يمااا يبااه خلااص تكفووون

[بلووونه]

الله يوفقها ويوفقنا بالإمتحانات وناطرين البارت

 

[NooReNzA]

?????????????

 

[خميسيه]

فبيت ام بدر
نوره دخلت البيت
راحت غرفتها وقطت روحها على لفراش وقامت تبجي
كانت قامته بجيتها طول الوقت بس علشان بدر .....
كانت تدري بالحزن الي بقلبه وقت ما كانو بالمستشفى .... ما كانت تبي تزيد الطين بله
وايد كانت تحاتي ساره .... ساره رفيجة طفولتها ..... ساره الي كانت تكتم اسرارها سااره .. وساره وسااره
و بنص تفكرها رن تلفونها ... والي كان متصل
فهد : الوووو
نوره : هلا فهدوي
فهد : شفيه صوتج شفيج ؟
نوره : ما دريت .... وتبجييي
فهد : دريت عن شنوو نوره شفيج ليش تبجين
نوره : فهد انا حاسه اني راح افقد اعز رفيجاتي ... فهد حدي خايفه ... ساره اليوم دعمها راجو سايقكم واهيا الحين بالعنايه المركزه ... ماني قادره استحمل ... احس اني بطيح خلاص
فهد : نوره باباتي ذكري الله ..ذكري الله .... انشالله ما فيها الا الخير
بس باي مستشفى اهيا
نوره : مستشفى مبارك ....
فهد : وبدر اهناك الحيين ؟
نوره : اهوا قال بيبني البيت وبيرجع اعتقد انه اهناك
فهد : انا بروح له ما ابي اخليه ابروحه ... بدر مينون ما ابيه يسوي بروحه شي
نوره حبيبيتي هدي الحين ... انشالله ماكو الا الخير وانا اخليج ترتاحين .. نامي انتي مو نايمه عدل
انزين عشااني نونو ؟؟
نوره : انشاء الله
فهد : يله تيك كير حبيبتي مع السلامه .
نوره : مع السلامه حبيبي الله معاك
بسيارة بدر
بدر بالطريج رايح المستشفى
كان يفكر بالسالفه
الي صارت
(( الي صاار معنااته انه ساره كا ن فيه بينها وبين رائد شي انا اوريه اذا كان صج اهوا السبب ))
وكمل طريجه للمستشفى

فبيت رائد
رائد رجع البيت معصب وما يدري شيسوي
اول شي فكر يسويه انه يسافر
ما يدري وين بس المهم يسافر
ما كان قادر يستحمل يقعد بالكويت بالديره نفسها الي حبيبته الي خانته موجوده فيها
لم اغراضه وحط جنطته وقرر يرروح البحرين حق واحد من ربعه
واهوا بالسياره جيك على تلفونه
وله هدى امكلمته بالببيبي ام
هدى (( انت وينك ))
رائد (( هدى سكتي عني حدي متضايق ومالي خلق احد ))
هدى (( ليش شفيك رائد ))
رائد (( سالفه طويله مالي خلق اقولها لج بس سلوم النذل انا اوريه وساره ... الحيوانه كاانت غلطة عمري))

هدى (( رائد فهمني شسالفه))
رائد (( انا مسافر خلي سلوم يقولج باي ))
صكر جهازه وراح المطار وسافر على اول طياره رايحه البحرين
هدى قامت ودقت على سالم
بس سالم ما كان يرد
صكته ودقت على رائد ... بس رائد كان جهازه امصكر
هدى: يا ربي .. خوفني رائد ... والله شكله صج بيحب البنت الي اسمها ساره... هنيالج يا ساره برائدد

بالمستشفى
بغرفة وليد
وليد صحى وتلفت حوالينه استوعب انه بالمستشفى شااف ريله وله امجبسه
ياا بيتحرك وحس بعوار مو طبيعي
لف وله يشوف امه ماسكه ايده ونايمه وخالته ام ناصر نايمه ع الكرسي
ام وليد ارفعت راسها ابسرعه حست بحركة وليد
اول ما شافته صاحي ابتسمت وقامت لمته وباسته على راسه
وليد مسك راسها وباسهه وباس ايدهاا
او وليد وعيونها تدمع : الحمد لله على سلامتك يا وليدي ....
وليد : الله يسلمج يماا ...
ام وليد : خبصت قلبي يا وليد .... والله حسيت اني بخسرك...ما كان راح يبقالي احد بهالدنياا
ام ناصر صحت من النوم
ام ناصر : ويي يمااا فديتك .. الحمد لله على سلامتك
وليد : الله يسلمج خالتي
وتمت ام وليد تبوس وتلم وليد
.................................................................ز
بدر كان يصفط بالمصافط
ودق تلفونه
بدر : هلا فهد
فهد : انت بالمستشفى ؟؟
بدر بصوت حزين : أي توني واصل
فهد : يله كاني يايلك
بدر : اوك
فهد : يا بدر هونها وتهون انشالله ما فيها الا الخير
بدر : انشالله
فهد : يله ثواني وبكون عندك باي
بدر: سلام
ويدخل داخل المستشفى
قعد على الكرسي
وسند راسه وقام يفكر بساره

