يكفي يا زوجي انتقاد.....

[دمعة ولة]

مشكلتي زوجي دائما ينتقدني على كل شي في لبسي وفي بيتي وتربيتي لاولادي مع اني والله وبشهادة الجميع ما اقصر في اي شئ حتى ام زوجي دائما تثني علي ،لاكن احيانا انسى بعض الشغلات بحكم اني ما عندي شغالة،والله يا بنات انتقاده على شي ما يسوى وانا اعصب وازعل وما ادري وين الحل،انا متاكده انه يغليني اكثر من نفسه واحيانا يكون مثل الطفل معي ،والله اني كرهته وكرهت حتى الجلسه معه ،صار بيتي قمة الملل ،تكفون ساعدوني انا ما عندي احد اشكي له غيركم.:0bee2e8d89:

 

[الصمت@]

من طبع الرجل انه ينتقد لاتضايقين نفسج من هذا الشي احمدى ربج انه يحبج ويغليج بعض التزواج مايشوف زوجته ولاشي
الله يعينا عليهم أمين

 

[ديورا]

حبيتي من حبج لاشاج ريلج يشتغل ولا عطالي اذا عطالي شي اكيد بيحط دوبه من دوبج
وعلى العموم ياقلبي المفروض تعودتي

 

[ShoSho_4]

حبيبتي قعدي معاه قوليله على الي مضايقج تفاهمي معاه بكل هدوء قوليله انا ما عندي خدامه تساعدني وطبيعي بنسى اشياء يعني ليش تسمينه انسان لانه النسيان وارد عندنا قوليله لو كنت مكاني اكيد بتنسى شغلات وما فيها شي لو ذكرتني بس بهدوء وبدون عصبيه وبدون انتقاد والله يهديه ان شاء الله وموفقه حبيبتي

 

[كويتيه78]

اهو ينتقدج لانه يبيج احسن وحده بالدنيا وعادي لاتكبرين الامور كل واحد يبي زوجته كامله مكمله

 

[فدا رمشك]

عاااااااااااااادي في ريايل يحبون ايحبطون المره بس انتي خلج واثقه منن نفسج ما يهمج بعكس زيدي ثقتج بنفسج ولا اتسوين مشاكل عادي طنشي خلي حياتج حلوه والله النكد هو الي يبعد الزوجين عن بعض وامشي عدل يحتار عدوك فيك والله المستعان

 

[ام عمار]

الله يعينك بس اغلب الرجال يحبو ينتقدو زوجاتهم يعني لا تكبري الموضوع وتكرهي الجلسة معه

 

[شواخي]

تعدلي وقعدي معاه ،،

وفهميه ان هذا الشي يضايقج

وشوفي عينج يعينه

لما ينامون اليهال وهو رايق

والرييايل دايم الصبح راييقين

قولي له ،،

حبيبي انا والله اتضااايق جذيه ومااحب ،، اذا انت ما تمدحني انا منو يمدحني فالعالم ؟

يرضيك جذيه اتضايق ،، ؟؟ وانا اسوي كل الي علي عشان رضاك ورضى الله ، ،


و قولي له ان انتي تعبانه و ضايق خلقج و سوي مسرحيه وحزن ولا تضحكيــــــن ، ، ،

وقولي كل شي من قلبج لان الي من القلب يروح للقلب ،،

وادعي بصلاتج واهم شي الصدقه بنيه تعديل طبع الزوج

ودايم قولي يارب ما ينتقدني ويعظم حبه بقلبي و يعظمني بعينه

و خلج واثقه و تعدلي وغيري من شكلج

والله يوفقج يارب

 

[غلا مشاري]

اغلب الرياييل جذيه والله يعينج يا قلبي

 

[Little Things]

حبيبتي ميخالف اغلب الريياييل جذي و لي قعدتو بروحكم بينيله انه هالشي مضايقج قوليله امك مقدرتني و انته ما تقدرني و فوق هذا ما عندج شغالة و قوليله انا انسان و ممكن انسى شغلة من الشغلات اسويها بس انا مو مقصرة ولا متعمدة اقصر عنك و ان شاءالله يتفهم

 

[الشهد كله]

حبيبتي عادي دخليه من هالأذن وطلعيه من الأذن الثانية ، شنو تموتين عشان نقد ؟؟؟؟؟؟؟؟؟؟؟



:23_asmilies-com::23_asmilies-com::23_asmilies-com::23_asmilies-com:​

 

[اموره وحلوه]

اكره هلطبع صج يحبطون

 

[بنت شرق]

كل الريايل حذى وانتى عودى نفسج على طبعه انا اخوى يعلق على كل شى واقول حق مرت اخوى انتى اشلون متحملته تقول احبه عشان جذى نصيحه اخذى السالفه بضحك ولا تزعلين منه لان هذا يكون مرات طبع فى الريال

 

[زخات البرد]

بسم الله

عزيزتى هذا شى عادى كل الرجال كذا لاتاخذين فى بالك وطنشى
طنش تعش تنتعش

 

[^غلاي أنت^]

حبيبتي عادي الريال لازم ينتقد ..
بس ترى انتي تكونين حساسه اكثر لان عليج ضغط كبييير من بيت , يهال , ومجابل الريل يبيله قلب .. الله يعينج يارب ..

 

[ورود الكويت]

الله يعينج صج ياشين الرجال لين قام ينتقد صج يكرهج بنفسج تحملي شتسون مالج الى الصبر

 

[امواج النهر]

ليش معذبه نفسج وقاعده بدون خدامه حطي خدامه تشيل الشغل عنج وشوفي شنو مقصره فيه وسنعيه واشتري خاطره وسوي اللي يبي ووسعي صدرج الدنيا ما تسوى الزعل0

 

[دمعة ولة]

يعطيكم العافية والله يساعدني عليه.

 

[نفيشه]

اخذيها مني
الريال الحناااااااااااااان ماله دوى
ماينفع معاه الطب



الحل
انج تلهينه بعمرة...يعني اذا قام ينتقد العيش ليش لين مو طابخينه عدل
باغتيه انتي وقولي له اي والله((لاحظي انج لازم تايدينه من اول كلمة علشان يهدى شوي))العيش اللي انت يايبه مو حلو ترى الله يهداك بس يعني الجمعية فيها اشكال والوان وساعات يراوونك شلون حبته مالقيت الا هذا حتى اليهال مايحبونه وهذاك اليوم خالتي تقول نفس الكلام عيشكم مو حلو والله ساعات احس بطني يعورني منه انت مايعورك بطنك؟؟هالمرة انا اللي باختار نوع العيش
يعني اكليه بقشووووووووووره بيتوب شوي
اهو يحب اللبحة والحنة مو لنقص او قصور فيج لكن بو طبيع

النصيحة الثانية
لا تعطي كثيرا حتى لاتندم كثيرا
يعني اذا عطيتي اكثر من طاقتج بيمدح؟؟
بيبين بعينه؟؟
لا

خلاص لا يكلف الله نفسا الا وسعها
الانسان له طاقه
على قد طاقتج عطيه
اذا تعبتي او نسيتي من حقج
مو ذنب


والله يعينج
الحنة تسحت القلب

 

[78MariMar78]

الله المستعان
وربي يعينك ويصبرك...