يكرهكـ نصفي ونصفي فيكـ ذايب...

[meen_ana]

لمى: ياهلا وياحياالله من جانا
بدر: الله يحييك ..والله هذي نوف مزعجتنا ودني عند عمتي لمى وودني عندها
لمى: ياحبي لها والله ياقلب عمتك لمى انتي
نوف جلست عند التلفزيون وحطت على سبيس تون
لمى: لحظه اجيب القهوه
بدر: لايالمى مارح نطول بس عن خاطرها
لمى: افا عليك بس تجي بيتي ماتشرب لك بياله
جلست جنبه وحطت الصينيه
بدريفكر: اللا اقول لمى
لمى: هلا؟
بدر: وشخبار عبدالله
لمى واهي تصب له القهوه : لاالحمدلله احسن من أول ماصار يتكلم ويتذكر كثير مثل أول ...قبل كلشي يذكره بفارس بس الحين لااشوى من أول
بدر: الله يعينه
لمى: الله يعوضنا هذا المكتوب
نوف راحت عند لمى بسرعه ودخلت يدها بجيبها وطلعت منها كروت معفطه
لمى: وش هذا؟
نوف: هذي كروت يوغي يو حقت فارس نسيت أعطيه ...وكان يبي منني أشرطة الفيديو حقتي بس ماأمداني أعطيه
لمى مسكت كروت فارس بهدوء وحطتها بحظنها
نوف: نسيت أعطيه والله كنت أجيبها
لمى ابتسامه بحزن ..بدر وده ذبحها الحين لمى مب ناقصه ضيقت صدر ويدري ان نوف اهي أكثر وحده فيها من فااارس بكلشي يكفي انها طفله مثله ... احتاار وش يسوي مافيه اللا انه يمشيها
بدر: يالله نوف نمشي؟
نوف: لاابي اجلس هنا
بدر: يابنت الحلال ماعندي وقت
نوف: لاخلني عندهم أبي اجلس
لمى: خلها عندي تسليني
بدر : مزعجه نوف أخاف تشغلك وانتي تعبانه
لمى: لالاماعليك خلها
بدر: لالاوش اخليها واجيبها بعدين مشواربيتكم طويل
نوف: لاباباخلني
بدرواهو رايح بيطلع : لامافيه تعالي مععي
نوف: مابي
بدر: انا قلت تعالي !!!
نوف بطفش: طيب
لمى توصلهم للباب: يالله حبيبتي عاد تعالي لي مره ثانيه
نوف: طيب
بدر: يالله اجل مع السلامه
لمى: مع السلامه
سكرت الباب وحست بألم بظهرها تألمت حاولت تتناسااه وراحت
حطت راسها على الكنبه ونامت على التلفزيون .... ربع ساعه وأهي قايمه
حاطه يدها خلف ظهرها وتتألم ...
حاولت تكابر تتناسى بس مافيه أمل (شكلها الولاده
لمى : الو عبدالله ؟
عبدالله: هلالمى
لمى بتعب: عبدالله
عبدالله سمع صوتها تخرع : وشفيه؟
لمى بتعب: تعال لي الحين محتاجتك
عبدالله: اوكي ان شالله مسافة الطريق انتي بس حاولي تمشين أكثر
لمى: بسرعه
عبدالله: خلاص في الطريق بسرعه وأجيك انتظريني مارح أطول
لمى: اوكي لاتتأخر
عبدالله: ان شالله سلام
لمى: باي
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::
<<<<<<<<<<<<<<<<المانيا
كانو في دكني طبعا هذي ماركة غلا المعرو ووفه ...كان ماسك فستان لونه موف ناااعم وخفيف مرره
غلا تحاول تجربه على جسمها : وسيع شوي علي
نايف: يضوقونه مو مشكله انتي بس الحين روحي وقيسيه
غلا: اوكي
دخلت داخل مكان القياس ..ووقف ينتظرها برا ..طولت مانادته
نايف: غلا خلصتي؟
غلا: ماعرفت أسكر السحاب
نايف على طول دخل ...استحت منه لأن الفستان من غير كم ومطلع الظهر كله وغير السحاب اللي على الجنب ماتسكر ...
نايف بس من بعد ماحط يده على السحاب تسكر على طول وابتسم لها
غلا متفشله: قوي شوي صح؟
نايف مبتسم ويطااالع فيهاا: ايش الحلاااوه؟
غلا استحت هنا مرره كلش بيبين لفت على المرايا تشوف شكلها تحاول تضيع الموضوع :بس مو كأنه وسيع
نايف حط يده على جنبها وحاول يضوقه من الجنب ويحط اصبعه عشان يقيس ... غلا خلاص انقلب وجهها ألواان ..
غلا مستحيه: نايف شكله مره وسيع اخاف يخرب ان صغروه أكثر
نايف : لالامضبوط عليك بالعكس مارح يضوقونه كثير بس انتي مدري على ايش مستحيه
غلا حمر وجهها ونزلت راسها لأنه كشفها
حست بيد تحت ذقنها ترفع راسها نايف: قمر والله اني ماخذ ملاااااك
غلا ابتسمت ونزلت راسها
نايف اعطاها بوسه من بعيد ... واهي خلاص يوم شافته وصل هالحد حرمت تحط عينها بعيونه ههههه
نايف يغني اول مره غلا تسمع صوته :من يوم شفتك عنني أفداك ...والقلب ماله غير طاريك ...من زود ماهو يسعى لرضاك ...وده يفارق صدري ويجيك
غلا: ودي أغير كلمة أهواك بكلمه توصف كم أنا أغليك ...كل ماتفسر اني وياك عايش وقلبي ميت فيك
نايف: كذاب انا لوقلت أبنساك أو جيت يوم وقلت مابيك ...صدق وبأني واللي سواك ..لو أنسى اسمي ماني ناسيك
لو تبغي تعرف كم في لقياك... كم أعشقك موت وأحاتيك ...خذ قلبي اللي موت يهواك ..شوف وش كثر راعيه يغليك
غلا استحت وسكتت انطرمت خلاص وش تقول الولد أحرجها مضبووط ...
نايف مبتسم تعجبه لما تستحي ويبان عليها ومع الفستان طالعه قممركان شعرها البني على أكتافها وعيونهها الوسيعه الخضرا ول من لونها البرونزي اللي مخليها تغطي على القمر ومعطيها ملح ... الحين .. مايدري وشلون بيخليها تغير ملابسها
غلا حست بنفسها شوي ونزلت تعدل ملابسها اللي قبل عشان ترجع فيها
نايف مبتسم: انتظرك برا
غلا تغير بتسمه طول الوقت (الله لايحرمني منك يانايف ... لاذوقك لااخلاقك لاطيبتك كلشي ...أعجبتني فيه ...)هاللحظه حست انها تحس بشعور ماحد جربه ..خارج عن الوصف ... وش فيه أحلى من لما تملك قلب اللي أعجبك وأنت بعد أعجبته .؟...تحس برااحه ..ماحست فيها من قبل ..كأنها بالقصص الأسطوريه
.................................................. .................................................. ......................................
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::
بيت ام نايف
منصور: الوليد وين ان شالله؟
الوليد برباشه كان مستعجل شوي: بروح بيت خالتي أم محمد
منصور: ليه ؟
الوليد: الآي بود حق ريناد تبيه مزعجتني
منصور: ياعيني صرنا نقولها عيني عينك
الوليد ببرائه: ليه ؟
منصور: خخخخخخ مكشووفه حركاتكم لاانت ولااهي
الوليد: خخخخخخ اييه فهمت فهمت عليك ...يشين تفكيرك بعد
منصور: يحليك تحبها؟
الوليد: غزال ملك قلبي وروحي رمت قلبي وقلبي مارماها
منصور: اخـــس !! وشاعر بعد؟
الوليد: أيــه عذبتنا بنت الخاله
منصوربضحك: مين يصدق ان الوليد يطلع شاعر تبيني أتوسط لك؟
الوليد: لو تدخل انت بالسالفه خربت
منصور: الشرهه علي انا اللي فازع لك
الوليد : جد الوليد ماتفهمني عجزت ألمح لها
منصوربتفكير: حالتك صعبه ارسل لها مسج
الوليد: عجزت فيها مسجات مافيه فايده
منصور: اهديها طيب
الوليد: المشكله تدري وشي؟ ريناد تحسبني بس مجرد مااهدي وانا والله انها معذبتني وأعني كل كلمه أكتبها واهديها
منصورفي نفسه مستغرب: اممممممم اهديلها في عيد الحب
الوليد: لايشيخ احلف عاد ؟ منصور انا اتكلم جد
منصور: خذ الموضوع معها بمزح وهبال وسعت صدراهي بعدين رح تفكر بالكلام وبتستوعب و خلك واضح معها بكلش ولاتجامل واجد
الوليد: يعني اقول لها أحبك مثلن ؟
منصور بضحك: بلاحركات البزران أنت لك اسلوبك الخاص فكر لو احد مسوي لك حركه بعدها قلت اكيد هذا يحبني وش ممكن بيسوي؟
الوليد: على حسب اذا هذا الشخص أنا اعرفه مرره عشان أقدر أعرف قصده
منصور: اتوقع علاقتك بريناد كافيه أنها تعرفك
الوليد: كل يوم لازم أسمع صوتها لو بس عشر دقايق تصور ؟
منصور: لااااالاااا انت لاعب بك الحب لعبته
الوليد: منصور تكفى ساعدني معها
منصور: ليه مب أنا ابخربها؟
الوليد: اضحك معاك والله
منصور: اوكي بس أي حركه ابسويها لاتقول لي ليه
الوليد: اووكي
منصور: اعلمك وشلون تجيك برجولها وتقول لك (يقلد صوت ريناد) الوليد انت تحبني؟
الوليد: اقول اسكت خربت صوت البنت
منصور: ههههههههههههههههه!! وبعذري اقول وشفيه أخوي صاير هادي وذوقه حتى بالأغاني مختلف أثر الدعوه حب مره وحده ؟
الوليد: منصور ماجربت اللي أنا جربته ...
منصور: ايه داري
الوليد بتفكير: منصور تتوقع كل النهايات رح تكون مثل فيصل؟
منصور: لالاموشرط هذا قسمه ونصيب ....تدري وش أعجبني فيك
الوليد: وشو؟
منصور: خخخخخخخخ طمووحك عاالي تبي تتزوجها مره وحده؟
الوليد: اجل وشرايك
منصور: يحليلك امش ابجي معك حتى انا ابروح عندهم(يتهزا) يممكن احب أحد
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::
<<<<<بيت أبوعبدالله
ام محمد: يبوعبدالله بنتك اهي الغريبه أنا مااذنبت
ابوعبدالله: يامره الوضع ماعاد أقدر أسكت له لاتحاولين تبررين ول تطلعيين من المشكله ماسويتي شي أنا اشوف كلش قبال عيني ...انتي تجرحيني قبل بنتي
ام محممد خاافت وسكتت
ابوعبدالله: غلا خبز يدي أنا عارفها أكثر من نفسي .... الناس تغلط عليها ماتاخذ بقلبها ولاتشيل على احد لكن بعد كلمتها ...(يابوي أنا ماقدر أسكت أكثر من كذا ) يوم كانت تبي تقنعني تروح عند تركي ان جا من الشرقيه ان شالله .... غلا ...يانوره ...هذي غلا أغلى بناتي اللي يغلط عليها كأنه يتكلم عنني أنا ..واأتوقع انك فاهمه قصدي
ام محمد خافت وحاولت تخفي ملامح الخوف من عيونها .....
ابوعبدالله عارف لها ويدور وش اللي ببالها ...
ابوعبدالله: اشوفك مستسلمه ؟.... لاتخليني أسوي اللي ضد مصلحتك ومصلحت عيالي منك
طبعا فهمت وش قصده الحين
ام محمد : انت تدري الواحد لازم يختلف مستحيل بيصير سمن على عسل على طول
ابوعبدالله قاطعها: بس مب يعني بنتي اللي تطيح وتاكلها وتسكت .... لازم أصلح كلشي ... واذا الحل بغير الكلام أنا مستعد أسويه
ام محمد: لالاالله يهديك يابوعبدالله هذا الشيطان ...لاتخليه بيننا ..
ابوعبدالله: اتمنى الشي هذا
ام محمد: غلا مثلها مثل ساره وريناد وندى
قطع عليهم صوت التلفون
ابوعبدالله رفع السماعه: الو؟
عبدالله: هلا يبه
ابوعبدالله: اهلين عبدالله
عبدالله بفرح : ابشرك لمى ولدت
ابوعبدالله: ماااااااااااااشااااااالله !! الله يبشرك بالخير وعساها بخير الحين؟
عبدالله فرحااااااااااااااااااااااااااااااااان: ايه الحمدلله
ام محمد: ولدت مرت عبدالله؟
ابوعبدالله: ايه
ام محمد: طبيعي ؟
ابوعبدالله: ولادتها طبيعيه ؟
عبدالله: ايه
ابوعبدالله: ووش جابت ماشالله ؟
عبدالله: جابت بنت
ابوعبدالله: مااااااشاالله الف الف مبرووك ياعبدالله تتربى بعزك ياولدي
عبدالله: الله يبارك فيك يبه
ابوعبدالله: الله يسعدك فرحتني بها الخبر
عبدالله: جعله دوم ان شالله
ام محمد: ماشالله وش جابت ؟
ابوعبدالله: بنت
ام محمد: ماشالله الله عوضهم بفارس
ابوعبدالله فرحان : ايه الحمدلله صوته متغير بالتفلون
ريناد واهي جايه من الحديقه الخارجيه : الله يبه وش هالوجه الحلو ؟
ام محمد: لمى جابت بنت
ريناد تصرخ: اماااااااااااااااااااانه!!
وراحت على طول وحبت راس أبوها
ريناد: يبه ألف الف مبرووووك تتربى بعز أبوها وجدها
ابوعبدالله: الله يبارك فيك يابنتي
ريناد: ابي اتصل على عبدالله
ابوعبدالله: ههههههههههههه بتلقينه مشغول
ريناد راحت ركض بسرعه بتروح تعلم ساره وترسل لصديقاتها حتى
واهي بتتصل على ندى تبشرها
ريناد على طول من غير سلام: مبرووووووووووووووووووك لمووو جابت بنت
الوليد: والله مبرووووووووووووووووك
ريناد: وليد؟
الوليد: ايه؟
ريناد: ههههههههه حسبتك ندى
الوليد: اللا جته بنت أخوك؟
ريناد بفرح: ايه
الوليد: لااجل لازم أجي ابارك لك
ريناد: هههههههه يليت
الوليد: ياليت ليه ؟
ريناد: ابي احد يجي طفشاانه مافيه احد بالبيت
الوليد متحطم : اها اوكي تعالي انا عند الباب
ريناد: والله ؟
الوليد: ايه
ريناد: احسبك تمزح
الوليد: لالاماامزح اجل كيف بيهون علي أطلعك عند الباب وانا موموجود
ريناد: هههههههه اوكي جايه الحين
راحت جري عند الباب مرت على الصاله
ام محمد: على وين؟
ريناد: الوليد بيجي

فتحت الباب ودخل
الوليد: مساء الخير
ريناد: مساالنور
الوليد: لحظه شوي منصور جاي مععي
ريناد: طيب
منصورواهو من ورى الباب عاد منصور ملقوووف ومتعته في الحياة انه يتهزا ويتطنز ول مايصير منصو ر: خخخخخخ زوجها الظاهر اعقلو تغطو من بعض
الوليد: وانت وش دخلك؟
منصور: الجيل الثاالث مافيكم خير
ريناد تنحرج مرره من منصور جريئ ويرمي الكلام عادي :خلاص ابروح
راحت بسرعه ورا البيت ودخل منصور بالمجلس عند محمد
الوليد: ريناد راح تعالي
ريناد: يوه مابغى
الوليد: وشخبارك ؟ ووشلون عبدالله اخوك ؟ ومبروك ماجاه
ريناد: الله يبارك فيك شلونك انت؟
الوليد دخل يده بجيبه : خذي هذا الأي بود
ريناد: عسى حطيت فيه أغاني جديده
الوليد: ايه مليته ففتي سينت ومساري وأفريل واكون
ريناد: ياااااااااااااااااااي رووعه
الوليد يطالع فيها شوي شوي ينزل راسه ..(يالله هالبنت عليها عفويه مب سهله ... على ان حركاتها تطلع عفويه بس تجنن ...أخ منك بس
ريناد: الوليد أفكر اقص شعري
الوليد: لاااالاتقصينه
ريناد: ليه
الوليد: بس كذا أحلى عليك
ريناد: صدقني أنا القصير علي بيطلع أحلى
الوليد اعجبه وأستغرب انها تبي رايه : امممم طيب ليه تسأليني ؟
ريناد: ليه أخذ رايك مافيها شي
الوليد: اهاا لالاالطويل أحبه
ريناد: تتحداني أني ابخليك تحب القصير؟
الوليد: ابووك يالثقه
ريناد: ايه طبعا أنا ريناد مارح اعجبك
الوليدماوده يبين لها أساسا مستحي ومب عارف مالقى غير انه يناقض: اما يعجبني واهو طويل ويالله ممشي حاله
ريناد: هيهي مسكيييين أنا اوريك يالوليد ان ماحببتك بالقصير ماكون أنا ريناد
الوليد : مسكينه مدري من حلاته كنه شعر هنديه طايح على وجهك حتى تجعيد مايتجعد
ريناد: مسكين ياحبيبي هذا الجمال الحين اللي انت ماتفهمه
الوليد على انه خق على حبيبي بس حاول يتجاهل : البنات الحين تطورو يجعدون ويغيرون وانتي نفسه مايتغير من عرفتك وانتي بنفس الكشه ههههههههههه
ريناد: من زين شعرك عاد الحين
الوليد: المهم أنا ابي اوريك شغله بتحبينها
ريناد: وش؟
الوليد: افتحي الآي بود رح تلقين أغنيه اهدااء خااص لك
ريناد: طيب حقت مين؟
الوليد متحمس: راشد الماجد الحل الصعب
ريناد: اوكي حلوه ول شينه أنت يعجبني ذوقك بالأغاني
الوليد: افاا عليك رح تعجبك صدقيني
ريناد: اوكي أروق عليها الليله
الوليد: اوكي ابطلع انا الحين تبين شي لاسمح الله ؟
ريناد: خخخخخ لامابي شي لاسمح الله
الوليد واهو بيطلع واهي عند طرف الباب ماسكته وشوي وبتسكر الباب اللي مسكه
الوليد: اقول ريناد غلا وخالد أخوك متى بيرجعون؟
ريناد: على كلام غلا بعد مامددو فترتهم لهم الحين تقريبا اسبوعين على كلامها بيجون قريب
الوليد: اها
ريناد: ونايف اللا متى بيرجع أبي احظر زواج اختي صراحه
الوليد: الحين انتي خلي أبوي يتعافى وبعدين يحلها الف حلال
ريناد: ايه صح الله يعافيه
الوليد: يالله اجل ابمشي
طلع من البيت ودخل للسياره ...شغل الأف ام طلعت له أغنية راشد الماجد (لمني )
طول الصوت على اخر شي خلى كل الحاره يسمعونه
أما ريناد واهي بتخل داخل الفيلا وصلها مسج بنفس الوقت من الوليد
(رنوووده الأغنيه المشغله اهداااء خاااااااص لك ...ليتك تسمعينها روحي قريب عند باب الشارع )
ريناد عقدت حواجبها ورجعت قريب عند باب الشارع سمعت الأغنيه ...
لمنى في محجرعيونكـ حبيبي وخلني ........خلني أشوف نفسي في عيونكــ وأطمئن
دامكـ ان سلهمت بالرمش الظليل تفلني ......نعنبو ذاالرمش كيف اني من أسبابه أجن

كان يشوف ظلها عند الباب وعلى الله هالمره تستوعب انه يقصدها وجااد بإهدائه
اما ريناد ..أكيد ان الرساله واضحه والغبي رح يفهمها ...الأغنيه كانت بالنسبه لها نقطه تحول بتفكيرها ...قامت تتذكر مواقفها معااه ...تذكرته يوم يتصل عليها ويشكي لها ...
ريناد: الوليد انت مضيق صدرك بزياده صدقني
الوليد: ريناد أوعديني ماتعلمين أحد انا مارتاح اللا لك وماحب أشكي لأحد غيرك انا ابتكلم وبسكر ولاحد يدري بالكلام اللي أقوله
ريناد: اوكي ماحد رح يدري

تذكرت الموقف اللي كان على شواطئ الهوليدي ان
مسك يدها : ايه هذي زوجتي ))))))))))))))!!

وش يقصد ؟؟ الوليد يلمح ول يرسل لي اشارات قلبه ؟ ول يمكن يكون مجرد مافضلني وصارت بيني وبينه صداقه قويه ؟... الوليد من خبرت نفسي وانا بهواش معاه ..الحين تغيرت الموازين بسرعه ...؟...نزلت عيونها وطاحت على الآي بود حقها فتحت الأغنيه وشغلتها
اسقني حبــــ أو اسقني فرقــــــــا ان صبرت أشقى ....أوهجرت أشقـــــى العمر يمضي والجروح تبقى
أختر الحل الصعب ـ ياتفارق ياتحبــــــــ ................ ياتفارقـــ ياتحب
لاتحد للي مراحل لالا........ابتسامي دمع وسكوتي كلامي ,,,,,,,
هذي ورده للهوى ...هذي جروحك ........اعطني روحي سيدي .. أو خذها روحكـــ !!
وش بقــى ضاعت سنيني .........يابعد قلبي وعيني ...........
لاتردد في غـــــــرامــــــــــــــــــــــي للا ابتســــــــــــــتامي دمــــــــــــــع وسكوتــي كلامي

جلست تفكر وتروح وتجي الأفكار فيها مع هالأغنيه ...ودها تتصل على الوليد ول تفتح قلبه تدري وش معنى كلامه وهل اهو يعنيها ...قبل لاتطيح بالحفره وتندم ولاتقدت تملكه
قطع عليها اصوات محمد ومنصور طالعين يسولفون بالحوش

ريناد: محمد!!
محمد: ريناد؟
ريناد: خله يوخر لأنني ابدخل للبيت
منصور: منذي؟
محمد: هههههههه ريناد مين يعني
منصورينادي: ايه يااااااامرت اخوي !! ياحرم الوليد

ريناد خافت ..وانحرجت من كلامه ..
محمد بضحك يستانس على ريناد لما تنحرج : اقول منصور اعقل ووجنب شوي خل البنت تدخل
منصور وصوته حتى ريناد تسمعه: طيب وراها انطرمت ماتحاكيني
محمد: اقول اهجد بس تبي تقول لها ياحرم الوليد ترد عليك؟
منصور: ايه وليه بتعطيها لغير وليدووه ؟
محمد: لاطبعا
منصور: خخخخخخخخ حلو لايروح شغل أخوي عالفاضي !!

منصور متعمد يبين لها وكأنه يقول (افهم ياحماار) اسلووبه وااااااااااااااااضح والغبي بيفهمه
ريناد تنحت ودها تستوعب الكلام ..أكيد ان الوليد موصي منصور بشي عشان انا ادري ...يالله يالوليد كل هذا عشان تعترف لي .؟
مسكت الجوال وأرسلت له
(هاااي الوليد الأغااني مرره حلوه والحل الصعب أعجبتي حيييييل مررره مشكور وحتى لمني أبروح احملها الحين من النت ...وليد مشكوووووووور مررره وكلك ذووق ...^_^)

 

[meen_ana]

<<بيت ام فيصل
تعمق ...كثير بالبحر هذا ...فكر لدرجة انه غاص لأعمق محيط فيه لقى انه يطلع بنفس النتيجه ...وكل ماغاص فيه أكثر لقاه مظلم ...صحيح اهو الآن متمرس بالبحر هذا وأكثر شخص يعرفه ويعرف كل طرقه وممراته ....لكن لأول مره يحس بالحيره قدامه ...حس انه مستحيل رح يوصل لنتيجه ...وان البحر العميق الكبير هذا ماااحد ممكن يوصل معاه او مايغرق فيه ...تعوذ من ابليس وطرد هالأفكار من باله ...أي غرق ..؟ اذا انا غرقت مره ماكررها مره ثانيه ....مااضعف ثانيه خلاص ...لازم أتخلص من هالشعور الميت بداخلي .... لازم أعطي غيري حقه ... ساره راحت ومات كلشي يعني ساره بقلب فيصل .....لاكن حتى مها لها الحق فيني ...مستحيل أقبلها ان مها تنتظر على حساب ساره ...آآآآآه من همك ياسااره ... ااخ ...قتلتيني حتى وانا مرتبط وبعدي عنك ؟

ام فيصل قطعت عليه تفكيره وحيرته: فيصل وشفيك؟ مسرح؟
فيصل: يمه مدري افكر بموضوع ملكتي
ام فيصل: حلو ؟.
فيصل: بس مدري متردد
ام فيصل: ليه ؟
فيصل: تعرفين ...مها اخاف ماتفهم موقفي أنا طولت عليهم يكفي اني أخرت الملكه كثير
ام فيصل: لالاماعليك مها بنت حلال وعقلها مب صغير فاهمه كلشي انا شارحته لها البنت مابتبيعك على طول
فيصل: يعني اتوكل يمه؟
ام فيصل: توكل ايه والله يوفقك
فيصل: وساره؟
ام فيصل: قسمه ونصيب ياولدي كلشي قسمه ونصيب مالك نصيب بساره الله يوفقك بغيرها
فيصل : اهي مستعده وموافقه ؟ يعني كلشي الحين متعلق فيني ؟
ام فيصل: ايه مها مخلصه
فيصل : والزواج؟
ام فيصل: عاد هذا بيدكم أنتم متى مابغيتوه حطوه ..
فيصل: مارح أخليه كبير ولاحتى الملكه
ام فيصل: اللي يريحكم انت بس شاور أبوها ومايصير اللا الخير ان شالله
فيصل: يمه أبيك تكلمينهم لو نخلي ملكتنا على الأسبوع الجاي
ام فيصل: ولايهمك صار ان شالله
فيصل: الله يخليك لي ولايحرمني منك يااغلى ام بها الدنيا
ام فيصل: ولايخليني من سندي فيصل
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::
نااااااايف وغلاااااااا
كان الوقت على قبل نصف الليل بشوي ...الجر رهييب هناك ...لايوصف ...كله مشااعر واحاسيس ...كان يمشي معها بين الممرات
نايف: غلا وين تبين تتعشين؟
غلا: مدري اللي يريحك
نايف : اووكي لحظه شوي
أخذ جواله وأتصل له اتصال اخذ له بالخمس دقايق وسكر
نايف: غلوو عندي لك مفاجأه بتعجبك
غلا ابتسمت له ...لف يده حول جسمها وقربها لجهته ..أعجبت برومنسيته ..وحنااانه ...
كانت لابسه فستان أحمر قصير ورافعه شعرها بتسريحه بسيطه ..وحاطه ميك أب خفيف مطلها ملاااك لاايوصف ..
اما نايف كان لابس بنطلون جينز فاتح وبلوزه مفتوحه من عند الصدر لونها أبيض ... انجنت عليييه غلااا
كان يهمس بأذنها بأحلى كلام انقال عن الحب مابقى من بيت شعر مااهدااها ...
حتى نايف مستغرب من نفسه مستحيل يشوفها مايعطيها كلمه حلووه ومهما سوى يحس انه مقصر ..بها الملاك البشري ...
استأذنها بيدخل محل
نايف: ادخل هنا واجيك انتظريني ثواني مارح أطول
غلا: اوك بس وش هذا المحل؟
نايف: اممممم اعلمك بعدين
دخل وطلع ومعاه كيس ... واهو يمشي معها قابله لبناني ..أخذ منه الكيس وراح كل هذا وغلا ماتدري وش الساالفه خلاها مثل الأطرش بالزفه

نايف: ودك نروح على البحر؟
غلا: أي مكان معاك بيطلع حلو
نايف كان يمشي معها وقربو لجهت الشاطئ ...كان الوقت على الغرووب ..الرمال الممتده ول العشب اللأخضر المغطي المكان ول ألوان البحر المنعكسه من السما ...الأصفر على الأحمر والأورنج ...المكان كان أشبه بالخيال من الحقيقه ....
كان ماسك أصابعها يلعب فيها اما اهي بس ودها تتخيل مكانها ول وجودها هاللحظه جنبه ..على طول تجي على بالها الأوقات اللي اشتاقت له فيها يوم كانت بالسعوديه .... تذكرت ياما انتظرت هاللحظه
نايف:غلوو وين رايح بالك؟
غلا: حبيبي اتعبني
نايف: ممكن اعرفه ول اتعرف عليه؟
غلا: بس كيف اعرفك عليه؟
نايف: اوصفي لي اياه
غلا: هذا الانساان ياماا وحشني وذبحني غلااه وشوقي له بس ...مشكلتي لايمكن أصدق اني اعيش بقربه حالات أحس انه من المستحيل ..والخياال ولايمكن يصير بالحقيقه
نايف: تحسين ان الوقت يمشي معه مثل الدقايق؟
غلا: واقل
نايف: شعور صعب لكن عذابه لذيذ
غلا: نايف مازلت أحس انه حلم مستحيل
نايف: شعوور متبادل
غلا: توني ادري ان اللي يصير بالقصص الأسطوريه وألف ليله وليله حقيقه ...أتخيلك الأمير اللي أخذ سندريلا
نايف: وانا اشوفك سندريلا اللي ااعجبت الأمير
شبك أصابعها بيده وابتسم لها
نايف: تدرين ياغلا أول ماشفتك حسيت أنك رح تكونين شي كبير ومهم بحياتي
غلا استحت : حتى انت يانايف
نايف: الصراحه من أول ماشفتك تعلقت فيك ...انتي أحلى بنات الكون هذا كله ..ماصدقت اني ممكن ألتقي بمثل هالجماال ...
غلا: الصراحه حتى أنا اكذب عليك ان قلت لك نايف كان مثله مثل الشخص العادي ..تعلقت بأخلاقك وفيك أكثر من غيرك......نايف تتوقع هذا كله ممكن يزول؟
نايف: مايبعدني عنك غير الموت غلا
غلا: الدنيا تفرق ان كننا قراب من بعض اليوم بكره يادوب نذكر أسماء بعض
نايف: غلا وش هالكلام؟
غلا: هذا اللي تعلمته من هالمدرسه الكبيره
نايف: لاتخلينها قاعده
غلا: اللي خلا الأخوان يفترقون والأصدقاء يختلفون والأقارب يتمشكلون يخلي .....
سد فمها وأشر لها بمعنى (لاتقولين هالكلام)
نايف: لاتكملين
غلا:..............
نايف: مايفرقني عنك غير الموت
غلا: دنيانا مافيها خير يانايف
نايف: الأمور مشيها بصالحك مو اهي اللي تمشيك
غلا : ان كان الكل ضدك
نايف: يكفيني ان غلا معاي
غلا طول سكوتها ..قامت تفكر بس ليه هالاحساس يطاردها .... ردت هالكلام كله بابتساامه حلووووووووه نايف ضاعت علوومه معاها
وقفت بعد ماكانت جالسه جنبه
غلا: ابروح اتمشى على البحر لأن الجو مايتفوت
راحت مشي على البيج ...الجو يسحر .... وشكلها طالع كيوووت ...
نايف طول الوقت قام يطالعها أخر شي قام يمازحها بالمويه واهي تهرب من عنده ... الين وقفت من التعب وملابسها من تحت كلها مويه ونايف نفس الشي
على طول تمددت على ساحة العشب الأخضر وجلس جنبها
غلا تضحك: اناابردها لك
نايف بضحك: الأيام بيننا
غلا: تعبت من الجري
نايف: جعتي؟ترانا ماتغدينا؟
غلا: عشا مره وحده
وقف ومد لها يده ... وشالها وراح يتمشى معها ويكلمها شوي يهمس بإذنها وتبتسم .....وصلو عند مكان قريب من البحر تماما
نايف : الحين ماابيك تفتحين غمضي عيونك
غلا: ليه؟
نايف: تشوفين الحين
غلا عقدت حواجبها واهي تطالعه ...شكلها ساحره اشعة الشمس البرتقاليه منعكسه على شعرها ومعطيته لون ذهبي ومغطيه لونها سمار أكثر ومخليها عيونها تلمع بشكل خيااالي
نايف ابتسم: غمضي وابتعرفين
حط يده على عيونها ودخلها وخلاها تمشي واهي ماتدري وين بيوديها
حست رجولها استقرت على مكان أقرب من الخشب وريحة العطر ماليه المكان وعلى أصوات الموسيقى الرمنسيه ...
غلا: أفتح عيوني؟
نايف بعد يده ...وفتحت علينها على طاولة أكل يغطيها المفرش الأحمروتنورها الأنوار الخاافته ... كان المكان داخل بخت كبير ... ول ريحة المكان المعطره
نايف: وش رايك بالمفاجأه
غلا منبهره: رهييب يانايف
راحت جهت الطاوله قربت منها أكثر كان فيه ألبوم وجنبه هداياا مغلفه بنفس اللون مابين الأحمر والبينك ..
كان متكتف وراها عاجبته حتى واهي منبهره
غلا لفت جهته وابتسمت له : احبببببك
نايف: أنا بعد أحبك ..أعجبتك المفاجأه ؟
غلا: روووعه
راحت على طول جهت الألبوم الموجود أكثر شي أثار فضولها ..أول صوره طاحت عليها يوم كانت جنبه بالملكه ..وبعدين صورها يوم كانت صغيره ...الجهه الثانيه كانت صورته معها يوم كانو بالسعوديه ...والباقي كله أيامهم الحلوه بألمانيا ..على البحر ول في أسواقهم ..ول جنب قصورهم ول بين غاباتهم وخضارهم ...
نايف: هذا اهداك لك
غلا: الله لايخليني منك
نايف: ولامنك
وقامويتبادلون أحلى كلام وكل واحد يعبر للثاني عن حبه بطريقته
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::
<<<<<<<<<<<في المستشفى طبعا لمى الحين لها يومين من ولدت .... عبدالله كان يزورها بين وقت وثاني ولايطول لأن الحريم اللي يجونها كثار
الساعه 4 العصر
عبدالله وتوه داخل عليها : السلام عليكم
لمى: وعليكم السلام هلا عبدالله ...وينك طولت من زمان انتظرك
عبدالله: موتقولين مرت تركي بتجيك ؟
لمى: لالاموالحين بتجي
عبدالله: وانا على بالي انها عندك
لمى: عبدالله الله يعافيك قل لهم يجيبون البنت مارضعتها
عبدالله: من شوي رايح هناك نايمه
لمى: معليه خلهم يجيبونها
عبدالله: اوكي
مسك التلفون واتصل عليهم ...
لمى كانت تتأمل فيه (ياربيه وش كثر انت فرحاان ياعبدالله الله لايحرمك منها ولايحرمها منك ... من زمان عن هالابتسامه ماشفتها منك ....)
دق جوالها
لمى: الو هلا
ساره: اهلين لمى شخبارك؟
لمى: الحمدلله وانتي ؟
ساره: تمام ..عندك أحد الحين ول نجي؟
لمى: لالامافيه غير عبدالله
ساره: ووش اخبار الحلوه؟
لمى: الحمدلله
ساره: اوكي اجل جايينك الحين
لمى: اوكي باي
ساره: باي

سكرت الجوال واهي تحطه على الطاوله عبدالله: مين؟
لمى: ساره تقول بنجيك الحين
دخلت النيرس عليهم تدف البنت من السرير ..عبدالله على طول شالها وقام يبوسها
لمى: يوه عبدالله خف عليها توها صغيره
عبدالله: باللهي هالملاك أنا اقدر أخليه ول اخف عليه ...واهو يحبب فيها ..ياعيوون ابوك انتي
لمى: لالاانا اغار كذا
عبدالله: هههههههههههه ياما غرت من فارس قبل ماتعبريني تقولين لاتقارن نفسك بفارس انت زوجي وفارس ولدي
لمى: وياسلام الدعوه رد اعتبار
عبدالله يضحك عليها: ههههههههههههههههه يعني أهدها؟ حرام والله مقدر أصبر
ويكمل يبوس بالبنت
لمى: انا ابخليك لأن اهلك بيجون الحين وراحمتك مارح تاخذ راحتك ول كان ماخليك
عبدالله: موووووووح!
شوي وقامت تبكي
لمى: ياربيه شفت وشلون هذي النهايه
عبدالله: لالايابابا لييه لالاخلاص ياماما خلاص ماتبكين .....لف جهت لمى ......يالله أجل الله لايهينك سكتيها
لمى: يكلمها كنها أم عشر سنين هههههههههه هاتها عنك
اخذتها وقامت ترضعها ... شوي ودخلو
ام محمد وابوعبدالله وديما وساره وريناد
ام محمد: السلام عليكم
عبدالله: وعليكم السلام
ابوعبدالله: مساكم الله بلخير
لمى: يمسيك بالنور خالي
ابوعبدالله واهو يجلس: وشخباركم ؟
لمى: الحمدلله
ابوعبدالله: لالااليوم شكلك أحسن من أمس كنتي تعبانه
ام محمد: وين الصغيره وشخبارها
لمى: ابد الحمدلله
ريناد من جهه ثانيه كانت تكلم عبدالله : لاياسلام وش شايفيني بزر؟
عبدالله: مافيه تشيلينها لأ
ريناد: تكفى عبدالله والله دقايق مارح تطيح
عبدالله: لاقلت لك لا بنتي موشغلك
ريناد: احسن من زينها وتعالو لي بعدين حطوها بالبيت وسافرو مثل أول
عبدالله: بعدين بتصير اختصاصك بس الحين تشيلينها انسي
ساره: اعطني اياها عبدالله
عبدالله مدها لساره
ساره شايلتها: يووه ماشاالله قمر طالعه على عمتها
عبدالله: لايشيخه
ساره: هههههههههههه ايه شفها نفس عيوني
عبدالله: قمر على امها مو عمتها
ريناد: تحطييييييييييم
ساره: اقول اسكت انت بس هذا جزاي اللي أمدح ببنتك
ديما اللي كانت تصب القهوه لأبو عبدالله
ابوعبدالله: لالاالله يعافيك خلاص
ديما مدته لأم محمد: خالتي ؟
ام محمد: الله يعافيك
عبدالله: يالله أجل استاذنكم
ابوعبدالله: بحفظ الله
ديما: اعطيني الصغيره
أخذت البنت وقامت تطالع فيها : يووه يالمى تشبه لك مررره
لمى: لاعاد أنا اقول كلها على ابوها
ديما: تقاطيع الوجه ماخذه من ابوها بس كلها عليك انتي
ريناد: ووش بتسمونها الحين؟
لمى: للحين ماحددنا شي أفكر بالجوهره
ساره: عاد عبدالله أخوي بيسمي الجوهره؟
لمى: هذا أخر كلام على انه وده بأسم غريب
ساره: يووه عاد عبدلله اخوي ذوقه بالأسماء مرره شييين
ديما: ههههههه ليه ووش يبي يعني؟
لمى: هديل ول عهود ول خلود هذا قبل والحين ناشب لي في أسم زان ول جل نار
ريناد مستغربه: جل نار؟؟؟؟؟؟؟؟؟
لمى: ههههههه ذوقه كذا شسوي به؟
الكل قام يضحك على الاسم
لمى: قلت له خلنا نسميها على المرحومه بلاجل نار وبلاخرابيط
ديما: طيب انتي وش ودك فيه
لمى: انا أي شي بس لايعقد بنتي مع هالأسماء
ريناد: تذكرون عبدالله أخوي اول ماجاه فارس وش كان بيسميه ؟
ساره معقده حواجبها: الاسم غريب بس ماذكره
ديما: وشو؟
لمى: كان يبي يزن ول المغيره ول القعقاع
ديما مستغربه : القعقاع؟
لمى: ههههههههههههههه
ساره: ماشفتي شي
ديما: يووه لامن جد غريب ذوقه كلها أسماء تاريخيه
لمى: ايه فارس انا مختاره الاسم ول لو عبدالله كان تعقدو عيالي في حياتهم

 

[meen_ana]

<<<في الاستراحه
محمد نايم وفيصل ونواف ومنصور والوليد كانو هناك
نواف: ايه وانت الصادق من زمان عن طلعات البر
الوليد: لاروقونا ..تونا خالصين من نايف وجلوي كل اسبوع للبر الحين تجوننا انتم
منصور:مالك اللا البر اقول اهجد بس وش يعني عاجبتك هالاستراحه
فيصل: متى نمشي طيب العزبه جاهزه؟
نواف:ايه افاا عليك بس
فيصل: بنفقدهم نايف وجلوي
منصور: جلوي بيجي يقول
فيصل: لااليوم انا مكلمه
منصور: اللا مكلم امي اليوم
فيصل: وأبوك؟
منصور: لاابوي بيقعد عند نايف هناك
فيصل: وشخباره الحين ماتحسن؟
منصور: لايقولون نفس كلشي ماتغير حتى الكليه لازم وقت عشان يتعود الجسم الشغله مطووله
الوليد: وجلوي متى بيجي؟
منصور: على مايلاقي حجز يمكن بيجي مع طيران البحرين مالقى حجز
نواف: ونايف طول هناك مب المفروض انه خلص دورته؟
منصور: لاباقي له شوي
نواف: الله يعينه هم زواج وابوه ودراسه
فيصل: ايه مضغووط مرره نايف
الوليد: المهم نرجع لمحور حديثنا البر مافيه
نواف: انا ابي اعرف انت وين تبي تروح؟
الوليد: الناس الحين تسافر تروح وتجي وانتم قاعدين بها الرياض مدري وش عاجبكم بحرها وبر ومابر ساافروو طيب
فيصل: لالامعلييش وراي ملكه وزواج ومصاريف تبووني افلس
منصور: خخخخخخخخخخخخ وشايل هم هالزواج من سنة عممي يارجال تزوج وفك عمرك
فيصل: هذيني الحين أمس كلمت أبوها بالموضوع
نواف: يعني خلاص بتعقلها وتتوكل؟
فيصل: ان شالله
الوليد: طيب متى حددتها؟
فيصل: على الاسبوع الجاي
منصور: ماكلمت أحد بها الموضوع أبد؟
فيصل: مابي الموضوع يتكلمون فيه العالم وااجد خلاص مكله بسيطه وانتهى الموضوع
نواف: ايه يشيخ افتك لاوجع اللا وجع الضرس ولاهم اللا هم العرس
فيصل: وانت الصادق اهي بس ملكه وبعدين كلشي بيهون
الوليد: طيب وزواجك متى ؟
فيصل: افكر اخليه بعد الملكه على طول بيوم أو يومين بس مااتوقع بيوافقون على حسب المداام
منصور:
ىواعيني ع المدام اللي من زماان انتظرناها
فيصل مبتسم بانهزاام للواقع : ماكل مايتمناه المرء يدركه
نواف: ايييه هذي دنياك مافيها خيير
الوليد: يالله وش قلتو وين بتروحون؟
نواف: لايالوليد مالنا اللا البر
الوليد: ااف ياشين البدو ان اشتغلت عروقهم
منصور: اقضب لساانك وكلن يرجع لأصله
الوليد: خخخخخخخخخخ !!