جدام غرفة ساره
ام ساره ومريم واقفين
مريم : خالتي انا اسفه ...... وتبجي
ام ساره : قضاء الله وقدره يا بنتي ..... لا تبجين خلاص
مريم تمسح دموعهاا : خالتي انا .......................
وطااحت
ام ساره : يمه بسم الله... مريم ... مريومه..
ام ساره تنادي الدكتوره سناء
يات الدكتوره وشالتها مع السسترات وخذتها علشا تفحصها
فهد وصل المستشفى وقعد يهدي بدر
بدر كان حيل مرتاح علشان فهد كان يمه ومسانده
فهد كان رفيج بدر الروح بالروح وحيل هالاثنين مع بعض
واسرار بدر كانت عند فهد واسررار فهد هم كانت عند بدر
......................................................................
فبيت ام فهد
ام فهد كانت تلبس هدومها علشان تروح عند سالم
خلصت لبس
وراحت كوفي بين
قعدت تنطر سالم
شوي جان يدق عليها
سالم : انتي بالكافيه ؟؟
ام فهد : أي
سالم : يله كاني انا برا الحين بدخل
دقيقتين وسالم داخل الكافيه وبيده ظرف تلفت جان يشوف ام فهد قاعدده
قرب من الطاوله وقعد ام فهد ارفعت راسها وشافته
سالم قط الظرف على الطاوله وابتسم
ام فهد تشوف الظرف وترفع حاجبها : شنو هذا ؟؟
سالم : بطليه؟؟
ام فهد تبطله وتنصدم
..........................................................................ز
بالمستشفى
دكتوره سناء : مريم انتي متزوجه
مريم : لااا
دكتوره سناء : اختي انتي امها
ام ساره : لا خالتهااا
دكتوره سناء : ممكن اكلمج شوي
ام ساره ودكتوره سناء طلعو برا الغرفه
ام ساره : خير
دكتوره سناء : اختي ما ادري شقولج ..... بس البنت حامل
.................................................................................................................................................

 

[خميسيه]

بنات سوري ع التاأخير والله اسفه بس وراي دراسه ما اقدر ادخل المنتدى

 

[so_what]

يسلمو حبيبتي كملي ناطرينجج

 

[zoqaaa]

offff 7aml!!
alla yster
mshkora 7abebty o plz la6wleen 3alena
o alla ywfgch inshalla

 

[A7la Jekra]

@@

Y36ech el 3afya 3ala el part

 

[s elena]

شكرا الجزء كان واي حلوه
شكرا و انطر الباجي

 

[بلووونه]

وي حرام مريم الله عاقبها
وساره ما تشوف شر ونورة كسرت خاطري واي شعور خايس إلي تحسة يعور القلب
وبدر بعد مسكين بس سالم نذل الله يستر شنو راح يصير
ناطرين

 

[توتا كويتيه]

وييييييييييييييييييييييييييييييي اي شي

امبي الله يستر حامل مره وحده
اكيد سالم يايب صورها حق امها

الله يعين ساره مسكينه

مشكوره حبوبه

 

[خميسيه]

يسلمو حبيبتي كملي ناطرينجج

انشالله الله يسلمج حبيبيتي

 

[A7la Jekra]

waiting

 

[سارووونه22]

مشكوووووووووره على بارت حامل يويلي عليها مسكينة والله يعين سارونه

 

[أحلامي يقظه]

عفيه قبل لا اعلق ع القصه ابي اعرف
هالقصه صج ولا انتي كاتبتها ؟؟؟؟؟

 

[عشيقة ريلها]

القصه حيل حلوووووووووه قريتها من اول حرف اى اخرررررره

ناطرييييييييينج لاتطولييين علينااااا

 

[ChocoLaTe Pie]

وييييييييييي !!

حبيي ناطريينج ,,,,, و ماعليه الزم ماعليج دراستج

 

[خميسيه]

offff 7aml!!
Alla yster
mshkora 7abebty o plz la6wleen 3alena
o alla ywfgch inshalla

امين الله يسمع منج ويوفق الكل والجميع
وانشالله اذا قدرت ليوم بنزل بارت

 

[خميسيه]

@@

y36ech el 3afya 3ala el part

الله يعافيج حبيبتي

 

[خميسيه]

شكرا الجزء كان واي حلوه
شكرا و انطر الباجي

العفو حياتي

 

[FuTuRe DoC]

اووووووووووووووووووووووووخ@@
ثااانكس على البااارت

ناطرييين