يلعن الحب واسلاف اسلاف اسلافه >> هذي اول رواية لي

[miss.shanil]

....​

فواز وفاطمه كانو قاعدين ع التلفزيون ​

فاطمه: ااااف اااف اااف ​

فواز {سافههاا لانه يدري شتبي}:...​

فاطمه{طالعه وتعلي صوته}: اااااف اااف اااف ​

فواز:...​

فاطمه: فوازووو افففففف ​

فواز: ماكوو طلعه ​

فاطمه: تكفى فواز تكفى والله حدي زهقانه ​

فواز: امممم لا ​

فاطمه: فواز تكفى واللي يرحم امك تكفى ​

فواز: لاا​

فاطمه: فواز مابقى ع الامتحانات الفاينل شي تكفى طلعني هذا اخر طلعه لي ​

فواز: بس ع شرط ​

فاطمه: انت امرني امر​

فواز:لما اقولج مره ثانيه لا يعني لا اووكي ​

فاطمه : هاا ا ياي اهم شي الطلعه ​

.....​

انا: ياربي شصار قبل شوي ​

يوسف {صك الباب عليه وطاح ع السري}: شلي شفته قبل شوي ​

انا: اناا غبيه المفروض صكيت الباب وحطيت ايدي ع وجهي شبيقول اللحين عني بيقوول ورع لا طالعني ااااااه​

حصه: شتقولين انتي!!​

انا: وخيراا قعدتي يا ست الحسن والدلال ​

حصه: حرام عليج امس مانمت الا ع الساعه 9 الصبح ​

انا: موو شغلي المهم خليني اقولج ​

وبدينى نسولف ​

....​

بمجمع الزهره ​

نجلاء: نوروو ويينج انا اللحين بالمجمع ​

نورة: تلقيني يم ... عرفتيه ​

نجلاء: ايي ايي اعرفه كاني يايتلج ​

نورة: اووكي​

​

فارس: نوروو شنوو البنت لالحيين ماجت ​

نورة: امبلاا كاهي اللحين يايه ​

نجلاء: نوررووو يهالخايسه اشتقتلج ​

نورة: الحمدللة وجنج ماشفتني بذاك اليوم ​

نجلاء: اسكتي بس اسكتي ​

فارس: ويين سامي​

نجلاء: يقول عنده شغل قطني وراح ​

فارس: يوو يعني انا اللي بلحقكم من مكان لمكان ​

نورة: لاا موو شرط تقدر تقعد بمكان واول مانخلص شغالنا ندق عليك ​

فارس: هذه ما صارت ولا بالاحلام شلونا خليكم تتمشون بروحكم ​

نورة: عادي اصلاا كذا مره نتمشى بروحنا ​

فارس{وشوي بتطلع عيونه من مكانه}: شنووو ​

نجلاء{وتحاول تنقذ الموقف}: قصدهاا نتمشى مع امهاتناا ​

فارس: اي علبالي بعد ​

يلاا يلاا امشوو ​

...​

فواز: فطييم لالحيين ماخلصتي​

فاطمه: امبلاا دقايق بس ​

فواز: ماصارت دقايق ​

يلاا كاني خلصت ​

....​

سامي دق علي ​

انا: اي وبعدين لما .. قاطعني صوت التليفون رقم غريب ​

انا طبعي لادق رقم غرييب مستحييل ارد عليه حطيته سايلنت ​

وكملت سوالفي ​

سامي: هذه ويينهاا ع تليفونهاا​

...​

ومرت الايام ​

واليوم الاربعاء وباجر عرس نورة ​

نوورة : حلووم حدي خاايفه ​

انا: وحتى انا خايفه ​

نورة: وانتي شحقى تخافيين ​

انا: مدري​

نورة: ههههههههه حسبي الله علييج ​

انا: نوروو انا قاصه ع البنات قايلتلهم انه موو الا يروحون للصالون معاج بس انا رااح اجييح هنااك ​

نوره: يمى منج ولييش؟؟​

انا: علشان ترتاحين مايكون ازعاج ولوويه تعرفيين بنات عمج ياحبهم للسوالف​

نورة: اصلاا انتي مصدر الازعاج كله ​

انا: حراام علييج ​

....​

ام محمد : اعوووذ بالله شمسويه فعمرج​

كانت فطوم حاطه الكريم الاخضر بكل وجههها وحاطه خيارتين وحاطه رجولها بالماي المنقع ملح ​

تقولوون انها هي الي عرسها باجر​

فاطمه: شفيج يمى قاعد اهتم بنفسي ​

ام محمد: حتى العرووس ماسوت نفسج مدامج مو زاعجتني سوي اللي يريحج ​

...​

نجلاء: منوور بااجر العرس ولحد اللحيين ماطلع لبسي ​

منيرة: شنوو ماطلع لالحيين ​

نجلاء: اييي ​

منيرة: وليش مادقيتي عليه وخليتيه يستعجل​

نجلاء:دقييت عليه بس يقوول مايقدر يخلصه لانه الشغلاات اللي طلبتها وايد ​

منيرة: شلوون يعني اللحين شراح تلبسين ​

نجلاء: مالي غيير اني اللبس فستاني اللي بعرس خالي ​

منيرة: اي لبسسج كاان فظييع ​

....​

اليووووم اليووووم المنتظر الكل كان ينطره ​

الساعه 7 الصبح ​

ام فارس: نووروو حيااتي يلاا قومي ​

نورة: يمى انا قاعده ​

ام فارس: عيل يلاا قومي لبسي​

نورة: ان شاء الله ​

...​

 

[miss.shanil]

