يلا نبيها حملة للسدر ومالكم عذر ياللي تصبغون شعركم ...

[ام عزيزان]

هذى تجارب بعض البنات جمعتها لكم من هنا وهناك​

ونبيها حمله للسسسسدر ​

لتعطينا الكثافه والقوه والحيويه وتخفيف التساقط واللمعه ​

والاهم انها ماده طبيييييييعيه​

وهاكم التجارب واختاروا الخلطه اللي تعجبكم ويلا نسسسسسسسستمر عليها​

وكل وحده تقول شنو اختارت من خلطه ونبي اليوم اللي تحط فيه السدر تتكلم عن تجربتها ويلا نشجع بعض​

====================​

السدر تستخدم على نطاق واسع لغسل الشعر وما زال بعض السيدات يفضلن غسل شعورهن بالسدر فهو يقضي على الشقرة ايضا وملمع للشعر. و في الحديث الصحيح الذي رواه الستة وأحمد أن النبي صلى الله عليه وسلم قال: " اغسلوه بماء وسدر ".و قال الحافظ الذهبي: الاغتسال بالسدر ينقي الرأس أكثر من غيره ويذهب الحرارة . فان الشعر المغسول بهذه الاوراق يصبح ناعما ولامعا جدا ، والسدر كما يقال لو وضع في كفة اليد 40 يوما لنبت الشعر في كفة اليد . والسدر يزرع في اليمن والسعوديه وبعض الدول العربيه .. وهي انواع وافضلها اليمني ثمه يليه السعودي .وانا انصح النساء بالغسول بالسد لما له فائده جما للشعر . قط تغفلها المراه العربيه
==============================​

