يلغون حفلات تخرج " الروضة " ؟

[نووووونا]

المفروض يلغونهااااااااااا

الاطفال بعمر ال4 او 5 سنين يفهمون ولازم يتعلمون شنو يعنى

ابونا سعد توفى واحترام الظروف !!!!!!!

بعدين احنا الامهات نعوضهم بالبيت!!

انا ولدى مدربينه ومجهزينهم حق الحفله الاسبوع الياى وحتى الشوكولاه

سويته ورتبته !!!!بس لازم ان نعلمهم تقدير الظروف المحيطه@@

 

[ضحـاوي]

عاد على حظ ولدج @نجد@ اذا لغوها

هالولد مقرووووووووووود

الله يرحم ابونا سعد ويغفر الله

وعساه الجنه البارده ,,,اميييييييين

 

[nero]

اي والله نجد المفروض نعلم الاطفال على هالمواقف الطارئة

صج جهزنا وتعبنا بس ابونا يستاهل

الله يرحمه ويسكنه فسيح جناته

 

[smily]

حبيت أضيف معلومة بعد ترى الشيخ سعد الله يرحمه يعتبر حاكم الكويت الرابع عشر قبل لا يتولى الشيح صباح الحكم يعني اهوبصفة أمير دولة و هذا شي ينحط في عين الأعتبار الصح و الي مفروض يكون أنها تنلغى

 

[القرآن ربيع قلبي]

انا اليوم قلت لبنتي انه يمكن تنلغي تحطمت من قلب المسكينة بس معاهم حق اذا لغوها بابا سعد هذا مو حياالله واحد

 

[asma]

صراحه رغم أنا دربنا وتعبنا وجهزنا الأطفال ليوم التخرج

لكن مخجل بحق ان اي روضه او مدرسه تحتفل بعد وفاة شخص

مثل الشيخ سعد اللي ماتنسا الكويت افضاله

مخجل حتى لو لم تصل نشره شلون نسمح بالغناء

واللواليش والفرح وكأننا لم نفقد عزيز والله لهذا الرجل

مواقف وافضال عليكم لو عددناها ماكفت صفحات المنتدى

اقول لناظرات حسسوا واللغوا الحفلات طيب منكم قبل لاتوصل النشرات

 

[نــور1]

تااابعوا موضوعي

أخبااار وزارة التربية بتلاقون خبر حسم كل الحيرة اللي انتو فيها​

 

[ام مسااعد]

اذا كل الكويت لغت حفلاتها روضتنا ماتلغي قطيعه !!

 

[مشمشه_كويتيه]

تدرون اذا العلم واهو جماد ينكس اربعين يوم معقوله البني ادم يخلونه يحتفل ويرقص وحتي لو خلوه المفروض من الاداره نفسها اذا عندها روح وطنيه انها ابسط شي تبين حزنها بالغاء الحفله انا اتوقع ناظرتنا مستحيل تحتفل ولا بتسمح للحفله التصوير المفروض يوم الثلاثا ماتوقع يمدي نسوي شي

 

[* @ * كرستال * @ *]

الانتخابات لم تؤجل يوم واحد عن موعدها

تبون الادارات تلغي حفلاتها التي تدر عليها الخير ببيع أشرطة الحفل والصور _03BA:​

 

[عالي مستواها]

جبتيها كرستال

انا هذا اللي كنت مفكره فيه

ناظرتنا مستحيييل تلغي الحفلة بتنجن إذا ما خذت فلوووووووووووووووووووووس

هي داقه على ثواني كلهم حتى اللي غياب مستمر مو لله بس عشان فلوس الحفلة

مشمشه اعلنوا الحداد 3 أيام بس مو أربعين يوم

اتوقع ماراح يصدر قرار رسمي بشأن الخفلات بس كل إدارة و " وطنيتها " وإدارتنا ما تعرف الوطنية بشغله فيها فلووس

 

[شمس]

مانبي حفله بصراحه حزنانين

 

[روح 75]

كان في خبر بالجريدة من الوزيرة ان حفلات التفوق راح اتاجل
انشالله يعني حتى رياض الاطفال راح اتأجل يعني نسوويها
آآآآآآآآخر يوم بالدوام
براي ان الاطفال يلبسون اروابهم ويستلمون شهاداتهم من المديرة
بمصاحبة اغنية وطنية عشان محد يزعل
لكن فقرات وعفسة لالالا مهما كان هذا بوفهد عزنا وفخرنا

 

[لانا]

والله المفروض تنلغي موحلوه بحق بابا سعد الله يرحمه

 

[ابلة رسم كتكوته]

حفلة بنتي ودها الروضه تلغيها
وهذا المفروض
بس بصراحه بعض اولياء الامور الله يهداهم يبونها

 

[عالي مستواها]

يا معلمااااااات الرياض


كل وحده تقول لنا روضتها ألغت الحفلة او لا


روضتي ليلحين الناظرة ما حددت قرارها بس 90% ماراح تنلغي

تقول ماصدر قرار وبننطر ونشوف .. بعض الرياض بالجهرا ألغوها بس روضتي ماااعتقد بتسويها إلا إذا صدر قرار رسمي