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::
<<<ألماااااااانياا
جلوي: يبه سم
ابونايف: سم الله عدوك ياولدي
جلوي:هاه يبه وش تحس به الحين؟
ابونايف: حاس بمراره
جلوي: انادي الدكتور؟
ابونايف: لالاماله داعي ارتاح
نايف وغلا توهم واصلين وطق الباب..ودخلو
نايف: مساك الله بالخير يابوي
ابونايف بلهفه: يميسك بالنور ياولدي
نايف: شخبارك الحين لالاوالله الوجه محلوو ومتغير يبه صحكتك عا العال
ابونايف: اييه خلاص ماعاد تنفع الصحه مع هالعمر
نايف: افاا عليك يبه توك شباب
ابونايف بضحك من زماان ماشافوه عياله عليه: الله يالشباب بس
غلا: وشلونك خالي؟ وشخبارك؟
ابونايف: وغلا موجوده ؟ سمي يابنتي ابد الحمدلله وشخبارك انتي مع نايف؟
غلا: تمام الحمدلله
ابونايف: عساك مرتاحه وانا ابوك
غلا: ايه الحمدلله
جلوي: نايف رحلة ابوي نأجلها ول لا؟
نايف: ودي انه يقعد هنا أحسن من انه يروح للسعوديه انت تقدر ترجع وتخليه عندي
جلوي: ودراستك نايف انا لو اضمن انك بتحرص كان رحت
نايف: قلت لك روح ويسهلها الله
جلوي: لأن خالد يقول مافيه حجز اللا على طيران البحرين الرحلات بعيده
نايف: رح انت على طيران البحرين لايفوتك وابوي خله هنا
جلوي: احجز خلاص؟
نايف: احجز ايه
غلا كانت جالسه جنبه تحاكيه وطبعا متغطيه من جلوي
شوي ودق جوالها
غلا: نايف الله يعافيك مد لي الشنطه شفها جنبك
نايف: اوكي
غلا واهي تطلع من الغرفه: الو ...ايه هلا ....أمااانه ؟...جدوالله؟؟؟. طيب جابت ايش؟......... الحمدلله مبرروك ......يحليله عبدالله عساه مبسوط؟....أيه اششوا .....وينهم انا ادق ماحد يرد علي ...أاها ؟...اي أي طيب...متى ؟....الحين.؟...الحين بالمستشفى عند خالي .....اوكي ..استناك ...اللا لحظه اسمعهم يتكلمون عن الرحله متى بنمشي؟.....أووكي ... باي

دخلت وقعدت شوي وجاهم خالد
خالد: مساكم الله بالخير
الكل: يمشيك بالنور
خالد: وشخبارك يابو نايف
ابونايف: الحمدلله وشعلومك انت ؟
خالد: ابد الستر ...
نايف: وكيف الصفقات والشغل؟
خالد: ابد ماشي الحال توني متعاقد معهم ومخلص
جلوي: ماشالله
خالد: يالله اجل استاذنكم الحين
جلوي: بدري
خالد: تعرف بكره بنمشي من بدري
نايف: متى بتروحون ؟
خالد: على الظهر ...ممكن أستلف غلا اليوم؟
نايف: ههههههههههههه
خالد: يالله ماودك تطلعين
غلا: طيب دقايق واطلع

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::

<<<<<<بالمستشفى
تركي وديما
الدكتور: الموضوع مو بيدنا هذي اشيا بالمغيبات لكن ان شالله مع الهرمونات والعلاجات
ديما: الى متى ؟
الدكتور: والله انا ماقدرر احدد حتى اذا ممكن بتجيب نتيجه ول لا لكن باذن الله الامر بيد الله
تركي: طيب وش الحبوب اللي تحذرها من استخدامها؟
الدكتور: فيه عندك حبوب الروؤكتين لاتاخذها باستمرار امممممم هذا اكثر شي وان شالله تجيب نتجيه اعلاجاتي وانا رح اكتب لكم كل الحبوب
ديما: بس لنا الحين ست شهور ماجابت نتيجه الأدويه يعني ممكن بعدين ول لا؟
الدكتور: بعضهم يقعدون بالعشرين سنه وتطلع النتيجه وبعضهم بثلاث شهور بس بعضهم ماتجيب نتيجه ابد
ديما: اهاااا
تركي: يالله اجل نمشي
ديما:اوكي
تركي واهو يصافحه : مع السلامه
الدكتور: بالتوفيق
واهم بالطريق
ديما: تتوقع انا من أي صنف
تركي: لاتتشائمين تفائلوبالخير تجدوه
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::
<<<<<بيت ام محمد

ان تطبخ بالمطبخ ومنشغله فجأه دخل عليها محمد
محمد فتح غطا القدر: الله وش الريحه الحلوه يام محمد
ام محمد: محمد وخر عن........
قطع عليها صوت الغطا يطيح
محمد: ااااخ حاار
ام محمد: كان مسكت شي وشلته مب علطول
محمد مسوي نفسه دلووع: يدي احترقت ياماامي ياااااااااااي
ام محمد: محمد وخر عن النار خلني اشتغل
محمد: طيب قولي بسم الله عليك شي دلعيني يمه
ام محمد: بسم الله عليك ماتشوف شر وش تبي اقول بعد؟
محمد: خخخخخخ ايه هذي ام محمد اللي تدلعني
ام محمد: خل الدلع على زوجتك
محمد: اللا على طاري الزواج ترا فيصل يقول انه بيقدم زواجه بعد الملكه علطول
ام محمد: يحليله فيصل ايه اللا تأخر ماخذ البنت
محمد: يمه ابي اتزوج
ام محمد: توك صغير
محمد: وتركي؟
ام محمد: تركي حبها وأخذها غيرك انت
محمد: مشوواار تبوني احب عشان اتزوج
ام محمد مبتسمه: ايه
محمد: طيب وان حبيت وتعذبت قلتو كمل دراسه الين ماتروح البنيه
ام محمد: لالاان حبيت اوعدك رح تتزوج علطوول
محمد مازال يلاحقها: يمه تكفين ملييت ابي اتزوج
ام محمد: حلا اهو ول لعبه ؟
محمد: يمه مابقى غيري افرحو فيني
ام محمد: قلنا لك توك صغير
محمد: لالايمه ابتزوج فيه ناس يبون يزوجوني
ام محمد: يامحمد حنااان واجعت راسي
محمد: ههههههههههههههه!! فديت روحي انا يمه والله اتكلم جد
ام محمد: ازعجتني محمد زواج توك صغيير
محمد: يوه هذا وانتي امي منزعجه اجل كيف ربعي
ام محمد: الله يصبرهم بس شف خالد اخوك هذاهو ماتزوج
محمد: والله عمي خالد الله يسلمه مسوي له شركه وموسع صدره ومن اجتماع لثاني هذا غير الرزق ماشالله وش يبي بالزواج اما انا منتف ياحسره بس اتشحذ
اام محمد: ويقول زوجوني
محمد: ابوي مب مقصر
ام محمد: ابوك يبيك تكمل دراستك اول
محمد: اف بس وش هالدنيا طيب دوري لي خلاص؟ أي زواج أي مناسبه روحي عشان تخطبين لحموودك
ام محمد: هههههههههههه ان شااااااااااالله
محمد طلع من المطبخ طفاان وماعنده شغل ... ودخل للصاله قابلته ريناد
محمد: تعاالي تعاالي انتي
ريناد: وش تبي؟
محمد: ابيك اخوك انا يوه ؟ ماتجين؟
ريناد: طيب اهد اللي بيدي واجيك
محمد: رنود ماتبين تتزوجين؟
ريناد: لا
محمد: افاا ليه
ريناد: اخااف تحسبنا مثلك تبي تتزوج وبس
محمد: ايه طبعا دوري لي يااختي حتى لو انها بزر مثلك بمشي اموري
ريناد: خخخخخ الحمدلله والشكر بعدين انا منيب صغيره ابدخل ثاني ثانوي
محمد: ايه طيب طيب ! وليه ماتبين تتزوجين؟
ريناد: بس ابي اصير بلحالي في البيت واتدلع على كيفي
محمد فااضي وماعنده ساالفه قام يفرك اصابعها : طيب ابي اتزوج يشيخه
ريناد تبعد يده : وخرر طيب انا شسوي لك اوجعت يدي
محمد: سوي لي حلا رنوده
ريناد: محمد يشينك ان صرت فاضي وبالك مروق
محمد: لاوالله ابي طبخ يدك
ريناد: هههههههههههه ماعرف اطبخ ولاابي اعرف
محمد: تعاالي وين رايحه؟
ريناد: وقتي ثمين
محمد: تعالي
ريناد واهي راجعه له: وشتبي
محمد: اجلسي جنبي
ريناد: وجلسنا
محمد: ابي اوديك للمطعم
ريناد: هيهيهي العب على غيري
محمد: شوفي جتني فكره تحل هالطفش عنني وعنك
ريناد: وشي؟
محمد: بس توافقين
ريناد: وشو اول
محمد: اوديك للمطعم بس كلشي على حسابك
ريناد: ياااسلااام؟
محمد: مطفر والله
ريناد: وانت من متى وانت جيبك ملياان
محمد: تعرفين خالد مب فيه ول ابوي بيعصب لأنني امس خلصت الفلوس
ريناد: عاد مشكلتك اذا انت تلعب بالفلوس وماتنعطى وجه
محمد: ريناد لازم تتعلمين فنون التدليع وتصيرن على اخوك
ريناد: نعم ؟؟ نعم؟؟ شوفو مين يتكلم
محمد: شفتي شلون انتي ماتدلعين ابد ... المفروظ يوم اقول لك ابي حلا تقولين من عيووني يوم اقول لك ابيك تعزميني تقولين ماطلبت شي ... مب تشوفين نفسك وترفعين لي خشيشتك القشرا ...وانا اخوك
ريناد: ليه بايعه فلووسي انا ؟ انت من يوم ماصار لك ذاك الموقف مع مشاعل وانت فاقد حنان
محمد: هههههههههه ذكيه اختي بس ماتعوضيني عن هالحنان اييه صيري زيها ذووق ... طيب حبيبتي انا ابعزمك وجيبي معاك كل من يعز عليك
ريناد: صديقاتي عاادي؟
محمد: ايه عاادي
ريناد: والله؟
محمد: احبذ انك تجيبين لي اشكال بنات مب صديقاتك اللي خبري الناطحه والنطيحه كنهم بوكيمون
ريناد: محمد لاسب !! مالك اللا البوكيمونات على قولتك
محمد: هههههههههههههه لالااجل هونت ابروح أنا وانتي بس
ريناد: توديني ؟ اوكي اروح معاك
محمد: البسي لك ثلاث دقايق ان ماجيتي ابروح
ريناد: قال ابدلعك قال ......طيب مارح اطول
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::
بعد ثلاث ايام
خلاص قرر فيصل الحين بيكمل نصف دينه توكل واعلنو ملكته ... جامعاه محمد ونواف ومنصور والوليد وتركي.... وخالاته ام محمد وام نايف .... طبعا البنات كلهم جو معاهم
::<<<<<<<ملكة فيصل
بعد ماوقعو على أوراق الملاك
ابومها: الف مبروك يافيصل
فيصل يسلم عليه: الله يبارك فيك خالي
كلهم قامو يسلمون عليه واحد ورا الثاني

 

[meen_ana]

من جهت الحريم
والناس كلهم يسلمون على بعض ويباركون لمها وامها وام فيصل
ساره وندى من بعيد
ساره: قهر !
ندى: والله انتي اللي ضيعتيه بيدينك
ساره: بس انا احلى منها
ندى: لامعليش البنت تجنن
ساره: بس مب أحلا منني
ندى: بس انها حلووه بنت عمته تصير
ساره: امممممم توقعتها أحلا من كذا
ندى: هههههههههه غايره يالله معليه
ساره: بتسلمين مارح أسلم عليها
ندى: اقول استحي على وجهك وقومي سلمي
من بعد ام محمد جايتهم
ام محمد: بنات وينكم تعالو اجلسو مع البنت استحو على وجيهكم
ساره: لامنيب رايحه
ام محمد: ساره
ندى: اوكي انا ابروح
ساره: وش يوديني ماخذه مكاني
ام محمد: رجعنا للسالفه القديمه
ساره من غير نفس: طيب طيب ابروح
ام محمد: بسرعه قدامي اشوف
راحت وسلمت عليها
ساره: مبروك
مها: الله يبارك فيك
ام محمد: هذي بنتي ساره
مها على طول لفت وركزت تطالعها ودها تشوف ذوق فيصل من زماان واهي تبي تشوفها اللي عذبته عذاااب طوويل اخذت نصف عمره واهو بعيد عنها (لاوالله البنت حلوه ..بس مغروووره وشايفه حالها مرره ... اوعدك أعوضك كلشي يافيصل ...والله ماتستاهل قلبه ..على انها جميله بس مغروره ومتكبره بزوود)
لاحظتها كانت جالسه على مكانها وداايخه وفيها النووم ولارقصت ولاتفاعلت مع الجو وكأنها بعزا مب ملكه .... استغربت دامها ماتبي فيصل ليه تحزن لما جا بيملك ...؟..
شوي ونادوها تدخل عند فيصل بالغرفه كانت لابسه فستان بيج ومطرز بالذهبي ماسكه بوكيه الورد الأحمر رافعه شعرها بتسريحه مطلعه ملامحها الهنديه الدقيقه ..
كانت منحررجه صح لكن مها وعدت نفسها انها تعوض فيصل ومستحيل تخليه يذكر ساره ويذكر ايامها
فيصل: مسالخير
مها: مسالورد
فيصل: كيفك مها؟
مها: الحمدلله شخبارك انت؟
فيصل: عاال العاال
مسك الهديه وفتحها لها كانت طقم ألماس مرره فخم وعلى ذوقه
مها: مشكور تسلم لي يافيصل
فيصل: الله لايحرمني من هالضحكه تستاهلين كم مها عندي
فيصل تم ينااظر فيها وكأنه أول مره ينولد ويفتح على الحيااة من جديد ..كانت جميله ملامحها هنديه خشم طويل وعيون وسيعه وسماارها محليها هذا غير شعرها الغجري ....اعجبتها واعجبها
اما فيصل الأبيضاني عريض شوي وطوويل واكثر مايميز فيصل خشمه الطويل
فيصل:: ايش الحلاوه اليوم؟ احلا ماخلق ربي ماشالله لايله اللا الله
مها: كله من ذوقك بعد قلبي
طيبك مكفي يابعد قلب مغليك
يكفي وجودك في حياتي مكفي
ليت العمر يهدى والله لاهديك
لحظاتي الحلوه واسكر ملفي
اعاهدك بالي خلق ماني مخليك
لين قلبي النابض احسه مطفي
اخذ الوعد مني بحبي اغطيك
وعدي واذا قلته تراني موفي
.................................................. ...........................
ساره: يوه يمه طول كل هذا عند زوجته؟
ام محمد: وشفيك انتي؟ مملكين تبينهم هنا عندنا؟
ساره: لابس مرره طولو قلنا الملكه صغيره
ام محمد: الملكه صغيره بس بيقعد معها خلاص زوجته رسمي الحين
ندى: اللا جد بيخلي الزواج قريب ول لا؟
ام محمد: لالاالبنت الظاهر ماتبي
ندى: اها
ساره: مستعجل مرره فيصل
شوق: اللا خالد متى بيجي ؟ لأن جلوي بيجي معاه
ندى: يقول على بكره بيوصلوون
شوق: يحليلها غلا طولت
مشاعل: اشتقنا لها والله لاهي ولاجلوي ولانايف
ريناد: وانتي الصادقه

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::
<<<<<<<<ألمانيا
جلوي: على وين؟
نايف: أبروح اسلم على غلا وخالد قبل لايروحون
جلوي: وبتمرني ول اروح معك؟
نايف يطالع بالساعه: تونا الحين على الرحله أبروح أسلم عليهم وبعدين ابجيكم بس انت جهز أغراضك وانا جايك
جلوي: طيب
ركب سيارته ودق على غلا على طول
نايف: الو هلا غلا
غلا: اهلييين صباح الخير نايف
نايف: صباح النور كيف اصبحتي؟
غلا: والله ماودي ارجع ايامي كانت مثل الأحلام هنا
نايف: ولااحتى انا ... غلوو متى بتروحون للمطار؟
غلا: مدري عن خالد أقوم فيه مب راضي يصحى على اني جهزت الأغراض وخلصت
نايف: طيب ابجيك انا الحين؟
غلا: الحين ؟
نايف: ايه
غلا: قريب ول بعيد؟
نايف: لاابمر المدرسه وابكلم المدرسين شوي وابجيكم يعني مو على طول رح اجي
غلا: اها اوكي استناك انا
نايف: اوكي سلام
غلا: باي
سكرت من عنده وعلى طول راحت بتغير شافت شكلها توها ماخذه شور ويبي لها وقت على بال ماتلبس
لبست بنطلون ابيض وبلوزه كاروهات ابيض وأسود ومن ايشارب لونه أبيض ومخطط بأسود على رقبتها ... جعدت شعرها وجففته بسرعه وحطت ميك أب خفيف على كحل وجلوس ووراحت تكمل تجهيز
دق تلفون خالد
مسكت الجوال : خالد خالد تكفى قوم فيه أحد يبيك بالتلفون
خالد: صرفيه
غلا: وش صرفيه خالد قووم
خالد: مانيب رايق لأحد اتركيني ورانا رحله
غلا: يووه خلاص ابرد ازعجني هاللي يتصل
غلا: الو
طلال: هلا ...خالد؟
غلا: لالامنيب خالد
طلال: اوكي طيب وين خالد؟
غلا: نايم الحين
طلال: اوكي ان قام قولي له يدق علي ظرووري
غلا: ان شالله
طلال: سلام
غلا: مع السلامه
خالد نايم: ميين؟
غلا: طلال يبيك ظروري
خالد: يووه اقول قفلي الجوال لايزعجني الحين
غلا: انا لله
قفلت الجوال ورمته على السرير وطلعت
شوي ودق جوالها
نايف: وينك انتتظرك تحت
غلا: اوكي جايتك الحين
نايف: باي
غلا: باي
نزلت تحت من مصعد الفندق الفخم تحت عند الريسبشن شافت نايف عند الباب الخارجي ينتظرها كان لابس بنطلون بني غاامق وبلوزته بيج عليها من فوق كتابات بالأحمر والبني على خفيف ...كان شعره مبلل توه ماخذ شاور ... لمحت جسمه من بعيد سحرها كان خياالي طووله وهيبته ول اكتافه وكانه لاعب جمباز ول سباح جسمه كان مرره رياضي ..ومحلي البدل عليه
غلا: اهلليييين
نايف لف على ورا وشافها: هلا هلا هلا والله
غلا صافحته وقربت من عنده تسلم عليه : كيفك ؟
نايف مسك يدها وقام يمشي معها: تماام كيفك انتي؟
غلا: ابد الحمدلله ...ماابي ارجع للسعوديه
نايف: ايييه والله ابفقدك لو انك ماجيتي كان مدري وش حالتي الحين
غلا: لالاهانت مابقى شي
واهو يمشي حجر لها عند زاويه وتم يطاالع فيها على رااحته ألوان الشمس انعكست على عيونها وشعرها خلت شكلها كنها دميه صغيره وده يلعب فيها
حست بيده حول اكتافها فجأه بوسه على خدها ...مسك لها يدها وقام يلعب بأصابعها وكأنه يقول لاتروح ياغلا
غلا مبتسمه له: والله والله رح اشتاق لك مووت
نايف: بتوحشيني مرت الأيام سريعه
غلا: مررره يشين السعوديه من غيرك
نايف: وياشين ألمانيا بدونك
شوي وسحب سوارتها وقام يطالع فيها ...ابتسم وبانت غميزاته عاد غلا هنا ترووح وطي
نايف: حلوه اسوارتك كان مكتوب عليها بالذهب .gala and nayf
غلا: والله؟ خذها منني لك ماتغلى
نايف واهو يلبسها : مافيه أمل تدخل انا عارف وقام يطالع بيدها مستغرب ...غلا ماتاكليين؟
غلا: ههههههههههه انا كذا عظامي رقيقه مرره
نايف بخبث: رقيقه أجل؟
غلا: أي
نايف مسك كتفها وعظها
غلا بضحك: ههههههههههههه نايف خلاص
نايف : يوجع داري صح؟
غلا: المشكله انك عارف
نايف: مافيه احد يعظك مايحبك خذيها منني
غلا: والله
نايف: والله...والله زوجتي وانا حر
غلا: هههههههههه ملابسك عاجبتني اليوم
نايف: عاد جلوي اخوي يقول لي مب مرره لاتروح لها بها البدله قلت عارف غلوو ذوقها زين
غلا: لالاماعليك حتى لو انها شينه جسمك رح يحليها
نايف قرب من عندها اكثر واكثر تسندت بالجدار ماعرفت تتحركت
قرب من عندها وقفت واهي نازله شوي ورجلينها الثنين ملصقتهم مع بعض وموقعهم بين رجوله
غلا منحرجه منه بس ماتبي تبين له
نايف واهو يحط السواره في جيبه اللي بالبلوزه
وماسك يدها باليد الثانيه
غلا: نايف لاتخليني أ......
شوي وشهقت ونزلت دمعه من عينها غمضت ولفت وجهها على الجهه الثانيه
نايف اكثر مايهزه دموع غلا مافيه شي يهزه كثرها
نايف: غلا تبكين؟
اعطته نظره حزينه : والله والله مااتحمل انك تطول خلاص مابي ارجع للسعوديه وانت مو معي
حست بيده رفعت راسها ومسحت دمعتها مد لها منديل وتم يطالع فيها بهدووء
نايف: وانا ماارضى لنفسي اخذك وانا اقل مستوى ومن غير شهاده حتى
غلا: بس
نايف: نصبر مو الدنيا علمتنا كذا؟ ...انا والله بس ابوي ان شالله يطيب ويقوم بالسلامه أخذ شهادتي وأرجع للسعوديه أبقى لك طول العمر
غلا:.............
نايف ابتسم وبانت أحلللى غميزات : حبيبي مافيه شي يستاهل تنام وخاطرك زعلان
ولابه شي يستاهل تنام وقلبك بعاني
غلا ابتسمت له: والله والله رح اشتاق لك
نايف يهمس: وانا اكثر والله
غلا: احبك
نايف قرب وطبع على جبهتها احلى بووسه
غلا: مارح انسا كل المواقف الحلوه وشريط الذكريات اللي كان بيننا هنا
نايف: اعوضك باللي احسن منه
غلا: الله يشفي ابو نايف ويرجع لي نايف
نايف: ويخلي لي غلا ولايحرمني منها ولايبعدني عنها شي
غلا: بااي نايف
نايف: انتبهي على نفسك
غلا: قبل لااروح حبيت أسألك عن اختبارك
نايف: مابقى تقريبا غير اختبارين واخلص توني مخلص الأول
غلا: عسى الدرجات حلوه؟
نايف: والله لك عليها
غلا: شد حيلك وربي يوفقك
نايف: ان شاااااااااااااااااالله
لحقها الين ماوصلها عند باب الغرفه شاف خالد معاه الشناط ويدفونها له
خالد: هلاااااااايبو سعود
نايف: هلاوالله خالد شخبارك؟
خالد: ابد الحمدلله وانت وشلونك وشخبار الوالد؟
نايف: بخير الله يسلمك وشخبار الصفقات والتجااره معاك؟
خالد: الحمدلله ربنا كريم
نايف: يالله اجل وحط بالك على غلا تراها (غمز له) عاد انت افهمها
خالد: ههههههههههه فاهم عليك
نايف: حلوو ...أروح الحين لاأتأخر على جلوي قلت له اني ابوصله للمطار
خالد: يالله اجل انتظركم هناك
نايف: ان شالله مع السلامه
خالد: مع السلامه
.................................................. ..............
طلع وسريع دخل للمستشفى قابل جلوي عند الباب
نايف: تأخرت؟
جلوي: لا
نايف: وشفيك؟
جلوي: ابوي تعبان
نايف : اماانه وينه ؟
جلوي: تعب ووأخذوه الحين لعنايه ... سكره ارتفع والكلى تضررت
نايف بضيق: افااا
جلوي: الله يساعده
نايف: وماطلعو من عنده؟
جلوي: لاللحين له الحين نصف ساعه داخل
نايف: اخ ليتني كنت موجود
جلوي: يالله الله يعينه نايف ماوصيك بأبوي
نايف: توصيني على نفسي ؟
جلوي: حط بالك هذا واجبي والمفروظ اقوله
نايف: توصيني وانا اخاف عليه اكثر من نفسي
جلوي: ودراستك نايف كمل اختباراتك على الأقل ولاتترك الهدف اللي انت جاي عشانه
نايف: ماتهمني كثر ابوي
جلوي: بس مو يعني تسحب
نايف: ماعلينا الحين المهم أبوي
جلوي: سألت الدكتور قال لي بعد كذا ساعه على بال مايرتاح بيطلعونه
نايف: يقوم بالسلامه الحين خلني اوديك عشان لاتتأخر وأرجع له بسرعه
جلوي: قداااام

 

[meen_ana]

<<<<<<<<<<<<<<بعد مرور اسبووع كامل
فيصل انولد من جديد وبدا ينتعش قلبه واحساسه ويرجع فيصل العاطفي الحساس مب المحطم ... المكسوور .. مها حاولت بقد ماتقدر تعووضه عن الأيام اللي راحت وكأنها تعرفه من زمان ماتفاتحه بموضوع ساره أكيد لكن تحاول تنسيه وتلفت لها انتباهه ... فيصل صحيح خلاص نسى كابوس ساره ... وقلبه ظل بحالة هدووء وبروود مايملاه أحد لكن اتوقع ان ماحد بيقدر يستاهله غير مها ... كان وده عرفها واخذها من زمااان لأن نفسيته تغيرت وحياته صارت مثل الخياال واهو معها ... عرف ان اليأس مصيره بيرميه ويتركه بين أسوار الظلام والحل الوحيد ان الواحد يواجه ويغير من داخله عشان يتغير كل شي حوله

ساره....اللي استبشرت كثير من بعد خبر طلاقها من سعد ... وضيق عليها فكرة زواج فيصل ولد خالتها كثر ندمها لكن كل اللي تذكرته فيصل يوم يجي يشوفها بيوم زواجها .... حاولت تكبر بعين نفسها على الأقل وصارت تشارك في جمعيات خيريه وتحفيظ قرآن ...مالها غير ربها ...وأخرتها ...الأيام الصعبه القويه اللي مرت فيها علمتها كثير علمتها اللي ماقرته او حفظته بدراستها ...

تركي وديما ..بدت الدنيا تحاول تفرقهم لكن حبه لها أكبر من كذاا واكبر من سالفى عيال وظنا تركي ألوم ماعليه كانت ديما مااخفي عليكم وش كثر يتمنى العياال لكن القضاء والقدر يربطها في اللي يصير ...ولايفكر بحل غير العلااج كان يحاول يعالجها ويسأل عن اشيا تنفع ..وحتى ولو ماجابت له عيال يكفيه انها بقربه ... مايبي عيال من غير ديما مستحيل !!
اما ديما خوف وحرص عليه لأن أكيد مع الوقت رح يمل ومافيه احد مايبي عيال فكرت في ابوه وفي اهله اوكي اذا تركي راضي اهله مارح يسكتون واهم بعد يبون العيال ... حرام تحرمهم كلهم !! بها الطريقه بتصير مشاكل بينه وبين اهله وهذا اللي خايفه منه .... تدري اهي وش كثر تركي يحبها واهي اكثر منه وموتها انها تشوف من تشاركها فيه لكـــــــــن !! بدته على نفسها مين بيشيل اسمه بكره اذا تم يقول أنا مايهمني غيرك .؟؟... كل افكارها الحين انها تدور له وتخطب له ولو كان فيه موتها

الوليد وريناد ...الحب البريئ والقوي اللي يبدا من ريعان شبابهم ... كان حبه لها يزيد يوم بعد الثاني ... كل ماحاول يعترف يخاف يتحطم ...اعتمد على اسلوب التلميحات عل وعسى تفهم ..يعجبه فيها برائتها وجمالها واخلاقها وذووقها الرفيع ... الوليد مثل الورده اللي تكبر يوم بعد الثاني يزيد حبه لها والموضوع ماصبح بيده ابد
أما ريناد اللي شكت وشوي وتتيقن من الموضوع لكن ماحبت تبين له هالشي وبيني وبينكم حتى ريناد صارت تميل للوليد من غير ماتحس بنفسها .. ولاتحب تفكر بها الموضوع عشان لاتطيح بالحفره اللي مابتقدر تطلع منها

خالد والبتول ... عشقها له كبير صح وحاولت يمين يسار تتعرف على خالد ومين خالد اللي كل الرياض تتكلم عنه وانا اعرفك من يوم كنت صغير؟.... ودها تدري وش اللي بقلبه .؟. ملامحه الجامده البارده هذي شوي وتذبحها ..لكن بالها طوووويل ومستعده تسوي أي شي المهم ان خالد توصل له ولو اخر شي تسويه بحياتها

عبدالله ولمى........ حياة من جديد بعد ماطال الهلاك ...والظلام طول ...اشرقت شمسهم ... وانولدو من جديد ... فارس ظناهم ماحد بيعوض مكانه ...لكن الله رحيم وعوضهم ...بغير فارس ... بنتهم الجوهره اللي خلت للحياة لون وطعم جديد الله لايحرمهم منها

نايف وغلا ...... حب أسطوري ... خالد .مايزعزه لاطول غياب ولاظروف عنيده ...كان مثل التوأم لها مرتبطه فيه بأشرف واقوى علاقه ممكن تربط بين اثنين ... غلا حاولت تبين له انه كل شي بالنسبه لها وان قلبها مثل الورده اللي تحترق ان ابعد عنها وتذبل ... وتشوفه وينتعش من جديد ..ماحاولت تخفي عنه أي شعور بقلبها له وهذا اللي خلا علاقته فيها كبيره وقويه ... اصبح يبادلها ولايخفي عنها أي شي بيخبيه عنها ...غلا الوحيده اللي قدرت تاخذ مشاعره ..وتتملكها ... الكل مستغرب !! حتى نايف ماتوقع انه ممكن بيكون عاطفي لها الحد ... يمكن غلا اللي قدرت تغيره لإنسان عااطفي جدا ويعبر عن مشاعره بكل سهوله لأنها مبينت له هالشي ويعاملون بعض بنفس الأسلوب وعنده غلا الوحيده اللي بتستاهله وتستاهل حنااانه ... فداء لها الحب والمشاعر النبيله لازم تشوفه مثل ماتمنته وبقد مستواها ... لازم تشوفه نايف الكبير اللي بيعزها وبيعز عيالها وعياله ...ايه نايف من واجبه انه يرفع راسها ويخليها تفتخر فيه ..هذا حقها عليه اللي لازم بينفذه ....وهذا الشي الوحيد .اللي يصبره على غربته ..
ابونايف..اللي حالته الصحيه كل مالها وتزيد وتصعب أكثر ....ويتعب نفسية نايف معاه لدرجة انه ماصار يحظر محاظرات أو دروس يختبر ويطلع ويرجع عند أبوه ايه كان عند أبوه طول الوقت .

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::::::::
<<<<<<<<<<<<في الشركه
كان طلال داخل على خالد في مكتبه
طلال : ايه وبعد ووش قالو؟
خالد: ابد بس بيرسلون لي الأوراق بالفااكس وسلمت المبلغ
طلال: حلو الله يكتب اللي فيه الخير
خالد: امين
طلال: ايه وبعد علمني وش سويت هناك؟
خالد: ابد بس اللي قلت لك
طلال: طولت
خالد: مالقيت حجز جيت بطيران البحرين
طلال: اها اللا ماقلت لي وش صار على سالفة سلمان؟
خالد: ياذا الواسطات قولو لهم خالد مايتعامل بالواسطه
طلال: بس قويه اللي ماتوظفه
خالد: ان اجتهد وحصل اعطيته حاله حال غيره وش فرق سلمان يعني؟
طلال: مدري براحتك
خالد: ووين نواف اليوم مااشوفه؟
طلال: ماخذ اجازه يقول عنده زواج بالشرقيه
خالد: اهاا
طلال مبتسم: خلوود اللا نسيت اقول لك
خالد: وش فيه بعد؟
طلال: امي لقت لي بنت الحلال
خالد: لاعاد؟
طلال: والله
خالد: ماااشاااللله ومن متى ؟ وكيف ووشلون وتوك تقول لي؟
طلال: انا كنت ابفاجئك
خالد: وخطبتها؟
طلال: لا للحين ماصار شي ..الفال لك انت
خالد: اقول فكنا من وجع الراس
طلال: اااااخ بس لو اتزوج ياخالد
خالد: خخخخخخخ الله يرحم حالك انت
طلال: والله جد خالد متى رح تتزوج تراك بتكبر والبنات مابياخذون شياب
خالد: عزوبي طول عمري
طلال: ولنفسك عليك حق
خالد: والله ومن حقها علي اني افكها من المشاكل وبيني وبينك (يغمز) مرتاح كذا
طلال: ومين بيخلف أملاكك بعدك مافكرت؟
خالد: املاكي تروح للتبرعات ول اخواني واهلي والباقي لك انت وعيالك
طلال: الله يصلحك بس
خالد يشرب بكوب الكبتشينو اللي عنده: وان شالله ناوي تملك بدري ان مشت امورك؟
طلال: والله للحين مابعد شفتها ابي اشوفها قبل
خالد: ياخوفي تنصدم بس على هالفرح
طلال: فالك ماقبلناه
خالد: هههههههههههههه امزح ..منهي تعيسة الحظ منهي بنته ماقلت لي ؟
طلال: مسكين ان شافني ابوها حلف علي انه يزوجني
خالد: روقنا ماقلت لي منهي؟
طلال: تعرفها انت
خالد: اقول تكفى مسوي لي حماس خلصني
طلال: نواف اهو اللي متحمس ويبيني لها
خالد: يارجال خلصني
طلال: ههههههههه البتول بنت راشد اللي تصير اخته من امه
خالد شرق بالكبتشينو وقام يكح
طلال: اوف سلامات
خالد شرب له كاس مويه ولف عليه باهتمام استغربه طلال: قصدك اللي تجي هنا تستلج علينا وتعيب على اجهزت الشركه؟
طلال: اييه
خالد: بنت جارنا راشد؟
طلال: ايه
خالد: لاعاد؟
طلال: امي تعرفها شافتها وبتخطبني لها
خالد هنا حس دمه كله متجمع بعروقه صحيح مايبي يتزوج ولايفكر اصلن وفرحان لطلال بس ماتوقع انها البتول ولا مايبي احد ياخذها حاط له حساب انه اذا ممكن بيتزوج مارح ياخذ غير البتول جميله مافيه اجمل منها
طلال: وشفيك مسرح؟
خالد ببرود: لابس ماتوقعت انها هي
طلال: اها
خالد: ومتى الخطوبه والشوفه؟
طلال: اليوم ان شالله
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::::::::::
<<<<<<<<بيت ابوعبدالله
تركي: المكيف مب كنه حار؟
ديما: اللا يعني شوي
غلا: وش يعني بتصلحه مثلا؟
تركي: ليه طايح من عينك أنا؟ ايه اصلحه
غلا وديما: ههههههههههههههه
ساره: تركي تكفى اليوم طلعنا من زماااااان عن الطلعاات
تركي: وين محمد؟
ساره: تكفى يامحمد اللي بيعطيني وجه اصلن راح بيودي ريناد لبيت خالتي ام نايف
تركي: اشوف مطيح عندهم هناك لااهو ولااخته؟واكيد غلا بالطريق بس خله يجي نايف يفكنا منها
غلا منحرجه : دب ..اسكت بس ماعلينا المهم طلعنا
تركي كان موقف على الكنب يتحسس هوا المكيف: اووكي وين تبون أوديكم؟
ساره: أول شي انزل من الكنب لاينكسر لأنك صاير دب ماشالله والشي الثاني المكيف لايشفطك مالنا خلق مشاكل
غلا: ههههههههههههه اجل تخيلي يشفطه المكيف وين ظاطور وانا مدري
تركي ماهمه من الكلام غير انها قالت انه سامن: أنا دب؟
غلا: لابس غير عن أول كنت عصاقييل
ساره: ايه
تركي: والله ديما الله يهداها ماخلتني بحالي
ديما: هههههههههههههه والله ووش ذنبي أنا؟
تركي: مدري يقولون ان تزوجت زاد وزنك عاد انتي خبيرة فيزيا وأدرى بها الأشيا
ديما: لاوالله ؟ احلف وش دخل الفيزيا ؟
تركي: هههههههههههههههههه
غلا: خلونا نرجع لمحور حديثنا وودنا لكوفي على الأقل
تركي: لالاوش تسوون بكوفي اروح أطق مشوار بها الزحمه عشان كوب قهوه؟
ساره: اقول ديما انتي وشلون عايشه مع هالخبل
ديما: احتسب الأجر
الكل قام يضحك
تركي: والله حريم مايندرى عنكم اليوم كلام وبكره كلام ثاني
ساره: المهم بتودينا ؟
تركي: مدري عنكم دورو لي مكان أحسن
ساره تمزح: اللا تركي بمناسبة مهرجان الزهور ومدري ايش ورا ماتروح مع ديما لذاك الشارع
تركي: أي شارع ؟ ووش فيه؟
غلا: مدري يقولون قريب يم حق الحوامل
تركي: وطيب وش اروح أسوي بشارع؟
ساره: ورد يبعون ورد وغير كذا زارعين المكان
تركي: روقينا انتي وياها وش اروح أتفرج على ورده خبل أنا؟
غلا: يووه الله يعينك على نفسك خذ الموضوع بوناسه ورمنسيه
تركي: لالاالله يعافيكم دورو لي صرفه ثانيه أحسن قالو ورد قالو مالقيتو اللا تركي
غلا: يووه ديووم الله يعينك عليه
تركي قام يطاالعها ينتظر ردها
ساره همست لديما: دلعيه عشان يودينا الحين
ديما: تتحديني أخليه يفز للسياره بدون ولاكلمه؟
ساره: اتحداك
ديما مبتسمه: ابشري بس ترا بسوي نفسه ماتاثر
ساره: سعودي شدعوه عارفين حركاته
تركي: انتهت الجلسه ؟ ول عندكم أسرار زياده
ساره: يالقفك انت بعد ....ديما من جد الله يعينك على هالمهبول
ديما: فديت هباله ورجته أنا
غلا: وملقوف بعد يعني مافيه أي صفه تنهضم
ديما: لالاعاد هذا حبيبي لو فيه عيوب الدنيا اشوفها على تروك حلوه
تركي خق معاها على انه حاس ان ساره مخربه شي بس ولو ماقدر يتحمل وحاول يسوي نفسه طبيعي وممشيه مثل أي كلام
ساره قاهرها ماقال ولاكلمه
غلا: يالله تركي بتطلعنا؟
تركي: لا
ديما: يووه ترووك !! عشان خاطري
تركي قام يطالع فيها وشوي وقام يصرف حط عينه على الالماس اللي لابسته : اللا ماقلتي لي هالطقم من متى شاريته
ديما: هذا اللي من أبوي وريتك اياه
تركي: طالع عليك حلو
ساره : تركي بتتغزل في البنت اجل حركاتك للبيت ماصارت حاله هذي
تركي: نعم؟؟ انا الملقوف ول انتي الحين ؟
ساره: انا الملقوفه بس طلعنا
تركي واهو توه بيقول لها لا
ديما بس حركت شفايفها عشان يقراها : تركي فديتك عشاني
تركي وقف : يالله استعدو أنتظركم أنا
غلا: والله ؟
تركي يقلد صوتها: والله
ديما: خخخخخخخخخخخخخخخخخ
ساره: مابغيت
تركي: ترا ابهون أنا ناوي امشي ديما بلحالها بس عشانها ول مب لسواد عيونك انتي وياغلا
ساره: عن وجههي شاف نفسه علي لأنه بيطلعني