طريقة ماء البصل والثوم مع السدر​

الله يجزاها كل خير صاحبة الموضوع ويفتحها عليها وين ماراحت ​

بصله متوسطه + حبتين ثوم​

تقطع البصله 4 والثوم قطعتين​

كاس ونص أو كأسين ماء ويوضع البصل والثوم​

يغلي لمدة 10 دقائق​

وهكذا يصبح لونه​

يغطى بالنايلون الشفاف تبع الاكل عشان مايطلع بخار البصل ونتركه حتى يبرد​

استخدم زيت الخروع وزيت السمسم​

زيت الزيتون حار على شعري بس تقدرون تضيفونه بدل زيت السمسم​

نحضر 3 ملاعق سدر + ملعقتين زيت الخروع + ملعقتين زيت السمسم أو زيت الزيتون​

تخلط الزيوت مع السدر​

ثم نصب خليط ماء البصل والثوم على السدر​

الى ان تصبح لدينا عجينه شبه سائله يعني مثل الحنه​

نحضر القفاز مع بروش الحنه ويكون جاهز للاستعمال​

============​

​

انا اليوم بعلمكم عن خلطه (بودره السدر ) حتى توحدون لون بشره ​

الجسم والوجه وتكون صااااافيه تماما من اى بقع ...​

انا استخدمتها قبلكم قبل شهور بالتحديد في رمضان لما الجو كان ​

بارد واستخدميتها اسبوعين بس كنت مداومه عليها تعرفون اختكم ​

دريم بالها طويل في هالشغلات بس يشهد رب العالمين ان لون ​

جسمي صار وااااااااااااااحد ولا بقعه رجعتلي لليوم الحمدلله ...​

والله يا بنات ان كنت دايما بعد ما اطلع من الحمام اقول في خاطري ​

سبحان الله كل هذا يطلع في السدر معقوله يسحب اللون الداكن ​

للبقعه من داخل طبقات الجلد وتختفي تماما في فتره بسيطه فعلا ​

سبحان الله ... ​

اعرف يا خواتي انكم ما بتذكرون كلامي الا يوم بتشفون ان اللون ​

الداكن اللي بين الفخوذ الداخليه والمناطق الحساسه بالذات كيف ​

صارت تتفتح عليكم من ثاني استخدام وفوق هذا كله جسمكم ​

بيصير ملمسه ناااااااااااااااااااعم وكلنا نعرف ان اي طبقه على سطح ​

البشره اذا تتجدد لازم يصيبها نوع من الجفاف لكن السدر مستحيل ​

بيسببلج اي نوع من الجفاف اثنا تجدد الطبقات السطحيه لبشره ​

الجسم او الوجه ... جربوا وانتوا احكموا.​

مقادير الخلطه :-​

3ملاعق كبيره من بودره السدر( بتحصلون بودره السدر عند العطار و ​

المحلات الايرانيه).​

2 ملاعق كبيره من بودره اي حليب مجفف مثل نيدو ​

كوب كبير من الماء متوسط الحراره (لازم يكون الماي دافي ​

وحارشوي عشان المسامات تتفتح وتمتص الخليط )​

اخلطواالمقادير مع بعضها لين ما يصير عندكم مزيج شبه سائل مب ​

عجين انتبهوا(مزيج شبه سائل)​

وزعوا الخليط السائل على كامل بشره الوجه والجسم لفتره نص ​

ساعه ( تقدرون توقفون جدام المكيف عشان تجف الخلطه بسرعه ) ​

ولما يمر الوقت وولاحظون الخلطه جفت مثل الحنه , ابتدوا فركوا ​

الجسم والوجه بايدكم فقط بدون ماء عشان تتخلصون من الجلد ​

الميت ولما تنتهون اطشطفوا عدل بماي باارد عشان تغلقون ​

المسامات .​

ونعيما مقدما للجميع .​

=====================​

هذي خلطة السدر بأذن الله انها تطول الشعر يعني تقريبا شبر في ثلاث شهور اواقل..............​

2ملعقه سدر مع نصف كوب ماء وتحرك بالملعقه لين تصبح عجينه شبه سائله.............​

ويقسم الشعر الي اقسام ويفرك الشعر خصله خصله ويغطي الشعر ويترك اربع ساعات.........​

ثم يغسل بماء فقط لاان السدر يجفف الشعر ومايصلح معه شامبو.......​

بعد ماتغسيلينه بماء تضعين اي زيت مناسب لشعرك وبعد ساعتين
تغسيلين الشعر بالشامبو عادي.......
===============
سدر مطحون + زبادي + بيضة كاملة .. ​

أخلطهم وأعجنهم مع بعض حتى يصيرون مثل كثافة الحنة لما نعجنها للشعر ..​

استخدمت الخلطة وصرت كل جمعة أو خميس أعجن السدر والزبادي والبيض وأخليهم على شعري من ساعتين إلى ثلاث ساعات وبعدين أغسل شعري بالماء فقط .. وبعد ماينشف شوي أدهنه بزيت الصبار فقط وألف عليه فوطة دافيه ( يعني أسوي حمام زيت ) ​

شعري تغير .. وبدأت ترجع حيويته ومن عند الجبهه بدأ ينبت شعر صغير .. والتساقط خف كثير لكن ما وقف لأني مازلت في البداية وأنا سمعت أنه نتيجة السدر على الشعر تبين بعد شهرين أو ثلاث بشرط لاستمرار بشكل أسبوعي .. ​

جربوا هالخلطة وصدقوني مارح تندمون أبداً بس الله الله بالسدر الزين ​

================​

ملاحظة ​

يغسل بماء فقط لاان السدر يجفف الشعر ومايصلح معه شامبو.......​

بعد ماتغسيلينه بماء تضعين اي زيت مناسب لشعرك وبعد ساعتين
تغسيلين الشعر بالشامبو عادي.......​

=========
السدر للشعر المصبوغ ​

يالغالية أنا شعري صابغته أشقر فاتح وأستخدم السدر مع الزبادي ...أدهن شعري بزيت غير زيت الزيتون لأنه يسبب لي تساقط الشعر وبعدين أحط السدر المطحون ومعجون بزبادي وماشاء الله تبارك الله تمام وتحسن بالمره الحمدلله والسدر ما له أي تأثير على الشعر المصبوغ بإذن الله من واقع تجربة وأتمنى أني أكون أفدتك ومعليش تحمليني طولت عليك​

=====================
خلطه​

المقادير وهى
سدر + حناء + لبن زبادى
وزيت الزيتون
وهذة الوصفة تنبت الشعر وتكثيرة والى عندة صبغة فى الشعر يمكن الاستعناء ​