حاطه منبه عالساعه 7​

انا{اتمغط}: يلاا صبااح خيير ​

وشيكت ع تلفووني لقييت 7 مسس كول ورسالتين بنفس الرقم ​

انا: اكييد هذه وحده اعرفهاا لانه موو معقوله كل هالمكالمات من شخص مايعرفني ​

وقرييت الرساله 1​

حيااتي شفييج ماتردين صارلي ساعتين وانا ادق عليج​

الرساله 2​

؟؟؟​

دزيت ع الرقم مسج وسكرته ​

...​

تيتي تويت تويت ا س ام اس ​

فج الرساله ​

منوو انتي اعرفج انا؟؟​

دزلهاا مسج ​

..​

انا: غديروو وصمخ قوومي يلاا بنرووح للصالوون ​

غديير: يلاا كاني قمت قمت ​

قامت بعدين ردت نامت ​

انا: ااااف منج قوومي هدييل هديلوووه قومي انتي بعد ​

هديل: ااااه الساعه اللحين جم ​

انا: 2 الظهر ​

هدييل: اااف 2 قبل شوي كانت الساعه 8​

انا: اقوول بلا هذره وقوومي ​

واول مارديت غرفتي ​

​

شفت مسج ​

اعرفج بس انتي ماتعرفيني ​

​

انا: شنوو!! خووش والله الظاهر هذا واحد يستهبل اعرفج وماتعرفيني هه والله حاله ​

..​

في الصالون ​

المدام: حيياااتي لاا دمعيين شووفي شووفي خربتي المكياج ​

نورة: شسوي عيوني حساسه ​

المدام: دامنها حساسه ليش ماحطيتي قطره بعينج ​

نورة: حاطه بس الظاهر مافاد ​

المدام: خلااص انتي رفعي عينج ولا تسكرينهاا الاا بالخفيف عشان ماطيح دموعج ​

نوره: اووكي ​

​

انا : هالبنت وينهاا فيه ​

وادق ع نوورة ومحد رد ​

الظاهر مو يم تليفونهاا ​

ودورتهاا ليمن لقيتهاا ​

​

انا: نووره تجنينييين اسم الله علييج ​

نورة: وربي حتى انتي انتي شكلج خطيير​

انا: عيوونج الخطيره يابعد قلبي​

نورة: هههههههه ​

​

المدام: حيااتي لاا تتحركين ​

المصورة: لسى ما خلصتي ​

المدام: اللحين بتخلص دقايق بس ​

....​

نجلاء: منوور شرااييج فيني ​

منيرة: تهبليين مشاء الله واناا​

نجلاء: وانتي بعد تيينيين ​

منيرة : تسلميين حيااتي ​

..​

فاطمه : يااهلاا بالمعرييس ​

محمد مبتسم: ياهلاا فييج ​

فاطمه: اوووب اوووب اوووب شهالكشخه فوازوو​

فواز: ههههههه افاا عليج متكشخ لخوج ​

....​

المصورة: يلاا يابسى ابتسمي للكاميره ​

نووره كان شكلها خطير لابسه الثوب الابيض اللي كلها كريستال يلمع ومسكته ورديه وحاطه مكيااج اووفر ​

انا: يااولللللللد اووخس ع الضحكه هاي ​

نورة: هههه احلام جب ​

انا: اقول وراج ماتنطمين وتعزميني ع التصوير معك ​

نورة: بس جذي بيدرون البنات انج جيتي لصالون ​

انا: يبى هم دارين دارين وخن نقزرها شوي ​

وانا كنت لابسه فستان لونه وردي الباربي وطويل وع جنب كرفته من صوب الخصر وحاطه فيونكه ع شعري وحطيت بف وسيده وكان مكياجي نااعم ​

​

نورة: احلاام موو من صجج ​

المصوورة: هههههه هي وضعيه هي ​

انا:شنوو ​

كنت مسويه حبتين وصبعين ورى العروس كاان مصخره ​

​

المصورة: انا اول مره اشوف احد يصور بهالوضعيه ​

انا: ماعليه ماعليه انتي بس صوري ​

نورة: شنو تصوور لاا لا تصورين احلام عدلي وضعيتج ​

انا: ااافففف منج يا اخي ماتخلون الواحد ع راحته ​

هاا غيرناهاا ​

...​

الكل كان بالصالة ​

ويستقبلون المعازيم ​

حصه: غديير ويين احلامو ​

غدير: بالصالون مع نووير​

حصه{وعيونها شوي بتطلع}: شنوو؟؟ هالجلبه قاصه علينى والله مااخليهاا​

..​

محمد: فوااز واللي يرحم امك رووح قوول لامي تاكد حجز الليموزين ​

فواز: وليش وين تليفونك؟؟​

محمد: تليفوني طافي وماجبته معاي ​

فواز: بس شلونا روح للصاله كلها حريم ​

محمد: اللحمد لله والشكر اقولك رووح ​

فواز: انززييين انزيين ​

...​

نجلاء: ساامي وينك ؟؟​

سامي: كاني اللحين جاي​

نجلاء: سامي ترى حدنا تاخرنا المفروض نروح من الساعه 7 واللحين 8 بعد ساعتين بتجي العروس​

...​

 

[miss.shanil]

انا: و الله ما يسوى اعيش الدنيا دونك
لا و لا تسوى حياتي بهالوجود
دامك انت الي رحلت
و كيف بصبر عالبعاد
و كيف بنثر هالورود​

نورة: ماوعدت انك تقاسمني المحبة
و تبقى لي حبٍ و لدروبي دليل
بس حسافة الموت كان اقرب و ارحم
حسبيا الله و حده نعم الوكيل
حسبيا الله و حده نعم الوكيل​

​

المدام: شوي شوي لا تتحركي ​

انا: لاا جاان حطيتي كريمه وردي مع لمعه بيطلع احلى ​

المدام : بس هي مشاءالله بيضه والوردي اللي فيه لمعه للسمروات ​

كانو يحطونه كريم جسم ​

نورة: احلام حسبي الله ع بليسج تدرين انه هالاغنيه امووت فيها تخيلي بس تخيلي وانا ماشيه اتذكرها واغنيها ​

انا: عاادي اقووم وافزع معااج واقوول للدنيا ترللي ​

واكمل​

روح أنا راضي غيابك يا حياتي
هذي قسمة لي و هذا لي نصيب
كنت شمعة تضوي و تشرق حياتي
انطفيت و رحت في وقت المغيب​