غلا: هذا صوت خالد شكله جا
ساره تطالع الساعه: ايه اللا غريبه تأخر اليوم بالشركه
تركي: ديما تغطي بيدخل خالد
غلا: شوف بننتظرك بالسياره على بال ماتسلم على خالد
تركي: طيب مارح اطول
تركي :السلام عليكم
خالد بضيقه: وعليكم السلام
تركي: وشخبارك ووشلونك؟
خالد: ابد الحمدلله بشرني عنك؟
تركي: الحمدلله بخير..وشفيك شكلك تعبان ويقولون متأخر بالشركه
خالد: تعبان شوي ..وين بتروح؟
تركي:ابطلع البنات غلا وساره يبون يطلعون

راح عن تركي ودخل للسياره ووداهم كوفي وشارع الورد والسوق ومابقى من مكان ماراحو له
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::
<<<<<ألمانيا
أبو نايف زادت حالته كل يوم عن الثاني بتطورات مفاجئه وسريعه ... نايف كل اللي بيده انه على الأقل يترك دراسته هالوقت ويجلس عند أبوه ..وهذا اقل شي ممكن يسويه بحق ابوه ...أما ابونايف اللي كان بالعنايه المشدده عندهم لحد ماتتحسن حالته
دخل للغرفه لابس الكمامات والملابس الخاصه لأن هالمكان مب أي احد ممكن يدخله
شاف ابوه اللي متغير من بعد سفرته لألمانيا وجهه الشاحب .. وعيونه الكفيفه ..مايقدر يحرك رجوله ....الشيب اللي ملاراسه ... ول الدنيا اللي اهلكته ..والعمر الطويل اللي عاشه وخلا منه رجل مسن ضعيف ....
نايف من وعى على الدنيا وهذا اهو ابوه ...ماقدر شاف أبوه بصحته اللا من يوم ماكان صغير عمره تحت العشر سنوات ...وكان دايم يذكر شكله وصحته وكيف كان ....
واهو جالس يشوف ابوه اللي كان نايم وتعباان مرت عليه ذكريات كثيره عليه ....
الدله اللي كانت بالمجلس ...ول مجلسه ومكانه اللي مستحيل يكون فاضي ...دايم ملياان ...ضيوفه كثار ..حتى وابونايف بالمستشفى يجون يشوفون أبوه ..نايف ماعزه شي كثر سمعت أبوه بين القبايل وقبيلته بالأصل ... ابوه كان كلشي لنايف ونايف أقرب شي لأبوه ...
اول ماجا على باله هالذكرى ..كان تقريبا بثالث ابتدائي وأبو نايف مابعد يهرم ويكبر كثير
نايف واهو جاي يبكي من المدرسه
نايف بدموع طفوووليه كلها برائه: يبه
ابونايف: هلا هلا بولدي هلا بنايف جيت من المدرسه؟
نايف يشهق: ايه طلعت أبوي محمد ولد الجيران ضيع لي الحمام اللي صدته أمس
ابونايف: افاا ضاع الحمام حقك؟
نايف يشهق : ايه ابوي انا ماحبه بس كل انا اللي اعطيه واهو يضيع ومايعطيني دايم كذا محمد
ابونايف: وانت وش سويت ؟
نايف: زعلت عليه كنت بطقه بس اخاف يعلم ابوه ويسوي لي سالفه
ابونايف: تسامح منك؟
نايف يشهق بعدين حرك راسه وبعدين نطق: ايه
ابونايف شاف دموعه الهماايل وكلها دموع قهر طالع عزيز نفس على ابوك يانايف ... ابستم له ببساطة وجهه وملامحه المعهوده ..ومسح له دمعته
ابونايف: انت سامحته؟
نايف: لالاانا مانيب مسامحه
ابونايف:ليه ؟
نايف: لأنه ضيع الحمام اللي انا صدته أمس
ابونايف: نايف ...خل قلبك كبير وطيب ياولدي الدنيا ماتسوى ..كلنا بنروح بها التراب ومارح يبقى غير ذكرنا خلهم يقولون نايف كان متسامح عقله كبير وان زعلت ازعل على الاشيا اللي لها وزن وقيمه ... دنيانا هذي بس ممر بنمر فيه اليوم بكره بينسونا اللي فيه وبتخوننا حتى ترابها ... ياولدي خل تفكيرك اكبر من هالأمور
ابونايف عارف ان الكلام كبير وأكبر من نايف لكن الدرس هذا رح يستوعبه بوقت من الأوقااات..................
تذكر صوت بكيه واهو صغير يشبه بالضبط صوت آلامه ... صورت الطفل الصغير اللي يصرخ بجوفه مازالت .... ومتى بعيش هالطفل واهو يشوفك يالوالد بها الحال ؟؟... علمتني دروس بالتسامح بس ...ماقلت لي كيف ابقدر أسامح هالدنيا اللي بتاخذك عن عيوني يايبه .... جعلي ازور اللحد قبلك ولاتزوره ...
حرك ابوه يده نايف على طول ضم يده بين يدينه ...ويترقب ابوه اللي شكله على وشك يقوم جلس فتره ..وبعدين حاول يكلمه
نايف: يبه؟
ابونايف بتعب: هلا هلا ولدي
نايف: وش تحس به ؟ وشخبارك أحسن ان شالله
ابونايف: الله كريم ياولدي ربك رحيم
نايف: والنعم بالله
ابونايف: وينك مارحت لمدرستك اليوم؟
نايف جلس فتره سااكت
ابونايف: نايف؟
نايف: ايه جنبك يبه
ابونايف: مارحت؟
نايف: لالامارحت
ابونايف: وليه؟
نايف: ماعندي محاظرات اليوم
ابونايف بلهجة مختلفه: ولدي يانايف
نايف: سم طال عمرك سم يبه
ابونايف: ابطلبك
نايف: افااا عليك بس تامرني أنت سم وش بغيت
ابونايف: هالكلام أبيك تحفظه وتنفذه من بعدي ياولدي
نايف حس جسمه كش ودمه تجمع بعروقه من طريقة أبوه : عسى عمرك طويل يبه
ابونايف: يعلم الله ياولدي وش كثر أنا راضي عنك رضى تاام ...رااضي عنك ياولدي الله يوريك الخير بعيالك ويرضا لي عليك
نايف بعد ماارتاح شوي من كلام أبوه وماعرف بايش يرد كل اللي يبيه ان ابوه الحين يكمل :
ابونايف: ماوصيك على امك واخواتك واخوانك مشاعل والوليد ......
نايف: بعيوني كلهم يبه ..لاتحاتي ..ارتاح ..انت توصيني على اهلي
ابونايف: والله اني مخلف ذيب بيخلفني من بعدي ... ولدي يانايف الأرواح بيد رب العالمين وكلنا مصيرنا مثل التراب واحقر ...الدنيا ملعونه لاعنها الله بالكتاب ... الدنيا ماتستاهل من يضيق عشانها ياولدي الدنيا هذي بنحاسب عليها وبس ....
نايف حس انه يبي يعلمه انه مايكتئب بخبر وفات أبووه ماحب يتكلم من كثر ماهو مصدوم ووده يستوعب وياخذ من ابوه أكثر قلبه قام يرجف من الكلام ..
ابونايف: ادري اني حملتك اللي كان أثقل من ظهرك ... كنت صغير ماعشت شبابك مثل غيرك.. كل امور البيت انت اللي ماسكها الحين انت تزوجت ومازلت ماافتكيت من همي انا
نايف: يبه انا بايع كلشي عشانك يبه ...
ابونايف : ماوصيك على صلاتك وهذي الوصيه اللي انقلها من بعد أبوي لك يانايف ...احرص على حق ربك وعلى صلاتك وعبادتك خلها دنيااك اللي مستحيل بتتركها..
نايف انا ابي اروح واخلف بعدي سبع ولاكل السبعان أبي اللي اشوف نفسي فيه ..ابيك نايف اللي الناس تطلبه ..كل الناس تعرفه أبي اسمك وصوتك عند كل الناس ..ابيك تكون للناس مب الناس لك ... وانا والله شاهد انك الوحيد اللي اشوف فيه هالكلام .....
ياولدي العز والرفعه لاهو بشرف ولابحسب ولابنسب ..الفلوس مصيرها تروح .. والعمر يفنى يوم ورى الثاني ومايبقى غير الدين وكرم الأخلاق وهذا اللي ربيت ولدي عليه ..وعلمته عليه ... انا ادري وحاس ان الكلام قوي عليك بس اخاف يفوت الوقت وانا كلام كثير ابي اقول ماقلته
نايف ودمعته متحجره بعيونه ... وده يقوم وده بأنه حلم ... لكن ..لكن ..لازم يرضخ لمصير ابوه المحتوم
نايف: يبه يابعد عمر طويل يبه نايف اللي انت ربيته وشفت نفسك فيه ماخذ كل النبايل منك يايبه ...كل ماربيتني عليه مايتغير ..ولاحتى لو ...يــ..كــ..ون ..غــ...يــ.......ابــ...ك
ابونايف: والنعم والنعم بالخلف ...يشهد االله اني ماربيت اللا سبع
شوي وقام يكح أبوه بقووه ونايف حاول يهديه ويعطيه مويه الين مااستقرت حالته شوي حس بأبوه وده بكلام يقوله
ابونايف بتعب: نايف ... هذا ماعلمت فيه اللا انت لأنك انا وانا انت ...وصيتي ..اللي كاتب فيها أملاكي وموزعها عليكم ...بتلقاها في الصندوق الموجود بالدرج حققي ومفتاحه عند أمك ...بعد ما ...(وجته نوبة التعب من جديد)
نايف يحاول يجلسه عشان لاينكتم ...
نايف: يبه ارتااح ابوي ريح الحين
ابونايف بتعب قام يدعي : يارب ياكريم عفوك ورضاك يارحم الراحمين
نايف دايم ان شاف أبوه قام يدعي يعرف انه يحاول يهدي نفسه بلحاله رجع لمكانه وتم ساكت وباله متضااااااااااااايق
ابونايف: ماابي الفلوس أكبر همكم ..والمشاكل تصير من بعدي عشان الفلوس والورث أبي عيالي أكبر من كذا ... اكبر من فلوس ودنيا لأن دنيانا ملعونه وانا ابوك
نايف: تربية سعود ابونايف ... !يابوي المشاكل مارح تصير بين اعيال ابونايف تطمن
ابونايف: ريحتني الله يرضالي عليك
شوي وجس فتره سااكت دقايق واهو نايم
نايف جلس عند ابوه الين مانام ..قرا عليه سورة يوسف ..وطلع من المكان يسحب رجوله يفكر بكلام أبوه ..كلكم تعرفون وش كبر همه ..أبوي يجي يقول لي انا موتي قريب وأحسه قرب ويعطيني وصيته واملاكه ..
وش كبر همك الحين يانايف ...مين ممكن يتحمل الجبال اللي انت شايلها

 

[meen_ana]

<<<<<<<<بيت ام نايف
الوليد: كذااب؟
جلوي: والله منتب مصدق دق على محمد
مشاعل: وش مين بيجينا؟
جلوي واهو طالع : محمد
مشاعل:احلااا اجل فيه ناس بيشوفون الحبايب
الوليد استغرب وش دراها بس تظاهر انه ماسمع
مشاعل تغني: غيابك عنني يافلان ...مأذيني أذيه أقضي الليل سهراان ولاحد حس بيا
الوليد: مشااعل انطمي ترا صوتك شين
مشاعل اللي ماصدقت تمسك عليه: ههههههههههه يحليلك تستحي؟
الوليد: استحي من ايش مثلا؟
مشاعل: والله وطلعو اخواني عشااق فجأه
الوليد: الفال لك داري انك تحبين محمد وماتبين تبينين
مشاعل تبي تقهره: ههههههههههههه ضحكتني وليدوه ترا كلن يطالع الناس بعين طبعه حبيبي ..وبعدين واذا حبيت محمد ايه مافيها شي حرام ؟ ول عيب؟
الوليد: تحبينه؟ اعلمه؟
مشاعل: لاوش شايفني مثلك ماتعرف تقول لها احبك ؟
الوليد: اقول انطمي انتي
مشاعل: تصريفاتك غبيه
منصور: خخخخخخ مشاعل لاتحرجين الكتكوت شوفي وجهه وشلون صاير احمر وحالته حاله ... حرام مسكين
مشاعل: ايه والله اني راحمته عاد الوليد مسبه مدري وش بيصبره على الحب العذري
منصور: خخخخخخخخخخخخخخخ
الوليد: تراكم بايخين
منصور يقلد صوت رينااد نبرة صوتها معرووفه نااعم صوتها مرره وصغير : بايخين اهئ اهئ لأ لأ ليه تقول عنني كذا جرحت لي مشاعري
الوليد يطالع منصور: ياشينك ان علمناك بشي
منصور: مالي أمان صح ؟
مشاعل: فديتك منصور طلع كل فظايحه لاتخلي شي
الوليد طنشهم وجلس يقلب بالريموت شوي وقام
منصور: على وين يابو الشباب؟
الوليد: وش دخلك ؟ ابطلع
مشاعل: بس حرام تجي ريناد وانت مب موجود
الوليد: انتي ماحد كلمك
تفشلت مشاعل وسكتت وتوه بيطلع اللا وتقابله ريناد ومحمد
كانت توها قاصه شعرها مدرج مرره وطالع قصير قبل كان الا نصف ظهرها قصته الين أخر رقبتها ومدرج مرره من فوق لدرجة أنه مخلي شكلها كأنه بووي والخصل اللي فوق قصيره تجي نصف الاصبع
وقف وليد مستغرب شكلها كانت توها جايه من المشغل والقصه طالعه تجنن على وجهها النااعم
وقف الوليد مكانه وتم يطالع فيها واهي داخله تسفط عبايتها
محمد: هلا الوليد شخبارك؟
الوليد: تمام
محمد: وشفيك؟
الوليد: لالاولاشي ترا جلوي بالمجلس الداخلي
محمد: ايه ابروح له الحين
راح داخل محمد اما الوليد تم ينااظر مب قادر يحرك عيونه
ريناد مدت يدها: هاااي الوليييد كيفك؟
الوليد: قصيتيه؟
ريناد: وش رايك؟
الوليد صفر وبعدين : توووب فاااشن
ريناد مبتسمه : والله؟
الوليد:جد والله طالع شكلك كذا
(واشر لها بيده )
ريناد: عيوونك الحلوه ..المهم مشاعل وينها؟ ادخل ول بيقابلني أحد؟
الوليد من غير شعور: لاليه بتدخلين داخل؟
ريناد: الوليد وش فيك أبروح عند مشاعل ليه مستغرب
الوليد: لالاتروحين لها الحين بعدين
ريناد: اوكي؟
الوليد: اممممممممم سمعتي الاهدااء؟
ريناد منحرجه: ايه
الوليد: اعجبك؟
ريناد: مررره
الوليد: ريناد ابي شورك بشغله
ريناد: وشي؟
الوليد: احب وحده وأبي اهديها بس مدري وش اهدي وشرايك بالاهداءات اللي سمعتك ؟
ريناد انصدمت لأنها توقعت انها اهي لكن حطت حساب انها تكون اهداءات عاديه : ايه حلوه بالذات الحل الصعب خطيره هالأغنيه
الوليد: طيب ووش تتوقعين بتسوي ان سمعتها ؟ بترد ول لا؟
ريناد: ايه اكيد بترد لك ...الوليد منهي اللي تحبها؟
الوليد: وحده نااااعمه أحلا مافيها نعومتها ..هذا غير صوتها اللي يرد الروح مايعدي يوم اللا وانا مكلمها .. ريناد البنت هذي عليها ذوووق طيبه وأخلااق مااقدر أعبر عن أخلاقياتها تحسينها رااقيه مرره وتعاملك باسلوب حلو
ريناد على انها حاسه انها المقصوده : طيب من زمان وانت تحبها؟
الوليد: ايه من فتره مب بسيطه
ريناد: طيب تدري انك تحبها؟
كانت تبي تسحبه بالكلام والوليد عارف ومتعمد يبيها تحس
الوليد: لمحت لمحت الين ماقلت ربي الله لكن مدري عنها مايبان عليها شي معاملتها لي نفسها ماتغيرت
ريناد: تقرب لك ول متعرف عليها؟
الوليد هنا ارتبك لأن مافيه احد ممكن بيحب غيرها من أقااربه ومعاهد نفسه مارح يكذب عليها عشان ماتخرب خططه بتردد:هاه؟......اممم .. أي تقرب لي
ريناد منصدمه ومنحرجه اسكتت ماقدرت تتكلم
الوليد عرف هالشي نزل راسه وأبتسم ...
ريناد شافته مبتسم تيقنت ميه بالميه لكن ماحبت تبين له اللا انها مافهمت تلميحاته أبد لكن وااضح من خدودها المحمره
ريناد تحاول تخفي انحراجها : طيب تشوفها ؟
الوليد حس انه الوقت المناسب صحيح طريقى اعترافه لها غريبه لكن خلاص ان مااعترف لها الحين البنت حست ودرت باحرااج وتردد: قبالي اهي الحين
ريناد منحرررررجه : قــ...بــ...الك؟
الوليد اعطاها نظره كلها اعجاااب وغير الابتسامه ....
شوي وجتهم مشاعل
مشاعل: وينك ريناد من زمان انتظرك تجين؟
ريناد وقفت لها وسلمت اخذت شنطتها وعبايتها مشاعل لاحظت ان ريناد متغيره شكلها مسببه وملعووب فيه
مشاعل: خخخخخخخ سلامااات وشفيكم لاانتي ولا الوليد ؟؟ وحتى من يوم ماجيت سكتتو
الوليد اعطامشاعل نظره مشاعل فهمتها وقامت تضحك
مشاعل: يالله الله يهنيكم ببعض ياعيني ع المنحرجين
ريناد اعطتها على رجلها بشنطتها
مشاعل: هههههههه اوجعتيني يالدبه كل هذا أحرجتكم
شوي وقامت تغني
مشاعل :أسكن عيوني يالغلا وجفووني تغمض عليك ...خذ ماتشا من دنيتي بس لاتقلل من غلاك
الوليد: مدري وش صاير اليوم من يوم ماجا محمد وانتي تغنين ؟ انتي وهالصوت
مشاعل: خخخخخخ عاد يشين لما يجي احد يشوفك بعين طبعه..خخخخ حلالي حرام افرح بعد؟
الوليد ومشاعل ان تناقرو ماحد يقدر يفكهم مشاعل تبي تقهره وتنبسط والوليد مافيه اطول من لسانه ...وريناد بس تفكر بكلام الوليد وسااكته لاحظوها ماحبو يضايقونها
مشاعل: ندخل ؟
ريناد: مافيه أحد بوجهي ؟
مشاعل: لالامافيه احد
دخلت داخل الفيلا الكبيره ... كانت مشاعل متقدمه عليها واهم يمشون ويسولفون
مشاعل: لحظه شوي ! شكل اخوك محمد بالمجلس اللي هنا؟
ريناد: طيب ليه مايكون برا مع اخوانك
مشاعل: مدري تو سمعت صوت المهم ماعلينا كملي
واهم خلاص بيدخلون لغرفة مشاعل كانو لازم بيمرون من مجلس داخلي
مرت مشاعل لقت محمد جالس كان يلعب بجواله
مشاعل: يؤيؤؤؤ اخوووك موجود
ريناد: يووه هذا اللي خايفين منه طيب معه أحد؟
مشاعل: لامافيه قولي له يطلع ول يروح أي مكان عشان اوديك لغرفتي
ريناد: محمد!!
محمد: نعم ؟
ريناد: اطلع البنت تبي تمر
محمد مبررد: قولي لها تمر شفتها كم مره هههههههههههه
ريناد: يووه محمد!!
محمد: طيب جتني فكره ليه ماتسكرين اللمبات وتخلينها تمر ؟ مب أحسن؟
ريناد: لايشيخ؟ حليتها
محمد: غير كذا مانيب طالع
ريناد: يشينك وانت معند
عاد محمد بس يبي يشوف مشااعل هاه يمكن بياخذها ...ليه لا .. هذي فرصتي عشان اشوفها
ريناد علمتها بالسالفه ومشاعل قالت امري لله سكرت اللمبه
ومرت مشاعل ومحمد قزها من فووق لتحت ماخلى فيها شي
(يوووه !! انا ويني عنها من زمااان؟؟ الحين عندك غزال يامحمد مافكرت فيه ؟..والله مب سهله هالمشاعل .... )
كانت رافعه شعرها الطويل على فوق ..ولابسه تنوره جينز وبلوزه على جسمها لونها أبيض
توها اختفت عن عينه قام يضحك .. مشاعل انحرجت منه
مشاعل: ياربييه شكله شافني
ريناد: هههههههه لالاماعليك منه محمد
مشاعل: دايم انا اللي تصير لي مواقف مدري ليه
ريناد: اصبري اروح له ....
ريناد: محمد وراك تضحك
محمد: شفيها مستحيه ؟ولد خالتكم انا منيب عوو ول بعبع
ريناد: والله البعبع ارحم لي منك
محمد: ههههههههههههههه افاا
ريناد: احرجت البنت
محمد: ليه ؟!! عادي طيب قولي لها ترا مافيها شي أنا خاطبك خاطبك
ريناد: نعم؟؟
محمد: ايه ملاك ومار قبالي ماتبيني أخذه
ريناد: بسم الله الرحمن الرحيم خلني اروح عنك بس
محمد: خخخخخخخخخخخخ يحليلهم البنات يستحوون بعد
ريناد: اجل عديمين مشاعل ول يقزون بالرايح والجاي؟
ريناد طبعا ماقالت لمشاعل شي
.................................................. .................................................. ...............................................
<<<<<بيت ابوعبدالله
كانو لمى وعبدالله جايين عندهم
غلا شايله الجوهره: يااالبى قلبها البنت تجنن ياناااس
لمى: الله يعيني عليها ماشربت حليب بتصيح الحين
غلا: تصدقين يالمى فيها من فارس...بس فارس على اسمر منها شوي
لمى: لالاصدقيني بس عيونها مختلفه عنه بس تذكري فارس قبل الكيماوي ماكان اسمر كان يشبه لها مرره
غلا تحبها: ياااقلبييي عليييه
عبدالله: شوي شوي على بنتي لاتصيحينها
غلا: اووه بدينا ندلع ؟
عبدالله: ايه طبعا ابدلعها اكيد
ساره: تغار لمى بعدين
عبدالله: ههههههه لالاماتغاار لمى قدرها عاالي
لمى : فديت قلبك انا
ساره: رجا ءا الغزل أجلوه لبعدين ماعاد ندري تركي من جهه ول عبدالله من جهه ثانيه
ابوعبدالله: وين البنت جيبوها عندي
عبدالله : سم يبه اجيبها لك الحين
راحت عند ابو عبدالله وقامت تصيح
لمى قامت لها: لالاياماما ليييه
ساره: ماتعودت على ابوي
ام محمد: اللا وين محمد وريناد مابعد جو؟
ساره: ايه والله طولو عند خالتي أم نايف
ابوعبدالله: ساره جيبي لي من البندول اللي بالثلاجه
ساره: ان شالله يبه
ام محمد: تعبان شكلك؟
ابوعبدالله: ايه والله مصدع قايم اليوم بدري ومانمت الا الحين
لمى: دلك راسك ترتاح..أجي ادلكه لك؟
ابوعبدالله: ايه الله يعافيك بس تعالي معاي بالغرفه
لمى: ان شالله

 

[meen_ana]

خالد وتوه داخل للبيت قام يتنحنح
عبدالله: ادخل ادخل ماعندك احد
خالد: هلااوالله عبدالله
عبدالله: ياهلا خالد وينك ووش الدنيا بك من زمان عنك ماعاد تنشاف
خالد: والله تعرف مع هالشكره تونا فاتحينها وكل يوم طالعين لي هالموظين بمصيبه جديده
عبدالله: افاا قلت لك لاتوظف مبتدئين
خالد: ايه والله اني تعبت انا وطلال صرنا نشتغل بدالهم
عبدالله: اللا وشخباره ؟
خالد بضيق: والله هذا هو توه خاطب
عبدالله: والله بالمبااارك
خالد: الله يبارك فيك
عبدالله : يحليله طلال اجل الفال لك انت
خالد: تكفى
غلا: خالد جبت اللي وصيتك عليه؟
خالد: وشو قصدك الفلم ؟ لاوالله نسيته معليش اجيبه لك المره الجايه
غلا: لالامومشكله
عبدالله: خالد وشفيك ؟ ياخي اضحك فرفش ماتسوى عليك شركه
خالد يفتح ثوبه من فوق: تعبت ومو من الشركه
عبدالله: اجل؟
خالد: مدري اقول لك بعدين
عبدالله: وسعها ياخي ماتوقع في شي يستاهل هالضيقه
خالد تنهد : ابروح انام وغلا الحقيني أبعطيك شمغ أبيك تكوينها
غلا: طيب
عبدالله: بتنام الحين ؟
خالد: ادق عليك بكره
عبدالله: اوكي خلاص
.................................................. .................................................. .............................................
خالد وغلا
خالد: خذي هذي ابيك تكوينها بكره لازم تكون جاهزه وراي اجتماع مهم
غلا: اوكي
خالد: وانتي طالعه الله يعافيك سكري باب الجناح
غلا: طيب
خالد: لحظه ابوي وينه؟
غلا: راح بينام
طلعت غلا سمع صوت الباب يسكر
حط راسه على المخده وتمدد ...تنهد وجلس يفكر
(الحين خلاص طلال بياخذ البتول؟... صح اهومااعتب عليه مادرى فيني ...بس كنت راسمها انا قبل ... طلال والله طلال يستاهل كل خير ...بس أخر ماتوقعتها البتول ... يالله ياذيك الأيام لازم أبنساها الحين ...انا اللي مكدر علي ان ايامي قبل مااذكر منها غير البتول ولازم انساها الحين ...مايصير اذكر زوجة خويي عنده ... )
تعوذ من ابليس وخلاص البنت لغيره ماله داعي يفكر بها التفكير اهو اللي لاسأل عنها ولاخطبها ...وهذي النتيجه ..والهذي الصاعقه اللي لازم يتحملها
(ايه ياخالد انت كنت باارد قبل ... كانت البنت قدامك اعجبتك ومستحيل مارح تعجبك ...لكن مشيت الموضوع ببرود ولااهتميت ...واهلمت نفسك وهذي البنت ظاعت منك ...هو انا لازم أحد حد لأعصاابي الباارده هذي )
غير ملابسه وأخذ له شاور ..وحط راسه ونام على تفكيره ..ونااااااااام
دق جوالها
نواف: الو
خالد: هلا نواف
نواف: دكتور انت طلعت ؟ ول مابعد؟
خالد: لاهذيني الحين اقريب من الشركه ليه ؟
نواف: الحق يادكتور خالد الشركه ظاااعت راااحت
خالد: رااحت؟؟ وش تقول انت؟
نواف: احترق كلش
خالد: نعم الشركه احترقت
نواف: الحق الحق ياخالد
خالد: جا الدفاع المدني؟
نواف: ايه
خالد : طيب خلاص خلاص جايك الحين
راح مسرع للشركه ..بالسياره لحد ماوصل ..شاف النار كلها حارقه الشركه حرااااااااق انتهى حلمه تحطم بدقيقه واقف مصنم قدام رمادها وبقايا حصاها والحديد ..مب قادر يتحرك ...
كلها دقايق وطااح على الأرض وفقد الوعي ...
ماوعى اللا واهو على السرير الأبيض بالمستشفى ... وقباله طلال
جلس خالد على السرير وجلس يبكي كأنه طفل صغير ..انكسرت لعبته ...لاكن ظااع كلش لاطموحه ولامستقبل بناه له سنين ولاالعز اللي تعب عليه كله انتهى قدام عينه
كانت دموعه تطيح على ثوبه من غير مايحس ..واول مره يشوف نفسه بها الموقف
طلال مبتسم: خالد ؟
خالد اعطاه نظره حزين وسكت
طلال: اعطني يدك
خالد: على وين الحين ؟ وش اللي بقى؟
طلال: ليه شركتك تخليت عنها؟؟؟؟
خالد: شركتي؟؟
طلال: هات لي يدك
مد له يده ووقف وتغيرت كل المعالم اللي حوله
انتقل من مستشفى وفراش ابيض على شركه كبيره ضخمه مثل شركته عشراات المراات وعملائه وموظفينه يشتغلون
دخل منبهر من الشركه الجديده وقابله نواف
نواف: وينك ياخالد ؟ من زماان ننتظرك ؟
طلال: لاخلاص بيرجع للشركه الحين له بلحاله
خالد: انتم وش تقولون؟
طلال: خلاص الشركه لك مب لي ..اللي لي احترقت هذي شركة خالد بن سلطان ... والف مبروك
سلم عليه طلال وخالد مرتااع ومب مستوعب اللي يعيشه
دخل مكتبه وتوه داخل لقى أرواق موجوده عليه
قرا أول صفحه كل المكتوب فيها ان الأملاك كلها لخالد وطلال ماله شي بالشركه
مااعجبه الكلام مايرضاها لطلال بعد اهو نفسه ومعاه مسوي الشراكه ..
عقد حواجبه ورما الورقه بالزباله (والنتم بكرامه )
.................................................. .................................................. .................................................. .........................................
قام خالد من حلمه مفزووووع ...تعوذ من ابليس وشرب له كاس مويه
جلس على سريره وحط يده على راسه قام يفكر بالحلم والكابوس اللي شافه ... ترك الغرفه وطلع
راح بيدخل للصاله بيشوف الساعه اللا سمع اصواات عند الصاله ...راح بيشوف مين فيه لقى ريناد وغلا ومحمد
محمد: هلا يامساء الصبح غريبه خالد سهران؟
خالد: الساعه كم؟
غلا: الساعه وحده ونصف
خالد: غلا انا يوم اني رقيت فوق كم كانت الساعه؟
غلا: اممممممممم تقريبا 11 ونصف
خالد: اها
غلا: وش فيك؟
خالد: لالاخلاص كملو سهرتكم
طلع من عندهم ودخل للغرفه على طول صلى له ركعتين ورجه بينام
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::::::::::
<<<الماينا
طلع من المدرسه من بعد الاختبار ... وراح عند أحد المقاهي ...
المكان كله صخب وازعاااج وطق ورقص ... والمكان مااعجبه ابد ... واهو يمشي اللا ويشوف واحد ماسك له زقاره ويدفع الهوا بعنف .. شديد ... يدخن ويقرا بجريده ماسكها
نايف واهو يطالع فيه .. حس وده يشوف ويجرب ايش المتعه بالدخان هذا ؟ اهو كله امراض وبلاوي بس قد ايش يريح ... على الأقل قبل لااروح الحين واشوف الوالد و....
جلس مسرح يفكر بأبوه ... وقد ايش اهو تعبان الحين مستحيل بيدخلون نايف عليه ...لانه بالعنايه الفائه ومايدخل المكان غير الأطباء فقط.... المه راسه وصدع من كثر التفكير ... بكلام أبوه شوي ويتذكر اختباره اللي ماقدمه كويس ... قام من مكانه ومالقى نفسه اللا عند الكونتر أخذ له زقاير وطلع من المكان
جلس يتاملها ويطالع فيها ... اهي الوحيده اللي بتريحه واهو بها الحاله الصعبه كلشي امتلا عليه ماعاد يدري وش ياخذ ووش يخلي
اشعلها ..وكح بالأول تركها ..بعدين رجع لها ثانيه وكمل تدخين ... الدخان اللي يطلع من فمه ويتلوا مع الهوا بالجو يثير عنده تنفسه .. يكح ويرجع يمكل من غير مايحس بنفسه يفكر شوي بابوه ..ويترك التفكير .. شوي ويرجع مره ثانيه ... ..جلس على هالحال الين ماغربت الشمس ونزل الظلام ... قام من على المروج الخضرا اللي كان جالس عليها ... اخذ كتبه .. ومشى للمستشفى
دور المسؤولين عن حالة أبوه مالقاهم ...راح للريسبشن ..سال عنهم ..علموه انهم عند ابوه بالعنايه وشغلهم كثير مارح يطلعون اللا على اليوم الثاني بيقدر يكلمهم ...
تنهد وطلع للشقته .. حاول يتصل بغلا كل شوي يقطع ولايقدر يكلم حس بياس وكل اللي حوله صار يحبطه ....حاول له بالربع ساعه الين ماردت عليه
غلا: هلاااااااوغلاااااااا نااايف
نايف: ياهلاوالله غلا
غلا: كيفك ؟ ووشخبارك يالقاع ولاتدق ولاتسال؟
نايف: تدري اختبارات ماعاد استوعب وش الصاحي ووش المهبول
غلا: يووه الله يكون بعونك
نايف: عاد ماحظرت معاهم أخر دروس فماادري عن شي
غلا: شد حيلك مابقى شي عاد نبي درجات حلوه
نايف انحرج منها وسكت ... لأن له اكثر من اختبار ماحظره : ايه ان شالله
غلا: وشلون خالي؟
نايف: حطوه بالعنايه الفائقه الحين ماقدر أدخل عليه ولاحتى اشوفه
غلا: افاا
نايف: شفتي شلون؟
غلا: وش صار جديد على صحته؟
نايف بهدووء وطريقه ماتعودت عليها غلا : القلب تعباان والكلى .. خلاص ابوي قام يموت واهو حي يشوف موته بالأصح
غلا: لالاتقول هالكلام ياما ناس دخلو عنايه فائقه وطلعو لاتحطها قاعده
نايف: تدرين ابوي وش قايل ؟.. ابوي يقول لي يانايف انا حاس بموتي قريب
غلا انصدمت: وشو؟
نايف: تبيني اسكت؟..... اصبر؟ ..اكابر؟....ول اجاامل؟.... ماعاد فيني حيل خلااص .
غلا ودمعتها بعيونها وبصوت مخنوق : لالاان شالله لانايف لاتكدر على خاطرك جعل عمره طويل
نايف حس انه ضيق لها صدرها (ياربيه بعد انا ليه سويت كذا في البنت ؟... اضيق صدرها المفروظ اني سكتت وماعلمت احد ...)
نايف تنهد : ايه الله يطول بعمره ان شالله
غلا: نايف صوتك مره متضايق شكلك وش قال لك خالي زياده؟
نايف: لالاماقال لي بس هذا المقصد من كلامه هذا اللي يبي يوضحه
غلا: لاان شالله خوفتني ان شالله يقوم بالسلامه
نايف: ليه انتي خايفه؟
غلا: تدري امي الله يرحمها قبل لاتموت قالت لي كلام مشابه ... كانت حاسه بموتها وانا هذا اللي اخاف منه
نايف بضيقه: لالامب شرط انا تجيني حالات احس اني ابموت هاليوم بس مب شرط
غلا: ايه لالاان شالله يقوم بالسلامه تفائلو بالخير تجدوه
نايف: غلا شوفي ابسمعك شغله توني كاتبها
غلا: اوكي؟
نايف:
حاولت وفشلت... حاولت أرسم بسمتي ...وحاولت اعيش بلحظتي
لاحظت اني مختلف .......وان الشقا في ظحكتي
أعيش يومي مبتسم والقلب حطمه الألم .....جرفني طوفان الندم
اضحك وامسح دمعتي ...افرح وميت من القهر
برادن وظلوعي جمر .....حنون واعلن قسوتي
ازعل وانا كلي رضا .....اشقى ودنياي الهنا
اود غيري بالجفاا.... وجفوتي هي طيبتي
أجرح واداوي هالجروح ...اقطع وأوصل ثم اروح
اكتم وأكابر ثم أبوح .....اهدا بقمة صرختي
غلا:صح لسانك
نايف: صح الله بدنك
غلا: بس ليه كله ياس ؟
نايف: هذا اللي عايشينه ليه نكذب عيشتنا؟
غلا: نايف ماكنت كذا اول؟
نايف: ابووي ياغلا والله والله اني تمنيت اتخرج طبيب اعاالجه
غلا: كل شي بيد رب العالمين حراام اللي تسويه
نايف: غلا ابوي مستحيل ابنسى مبادئه ..ابوي اقرب واحد لي اهو اللي علمني وشلون امشي بها الدنيا صح ..ابوي ماغيره خلاني رجال وقد أي مسؤوليه تنعطى لي ابوي مااقصر مععي غلا انا وابوي غير جلوي مو مثل غيري ...ابوي لما بس يسمع صوتي ماتشوفين شكله كيف مستبشر ..حتى هنا بالمانيا ان تأخرت عنه ماجيت لو بوقت بسيط يسالني ليه ... ابوي ياغلا لو اوصف لك غلاته ماتنوصف فووق الوصف
غلا: تكفى نايف تخلص من هالوهم اللي انت عايشه ...ليه حاط ببالك ان ابوك بيروح ؟ طيب اوكي هذا مصيرنا كلنا ...أجل يوم تتركني امي ..ماكنت اعزها .؟ ولااغليها؟... انصدمت لكن هذيهي دنيانا تاخذ اكثر من ما تعطي حط ببالك هالشي ... ان ماتركك ابوك انت راح تتركه ...كلنا هناك لذاك المصير ماحد بيبقى لأحد .خل ثقتك بالله قويه ... اترك عنك كلام الشيطان يوسوس عليك ..لاتخليه يلعب عليك ويضيعك ... نايف تكفى الحين رح وتوضا وصل لك ركعتين واقرا لك جزء من القرآن صدقني رح ترتاح
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::
شركة خالد وطلال
نواف :ادخل؟
خالد اللي كان جالس على النت : تفضل
نواف: خالد الله يعافيك ابيك توقع هالأوراق
خالد: الحين؟
نواف: ماعليك امر هذي ظروري نسلمها
خالد: اوكي مومشكله حطها على المكتب
نواف: تامرني بشي؟
خالد: لالاالله يعافيك
وتوه بيطلع من المكتب
خالد: نواف
نواف: سم طال عمرك؟
خالد: سم الله عدوك ...تعال ابي احاكيك بموضوع
نواف: موضوع؟
جلس على الكرسي اللي قباله
نواف: وشفيه؟
خالد: وش صار على خطوبة طلال؟
نواف: ماعلمك بشي؟
خالد: قال لي ان صار جديد علمتك
نواف: والله كلمنا البنت وللحين الراي رايها واهو اللي بيمشي على اني حاولت في ابوي يجبرها لأن هذا طلال بس ماينفع
خالد: اهاا يعني ماوافقت
نواف: البتول ماتحمست ابد وانا ودي انها تصبر ماامداه يخطبها وعلى طول ردته
خالد: اها ايه ...غريبه مادق علي أمس
نواف: متنكد من يوم ماقلت له اكثر شي استغربت منه انه ماقال لك
خالد : ومتى بيجي كنه طول؟
نواف: ايه اليوم بيتأخر قايل لي
خالد: ومتى بيجي؟
نواف: مدري والله ......
خالد دق جواله شاف الرقم واهو معقد حواجبه ..نواف ينتظر منه كلمه
خالد ياشر له: تقدر تروح الحين
خالد : هلا عبدالله
عبدالله: اهلين خالد صباح الخير
خالد: صباح النور
عبدالله: وشلونك
خالد: ابد ماهنا خلاف بشرني عنك وعن الصغيره
عبدالله: بخير الله يسلمك
خالد: تدري ياعبدالله أمس حلمت بحلم ..اول اقول لك هذا كابوس غريب ... وفسرته
بعدماقال له خالد كل الحلم اللي امس
عبدالله: اووف ! الصراحه حلم غريب ووش تفسيره طيب
خالد: ماتوقعت هالتفسير
تفسيره ان خطوبة طلال رح ينرفض وبسرعه والسبب ان البتول تحب خالد ... الشركه ظاعت من طلال لكن حصلها خالد بالأخير ...وبفضل طلال اهو اللي فتح له مخه عشان يتلحلح ويخطب البنت ... اما الأوراق اللي على المكتب كانت رفض البتول لطلال خالد ماوده ان طلال يتحطم ...لكن طلال رااضي باللي يصير ... والشركه كانت تمثل البتول ...
عبدالله: بذمتك؟
خالد: هذا كلام الشيخ
عبدالله: وهذا الصدق
خالد: اللي فهمته من كلام نواف ان طلال رفضته البتول
عبدالله: يعني نقول مبروك؟
خالد: ماصار شي ؟
عبدالله: البنت لك ياشيخ اخطبها وتحرك من الحين قبل لاتضيع منك ..وبعدين تفسير حلمك انها رح تكون لك فليه ماتستعجل قبل لايفوت العمر ..؟.. دام البنت مايعيبها شي ليه لا؟
خالد واهو يتذكرها يوم تجي للششركه ..توه يستوعب انها تحاول تلفته ..: عبدالله صحيح كلامك وطلال؟
عبدالله: مب هو راضي بالحلم؟ وبعدين لو انه يحبها ممكن تشيل هالهم ..وتقدر تساله خويك وانت اقرب واحد لطلال ..
خالد: ايه وانت الصادق
عبدالله: هههههههههههههه اجل لانه خطب حبيبتك متنكد امس؟
خالد: مو متنكد ماودي انه ياخذها
عبدالله: ياعيني .! عادي مشاعر أي مواطن سعودي يحب له وحده ومايبي احد ينقد عليه
خالد: اقول اسكت وعن الشماته
عبدالله: يالله متى تبينا نخطبها لك.؟ ترانا ننتظر القرين لايت
خالد: بلاقرين لايت وبلاهياط خلني بشركتي احسن
عبدالله: لاوالله جد متى بتخطبها
خالد: مدري متى ماتهيئت نفسيا وسمعت كلام طلال ذيك الساعه فكرت
عبدالله:بروود عصااب على مستوىى الحين مب حلمك ماسوى فيك خير وخلاك تلحلح شوي
خالد: هههههههههههه ! ياخي خلوني بارد وش قاهركم...عبدالله لحظه شوي
خالد يرد من التلفون
خالد: هلا
الموظف: طلال يبيك ادخله؟
خالد: ايه
طلال وتوه بيدخل: هلا خالد
خالد: الو عبدالله
عبدالله: مشغول؟
خالد: طلال توه داخل
عبدالله :طيب يالله اجل فمان الله
خالد: بحفظ الكريم