عن الحناء وتخلط المقادير التالية ​

وتوضع على الشعر لمدة نصف ساعة ثم يغسل الشعر جيدآ​

========================
خلطة السدر للوجه ​

اذكر نستخدم السدر مع الروب للويه وايد حلو
وممكن تعجنين السدر بماء الورد تحطينه 20دقيقه او 30 ممتاز​

السدر وكركم الجسم تحطينه صفاء ونعومـــه​

السدر مع الحليب والعسل روووعه يشد الويه ويصفيييه​

 

[ام عزيزان]

هذه الوصفه مجربه واخذتها من وحده هنديه شعرها يجنننننننننننننننن ايش سوااااااااااد ايش طووووووووول ايش حريييييييييييييييييير
ملعقتين كبيرة سدر +2 ملعقه كبيرة عسل قصب السكر (الأسود) +2 ملعقه خميرة كبيرة
+ خيار معصورة في الخلاط مع كأس ماء .
الطريقة :
تخلط جميع المقادير في وعاء ثم تترك ساعه وقبل الأستعمال يوضع صفار بيضة ثم ضعيه في الشعر لمدة ساعة ويغسل بعد ذلك​

===============​

رحلتي مع السدر بدت تقريبا قبل 3 شهور كنت استخدم خلطة أخذتها من أحدى المنتديات ​

تتكون من سدر و زيت زيتون و زيت خروع ومغلي ماء البصل والثوم الخلطة رهيبه وقفت التساقط اللي بشعري و ثقلته حيييل كنت أحطها 4 ساعات في اليوم ومن جا البرد تكاسلت طبعا ولظروف البرد الصعبه خخخخخخخخخخخ اخترعت لي خلطة فونتاستك علشان ما احرم شعري من فوائد السدر فصرت أخلط السدر مع حمام كريم دابر فاتيكا وشوي قهوه عربيه عشان سمعت انها تعالج التقصف وبصراحه خلطتي ما عليها كلام تهجد الشعر وتثقله وتمنع من تساقطة وتنعمه وبصراحه من استخدمت السدر حسيت ان شعري كثر
يؤ نسيت اقول لكم بعد استخدم السدر لوجهي وجسمي يعطي بياض فظييييييييييع اخلطي" السدر مع زيت زيتون او زيت اللوز وانعمي بالبياض والنعومه وخلااااااااااااااااااااااااااااص خلصت خلطاتي السدريه ​

================​

والله انا تجربتي مع السدر عمرها شهرين بس النتيجة كانت ملحوظة وكنت احطه كل خميس لمدة ساعتين عبارة عن ورق سدر طازج + ملعقتين حنة + ملعقتين زيت زيتون واخلطهم بالخلاط واحيانا اضيف عليهم اوراق جرجير وكنت في اجازة من الجامعة لما نزلت كل صاحباتي سالوني عن سر الطول اللي في شعري
اتمني لكم التوفيق ​

=================​

وهي اخذ ملعقه سدر .. واحطها مو موية دافية .. ( 4 كاسات )​

واغسل شعري فيه يوميا ً .. ​

توني لي جم يوم استخدمها ​

=========================​

هذا الشامبو حقي​

علبة شامبو
ماء او مغلي عشبه تناسبك
ملعقتين كبار سدر​

و شفت الشعر ينبت
ويطول ويزين و يعتدل نسبة الدهون فيه والشامبو صار خفيف يعني اقدر استخدمه يومي بدون اضرار​

=========================​

حبيبتي الخلطه عباره عن:
2 ملعقه كبيره سدر
4 ملاعق زبادي(واذا احتجتي زيدي الكميه)
1ملعقه كبيره خل(اذا عندك قشره او التهابات او حكه في الفروه)
تخلطين السدر بالزبادي والخل بس لين يصير زي الحنا لاسائل ولاجامد
وحطيها بشعرك اكبر فتره ممكنه واغسليه عادي بشامبو ​