...​

حصة : والله لاوريهاا​

فواز: اخااف اشوف احد ​

كان نازل من الدري ​

واول مانزل شاف الملاك بعينه ​

وتنح واقف صمد ​

حصه: الو واه يالحيوانه يالخوانه شلوون تروحين هناك وتقولين انه ماتبي احد ​

انا والله كنت حاسه بس اااخ ويين بتروحين مني ​

نجلاء اول مانزلت شافت ولد قاعد يطالع حصه ​

بالبدايه انصدمت بس بين تحجت حصييص متغيره ​

​

ولفت حصه بتشوف مصدر الصوت الا تشوف ولد قاعد يطالعهاا ​

البنت انصدمت وراحت بسرعه للحمام الله يكرمكم ​

فواز استحى ع دمه وصعد فوق ونسى السبب اللي نزل عشانه ​

...​

انا: يوو وينهاا الليموزين تاخرت ​

نورة: والله ماادري ​

انا وادق ع امي: يماا الليموزين تاخرت علينى وماجت ​

وراحت امي تبلغ ام محمد اللي بدورها دقت ع الليموزين وجى واخذنا ​

وكاان فارس راكب معنا بالليموزين ​

وهناك فصلنا انا ونورة لدرجه اني ماحسيت انها العروس ​

...​

واللحين بتدخل العروس الكل تجهز ​

وتغطى لانه اخوها بيدخل ​

حد منكم شاف في الدنيا بدر *** مقبلٍ يمشي و من حوله بشر

من حلاه يزف للناظر ضياه *** ان ظهر للناس و لا ما ظهر

هذا ما هو بدر ليل يختفي *** مع طلوع الصبح و بزوغ الفجر

او بدر يصبح بعد مده هلال *** هذا بدر مكتمل طول الشهر


هي عروس النور في هذا الزمان *** هي ملاكٍ بس في صورة بشر

من غلاها انقول صلوا على الرسول *** يا اللي شفتوها بقلبٍ او نظر


الله يا نور في ها الدنيا نراه *** مستحيل ان نشوفه في بشر

و التقت شمس الظهيره بالقمر ***

و في محياها بدى الصبح بضياه *** مشرقً و خدودها واحة زهر

و العيون الي كما عين المهاه *** تمتزج فيها البراءة بالسحر​

​

ووصلت للكوشه وصورناا ​

​

اهداء من صديقات العروس للعروس​

ماينلام من حبك وافنى العمر في قربك

وعينه ساهره ماتنام ماينلام ماينلام

ماينلام لعيونك لو هو صار مجنونك

وفحبك تغنّى وهام ماينلام ماينلام

قالوا الحب له واحد ماغيره ابد ماحد

خالد ع مدى الايام ماينلام ماينلام​

وقمنى نرقص عليها ونستهبل ونجي صوبهاا ​

وهي الدمه فعينهاا تحاول تكتمهاا عشان مايخرب المكياج ​

وانواع الاستهبال ​

وجى المعرس وخذاهاا ​

وماكان في الصاله الاا القريبين منى ​

وقمت انا وفصخت الكعب وكانو حاطين ع اغني واشطح ​

وارقص وطبوو معاي حصة وفطيم وفصخوو الكعب وتجينى هديل وهي مقحصه ع الاخر وكاان ونااسه ​

اماا نجلاء فلاا تعلييق قامت دوور بشعرهاا متنى عليها من الضحك ​

.....​

اول ماقعدت من النوم حسييت براسي بينفجر من كثر ماا برربرت ع راسي حصييص جننتني هالبنت ​

​

واقووم واكلي يحبة بندول ​

هديل: حلييم ​

انا: شتبيين ​

هديل: شرااييج نرو اليوم للمدينة الترفهيه ​

انا: وع كيفي هوو كلمي امج لعلها وعسى توافق ​

هديل: وانا ليش رايحتلج موع لشان تقعنعين الوالده الله يحفظهاا لنى ثم الوالده

 

[miss.shanil]

هديل: وانا ليش رايحتلج موع لشان تقعنعين الوالده الله يحفظهاا لنى ثم الوالده زعلانه علي ​

انا: افف اووكي برووح احاجيها ​

​

وبعد خمس دقايق وبليالله وافقت امي ​

واروح احاجي الشله والكل بيجي ​

​

انا: هديلووه تهقيين نوروو اللحيين شتسووي ​

هديل: والله علمي علمج ​

انا: اقوول برووح ادق عليها ​

هديل: صاحيه انتي تدقين وشتقوليلهاا ​

انا: مدري بس المهم اريح فضوولي واشووف شتسوي ​

​

واقووم وادق عليهاا ​

محمد: شاف تليفونهاا ​

توام روحي يتصل بك ​

محمد{يتثاوب}: ااه منوو توام روحهاا ؟؟​

محمد{يقوم نورة}: حبيتي حياتي تليفونج قاعد يدق ​

نورة{تتمغط}}: منوو ؟؟​

محمد: يقوول توام روحج ​

نورة{من اول ماسمعت الاسم}: اضحكت ههههههه هالخبله عطني التليفون ​

نورة: الووو ​

انا: ياهلاا بعروستناا الطقيعه ​

نورة: ههههه ياهلاا فييج {وبهمس } السبه مااقدر اسبج لانه جدامي ريلي ​

انا: صج والله يعني اخذ راحتي بالسب فييج عيل بلعن خيرج بالسب يالحيوانه يالجلبه يالخايسه ​

نورة{ترقع}: ههه ياحيااتي حتى انا والله اشتقتلكم ​

انا: ومنوو اللي يشتاقلج ياحظي مالت بس مالت ​

نورة: يوو بطفينى بس ماشبعت منج ​

انا: لحظه هي انتي شقاعد تخربطين ​

وتسصكه بويهي ​

....​

انا{وادق ع حصة}: حصه انا وغدير وهديل بنركب معاكم بسياره ​

حصه : صج الله ونااسه خلااص اووكي ​

انا: أي قولي لامج ​

حصه: اوكي بقولهاا​

..​

نجلاء: ساامي تكفى برووح للمدينه الكل بيرووح ​

سامي: لاا يعني لااا​

نجلاء: تكفى ساامي تكفىى ​

ويدق التليفون ​

نجلاء: الوو هلاا احلام ​

وفز سامي ​

نجلاء: ايي ماادري يمكن ما اروح ​

سامي: امبلاا رااح اودييج ​

نجلاء: صج ​

سامي : أي يلاا تجهزي بسرعه ​

نجلاء: احلاام لاا رااح اجي ان شاء الله ​

...​

وكان اللي يسوق فينى خالد ​

كنت انا قاعده بالنص ويمي حصه وامي وغدير وهديل ورى ​

وكان خالد مظبط المنظره علي ​

وكل مااشوف بالمنظره يطالعني ويبتسم ​

انا: شفيه هذا استجن !!​

ورحنى بيوم عوايل يعني هناك انواع القز فقرووروو عيال عمنى انا يروحون معانا والحريم بيقعدون ع الزرع اللي بصوب الدردور ​

واحنى نفتر ع الالعاب ​

​

ركبنىقطار الموت وكنت انا وحصة جدام ورانا خالد وسامي وبعدين ناس وبالمراتب الاخيره القبل اخير غدير ومنيره واخر مرتبه نجلاء وفاطمه ​

وانا يعنني رفعت ايدي فووق وقعدت اصاارخ ​

الاا انصدمت باحد مسك ايدي بالبدايه توقعت انها حصه بعدين عرفت انها مو اهيه ​

وتليت ايدي بسرعه وقلت بصوت عالي : قلة حياء ​

ولعبنى بكل الالعاب ​

حتى لاعابيب الورعان ماخليناهاا بحالهاا ​

ورحنى سينما الخيال ​

قعدنا كلنا بالمراتب الاخيرة ​

كنت انا قاعده بالنص وجنبي فطوم وبالجنبي الايمن خالد وبعدين حصه وبعدين هديل وبعدين سامي وبعدين منيرة وبعدين غدير وبعدين نجلاء ​

​

وبالسينما تحسين جنى صج اللي قاعد ينعرض بالسينماا ​

فطلع زهيوياات واناا من الخرعه غمضت عيووني وعرصت ع ايييد ​

وقمتت اعرص واعرص ليمن خلص اللقطه ​

والمصيبه بهالوقت نسييت منوو كنت ماسكه يده​

وطلعناا وتعشينى من مطعم ماكدونالدز​

وطلعني بكيير ع الساعه 10 ​

​

واتفقت انا وامي اني بروح بيت حصة وبكمل السهره معاها بالبداية ارفضت بس حنييت فوق راسهاا بمساعدة ام خالد قعدناا نقنعهاا وافقت ​

...​

وقعدت اسولف ع حصه ​

ولما جت الساعه 1 صار لازم اروح للبيت وبهالوقت كانت حصه نايمه ​

​

صرت امشي شوي شوي جني الحراميه ​

علشان ماازعج النايمين ​

​

الاا يطلع بوجهي يوسف وانا من الخرعه نقزت بمكاني ​

انا: يماا خرعتني لاا تطلع جذي بوجيه النااس ترى ياما ناس ماتوو لهسبب ​

يوسف: الاا الاا المووت مره وحدة ​

انا: أي شعبالك ​

خالد: وكان بيروح الحمام الله يكرمكم الاا يشووفني مع يوسف ​

وشلوون كنت قاعد اسولف وياه وشلون اخذ واعطي معاه ​

​

يوسف: ويين رايحه اللحين ​

انا: بعد وين برووح برووح لبيتنا ​

يوسف: اوصلج ​

انا: لا مايحتاج بيتناا قرييب حييل من بيتكم ​

يوسف: بس مايصير الساعه بتصير 2 للحين ​

انا: كيفك ​

ووصلني للبيت ​

....