طلال: ياصباح الخير
خالد: صباح الورد كيف المعاريس؟
طلال بضحك: ياخوك مدري ليه انا مقرود بها الدنيا حتى بالخطوبه ردتني
خالد استغرب ردت فعله توقعه متضايق: افاا ردتك اجل؟
طلال: للأسف
خالد: العوض بغيرها ...تلقاها بس شافت وجهك ارتاعت الله لايلومها
طلال: خخخخخخخخخخخ اللا تلقاها خايفه علي اضيع من يدها
خالد: روقنا بس ..وعلمني بتفك خطوبتك يعني؟
طلال: ايه ابخطبها لك شكلها عاجبتك
خالد بضحك: وليه؟
طلال: دايم افكر فيك انت شخصيه باارده وهاديه جدا جدا يبي لك وحده مغروره ول لسانها اطول منها ..مب وحده تستحي ول تدلع لأن ماتنفع لك هالحركات
خالد: اوف والله وصرنا خبره مدري من متى وانت مضبط امورك مع البنات
طلال: خخخخخخ عارف لك خالد وانا اعرفك
خالد: والمدام ليه تناسبني ؟
طلال: بتمشيك على الصراط المستقيم وبتفكنا من عنادك ماتشوفها وشلون تسوط الموظفين ان دخلت الشركه ول تطاقت معهم مايفكهم غيرك انت
خالد: خخخخخخخخ الله يرجك والله وصرت عارف وش يناسب ووش اللي مايناسب (تطوررت منفووحه )
طلال: خخخخخخخخخخخخخخخخ يالله ماتبينا نخطبها لك ؟
خالد: تراني مليت من موال هالزواج تبون تتزوجون تزوجو بس انا وش ذنبي تقلقونني
طلال: خخخخخخخخخ عارف لك ياخالد لاتقعد تمثل علينا ..المهم اليوم مارح اكمل دوامي
خالد: وخير ؟ تجي متأخر وتطلع بدري ؟
طلال: تدري جتني صدمه عاطفيه بعد ماردتني بنت الحلال
خالد: هههههههههههههه والله جدك بتطلع بدري؟
طلال: ايه والله ابوي يبيني اليوم بشغل برا الرياض

 

[meen_ana]

الجـــــــــــــــــــــــــــــزء الأخيـــــــــــــــــــــــر
<<<<<<<<<<<<ألمانيا
الوقت بدري أول النهار كان وراه امتحان أخر يوم وممكن بينجح وممكن لأ لأن نايف اهمل دراسته كثير من بعد مرض أبوه ... قام لقى واحد من الشباب اسمه الدكتور حسام ...هذا دكتورهم اللمسؤول عنهم ... شاف نايف ماسك الأوراق والكتب يذاكر منها ... كان جالس على الكنبه اللي تطل على حديقه صغيره برا ... الجو كان منعش وبارد ..... ومغيم .... نايف كان شوي يذاكر وشوي يسهى مع نفسه .... شاف الدكتور قرب من عنده هد أرواقه يكلمه
حسام: صباح الخير نايف
نايف مبتسم: صباح النور
جسام: شخبارك ووشلون المذاكره اليوم
نايف: والله مب مره لك عليها يعني اللي يدخل هلا وغلا واللي مايدخل مع السلامه
حسام: عاد شد حيلك هالاختبار بيحدد الرسوب أو النجاح
نايف: الله يسهل ان شالله
حسام : اللا ماقلتلي وش اخبار الوالد الحين طمننا عليه؟
نايف: ماصارو يدخلونني عليه ...
حسام: افاا يعني للحين ماطلع؟
نايف تنهد: لا
حسام: الله يكون بعونه ان شالله
نايف بتفكير: داري ماحد من اخواني باستثناء الكبير طبعا ماعلمتهم بشي
حسام: احسن لاتصعقهم ماتسوى امك يصير فيها شي
نايف: هذا اللي اقوله
حسام: ودراستك نايف انت اكثر واحد تغيب بين المجموعه وانت تدري وش كثر هذا بيأثر بالنتيجه
نايف: خلاص انا حاسب حسابي حتى ولو رسبت تدري بظروفي
حسام: ان شالله انا قلت للدكتور فهد نايف لازم نتساعد معاه بس البلا من الأجانب مستحيل بيقدرون
نايف: من حقهم هذا نظامهم ... وانت والدكتور فهد مارح انساها لكم ماقصرتو مععي ابد
حسام: شدعوه يستاهل ولد سعود
نايف: كلك ذوق وطيب اصل
حسام: يالله اجل اتركك والله الله بلمذاكره
نايف: ان شالله
مسك الكتاب وكمل قرايه كان الكتاب كله بالللغه الالمانيه صعب وطويل والدوره حقته مب لأي احد يبي لها من يدرس ويتعب بعد ... ... كان يقرا ويحاول يحفظ يستوعب المهم يمشي حاله باي شكل ... جلس له بالساعه يحفظ ...شاف الساعه بدا وقت الزياره والدكتور قايل له ...انه ممكن على اليوم الصبح بيقدر يشوف أبوه ...هد اللي بيده وراح..ماكان يدري ليه لازم يكون متسرع ومتحمس بالشكل هذا؟؟؟
مسك جاكيته المعلق على الشماعه
حسام: وين بتروح؟
نايف: ابروح اشوف ابوي .. واجي مارح أطول
حسام: ابتصل عليك ان جاوقت الامتحان
نايف: كم باقي
حسام: امممم تقريبا بالساعه اللا ربع لاتتأخر
نايف: ان شالله
طلع سريع الجو كان بارد واهو بالطريق بدا ينزل المطر وتبدا الرعود ... حس انه يوم كئيب أجل اكيد مارح يقدم اختبار حلو هذا اول ماجا على باله
تنهد واهو يفكر بها الاختبار واللي بيترتب عليه ...تخيل شكله واهو جالس جنب غلا بالكوشه واللا واهو باني لها بيت كبير ... معيشها بمستوى ابوها ... رجعت به عينه على الواقع نزل من السياره ووقف قبال باب المستشفى ونزل ....
دخل غرفة ابوه على امل انه طلع من العنايه الحمدلله لقاه موجود ويقدر يشوفه
نايف بهدوء وكان فرحاااااان: السلام عليكم
ابونايف:وعليكم السلام هلا نايف
نايف بعد ماحب راسه ويده جلس جنبه ماسك يده: هاه بشرني عنك ابوي ان شالله احسن اليوم والحمدلله على سلامتك
ابونايف: الله يسلمك
نايف: من متى مطلعينك؟
ابونايف: من فتره قبل الفجر بشوي
نايف: افا ماقالو لي كان جيت
ابونايف: انا قلت لهم ابيك تذاكر على اني مشتاق لصوتك
نايف: تشتاق لك العافيه يبوي
ابونايف: اختبرت؟
نايف: لاوالله للحين توني بعد شوي ابدخل
ابونايف: نايف اذا ماعليك امر ابيك وانا ابوك تتصل بأمك واخوانك ابي اكلمهم
نايف: ابشر
ابونايف: بس وش الوقت عندهم الحين؟
نايف: امممم يمكن على الظهر اكيد واعين الحين
مد له الجوال
نايف: السلام عليكم
الشغاله: وأليكم السلام نأم بابا؟
نايف: وين امي؟
الشغاله: دقيقه
ام نايف: السلام عليكم
نايف: وعليكم السلام
ام نايف: ولدي نايف ياهلا والله
نايف مبتسم: ياهلا فيك يمه شلونكم؟
ام نايف بلهفه: ابد الحمدلله مشتاقين لكم
نايف: والله وانا اكثر
ام نايف: وانت شخبارك ووشلون أبونايف عساه احسن؟
نايف واهو يطالع ابوه : الحمدلله ابشرك أحسن من اول
ام نايف: والله؟
نايف: الحمدلله
ام نايف اللي قامت تبكي
نايف: افاا ياام نايف بارجع قريب ومعي ابوي
ام نايف: ولهت ولهت عليكم يمه
مشاعل شافت امها راحت عند التلفون اهي مع الوليد
نايف: ولهنا عليكم اكثر والله
مشاعل: يمه نايف؟
ام نايف: ايه ...
نايف: يالله اجل يمه هذا ابوي يبي يكلمكم
ابونايف:السلام عليكم .... ابد الحمدلله ...انتم شخباركم ..؟... الله يسلمك ووشلون العيال .؟...هاه منصور لقى القبول ول لا...؟؟اييه الحمدلله ....هاتيه خليني اكلمه
ابونايف كلمهم كلهم واحد ورا الثاني لدرجة انه طلب من نايف يدق على شوق في بيتها وجلوي في شغله ويكلمه .... استغرب نايف منه اول مره يتصل على الجميع وبنفس الوقت ....سكر الجوال وجلس مع ابوه
ابو نايف: ..أبيك تجيب لي علاجي الدكتور قايل لي اخذه من عندهم بالصيدليه
نايف: ان شالله ..بس ماقال لك عن اسمه؟
ابونايف: كتبه بورقه بس مدري وين حطها
نايف برحمه لان ابوه مابيشوف حتى الورقه اللي جنبه: ايه خلاص لقيتها ...اروح اجيبه الحين
ابونايف كان متقصد الحركه ويبي نايف يطلع بأي طريقه كان تعباااااان وخلاص حاس بانه مخنووق ومكتووم من بعد ماسكر الجوال ..... أخذ جوال نايف ومسكه .. .....كلها دقيقتين ودخل عليه نايف ومعاه الكيس
نايف: يبه هذا هو العلاج ..ان دخلت عليك الممرضه قل لها انه على الطاوله
ابونايف بابتسامه مختلفه عن غيرها مخربها التعب : ان شالله
نايف لاحظ ان ابوه يبي يريح ماحب يزعجه وخاصه انه توه طالع من العنايه ..لكن شكل ابوي مرره تعبان خلني اخليه وأعلم الدكتور عنه ..
نايف: يالله اجل استاذنك الحين
ابونايف: ابي اسلم عليك
نايف باستغراب لف على ابوه قبل لاييطلع قال بصوت واطي )تسلم؟؟...ان شالله ابشر
جلس جنب أبوه على السرير ....
ابونايف بطريقه نايف استغرب منه حييل ...بدل مايصافحه مسكه وحظنه ..وبصوت مخنوق كان يكلمه أما نايف قتله الاستغراب ..من ابوه ..
ابونايف: كفوو فيك ياولدي يعلم الله اني راضي والله راضي عليك
نايف مب قادر ييستوعب شي التزم السكوت وابوه مازال ضامه
ابونايف يده على اكتافه : والله ينجح باختبارك وحياتك ودنياك كلها ...والله الله باللي وصتك ..مابيك تتغير من بعدي .. وحط بالك على امك .. واخواتك واخوانك ..امانتك يانايف
نايف: افا عليك يبه وش هالكلام ...لاتوصيني عليهم حريص عليهم اكثر من نفسي
ابونايف مبتسم: كفوو والله كفوو فيك يانايف الله يوفقك ..بس ابطلبك تنادي لي الدكتور قبل لاتطلع
نايف: ابشر يبه ان شالله
نايف طلع من عند أبوه واهو مستغرب .. كلشي يدور حوله ...مب مستوعب شي ..غريبه؟.! قام ياكد لي الكلام أكثر من مره ... راح للدكتور ووصاه على ابوه وقال له انه بيطلع وان الدكتور يروح الحين لأبونايف
.................................................. .................................................. .............................................
ركب سيارته ... جا بيحرك ويروح للاختبار ..وقف بنص الطريق قبل لايطلع من دوار المستشفى وقام يفكر ... مارتااح مااش لازم يروح لأبوه مره ثانيه ... رجع بسيارته مره ثانيه للمستشفى وحاس قلبه ان ابوه الحين فيه شي ... دخل للمستشفى سريع ...لغرفة أبوه ...لقا الأنوار مسكره وأبوه شكله نايم ....سكر الباب من دون مايدخل حتى ..المهم انه تطمن الحين ..رجع وركب للسياره بيروح يختبر ....
واهو بالطريق شاف الوقت لسسا وباقي له ... ترك الاختبار وقام يلف شوي بالشوارع اللي مبللها المطر ... شوي ينزل وشوي يوقف المطر ... .وصل اخيرا للمكان ودخل قابله على طول دكتوره حسام
مرت الآن ساعه كامله ...ونايف من بعد ماطلع من المستشفى أخذ ثلث ساعه
نايف: دكتور دخلو للاختبار ول لا؟
حسام نزل راسه وحاول يكتم مابداخله : لايمكن يتأخر الاختبار
نايف عقد حواجبه: يتأخر ؟ ليه؟
حسام باجابات مختصره وكأنه ماوده يحط عينه على نايف: ظروف .. الدكاتره وحتى الأجانب اتفقو انه بيكون متأخر مو الحين
نايف عقد حواجبه : دكتور وشفيه؟
حسام رفع راسه وحط عينه بعين نايف المستنكر كل شي يصير له هاليوم ... تحجرت دموعه على طول وحط يده خلف كتف نايف ... نايف هنا تأكد ان الموضوع مب سهل
حسام: يانايف ....أبــ...وك ...
نايف: طيب؟
حسام: أعطــ...اك عمر..ره
نايف: ابوي؟؟؟؟؟؟؟
حسام: الله يرحمه
نايف: لالالامستحيل توني كنت عنده من ثلث ساعه او اكثر شوي وانا عند ابوي وش هالكلام؟
حسام: مااقول اللا الله يساعدك على دنياك من دون ابوك
نايف يحاول يأكد كلامه: دكتور تعوذ من ابليس ابوي مافيه اللا الخير ..تكفى ترا احرتقت أعصابي لالااابوي مافيه شي وتوني شايفه
حسام نزل راسه ...نايف صنم بمكانه ..ارتبك باين عليه متأكد
حسام: شفت يوم يقول لك انه يبي علاج من الصيدليه ؟ ويبيك تنادي الدكتور؟
نايف معقد حواجبه مستغرب من الدكتور كيف عرف كل التفاصيل: طيب؟
حسام: ماكان يبيك تشوفه بأخر لحظات عمره ...وصى الدكتور يعلمني أنا بخبر وفاته عشان ماتشوفه انت بعينك من شوي دق علي الدكتور وعلمني بهالخبر
نايف اول شي سكت يحاول يستوعب الصدمه وبعدين قال كلام ماحس فيه: لالالامستحيل لاابوي هذا ...أنت وش قاعد تخربط انت وش تقول لا
حسام:...........
نايف: لاوش تقولون ابوي مافيه شي لاتخربطون علي انت وياه
اجتمعو اثنين من الطلاب اللي معاه وطبعا كل الاداره عرفو بها الخبر قبل لايجي نايف
نايف جلس عند أقرب كرسي حط راسه بين كمومه ...واهو ساكت ماقال ولاكلمه
كلهم ساكتين من حوله ماحد تكلم شكله يقطع القلب كلشي على راسه الحين ... ينتظرون ردة فعله الحين وش بيقول
نايف وقف وراح على طول بيطلع للمستشفى
حسام: نايف !!
نايف لف عليه من غير مايتكلم
حسام: تعال اوصلك بسيارتي
نايف مابيده غير انه ينقاد مايقدر يتكلم
ركب مع الدكتور ومعاه ثلاثه من الطلاب ... دخلو كلهم للمستشفى
دخل عليه ..كان مغطى بمفرش أبيض صوف...ممدد على السرير ...لايتحرك ...لايتكلم ..ولايتنفس....
اول ماوصل دخل سريع عند سرير ابوه ومسك يده وقام يبكي ...نزلت دموعه من المنظر ...
الكل تجمعو حوله ..
نايف ماسك يد ابوه جلس له فتره بسيطه سكت ولانطق وبعدها : يبه!!!!..(ضغط على يد ابوه اكثر).يايبه انا نايف مارحت أخــ...تــ...بــر جيـــ...تــ....كـ,,, ..(جلس كله وده بس يستوعب ان ابوه مارح يتكلم ولاينطق من اليوم) ...جلس ساكت كل اللي يقوله يبهـ,,!! وبس هذا اللي قادر عليه ....... (حسام حط يده على كتف نايف اللي جالس على السرير يحاول يبعده شوي ) نايف شهق وبعدين :...دكتور ليه ابوي مايكلمني ؟ياناس فهموني كيف ؟..كيف بيكون تركني؟
حسام: يانايف تعوذ من الشيطان
الباقين متكتفين ومأثر فيهم موقف نايف الصعب ..يعني الحين وراه دراسه ووبرا السعوديه يموت ابوه بنفس اليوم وماحد بيعلم اهله غيره ...كلشي تجمع مايدري وش ياخذ ووش يخلي كان حاط الأمل كله ان ابوه بيرجع حتى ولو على حساب دراسته ومستقبله ... اما الحين كلشي ضاع
حاولو كلهم يهدون فيه لكن نايف من النوع القوي بها المواقف يخدمه قوة ايمانه بربه ... بالأول كان مصدوم وأثرت فيه كثير صدمه مثل كذا لكن بين كلامهم وبين ماكان يستوعب اللي يقوله لأنه كان يكلم ابوه بشكل غريب وكأنه حي بعدها استوعب وجلس يشهق وينحب.. بعدين ... ضم ابوه ودعا له ... وجلس على الكنب اللي بالجنب منزل راسه بين يده ..تذكر ابوه قبل لايموت ووش كان يقول له ..تذكر اللي وصاه عليه ..امك؟! يانايف ؟؟!! (ااخ يايبه لو تدري امي لو دريت امي وش حالتها ان عرفت ووش بيصير ..)تذكره يوم يطلبه انه يبي لكم كل

عياله وزوجته يبي يسلم عليهم حتى لهجته لهم كانت مختلفه ...الصدمــــــــــه الصدمــــــــه قويه يايبه والله قويه
حسام مسكه من يده وركبه للسياره مع الباقين ..ونايف بس يفكر ومب قادر حتى يتكلم ....
وصلو للشقه ... اول ماوصل دخل لغرفته ولحقه خمسه من الموجودين
كلهم عزوه وعظمو اجره ..واهو مستقره معاه حالة الصمت الغريب أول الصدمه كان يبكي ويشهق أما الآن دموع من غير كلام ...
حاولو يكلمونه على خفيف ..لكن الحين لازم يتركونه بحاله اكيد مايبي احد يشوفه بالحال اللي اهو عليها مابقى غير حسام ونايف بالغرفه
حسام: نايف هونها على نفسك ...
نايف بعيون حمرا ..رفع راسه وخلا نظره شاخص على الجهه الاماميه وبصوت ولهجه كلها حزن أول مره تصير له واول مره يشوفونها عليه : عاد تدري؟..ابوي كان موصيني قبل وقايل لي انه حاس بموته قريب ؟..تدري ابوي وصاني انا على كلشي وحتى كان يقول لي انه بيشتاق لي قبل لايموت بدقايق انا مافهمت وش كان يقصد ....وعلمني كلام كثير عن هالدنيا وكيف نتعامل معاها ........(وقف شوي وبعدين كمل)....... حتى يوم يكلم امي لاشكله ولاكلامه أول مره اسمع هالاسلوب من ابوي ....
نــــــــــــــزلت دمعة رجال مكســووور من عينه ..حسام شي طبيعي تأثر لأن نايف كبير ومايشوفونه بها الحال .....يحسبونه عديم مشاعر من كثر مااهو قوي ...لكن ان تعمق في نايف لقى عالم من الاحاسيس الدافيه الراقيه ...وهذا لموضع اللي كسره ..وطيح دموعه ...موقف مافيه مثل قسوته ..ولايحس فيه اللا مجربه ...المساله مب بسيطه ان اللي بيروح أبوك.؟. ويوصيك على كل املاكه وكل عياله ...يخليهم امانه عنده ...واكيد هذا واحبه واهو فخور بها الوصيه اللي مااعطاها غير نايف ....لكن نايف الحيـن وش بيبـــــقى له؟؟؟؟؟؟؟؟؟؟؟؟!من بعد أبوه؟..والسؤال الأهم اهله بالسعوديه كيف رح يستوعبون ..وش الوجه اللي بيقابلهم فيه ويقول لهم ان ابوكم مات ؟...
كان ماغير يذكر ويبكي حسام طلع من عنده عشان يتركه بلحاله أريح له ...
طلع حسام من جهه دق عليه جلوي من جهه ثانيه ..
حط له على مشغول مايدري ليه بس مب متحمل يكلمه ووش بيقول له الحين ...أصر عليه جلوي الين مارد نايف
جلوي: الو
نايف: نعم؟
جلوي: وينك؟ لي سنه اتصل ..المهم شوف عندي هنا ورقه موقعه باسم ابوي مدري شكلها لمستشفى بس مادري وش المهم انا الحين ابيك تعلمني ..........
نايف قاطعه وبصوت حاد: جلوي!!!
بدت الأفكار تمشي يمين ويسار فيه
جلوي مستغرب: نعم؟
نايف :...........
جلوي على طول توقع نتيجة اختباره مااعجبته ول ابوه بالعنايه رجعوه قرر انه يصير اهو اقوى من نايف بها المحنه وكل هذا ونايف ماقال ولاشي
جلوي: نايف حرقت اعصابي وشفيك؟
نايف:جلوي..
جلوي حتى تنفسه صار اصعب من قبل: نـايف..حــ...رام ...علـــ...يــ:....ك ياخوكــ تكلم ...وشفيه؟
نايف: ابوي يطلبك الحل ...اد ع له بالرحمــ ................(خنقته العبره وماقدر يكمل)
جلوي ؟.؟؟؟...............
نايف: اليوم الصبح رحت له ويوم طلعت من المستشفى مالي اللا ربع ساعه علمني الدكتور حسام ... صار ابوي قايل لهم يعلمونه عشان انا لااشوفه تخيل
جلوي ماقدر يستوعب ولاكلمه قالها نايف من بعد يطلبك الحل ...جلس على الأرض ماكان يقدر يتكلم لسانه عاجز عن كلشي لادموع ولاكلام ماصدر منه أي شي بس وده يستوعب الصدمه.....
جلوي:لاحول ولاقوة اللا بالله .......وشــ...لون ؟ ومتى ؟...
نايف:........
جلوي داري بنايف مارح يتكلم: خلاص اسكر منك الحين
سكر من نايف وطلع من مكتبه ...

 

[meen_ana]

<<<<<<الريااااااااااااااااض
جلوي من بعد ماطلع مالقى نفسه غير قبال باب بيتهم ...
جلوي دخل من غير مايسلم ولاتكلم ..ابد ...ماكان بالصاله غير شوق وام نايف ...
شوق: شخبارك ياخوي تعال سلم عبرنا
جلوي: يمه !
ام نايف باستغراب :جلوي؟
جلوي قرب من عندها اكثرمب قادر يعلمها اللي اعطاه نايف قوي كيف يبيه يقول لأمه ان ابونايف رااح؟
ام نايف:وشفيك؟
شوق: تعبان؟ ول شغلك قايلين لك شي؟ نايف صار له شي؟
ام نايف: لا اليوم الصبح مكلمته
جلوي تنهد : ابوي
كان يطالع بعيون امه وشوق ..راحمهم
جلوي: ابوي تعباان ودخلوه العنايه الحين
شوق: العنايه ؟لاحول ولاقوة اللا بالله
ام نايف عقدت حواجبها ونزلت راسها : لاحول ولاقوة اللا بالله
جلوي بضيق: اليوم من بعد ماكلمنا كلنا ... (كان يبي يكمل بس فضل الصمت عن الاعتراف لاتلومونه موقفه صعب) ...
جلوي بيوقف : يمه اللي قدامنا كثير أنا ونايف
ام نايف اللي حست بكلامه غموض وشي وده يوضحه لها اكيد ابونايف تعبه ينذر ان ساعة الصفر بدا وقت الاستعداد لها : ربك ماينسى احد ياجلوي
شوق : يمـ..هـ ...ابوي اليوم مكلمني حتى عبدالمجيد بعد كان صوته زين ماكان تعبان
ام نايف بس ساكته ولاتتلكم بشي... من الضيقه ...سكتت فتره ..حست ان ابونايف اللي فيه اكبر من كل مره واحساسها دايم يصيب حست ان جلوي وشكله مايقول ابوي بالعنايه وبس ...لكن ماحبت تستفسر منه أكثر ...
ام نايف : جلوي وشوق ادعو لأبوكم .. تراه محتاج دعوتكم الحين هذا اللي نقدر نسويه ...ربكم كريم ...(حطت عينها على جلوي) . مشاعل عند خويتها رح جيبها لاتطول عند خويتها
جلوي: ان شالله يمه
شوق شافت الام راحت مشت وراها للغرفه
.................................................. .................................................. .................................................. .
ركب سيارته ..وحط راسه على الدركسون شوي وبعدين حرك بسرعه لبيت صديقت مشاعل (امل)
جلوي: الو
مشاعل: هلا جلوي
جلوي: انا عند الباب بسرعه اطلعي
مشاعل: لاوين ... توني والله مااخذت ساعه
جلوي معصب: اذا قلت لك تطلعين تطلعين الحين
مشاعل: مابي
جلوي: ماحد بيجيبك بسرعه ول دخلت البيت وطلعت بطريقتي انا
مشاعل: اووف طيب طيب
طوووط طووووووط
امل: لايابايخه وش يوديك
مشاعل: انا ادري عن جلوي تقينه مستأذن وشاف بيتكم على طريقه مرني
امل: اجل تعالي لنا بعدين
مشاعل: مدري بوقت ثاني ان شالله
امل: مع السلامه
مشاعل واهي تسلم: مع السلامه
طلعت من البيت وركبت للسياره ..وعلى طول مسكته تهزيئ
مشاعل: وانت بس ماامداك تمر من البيت على طول تمرني من جد فشلتني عند البنت الحين وش بيقولون عنني ..ان كنت ابوي لو سمحت تجي تصارخ علي وتقول لي اطلعي ول ابطلعك ...مالك شغل فيني فاهم
جلوي مطنشها وماله خلقها اصلن وساااكت .... مشاعل سكتت فتره
مشاعل: هي انت ماعندك لسان تكلم ول بعد تبيني اعلمك شلون
لاحظته مستحيل بيعبرها ... سكتت واستغربت شكله متضاااايق مرره لدرجة انه سااهي ويفكر باشيا كثيره ... فجأه
مشاعل: ههيييي جلوي انتبه لاتصدم باللي قبالك
جلوي وتوه يحس بنفسه اللا فات الوقت وصدم بسياره كانت داخله عليه ...بس احتكت السياره شوي
جلوي بعصبيه: يالييييييل ...رايق انا لسياره بعد ...خلني انزل اشوف
توه نازل اللا وتطلع له بنت بالعشرينات ...متلثمه وراكبه ورا وقبالها سواقها الهندي ملبسته شماغ وثوب .... طلع الهندي ومعاه البنت
البنت:انت ماتحس بنفسك عمياان ول ماتشوف؟ والله سواقة أخر زمن صرنا نمشي ويجيك اللي يصدمك من غير ماتقربه
جلوي معصب وماله خلق احد وزاد عليه هالموقف ...
البنت قامت تطالع بعيونه اول ماشال النظارات الشمسيه عن عينه عيون حمرا وباين انه كان يبكي ..ومعصب بس الله يااخذ ابليسه ياعليه شكل يخبل ...ابتسمت بخبث
جلوي بصرامه ومعصب: حصل خير تصليحها ماياخذ ولاميتين ريال ... دخل يده بجيبه وطلع المحفظه
البنت: لالاوش ميتين ريال هذي لمبرقيني تدري وشو ول لازم أشرح لك
جلوي مد الفلوس وراح بيركب السياره مطنشها ...
البنت لحقته عند سيارته: انت لو صارت أغلى من كذا اوديك للمخافر ومراكز الشرطه فاهم
جلوي: لوسمحتي مستعجل انا كم تبين مثلا؟
البنت: بعد شين وقوة عين
مشاعل: جلوي حرك بسرعه مالي خلق هالأشكال
جلوي: وش المطلوب مننني الحين ؟
البنت: خلاص اوكي ان صارت ميتينين على قولك اوكي واذا مو ميتيين اعطني رقمك عشان اشوف ...
جلوي مد لها الكرت حقه : تفضلي
البنت: مشكور ...
جلوي
وحرك وبسرعة البرق مشى من عندها ...
مشاعل: سيارتنا صار فيها شي
جلوي: لا
مشاعل قصرت على صوت القرآن اللي كان مشغله معقده حواجبها: جلوي وش فيك فيك شي؟
جلوي في نفسه وش مافيني
مشاعل: جلوي تكلم وش فيك؟
جلوي واهو يدخل السياره من عند الباب ...: تغطي زين لأن شياب ابوي جايين هالوقت
مشاعل: طيب
جلوي: ايه وتغطي يمكن فيصل بوجهك الحين
مشاعل: ليه صاير شي؟
جلوي بعصبيه : مشاعل استعجلي لايجي احد يشوفك ارقي من الباب الرئيسي على طول
مشاعل باستسلام: طيب
كان وده يقول لها بس مب قاادر الخبر اقوى منه
جلس بالسياره ..وفك اول ثوبه ...ومسك جواله كان بيدق على نايف
جلوي: الو
نايف: نعم جلوي؟
جلوي: متى بتجي؟
نايف: مدري الحين ادور أقرب رحله تجيبني ...بس انت الحين كمل شغل السفاره عشان ننقل الجثه
جلوي بضيق: طيب ومتى انت جاي ترى لاامي ولاحد يدري
نايف: وش قلت
جلوي: قلت ان ابوي بالعنايه
نايف: خلاص وانا جاي قل لهم ...الجثه ترى مارح تطول يمكن اليوم بالليل توصلكم على او بكره الصبح كلامهم بس انت كمل الأوراق
جلوي تنهد وسكت
نايف سكت وراه فتره
جلوي بغصه: اللـ.....هـ يعـ.....ين
نايف:كلنا هذا مصيرنا
جلوي بضيق: توه مكلمني يانايف
نايف: وش اقول انا ؟ توه جالس معي وقال لي كلام اعلمك فيه بعدين بس انت تعوذ من الشيطان وخل شغل السفاره يمشي وبعدين علم الوالده ..والله يكون بعونك
جلوي: الله يعين ....فمان الله
نايف: سلام
.
انتهى من الجوال ...فتح باب الكهربائي عشان يطلع السياره من البيت ...طلعها واهو بحاله مايعلم بها غير رب العالمين ..متضااايق ومب قادر يصدق اللي قاعد يصير ..كان يفكر الحين بأهله الكل مابقى لهم غير جلوي نايف بيتزوج بعدين وبيتوفق ومايبقى غيري انا لهم ...يالله بس ابي ارضي ابوي لما اكون معهم يالله ان ماتخون ظنون الوالد فيني من بعده ....
شغل اذاعة القرآن ... وجلس يسمع ويدعي لأبوه ...
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::
<<<<ألمانيا ......نايف جلس له بالساعات بالمطار ينتظر اعلان أي رحله بتتوجه للسعوديه ول البحرين قطر أي دوله من دول الخليج ....أخر شي لقى رحله للسعوديه بعد ماحاول فيهم يدخلونه واهو ماحجز من بدري ..رح سريع بياخذ ملابسه وملابس ابوه من الشقه وتوه داخل
د حسام: لقيت الرحله ؟
نايف: ايه
حسام حاط يده على كتفه: الله يكون بعونك
نايف: الله يعين
حسام: ماوصيك تهونها على روحك
نايف: مااقول اللا الله يكون بالعون
حسام ودعه ...والكل سلم عليه وعزاه ...وراح مع التاكسي للسفاره سريع وبعدين المطار ..... توه راكب للطياره
اتصل بجلوي: هلاجلوي
جلوي: نعم نايف؟
نايف: شوف الحين ابرجع والجثه بيعجلونها مارح يطولون ...
جلوي: متى بيوصل؟
نايف: الحين كم الوقت عندك؟
جلوي: الساعه 4 العصر تقريبا
نايف: على العشا استلمها ...
جلوي: وانت متاك بتوصل؟
نايف: بالليل خلك عنني ابرجع مع ليموزين ول ابتصرف ..المهم علمت احد؟
جلوي: لا
نايف: اوكي الله الله بامي خلكم حولها
جلوي: لاتوصي
نايف: يالله اجل سلام
جلوي: سلام

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::
<<<<<بيت ابوعبدالله
ابوعبدالله: خالد تقدر تاخذه الحين؟
خالد: أي ان شالله ابوديه بس دقايق اروح اغسل للصلاة
ابوعبدالله: وانت رايح لاتنسى تاخذه
خالد: طيب... محمد تجي معي للصلاة ول بتروح لحالك؟
محمد: ايه انتظرك برا
طلع على الحديقه الخارجيه ... ينتظر خالد شوي ويدق جواله
(المعرس يتصل بك)
محمد: هلا فيصل
فيصل: السلام عليكم
محمد: وعليكم السلام
فيصل: البقى لراسك يامحمد
محمد: ليه ياكافي؟
فيصل: ابونايف
محمد: لاتقول
فيصل: جلوي توه معلمني وترالا خالتي ولاعيالها ماحد يدري
محمد بروعه: لااحول ولاقوة اللا بالله
فيصل: انا لله وانا اليه راجعون
محمد: وش هالكلام؟؟؟؟ومتى ووشلون ؟
فيصل: اليوم بالمستشفى ..الحين نايف بيرجع معاه على الليل بيوصل
محمد: لاحول ولاقوة اللا بالله
فيصل: الله يكون بعونهم
محمد: وجلوي وشخباره؟
فيصل: هذيني رايح له حالته دمار تعرف كلشي على راسه
محمد: الله يكون في عونه ..وينه؟
فيصل: بيروح يستلم الجثه بعد الصلاة من المطار
(على جيت ابو عبدالله وخالد)
محمد تنهد: الله يرحمه ويغفر له ..متى بيصلون عليه طيب؟
فيصل: انت خلهم يجون الحين يشوفون حالهم يستوعبون الصدمه
محمد: الله يعينهم اصلي واجيكم سلام
فيصل: سلام
ابوعبدالله: مين ؟
محمد لف على ابوه: ابونايف الله يرحمه
خالد: لاحول ولاقوة اللا بالله
ابوعبدالله: انا لله وانا اليه راجعون وشلون ومتى؟
محمد بضيق: اليوم الحين نايف بيرجع مع الجثه
ابوعبدالله: انا لله وانا اليه راجعون الله يرحمه ويسكنه الجنه نصلي ونروح لهم
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::
<<بيت ابونايف
دخل جلوي عليهم وطبعا مابقى شي ويستلم الجثه .. .. كانت ام نايف وشوق ومشاعل والوليدومنصور ...
اول مادخل وامه تطالع بنظراته .. بعيونه واضح انه مخبي اشيا كثيره يكفي انه بس قال لهم انه تعبان ولاعاد شافوه ..كانت تنتظر منه الخبر اللي في باله..على انها حاسه ان ساعة الصفر قربت
جلوي: السلام عليكم
ام نايف: وعليكم السلام
دخل وجلس جنب امه ... وسكت والكل تم ساكت ينتظر منه شي
الوليد: جلوي الحين وشخبار ابوي اللا
جلوي اعطاه نظره وسكت
شوي ويدق الجرس وتفتح الباب الشغاله ويدخل محمد وفيصل ... البنات الحين تغطو
سلمو على خالتهم وجلسو
جلوي تنهد: البقى لراسك يايمه ..أبوي توفى الله يرحمه
مشاعل شهقت وسكتت شوي وبعدهاووقفت على طول : نعم؟ ابوي ؟؟ ...ابوي ياجلوي انت متأكد؟؟
جلوي: قولي انا لله وانا اليه راجعون
مشاعل شهقت بقوه وطلعت من المكان .. وراحت على طول للغرفه اللي كان ينام فيها ابوها ...
شوق حطت يدها على فمها وطاحت دموعها على يدها/لالامستحيل!!
اما الوليد نزل راسه واهو سااكت .. بس يطالع باللي حوله بغير أي استيعاب او ردت فعل
ام نايف كانت متوقعه وشبه متيقنه مابغت تزيد على عيالها (تفكر بعيالها حتى باصعب محنه بحياتها)
جلوي اللي بينهار اللا شوي ...
محمد وفيصل حسسو بموقفه حاولو يكونون اقوى منه ويوقفون معاه
ام نايف : لاحول ولاقوة اللا بالله ...انا لله وانا اليه راجعون ...
كلها دقايق ومسكت الشيله تمسح عيونها : الله يرحمك يابو نايف الله يرحمك
شوق قربت عند امها وكانت حالتها اصعب من امها .....
اما الوليد اللي ظل فتره ساكت اهو بس شاف دموع امه .. ماقدر يقاوم نفسه اكثر ... طلع على طول برا البيت ...
جلوي بدموع متحجره في عيونه حاول قد مايقدر انه يخفيها: يمـ...ه جثة ابوي بتجي الحين ونايف بيوصل على الليل ...
ام نايف تطالع فيه بحزن: لاحول ولاقوة اللا بالله راضيه يارب راضيه بالقدر ....
جلوي من بعد ماطلع على طول طاحت دموع متحجره ...دمعه اخر ماطاحت يوم يصدم بالسياره واهو ولد الــ 12 سنه ..والحين الدنيا دارت الين مايدمع ويبكي ... على اللي اغلى عليه من نفسه اللي ان راح اهومن اللي بيتغيرون ان فقدوه .... كان بقد مايقدر يحاول مايتعب نفسه بها التفكير ويرضى بــ المكتوب ويسلم امره
.................................................. .................................................. ..........................................
شوق راحت عند مشاعل في غرفة ابوهم كل وحده تبكي بطريقتها
شوق تشهق وتبكي اما مشاعل ماسكه شماغ ابوها وطايحه على السرير وتبكي بصوت يقطع القلب
شوق كانت لاهيه بنفسها ...فتره وبعدين راحت تشوف مشاعل المنهاره
شوق بصوت مبحوح: مشاعل
مشاعل: .......
شوق: مشاعل خلاص يكفي ..ابوي بالجنه الحين ان شالله
مشاعل: شوق والله ماتوقعت كلمني اليوم سمعت صوته ابوي هذا انا من لي ابو غيره
شوق: والله كلنا بس خلاص ادعي له بالرحمه هذي سنة الحياة .. وهذي الدنيا كلنا لها المصير
مشاعل جلست على السرير وبانت عيونها الحمرا المدمعه من البكي ... مسكت شماغ ابوها المليااان دموع
مشاعل: شوق ابيه دقايق بس ابي اضمه شوق اهو من راح واحنا مانسمع اللا صوته واخباره من بعيد لبعيد انحرمنا منه حتى بحياته كيف يرضى يتركنا كذا الحين
شوق: انا لله وانا اليه راجعون يامشاعل يكفي ! خلاص
راحت عندها وضمتها حاولت تهديها بالكلام وبالقرايه بس مافيه فايده البنت رايحه بكي ماقدرت تمسك حالها ..... شوق تعبت منها البنت مب راضيه ترحم نفسها شوي ... تغطت وطلعت للمطبخ بتجيب لها مويه
قابلها محمد اللي كان يسمع كلشي لأن الغرفه قريبه مره من الصاله ...
شاف شوق واهي طالعه راح عندها
محمد: شوق
شوق: نعم محمد
محمد: عظم الله اجرك اول شي
شوق: اجرنا واجرك الله يعافيك
محمد: وشخبار مشاعل الحين
شوق بحزن: والله مدري عنها حالتها دماار وانا ماابي امي ول اخواني يشوفونها كذا
محمد: اعطيها قرايه وشغلي لها قرآن وخليها مع نفسها شوي ...ابروح اجيب القرايه الحين
شوق: ماتقصر يامحمد
محمد: والله الله بخالتي هذا فيصل عندها وبنطلع احنا الحين ..
شوق: لاتوصي حريص
محمد:..يالله فمان الله
شوق: مع السلامه
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::
طبعا كلها شويت وقت وانتشر الخبر ...عند الاهل كلهم ... خالد وتركي وديما وابوعبدالله وام محمد وساره وندى ورينادوغلا وعبدالله ولمى وام فيصل وفيصل ومها كلهم راحو عندهم
وجهت الرجال كانت مليااااااانه شياب وربع ابوهم ..اللي حتى واهو بالمانيا كانو يجون عندهم اجل كيف بعد مامات
ام فيصل كانت جالسه جنب ام نايف في غرفتها ...بعيد عن الناس
اما البنات كلهن كانو يصيحوون واكثرهم مشاعل
غلا: مشاعل الله يهديك يكفي
مشاعل بس تشهق وتبكي من دون ولاكلمه
شوق: ساره اللا محمد اخوك جاب القرايه ول مابعد؟
ساره: اللا صح ذكرتيني حطيتها بالمطبخ تلقينها معليش نسيتها
غلا اكثر شي مضيق صدرها نايف اكثر واحد تفكر فيه اكيد حالته دماار الحين ولازم توقف معاه وتصير اقوى منه مهما كان قوي نايف يحب ابوه اكثر من نفسه اكيد رح يضعف بها الموقف ..ودها بس تشوفه وتشوف حالته الحين ....

