يموت بالزين {{عملية تجميل الخشم+عملية الذقن }}

[ذلتهم عيوني]

بنات ابي مساعده بعد تفكير عميق وبعد ماتأكدت انه زوجي يموت على الزين ويحب الجمال قررت اسوي نيولوك لنفسي ابي اسوي عملية تجميل لخشمي وذقني وحده من رفيجاتي راحت للصبيح وطلب عليها صور واشعه وخلاص قررلها عملية خشم وبيحطلها حديده بحنجها عشان يبرز حنجها عاد استغربت وعمليتها قربت احد عنده فكره عن عملية الذقن هذي ردو بليز

 

[*بسمه أمل*]

رد: يموت بالزين

انا سويت عند خالد الصبيح ما ضبط خشمي

 

[ذلتهم عيوني]

رد: يموت بالزين

شلون ماضبطه قصدج ماتغير شي ولا خربه شنو غير الخشم ماسويتي ذقن

 

[أم أحمداني الغالي]

رد: يموت بالزين

والله ما أدري

 

[dodowa el7elwa]

رد: يموت بالزين

مااعرف والله...

 

[فوشية]

يحب الزين انتى ليه اشفيج مو ماليه عينه

غيري صبغتج اتفخي خدج حطي شامه بصبغة البيجن قالتلى عنها وحده من الخوااااااااااات

سوي اسنانج تبييض حطى كرستال بأسنانج..تغيرات بسيطة ومؤقته

بس العمليات الخطره مثل الخشم والذقن حراااااااااام عليج

وترى العمليات حظ..

 

[رشيديه كووول]

ليش تسوين عملية حق الذقن (الحنج) ؟؟ ما عندج حنج ؟؟

اذا ماعندج حنج اتفخي حنجج بواحد سانتي كافي بنفس مادت تفخ الخدود ..



..

 

[*بسمه أمل*]

ما اقولج انه ما عدله بس كل صوب غير عن الصوب الثاني وبروحله واكثر من مره اروحله وما احصله

 

[ذلتهم عيوني]

شكرا بنات عالنصيحه بس موسالفة ماليه عينه او لا بس انا شكلي عادي وهو يحب الجمال بدرجه كبيره انا مسويه اسناني وبالنسبه للصبغ غيرت لين طاح شعري وحواجبي كل مره اشكل فيهم بس بدون فايده مو من النوع اللي يبين علي التغيير ليش مادري وصراحه التفخ مفكره فيه حجزت عند طلال العلي ولو انه شغله مو ذاك الزود بس ماكو غيره