 

[miss.shanil]

واضح انها تحبه وشلوون كانت تاخذ وتعطي وياه ​

والله لو كان هالكلام صحييح بانتحر​

​

خالد: يوووسف يوسفوو ​

يوسف: خيير شتبي ؟؟​

خالد: الخيير بوجهك بس حبيتا سالك امس وانا رايح للحمام الله يكرمك شفتك قاعد تسولف مع احلام ​

يوسف: انزيين​

خالد: شكنتوو تقولوون ​

يوسف: ابد ماكنى نقول شي ​

خالد: ايي بس انا اسمعكم تسولفوون ​

يوسف: لا كنى قاعد نتكلم عن الموت واسباب ​

خالد: لالخى تسولفوون عن الموت ​

...​

غديير: احلااموو يلاا قوومي ​

انا: وخري عني بناام ​

غدير: اقولج قومي اليووم دورج في التنظييف ​

انا: لاااا لاا تقوليين ​

من راحت خدامتنا وانا موو اناا ​

وانا قاعد انظف الفتلي اغنيه عن خدامتنا ​

تووني احس بغلاااتج ​

توني اعرف قدرج ​

توني احس فيج ​

يومنج تسبسبينه ​

وتوني وانا توني ​

​

امي: الحمدلله والشكر ماانتي قادره تنظفين وانتي ساكته ​

انا: نهيي ​

امي: شنوو نهيي هذي ​

انا: يمى من اليووم ورايح بقلب شانتي​

​

وفعلاا عشت الدوور اني هندية قمت ركض لداري وحطيت نقطه حمره فجبهتي وحطيت خزامي فخشمي وعجفت عجفه كنت اصلح اصيير شاانتي ​

​

اول ماشافتني غديير انبطحت من الضحك : كااااااااك شمسويه فعمرج ​

انا{وعايشه الدور}: ماماا سنوو فيه عسان يضحك انا مافي نكت ​

غديير: كاااااااك حلووة نكت ههههه ​

​

وترووح الحيوانه ودق ع بنات عمي ويتراكضوون علشان يشوفووني ​

حصه : ههههههههههااااي شانتي انتي ليس فيه يرووح بيت اهني انا يبي بيت مال انا ​

انا: سنوو انا مافي يرووح بيت مال انته هذا فيه خراب ويسوي جنجال مال انا ​

فاطمه: كاااااااك حلووم شمسويه فعمرج ​

انا: وادزهم رووح رووح انا في سغل كبر جبهة مال انته ​

فاطمه: ههههههههه حسبي الله ع بليسج ​

وكملت التنظيف ​

ورحت طحت بالفراش من التعب ​

....​

لازم اسووي شي علشان تحبني واضح انهاا قاعد تحب يووسف ​

ماابي اخسرها مثل ماخسرت ساره كلشي ولا اهياا ​

...​

سامي: الله علييج شمحلووه هالخايسه برووح اقوول لامي اني راضي فيهاا ​

...​

يوسف: من اول ماشفتهاا وانا متغير ماصرت اكلم بنات ولا صرت احب اقعد فدوانية بس ابي اشوفهاا واقعد برووحي ​

...​

فواز: يااربي ع هالبنت عجل اسمهاا حصه ماكنت اؤمن بالحب من اول نظرة بس هالبنت من اول ما شفتهاا وانا ذايب فيهاا ​

....​

حصه: خاالد ياا خاالد ​

خالد: نعم شبغيتي ​

حصه: تكفى خالد طلبتك قوول تم ​

خالد: تم ​

حصه: ودني للسووق تعرف السنه اليايه بروح للجامعه اول سنه لي وابي اكوون استاايل ​

خالد: استاايل بلله ​

حصه{وطق كتف خالد}: خالد لاا تتطنز ​

خالد{بغشمره}: ااه يابنت الكلب ​

حصه : هيي ابووي هوو ابووك ​

خالد{ويحك راسه}:أي صصح نسييت ذكريني لا سبيتج انج اختي ​

حصه: لااا اقوول بتوديني ولا لا ​

خالد:مدري ​

حصه: قوول بسرعه لانه اذا كنت بتوديني بتروح معاي احلام وغدير​

خالد: اييي مواافق ​

حصه : ونااسه برووح ابشر احلاام ​

...​

​

انا: يمىىىىى يمىىىىىىى
امي: نعم شبغيتي
انا: مسويتلج ذيج القهوة والشاي وحاطته بالحوش والجوو يايمى خياال
امي {باستغراب}: انتي اللي مسويته ؟؟ اكييد تبين مني شي !!
انا{وبتمثيل مصطنع}: افاا والله ماهقيته منج يا ميمتي اللحيين انا اللي اتمصلح معاج
امي: مايندرى عنج !!
واحنا قاعدي جان يطق تليفوني
الخبله يتصل بك ...
انا: الووو
حصه: عندي لج بشاره
انا: اللهم اجعله خيراا
حصه: اقولها بشاره وتقول اللهم اجعله خيراا يبى خيير خيير ان شاء الله
انا: وانتي اللي يشوف وجهج يشوف الخيير
حصه: هالمره بعديهاا لاني حدي مستانسه خوييلد بيوديني السوق تروحيين معاي
انا: اليووم ؟؟
حصه: أي اليووم شفييج منصرعه
انا: لا اليووم ما اقدر اليووم بقعد وبصووت عالي مع اميمتي الحبيبه
حصه{مستغربه}: شصار بالدنياا كل ما قلتلج شي عن الطلعه تناقزيين جنج مو شايفه خيير هالمره شصاار
انا: بس زهقت من الطلعه بقعد مع امي
حصه: يل يلاا اخلييج برووح للسووق وانتي قعدي بالبيت
انا: مع السلامه
حصه: طع يعني كلش ملش مراح تروححين
انا: وفنش ومنش لاا مراح ارووحح
...