 

[meen_ana]

جلوي وفيصل ومحمد ومنصور والوليد راحو واستلمو الجثه ... ودوها للمغسله ... ورجعو عند الرجال ...... كان عدد الرجال اكثر من الحريم بكثير يوصل عددهم اكثر من الخمسين رجال بأول العزا وابوعبدالله اهو اللي تكفل بالعشا
شوي ويدخل عليهم نايف توه واصل من المانيا ... دخل على طول داخل الفيلا عند خالاته ...
ريناد : ساره يقول تركي ان نايف وصل
ساره: بيدخل هنا الحين ؟
ريناد: ايه
ساره: امشي معاي خلينا نعلم هالحريم
طق الباب نايف والحريم تغطو ... دخل عليهم بوجه اصفر شــاحب مايتفسر من الضيقه اللي فيه ... طبعا اكيد اهو الحين مثل رجال البيت ومستحيل يبين لأهله غير انه متضايق وبس اكثر من كذا لازم يخبيه ...
نايف: السلام عليكم
الكل: وعليكم السلام
سلم عليهم ببرود واعصاب هاديه ... كانو يعزونه .يرد عليهم بهدوء ...
وسعت له ام محمد وجلس بينها وبين شوق
شوق طول الوقت تبكي ... وام محمد فضلت انها تسكت هالوقت لأنها عارفه حالته الحين
ام محمد ماده له كاس مويه: سم يانايف
نايف : سم الله عدوك خالتي ...شربها وجلس له طول الوقت ساكت
اول كلمه نطق بها غير الرد على اللي يعزون
نايف: خالتي وين امي ؟ وشخبارها؟
ام محمد: هذيهي فوق مع ام فيصل ..لالاالحمدلله احسن من قبل ...
نايف: ومشاعل ياشوق وينها؟
شوق: بالغرفه مع البنات ..
نايف يوقف : بعد اذنكم اجل
ام محمد: الله معاك
طلع فوق عند امه اول مادخل للغرفه ...وحطت عينها عليه ... قامت تبكي ومو بس تبكي اللا تصرخ
نايف سلم عليها وعلى طول حظنها..كانت تبكي ونايف اول مره يشوف امه بها الحال ... ويتضايق لما يشوفها كذا ... .. حاول بقد مايقدر يصير اهو اقوى واحد بها المكان على انه متحطم ...لكن اذا ماكان اهو هذا موقفه مين بيكون مكانه ؟....
تركته وجلسها على السرير ....
نايف: الله يرحمه يمه قولي الحمدلله على كل حال هذا القدر وهذا المكتوب
ام نايف تمسح دموعها وتنهدت خفت حالتها شوي : الله يرحمك يابونايف ....
شوي وطلع من عندهم ( ماكان يبي يشوف اكثر من كذا)... وراح غير ملابسه وينزل تحت عند الرجال ....
قبل لايوصل قابل الوليد .... في طريقه كان عند مواقف السيارات يبكي بشده ...شكل الوليد يقطع القلبـــ ..نايف تم يطالع فيه بضيق .. ... وماانتبه اللا على صوت نايف يناديه باسمه ...لف عليه الوليد بوجه شاحب وكله دموع وحاول يجنب عن اخوه شوي
نايف قرب من عنده وحط يده على كتفه ... رفع الوليد راسه لأخوه ...
الوليد: عظم الله اجرك بالوالـ....د
نايف حاول يصمد قد مايقدرهذا ثاني موقف يشوفه من بعد امه: اجرنا واجرك الوليد ..
تركه الوليد وعلى طول طلع من البيت اما نايف تنهد وراح جهت الرجال
اول مادخل الكل وقف ..ووسعوله يجلس في صدر المجلس ..وفي مكان ابونايف المعهود .... سلم ودخل وجلس على الكرسي الكل جلس بعده وراحو يعزونه واحد ورا الثاني ... جلوي ومنصور وفيصل ملاحظين عليه هدوئه .............!!
كان جلوي جالس جنبه على طول ... والاثنين ساكتين والمكان كله هااادي ... مافيه غير صوت واحد من الشباب يدعي له ...
جلوي: نايف ...!
نايف لف عليه
جلوي بدموع متحجره: اهل القبيله بيجون بكره اليوم اتصلو وعزوني ويبون منك اتصال
نايف من شاف ضيقت الصدر بعيون جلوي فضل الصمت والاجابات المختصره ... هذا المخرج الوحيد بالنسبه له
نايف: اكلمهم بكره ..متى بيوصلون ؟
جلوي: على الصبح
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::
<<<اليوم اللي بعده قبل صلاة الفجر بشوي طبعا ماذاقت عيونه النوم ابد
ابعدت ؟ ابعدتــ وتركتنيــ بين جبروت هالدنيا ...؟؟ وقسوة أيامي ....؟... تركتني واحد نايف بس ...من بعد كنت انا وانت .... آآآه يايبه كيف بعدكــ عذااب قطع لي قلبي أجزاء ... ليه تتركني ..؟ وانا مقدر على فرقاكــ
فراقكــ قاسي ...إيـــهــ والله قاسي...!
كنت ماسك كتاب الشعر .... ابحرفي اعماقها .... ماادري وش الرابط بين بحور الشعر وبيني .؟؟ يمكن لأنه اكثرمن تحمل هموم هالعالم بين امواجه ...وصبر وكابر ... ولانفجر ...ولابعد تطلع براكين الصبر اللي فيه ......
دنياي تحولت ....! انقلبت ..فقدت كل شي يعني أمـــل ماتــ كل الأمل اللي بداخليــ
كل اللي قدرت اسويه وانا جالس على هالكرسي الخشبي انتظر اللي بيعزونني .....
بوفاة ابوي ....ولي ساعات كثيره مانمتها ولاارتحتها كل اللي حولي ...بيحركهم موقفي .... صمودي ..رح يكون ضدي ....لكن مهما كان انا نايف ولد سعود ..مع اني مالي اللا ساعات من خسرتك .....لكن لك الله يايبه اني اشوفه قرن وسنين طويله .....مانيب مصدق اني بها الوقت (امس)كنت اشوفك واحاكيك ........ كل اللي قدرت اكتبه على كتابي الخاص ....
فــراقكــ قاسيـــ عمري مابنساكــ ...!
الجمله كلها كلمات بسيطه لكن هزتني حسيت ان وحي الشعر .... يهز..فيني قسوة فراقك ....... ماقدرت اكمل تركت كتابه اتفرغ ...للي تعبر عنه عيوني .....
حطيت شماغي ومسحت دمعتي ..... ! تعوذت من الشيطان ووقفتــ أطل على اخواني .. اهم بنفس حالتي ؟ ول لا؟
دخلت داخل الفيلا لقيت الوالده اللي لايحرمني منها ..... كانت تجاري بأختي مشاعل ....اللي من عرفت وماقدرت تمسك دموعها ....آآه ليتني مثلك يامشاعل ....تعبرين عن داخلك .بطريقة تريحك ...
لكن أنا ؟..... كانت امي تناظرني بحسره ...واكره هالنظره اشوفها من الوالده ....لأنها دايم تهزني .... ولاحبها تتنكد منني ..... ماكانت تكلمني كثير من بعد مازفيتها بها الخبر .....وأحس اني مذنب بالشي هذا وكأنني انا قاتل ابوي ...
بس والله داري يام نايف ان اللي بقلبك ....همي وهمك ... وياليت من يشيل همك ....
سالت عن الوليد ومنصور اخواني الصغار ....انا بمكان ابوهم هالوقتـــ وللحين مادري وينهم .... كلهم كانو في المسجد يدعون لأبوي بالرحمه ....
طلعت ... على فوق ....وانا رايح اللا واسمع صوت امي اللي رجعني لجهتها وكعادتي ساكت ولااتكلم ....
حتى الأطرم حالته أرحم منني
ام نايف: نايف ياولدي مااكلت شي من جيت ...كل لك لقمتين على الاقل
نايف: لايمه خليني الحين وراي اشيا كثير اهم من الأكل ووش الاكل الحين ؟
ام نايف نزلت راسها بحزن وانا ماقدرت اشوفها واسكت ..حسيت كلامي ينبش هموم
جلست جنبها ... على اني ادري ان جلستي مع امي مستحيل رح اقدر اواسي احد ليه ؟ ماادري ........... لكن فيه اشيا كثير انا ابي افاتحها فيها ..................
نايف بغير مايحس بنفسه هذا اللي شاف نفسه يقوله: يمه وين راح ابوي؟
ام نايف : مايدوم الزين ياولدي
نايف تنهد وسكت .... حسيت ان سؤالي فيه نوع من الغرابه ...لكنني لها اللحظه مادري وش اللي خلاني اسال مثل هالسؤال الغريب ....
ودي اواسيها واشيل همومها انا قلبي رحيم واكثر واحد ارحم امي .... ماقدرت اللا احط يدي على كتفها واحب راسها ...واهي بتفهم قصدي ..تركت الصاله وتركت امي فيها كملت دموعها من بعد ماطلعت ......
اذن المسجد القريب .... غسلت ...وطلعت للمسجد ...ماامداني اوصل لعتبة المسجد اللا ويجيني الشيخ والشاب والطفل والكل يعزيني بأبوي ...يالله يايبه خيرك عم .....وذكرك طيب ...اتشرف اني انا ولدك ...
بعد التسليم كل اللي بالمسجد لحقوني للبيت ....رجليه وبسياراتهم عشان ..... يعزونني ...ويحظرون ثاني ايام العزا
.................................................. .................................................. .................................................. .................................................. ................................
الساعه 10 ونصف الصبح ......
حظرو شيوخ القبيله ورجالها ....المجلس امتلى ...رجال وفتحو لهم أكثر من مجلس الرجال كانو بالثمانين رجال ....... احتاجو خيمه واكثر من 4 مجالس ...... وكان من بين الحاظرين ....عم ابوي (ناصر) وولد عم ابوي( صالح)
هالاثنين اكثر اثنين استغربت منهم .... حظورهم كان يسبقه الفرح وكأنهم حاظرين عزيمه .... ول غلطانين بالمكان ... حتى يوم يدعون لأبوي ويعزونني كان يسبقهم الفرح ....بس لحظه ليه انت اناني يانايف ؟؟ دام دنياهم صافيه لهم ....لاتنظلهم ...لكن الفرح هذا غريب وكأنه فرح بموت ابوي الله يرحمه
ناصر ينادي: يااصاالح !!
صالح: سم جاك جاك
ناصر: هذا هو نايف
صالح بحزن مصطنع وقدام كل الرجال وبتمثيل واضح: الله يرحمه ويغفرله عظم الله اجركم
نايف: اجرنا واجرك يعطيك العافيه
ناصر: اللا اقول نايف ...البيت كله رجال ؟ ول قسم حريم وقسم للرجال
نايف وماله خلق ناصر ولا لسؤاله اللي مثل وجهه: الحريم ببيت والرجال ببيت ثاني ....
صالح: نبي بس نشوف البيت اذا ممكن
جلوي ونايف قامو يطالعون ببعض وشوي ولف عليه جلوي لأنه عارف نايف بيقوم عليه اللا شوي من حينه واهو مايهضم حركاتهم
جلوي: وش تشوف بالبيت عارضينه للايجار لاسمح الله ؟
صالح: هههههههههههههههه ياخف دمك لالابس من زمان وانا اسمع عنه وابي اشوفه
ناصر: تعال ياصالح ..هذا الوليد برا اناديه يورينا البيت
طلعو من المجلس وسط استغراب الكل ... لأن الحركه فيها نوع من الحقارهـ
جلوي: استغفر الله
نايف: فكونا من ذولا لااشوفهم ناطين لي كل يوم تعرف ياجلوي عذال ابوي كثر احبابه وانا ماامن هالاشكال واتوقع انك عارف
جلوي: ماعليك منهم مااخلي هالمهزله تطول اعوذ بالله حتى مجلس الرجال ماحطو له قيمه
.................................................. .................................................. .................................................. .......::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
<<<بيت ابوعبدالله
طبعا ابوعبدالله تكفل بكلشي العشا ول الغدا وعزا الحريم كله ببيته وريح عيال ابونايف من هالمهمه ...
مشاعل: لامرح تطلع مستحيل
شوق: اصلن منصور قايل لي اليوم ان نايف مب راضي اان ملابس ابوي تطلع من البيت يقول رتبوها بدولابه وحتى غرفته لاتتغير ولابيصير فيها شي
مشاعل: احسن زين سوا ...
ريناد: بيتكم مليان يقول الوليد
شوق: ايه اسمعه يقول اليوم الرجال كل مالهم ويكثرون
ساره: لابس العزا ناس تروح وناس تجي يعني مايطولون مره
قطع عليهم صوت جوال مشاعل على نغمة الجوال العاديه
مشاعل عقدت حاجبها واهي تطالع الرقم
ساره: وشفيك مين ؟
مشاعل ردت على طول: السلام عليكم
محمد: وعليكم السلام ...مشاعل شخبارك؟
مشاعل: الحمدلله
محمد: عظم الله اجركم بالوالد .ثبتي قلبك
مشاعل: الله يرحمه ويعيننا على فراقه
محمد: والله الله بخالتي خليكم جنبها ...
مشاعل: محمد ابسالك عن اخواني ؟ الوليد ؟ وشمسوين ترا من الصبح ماشفتهم
محمد بضيق : والله هذا نايف حده يسلم ولايتكلم ... وجلوي وانا والعيال قايمين بالعزا ...الوليد ماله شوفه طول الوقت برا البيت قلت له يجي بس مب راضي يقابل هالرجال
مشاعل تنهدت : الله يعين
محمد: مابيك تتعبين حالك ولازم تصيرين قويه
مشاعل ابتسمت واسكتت الكل لاحظ الشي هذا
محمد حس انه احرجها (ياربيه وش سويت انا؟!) :.. فمان الله
مشاعل: سلام
ساره: بسم الله الرحمن الرحيم وش صاير؟
ريناد: مين اللي داق عليك
مشاعل واول مره تمزح: عيال خالتي ام محمد فيكم عرق لقافه مب طبيعي
ساره: حدك عاد
مشاعل: هذا محمد اخوك
ريناد: امانه؟ جد؟
مشاعل: والله
ساره: اشوفك تضحكين ؟
مشاعل: يعزيني ماتوقعت كلمني كثير فيصل يوم يكلمني بس عزاني وعلى طول سكر غير عن محمد
ريناد: والله كبر بعيني ماتوقعت صراحهـ
مشاعل: شدعوه؟
ساره: بس بدينا ندافع
شوي ويدق الجرس ....... وقامو بعض الحريم طلعو برا وبعضهم تمو داخل البنات كانو بالغرفه اللي فوق ..بعيد عن اللي يعزون ..........
ريناد: وليه نزلو تحت؟
غلا راحت على طول للنافذه اللي فوق ...وشافت الأودي الاسود نزل منه الوليد ونايف دخلو داخل ولمحته واهو يسلم على الحريم ..... كانت مشياته متثاقله .... وباين عليه انه يكابر نايف وماحد يفهمك مثلي وانا غلا
طاحت دمعتها ...يكفي ان اللي قبالها نــايف مكسور موقف قاسي بالنسبه لها ... وخاصه انها تسمع عنه من بعيد انه حزين ويكابر .... ولاشافته من بعد مامات ابونايف ...كانت تنتظره من زمان ..
ساره: غلا وصمخ
غلا لفت عليها بعيون تلمع
ساره لمحتها بس ماحبت تتكلم عن شي : لي ساعه اسالك مين اللي جاي؟
غلا:هذا ....هذا ........... هــ....ذا ..
ساره: ايه مين تراك حرقتي لي اعصابي
غلا: نـــ.........ايــ......ف ..
غلا: نايف والوليد توهم جايين
ساره الحين استوعبت ليه هالدموع وهالضيقه وقفت جنبها وشافت منظر نايف اللي يضيق الصدر ..
نزلو البنات كلهم وسلمو على نايف والوليد ...وعزوهم وخف المكان شوي ..غلا كانت تطالعه من فوق ...انتظرت المكان الين مافضا ..ونزلت له على طول ...
اول ماقربت عنده سلمت عليه وقامت تبكي .... غلا ماودها لكن ماقدرت تمسك نفسها
غلا تشهق: والله انه ضايق صدري عليك
نايف: الله يرحمه ياغلا الحمدلله على كل حال
غلا: الله يعينك والله حالتك صعبه
هنا نايف تذكر ان غلا مرت بها الموقف بيوم من الايام ...حس فيها وحس باحساسها وفهم دموعها ودرسها زين ......
ضاق صدره على حالته وحالتها .....لكن بصموده كان يكبر بعين نفسه كثير ...ياما تحمل واخفى دموعه عن الكل .... خلاص اهو القوي اللي عرف نفسه مارح يغير هالنظره عند الناس ابد وعند نفسه ...ويدري وش كبر صدمة غلا ان شافت دمعه وحده من نايف لأن نايف ...بها الامور يعتبرونه مثل عديم المشاعر ومستحيل بيبكي ....!
لكن ياما كان يتعذب ويكابر .... بس عشان اللي حوله ..........
تم يفكر واهي قباله تبكي ..بدموع بس .... كانت تواسيه لكن منشغل بالتفكير ...وكل اللي قدر يقوله
نايف: الله يسهل ......غلا............ الايام الجايه صعبه ! !
مد يده ومسح دمعه كانت بتطيح ... ودخل داخل البيت ...
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::::
<<<<<<<<<<<<<<<<<<بعد مرورفترة ثلاث اسابيع من العزا .....
القدر بيحكمهم بالنهايه رضو او مارضو اقتنتعت دموعهم بالواقع او لا ....دنياهم صعبه .... ولازم يجارونها .....
نايف مثال للقوي ...نايف مابينت دمعه منه كان يواسي الكل ويخفف عن الكل وكأنه عديم مشاعر ...صحيح وجهه يقول كلام ثاني وصوته وطريقة كلامه عن ابوه ... لكن هذا اهو وهذا اللي المفروظ بيكون
لكــن المصيبه الأكبر ان موتـ ابوه أثر على أشيــا كثيرهـ بداخله ...نايف تحطم من كل ناحيه ...تغير وغير اشيا كثير وأول من تغيــر عليه غـــلا
اما خالد... بدا يفكر بجديه بفكرة خطوبة البتول ويخليها قريبه
محمد وكل يوم طالع لاهله بسالفه جديده عن ربعه اللي يتزوجون مبكرهههههههه<<يخطط من بعيد
اما تركي وديما ....شبهـ انعدمت ثقتهم بكلشي وسلمو المكتوب اللي مستحيل بيرزقون الولد
ساره شاركت بجميعات خيريه كثير وصارت تلتحق بدورات تعلم فيها الأطفال القرآن الكريم وتحفظهم وتغيرت كثير وصارت ساره الملتزمه .... ساره ثانيه غير الأولانيه ....
الوليد وريناد كل يوم طالعين بفضيحه جديده لنفسهم وكل بيت عرف عن حكايات عشقهم لبعض اللي ماتنتهي ......
فيصل من بعد مااستقر وارتاح واعتبر ساره مثلها مثل أي وحده من بنات خالاته وانفتحت له دنيا جديده ...كان يتحسف على كل لحظه ماقضاها بجنب مها اللي ابد ابد ماااقصرت معاه

 

[meen_ana]

<<<بيت ابونايف
في الصاله
مشاعل: نايف ترا جايك اتصال اليوم
نايف: من مين ؟
مشاعل: والله مدري ياخي بدوي مادري وش يقول يصارخ بالسماعه
نايف التفت على جلوي) : شكلها تقصد ربع القبيله
جلوي: فال الله ولافالك ان شالله موب اهم اعوذ بالله
ام نايف: وليه ياكافي ؟ ماتعودت على عيالي يكرهون احد
جلوي: نشبه اعوذ بالله كل يوم تعالو لحايل وتعالو وكننا فاضين لهم الحين
منصور: بتروحون ول لا؟ عن نفسي ابقعد مالي روحه هناك
نايف: اللا بتروح دامهم يبونك رح شف وش يبون
منصور: نايف الدعوه انقلبت لمهزله وبزياده عن اللزوم اطماعهم باينه
نايف: مهما كان اطماعهم انت تحط لها حد مو الحل انك تبتعد علمهم مين انت ولابيتجرؤون عليك باي كلمه مثل المره اللي قبل
الوليد ماسك جوال جلوي يلعب فيه وكل شوي يدق : جلوي رد على هالجوال تراه ازعجني
منصور: ايه وراك ماترد عليه؟
جلوي: ياخي خلاص ازعاج ...او اقول خلني ارد ..ألو ...نعم؟؟... لا...يابنت الحلال استحي على وجهك .ايه ..طيب اوكي ...انا ماعندي مشكله ..تبرعي فيها فكيني بس..... لاتحديني اسوي اللي ضد مصلحتك ...اي أي طيب ....سلام ...
رمي الجوال على الجنب
نايف: اعصابك وش مين ذي؟
جلوي: وحده نااشبه فيني كرهت عيشتي افكر اغير الرقم
الوليد: والله؟ جب جب الرقم خلني اوسع صدري...احمد ربك
منصور: يعني اني عندي معجبات ميتين علي اقول جب الرقم بس
جلوي: هذي صادم بسيارتها وغلطت عمري اللي ارتكبتها ... سعر تصليح سيارتها يجي مية ريال ويالله ... نشبت فيني اعطني ميتين ...اعطيتها ابي اخلص وامشي ...اخذت منني رقمي عشان الفلوس والى يومكم تتصل
نايف: وش تبي طيب؟ زيادة فلوس؟
جلوي: تقول ان تصليحها مااخذ اللا سبعين ريال وانت معطيني ميتين تبيني اقابلها اخذ فلوسي كنني رايق لها
الوليد: ههههههههههههههههه العن ام الفلله ...ياخي انا اروح لاتتعب اعصابك بس انت هات لي رقمها .... وانا اروح لها
جلوي: لاوالله ؟؟؟ خبل انا اعطيك الرقم
منصور: خخخخخخخخخخخ طيب انشره عند شباب شي شكل البنت رايحه بخرايطها
نايف: ماعليكم منها خلوها بحالها ...داجه لنفسها وش حقه ينشر رقمها
جلوي: ابلغي رقم جوالي بالاساس
نايف: المهم وش قلتو بروحت حايل متى نمشي لهم؟
منصور: لاتروح مب لازم
نايف: ابي اخلص ابي انتهي
جلوي: طيب وان فتحو لك سالفة هالورث مره ثانيه وش بتسوي؟
نايف: مالهم اللا محاكم اجرجرهم هناك
الوليد: محاكم؟؟؟
جلوي: مايسد طمعهم اللا القانون ول فيه عمان يطالبون بحقهم من الورث كنهم كفوو ....
الوليد: بس ناصر يقول ان ابوك ناذر نذر ان لهم حق بالورث
نايف: الورقه موقعه ومسلمه عندي كل الورث موزع على عيال ابونايف وبناته وزوجته باللهي ابوي مب متكفل بناصر وصالح والباقي ... ماعندهم أي اثبات والحركه مكشوفه
جلوي: طيب وش السواة؟
نايف يوقف
منصور: وش ناوي تسوي؟
نايف واهو بيطلع : والله مدري بس هالمهزله لازم احط لها حد
منصور: جلوي جوالك مره ثانيه
جلوي: انا لله وانا اليه راجعون اللهم طولك ياروح
الوليد: هههههههههههه تكفى خلني اكلمها
جلوي: لاهذا ناصر
نايف: اعطني اياه
نايف: الو...وعليكم السلام ....ابد ماهنا خلاف ...بشرونا عنكم ..؟..ايه نايف معاك .... اليوم؟ ...ومتى ...؟..اها؟ ....اي أي طيب ...صار خير ان شالله ...مع السلامه
منصور: وش يبي؟
نايف: يقول ان الشيخ عازمكم ...اليوم بحايل
الوليد: والله قهر مشوار لحايل عشان عزيمه؟
جلوي وقف جنب نايف: وش ناوي عليه؟
نايف: جلوي..!! اليوم كلنا نروح ولازم نتفاهم حول هالموضوع ....
منصور: وورقة الوصيه جبها معك
جلوي: صدق المصايب ماتجي اللا من الاقارب
نايف: لاتامن احد ..الكل حط له حدود معاك ..وهذي الاشكال اولهم ..احنا ياعيال ابونايف ولاقسمنا الورث بعد يجون يطالبون بنصيب ....(ضحكه باستهزاء) وبأي حق ..ومين بأمره ؟.....قال نذر قال ....معصي !
استغربو كلامه اول مره يطلع منه هالرد على انه يكلم نفسه ...واهو طالع
نايف: اليوم بعد صلاة العصر نمشي هناك خلاص؟
جلوي: صار ان شالله

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::
في شركة خالد وطلال
سعود : مايصلح ياختي والله مايصير
البتول: انا كم مره قلت لك مو انت اللي تكلمني
سعود : مين تبين اجل؟
البتول: فيه عندكم واحد ثاني اسمه امممممم ايه مشاري دايم اتطاق معاه ويتفاهم مععي بسرعه موب مثلك
سعود: حفظتي كل الموظفين ماشالله عليك ...والله انا الغلطان اللي نازل تحت اقعد بمكتبي اصرف
البتول: هذك قلتها
حمد(واحد يبيع بالمحل مقبل عليها من بعيد كانت معصبه لأن الجهاز مرتفع سعره مره وبزياده )
حمد: أي خدمه؟
البتول معصبه : اول مره اشوف جهاز بها السعر ول الظاهر تحسبون ان ماحد عنده شركه غيركم؟
حمد : عفوا؟؟
البتول عصصبت : انا لله ..انا بيرتفع لي ضغطي هنا وش اللي يجيبني بها الشركه بس كل اللي فيها باردين اعصاب
حمد: ايش المشكله في ايش؟
البتول: مدري ودك اني اقوم واصكك بها الجهاز؟ ول شلون؟
حمد: ههههههههههههه عفوا اذا عن السعر ترا الاسعار مرتفعه هالايام ...هذا شي والشي الثاني استيراد معدات من برا واشيا هذا اعتقد انه مكلف ول لا؟ اذا تدورين عن شركات عالميه لاتفكرين بالسعر ياختي
البتول تكتفت وخاف منها حمد لأن البتول ان عصبت ورته شغله مع خالد هههههههههههههه
حمد: تبيني اتصل ع المدير أأكد لك ؟
البتول انحرجت وانطفت شوي حاولت تكبت: لاماعاد ينفع مدير الحين خلاص خلاص بس ابي الجهاز اللي قبل شوي اعطيتني اياه ..و...
شوي اللا وتشوف الموظف راح للجهه الثانيه يكلم زبونه غيرها ...عاد هنا البتول ماتلقووونها ....
البتول: انت هي !! يااصديق !! يامحمد!!
حمد لف عليها: نعم نعم؟ وش فيه؟
البتول: لف علي وكلمني وش قلت الأدب هذي ؟ مو انا جايه قبلها تنتظرني أكمل كلام وبعدين تلف جهتها اوكي؟ ول الظاهر صرت انا المحتشمه مالي قيمه واللي فاتحه وجهها تبيعونها .... ترا اللي سويته رح يكون ضد صالحك هاه!
حمد: لالاياختي انتي اخذتي الموضوع بحساسيه ...بس ..كانــ..
البتول: لابس ولامابس ..وين مديركم خلوني اتفاهم معاه وينه؟
حمد: المدير مشغول الحين عنده امور لازم يخلصها
البتول: بسرعه رح وناد لي هذا اللي اسمه خالد ولد سلطان ول طلال وخلوني اشوف حل معاكم ماصارت بيعه اللا قلت أدب!!
حمد خااف منها الحين تقدر تسوي أي شي وبالذات انها تعرف نواف ..دقت على نواف على طول واهي مشحووونه
البتول: الوو!! نواف
نواف: نعم؟
البتول: وين مديركم بسرعه
نواف: مديرنا؟
البتول: بسرعه
نواف: ليه؟
البتول: انا قلت وينه لاترد علي بسؤال
نواف: البتول لايكون مصيبه جديده مع الموظفين
البتول: وماحد بيحلها اللا خالد عجل علي
نواف: انا لله وانا اليه راجعون ياختي اعقلي والله فشلتيني عند العالم
البتول: انت مالك شغل ناده لي وبسرعه
نواف: خدام ابوك اهو خالد وراه شغل
البتول: اذا تهمه مصلحة هالشركه خله ينزل
نواف: يابنت الحلال هدي اعصابك ذاخالد موب مهتم اقول اطلعي وانا اتصرف بعدين والله مشغول يابتول
مر من عنده خالد وسكت نواف
خالد: نواف وشفيك؟ صاير شي؟
نواف: لالاطال عمرك ابد سلامتك
خالد: علمني اذا فيه شي قبل لاادري وانت تدري وش بيصير بعدين
نواف: بس صايره مشكله تحت مع هالموظفين واختي ومب راضيه تخليهم يحلونها لها لازم انت
خالد: وليه ماقلت لي؟
نواف: قلت ماله داعي اشغلك على مواضيع تافهه
خالد: نواف !! اسمع ...راحة الزباين اهم ماعندي وبعدين انا ماوراي لاشغل ولااجتماع ...انا اول من يدري بها الأمور مهما كانت بسيطه تفهم ول يحتاج اشرح
نواف وقف: فهمت عليك طال عمرك
خالد: وش المشكله؟
نواف: مدري للحين مابعد اعرف
خالد واهو طالع: مابي اشوف مثل هالحركه مره ثانيه ترا اكره ماعندي المدير ان اعتبروه برا شركته ...اعتبرها اهانه بحققي يانواف
نواف: السموحه منك خالد
خالد: حصل خير
طلع من عنده مععصب
اما نواف اللي طاح وجهه ومسك الجوال اللي مازالت البتول معاه على الخط ...وسمعت كلش
نواف: زين كذا ؟ عاجبك؟
البتول باعجاب: هذا اللي يستاهل يمسك شركه موب انت تستاهل ماجاك احسن
نواف: الله يستر منك والله مالي وجه اشوف احد حتى مشاري فشلتيني عنده
البتول: ماسويت شي طلبت حقي انا ....
نواف: يالله ولاعاد اسمع شي عنك هنا بالشركه دوري لك غيرها
البتول: هيهي احلم على قدك بااي
.................................................. .................................................. ..............................................
خالد توه داخل وطبعا دخل وله هيبته كل الموظفين راحو يشوفون وش السالفه تجمعو حول الكونتر ... وغريبه خالد داخل
خالد: السلام عليكم
الكل: وعليكم السلام
خالد: وش صاير يااختي ؟
البتول: جايه لي ساعه انتظر واحد يكلمني جاهذاك واحد يقال له سعود كلمني وراح بعدها جاهذا الأخ اللي قبالي ...وقام يتفلسف علي وانا اكلمه لف على البنت اللي بالجنب وقعد يكلمها ولاكانني موجوده واتوقع هذي اهانه للزبباين يعني دامني انا جايه محتشمه ولابسه عبايه موب فستان ...اعامل بهذي الطريقه؟؟؟ من متى صارت وبأي حق؟؟... معليش اخوي اتوقع الحركه مب شويه ..ول اخاف صرتو تبيعون على حسب الشكل مو لله
خالد انقهر من كلامها وبيني وبينكم ماقصر فيها تمنقل حتى اللي حوله لاحظو بس البتول كانت معصبه ولاانتبهت له ..كان يبي يشوفها عن قرب اكثر يكفي انه درى انها زوجته الحين ول بعدين
خالد: خلاص يااختي حصل خير ..والله الموقف ماارضى فيه انا كمدير ...واعتذر باسمي وباسم الموظفين اللي هنا ...
البتول: .............
خالد لف على حمد الكل خاف من نظرته
خالد: حمد! خصم لراتبك لمدة خمس ايام
حمد: خمس ايام والله كثيره يادكتور سامحني ...وسامحيني ياختي
البتول لفت الجهه الثانيه ولااهتمت
خالد: والأجهزه اللي اهي تبيها اعطها اياه بسعر التخفيض ولايطلع من عندنا زبون زعلان


ولايطلع من عندنا زبون زعلان


ولايطلع من عندنا زبون زعلان

كان صدا هالكلمه يرن براسها .... اول مره تسمع مثل هالكلام من خالد ..معقول وين الثقل البرود اللي اول
صحيح ردت فعل طبيعيه بس غريبه من خااالد مب من عوايده
البتول: مشكور ياخوي واتمنى ماتنعاد هالحركه
خالد: المعذره مارح يصير اللا اللي يرضيك وخاصه انك زبونه عندنا
البتول فرحت انه يعرفها مووومصدقه ان هذا خالد: ماتقصر
خالد ابتسم وبعدين لف على حمد اللي منزل راسه ومتفشل قدام الله وخلقه انفضح ...
خالد: رح ود كل الأجهزه وركبها بسيارتها ...
حمد: ان شالله
البتول طلعت من عنده وتحس انها ملكت كلشي الحين
خالد في نفسه والله مازالت البتول نفسها ماتغيرت عصبيتها حلوه والبنت حااااره واعصابها ناار ههههههههههه يستانس عليها لما تعصب ووده يصورها .... لأن الأشكال هذي عكسه تماما ...
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::
<<<<<<<<<<<<<<بعد صلاة العصر ..
كان جلوي تحت ومنصور يلبس فوق
جلوي ينادي فيه: منصور استعجل !نايف من زمان ينتظر
منصور: طيب بس ابدور شماغي لحظه
جلوي:مب لازم البسه ان وصلنا الطريق طويل
منصور: طيب طيب لحظه ...
جلوي: انتظرك برا في السياره
طلعــ جلوي من الباب فتح باب الشارع وقبال سيارت نايف
جلوي اللي ويوقف ..بمكانه
من الصدمه ....لالالامومعقــووول اللي اشوفه ...؟؟؟؟؟
لامستحيل ..
لانايف؟
لالامستحيل لاهذا مب نايف هذا واحد ثاني
وشلون هالكلام؟؟...
لاليه ؟
كان مصدوم
طااارت عيووونه من اللي قبااله ومو مصدق نفسه ..
حتى عيونه كذبها
جلوي :نــ...نايف؟ نايف انت وش قاعد تسوي؟
نايف اللي ماشاف جلوي وكان معطيه ظهره ... لف عليه ولمح نظراته المستغربه ..ماكترث كثير
كان ماسك الزقاره ويدخن بعنف وكأنه واحد يبي ينتحر مو بس يدخن ...
جلوي حط يده على كتف نايف : تدخن؟؟؟؟؟؟؟؟؟؟؟؟؟؟؟؟؟؟؟
نايف هد اللي بيده وقام يكح بقوه .... مسك الزقاره ودخلها بجيبه وحرقها ....
جلوي ووده يصفقه: نايف كلمني وش اللي قاعد تسويه بعمرك ومن متى وانت تدخن؟؟
نايف بصرامه: جلوي:...!! تدري مين دق علي من شوي ؟
جلوي: مين؟
نايف جنب واعطاه ظهره وشكل نايف واحد متضاااااااااااااااااااااااااااااااااااااااااايق لأبعد الحدود
جلوي: نايف تكفى علمني مين ؟
نايف: الدكتور حسام .....
جلوي: اللي كان معاك بالمانيا؟
نايف تنهد وسكت
جلوي: طيب وش فيه؟
نايف وشكله مثل اللي ماوده يكمل كلام: طلعت نتيجة دراستي هناك
جلوي:؟؟؟
نايف: رسبت
جلوي: لاعاد
نايف: والله
جلوي سكت ونزل راسه وغمض عينه بقووه مثل اللي ماعاد يبي يسمع مصايب زياده ...الله يعينك يانايف مصايب صارت تجي ورا بعض كرف شهور يطلع اخرتها بها النتيجه ........!! تحطيــم بعينه ...فتح عينه اللي كان مغمضها بقوه ورفع راسه ...
نايف: جلوي اخوك ماله شهاده حالي حال اللي مادرس طول عمره
جلوي: الله يعوضك بدوره ثانيه يانايف
نايف بصراخ: أي دوره واي بطيخ ماعاد فيه شي خلاص .!! هو انا تخصصي ويالله لقته بألمانيا تبيني القى دوره ثانيه ..ياجلوي الموضوع اكبر من كذا..انا وراي زواج ووراي مصاريف وراي مستقبل اشيا كثيره الموضوع مو بها السهوله وكلش ضدي !! كلشي بوجههي
جلوي سكت صح ...صادق ...نايف لهجته لهجة المحطم من كل ناحيه ....
مالقاه اللا ويفتح زقاره ثانيه ويدخن بطريقه تقطع القلب .....
نايف حس بكلامه وداري انه انفجر فجأه بجلوي ...لف عليه
نايف: انا خسرت كلش كلشي مابقى لي شي ابد ابد
جلوي: من قال
نايف: وش بقى ؟ ان ظاعت الدوره يعني راحت الوظيفه وراحت الفلوس وراحت وراها .............
جللوي فهم قصده وضااق صدره صح نايف فكر بالبعيد ....
رفع عينه على نايف وشافه رايح بعيد مشي
جلوي: نايف وين بتروح؟؟؟
نايف: مدري أي مكان ...ومالي خلق مقابل احد الحين رح لهم انت
جلوي: يانايف تعوذ من الشيطان لاتسوي بنفسك شي
طنشه نايف ومشى ....
جلوي تنهد وضاق صده على اخوه ....كلشي خسره اليوم اقسى يوم بيمر على حياته ...مومعقول هاللي يصير والله موب سهل
منصور: هلا جلوي ..وش فيك ساهي؟ امش..ورانا مشوار وبعدين نايف وينه؟
جلوي تنهد وسكت حط يده على الدركسون وشوي وبيحرك لف عليه
جلوي: منصور الوليد بيجي معنا ول لا؟
منصور: لاماتوقع
جلوي حرك ومشى سريع
منصور: نايف بيجي؟
جلوي:نايف رسب !
منصور: امانه ؟
جلوي: والله
منصور: لاتقول ياجلوي
جلوي: والله مسكين تعرف نايف ماله شي هنا بالسعوديه مافيه دورات وتخصصه ناادر ...مع وين بيلقى وظيفه بقد مستواه
منصور: والله قهر .! ..... طيب وش صار عليه ووش بيسوي الحين؟
جلوي: حالته صعبه ...خله ولاتفاتحه بها الموضوع ...مدري اتوقع كل اللي بيسويه ضد رغبته ...تعرف زواج وراه ووراه بيت بيبنيه والحين وقف كلش
منصوربضيق: لاحول ولاقوة اللا بالله .....طيب نخليه كذا يصلح؟
جلوي: شفته منهار ويدخن بقهر والله ماهان علي شكله
منصور: نعم؟؟؟؟؟؟؟؟؟ نايف يدخن؟؟؟ كل الناس يدخنون بس نايف لا
جلوي: هذا اللي شفت وانصدمت فيه ...بس تدري الله لايلومه لو اني مكانه بسوي مثل ماسوى ان ماكان اعظم ..... وخله على الزقاير اهي اللي بتقدر تطلعه من هالهم ....ظاع كلشي قدامه حتى ابوي وبوقت واحد ...مااقول اللا الله يساعده
منصور: وش هالمصايب اللي ورا بعض !...
جلوي: موتروح وتقول لأمي شي خل امي وخواتي اللي فيهم يكفيهم
منصور: طيب

