه قتله انت مستواك ارفع منهم انت تستاهل اصحاب احسن ومثقفين لانك واعي واعلى منهم خبره بالحياة واذكى تحتاج ناس تستفيد منها اكثر لما اقول هالكلام يعجبه ويسمعني للاخر وينفذ الي قلته بنفس اليوم لكن بكره يرجع نفس الحاله كان ما سمع ولا كلمه لان معاهم الوناسه والمرح والطيش وهاذا الجو الي يعجبه


الجانب الديني حاولت بشتى الطرق ارسلت محاضرات واقاويل في الدين عن العامل مع الزوجات والحلال والحرام على الفيس بوك وعلى جواله واحط برامج او اشتري كتب واخليه يشوفها بس سبحان الله ما يعير اي اهتمام والا يقلي انتي نكديه تقولو اني انا مقصره ابدا انا اتابع البرامج الدينيه واقرا الكتب واقرا قران لمن يشوفني ما يطالعني ابدا

خبرت امه واخته بالهشيء وقالو يمكن مسحور لان من زمان يسحرونه وتتسببله مشاكل بحياته بس انا ما اقتنع بهالشيء

 

[امازيغيه]

لكن يبقى فيهم شيء من المراوغه حتى لو يحب زوجته يخبي عليها مشاويره مع اصحابه الي بالغالب يكونو فيها بنات او تلاقيه دايما يمدح فيهم انهم كويسين ويحبو شغلهم وبيتهم لان هو متاكد انك ما تحبينهم

في شيء ابدا مو كويس على العلاقه اذا الزوج بيخاف من زوجته راح يكذب عليها ويخبي كل شيء لان يعرف ان هي ترفضه ويعرف انها على حق بس ما يحب يشوه صورته قدامها لان موريها الصوره الحلوه رجل الخلاق والدين والصحبه الصالحه

في هالحاله الزوجه لازم تكون ذكيه وتخلي زوجها شوي شوي يصارحها طبعا هي راح تشيط من الغضب لكن اكتمي في مصلحتك حتى يتعود انه يحكيلك وما يسوف ردة فعلك الي ينتضرها وبالوقت المناسب ناقشيه وبذكائك بعديه شوي شوي عن عاداته السيئه

 

[امازيغيه]

اختي ام خزامى كيف طريقتك حتى بعدتي زوجك عن اصحاب السوء وهل نجحت الطريقه او استمر معاهم والا بس يخبي عليك نفسي انا

وبانتضار موضوعك بفارغ الصبر

 

[Um Rashed]

والمشكله اذا واجهتيه يقول لج الشرع حلل اربع يعني بحجه انه راح يتزوجها !!! ا

 

[امازيغيه]

الذ يقول شرع محلل اربعه او حتى وحده ثانيه هاذا ما يحب زوجته لان بيهددها

احنا نحكي عن الي يحبها مش مستعد يسيبها او يتزوج عليها بس يخونها في نفس الوقت

 

[امـ خــزامـى]

اختي ام خزامى كيف طريقتك حتى بعدتي زوجك عن اصحاب السوء وهل نجحت الطريقه او استمر معاهم والا بس يخبي عليك نفسي انا

وبانتضار موضوعك بفارغ الصبر

هلابك حبيبتي مافي طريقه كل السالفه انهم اتزووجوا. وسحبوووا عليه طلعوا على حقيقتهم

هو كان اول واحد يتزووج من شلته مع انه اصغررهم

من الحقد اللي بقلوبهم ماخلووه يتهنى وربي من اسبوعين الاولي وحنا بالسفر يتصلون عليه
واول مارجعنا على طول مسكووه سهر للفجر

وكل ماحاول يطلع يقوولون ايه بتروح لها يارخمه ياخروف يتطنزون عليه
ويغصبونه يجلس وتعالي شوفي جوهم عاد

وزوجي للاسف يستسلم لهم

نصحته وقلت لها معروف اول شهور الزواج وناسه ودلع وصدقائك مايبونك تستانس

وقابلني اذا تزوجوا وشوفهم بيسحبون عليك وبيطلعون على حقيقتهم

وصددق كلامي تزوجوا وانبسطوا وسحبو ا عليه وطلعوا على خقيقتهم
طبعا لانهم لهوا عنه

دور على شله غيرهم والحمدالله يارب استجاب دعوتي وكلهم متزوووجين
يرجعون بدري. وحدهم لو خربوها. بالويك اند تابعوا فيلم

الله يسخرلي ولك ويهديهم ويرزقهم الصحبه الصالحه

 

[latkt7as]

باختصار
الرجال اذا بيسوي شي بيسويه
ولا يفكر اصلا اذا زوجته درت او لا
انزين يانذل الكلام الححلو والدلع
والضحك صصعبه يصير هذا مع زوجتك

وكله كوووووووم وسالفه اذا عطئ زوجته يخاف ينقال عليه خروف
اما الزباله الي يكلمهم يتخخخرفن واهو يضحك عسل ع قلبه

حسسبي الله ونعم الوكيل>>معصبه ومنغثه

 

[امازيغيه]

ام خزامى حبيبتي مشكوره المشكله ان زوجي هو صغير واصحابه لسع شباب جامعه مش مفكرين بالزواج اصلا يعني يوم يتزوجو اكون راسي شاب هههههه


ليتكتحس. حبيبتي الضاهر انتي مقهوره من هالشيء فضفضي احنا خواتك نفيد ونستفيد ومثل ما قلتي الرجال ما راح يستشير اذا بيسوي شغله الي في راسه يسويه

 

[كويت الاناقه]

المثل المصري / يآ مآمن للرجال يا مآمنة للمية ف الغربال

 

[امازيغيه]

كلام صحيح بس ما راح ينطبق عالزوجه العاقله