 

[miss.shanil]

كانوو نجلاء ومنيرة وام سامي قاعد يتقهوون هذا وقت القهوة والشاي
سامي: يمى بغيتج بموضووع
ام سامي: تحجى اهني
سامي: لا يمى هالموضوع ماينقال الا لج
ام سامي: خيير اللهم اجعله خيراا
وراحوو للغرفه واول ماصكوو باب الغرفه الاا نجلاء ومنيره يتراكضوون للباب يتسمعون

ام سامي: خيير شنوو تبي
سامي{واضح عليه انه متوتر}: يمى ماادري شلوون اقوولج بس انا ابي اكمل نص ديني
ام سامي: صج
سامي : اييي
ام سامي: ع البركه بس بالاول كنت شايل هالموضوع من راسكك وشمعنى هالمره موافق وطالعه بابتسامة خبث ليكون حاط عينك ع وحده
سامي: بصراحه اييي وهي اللي خلتني افكر بزواج
ام سامي: ومنوو سعيدة الحظ اللي بتاخذ ولدي
سامي: ابي اللي كنت تبين تخطبيني اياهاا
ام سامي: احلاام
سامي : ايي
ام سامي: اووكي ان شاء الله باجر اكلمهم
سامي: لاا ابييج اللحين تكلمينهم
ام سامي: شفيك لاحق ع رزقك كان شاء الله
....
خالد: يلاا رووحي دقي ع بنت عمج خليهاا تجي
حصة{وتعدل لفتهاا}: مرااح تجي
خالد: شنووو لاا لاازم تجي والاا ماكوو طلعه
حصه{مستغربه}:وشتبي فيهاا لييش تبهاا تجي معانا
خالد{تورط}: بس عشان ماتزهقيين لاني كلش مالي خلق لسوالفج
حصه: ايي بس هي اليوم مراح تجي وراهاا مهمه صعبه
...
انا: هاا يمى شرااييج بالقهوة والحلوو اللي انا مسيته
امي: يجننن
انا: يمى ماعمرج فكرتي انج تروحين لدوله اجنبيه
امي: شكثر ماافكر
انا{ونقزت}: يمى ماباقي شي ع الجامعه وفشله اذا رحت هناك وانا اصلاا ماعمري ركبت الطياارة تكفيين يمى خلينى نرووح لايطالياا ولاا سويسرى تكفيين يمى
امي: بس الجامعه قربت واذا قدر الله انه نروح بنقعد هناك يمكن 16 يووم وانتي مابقى لجامعت جالا 13 يووم
انا: عاادي يمى اغييب شورااناا
امي: والله ماادري بس بصراحه كان ودي اسافر واشم هوى ونسافر كلنا مع بعض حتى لو نرووح للقمر عاادي
انا: كااااااااااك {انا متعوده لاضحكت لازم اهبد ظهر اللي يمي وامي كانت هي الضحيه} واهبد امي حلوووة يمى بس لاتعيدينهاا
امي{بصدمه بعدين عصبت}: اياا بنت الكلب طقيين امج
انا: يمى اناا بنت ابووي اللي هوو رجلج مايسيير تقولين لابوي كلب >> يقاال صرفت الموضووع مادرييت الاا بهفة نعاال ع وجهي
امي: احلاموو وربي اللي رفع سبع سمواات اذا عدتيهاا مره ثانيه راح ادفنج وانتي حييه تسمعيين
انا: يمى ترى طقة النعال تعور
....
نجلاء{اشهقت}: لااا كلشي ولاا احلام مستحييل سامي ياخذ رفيجتي مستحييل
...
بعد مروور 3 اشهر
ام سامي: الووو
انا: هلاا
ام سامي: هلاا فييج منوو معااي
انا: معاج احلام
ام سامي: ياهلاا بحلومتناا
انا: يا هلاا فييج
ام سامي: شلوونج شلوون الاهل شلوون امج شلوون خواتج وخوانج >> موو ناقص الا تقوول شلوون خدامتكم وسايقكم وجيرانكم وراعي البرييد بعد
انا: الحمدلله كلهم زينيين
ام سامي: الحمدلله الاا ويين امج
انا: اللحين اناديهاا لج
امي: الوو
ام سامي: ياهلاا بام احلاام
امي: ياهلاا فييج
ام سامي: شلوونج وشلوون ... الخ
امي: الحمدلله كلهم زينين
ام سامي: انا داقه علييج ياام احلام عشان اخذ بنتج احلام لولدي سامي
امي: وهذي الساعه المباركه نتشرف فيكم والله
ام سامي: والعشم فيج يا ام احلام
امي: اكلمهاا ان شاء الله واكلم ابوهاا وان شاء الله ماراح يجي الاا اللي كاتبه ربي
امم سامي: ان شاء الله يلاا اخلييج يا ام احلاام فماان الله
امي: فمان الكريمم
...
نجلاء: يمىى خلااص احلام بتاخذ سامي
ام سامي: أي انشاء الله بتاخذه
نجلاء: بس يمى سامي مايصلح لاحلام هوو حييل متشدد واحلام ماخذه الحياة بهباال ماراح يتفاهموون
ام سامي: لا ان شاء الله بيتفاهموون مدام هوو يحبهاا بيتغير علشانهاا
نجلاء{ورافعه حاجب}: من متى شافهاا علشان يحبهااا !!
ام سامي: وانا ادري عنه ؟؟
..
حملت نورة وكان محمد حييييييييل مستاانس واخييرا رااح يسيير ابوو
وكان مايخليهاا تدخل المطبخ ويخليهاا تمشي شوي شوي وكان طلباتهاا اوامر
....
امي: احلام تعاالي غرفتي
انا: ان شاء الله كاني يايه
دخلت غرفه وقفلت الباب انا هني انصنمت بمكاني اول مره امي تقفل الباب اكييد الموضووع خطيير واول ماطرى ع بالي السفره
انا: يمى بنساافر ان شاء الله
امي: هذاااموو وقته هالسؤال اللحين ياقلبي انتي كبرتي وصرتي مره وتهبليين مشاء الله علييج والبنات اللي في عمرج تزوجوو وجابوو عياال
انا: الزبده

 

[miss.shanil]