 

[meen_ana]

<<<<بيت ابوعبدالله
محمد: يمه تدرين زمرده تزوج؟
ام محمد: وش زمرده؟
ريناد: زمرده؟ عندكم واحد اسمه زمرده؟
محمد: ايه خويي
ام محمد: طيب ليه اسمه زمرده؟
محمد: لأنه أبوخكـر خكري واجد هالولد
ريناد وغلا: ههههههههههههههههههه
محمد: والله مره في الاستراحه على ايام الشتا والبرد ...قلنا له ياخذ الدفايه ويشبكها على الكهرب
ساره: وطيب؟
محمد بضحك: طبعا تعرفون ربع الاستراحه بعضهم عادين والبعض الأخرعرابجه ...اشبك الفيش ويلعطه الكهرب على خفيف نزل يده بسرعه وقال ياااي يابااااااااااااابي !!
طبعا بعدها ماحد خلاه في حاله على طول مسكناها عليه وأسمه من بعدها زمرده
غلا: هههههههههههههههههههههههه
ريناد: لو انه قايل يمه ..ول أح ..اشوى من ياباابي
محمد: زمرده عاد تزوج الحين ...
ساره: وع مين هاذي اللي بتاخذ لها خكري
محمد: الله يوفقه ..(والتفت على امه )...ام محمد!!
ام محمد: ........
محمد: خخخخخخخخ داري داري ان الموضوع ماخذ كل تفكيرك ..
ام محمد: وشو؟ وشفيك؟
محمد: ابوخكر تزوج حمودك مايتزوج؟
ام محمد: محمد راسي راسي والله قام يصدع من هالسالفه
محمد: معليش ريحي راسك مايستاهل هذا كله.. وزوجيني
ام محمد: قلنا لك زواج توك صغير انسى
محمد: لالامافيه وش معنى تركي وشوي الحين وبنشوف عياله وأنا اتفرج؟ ول تبوني ادج ول اسوي ......(وقف وضحك وبعدين كمل) اللي في بالك
ام محمد: لابعد اشوف ولدي عند الدوريات ول الهيئه
محمد: خخخخخخخ هذيني حذرتكم
ريناد: اللا يمه مرت تركي ماحملت للحين؟
تكهرب الجو والكل سكت لأن الكل عارف انها ماتحمل ...لكن مايتكلمون بها الموضوع ابد
ساره: خلاص ماعليك منهم
ريناد: لامو عن كذا ...شكله صاير شي لأن تركي وديما ماصارو يجون واجد مثل أول
غلا بضيق: ريناد خلاص ماله داعي نتكلم بها الموضوع وسكري السالفه
ريناد بعد مافهمتهم : طيب طيب !!
دق جوال غلا على نغمة مثل العسل النغمه قديمه بس مستحيل تغيرها
ساره: مين؟
غلا: مالك شغل
ساره: مين ذبحتني اللقافه مين حاطة له مثل العسل ؟ نايف؟
غلا اعطتها نظر
ه ساره مافهمتها شكل غلا صاير بينها وبين نايف شي وماتبينا نتكلم عنها ول وش صاير
ريناد: مييييين بسرعه تحمست
غلا: مونايف هذا تركي ارتحتو؟
محمد: الطيب عند ذكره اعطيني اياه ان خلصتي
غلا: طيب
غلا: هلا تركي
تركي: اهلين كيف الحال؟
غلا: الحمدلله انت شلونك ؟ وشخبارك؟ وين الغيبات
تركي: ابد ماشين...
غلا: وكيف ديما؟؟؟ وكيف ديما معاك ؟تراني مرره افكر فيكم علمني ماصار شي؟
تركي: والله مدري وش اسوي ياغلا ..هالبنت موب راضيه تفهمني
غلا: من جدها تبي تخطب لك؟
تركي: والله ... بس وش اسوي ياغلا والله اني موب مستعجل انا مستعد انتظر وبالعكس حتى لو انها تجيب عيال مابي عيال الحين ... بس ديما الله يهداها .......(وسكت)
غلا: طيب وان زوجتك تبيك تطلقها؟
تركي: تقول انا ابنتحر وانا حيه ان زوجتك وتقول لازم بتطلقني لأنني مابي اشوف وحده تشاركني فيك .. انا اموت بس مااشوفك انت تعاني قبالي ... صايره تقول لي كلام قوي تغيرت حتى نفسيتها
غلا تنهدت : انت الحين لاتفاتحها بها الموضوع كثير
تركي: ومن قال اني اتكلم انا والله مليت من كثر ماتفتح معي هالسيره طلعتها سفرتها نفس الشي ماتغير فيها شي اكتئاب ومتضايقه ...اخ بس انا الغلطااان اللي طاوعتها وسويت فحوصات واجنيتت عليها وعلى نفسي..طيب معاكم متغيره ؟ ول لا ؟
غلا: اممممممم ديما من زمان ماطولت معنا بالعاده تسلم وتجلس مع ابوي وبس ..حتى ماصارت تتكلم وتسولف مثل أول صارت هاديه بزود
تركي:..........
غلا: مالك اللا حل واحد ..لازم توديها عيادة طبيب نفساني وتشوف معها الوضع
تركي: ليه زوجتي مجنونه؟
غلا: ومن قال ان العيادات للمجانين اتوقع اني قلت طبيب نفسي موب مستشفى شهار هههههههههههه
تركي: صحيح ديما نفسيتها تعبانه لكن مو الحل بالطبيب الحل انها تفهمني وتفهم رايي انا
غلا: صدقني رح تحس بالفرق ... خل نفسيتها تتعدل وبتقدر عليها انها تشيل هالفكره من بالها لأن كلامها يحطم ..! ماتسوى يجيها شي ياتركي ...
تركي: مدري ..وشلون ابجي واوديها لعياده نفسيه ..
غلا: كلنا ماتعودنا لكن صدقني تتغير اشيا كثير وأعرف بنات كثير مثل ديما ...تركي لاتترك شي حاول بكل الطرق وحتى لو صدقتك وفهمتك بتبقى متضايقه
تركي: يعني اوديها برايك
غلا:ايه ودها أحسن لها
تركي: تصدقين اليوم وانا جاي من الاستراحه دخلت عليها ماسكه ادويت العلاج وتبي تاخذها كلها تخيلي!!
غلا: بذمتك
تركي: والله موب اقول لك البنت متغيره
غلا: حـراااام والله حــرام توكم متزوجين
تركي: تصيح كانت يوم كلمتها شوي حاولت فيها تحسين انها استغربت من نفسها ...
غلا: ياعمري وربي رحمتها
تركي: هذا موقف من عشره ... بس يالله الله يعين ...ماعلمتيني عنك انتي شخبارك ووشلون ابوي
غلا: ابد والله الحمدلله
تركي: و نايف من زمان عنه ماله صوت؟
غلا: مدري ولاحتى انا
تركي: متى اخر مره اتصل فيك؟
غلا: مدري وش فيه نايف من زمان لايتصل ولايسأل وان دقيت عليه اتكلم مع واحد غير نايف بس مدري ليه نايف كذا
تركي: تعرفين ابوه وحالته صعبه الحين اهو رجال البيت ولاتنسين قبيلتهم والمشاكل اللي عندهم والله ماينلام
غلا: بس وش ذنبي يتغير علي انا؟؟؟؟
تركي: كلميه ارسلي له
غلا: مايرد هذي المصيبه
تركي: خلاص دامك علمتيه انك موجوده اتركيه والله الواحد يحب يقعد بعيد عن العالم فتره وبعدين بيرجع وبالذات ان كانت ظروفه مثل ظروف نايف
غلا: الله يعينه
تركي: جاكم عبدالله اليوم؟
غلا: لاماجا تقول لمى ان عنده زواج واحد يعرفه...تروك يبيك محمد هذا هو مزعجني خذه
تركي: طيب
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
في حـــــــــــــــــــــــــــــــايــل
كانو عيال ابونايف معزومين هناك وماجا منهم غير منصور وجلوي ... عند اهل القبيله .... طبعا قبيلتهم ماعزمو عيال ابونايف ولاعرفوهم اللا من بعد مامات ابونايف ... والكل كان طمعان بالورث ... كانت حجتهم ان ابو نايف نذر نذر ان فلوسه واملاكه بعد مايموت رح يكون لهم نصفهـا ... ونايف واخوانه مكذبين الكلام هذا لأن الأوراق الموقعه من المحكمه تثبت ان الورث بين عيال ابو نايف وزوجته وبناته بس ...
ماأعجبهم الكلام هذا وبانت اطماعهم مع الأيام وأكثر شي ملاحظ عرايمهم لهم هناك ... وكانو يحاولون يتقربون لنايف اكثر ...لكن نايف اللي قدر يحط حد لأطماعهم ....
كان الكل ساكت والكلام حامي مابين جلوي ومنصور ...وناصر وصالح ... بين جموع الرجال الكثيره ...
ناصر: كلام موب مقبول منك ياجلوي
جلوي: مانيب مجبور أحلف ول اجيب اثباتات عشان تصدقون الورث أتوقع انه لابوي ..وانا لي الأحقيه اني اتكلم والناس تصدقني
منصور: مافيه أي دليل يثبت ان ناصر وصالح اللي ماعرفو ابوي اللا من بعد مامات لهم ريال من فلوسه ..ومااتوقع ابوي بينذر ويحلف يعطي ناس مايشوفونه اللا بالمناسبات الكبيره
صالح هزه كلام منصور وهمس لناصر: خلني اسكته خلني اقوم عليه
ناصر يهمس: خله خله ماعليك منه صغير ... خل الكلام لجلوي
صالح: هذولي ذيابه مايمشي عليهم هالكلام
ناصر: ومتى بتوزعون ورثكم؟
جلوي: الأشيا هذي مابتطلع ! وماحنا مستعجلين
منصور منقهر من كلام هالناصر ووده يذبحه (شين وقوة عين) جاي يسال متى بتوزعونه وكن له الحق انه يسال ومن هو اللي يجي ويتلقف كان يكلم نفسه بصوت مايسمعه اللا اللي جنبه بس : مابقى اللا هذا ياخذ ريال من فلوس ابوي ! لاومن زين الطبايع جاي بيوم العزا يشوف عز ابوي اللي معيشنا فيه ...ويحسبني ابسكت له اهو ووجهه ...
جلوي: منصور خلاص احشم اللي حولك ماتسوى احد يسمعك
منصور: انا المفروظ اني قمت على هذا اللي اسمه ناصر بس حاشم الشيخ والرجاجيل ول مااخليه بحاله وراسي يشم الهوا
جلوي: طنش هالأشكال ولاتتعب نفسك وتفكر فيهم ..خله يحلم بالورث وماله ولاقرش منه ...
منصور: لو انه واحد قريب من ابوي ول يعز ابوي كان قلنا يمكن بس حقير ويبي ورث هذي اللي مادخلت براسي
جلوي: منصور كم مره قلت لك لاحد يسمع
اللي حولهم حسوو بالكلام الجانبي بينهم
احمد يحاول يهدي الجو: اللا ماقلت لي ياجلوي نايف وينه ماجا معاكم؟
جلوي: والله نايف عنده شغل بالرياض ولاجا ان شالله يجيكم قريب
صالح: المره الجايه نبي نشوفه
جلوي: ايه اكيد بيجي
منصور: ماشالله ماجت العزايم اللا من بعد مامات ابوي ياخي وش يبون ذولي وش يبون ابي افهم
جلوي عظ اسنانه: كم مره قلت لك لاحد يسمع
منصور: طيب طيب بسكت
جلوي: لاتتحلطم خل كلشي في البيت
جلسو في حايل يوم تقريبا...بعدها جو بيرجعون للرياض ... ناصر كان يفكر يتقرب منهم بالطيب ويخدعهم اما صالح ناوي على نيه
عند السيارات وجلوي جالس يحمل له اغراض بياخذها معاه للرياض ..كان مشمر أكمامه ولابس نظارته الشمسيه ومنشغل ..شوي ويجيه ناصرمن بعيد
ناصر: الله بلخير ..جلوي
جلوي: حياك الله
ناصر: اجل بتروح الحين؟
جلوي: ايه ان شالله
ناصر: والثاني وينه؟
جلوي معقد حواجبه: ثاني ؟ مين تقصد
ناصر: اخوك مين بعد
جلوي: منصور اسمه .... بيجي بعد شوي او هذا هو مقبل شفه وراك
ناصر لف واعطى منصور ابتسامه ...كان يحاول يتقرب من الصغار منصور والوليد عشان يوصل للي يبيه ...
ناصر: ياهلافيك منصور
منصور: هلا
ناصر: بتظلم حايل
منصور في نفسه(من متى وهذا يعرف يتكلم): اطنشه وسكت واحرج جلوي بعصبيته
جلوي: النورنور اهلها
ناصر: منصور ابي رقم جوالك
منصور: ليه وش تبي به؟
ناصر: ابي اكله وش ابي يعني؟
منصور: لالاماعندي جوال انا
ناصر: معقوله ماعندك جوال؟
منصور: معليش مع السلامه
ناصر واهو يطالع بيجيبه ونور جواله واضح وباين انه يصرفه حقد عليه وبقوه: الله معاك
منصور فرحان انه ملاحظ انه يصرفه: جلوي ماودك نمشي؟
جلوي : اركب وجايك ابروح اسلم عليهم واجي
منصور: يالله اجل انتظرك
مشى جلوي وناصر لحقه ....
ناصربعباطه: وشفيه منصور متضايق؟
جلوي: مدري عنه
ناصر على انه يحاول بس مافيه فايده كلهم مو معطينه أي اهتمام
قابل صالح وعلى طول راح عنده
صالح: وش قالو لك؟
ناصر: ابد مافيه فايده هالمنصور عنيد
صالح: قلت لك ماتنفع معاهم هالحركات ماسمعت
ناصر : والحل؟
صالح: انا عندي لك حركه بس خل نايف يجي
ناصر: لاتكبرها ماتسوى يتدخلون الرجال ترانا على شفا حفره وننكشف
صالح: لالازم نستغل العادات والتقاليد
ناصر: ههههههههههههههههه أي عادات واي تقاليد امش بس امش
صالح: انا عيني على نايف وبس ماابي غيره
ناصر: بتسحره مثلا؟
صالح: لالاعندي اللي احسن بس انت اصبر علي وقت نعزمهم
ناصر : هذا جلوي لايسمعنا
جلوي يسلم على ناصر: يالله اجل انا ماشي للرياض
صالح يعطي فيه نظرات خبث باين من عيونه وجلوي مطنش ويسلم عليه ولاكنه يطالعه
صالح مسك يد جلوي بقوه شوي: خلنا نشوفك مع نايف المره الجايه
جلوي: ان شالله
ناصر: الله معاكم
جلوي: سلام
.................................................. .................................................. ..........
جلوي وتوه راكب للسياره
منصور: وش يبون الششحاذين اللي هناك؟
جلوي: ابد بس نايف خله يجي
منصور: لابو ذا العزيمه ولااللي سوااها
جلوي: هد هد اعصابك مايستاهلون تعامل معاهم ببرود اعصاب بينقهرون اهم بالنهايه مالهم شي
منصور: يقهر هاللي اسمه ناصر
جلوي: هههههه احلا شي انك قلت له ماعندي جوال
منصور: شاف جوالي احسن خله يدري مين هو
جلوي: تعوذ من الشيطان بس بكيفهم
منصور: اللا سمعت الشيخ وش يقول اليوم؟
جلوي: ايه الله يعافيه ويطول بعمره
منصور: والله الله يعزه هالشيخ اجل بيبنون مسجد لأبوي بحايل
جلوي: الله يكثر من امثاله كريم اصل
منصور: يحب ابوي واجد
جلوي: ايه حتى ابوي قبل دايم بينهم اتصالات

 

[meen_ana]

<<<بعد مرور شهرين
بدت نهــــــــاية الطريـــق ونهايــة مطــافه الطويـــــــــل ... انتهـــــى كل شي فيــــه مابــقى عندهــ غير غـــــلا
جــا دوره يطبق الدروس اللي تعلمها بدنـــيــاه ...اخذت منـــه كــل شي ..!! مابقى له غير غــــــلا وجا دوره يبعدهـــا ....
نــــــايف بعد ماكــل شي تغـــير معاهـ ... تغيــر حتى على غلــا تحول بالنسبــه لها الى ..........(..خاين ....) شخصــ أخر غلا ماكانت تتخيل ان نايف ممكن يكون بها البرود ...؟..!
صارت تحس ان نايف القديــــــم مــات وجادورها مـــع نــايف جديد ...
بعد مانتهتـــ وماتت حياته العلميه اللي بيترتب عليها حـــالته ...نايف على كثر ماكان يبي يجيب النتيجه اللي تعز غلا ... على كثر ماتحطم من بعد مافقدها .... حلمه اللي انتهى وضاع وضاعت معاه غلا
.....
وصــــــلت للمرحله اللي تتصل ومايرد عليــــها....ترسل له ...مايرد وكــأنه معزول عن العــالم الخارجي ....كان يحاول ينساها وتنساه .... وتبدا حياتها الجديده اللي حتى اهو لازم يهيئ نفسه لها ... ويحط في باله ان غلا لغيره ...أخ من هالعذاب ....
كان يتناساها ...وما يحاول يبين لها أي اهتمام او أي حبــ عاشه معاهـا كان يحاول ينكر وينسيها بقد مايقدر .... لكن كانت الجروح عليه اعمق لأنه يدري وش اللي يصيــر لغلا بسبته لكن ....هذي مصلحتها ...وهذا الأنسب .لها
كــانت تبكي دم من اللي يصيـــر لها ليـــه يتغيــر عليهــا نايف بالشكل هذا....صرت اسوي الخير وماالقى منه أي شي ....ولاكأنه عايش ..بس اخباره العاديه توصلني من بعيـــد لبعيـــد .... ليه يانايف ليييه ؟؟ وينك انت قبل كنت تحبني .......................؟.؟.!؟!.!؟.

كانت في غرفتها ...تحاول تنهي حزنها ...بدموع ..كاويه ... لكـن وينـه وين الأمل بعد ماضـاع اقسـى شي لما يتغير عليك ...وليفك ..من غيـر أي سبب مقنع يبتعد ...عنـها بها القســوه ومن غير سابق انذار ومن غير كلام ..ولاحتى نقاش ...؟؟ الواضـح من تصرافتك يانايف انك تقول لي انسيني ياغلا ..أو انا اكرهك ...طيب انا وش سويت ...وش ذنبي تعلقت فيك؟؟ ليه ماتجي ..؟ ليه ماتشوف حالتي أنــا حبيبتك ..ايه اللي كنت تحبها غلا
رمت المخده اللي كانت ماسكتها ومسكت جوالها ...وحاولت تتصل فيه وللمره العاشره ... وتدري ان هذا الوقت اللي يفضى ومايكون عنده ارتباطات لأنها حافظه جدوله اليومي كله
اتصلت عليه ...مايرد
.................................................. .................................
:::::::::::::::::::::::::::::::::::::::::::::::::: :::::::::::::::::::::::::::::::::::
في غرفت نايف
جلوي: ياخي حرام عليك رد على البنت ليه شف لها 3 رسايل رد عليها مايصير اللي قاعد تسويه فيها لها الحين شهور ماسمعت صوتك
نايف ماسك الجوال بيد ترتجف وده يضغط على الاتصال بس ماوده بنفس الوقت
جلوي: كلمها انا حسيت فيها وانت مافيك أي ذرة احساس؟
نيف انفعل: ياخي خلاص قل لها قل لها نايف مشغول طالع موب موجود أي شي
جلوي: والله مااقول لها انا ياما سويتها بالبنت باين عليها انها تدري انك موب مشغول كلمها
نايف حط يده على راسه من الصداع وحاول يكتم دموعه المتحجره ول أثار السهر اللي تحت عيونه ...هذا غير النحف الزايد والوجه الأصفر ...
جلوي ملاحظه متضايق : نايف علمني وش فيك وليه ماتبي تكلم البنت زوجتك ولها الحق وشوفها من ذوقها ساكته والله لو وحده غيرها كان كبرت السالفه عليك ودخلت اخوانها واهي شفها ساكته وتبي تتفاهم معاك انت لأنك القريب لها ...نايف تكفى خف على البنت ورد عليها
نايف: ااااخ بس والله مشتاق لها ول صوتها ماتدري ياجلوي انا وش كثر اعاني بس وش تبيني اسوي
جلوي: وش ذنبها اهي رد عليها وخلها تطلع اللي بقلبها على الأقل حتى لو ماتبي تواسيها لاتواسيها
جلسو لهم فتره ساكتين .. وبعدين دق الجوال
تنهد نايف ورد عليـها من بعد انتظار دام شهرين واكثر بشوي
غلا بصوت مبحوح وحاسه ان اللي بيرد عليها جلوي ويقول لها طالع ونايف اكيد جنبه : الو ؟
نايف: هلا.!
غلا: نايف؟
نايف: غلا شلونكـ؟.
غلا بصياح: لالامومصدقه لازم تحلف
نايف مخنووق : غلا شلونك؟
غلا: تهمك أخباري؟ يعني؟
نايف نزل راسه وسكت
غلا: علمنــي ليـه هالبرود ؟ ووش هالمشاعر البارده ؟ الى متى الى متى وانت كذا ؟ ليه تغيرت ليه بس ابي سبب وابسوي اللي تبيه ابتركك اببتعد عنك ...أوكي كلنا نمر بمواقف صعبه بس مانتغير على اللي حولنا ..زوجتك انا والله زوجتك اذا انت فيك شي من حققي انك تقول لي اياه ..
نايف:................
غلا: نايف تكلم حرام عليك .(شهقت() والله والله اشتقت لصوتك ليه تعذبني بها الطريقه سبني سب كل شي شفته فيني بس اسمع صوتك نايف واللي يخيلك تكلم
نايف تأثر بكلامها وطلعت دموعه ..جلوي لاحظه تركه وطلع من الغرفه
غلا اللي قامت تصيح ولاعاد عرفت تتكلم تحس ان الكلام كثير بس ماتدري وش لون تعبر
نايف وصوته تغير: غلا ...اللي بيتغير كله لك ..صدقيني ان قلت لك نايف مايبي ...وانا والله ماتغيرت اللا عشانك انتي لأنني احبك والله احبك ......(بعد ماتحسف على كلمة احبك سكت )
غلا:ليه تتغير انا مابيك تتغير ومن قال انه بيرحني او عشاني اللي يريحني نرجع مثل اول
نايف: اول غير والحين غير
غلا: وش اللي اول غير ليه يتغير الماضي فهمني؟
نايف: عشان مصلحتك بس .....وعشان يموت نايف واهو حي ..
غلا: نايف وش هالكلام؟ تكفى لاتتكلم بألغاز
نايف: هذي مو الغاز هذا اللي بيصير
غلا: يعني؟ وش النهايه؟
نايف: النهايه انك تنسيني
غلا: انساك؟ اذا انت تنسى بسهوله انا مانسى بسرعه
نايف: مو هذي المشكله؟؟؟
غلا: نايف سؤال انت كيف تقدر اللي تحبه ؟
نايف: اني احرص على مصلحته ولو كانت ضدي انا
غلا: واللي تسويه وش تفسيرك له
نايف: اجابتي اللي قبل هذي تفسيري
غلا: مشكور ويجي منك اكثر
نايف: غلا كله عشانك والله لمصلحتك ليتك تفهمين الشي هذا
غلا: يأسفني اني احب واحد وارتبط فيه فجأه القاه انسان ثاني
نايف: انا مايعجبني حالنا مثلك ...بس لو ماسوي الشئ هذا دعيتي علي طول عمرك
غلا: مشكوور يعني انا الحين على بالك مارح اتغير؟ ولارح اتضايق؟ ولاماعاد يهمك ؟
نايف: اللا يهمني ونص ويموتني اكثر من مايضايقك لانني اشيل همي وهمك
غلا: منتب نايف القوي اللي عرفته ... اول كانو الناس يشوفون فيك القوه مو الضعف ...اما الحين صرت مضرب مثل ... على كثر ماانى ماقصرت ماشوف منك الحين غير التجريح ماقصرت ياا .........حبيبي
نايف: تكفين غلا اذا انا حبيبك خفي علي شوي تكفين لاتذكريني انك تحبيني
غلا: مازلت مع الألغاز ومب راضي تفهمني ليه عشاني لكن براحتك اللي فهمته انك تكرهني ...وتبيني ابتعد من حياتك مشكور ...مع السلامه نايف
نايف: مع السلامه
سكر من عندها ...وقام يبكي ...رمى الجوال على جنب ... اول مره يشوف نفسه يصيح بها الشكل حتى يوم يموت ابوي ماكنت كذا ولاسويت ولاجزعت مثل لالحين
اسف والله اسف ياغلا والله اني احبك ...ومستعد اضحي بكل شي عشانك وكل اللي اسويه لأنني احبك ... واسف اني علقتك فيني واخطيت وخليتك تسميني حبيبي ...انا عشانك اضطريت البس ثوب الأناني ..والغدار والخاين عشانك ....الين ماتنسين اني كنت حبيبك والله يعيني على قلبك الوفي
:::::::::::::::::::::::::::::::::::::::::::::::::: :::::::::::::::::::::::::::::::::
غلا شوي وتلقى ريناد قبالها
غلا: نعم ؟ وش تبين؟
ريناد: وش فيك من شوي ترمين الاغراض اللي حولك وتصرخين وش فيك؟
غلا: وخري عنني مافيني شي دوري جوالي مدري وينه؟
ريناد من بعد مااستغربت شكلها وجه احمر كله دموع وشكل اللي بينها وبين نايف موب شوي
ريناد: جوالك عند التسريحه توك رميتيه
غلا راحت بسرعه وتسحب الجوال وتلتفت على ريناد
غلا: اطلعي برا
ريناد: ليه؟
غلا تصرخ: انا قلت اطلعي برا ومابي احد يقابلني بسرعه
ريناد: بسم الله ان شالله اطلع
طلعت قفلت الباب على نفسها وجلست على السرير وكتبت مسج
(مثل ماجيتك .. ومثل ماسويت لك انت ملزوم ترد لي جميلي ..!! وانا والله وغلاتك عندي مارح ارخصك انت غالي ...والله غالي ..نايف نايف واللي يخليك تكفى علمني ولو بمسج ليه ؟ ليه انت تسوي كذا اقنتعني على الأقل هونها علي ليه عاجبك حالي كذا؟ ليه.)
ارســـــــــــــــال
ومن بعدها حطت الجوال قدامها تنتظر
وصله المسج وقراه ورمى الجوال على طول جلوي كان قباله ... مسك جواله وقرا المكتوب
نايف في نفسه( اهي ماتدري انها تزيد علي ..ليه تقول لي احبك لاتقول لي اغليك ابيها تنساني متى بتنسى هالكلمه ياناس ومتى بترسل مسج تسبني فيه تهزئني المهم انها تكرهني لاتحبني لازم اصغر بعينها اكثر من كذا)
جلوي: ابي افهم ليه ماتبي تتفاهم معاها؟
نايف: اتركني بحالي حددت موقفي وانتهى
جلوي: لاتقول انك مارح ترد عليها؟
نايف: منيب راد بس وخر عن وجهي ابطلع
جلوي: مااقول اللا الله يعينك على اخوانها وابوها ترا وراها سند قوي
نايف : اللي هو المهم انها تكرهني
جلوي: تكرهك ؟ وش هالكلام؟
نايف: ياخي فكني مانيب رايق لأحد
اخذ شماغه وطلع من البيت وبيده الولاعه وعلبة الزقايروالجوال
.................................................. ..
بغت تجيها حاله نفسيه اللا شوي ...وينه .. عسى ماشر نايم صاحي عايش ول ميت ...ليه اهو كذا الى متى ونايف غير ...بس انا ابصبر الين يرجع مثل قبل ..ابكون احسن منه
وشوي ويطق عليها الباب
غلا: مين ؟
ساره: ادخل عادي؟
غلا فتحت لها الباب ورجعت لسريرها
ساره: وشفيك مع نايف؟ ترى الخبر انتشر بالبيت كله
غلا: امانه ؟ لا ليه ؟ ليه ينتشر بيني وبين نايف وخير ينتشر مين اللي عرف؟
ساره: هدي هدي اعصابك مادرى غير وانا وريناد وبس ...
غلا: وش دريتو عن ايش؟ اتوقع الموضوع يخصني
ساره: هدي اعصابك اول شي وبعدين نعرف وش صاير
غلا: ساره انا مو مستعده اتكلم باللي يصير ابد
ساره: نايف مايتصل فيك مايسأل عنك ؟ مايرد عليك ؟ ولاكأنك زوجته ؟
غلا:..............
ساره: قولي لي بس ياايه او لا بس
غلا: ايه
ساره: طبعا الشي هذا يضايق صح؟
غلا: ساره بلااسئله غبيه
ساره: طيب متى اخر مره شفيته؟
غلا: من زمان من بعد مامات ابونايف ماشفته اللا مره وبعد فتره ..وحتى ماجلس معاي مثل قبل بس ماغير شخبارك ووشلونك وسكت ولاخلاني معاه بلحالنا كان رسمي وباارد ...ومتغير علي انا بس ليـه؟ ..والله مستعده اصبر واتحمل بس لما اعرف ان فيه نتيجه لهذا كله..اللي اعرفه ان نايف يحبني واني انا زوجته ويرجع لي مايروح عنني ..ليه صرنا كذا وش اللي يصير بيننا ابي افهم
ساره: انتي تعرفين نايف زين ..وانا اعرفه بعد مايرد الجميل بالطريقه هذي صح؟ وانا متأكده مليون بالميه ان نايف اللي يسويه ضده أكيد يموت فيك ...لكن اكيد فيه شي يضغط عليه
غلا: كلمته
ساره: امانه؟ رد عليك؟
غلا: ماقال لي أي سبب كان جامد وبليد واعصابه بارده وكلامه مختصر وقليل ولاسمعت منه أي كلمه حلوه أي كلمه ماتجرح سمتعها من نايف انا متأكده ان اللي كلمته موب نايف واحد ثاني
ساره: وانا متاكده انه مشتاق لك
غلا: ساره اذا بتكذبين علي ترا مو بها الاشيا انا سامعه صوته من شوي
ساره: طيب اوكي انا ابحرجه وابتصل عليه وابقول له يوديني للفيصليه وش رايك؟ واذا جا ابخليك تجين معاي ونشوف
غلالفت من الجهه الثانيه: مابي اشوفه
ساره: علينا؟
غلا في قلبها(والله اشتقت له حتى لو انه يقول لي اكرهـك ابقول له أحبك .امنيتي الحين انه يسقيني شوفته على الأقل ) قررت انها تكابر شعورها وتكابر نفسها
ساره: اكيد ماتبين تشوفينه؟
غلا: اكيد
ساره: اوكي براحتك ... انا وريناد بنروح بكره
انقهرت غلا وسكتت ساره طلعت من عندها
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::
تركي وديما
تركي كان جالس على لاب توبه وعنده اشغال يكملها وديما تطالع بالتلفزيون
تركي: اقول ديما رجعي على المبارات شوي
ديما: بتطالعها؟
تركي: ايه
ديما: يووه والفلم اللي اطالعه
تركي: طيب طيب بس ابشوف النتيجه وحطي على الفلم
ديما: اوكي
تركي بحماس: اووف ! لحظه لاتغيرين لحظه بلنتي
ديما رمت الريموت على جنب: اف يعني مارح اكمل فلمي
تركي جلس على الأرض مع الحماس ...
ديما تطالع فيه مستغربه
تركي: اوووووف هدف هدف ياديما سجلنا goooool
ديما : الحمدلله والشكر
تركي: اوف والله ان هاللاعب مافيه منه اثنين
ديما: لاوالله احلف ؟ حسبت فيه زيه واحد ثاني
تركي : لحظه لحظه اتصل على ابوشنب اقول له
ديما: انت مع هالربع طيب ممكن اغير؟
تركي: غيري ماحب اللا الأهداف
ديما: غيرت وتركي يكلم جوال
خلص ورجع مره ثانيه على جهازه .
ديما بطفش طفت التلفزيون ورجعت مكانها
تركي: وشفيك ؟
ديما: طفشانه
تركي: تبين اوديك عند ابوك؟
ديما: لامابي تونا رايحين امس
تركي كان منشغل وكمل على لاب توبه وديما كل مالها وتنقهر
ديما: سكر الجهاز
تركي: اصبري باقي لي شوي
ديما انفجرت فجأه: تركي والله انا طفشااااانه !!!!!! سكره تكفى بلييز لاتجيني حاله نفسيه من هاللاب توب ..!! صار كأنه زوجتك الثانيه..!! اغار عليك منه
تركي: اوف لالالالااسكره اسكره كلش ولاديما تطفش
سكر الجهاز وحط عينه بعينها
تركي مبتسم: الجهاز وسكرته
ديما: ابي اكلمك بموضوع
تركي: لاتفتحين مععي ذيك السالفه اللي ماتنتسمى
ديما: للأسف هذي السالفه اللي ابي افتحها
تركي: ديووم خلاص والله تعبت وصكني راسي انا ان بغيت قلت لك اخطبي لي والله مارح استحي بس تكفين روقينا شوي
ديما:وانت بس صاير كلامك غير عن اول قبل ماكنت كذا
تركي: والله انتي كل كلمه والثانيه طلعتي لي بوحده جديده يابنت الحلال قلنا لك مابي عيال مابي خلاص ؟ ارتحتي
ديما: وان تزوجت علي بعدين وفاجأتني ؟ ول لو...
تركي قاطعها: ياليييل قلت لك مانيب متزوج عليك والله والله هاذيني حلفت لك بعد وش تبين ديما واللي يرحم والديك تراني تعبت السالفه هذي سكريها ولاعاد تفتحينها
ديما: طيب طيب ياتركي ماتقصر
وقامت وراحت للغرفه واهي تبكي .... تركي طبعا كان معصب وماله خلقه من هالسيره اللي كل يوم ..على الغدا وعلى العشا ووقت النوم وفي كل وقت ...تفتح معاه سالفة الخطوبه ... حتى اهو بعد طفش وتغيرت حياته والسبب العيال ذولي
كان بيطلع من البيت بس خاف انها تسوي بنفسها جريمه شي بعد ديما تسوي كلش خاف عليها ورجع مره ثانيه للغرفه شافها ماخذه سكين وتحاول تجرح بيدها ....
راح سريع لعندها وسحب من يدها السكين ... ومسك يدها وجلسها على السرير وتم يطالع فيها واهي ساكته جلسو فتره وبعدين نزلت راسها
ديما: يعني قصدك هذي اخر مره بتمسك يدي فيها؟
تركي: ليه؟
ديما: لأنك بتاخذ بنت عمك علي
تركي: مين؟ بنت عممي ؟؟ وش بنت عممي منهي بنت عممي؟؟
ديما: اللي بيخطبها لك ابوك
تركي سكت وفجأه ضحك: هههههههههههههههههههههههههههههه!! بنت عممي تكفين انا من متى احفظ اسماء عماني عشان اخذ بناتهم وبعدين ماعندي بنات عم بسن زواج ديما وش هالكلام الله يهديك ههههههههههههههههههه
ديما تطالعه بانكسار: اجل أي بنت المهم انها بنت وبتملي هالبيت كله اولاد ..
تركي بخفة دمه(يمكن هذي اخر طريقه فكر يتعامل فيها مع ديما): طيب اختاري لي اسماء اولاد وبنات
ديما: الأولاد بتسمي الأول عبدالله والثاني فارس لأنك تحبه والثالث بتخلي زوجتك تختاره اما البنات الجوهره على امك والثانيه العنود لأنك تحب هالاسم والثالثه ديما لأنك تحبني
تركي مبتسم: والله وتعرفين ذوقي
ديما لفت من الجهه الثانيه: انا ياما قلت لك انك بتمل وتفكر تتزوج علي
تركي سكت وطاحت عينه على السكين اللي بيده .رد نظره..لف وجهها عليه
تركي: لالاانتي حالتك صعبه وكل يوم اصعب من الثاني
ديما: وش قصدك ؟
تركي: قصدي الله يسلمك تقومين الحين وتلبسين عبايتك وانا انتظرك برا
ديما: ليه؟
تركي: اركبي السياره ونشوف يالله انتظرك
اخذ مفاتيحه وطلع
ديما لبست مثل ماقال لها وركبت جنبه ...
ديما: مابي اروح لبيت ابوي تراني مابي
تركي: مارح اوديك خالي رحت له اليوم بعد الجامعه
ديما: اجل وين بتوديني
تركي: المكان اللي قالت لي عليه غلوووو الله لايخليني من افكارها
ديما: وش قالت لك
وقف عند باب المستشفى .. ونزل ونزلت معاه
ديما: هذا هو المكان؟
تركي: ايه يالله ياقلبي لانتأخر
دخلو على طول عند الطبيب النفساني طبعا تركي كان شارح له حالتها من قبل ..مجرد ماذكره تذكره على طول
جلس معاها اول جلسه وطلب منهم جلسه بعد اسبوعين عشان ياخذون وقت مع الحبوب
جلسو لهم ساعه اللا ربع وبعدين الدكتور مسك تركي وطلع معاه
تركي: ديما روحي عند السياره وابجيك
ديما: طيب
د: شخبارك تركي؟
تركي: ابد الحمدلله بشرني عن زوجتي؟
د: عندها نوع من الاكتئاب البسيط لانها ماتنجب ..
تركي واهو يتكتف: والمطلوب ؟ كيف اتغلب على هالحاله قامت تتكلم وتتصرف بتصرفات غريبه وكانها ام ثمان سنوات
د: ايه لالاهذا طبيعي هذا اكتئاب... انت اللي عليك انك تخليها تتكلم وتطلع وانت اعطها على جوها ..يعني قل لها انها بتخطب لك وانك سعيد بالشئ هذا وتنتظر متى بتلقى لك .. وممكن تسوي نفسك بتروح تخطب ..
تركي : يعني اسوي نفسي ابتزوج من جد؟؟؟
د: عشان تتخطى الحاله اللي اهي فيها ولاان شالله بتتحسن
تركي:والعلاجات؟
د: خذ هذيني مسجلها لك وان بدت تتحسن بخلال هالاسبوعين لاتخليها تكثر منها يعني اهي بتاخذ حبتين باليوم انت خلها تاخذ وحده وتقدر تتصل علي هذا كرتي ....
تركي: مشكوور يعطيك العافيه
د يسلم عليه : موفق اخوي

 

[meen_ana]