=========================​

انا استخدم خلطة السدر التالية:
3 ملاعق سدر +ملعقة حبة سوداء مطحونة + ملعقة حلبة مطحونة + كاسة عصير الجرجير
طبيعة شعري دهني جدا جدا جدا و خفيف . استخدمت هذة الخلطة قبل اسبوعين
والنتيجة المبدئيه مرضية ولله الحمد. حسيت ان شعري صار احسن نسبياً من قبل .....
بس ابغى اعرف فائدة الحلبة و الحبة السوداء للشعر لانة بصراحة قريت في منتدى اخر ان الحلبة تسبب التساقط . والاخت طبعا خوااااااااااااااااافة ​

====================​

انا حنقل تجربتي مع السدر شعري اللي عجز الأطباء يلاقون له حل خفيف وتعبان بس استخدمت السدر مع موية الجرجير واخليه في شعري ساعتين والله انه تغير 180 درجه والشعر صار احلى من اول بكثير غزر والأماكن الفارغه طلعت من جديد ونادرا مااستخدم الشامبو بس بعد الخلطه هذا استخدم بلسم وبرضه بعد غسل الشعر وبعد ماينشف احط نواه التمر المحروق والمطحون احطه غي الفراغات اولا غطت الفراغات ومع الوقت طلع شعري هذه برنامجي لا دكاترة ولا كيماويات ولا خرابيط ذبحونا بأسعار خياليه وياليتها تجيب فايده
===========================​

السدر بجد مفيد للشعر والجسم ​

أمي الله يرحمها كانت تخلينا يوم ​

الي نغتسل عن الدوره الشهريه ​

لازم نغسل شعرنا وجسمنا باسدر تقولنا ​

لانها تعتبره مو بس ينظف كا معقم ومطهر بعد من الجراثيم ​

======================​

وخلطتي عبارة عن: زيت النارجيل (شعري يحبه ههههههه) + ملعقة سدر + ملعقة آس أنقعهم في الزيت يومين وبعدين أستخدمهم على شعري 6 ساعات وبعدين أغسلهم بشامبو الأطفال.​

السدر والآس: أعشاب تستخدم لغسل الشعر وتنظيفه، بالإضافة إلى فوائدهم في تحريك الدوره الدموية يعني هو يسوي تدليك لحاله​

=======================​

السدر مع قشور الموز​

انا شعري جاف جدا ومقصف جدا وتالف جدا من كثر الفرد وانا والحنه اعداءءءءءء المهم استخدمت قشر الموز الناشف ( نشفته في المطبخ في الظل ) والمطحون مع السدر المطحون مره او مرتين بالاسبوع والله ما كملت شهر والله يشهد الا وشعري تغير كثير وحتى اخواتي لاحظوا الفرق ماعاد احتاج للسشوار في البيت والخرجات الخفيفه والشعر صار فيه نعوووووومة وهادي وووو
والله اتمنى تجربوا بانفسكم وتخبروني بالنتيجه​

 

[كويتيه رزتها ملكيه]

ياااااااااااابعد قلبى ياااااااارب يووفقج ويين ماارحتى وجزااااااج الله بالخير

وربى يشهد انى داشه اادور مواضيع عن استخدماات السدر

وحصلت كل الى ابيه بالهوضوع الرووووووووووووووووووووووعه والمتكااااااامل بكل شى


تسلميييين ومااقصرتى على هالموضوع السنع مثل راعيته

 

[بنت الاحلام]

فديتج بعد قلبي والله ع الموضوع الشامل الكامل
والسدر روعه انا جربته حق شعري روعه فعلا ثقل وطال


مع الثوم والبصلحب
اما وجهي وجسمي ما جربته

بس خاطري اضيف مع الشامبو سدر بس اخاف يكون


حبوب او شي ما يصير صافي وبسال عن بورده السدر

 

[*ماي ورداسم يستحق الثقه*]

السدر تبارك الرحمن من شجره مباركه
وفعلا السدر وايد زين للشعر وداخل في مكونات خلطة الدلوعه لتكثيف وتطويل الشعر
وفعلا ماشاء الله مستحيل اللي تجربها ما تحبها وتداوم عليها
السدر أفضل علاج طبيعي للشعر ولكن يفضل خلطه مع مكونات أخرى عشان لاينشف الشعر​