امي: في احد تقدملج
انا{منصدمه}: هاااااااا
امي: شفييييج ايي في احد خطبج
انا: منوو ؟؟
امي: ساامي
انا: البطه المعقد
امي: عييب هالكلاام
انا: لا يمى ماني موافقه يمى توني صغيره ولاحقه انشاءالله ع الزواج
امي: شنوو لاحقه نوورة تزوجت وفاطمه عرسهاا الاربعاء هذااوتقوليين لاحقه
انا: يمى انا اللحيين ماافكر بزواج
امي: يمي انا مااقولج عطيني راييج اللحين انتي فكري بالموضوع واعطيني راييج فكري عدل
...
ع طوول رحت استشرت حصييص >> صديقتي الصدوقه
حصه: صجججج كلوووووووووووووووووووليييييييييييييييش بالمبااارك بالمباارك منه العيال ومنج المال :p
انا: كاااااااااك تخيلي عااد بتكوون مصخره لاا وعاد بوقت الحماال يقوولج ااه يا بطني عااد انتي تقولين يا بعد عمرتي شوي شوي هدي علشان الياهل ما يطيح
حصه : كااااااااك انزين عمرتي شنوو ؟؟
انا: المؤنث من عمري
حصه : حسبي الله ع بليسج ههههههههههههه
انا: انزيين اواافق ولا لا
حصه: لوني بمكانج اوافق وعيني ماشافت الشمس
انا: صجج ما ادري بصلي صلاة استخاره وبشووف
...
واول ماسكرته بسرعه راحت نشرت الخبر للحبايب
نورة: صج
حصه: ايي
نورة: واخييرا بشووف احلام عرووس وانتي بعد ودي اشوفج عرووس
حصه : عن قرييب ان شاء الله
نورة: يلاا اخلييج جااه رجلي
حصه: مع السلامه
نورة: هلاا والله
ودقت ع فطووم
حصه: الووووووو
فواز: هلاا
حصة: ويين فطووم
فواز: الناس يسلمون بالاول
حصة: السلام وين فطوم
فواز: وعليكم اللحين اناديهاا
فواز: فاااااااااااطمه فااااااطمه فااااطمه >> ليمى بغت تطلع روحه
ردت
فاطمه: شتبي ؟؟
فواز: التليفون يبيج
فاطمه وتركض جنهاا المينونه شوشتهاا المنفوشه والكريم الاخضر اللي بويهها كان شكلها اكس اكس لارج
فواز: شمسويه فعمرج
فاطمه طاف: الووو
حصه: هلااا والله بالقطووعه من اول ماحددو عرسج ماصرتي دقيين
فاطمه: شسوي بعد يا حصه قاعد اهتم بنفسي

اول ماقالت اسمها الاا هوو سرح فوااد ي
حصه: موو معناة لا صرتي تهتمين بنفسج صرتي قاطعه
فاطمه : ولا يهمج يا طويله العمر مرة ثانيه مراح اقاطعج
حصة: المهم موو هذا اللي باحاجيج عنه
فاطمه: عيل
حصه: حلووم انخطبت
فاطمه: كلوووووووووووووليييييييييييييييش صج
حصه: اي والله
فاطمه: امبييه كلش مااتخيلهاا عرووس
حصه: ولاا اناا
....
خالد توه راد من شغله
وقعد مع امه ع الشاي والقهوة
الاا وطيراان تدخل حصه ع امهاا واخوهاا
حصه: يماا بشااااااااره بشاااااااره
ام خالد: وشنووو هالبشااره ؟؟
حصه: حلووم انخطبت
ام خالد: صج والله
حصه: اي والله بس لالحيين ماعطتهم الخبر يمكن توافق يمكن لاا

مادرت الا بنعال ع وجهها

ام خالد: مدام انهال الحيين ماوافقت لييش تقوليين الخبر ياخي انطري ليمن توافق بعدين انشريه عساج بس ماقلتي لاحد غيري

حصة: ايي قلت لشله
ام خالد: ياحسبي الله ع بليسج اذا امهاا ماعلمتني تجين انتي وتنشرين الخبر

وكل هذا قاعد يسير جدام عيون خالد نفس الاحداث الا صارت بسارة يومنه اعلنو خبر خطوبتهاا بوليد نفس القصه قاعد تتكرر بس هالمره غيير هالمره حس

انها هي له ومو لاحد ثاني
وتمنى من كل قلبه انها ترفضه

....
بعد مرور اسبوعين
انقطعت اخبار الكل الكل كان لاهي بشغله اللي يدرس واللي يشتغل واللي يجهز للعرسه محد كاني فاضي
..
امي: احلاام توهاا داقه ع ام سامي تبي الخبر الاكيد اللحين هاا ياقلبي شراييج ويكون في علمج انه محد جابرج ع شي يعني راح يكون الراي رايج
انا: يمى انا صليت صلاة استخارة وماحسيت بالراحه
امي: يعني ماتبينه !!
انا: ايي
امي: خلااص انا اكلمهم ان شاء الله بااجر

...
لما دروو انا احنا رفضناهم قاطعوناا اسبوعيين وماخلوو نجلاء تكلمناا ماشفناهاا كلش

اليوم يوم عرس فطووم
الكل تجهز وفصل
فصلنا عليهاا بالصالون كلنا رحنالهاا قمنى نستعبط ع الرايح والراد

وماخلين اغنية الا رقصناا عليهاا كاان احلى عرس اروحله

دخل رجلهاا وخذهاا عنه

....
بعد مروور 4 شهور جت عطلة الصيف
وكلنا حنينى ع امهاتنا انه نسافر نطلع بره الديره
بعد الحنه والرنه وافقوو وقررنا نروح ايطالياا

...
اليووم موعد طيارتناا
وكنت انا وفاطمه وحصه ويوسف بالمقاعد الاربعه اللي جمب بعض
اللي على يميني
هديل ومنيره واللي ع يسار يوسف غدير و نجلاء

 

[miss.shanil]

واللي ورانا خالد وسامي وفواز

بالبدايه كناا نسوولف ونتطنز ع الرايح والراد ووناسه بعدهاا بدقايق الكل طخ ونام

جذي ع الساعه 8 بليل قمت من النوم ومحد كان قاعد رحت وانتو بكرامه للحمام

واول ماطلعت الا اشوف بوجهي سامي

سامي: ابعرف لييش رفضتيني
انا{كنت حدي خايفه لانه ماكان احد قاعد وكان حييل معصب}: ....
سامي: ردي علي ليش رفضتيني انتي حاطه ببالج احد
انا: عيي بانا بنت عمك شلوون تقول عني جذي !!
حس بدمه ورد مكانه وانا مثل الشي رديت مكاني وسويناا جنه ماشفنه شي

واول مانزلناا

تقووم الخبله حصييص وتبووس الارض وتقوول {باللغه العربيه الفصحى}: كم انا احبك ايتهاا الارض توني احس بغلاتج
انا: اقوول قوومي فشلتينى عند الشقر المقر
فاطمه: علييج كلماات ماادري من وين تجيبينهاا
انا: من مخي بعد ويين

نزلنا الفندق
والكل نام الا انا وشلتي قررنا نرووح ندوج بالفندق نكتشف الاماكن

واحنا ماشين شفنى شلة بنات كويتياات ع طوول نطيي عندهم وتعرفناا ع بعضناا ونسولف ووناسه كانوو حييل ونيساات

وطيحناا الميانه معاهم بحيث مايروحون مكان الا ويقولناا الاا احناا لما نروح مكان نسحب عليهم :p

ورحنا حديقه داخلها مجمع احنا رحنا للحديقه وامهاتناا بالمجمع

العيال انقسموو نصهم راحوو مع الحرييم ونصهم معاناا

بعد الهواش والقرعه الي مابغت تخلص

فواز وخالد بيروحون معانا ويوسف وسامي بيروحون مع امهاتنا

ووناسه رحننا عند الاعابيب اللي لا فزتي تاخذينلج هديه

وكل وحده راحت عند لعبه

انا اخترت كره سله وفاطمه وحصه لعبة البندق ونجلاء وغدير وهديل لعبة الحلزون اللي لا خطاتيه يصفر ومنيره لعبة الكره

فواز راح عند اخته وخالد راح عندي بالكره السله

وانا اتشيحط عنده يعنني اعرف اللعب قبل لا يجي كنت لاعبه خمس مرات ولالحيين ما سجلة ولا قوول

من حسن حظي انه هوو مايعرف يتكلم عربي ولا جان طاح وجهي جدامه

وتحدينى بعض اللي يسجل اكثر من الثاني يشتري للفايز بريد

ووافقت ولعبناا وطبعاا مايحتااج اقولكم منوو الفايز !!