<<<<<بيت ابوعبدالله
ساره: يالله ياريناد وين عبايتي
ريناد: طيب دقايق علي شوي
نزلت من الدرج بسرعه واعطت ساره عبايتها وغلا تطالع فيهم
ساره واهي تلبس عبايتها: غلا متاكده ماتبين تجين ؟(وابتسمت لها)
غلا تغيرت ملامحها اكتئبت وضاق صدرها ..اشتقت له والله اشتقت له يعني يجي ياخذ اخواتي وانا مااروح ؟لاليه مايبيني هذا شي ثاني بس ساره معاها حق يمكن لما يشوفني يتغير علي
ريناد: لالاشكلها بتجي
غلا: اقول انتظرو لي البس واجيكم
ساره: هههههههههه طيب بسرعه لانطول عليه
لبست ونزلت لهم بسرعه
ساره: انا ماقلت لك نهايتك رح تجين
غلا: هههههههه قلت خلني اشوفه اقل شي
ريناد: غريبه ماحول المهمه على منصور
ساره: لالاانا خليت امي تكلمه بوقت مافيه ولاواحد من اخواني عشان ماتصير عندنا حجه
غلا باعجاب: سوسو احبك
ساره: هههههههههههههههههه ماجا الحب اللا الحين
دخلو للسياره ... سلمو عليه وأخر شي طلعت غلا من الباب .. نايف التفت وقام يطالع فيها وتذكر أول مره يشوفها فيه .... جات بتركب ورا بس نايف مارضى خلاها تجلس جنبه ..استغربت منه وجلست
وتمت ساكته فتره ... الين ماسلم عليها وسال عن اخبارها ..وسكتو لهم فتره ...
وقفو عند مكان التنزيل حق الفيصليه المزحووووم لدرجة انهم نصف الوقت موقفين ....
ساره وريناد حاسين ان مكانهم غلط بس تحمسو مع الكليب والافلام اللي قدامهم
غلا التفتت عليه وقالت في نفسها(الله يانايف ووشلون تغيرت لاباطباعك ولابشكلك ..نحيف شكله ناقص خمسه كيلو بالقليل ...ول لحيته اللي شكله من زمان مارسمها ... ول شماغه اللي على الكرسي بعد ماكان يهتم بالشماغ ويقدسه وعلى راسه العقال والشماغ طول الوقت..تغير حتى شكله ياترى وش اللي غيره هالميه وثمانين درجه ...بس مهما كنت انا احبك لو تسب فيني من اليوم الا بكره انا مستعده اصبر واتحمل ..بس ارجع مثل قبل يانايف )
نايف كان حاس ان غلا تطالعه وان الكلام اللي يدور بقلبها مو قليل ... حتى اهو كان وده يلف عليها ويشيل الغطا من وجهها ويشوفها ...كانت مثل الأمنيه بالنسبه له ....
التفت عليها وردت نظرها عنه على طول
نايف : غلا...!
غلا ومن زمااان ماسمعت هالصوت الحنون يناديها سكتت ولتفتت عليه
نايف كان وده يكلمها بس يدري ان الوقت مو مناسب اهو بالاساس مايدري ليه نطق باسمها ...ياربي ليه انا كذا مشوش العقل...
غلا: وش فيه.؟
نايف: لابس كنت ابسألك اذا السياره بارده ول لا
غلا وداريه انه يصرفها: لاموبارده
نايف مشتاق لصوتها ويبيها تتكلم اكثر بس مايبي يبين لها انه مشتاق: طيب متى بتطلعون ؟
غلا: مدري على حسب اتوقع بنخلي محمد يجيبنا
ساره قاهرها برود اعصابه ومارضت لغلا بهاالشي وودها تستغل هالوقت والصراحه غلا صادقه يوم قالت انه بارد ويحرق الأعصاب ... ويقهههر
ساره: نايف وينكم من زمان ماجيتونا؟
نايف: شغل تعرفين
ريناد: وشدعوه ابنعزمكم قريب
نايف مبتسم: راعين مواجيب يابنات ابوعبدالله
ساره وتدري انه يبي بس يسكر الموضوع سكتت وستسلمت ....
ريناد تهمس لساره: ظنك نخليهم بلحالهم احسن؟
ساره: وشلون؟
ريناد: خلينا انا وانتي نقوم ونقول بننزل واهم بينتظرون وشرايك
ساره: يالله أي شي بس لانفوتها على غلا
ريناد: اقول نايف بننزل انا وساره على بال ماتنتظرون السيارات تمشي
نايف: طيب
فتحو الباب ونزلو غلا ودها تحب راس ساره على هالفكره
نزلو وتبي تشوف نايف وش بيسوي لكن تفاجأت بواحد ماتغير...
غلا في نفسها(ياربي كنه داري بعذابي وساكت )
اما نايف خلاص وده يمسكها ويضمها ماعاد يصبر ولابيقدر يكابر اكثر لكن مهما كان اللي عزم عليه مارح يتهاون عليه هذا اللي بيصير لي طول عمري عجزان عن دقيقه وحده ...؟!
غلا: نايف أبسالك بس تكفى جاوبني بصراحه
نايف:...........
غلا: مو انت تبي تفتك منني ؟ طيب يعني بتطلقني ؟
نايف حس انها لمست الجرح العميق بالنسبه له ..شوف يانايف وشلون فهمتها تبي تفتك منني أأخ بس اخ ...
نايف: مدري
غلا: وشلون مدري يعني مين اللي يدري؟
نايف: غلا تكفين ..........بس خلاص
غلا تحجرت دموعها من كثر ماهي منقهره اجاباته وبروده على انه لمح دمعتها بس مافيه أي تعبير
نايف ببروووووود: انا اسف
غلا: نعم؟؟؟؟ انا اسف؟؟ نلعب احنا نلعب؟؟؟
نايف: ...........
غلا: تقهر والله تقهر يانايف بتتركني بس ليه تكرهني فيك وتقهرني كل يوم والثاني تطيح أكثر من عيني مشكور .....
نايف وماوده باللي يصير لكن مب قادر يسوي شي غلا عنده فوق كل شي ...غلا ومصلحتها وبس ...
غلا مسكت يده عشان على الأقل يلف عليها ويشوف عيونها بدل مااهو يطالع قدام ولاكنها موجوده
غلا: نايف وش صاير؟ فيك علمني؟؟
نايف:في نفسه (( لاتساليني ويش جرى .. حبيبتي ماعاد اطيق..ولاتلمسي جرحي ترى .. بالحيل أنا جرحي عميق))
نزلت راسها على علبة الزقاير اللي جنبه اهو نسى يخبيها عنها لكن احسن انها تعرف ...
غلا مسكتها بصدمه ورفعت عينها عليه واخيرا لف عليها ماعاد قدر يصبر اكثر وشافها ...
غلا: نــ.....نــ....ايف ...أنت ...تــدخن؟؟
نايف: ايه
غلا: ومن متى؟
نايف: من يوم كنت بألمانيا
غلا: ليه ؟ وكل هالفتره ولاحتى علمتني؟ ومن متى ونايف يدخن؟ ياربي وش هالصدمه؟
نايف ويدري انه بدا يطيح من عينها اكثر ..هذا اللي يبيه لكن ضايق صدره بقد شعر راسه
غلا: تكلم ؟ وش فيك ؟ ليه ماترد علي؟ ليه
نايف:صدقيني متعذب مثلك
غلا: جاوب علي ...ماتبي؟...اوكي ...ماقصرت ... اللي تبيه بيتعبني انا اكثر منك ..مشكور
طلعت وسكرت الباب ودخلت للمركز وتركت وراها اكبر انسان محطم بالعالم ..
(اخ يانايف . هذي اخر مره تسمع صوتها وتقابلها وجه لوجه ..كنت قاسي ..الحمدلله اللي مسكت نفسي وماقلت ولاكلمة حب لها واللي داخلي مادرت فيه .....صدقيني ياغلا انه صعب صعب علي لكن انتي ومصلحتك وحياتك عندي اهم منني والله كل هذا لأنني احبك لازم تكرهيني )
دخل أقرب شريط من يده واشتغلت له اغنية رامي صبري بحبك اللي كانت مهديته غلاله
على مقطع
ياللي عشت بحظنك احسسني ...نسيت انا مين ..ولابنساك ..كل كلمة حب مابين اثنين ..حتوصف ايه ..في لحظه معاك ...وحعمل ايه ..بتوحشني حبيبي خلاص حياتي معاك ....
بحبك نفسي ااقولها لك وانا ايدي بايديك حبيبي ...بقول لك اتطمن كلامك ...لي بيهون سنين عدت اعدها لك وانا قدام عينيك ...
وحــعمل أيــــــــــه بتوحشــني ..حبيبــي خـــلاص حيـــــــاتي معــــــــاكــ؟...!!
جلس يلف كل شوارع الرياض من غير مايدري وين مشى ول وين راح هالأغنيه لها ذكرى مين غلا أول واخر وحده حبها بيظل ويتم يحبها مستحيل ينساها أو يحب غيرها مسـحيــــــل !!
مالقى نفسه اللا على طريق الدمام .... وقف عند الطريق ..وجلس يفكــر بحالته بتعب ... كل مالف على الجهه الثانيه ..تذكر شكل غلا ... كانت منفجره ومنقهره ومتحطمه ...(طحت من عيني ) يالله يانايف انا ليه قبل كنت احاول اعجبها وعلقتها فيني واهي من حق غيري من حقها ان قلبها يكون لغيري ..ولازم تكرهني بأسرع وقت لايفوت عليها عمرها واهي تنتظر سراب نايف ...
خلني انا اعيش متعذب باقـي ايام عمري بس غلا لا مستحيل اسمح لنفسي أعذبها خلني انا اذوق المر بس غلا لاتذوقه ...
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::
<<عند مواقف السيارات في شركة خالد وطلال ...
خالد: لاماعليك منهم هذي شركات تجاريه مره ماحب اتعامل معاهم
طلال: بس مهما كان هذا الربح
خالد: اجلس فقير طول عمري بس ماربح بالحرام
طلال: طيب وش قلت تجي تتغدى مععي ول لا؟
خالد: وين لأي مطعم لاتقول هندي
طلال: والله هندي للأسف
خالد: اعوذ بالله منك متى بنخلص من هالأكل الهندي ؟
طلال: انا عازمك على هندي تبي كان بها ماتبي روح لبيت ام محمد
خالد: هههههههه قدام المطعم الهندي واللي يسلمك
طلال:هههههههههههههههههههههههههه
ركبو الرانج روفر الأسود ..ومشوو
دخلو للمطعم كان فاااضي ومافيه أحد ابد
طلال: خالد موب كن ذا نواف
خالد: لاتقول لي ماخذ اجازه
طلال: توه مقدم امس
خالد: نعنبوه ذا مايعقل؟
طلال: هههههههههههه وش اسوي به
خالد: خله لاتعلمه اننا هنا ..
طلال: جاي مع اهله ابخليه اكيد
جلسو لهم فتره يسولفون ... وخالد كل شوي ينور جواله
طلال: ياخي وش فيه جوالك؟
خالد: مدري (شال الجوال واهو معقد حواجبه )يقول قبول طلب اتصال من اميرة الورد
طلال: بلوتوث هذا
خالد: خخخخخخخخ وش ذي اللي تبي ترسل لي
طلال: اقبل
خالد: خخخخخخخخخخ اغنيه
طلال: أي اغنيه
خالد: مدري مدري خذ الجوال ماحب هالسوالف
طلال: اخس اغنية احبه
خالد:
طلال: ارسل لها
خالد: قلت لك ماحب هالخرابيط هذي سوالف مراهقين
طلال مسك جواله وقعد يفتشه ....
طلال: واسمك بالجوال ماتغير نفس اسم الجهازنوكيا ان خمسه وتسعين هههههههههههههههه
خالد: والله مدري لو تسالني كيف تشغل بلوتوث قلت لك مدري
طلال: هذا وانت صاحب شركه
خالد: مو من اهتماماتي
طلال: كل شي مو من اهتماماتك الله يصلحك
خالد: خلك عن هالبولتوث وخلنا بالمهم
طلال قام يحوس بجهازه يبي يرسل للبنت شي بس مافيه الجوال فااضي حده
خالد: طلال وبعدين ياخي خل هالخرابيط للبزران
طلال : وش اسوي لازم ارسل على الأقل اكتب نكته بالملاحظات وارسلها دقايق
خالد: الله لايبلانا
طلال واهو يحوس بالرسايل لمح رساله مرسله من جوال خالد لرقم مسجل باسم (ب) الرساله
(تخفيض بنسبة خمسين بالميه على جميع الأجهزه يوم الأحد الموافق 29_6)
طلال : من هذا اللي ترسل له تخفيضات
خالد : اعطني اشوف ..اها هذي ذيك المرجوجه وش اسمها ..خلني اذكر
طلال:منهي؟ ومن متى وانت تفهم للبنات
خالد: بس على طول مالقيت اللا انا امشي ورا بنات ..اقصد هاذيك اسمها صعب والله (واهو يتذكر) قريبة نواف ..
طلال: البتول بنت راشد؟
خالد: اييييه ايه هذي ..زبونه عندنا واعطتني رقمها عشان اوقات التخفيض ول ان جت بضاعه جديده
طلال: هههههههههههههههههههههههههه !! الله يكون بعون هالبنيه والله ماارحم اللا اهي
خالد: ليه؟
طلال بضحك: لالابس ولاشي
خالد: ومتى بيجبون هالطلب ترى مانيب مطول هنا وراي اشغال
طلال: الهندي ترا يطول..بس والله الله ههههههههههه لايخليني بنت تحبك
خالد: وش تبي انت الحين مع هالضحك
طلال يمسح دموعه: لالابس سلامتك ماني غير سلامتك طال عمرك مسكينه قامت تعطيك على جوك مسويه نفسها تبي تشتري واهي تبي تلفتك وانت مصدق خخخخخخخ
خالد: فكني من سالفتها تراني مليت
طلال: ابشرك جاك اتصال من اميرة الورد
خالد: اسمعني وش رايك بفكرة المواقف الخلفيه للشركه ؟
طلال: اصبر خل الميزانيه ترتفع
خالد: افكر اخليه اجتماع بكره
طلال: خالد ممكن اطلبك طلب
خالد: امر؟
طلال: ابيك تترك مواضيع الشغل هذي للشركه الحين اضحك موت من الضحك بس لاتفتح مععي مواضيع الشركه
خالد: وش تبيني اقول لك؟
طلال: أي شي غير الشركه ياحبك للشغل وياكرهك للوناسه
خالد: لازم ارسل لبنت الورد؟
طلال: ههههههههههههه اميرة الورد
خالد: اللي هي
خالد من النوع اللي اكبر همه الشغل وهذا اكبر اهتماماته ومايعطي الوناسه أي احقيه المتعه هذي ماتهمه بعكس طلال اللي بحركاته مرح مايقعد بمكان اللا ويوسع صدره بأي طريقه ...وكلهم عكس بعض هذا اللي مخليهم يمشون مع بعض وكل واحد معجب بالثاني ..
.................................................. ......................
من جهه ثانيه في المطعم
نواف: كم مره قلت لك خلاص
البتول: ماعليك منني انت جاي معاي تحمل كل شي
نواف: طيب شوفي انا ابروح للسياره ابجيب جوالي نسيته لاشوفك طالعه
البتول: خخخخخخخخ رح جيبه
طلع نواف من جهه
على طول مسكت جوالها ..واهي تدري ان مافيه فاتح بلوتوث غير خالد وشايفته وتدري حتى وش اسمه بالجوال وقاهرها هالاسم
كان مكانهم جنب طاولت طلال وخالد ..وسمعت كل شي دار بينهم .... (اها الحين عرفت شخصيتك ياخالد ..وانا احسبك بس تمثل علينا شخصية المدير القوي العظيم اللبارد ..اثاريك حتى مع طلال المسكين ..بارد بس انا اوريك كيف تصير بارد ..)
كانت ترسل بالبوتوث واهي داريه ان طلال اهو اللي معطيها وجه ...
غيرت اسمها بالبلوتوث ..لاسم(ب) نفس اللي حاطها خالد طبعا منقهره حدها من هالاسم مسميني ب مايعرف يكمل اسمي ؟
طلال : خلود تصدق ماعاد اشوف اميرة الورد مدري وينها
خالد مستسخف حركاته: لاوشرايك تطلع تناديها ؟ مب احسن؟
طلال: ههههههههه طلعت لي وحده جديده
خالد يتهزا فيه: بنت النور هالمره؟
طلال وعيونه طول الوقت بالجوال : خالد!!!!!
خالد: وشفيه بعد؟
طلال: طلعت لي وحده اسمها ب
خالد وتوه بيتهزا فيه بس تذكر ...
خالد: لحظه نواف موجود؟
طلال: ايه
خالد: ومعاه اخته؟
طلال: اكيد ماتشوف الاسم
خالد : هات الجوال وورني وش مرسلة لك
طلال: كلها اغاني ومقاطع وصور
خالد: خخخخخخخخخخخ وانت تنكت عليها
طلال: ايه
خالد : يعني اهي نفسها بنت الورد؟
طلال: اميره الورد
خالد: اللي هو
طلال: ايه نفسها
خالد: اووف ليتك مارسلت
طلال: لاعادي مافيها شي
خالد: اعطني الجوال
طلال: غير اسمك على الأقل
خالد:وش تبيني احط؟
طلال: حط خلود عسل اوسفير الرمنسيه شي لازم تتعلم حركات المغازلجيه هذي
خالد: خخخخخخخخخخ لالاابخليه بنفس الاسم
طلال: سفير الرمنسيه طل سفير مايناسبك ابد
خالد: خخخخخخخ دامك عارف خلني كذا
قامت ترسل وترسل مابقى شي بجوالها ماارسلته ولاااااااااااعبرها بشي ولاحتى صوره ولاملاحظات ولاشي ..على انه اكيد عارف انها البتول
انقهرت منه ودها ترمي الجوال عليه من القهر
سكربلوتوثه وخلاها على اعصابها ....
البتول قامت تبحث ماعاد تشوفه ..طلعت سوت نفسها بتكلم الريسبشن بس تفاجأت انه مازال موجود مع طلال وجواله على الجنب ولاكأنه توه مستقبل مقاطع ...ماتت من القهر .. وطلعت على طول من المكان
واهي طالعه تفاجأت بنواف قبالها
نواف: عسى ماشر البتول وين؟
البتول: بسرعه رح عند الريسبشن وقل لهم يخلونه سفري وانا ابنتظرك بالسياره .
نواف: تعالي وش صاير
البتول: بسرعه !!
نواف: امري لله
دخل ولقاهم قباله
نواف: اهلااااااااااااا خالد وطلال
طلال: هلاوالله
خالد: هلافيك
نواف: وش هالصدفه الحلوه؟
طلال: شايفينك من زمان بس قلنا مع اهله
نواف: ههههههههه لالااباخذه سفري الحين ..يالله اجل سلام
تذكر ليه معصبه اكيد مسويه مصيبه بينها وبين خالد ياربيه من هالبنت ماتتوب
طلع نواف وخالد مافتح مع طلال سالفة البلوتوث ولاتكلم عن البتول ابد طلال حاسس بالبنت ماتسوى عليها تبي تلفته وهذي تصرفاته ..وكانه مو معطيها أي اهتمااام باي شي خارج امور الشركه والله يقهر خويلد الله يعين البتول عليه

 

[meen_ana]

طلال: خالد ماقلت لي متى ابشوفك معرس
خالد طنشه شوي ... طلال استغرب ماتذمر سؤاله .. اكيد تغير رايه
خالد: والله اتوقع خلاص ماعاد فيه وقت نأخر فيه هالموضوع زياده
طلال يتعامل معاه بنفس اسلوبه: واحتراما للوقت؟؟؟؟؟؟؟
خالد: احتراما للوقت الله يسلمك نعجل موضوع زواجي واخطب اقل شي
طلال : والله ؟ الف الف الف مبروووووووووووووووووووووك مابغينا
خالد: ههههههههه شدعوه
طلال: الله لايلومني لنا سنين وشهور نترجاك كننا نبيك تفك اسرى
خالد: خخخخخخخخ
طلال: البتول خلاص؟
خالد: خلاص البتول انا شاريها ..وشاري اهلها سمعت العائله طيبه
طلال: اووف اوف !! وش افكار العشاق اللي براسك هذي؟
خالد: ابد لاعشاق ولاخرابيط مجرد..
طلال قاطعه بضحك : مجرد احتراما للوقت هاه
خالد: على قولك
طلال: ياحبك للمثاليه والنظام الزايد
خالد: افكر اخطبها رسمي على بكره والا اللي بعده
طلال: حلو ..الف مبروكين مقدما
خالد: الله يبارك فيك
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::
<<<<<<<<<بيت ابو نايف
الوليد : تكفى جلوي طلبتك
جلوي: خبل انا اخليك تقابل بنت؟
الوليد: لالامارح اقابلها بس اباخذ رقمها شفها وش لون ناطله روحها عليك
جلوي: هههههههههه
منصور: هات الرقم انا ابيه
الوليد: لاانا قايل قبلك
منصور: اقول اعقل ابروح انا وابقول انا جلوي
الوليد: لايشيخ انا اللي بااخذه
جلوي: ومصدقين بعد ابعطيكم خخخخخخ مافيه رح تلايط انت وياه
الوليد: طيب ان ماخذته ماكون الوليد
منصور: تعال جلوي تكلمك للحين؟
جلوي: ايه بالها طويل اللا تبيني اخذ المبلغ منها
منصور: خخخخخخخخخ جايتك على طبق من ذهب
جلوي: فاضي انا ول رايق ؟
منصور: ول عطه هالفقير من زمان يتشحذك الرقم
جلوي: لامنيب ناقص حركات الجيل الثالث
منصور: هههههههههههههههه
دق جوال جلوي على اسم(ازعاج)
جلوي: انا لله وانا اليه راجعون
منصور: هات جوالك
جلوي او اقول اعطني انا اتصرف معها
جلوي: الو
البنت: مسالورد
جلوي: أي خدمه؟
البنت: بس حبيت اخذ معاك موعد بخصوص المبلغ
جلوي: بكره الساعه 5 العصر انا عند نفس هذاك المكان الله لايعيده
البنت: هههههههههههههههههه اوووكي اشوفك باي
جلوي: سلام
منصور: انحلت
جلوي: ابروح بكره وافتك يشيخ ماصارت هذي
منصور: اللا ابسالك عن فصوول وينه ووش دنياه
جلوي: والله يزقح توني شفته امس بالصيدليه
منصور: هذا ملك وماعاد شفناه
جلوي: لاتلومه مسكين له سنين يحتري هالايام
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::
تركي ويحس انه يتعامل مع طفله
تركي: ايه؟
ديما: اممممممممممم بس مدري البنت للحين احاول اخذ رقمها
تركي: وبتخطبينها متى؟
ديما: مدري انا ان سألتها رح تعطيني رقم جوالها وانا ابي رقم بيتهم عشان اكلم امها مو اهي
تركي وحاس انها تتكلم مثل اول ..وبنفسيه تماااااااااااااااااااااااااااااااام استغرب منها تتكلم وكأنها بتخطب لأخوها مو زوجها
تركي: ووش يقال لأهلهم
ديما: حنان بنت طلال ...آل....
تركي: كويس نفس القبيله بعد؟
ديما مبستممه: مستحيل اجيب لك زوجه ماتعجبك
تركي: حمستيني ديوم ابقول لأبوي يخطبها لي
ديما: اوكي انا بس اكلم اهلها وبعدين اعلمك باللي تسويه اوكي؟
تركي مصدووم ومنلخم : طيب
(لالاهاذي اكيد مسحوره )
ديما مسكت جوالها واتصلت بوحده من معارفها:الو ..اهلييييين قلبي والله ...كيفك؟ ووش مسويه ؟ والله حتى انا اشتقت لك .....ايه ...ابد الحمدلله كلنا بخير....ايه؟...ههههههههههههه...قلبي اسمعيني حابه اسألك عن شغله
......تذكرين حنان بنت طلال اللي كانت معانا بلندن .؟... ايه .؟ هذي ابي رقم اهلها ...واللي يسلمك ضاع منني .........هههههههه أي ابخطبها ....لالاموو اخوي .....هههههه ولاحتى ابوي ...ابخطبها لتركي ....ايه والله .......
بذمتك ....؟..لالامايصير.....وش اللي تقولينه ............؟ واالله ...يووه ايش هالصدمه .؟؟...طيب طيب خلاص اندور غيرها ......اوكي باي
تركي بتمثيل: هاه ووش اخبار زوجتي؟
ديمارمت الجوال: اف ياربيه كلشي ضدي
تركي بتمثيل: افا ليه ؟
ديما: طلعت البنت مرتبطه
تركي: يووه راحت علينا هالمره ...خلاص انا اقول لغلا تدور لي
ديما ورجعت لها نفس حالة الاكتئاب وجلست معصبه
تركي اخذ الجوال وسوى روحه يكلم غلا.....حاس انه يتعامل مع مجنونه موب وحده طبيعيه ...
تركي: الو ..ايه اهلين غلا ...ووش اخبارك ؟... الحمدلله ....ايه حتى ديما طيبه ....لامابقى شي واخلص
...اللا ابسألك عن سديم خويتك ووش صار عليها؟.........والله ؟ ..كلمتو امها يعني....اها ...اها؟.....ايييه حلو ...خلاص ان جيت للرياض رحت مع ابوي والباقين ....حلو ..يالله اجل ....هههههههه الله يبارك فيك ...يالله سلام
تركي نزل الجوال من بعد مامل هالمسرحيه البايخه : وافقت علي خويت غلا
ديما : يعني ؟ بتخطبها؟
تركي: موافقه لما نروح للرياض اخطبها
ديما: وتتزوج علي؟
تركي : مو هذا اللي تبينه ؟
ديما: ايه بس.......
تركي درى انها متحسفه بقد شعر راسها وتوها تستوعب اللي تسويه ....اما ديما حست بالدنيا ظلمت قدامها .... تركته وراحت
تركي: ديووم وين؟
ديما: اباخذ شاور واجيك
تركي فرح واخيرا شوي تغيرت ولو بتغير بسيط ...؟!. مابغينا ...
دق على غلا على طول يعلمها باللي صار ..
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::
<<<<بيت ابو عبدالله
محمد وتوه داخل
ساره: اهليين ياصباح الظهر
محمد وشايل اكياس من السوبر ماركت ومنشغل: ايه هلا ساره تعالي شيليها معاي
ساره: بس اشيلها من عيووني
محمد مستغرب: وش صاير اليوم؟
ساره: بس كذا مشتاقت لك
محمد: جد؟
ساره: هههههههه ليه مستغرب
محمد: اقول ترا فلوسس ماعندي يعني لاتقولين لي ودني لمطعم
ساره وريناد: هههههههههههههههههههههه
ساره: كلن يطالع الناس بعين طبعه ياحلو لالاالحمدلله ماصرف مثلك
محمد: اجل وش تبين انتي وياها
ريناد: تقول غلا ان عندك اخبار مرره حلوه علمنا ؟
محمد معقد حواجبه: اخبار ؟؟
ريناد: ايه لايكون تلعب علينا غلا
محمد:اها ...ايه ايه صح تذكرت وين غلا خلوني اقول لها
محمد ينادي: غلاااااااا ياغلاااااا تعالي!!
غلا: طيب بجي
ريناد: يالله هذيهي جت وش هالخبر؟
محمد: الخبر عن خلووود
غلا: وشو؟
محمد: ابشركم رفعت القرار للوزاره ودرس الموضوع اللي فاتحته فيه وابشركم وافقت عليه الوزاره
ساره: وش هاللحسسات ؟ مافهمت شي؟
محمد: خخخخخخخخ امس انا وابوي كننا نساله عن الزواج ومدري ايش المهم انه قرر يخطب
غلا: بذمتك محمد
محمد: هههههههههه والله روحو اسالوه
ريناد: خااالد؟؟؟؟ يخطب؟ ماتجي مااتخيل شكله مع زوجته ابد
ساره: يووووووه الله يكون بعون اللي بتاخذه
محمد: ايه والله ياانها بتعاني
غلا: ليه حرام عليكم؟
ريناد: بروود اعصاب وشاهي وزقاير وهدوووووووء ونظام خخخخخخخخخخخخخخ
ساره: تحمدي بس لايجيك مثله
غلا: نبدا ندور له يعني؟ ترا عندي كثار
محمد: لاوين تدورون له الأخ حاجزها
ساره: لالالامااصدق خووويلد من بد هالناس؟
محمد: والله ذيك اللي امس يسولف عنها
غلا: اها البتول؟
محمد: ايه ..بكره او بعده بيروح لهم
ريناد: يااااااااااااااااااااااااااااي ياحبي له خلوود
غلا: لحظه ومن متى واهو يبيها
محمد: مدري عنه والله خالد يعطينا صدمات كل مره
غلا: ياحبي لها البتول ياما اعطتني عن سوالفها مع خالد بالشركه هههههههههههههه
خالد: كنني سامع اسمي؟
غلا: الطيب عند ذكره
خالد: وش الحش هالمره عن ايش؟
ساره: خالد مطلعين فيك اشاعه ونبي رايك فيها
خالد: وش؟
ساره: يقولون انك ناوي تاخذ البتول خويت غلا
خالد: وليه اشاعه ؟ كلام صحيح
ريناد: امانه؟
خالد: بسم الله وش فيكم عادي خالد يتزوج مثله مثل تركي وغيري
غلا: لاياحبيبي من زمااان ننتظر هالكلمه منك ماصدقنا
خالد: هههههههههههههههه
ريناد: مبرووووووك مقدما
خالد: الله يبارك فيك ويطول لي بعمرك
محمد: اللا وش صار على هالمواقف اللي تقول عنها؟
خالد: ايه تعال اوريك المخطط جيبه بتلقاه بسيارتي (مد له المفتاح) خذ هذا المفتاح
محمد: اووكي
ام محمد: هلا خالد جيت؟
خالد: هلا خالتي
ام محمد: ماتغديت تبي الغدا ؟
خالد: لا متغدي برا
غلا: خل نرجع لمحور حديثنا
ريناد: متى بتخطبها؟
خالد: انتم متحمسين بزياده
ساره: تدري ليه
خالد: ليه
ساره: لأننا مب باردين مثلك
خالد: ياذا البرود ومابقى احد ماعايرني فيه
غلا: ههههههههههههههههه تستاهل
ريناد: متى؟
خالد: مدري متى مافظى لي ابوي يمكن على بكره
غلا: الف مبرووك
ريناد: مابقى غير حموود
ام محمد: الله يعينني على صجته كل يوم ابي اتزوج
خالد: اللا خاتلي زوجوه وريحوه مسكين
ام محمد: خله يركد يكون نفسه طايش الله يهداه
خالد: هههههههههههههه لالابس يتغير بعدين لاتخلونه يطول مثلي والله ان يندم

 

[meen_ana]

<<<<<<في الاستراحه
كان موجود فيصل وجلوي ومحمد توه وصل والوليد
فيصل:لامارح اطول وراي مشوار
محمد توه داخل: السلام عليكم
الكل: وعليكم السلااام
محمد سلم عليهم واحد ورا الثاني وجلس
محمد: فيصل موجود؟؟؟وينك؟ ووش هالغيبه انت ملكت واختفيت
فيصل: ههههههههههههه
الوليد: اما هذا اختفى اللا شف الخدود مع وين يختفي
جلوي: ايه والله (يغمز)سامن فصول وش صار بالدنيا
فيصل: اعوذ بالله ياخي خلوني بحالي بينظلونني بعد
محمد: كل واحد يملك يكبر راسه علينا
الوليد: مابقى اللا محمد وجلوي شوي وترفعون خشومكم علي انا ومنصور
محمد: مابقى شي وارفع خشتي تشوفون ان شالله اسبق الاطخم جلوي
جلوي: خخخخخخخخخ مابي اتزوج اصلن
محمد: اللا ماقلتو لي شخبار زمرده ؟هههههههههههههههههههههههه
الوليد: ههههههههههههههههههههههههه يلعن ابليسك يامحمد
محمد: وشخباره؟
جلوي: توه جا وسلم قبل لايسافرسأل عنك
محمد: والله اشقت له الدب ووين بيروح
فيصل: بيمشي لم سويسرا
محمد: ياحليله الله يوفقه
جلوي: وانت مالان راس خالتي عليك
محمد: ابد معنده الوالده الله يهداها غالي عليها هالايام
جلوي: خخخخخخخخخخخخخ ملااااااااااااااااحظ!
فيصل: اللاوين نايف قايل لي انه بيجي اليوم ؟(يطالع الساعه)احتريه تأخر
جلوي: رايح الظاهر للمحكمه
فيصل: الله يكون بعونه ..اللا وش صار على حايل يوم اخر مره رحت؟
جلوي: ابد مثل كل مره حاولت اتجاهل ياخي ماحبيتها اسوي مشاكل مع اهل ابوي من بعده
نايف دخل ووقف الكل من هيبته بالمكان: السلام عليكم
الكل: وعليكم السلام
فيصل يسلم بعد ماتفاجأ من شكل نايف اللي يضيق الصدر: هلااانايف وشخبارك؟
نايف: ابد الحمدلله بشرني عنك
فيصل: الحمدلله بخير
نايف:وبشرني عنك وعن علومك
فيصل: ماشي حالي ابي اخبارك انت
نايف: ابد الحمدلله ...ووشخبارك محمد؟
محمد: الحمدلله بخير
نايف: والأهل كلهم طيبين؟
محمد: طيبين كلهم
الوليد: محمد تلعب مععي ؟
محمد: لالامابي الحين
الوليد: فيصل؟
فيصل: هات ...مين بتاخذ؟
الوليد: برشلونه
فيصل: يالله
نايف: اللا وين نواف ماعاد اشوفه
جلوي: مسافر
نايف: وين ماشالله؟
جلوي: البحرين
نايف: وش عنده ابو كااش
جلوي: ههههههههههههههه بيروح مع اخوه لم البحرين ودبي
نايف: ماشالله الله من زمان عن هالاستراحه
محمد: رحت لالمانيا وتكبرت عليها
نايف: انعزلت عن العالم من بعد المانيا اصلن
محمد: اللا ماقلت لي وش صار عليك ؟.. مع هالدراسه؟
نايف تنهد : والله مدري مدري
محمد: وشلون ماتدري؟
نايف: انا الحين كل اللي افكر فيه حياتي الخاصه ...وكيف ابداها من جديد والوظيفه والدراسه هذي بعدين
محمد: مافهمتك؟
نايف : محمد انا ابي اكلمك بها الموضوع بس ابيك مععي
محمد: ان شالله
ويسحبه ويقوم معاه برا
محمد: قصدك غلا؟
نايف: ايه ...غلا...(تنهد وجلس ساكت فتره يفكر )...غلا زوجتي ومن عايلة عز وعايله محترمه .... انا يوم اخطب غلا وافقت على نايف اللي بيرجع بشهادته وبيعزها بمثل عز ابوها ان ماكان اكثر .... رجع لها نايف المحطم الراسب ....اللي مايقدر حتى يبني بيت ...وشلون تبيني اخذها ...والله يامحمد ان حبي واخلاصي الغلا يقول لي اتركها وأخلي اللي من نفس مستواها ياخذها موب أنا ...
محمد: يعني وشلون بتطلق اختي؟
نايف: احسن من اني اتركها تعيش مععي تعاني والله كله احترام لكم ولمستواكم ولغلا ....انا واحد ثااني انا غير اللي وافقت عليه لو اني توني اخطبها الحين انت وابوك بتطردونني قبلها ...لاوظيفه ...لاشهاده لاشي ..خل العمر لايفوتها تاخذ اللي احسن منني ...
محمد انصدم وجلس ساكت
نايف ملاحظه متضايق اهو بلحاله من هالوضع لكن محمد الوحيد اللي ممكن يقول له كلام مثل ككذا
محمد: بس مثل ماانت شارينا حتى احنا شارينك غلا مستعده تنتظرك طول العمر اختي واعرفها مستحيل بتجي ببالها الافكار اللي تقولها يانايف
نايف: مارضا اني اخذها صدقني ...رح تتحسف ليه اخليها تندم ؟ حرام ...انا لازم اطيح من عينها واترك قلبها لغيري ...اتركه للي احق منه ....وحتى خالي ابو عبدالله انا لازم اطيح من عينه عشان الكل يتقبل فكرة الطلاق
محمد : والله خسااره
نايف: خسارتي اكبر
محمد: طيب ووش بتسوي الحين؟
نايف: كل هممي ان غلا تكرهني أطيح من عينها أي شي المهم غلا لاتتعلق فيني اكثر واحس اني اذنبت يوم علقتها فيني ... واهي مو من حققي
محمد: .........
نايف: والله اني احبها وابجلس باقي عمري اذكرها ...وكل اللي اسويه غصب عني والله مو بيدي .... بس والله لمصلحتها ...
محمد: ............
نايف: وشفيك محمد؟
محمد: مدري ماودي بالكلام هذا يصير
نايف: اجل تبيها تاخذ اقل من مستواها ؟
محمد: منتب اقل مايهم الفلوس اهم شي الحسب والنسب وانها مرتاحة لك هذا اللي يهمنا
نايف: بها الوقت ماتنفع الامور هذي ان جوني عيال بعدين وشلون ابصرف عليهم .؟ وشلون ابفتح بيت وأكون اسره كامله وانا يالله اغطي نفسي ...ماسمح لغلا تاخذني وانا بالشكل هذا رح تنصدم ..غلا احبها ومارح اخليها تاخذ اللا اعلى منني ...وولد عز مثلها
محمد تنهد وسكت متضااايق : يعني هذا اخر كلام وأخر قرار لك ؟
نايف: انا درست الموضوع وهذا اللي شفته
محمد: تعجبني شيمك وأخلاقك وحبك لغيرك اكثر من نفسك ...والله مستحيل نلقى مثلك مامثلك بالأخلاق ولاانا ولاغلا كلنا رح ننتحسر ومارح نلقى مثلك يانايف
نايف: اعتز بكلامك واتمنى تتفهم قصدي يامحمد واستسمح منك ومن غلا
محمد: قصدك ان كل اللي بتسويه عشان غلا .؟ وش فيه نباله اكبر من هذي...بس والله مارح نلقى مثلك رجال
نايف سكت يفكر بحالته والحين صار الموضوع جد من بعد ماكلم محمد فيه ولافيه أي تراجع ..!! بدا يحاول يستوعب فكرة طلاقه من غلا ..... محمد حس باللي يفكر فيه ...تحسر على نايف .((بيسوي اللي عليه ان ماكان اكثر...بيخلي غلا تعافه وتكرهه بعدها بيطلقها ..بعدها تتزوج غيره واهو اكثر واحد ينضر ويتحطم ....يااخلاقك يانايف عاليه ...وبتمثل لأبوي واهلي عشان تطلقها..؟؟؟؟ ...صدق الدنيا ماصفت لها الاثنين ..ابد مشو مع بعض بسرعه بس الدنيا ماخلتهم ...الله يصبركم يانايف وغلا على فراق بعض ويعينكم))
داخل الاستراحه
فيصل: هزمتك خذ انت وهالفريق اللي مايعرف يلعب
الوليد: انا اوريك المره الجايه خليتك مره بس مو كل مره ابتركك
نايف دخل بياخذ مفاتيحه وشماغه
فييصل: نايف وين؟
نايف بيضق: مدري بس ابي اطلع من هنا ....سلام
جلوي: وشفيه؟
محمد بضيق: خلوه متضايق
جلوي: انتم رحتو مع بعض وجيتو ثانيه وكل واحد كن ميت له احد
محمد: تقدر تقول ...ايه ياجلوي مااقول غير الله يكون بعون نايف وبس
جلوي: ليه
محمد: بيطلق غلا
جلوي: بذمتك؟
محمد تنهد وسكت
جلوي: وش يقول نايف ترا صاير يطلع كلام مايحس فيه وش ذنب البنت يتغير عليها؟
محمد: لالاتغيره مجرد تمثيل ... عشان تعافه لأنه بيتركها ....
جلوي: لاماعليك منه محمد ترا نايف مايحس باللي يقوله هاليومين من الضيقه لاتاخذ بكلامه
محمد: الله لايلومه على هالصدمات اللي ورا بعض ...لالااخوك عنده قدر عالي من النباله ماشفتها عند احد ثاني ول لو غيره كان قال ابعلقها الين مادرس مره ثانيه واخذها ...بس باين عليه محترم غلا ويحبها اكثر من نفسه
جلوي: وغلا تدري بشي؟
محمد: لا تلقاها متحمله تغير نايف من غير ماتعلم احد ...الله يعينها
جلوي : وطيب وين رايح نايف الحين؟
محمد: مدري كلمني ششوي وطلع
فيصل: يالله انا استاذنكم الحين
محمد: وين تو الناس يبو الشباب؟
فيصل: لاوالله بكره وراي مو عد مهم
محمد: سلامات عسى ماشر؟
الوليد: خله عنك مسوي نفسه عنده موعد وماوراه غير زوجته
فيصل مسك المخده ورماها على الوليد: اسكت..!!
الوليد: ههههههههههههه لأنني قلت الصدق لازم اسكت
فيصل: انا اوريك
الوليد: اللي عندك سوه
محمد: لاتتحدا فيصل تراه موب هين
الوليد: لالاماعندي مشكله
فيصل: خلاص رادينها ...يالله سلام
الكل: مع السلامه
جلسو ييلعبون بلوت لهم ساعه ....جلوي مسك جواله متفاجئ
جلوي: اووف ثلاث مكالمات من الوالده ولارديت
الوليد|: يابابي اعصابك طيب
جلوي: خخخخخخخخخ ..الو ..هلايمه....اي بالاستراحه ...نايف؟ ...الا بتلقينه بالغرفه البرانيه ...ايه لاله يمكن ساعه طالع ...ايه ..اي أي مععي الوليد....ان شالله مارح اتأخر....ان شالله ...يالله تامرين بشي؟....طيب...مع السلامه
الوليد: لاتقول خلنا نرجع الحين
جلوي: للأسف امش لانتأخر عليها
الوليد: لحظه وين التمر السكري اللي كان هنا؟
محمد: تلقاه في المطبخ
الوليد توه دخل المطبخ ومالقاه
الوليد: لامب فيه وينه؟
جلوي: غريبه وينه ؟
الوليد: لاتقوون خلص تراني احب تمر الحسا
جلوي: ههههههههههههههه اخاف فيصل سارقه؟
الوليد: لافيصل مايحب السكري من عرفته واهو مايحبه
محمد: لاماخذه لزوجته دايم يسرق تمر الحسا عشان يعطيها
الوليد: مشالله ..على حسابي انا .؟ مشتهيه
محمد: هههههههههههه قلت لك بيردها
الوليد: الو فصييل
فيصل:خخخخخخ هلا وليدوه
الوليد: سارق التمر
فيصل: شفته قلت مب شينه اخذه وخاصه ان مها تحبه
الوليد: طيب طيب
فيصل: هههههههههههه قايل لك ابردها
الوليد: والله منتب سهل ..بس يالله وقت ثاني ان شالله
فيصل: خخخخخخخخ تصبح على خير
الوليد: وانت من اهله
.................................................. ...........................................
بيت ابو نايف
نايف وتوه داخل للبيت متضايق ونفسه تعباااانه ....نايف باختصار يعبر عن حزنه انه يتضايق ولايتكلم ...
دخل للبيت وقابل الغرفه الخارجيه الموجوده جنب الخيمه الكبيره اللي بالبيت
كانت دايم جمعات ابونايف معاعياله هناك
دخل وشم ريحة ثوب ابوه ..ول الدله حقته اللي حتى من بعد موته ماتغير مكانها .... كان يشوف ابوه بنفس المكان اللي كل مره يجلس فيه ..((يالله ووش كثر اشتقت لك يابوي )) جلس شوي وفتح الكتب حقت ابوه اللي كانت موجوده جلس يقرا كتاباته لأن ابوه شاعر مثله ..... شعره اكثره بالحكمه .... شاف مكان سجادت الصلاه اللي كان دايم يصلي فيه ...ول نصايحه لعياله اول ....هذا غير نظارة القراءه اللي كان يستخدمها قبل لاتنعمي عيونه .... المكان باختصار كان يقطع القلب بكل مافيه ونايف مستحيل يغير هالوضع الموجود كان يحب هالمكان من حب ابوه ..... مسك القلم وهذا اللي قدر يكتبه
يبـه شلـونك ؟!..