بالنسبة للتأجيل أتوقع ما يقصد فيه حفلات الرياض يعني متى بيأجلونها ؟ حنا أصلاً حفلاتنا ورا 25 .. بيخلونها شهر 6 ؟! حشى الأطفال بيداومون ليما شهر 6 ثاااااانوية عااااااااااااامة صارت

لهالدرجة الحفلة مهمة ؟ اخاف متخرجين من جامعة عين شمس بس :ggdw:

 

[nero]

احنا بعد ليما الحين ما قررنا

بس قاعدين ننطر الوزاره تقول شي

بس احنا 50 بالاميه نسويهاا

 

[غمزة عين]

كل الكلام اللي انقال صحيح المفروض تنلغي الحفلات.....هذا بابا سعد من فتحت عيوننا وحنا نقول بابا سعد ويستحق هذا التقدير..... اللهم ارحمه ووسع منزله.... آآآآآآآآآآآآمممممممميييييننننن..................

 

[¤•°أنا غيـk.s.aـر•°¤]

شفتوا الوطنية شلون صايرة عند بعض الإدارات..!!


الكويت والكويت..وحب الوطن ومدري شنو ...؟ كله كلام فااااضي وقمة التناقض اللي قاعد يصير


وبعدين الموضوع المفروض ماهو بكيف نورية وغيرها..تقول لنا الغوا والا سووا..


الموضوع المفروض يصدر من المديرة نفسها اللي ترز نفسها وتحب الكويت على قولتها..!!


بس الشغلة لأن فيها مكسب وترقيع لهالفواتير والميزانية والنصب اللي قاعدة يصير في رياض


الأطفال..غصب عن اللي مايرضى بيسوون الحفلات..



انا مو قاهرني الا هالأمهات اللي مصدقه الوضع بتخرج بنتها صراااحة..كأنها متخرجه من

هارفرد...والا مدرسة والا روضة عليها القيمة.. سنتين من عمر عيالكم راحت في ان البحر يعيش

فيه السمك وتسير عليه السفن..!!


وفي ان البر فيه خيام وعشب..

وفي ان الكويت فيها ابراج وعلمها كان احمر صار 4 الوان..

وفي مكه الكعبه..

وفي رمضان بس نقرقع ..

وهاااات يارقص..من الصبح الى الظهر..




شفتوا عيالكم كيف قاعدين يتخرجون..:eh_s(14):

لو تدرسونهم في حضانات خاصة ودينية بعد افضل لهم..




شوفوا حفلات المدارس الخاصة كيف راقية وبسيطة..

من كيس زباله ..يسوون مسرحية حلوة..معبرة ..

من مكانس قش يجيبونها من البيت..يسوون فقرات روعة..


وهذولا 13 و20 دينار وفقرات تفشل "معرس وعروسه" ..وقلة حيا والأم تلووولش مصدقة القصة

عيب والله عيب..



الأفضل الغاء التخرج بشكل كاااامل..والإكتفاء بمسيرة التخرج وبس..

قال الأهالي يبون..


طيب الأهالي يبون "عطلة رمضان.." وعطلة حج مثل العالم والناس!!​

 

[asma]

شفتوا الوطنية شلون صايرة عند بعض الإدارات..!!


الكويت والكويت..وحب الوطن ومدري شنو ...؟ كله كلام فااااضي وقمة التناقض اللي قاعد يصير


وبعدين الموضوع المفروض ماهو بكيف نورية وغيرها..تقول لنا الغوا والا سووا..


الموضوع المفروض يصدر من المديرة نفسها اللي ترز نفسها وتحب الكويت على قولتها..!!


بس الشغلة لأن فيها مكسب وترقيع لهالفواتير والميزانية والنصب اللي قاعدة يصير في رياض


الأطفال..غصب عن اللي مايرضى بيسوون الحفلات..



انا مو قاهرني الا هالأمهات اللي مصدقه الوضع بتخرج بنتها صراااحة..كأنها متخرجه من

هارفرد...والا مدرسة والا روضة عليها القيمة.. سنتين من عمر عيالكم راحت في ان البحر يعيش

فيه السمك وتسير عليه السفن..!!


وفي ان البر فيه خيام وعشب..

وفي ان الكويت فيها ابراج وعلمها كان احمر صار 4 الوان..

وفي مكه الكعبه..

وفي رمضان بس نقرقع ..

وهاااات يارقص..من الصبح الى الظهر..




شفتوا عيالكم كيف قاعدين يتخرجون..:eh_s(14):

لو تدرسونهم في حضانات خاصة ودينية بعد افضل لهم..




شوفوا حفلات المدارس الخاصة كيف راقية وبسيطة..

من كيس زباله ..يسوون مسرحية حلوة..معبرة ..

من مكانس قش يجيبونها من البيت..يسوون فقرات روعة..


وهذولا 13 و20 دينار وفقرات تفشل "معرس وعروسه" ..وقلة حيا والأم تلووولش مصدقة القصة

عيب والله عيب..



الأفضل الغاء التخرج بشكل كاااامل..والإكتفاء بمسيرة التخرج وبس..

قال الأهالي يبون..


طيب الأهالي يبون "عطلة رمضان.." وعطلة حج مثل العالم والناس!!​

لافض فاك والله صدقتي بارك الله فيج