وحسيت بشعور ثاني اتجاه خالد نفس الشعور اللي حسيته بيوسف
كان نظراته لي غيير عن نظرته للبنات حسيتا ني غيير عنهم بالنسبه له

في لعبه ما يلعبهاا الا العشااق >> حركاات الايطاليين

يعني مايركبهاا الا بنت وولد

وكان نفسي اركبهاا واهني حسيت بالحرمان من الاخ الكبيير يمكن غرت شوي من فاطمه وحصه لانهم عندهم اخوان كبار بس بعدينن هوونت من بعد ماعرفت شيسوون فيهم

اركبووهاا فاطمة وحصة كل وحدة مع اخوهاا

وانا قعدت اتفاهم مع راعي اللعبه بس هوو راسه يابس مايعبر بغييت اكفخه بالجنطه اللي معااي

وبعديين ركبناا القطار الكبير فيه ست كراسي يم بعض ركبناا بسرعه بحيث مارتبنا بعضناا فسار خالد جمبي وفواز جمب حصه

واحنا نشوف المناظر اللي بالحديقه طاحت عيني ع لعبه موو طبعيه بس تخرع موو للقلوب الضعيفه

وانا بغيت انزل ماانتبهت ع النزله من كثر ماانا سرحانه باللعبه الاا واناا طايحه ع خاالد

عااد هوو بدوره مسكني ولاا وفوق هذا دزيته وبغى يطيح بسبتي

ورحنى لعبنى باللعبة كان ماهمني بهالسفره الاا اني استانس واغير جووو ماعملت احسااب انه من اللممكن اني احس بشعور ثاني

كنت احاتي يوسف وافقد خالد جان شعوري متلخبط كنت احبهم اثنينهم من قلب كل مايمر يوم يسيرلي موقف مع الثاني وكليوم يرتفعوون من عيني
اماا سامي من جهة ثانيه كل ره يطيح من عيني اكثر واكثر واكثر كانت تصرفاته طايشه ماكان يفكر الا بنفسه

حصه بدت تحب فواز , غدير بدت تحب يوسف

رحناا لمطعم ايطالي 100/100
كان اكلهم خطيير وكاان ذرب حييل
والكل كان ياكل بشوك والسكين وماخذين راحتهم ففشله امد ايدي واكل بيدي فقررت اني اكل بالشوكه والسكين وياليتني اني قريت المعوذات قبل لا اكل

حدث ولا حرج الاكل تتطشر بالطاوله والكل كان يطالعني وانا من الفشله قلت باصرفها يعني واقوم واكل بيدي

كنت مشتهيه البريد حييل وماكان فيه بريد وقم احن ع امي ووافقت اني اروح لمطعم خاص للحلويات والبريدات اللي قريب من هالمطعم ومحد يبي يروح معاي بحكم انه بطنهم مليان ومالهم خلق يروحون

قلت بروح بروحي مادريت الا خالد ناط بويهي
خالد: وين رايحه
انا: بروح اشتري بريد
خالد: بروح معاج

رحنا نشتري بريد وكان الحساب البريد حييل غالي ومامعاي الا فلوس شوي قام وحسب البريد بحسابه وانا ولاول مره اتفشل جدامه من عقب الطيحه

خالد: احس انه فيج شي متغير
انا:شنوو
خالد: ماادري نظراتج لي احس انها غيرر
انا: ,,,,
وبعدت عنه
خالد فنفسه {يلعن الحب اللي خلاني احبج احبهااا ياااناااس احبهااا }

 

[miss.shanil]

اليووم اخر يووم فايطاليا خلاص باجر بنروح بيوتناا

فقررنا نروح لاكبر مجمع في ايطالياا

تفرقناا انا والشله

كان نفسي اشتري الجنز القصيير ورحت انا برووحي وادور عنه بكل المحلاات

وحدث مالم يكن في الحسبان ضعت

وماكنا عندي تليفون الكل كان يدورني

وانا وبكل هدوء وسعة بال قمت ادور ع هالجنز

شافني خالد وقاام يركض لي وبدون شعور ضمني انا من الخرعه تصنمت مدري شسوي ادزه ولاا العن خييره

ولاا واللي في المحل قاموو يصفقوون علبالهم بوي فريندي وقمت دزيته
انا: هييي عيي بانا ما احل لك علشان تضمني
خالد{توتر وايده قام ترتجف وقام يحك شعره من التوتر}: السموحه وربي من دوون شعوور انا اول ماسمعت انج ضايعه قمت ادور عليج واول مالقيتج ماادري شصار فيني
انا: اصلاا انا موو ضايعه قاعد ادور ع شغله
المهم واروح ولا كان شي صار هذا اللي هوو اللي توقعه ولكن فقلبي يطق طبوول من الخووف وشعوور ثاني

وشريت الجنز وقمنا ندور ع اهالينا انا كنت جدامه هوو وراي بعدين صرنا جمب بعض وكلنا كنا ساكتي واول مارديني بالاول ضموني بعدين كفخوني >> ما ادري صراحه شيحسون فيه

اليوم بنرووح للديره
اشتقت لديرتي ولريفيجاتي وللفصول الاربع اللي تسير بيوم واحد بس بنفس لوقت ماكان ودي اروح عن ايطاليا كان لهاا ذكرياات حلووة ومستحييل انسى اللي صار معاي مع خالد ..