 

[عسولة ودلوعة]

ما شاء الله يا ام عزيزان
موضوع كامل يا الغلا ما قصرت

 

[دانتيــــلا]

موضوع حلووو

بس بغيت اسالج يصير نستخدم السدر بروحه بديل عن الشامبوو ؟؟ ينظف الشعر اذا كان في دهن او لأ ؟؟

 

[موزة ام فارس]

معاكم بالحملة

عاد اليوم حاطة سدر

 

[نــوف]

مشكوره عالمعلومات الحلوه

بس حبيت أعرف .. مايصير استخدم السدر مثل الحنه

يعني مو غسول

فهمتي قصدي ؟

 

[ام عزيزان]

حبيباتي انتوا قريتوا الخلطات؟؟؟

لان هالخلطات فيها الاجوبه على اسئلتكم

والسدر ممكن يستخدم مثل الشامبو

وممكن يعجن مثل الحنه

جربوا من هالخلطات ويارب تفيدكم

وان شاء الله بكره راح اسوي السدر واحطه بشعري وانقل لكم تجربتي​

 

[extra suger]

وااااااااااااو خوش حمله والله

انا ذاك الاسبوع قررت اخلي كل يوم السبت سدر وابتديت ذاك الاسبوع

وباجر بيكون اليوم المحدد للسدر وانا سويت الطريقه الاولى السدر ويه ماي البصل والثوم


انا معاكم في الحمله بس انا ذاك الاسبوع يوم خليته ساعتين غسل شعري الشامبو هل مرة بس بغسله بالماي وعقب ساعتين بخلي زيت

 

[miss.lol]

يعطيج العافيه يالغالية ع الموضوع

و ان شاء الله نجربه

 

[نسمه بارده]

اختي السدر حلو للبشرة بس عيبه يطلع شعر فيها
خصوصا الوجه للاسف الحلو مايكمل بس لشعري برج استخدمه وصراحه فعلا كان شعري في شويه عافيه من السدر

 

[لولي**]

مشكووووووووووووووووووووووره

 

[ضامر السرجوف]

انا بعد وياااكم

 

[ذهـ الكويت ـب]

مااشاءالله موضوعج حلو

انا افكر عاد استخدمه والله قبل كم يوم

بس سؤال السدر ماايجفف الشعر؟؟

موفقه خيتو

 

[extra suger]

اليووووووم اليوم المحدد للسدر

توني قبل شوي خليته بشعري يالله بنات وينكم

 

[نــوف]

حبيباتي انتوا قريتوا الخلطات؟؟؟

لان هالخلطات فيها الاجوبه على اسئلتكم

والسدر ممكن يستخدم مثل الشامبو

وممكن يعجن مثل الحنه

جربوا من هالخلطات ويارب تفيدكم

وان شاء الله بكره راح اسوي السدر واحطه بشعري وانقل لكم تجربتي​

أشكرج ام عزيزان علي الرد علي استفساري

وانا متخوفه من استعماله .. أخاف يجفف شعري .. وانا شعري مرهق من الصبغات

حتي زوجي لاحظ علي شعري خفيف

وقالي في فراغات بشعرج واجد

وانا الحين بسوي كورس عنايه بالشعر

بس ماودي احط حنه لاني بصبغ شعري بعد خمس شهور تقريباا


واذا عندج شي ينفعني دزيه لي



وانا شاكره لج

 

[ام عزيزان]

هلا فيكم حبيباتي

السدر باذن الله ماله مضر

وخاصتا اللي يصبغون شعرهم المفروض يهتمون فيه بالسدر بدل الحنه

انا اليوم خلطة السدر مع الروب ... وحطيته بشعري وراح اخليه 3 ساعات ان شاء الله .... وباقي السدر حطيته على وجهي وبخليه نص ساعه واغسله

ويلا يا بنات شدووووووو الهمه والاهتمام :ggdw:​

 

[ام عزيزان]

وعلى فكره باقي السدر حطييييته على وجهي وخليته نص ساعه على ما نشف وصار شاااااااد على وجهي حيل ....

وبالغصب قدرت اغسله ههههههههه