الموضوووووووع ملا داعي في منتدى اسمه كويتيات ومكررللمره المليووووووون@@
ومدام الموضوع للمناقشه تقبلي وجهات النظر حتى لو تختلف معاج .. ترى ذبحتونا بسالفه ملكه والله العظيم حجه مضحكه
وغصب تضحكون على نفسكم فيها..الملكه لازم يكون لها سايق خاص وخدم وحشم.. الدوله هل وفرت لكل امراه فيكم
سايق عشان تقولون احنا ملكات ؟؟ولا خلتكم تحت رحمة رياييلكم ومزاجهم وفي اللي ظروفهم ما تسمح يكون عندهم سايق
واللي عايلتهم ما فيها شباب شنو تسوي ؟؟تدقدق على التكاسي ولا على بيوت الجيران؟؟
لا والله الحمدلله احنا ملكات فعلا سياراتنا عندنا حبينا نروح مشاويرنا رحنا واذا في مشاوير بعيده اوزحمه اوالوقت متأخر
رياييلنا ما يقصرون الحمدلله والأهم ان فعلا عنصر منتج نقدر نساعد اذا احد من االيهال مريض اوحاله طارئه موقاعدين
عاله على المجتمع وتحت رحمه الريال!! والأهم ان لنا حريه الأختيار نبي نسوق اوما نسوق كيفنا ماكوشي فرض علينا
والسياقه موحرام الخلوه مع السايق والتاكسي اهي اللي حراااااام@@وندري ان هذا بس كلام باجر لما يقرون حق السياقه عنكم ماكوسعوديه ما راح تسوق ههههههههه
واذا سالفه الغطاء الحمدلله احنا الدوله ما تفرض الحجاب والغالبيه من حريمنا متحجبات ومنقبات بحريتهم موفرض من دوله
اوهيئه وهذا لبسنا داخل اوخارج الكويت موثل ما انتشر عن بعض السعوديات اللي قسما بالله اخر سالفه براس
السنه بلبنان في مطار بيروت بنات سفور و زقاير ولبس فاضح وكان في طيارتين للسعوديه اول ما اعلنوا عن الإقلاع
فجأه الكل راح الحمام ولبسوا عبايات@@والله قعدنا مصدومين انه وزوجي حتى الفراشه مالت الحمام تضحك عليهم
والحمدلله الكل يحترمنا لأن محترمين لبسنا واذا تحجبنا اوتنقبنا عن قناعه موفرض من هيئه تلحقنا ولا بالمدارس يغصبونا@@
وسالفه المحلات فعلا منطق غريب عجيب الحين حياء ودين وعفه وحتى محلات قمصان النوم والملابس الداخليه يبيعون
الرياييل فيها عندكم؟؟ جد ما تستحون وانتو تطلبون منهم موديلات يديده اومقاساتكم؟؟
واذا على الدين الحمدلله والشكر الكويت الدوله الخليجيه الوحيده اللي بالرغم انها سبقت غيرها بكل شي الا انها لي الحين
ما تسمح بالخمور اوصالات القمار اوالبارات والمسايد ودروس الذكر منتشره اكثر من التراب عندنا
احنا في ديره فعلا تحترم المراه وكيانها وشخصيتها وعقلها لها مثل الرجل بحدود الدين والشريعه موالريال كل شي له حلا والمراه حرام وحبس وكتمه
مثل مسموح يدخل المسرح ونحرم المسرح على المراه@@ هل هذا من الدين في شي؟؟
هل قيادة السياره حرام بالدين؟؟تحريم الحلال وتضييق الخناق على المراه هل هذا من الدين
الحمدلله واسجد شكر اني كويتيه ويكفيني فخر اعيش على ترابها واموت فيها
هذي وجهة نظري ومثلما قلتي تشوفينه مفخره وغيرج وايد يشوفونه تخلف