لقينى معانا شلة البنات اللي كناا حيي لمعاهم خذنا تليفونات بعض وغنينا مع بعض والكل كان يسمع ويغنون عانا
طااير من الفرحه طاير
قلبي ع نار ناطر
ثاير من الشوق ثاير
وحشني شوف الكويت

وننكرر هالمقطع ليمن زهقنا وطخينى

واول ماوصلنا للمطار كل واحد حط غراضه بالسياره كان الوالد ينطرنا بالمطار وركبنا السياره واول ما بغيت اركب الاا اشووف من بعييد خالد يناظرني جنى يقوول رااح افقدج من دون شعوور طاحت دمعه ع عيني

الحمدلله والشكر وشفيني انا بعد لييش ادمع من اول ما رحت لايطاليا وانا موو انا

اول ماوصلت البيت حسيت بالفراغ لاول مره بحياتي احسه
حسيت انه ودي اكتب شعر
وصرت اكتب واكتب واكتب
وماصرت اشوفه كل مااروح بيت حصه ماالقاه جنه متعمد اني ما اشوفه

فعلاا كان متعمد حس اني مستحييل احبه فقرر انه يبتعد عني علشان مايتعلق فيني
وكل يوم اشتاقله اكثر من الاول

ومرت ايام وايام ولالحين ماشفته حسيت بالخنقه

ومن دون شعوور {{ يلعن الحب واسلاف اسلاف اسلافه}}
اشتقتلهاا من زمان ما شفتهاا بس هي مستحيل تحبني وماابي اعلق نفسي فيها وانا عارف اني انا اللي راح اخسر ليييش حبييت مره ثاانيه
وقال من دوون شعوور :
{{يلعن الحب واسلاف اسلاف اسلافه }}

يووسف : ااااااااففففففففففف وبعديين معااج انا مو قايلج لا دقيين ع هالرقم انا خلااص مااا عااد ابي اكلم ولاا وحده فييكم اناا خاااطب

..: خطبت يا يوسف وانت كنت واعدني انك تتزوجني
يوسف: انتي من صجج اتزوجج انتي قلوو البناات علشان اكلم وحده خانت اهلهاا علشان واحد لا تعرفه ولا يعرفهاا الاا من التليفوون
..: بس انت واعدني
يوسف: انقلعي بس انقلعي مابقى الاا اشكالج علشان اعطيييهم وجه
...
مررررررت الايام
وفواز خطب حصه وحصه وافقت ماخذين بعض عن حب
اي ونسيت اقولكم نورة ولدت وجابت ولد وسمته ناصر

وكليووم حصه تحاجينه عن فواز وشصار معاهم هناك فيطالياا انا ماقلت لاحد شصار معاي مع خالد سكت لانه من الممكن انه يتزوج وحده منهم يا نجلاء ولا غديير وهالاحتماال كان بجنني

كنت خايفه انه اللي افكر فيه يسير صح

خالد كان كلش ما يفكر بالزواج ويوسف بيتزوج وخطب غدير وغديروو وافقت

وهم بعد خذوو بعض عن حب جمعهم سفرة ايطالياا

كنت حييل اغاار منهم وكل ما يقولولي شصار معاهم هنااك اتضايق واتذكر خالد

وخالد كان نفس الحال
ويقول فنفسه {{ ااخ لوو كنت تبادليني الشعوور}}

ومسرع ما اعلنوو فارس ونجلاء خطوبتهم

وقرروو انه يكون عرسهم كلهم بنفس الوقت

وانا قعدت اتحسر ع عمري يالييت لوو بينت له هوو باين عليه انه كان يحبني بس لييش ما تقدم مثل ماتقدموو ربعه ليييش ؟؟

وكنت رايحه انا وامي الجمعية وبصدفه شفته هناك
كان شكله حييل متغيير حتى انا كنت حييل متغيرره
واول ماشافني فز قلبه وانا بعد نفس الشعوور

سلم علينا
وما حط عينه بعيني لاول مره احس انه هالشغله بترفعلي ظغطي قلت خلااص

رااح انسااك يا خالد

وهوو نفس الشعوور قاعد يحااول ينسااني

سافر خالد لالمانياا وقعد هنااك تقريباا شهر

وانا كل مايتقدمولي ناس ارفض كرهت عمري ما صرت اهتم بنفسي
نفس اول الكل لاحظ هالتغيير المفاجىء

وبعد التحلييل اكتشفت حصه اني احب اخوهاا تضايقت وقررت تقوول لاخووهاا لانها هي بعد حست من حركات اخوهاا انه يحبني

اول ماوصل خالد لالمانياا

 

[miss.shanil]

استقبلته امه بكل دمووع الفرح برجعته سالم غانم

وع الحدوود 8 كان بحط راسه بالمخده الا درعم ع حصة

وقالت كل شي عني واني احبه وكيت وكييت

خالد{{بضحكه شقت حلقه}ؤ: صج يا حصه هي تحبني
حصه: اي والله تحبك
خالد: هذاا احلى خبر سمعته بحياااتي ويقووم يبووس حصه مشكووره يا احلى اخت بهالدنيااا
حصه: ههههه ما سوييت شي

ومن الفرحه ماقدر يناام ينطر باجر علشان يقول لامه انه بيتزوجني

اول ماجى باجر راح لامه وخبرهاا اللي بدورها خبرت امي اللي بدورهاا خبرتني

ومن الفرحه من هالخبريه صرت مينونه كل الاوامر اللي تطلبه مني امي انفذهاا لهاا من دوون اي اعترااض وخلييت خدامتناا ترتااح وانا اللي اخم وانظف واغسل
>> تعرفون باتخلص من هالطاقه

وكلناا صرناا بنفس اليووم للعرس >> ولاول مره بالتاريخ 4 عروسات فصاله وحده

بعد مروور 5شهور
خالد: يالله شكثر كنت احبج بس انتي كنتي هبله وكرهت وحبيت الدنياا بسبتج
انا: والله مو اهبل منك !!
خالد{ وشوي بيقووم علي بس بغشمره}}: اسحبيهاا اسحبيهاا

واناا ركضت للغرفة ومدييت لسااني : امممممم ماااابي اسحبهاا وقفلت ع داري

نجلاء: فااارس بووولد بوولد

وجابت نجووله بنت وسمتهاا احلاام >> سميتي
..
فاطمه: جوويسم شووف عبوود قاام يتل شعري
جااسم: عبدالله خل امك ورووح ناام اللحين الساعه 9 وباجر عليك مدرسه
..
نورة: محمد خلنى نساافر للدوله اجنبيه
محمد: من عيووني جم نوورة عندي
نورة: وحده
...
غديرصادت يوسف وهوو يحاجي وحده وقعدت شهر عندناا ليمن حلفلهاا انه ما يعيدهاا مره ثانية
واللحيين هم احلاا ثنائي فوجه الارض
...
نسيت اقولكم انه عادل راضه نووف وصاارت علاقتهم اقوى من قبل

وجابت بنت حلوووه سمتهاا الجووري
...
هديل تقدملهاا واحد يشتغل هندسه ووافقت علييه
مااتخيلهاا عرووس
..
ونسيت اقولكم انه سارة تزوجت ولييد وشافت الويل منه
ووليد ماقدر يتحمل سااره وطلقهاا
وهي اللحيين مطلقه محد يطل بوييهاا وسمعتهاا بالقااع
...
سامي تزوج وحده مدينه وحبهاا حيييل
وعاشوو حياة هادية وجابوو ولد سمااه عبدالرحمن

النهاايه ان شاء الله عجبتكم ^^

 

[miss.shanil]

اتقبل انتقاداتكم وو مجاملتكم ^_^

واند فلووو مي ان توويترر misschanil ^_^

وسي يااا ^^

 

[ماريه كامبل]

واااااااااااااااااو روايتج تهبل حبوبه ويسلم اناملج
ويعطيج العافيه حبوبه

اممممممم ما تكلمتي عن احلام .شنو صار لها .حملت ولا لا