يبه شلونك...ملل هالــكــون من دونك ..

يبه شلونك ؟؟وتمضي رحلة الدنيا..

بليا طلة عيونك..؟؟!!

يبه شلونك ؟؟وشلون المرض وياك ؟؟

بعد ماهدك بدنياك..عساها تغمض جفونك ؟؟

تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟

.. يبه امي تخيلك دوم...تغني لك مع القمرا..

يبه واللي خذاك بيوم....خذا بنيتك بكرا..

خذا.. وياماخذا.. وياما..خذا ناس يحبونك

يبه حنا صرنا كبار..توفقنا وتخرجنا..

يبه ماعاد فيه صغار..يموج بهالزمن كل شي..

وحنا ماتموجنا..على ذاك العهد نسري..

نبيع العمر والدنيا..ولا تخلف بنا ظنونك

يبه شلونك ؟؟تبي تدري عن اخباري ؟؟

عن افكاري وتذكاري ؟؟


اشيلك بداخلي جمره ..وبعيون الحزن عبره..تغرقني .. وتحرقني..

اشوفك نجمة تجبر..مراعيها .. يراعيها..

واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى !!

يبه تذكر زمان مر؟؟
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يايبــه ..
ملــــــــــــــل هالكون من دونك
يبه وينك ؟؟ .... ولهت لنظره من عينك ....
يبه وينك ؟؟
اشوفه طوّل غيابك !! ... و من ودّاك .... ما جابك !!
قالوا ما يدوم الزين !! ... و انا عندي امل للحين ..
و لكني اعرفك وين !!
يبه وينك ؟؟
عسى الداعي يبه بس خير ؟!! عساك بخير .... مداين تكرم لعينك ...
بس ارجوك علمني ...
علمني .. يبه وينك ؟؟
سألت امي عن رجوعك ... ولا كني اعرفك وين !!
و قالت .. ما يدوم الزين !! ... و انا .. عندي امل للحين ..
في رجوعك !! .... يبه بس تكفى علمني ....
متى رجوعك ؟؟ .... يبه بس تكفى علمني .
وش احلى من طلوع اثنين ؟؟
طلوع الشمس .... و طلوعك
يبه وينك ؟؟
سألت امي ...... غيابك طال ؟؟
ولا كنّي اعرفك وين !!
و قالت مثل ما قالت .. حسافه ...
ما يدوم الزين ... مع كل هذا صدقني .. انا عندي امل للحين !!
سؤالي عنك يالوالد .. صار كما الموال
و اشوفه طال ... والله طال ..
حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه ..
يبه ..
ارجوك علمني ...
تشوف اللي انا اشوفه ؟؟
انا اشوفك نهار و ليل ...
في وسط المجلس تصلي .. و تدعي الرب ييسر لي ..
يبه ..
ما عاد بي من حيل .. وين الحيل ؟؟
و انا اشوفك نهار و ليل .. مع اني ادري ما ترجع !!
غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !!
يبه .... وينك ؟؟
و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك ..
و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !!
يبه.. كل جرح في الدنيا .. مصيره بالدوا يلتم ... و لكن البلا من جرح ..
نزف فرقاك ... بليّا دم !! ...
و هذا الفرق في جرحي ... عجز يلقا الدوا دكتور .. انا جرحي غريب الطور !!!
ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما
تـلتم ..
بس عندي امل للحين !! ... و لا كنّي اعرفك وين !!

يبه .. ذكراك تفرحني ....
في نفس الوقت تجرحني !! ... لا من جبت في طاريك ... دموعي غصب تفضحني ....

يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ هـالناس .. كل ٍ كان في بيتك ضيف ..
الا يا حيف .... الا يا حيف ..
زمن قاسي .. زمن قاسي ...
اخذ مني بلا رحمه ... اخذ مني اعز ناسي !!
و خلاّ لي سهر هالليل .. في عيني ضيف .. الا يا حيف !!

يبه وينك ؟؟
تعال و شوف ...
كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..

يبه وينك ؟؟
تعال و شوف .. صحيح الدنيا ما ترحم ..
تجرعنا التعب انواع ... و لكن الأمل ما ضاع ..
و انا عندي امل للحين !! ... و لا كني اعرفك وين !!

يبه تذكر شطانـتـنا ؟؟
انا و اخواني و اخواتي ... معانا عيال حارتنا ..
نلعب في زوايا البيت .. يبه ... والله انا حنيت ..
لذاك الوقت في وجودك ... الا يا ريت ... الا يا ريت ...

ترجع .. يا يبه حنيت ..
حسافه الدنيا ما ترحم ...
خذت منا سعادتنا ... خذتك بعيد .. و خلتنا !!!

يبه امي تذّكرنا ... بأيامك قبل ما تروح ... تناديها.. يا روح الروح ..
تغازلها و تنظر لك .. مثل طفله ... ملامحها عشق مفضوح ...

في ذاك الوقت .. كنا صغار ...
معَ هذا ... كنا نغار ..
عليها .. او بعد منها ... كنا نغار
نحبك يا يبه ... ارجع .. مثل شمس الفجر .. اطلع
حزينه الشمس في غيابك .. و نفس الحزن في احبابك .. واخاف الشمس من حزني ..
تغيب و ما بعد تطلع !! .. يبه ارجع !! ... اذا لي خاطر فـ قلبك ..
تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..

لكن قلّت الحيله ... و يمكن مـ البطا ضاعت ..
و قلنا يوم !!

يبه سامحني بترخّص ... قبل ينشف حبر الأقلام .. كلامي بعده ما خلّص ..
و لكن موعد الأحلام .. حان ..
ولازم اوفي له.. بعد ما ضاعت الحيله .. اشوفك والوعد باكر !!
اذا فكّر يجي باكر ..!! .. و برجع اسألك وينك !!

بس لازم تجاوبني .. ترى عندي امل للحين !! .. و لا كني اعرفك وين ..!!

يبه شلونك ؟


ملل هالكون من دونك
يبه شلونك ؟
وتمضي رحلة الدنيا ... بليا طلة عيونك
لاجل هذا ... وكل هذا ... اقول اليوم يايبه..

ملل هالكون من دونك..

 

[meen_ana]

اليوم اللي بعده ....السـاعه ... 2 الظهـر
<<بيت ابوعبدالله
خالد توه جاي من الشغل: تقصد بعد العصر؟
ابوعبدالله: لالاعلى المغرب احسن
خالد: خلاص صار ان شالله
محمد: مبروك مقدما
خالد: الله يبار فيك
ام محمد:الله يعيننا عليك انت بعد
محمد: ايه والله الله يكون بعونكم انا مزعج
خالد: اهم شي انك عارف نفسك
ريناد: غلا.... ماعندها خوات شي نفتك من محمد مره وحده؟؟
غلا: ههههههههههه لالااصلن بيشوفون محمد بيطردونه على طول
محمد: ليه؟؟ باكل بنتهم انا؟
غلا: ههههههه لا
محمد: اجل؟
غلا: صغير
محمد: مانيب اصغر من تركي
ام محمد: وانت حاط تركي شماعه
محمد:ابي اعلمكم كيف انتم ظالميني
ريناد: افتح موال زمرده الحين
محمد: هههههههههههههههه !!
خالد: اللا غلا ابسألك انتي متاك داقه عليهم
غلا: امممممممم قبل امس تقريبا ... على انهم قالو بيشوفون بس احسن اخطبها رسمي
خالد: ووش قلتي عنني ؟
غلا:قلت انك مومتدين مره ...ولامره رايح فيها امممم تكلمت عن شركتك طبعا ودراستك برا اعطيتهم اشيا عن شخصيتك ..بس شكلهم يعرفونك من قبل ماشفت صعوبه عشان اوصل المعلومات هههههه
محمد: وش رايكم نروح لبيت خالتي ام نايف اليوم
ريناد: ليه؟
محمد: بس كذا اشتقناله
غلا: اشتقت له ول اللي فيه؟
محمد: ايه والله خالتي ام نايف من زمان عنها
ريناد: هههههههههههههههه العب على غيرنا
خالد واول مره يتدخل في سالفه فيها مزح: ليه ؟ وش يقصد ابو الشباب؟
غلا: اساله ويعلمك
خالد: طلع وش اللي ببالك
محمد متورط: مدري عنهم اهم اللي يتكلمون وانا اقصد خالتي
خالد يوم حس انه منلحس قرر يسكت
ريناد: طيب يلله تودينا؟
محمد: والله اني داري انك اكثر وحده بتتحمسين
ريناد: وليه ان شالله
محمد ووده يعرف وش وصل معها نايف عشان يكمل خطته: غلوو تجين معاي؟
الكل التفت عليها
غلا: هاه؟ لالااصلن وراي اشيا ابسويها ماعندي وقت اروح
محمد: ونايف ترا صار لك فتره ماشفتيه
غلا: لامارح اروح
ريناد: روحي والله احسن لك
غلا انحرجت ونزلت راسها اول مره يحسون انها ممكن تنحرج بها الشكل
محمد: خلاص براحتك اذا ماتبين ..انا ابروح اللي بيجي معاي يجي
ريناد: انا اانا ابروح
ساره: لاتنسون تجيبون افلام من عند الوليد ومنصور
محمد: ووش تبين طيب؟
ساره: امممممم أي شي غير الاكشن والافلام المصريه تراني مليت
محمد: هههههههههههه معليش اتوقع هذا كل اللي عندهم ول وش تبينهم يطالعون
ساره: اسأل طيب
محمد: اوكي راح اشوف لك..يالله ريناد انا ابطلع
ريناد: انتظرني بس اغير ملابسي
محمد: لالامانيب منتظر ابستناك عند الكراج ..وان ماطلعتي مشيت
ريناد: طيب طيب ...ابروح الحين
ابوعبدالله: محمد اللا وين نايف ماعاد اشوفه ؟؟
ام محمد: والله هذي ام نايف مره مضيق صدرها هالولد
ابوعبدالله: ليه ؟
محمد: صاير يطلع ويسهر واجد ...ولاعاد يجلس بالبيت كثير
ام محمد: الله يهداه صاير مقصر مره بحق امه
غلا في نفسها((لالامومعقول هذا نايف اللي اعرفه اكيد واحد ثاني...من متى ونايف يرمي امه ؟ اهو لازم يسألني عن امه قبل ...ولايعرف السهرات ولايعرف شي ...التدخين ومشيناها ...طيب الاشيا الثانيه ليه يتغير على كل اللي حوله ؟..نفسي افتح قلبه واعرف اللي فيه)) رجعت لهم واسمعت باقي الكلام من محمد

محمد: ايه متغير حتى معانا ...ام نايف تذكرين ياساره يوم كننا معاها؟
ساره: متى؟
محمد يغمز: يوم كننا ببيتهم
ساره عسانه غمز ول ماتدري وش يرمي له: ايه
محمد: كانت تصيح من نايف تقول جلوي اهو اللي متولي كلش ونايف ناسي مكانه مره
ابوعبدالله: لالاان شالله فتره وتعدي
محمد: امس الشرطه جايينهم للبيت وطالبين نايف يقول طول معاهم وماجا للبيت اللا متأخر
ساره: افا ليه ؟
محمد: نايف متهم بقضية مخدرات
ام محمد: نعم مخدرات؟؟
محمد بخوف: ايه ...
ساره: بذمتك محمد
محمد بتردد: ايه ...
غلا شكلها كان مصدوووم من كل اللي تسمعه ودها تسد اذنها ولاتسمع ودها تموت قبل هاليوم ..ابوعبدالله استغبر صمتها حب انها تكون معاهم ..وبالذات ان السالفه تخص نايف والمفروظ ان غلا تدري عن كل هذا
ابوعبدالله : غلا...ووش صار معاه مع الشرطه ؟ ول ماعلمك
غلا بضيق وتحس انه يسالها عن احداث فلم ماشافته : ماعلمني ولاابي ادري عن شي
محمد حس انه مذنب بها الضيق واهو الوحيد اللي قاعد يقرا ملامحها المقهووره الحزينه
((يالله ياغلا الله يكون في عونك ))
سكتو كلهم متفاجئين بردها
محمد ينغزها: وليه ماعلمك طيب؟
غلا: مدري مدري عن ولد خالتك هذا مادري عنه
ريناد وساره بس يطالعون فيها وخايفين تطلع كلمه منها بالغلط لأنها كانت معصبه ...
محمد: ليه مب زوجك؟
غلا:............................... ماقدرت تكلم قامت من المكان وطلعت ودمعتها بوسط عينها .... مالها اللا الجوال تحاول فيه يرد عليها .....
ابوعبدالله: وش فيها اختكم؟
ساره: مادري عنها متغيره هاليومين مدري ليه
محمد(سامحيني ياغلا والله عشانك ..))
.................................................. .................................................. ............................................
دخلت غرفتها وودها تكسر كل شي قدام طريقها .... مسكت الجوال وحاولت تتصل لكن ماينفع اتصلت اول مره مارد عليها ثاني مره اعطاها مشغول والمره الأخيره قفل الجوال ....
يعني مالها غير المسج كتبت له
((تكفى يازوجي ...لاعاد تصدمني اكثر من كذا ..كافي صدمات ..تدخل للمخفر ولاتعلمني باللي صار لك ؟ الله يسامحك الله يسامحك ))
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::
رجع فتح جواله مره ثانيه وكان بالبيت لأنه متأكد ان غلا ارسلت الحين ... على الاقل ماينحرم من اسمعا بالصندوق الوارد
عقد حواجبه ....مخفر؟؟ومن قال اني داخل مخفر؟؟؟؟؟
جلس له فتره يفكر ...وبعدين قال اسأل محمد واشوف يمكنه سوا شي
نايف: الو
محمد بعد ماطلع من الصاله: هلا نايف
نايف: شلونك
محمد: بخير الله يسلمك انت شخبارك؟
نايف: ابد ماهنا خلاف
محمد: اقول مااوجعتك اذنك من شوي؟
نايف: ليه؟
محمد: اسف حشيت فيك من شوي قدام الوالد والوالده واخواتي وغلا بعد
نايف: ووش قايل؟
محمد: حطيتك اكبر حقير بالدنيا ...مهمل امك ومهمل البيت ...وضعيف وراعي سهر ...وراعي خرابيط
سامحني اني كذبت وشوهت سمعتك
نايف: اللي يهمني ووش ردة فعل غلا؟
محمد: شكلها متضايقه حتى اعطت ابوي رد غريب وقامت لغرفتها
نايف: اشوفها مرسله لي اني انا بالمخفر ومدري وش
محمد: ايه نسيت اعلمك قلت انك متهم بقضية مخدرات ...والشرطه جايينك امس الليل
نايف: اوووووف مااتفقنا وين شايفني سعد؟
محمد: وش اسوي في اختي شكلها مره متعلقه فيك
نايف: قلت اني مفحط طيب؟
محمد: مارح يصدقون انا الحين ويالله ابرعت بالمثيل خايف وانا اتكلم ...ومتردد وتجيني اسألة ساره وريناد ...ليه وكيف ووشلون ...ارتبك اكثر
نايف: وغلا وش قالت؟
محمد: كانت ساكته ومتضايق فجأه ابوي دخلها قال لها وش سوا نايف مع الشرطه قالت مدري ومابي اعرف ..وقامت وقالت لي ولد خالتك وماولد خالتك نسيت بالضبط المهم انها مععصبه
نايف: دقت علي تدري اتصلت ثلاث مرات وبعدها ارسلت ... حسيت اني حقير يوم مارديت
محمد: يالله هذي قسمتكم وش تسوي ...وسامحني يانايف
نايف: انا اللي اقول لك مشكور ...والله ووقفت معاي ...اهم شي ان ابوك كان موجود عشان يتقبل فكرة الطلاق اكثر
محمد: ايه كلهم منصدمين لدرجة انهم مايتكلمون سكتو وخلوني انا اكمل
نايف: يالله سمعتي انا بتروح وطي ... وكل شي بيضيع من يدي
محمد: تبيني اكمل على كذا؟
نايف: ايه ...بس علمني قبل ياخي انلحست مع المسج بغيت اتصل اقول وش السالفه
محمد: ههههههههههههه خلاص اعلمك وانت مثل على ابوي واخواني
نايف: اييييه يصير خير..والله كله عشان غلااااي
محمد: ووش لونك الحين مازلت متضايق
نايف: ليه فيه احد يبعد زوجته وحبيبته عنه ...بتمثيل ؟ ..واهو متعذب اكثر منها ويرضى؟
محمد: يعني مافيه امل تبقون لبعض والله لاحالك ولاحال اختي يسرني
نايف: للأسف...والله ولاانا مانيب راضي اني اخلي غلا كذا بس مابيدي غير هالطريقه
محمد: شكلها بدت تكرهك شوي ...من شكلها وانا اتكلم عنك عاد انا احاول ابين لها قد ايش انت متغير ... وتسال عنك كثير
نايف: تتزوج غيري وبتنساني
محمد: الله يعينكم
نايف: يالله اجل تامرني بشي؟
محمد: سلامتك
نايف: اللا ورا ماتجي عندنا؟
محمد: اشوف يمكن اجيكم ويمكن لا على حسب
نايف:طيب يالله اجل حياك ..ومع السلامه
محمد: الله يحيك ..سلام
محمد سكر والتفت على ريناد اللي جنبه بالسياره
محمد: جيتي؟
ريناد: من زمان وانا انتظرك
محمد: يالله اجل مشينا
ريناد: محمد ابسالك الحين صدق اللي تقوله اليوم عن نايف
محمد: هاه؟؟ وشو؟
ريناد: اقصد انه متهم بقضية مخدرات؟
محمد: ايه ....اجل امزح
ريناد:ل ابس ماتوقعت
محمد: ايه هذا نوقعي منه كل شي متغير
ريناد: طيب هذا الوليد مات ابوه ولاتغير
محمد في خاطره يووه ياذا البرائه اللي عندها: كل واحد يختلف عن الثاني ولاتنسين ان نايف اكبرهم
ريناد: طيب ووش ذنب غلا يتغير عليها؟؟ والله مسكينه حالتها صعبه
محمد: ليه قالت لكم شي؟
ريناد: لابس مره شفتها ترمي اللي حولها وتصارخ وتصيح كنها مجنونه ...يوم سالتها وشكلها جاوبت وتحسفت يعني من غير قصد ...قالت لي نايف مايرد على اتصالاتي مدري ليه..طيب ليه وش دخل غلا اذا اهو راسب وماعنده شهاده وابوه مات ونفسيته تعبانه ؟؟
محمد: مدري عنه متغير معنا كلنا اذا امه مافيه خير معها اجل وشتبينه يصير
ريناد: لابس مستحيل نايف اخلاقه عاليه مثل ابوهم الله يرحمه حتى الوليد ببعض تصرفاته يذكرني بنايف نشمي وخدوم ورجولته رجووووله
محمد: ريناد الدنيا تغير ...انا ابي اسالك عن غلا
ريناد: مدري دايم تتكلم مع ساره ..وتتجلس بغرفتها ..تعرف غلا كتومه مره وبالذات بها الامور
محمد: تحسين انها بدت تحقد عليه ول تكرهه
ريناد: اممممم مدري مدري
محمد: اها طيب يالله وصلنا
نزلت ونزل معاها
واول من قابلت حبيب القلب الوليد ههههههههههههههه ...محمد تنح فيهم مستانس على الكليبات
الوليد منزل نظارته ...:ريناد؟؟
ريناد: اهلييين الوليد
الوليد: وانا اقول وش فيها الحاره منوره .؟
وسلمو على بعض ومسك يدها ودخل معاها للبيت
محمد منلخم: هي هي يابو الشباب ..يالنسيب هههههههههههه تراك ماسلمت علي وبعدين خل اختي بحالها اعصابك
الوليد يسلم: خخخخخخخخ الحين مو تقول النسيب ووش لوني تبيني اخليها القمر لحاله
ريناد انحرجت واسكتت.....
الوليد يبي يصرف محمد: ريناد جبتي معاك الاي بود؟
ريناد: معاك مو عندي ..لايكون ظايع؟
الوليد توهق: اها اللا اللا صح نسيت
ريناد: متأكد ول مضيعه؟
محمد: هههههههههههههههههههه ماله داعي تصرفني ابمشي ..بس علمني اذا فيه اخواتك داخل ول لا
الوليد استحى: لالاماصرفك...لاماقبالك احد
محمد: عيال خالتي ام نايف من عرفتكم وانتوماقبالك احد ومستحيل ادخل وماالقى احد
دخل ولقى قباله قفص كبير داخله كلب
محمد: اوف..! كلب؟ حق مين؟
الوليد: هذا لخالد ولد جارنا سافر وخلاه عندنا
محمد: هههههههههههه فله جيبه جيبه
الوليد: طيب
ريناد: لايمه اخاف
محمد: اجل وشو له انا ابطلعه
لحق الوليد وطلعو الكلب من القفص
ريناد خافت وعلى طول دخلت داخل البيت ......
الوليد: ههههههههههههههههه محمد تكفى الحقها بالكلب
محمد: ادخله داخل؟
الوليد: منها تنحش هالبنات ويوخرون عن وجهك
محمد: تعجبني
ريناد خلت داخل وسلمت وبسرعه علمتهم
مشاعل: امانه طلعوه؟
ريناد: والله ترا محمد يسويها ويدخله داخل
ماامداها تكلم اللا والكلب بيده قدامهم ثنتينهم ...وحده وقفت بغبااء فوق الكنب والثانيه طارت فوق من الدرج
للاسف االلي على الكنب كانت مشاعل
مشاعل: يمه لاتكفى وخره عنني
محمد ميت من الضحك ومب قادر يتكلم
وامداه يطالع مثل مايبي (( وانا ويني عن هالاشكال من زمان ...اووف احلى شعور لما اشوف بنت خايفه من حيوان هههههههههههه))
ريناد : يمه يانذلكم يالسعودين ليه كذا طلع الكلب برا
الوليد: يالخوافه انزلي
محمد واهو يلف بيعطيها ظهره ومايت ضحك: اخم شي الموقفه فوق الكنب
الوليد شاله ووداه على طول عندها مشاعل قامت تصارخ وراقت فوق مع ريناد ...وقامو يهزؤون بالوليد ومحمد الخبلان واهم فوق
ريناد: مجنون لايقول بعد زوجوني مالت عليك بتجلس تخوف بزوجتك
محمد: يالله بس يالله اعقلي ...
الوليد: ههههههههههههه حلو طقاقكم
مشاعل: يمه شافني اخوك
ريناد: يختي خلاص مل منك صار مايستغرب ولايجنب بسرعه تعود عليك ههههههههههههه
مشاعل حست بنظراته الحاده ي غريب وكأنه يبي يجذب انتباهها

 

[meen_ana]

جلوي: هلااااامحمد هنا؟
محمد بعد ماقطع عليه ضحكه: هلاوالله جلوي وشخبارك؟
جلوي: ابد الحمدلله وش هالضحك عندك انت والوليد
الوليد: مدخلين الكلب على البنات
جلوي: خخخخخخخخ زين انك جيت وفرت علي مشوار كنت ابي اجي عندك
محمد: ليه
جلوي: ابروح عند خويتي
منصور: اعصابك صارت خويتك الحين وقبل تصرفها
جلوي: بس العب على نفسي يالله تجون مععي؟
محمد: قداااااااااااام
ركبو الوليد ومنصور وجلوي ومحمد وراحو لشارع العليا
جلوي يدور بالسياره ويحاول يدقق باللوحات
محمد: انت تذكر سيارتها؟
جلوي: ايه لمبرقيني ازرق ولوحتها منى
منصور: اووف شكلها كااش!
جلوي: والله مايندرى عن هالبنات
الوليد: لقيتها شفها قبال محل النظارات
جلوي: يالله شكلي زين؟
محمد: اقول انطم وخلص مهمتك وخلنا نكلمل دواره
الوليد: ابنزل معاك
جلوي واهو نازل : لالاوش ينزلك ويننا فيه
قابلها كانت لابسه مااقول لكم عبايه اللانصف عبايه لان الجزء اللي قدام من جسمها طالع
العبايه ضيقه ...ولابسه جينز ولبوزه مخططه وفوق سلاسل كثيره ..... كانت متلثمه شافت جلوي فكت اللثمه ....وابتسمت له ...
الصراحه جلوي ماقدر يقاوم اهو مب من هالانواع اللي على طول يخربها بس تذكر كلام منصور والوليد(البنت قاطه نفسها عليك ..وش اللي يخليك ماترد عليها...بس والله ملاك هذي ...ماشالله سحبت لي عقلي خلتني اسهى فيها))
كانت عيونها وشيعه ومركبه عدسات لونها رصاصي وبيضا وحاطه جلوس احمر ...جلوي بس يطالع بشفايفها وشوي يحول على الجسم وشوي على العيون مضيع مسكين
منى: هلاوالله كيف حالك اخوي جلوي؟
جلوي: ابد الحمدلله
منى: الله يهداك ماترد على اتصالاتي ...ع العموم كيف ابعطيك الباقي واحنا هنا انا حاجزه بكوفي موجود
جلوي : لالاانا جاي أي خذ الفلوس وامشي ..معليش
منى: امممممممممم (عقدت حواجبها) مين هذولي اللي معاك؟
جلوي: اخواني ..
منى: ههههههههههههه شكلك مره مرتبك يالله مانطول ول مااحب اقابل احد بشارع واعطيه على طول لازم كوفي ول أي مكان اعزمه فيه بس دامك مشغول(وطلعت شنطتها gess وفتحت البوك الميان وعليها يد ملياانه خواتم ...واصابع طويله بيضا وناعمه ...مدت له الفلوس ..واهو متنح معاها مازال حاس ان باله مشغول على انه كان مخطط مايعطيها وحه ابد ..
منى: تفضل واسفين على الازعاج
جلوي: مشكوره ..
منى: فرصه سعيده ...اخوي واتمنى ماضايقتك قبل
جلوي ومب قادر يتكلم: فرصه سعيده ...سلام
منى: باي
رجع وركب مع الشباب
محمد: ههههههههههه خاق معها شكلك
منصور: ايه الله لايلومه انا على بالي شينه من كلامك عنها
جلوي: ايه والله خقيييييييييت معها
محمد: اووف جلوي يخق؟ مستحيل وين البرستيج اللي اول هههههههه
الوليد: موووووووووح (يعطي بوسه بالهوا)حلوه هالبنيه هات لي رقمها
جلوي: لاخلاص انتهى امرها واعطتني الفلوس وش تبي بها
الوليد: اقول لاتقعد تسوي لي حرككات نايف العاقل واعطني الرقم
جلوي: لامافيه خلاص
محمد: كان سألتها كم وزنها
جلوي: نعم؟
محمد: ايه والله ابي زوجتي نفس هالجسم مره حلو
جلوي: ههههههههههههههه تخيل اسألها كان اروح بهاالشنطه اللي معاها
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::
<<في بيت راشد طبعا راح عبدالله وخالد وابوعبدالله بيخطبون له ...مااقدر اخفي عنكم وش كثر فرح ابو البتول فيه .....
راشد: هذي الساعه المباركه ول انا من وين ابلقى مثل خالد بن سلطان
خالد: الله يسلمك ياعمي
راشد: المفروظ ماتسألني ولاتاخذ برايي اقول لك موافق وانا مغمض ههههههههه
خالد: الله يسلمك ماعليك زود .
راشد: والله لنا كل اللشرف اللي نناسبكم يابوسلطان
.................................................. .................................................. .................................................. ...
طبعا البتول بنفس مكانها قبال الشباك تطالع بالرايح والجاي ...لمحت الرانج حق خالد ...قامت ترتجف ..
(يمماه اكيد ان نواف الخبل ..قال لأبوي شي وخالد جاي يشتكي لأبوي يوقفني عند حدي ...ياقرادتك يابتول مع هالخالد ..مدري متى بيفهم اني احبه ..)
كان تروح وتحي من الخوف ان درى راشد رح يعصب وبالذات خالد موب حلوه تسوي أي تصرف يأثر بعلاقته فيه وخاصه انه ممتن له كثير يعني لولا الله ثم خالد كان راحت البتول الحين …
قامت تصرقع باصبابعها من الخوف وكل شوي تروح وتجي تشوف من الشباك اذا هم راحو ول لا
(يووه شكلهم مطولين شكله يشرح لأبوي بالتفصيل وش اللي اسويه بشركته ..بس الله ياخذ الشيطان ياانه كشخه لاسياره ولاشكل ولاستايل كله على بعضه يذبح ..بس ليته يعبرنا شوي)
…جلست لها خمس دقايق على لعبت الاعصاب هذي …
سمعت صوت امها تناديها
…:يالبتوووووووووووووووووول!!
بتووووووووووول!!
البتول: هلا يمه طيب طيب
(يمه وش تبي فيني الحين اكيد بتخانقني ..!!)
الام:تعالي ساعديني في المطبخ ابوك عنده رجال
البتول : ان شالله
واهي بالمطبخ فيها الصيحه من التوتر
الام: تدرين مين جاينا الحين؟
البتول: مين؟
امها: خالد تذكرينه؟
البتول: خالد ؟؟…اها ايه …(ياربيه ناقصه انا الحين)
ماتدري ليه اهو جاي لأن غلا كلمت ام البتول ومتعمده ماتفاتح البتول بشي
البتول: خلاص يمه قضت القهوه
الام: حطيها على الطاوله الين مايجي ابوك وبياخذها
البتول: اممممم يمه
الام: هلا؟
البتول: متى بيطلعون الرجال؟
الام مبتسمه: مدري اكيد بيطولون
البتول وجهها انقلب الوان ….وراحت جري لغرفتها
(الله ييسامحك يالحقيير يانوافووووه انا اوريك انا اوريك )
البتول: الو
نواف: هلا البتول
البتول: ياحقير ياحيوان ياوصخ ياماصل يابايخ ترا حركتك هذي مالها داااعي
نواف: هيه ..! انتي وش تبين؟ وش مسوي لك اانا ؟ قاتل امك ؟
البتول: كان اهون (بحده )…ليه تعلم ابوي بسوالف خالد؟ اتوقع مب ناقصين مشاكل ..وبعدين لاتسوي لي فيها الأخ اللي يخاف على اخته …بعد عن طريقي احسن لك
نواف: ليه جاي عندكم خالد؟
البتول: انا اهزء وانت ماخذ الموضوع ببرود
نواف: جاي عندكم؟
البتول:للاسف ايه وياليتك تلحقه عشان ادخل انا وياك بمعركه دمويه اشوف اخرتها معاك
نواف يضحك في نفسه داري انه جاي بيخطبها ..بس ماحب يقول للبتول شي خلاها على عماها
البتول: انت وينك يالحقير
نواف: يختي مديري ومااحب احد يزعجه ..مافيه غير ابوك …اعلمه ..
لبتول: وش قلت له؟
نواف: وش ماقلت له؟
البتول قامت تصيح من القهر: انت ليه دايم ضدي ..ياخي انا وش سويت لك وبعدين خالد ماعليه منني مارح يضرني وش مصلحتك تجي تتدخل تقول لأبوي هاه؟… يعجبك كذا اطيح من عين ابوي .؟؟؟ نواف ترا ان كبرت المشكله وتعرف ابوي مايحبني ادخل بها المواضيع …والله والله لأخرب كل اللي تبنيه يانواف والله …تعرفني ان جيت انتقم تراني ماارحم ..هين يانواف .(شهقت
نواف ارتاع طيب بس ماتوقع الموضوع بيصيحها بس قام يضحك عشان يقهرها شوي : مدري هذي نتيجة افعالك يالله يالله باي هههههههههههه بااااااااااااااااي البتول
البتول: اكرهك …باي
سكرت منه وخلاص جاوقت الصياح لأنها الحين تأكدت انه جاي يخلص حساباته مع ابوها ياربيه وش وجه ابوي قدام الرجال الحين …. خلني اتصل على غلا
البتول: الو هلا غلا
غلا: اهليييييييييييين البتول اهلين
البتول: شخبارك؟
غلا: تمام انتي كيفك؟
البتول: الحمدلله بخير ..وشخبارك انتي وكيف الاهل ووشلون نايف
غلا: واللله كلهم طيبين
البتول: وكيف البنات شفتيهم؟
غلا: امس جتني رنوو البقيه من زمان عنهم والله
البتول: اللاابسألك غلا خالد اخوك قال لك عنني شي؟
غلا ضحكت بنفسها: لا
البتول: متأكده؟
غلا: ايه
البتول: اجل غريبه جاي بيتنا
غلا: هههههههههههههههههههه
البتول: وشفيك؟
غلا: لالاتوريناد سوت حركه تضحك
البتول: غلا…انا بوادي وانتي بوادي ثاني بليز ركزي معي
غلا: قلت لك مدري عنه ماقال شي وصدق غريبه جاي بيتكم
البتول: ………….
غلا:.وطيب وشفيك كذا متوتره؟
البتول:مدري مدري ..خلاص مقدر اتكلم الحين اكلمك بكره باي
غلا: مع السلامه
خلاص احترقت اعصابها ..من اللي حولها ..ودها تدخل للمجلس وتمسك خالد وتضربه وتضربه وبعدين تقول له انا احبك وبعدين تقول له عذبتني متى بتفهم ؟… وبعدها تساله ليش جاي
هههههههههههههه والله انك خبله يالبتول ..ياربيه انا وش اسوي الحين خلاص مارح انزل عند ابوي تحت وان ناداني جيت
مر من الوقت نصف ساعه وأذن لصلاة العشا …. طلعت وشافته طلع من بيتهم …وركب الرانج وبسرعه حرك للمسجد …..
قامت تطاله وقطع عليها
اببتووووووووووووووووووووووووووووووول!!
البتول: ياربيه من يناديني الحين
البتول: ان شالله جايه
نزلت لتحت وقابلت نوافووه قبالها وابوها وامها …. (ياربيه تهزئ عند هالحقير نوافوه …ياربيه بس وشلون ؟؟شكل ابوي مبرد مومعصب ولاارتفع ضغطه منني …لالايمكن يمثل ول نواف هداه شوي ..بلعت ريقها ووقفت قبالهم)
البتول: هلا ابوي بغيت شي؟
نواف بلقافه: ماسلمتي ؟
البتول: نعم؟
نواف: يقولون السلام لله ههههههههه
البتول: انت انطم
مدت يده وسلمت وضغطت على يده بقوه كانت بتعظها بس التوتر ماخلاها …
راشد قام يضحك عليهم لان هذولي نواف والبتول مايتغيرون مستحيل بيمشون مع بعض بيوم من الايام
راشد: حلو السلام اللي كذا
البتول: ماعليك منه ابوي …سم امر؟
راشد: والله جايك اليوم رجال طالب يدك منني وانااعزه واغليه وفوق هذا ماقدر ارده رجال وفوق كل رجال …
البتول بعد ماتغيرت ملامحها الخايفه الى ملامح وحده ميته من الحيا واول مره البتول تستحي بها الشكل على ان ابوها كلمها عن خطاطيب قبل خالد ماكانت تستحي تسوي نفسها صغيره عشان يشيلون عينهم من هالموضوع …لكن هالمره شكلها يقول موافقه لأنها مانطت لهم بصراخ ول بسين وجيم
راشد: انتي الحين تقدرين تفكرين وتشوفين والقرار راجع لك قلت له ابردلك بعدين …
البتول وجهت نظرتها لنواف الميت من الضحك
الام: ماودنا انك تردينه يابتول لأنه مو مثل اللي قبل جوك
البتول: لامدري ابشوف ..
نواف: علينا ؟
البتول: ماحد كلمك خلاص...
نواف: هههههههه خلاص مومشكله ادق عليه الحين واقول له اختي ماتبيك ترا خلود مايزعل عادي مره
البتول: ماحد طلب خدماتك خلها لنفسك
نواف: اوف حاقده …وسويها ورديه مثل طلال
البتول: مالك شغل
نواف: ترا بعد خالد مافيه اللا مستويات اقل هذا ان صار فيه
البتول: يبه تكفى سكته يقهر….حبيبي يكفي ان كل ربعك والكباريه بعد جايين يبونني ..
نواف: من هاللجه اللي مسويتها كل صبحيه والمصيبه عارفك منتيب راعية اجهزه ولاكمبيوترات
راشد: يالله نواف عن التمصخر وامش خلنا نصلي
نواف: يالله اجل
طلعوو وبقت البتول وامها
((ياااااااااااااااااه اخيرا تحقق اللي ببالي .؟ مابغيت ..؟بس والله خطير هالخالد ..انتبه وحس فيني بس مابين عليه …وبعذري اقول نظراته تتكلم …ياحبي له ياناس ….هههههههه جايين يسالونني هذا انسأل عنه ابقول ايه وبالراحه ….))
الام: البتول …انتي ودك تتزوجين ول لا؟
البتول: وش هالسؤال يمه ؟ههههههههههه
الام: الصراحه مب حاله خلينا كل واحد نرده بحجة انك ماتبين تتزوجين لاالاقارب ولاغيرهم كلن تقدم لك ترفضينه يابنتي الدنيا تمشي مارح تبقى لاحد
البتول: يمه الصراحه انا يمكن قبل ماابي اتزوج ..لكن الحين تغيرت النظره
الام: اقدر افهم انك وافقتي ؟
البتول ابتسمت لها: الصراحه خالد دوم اسمع عنه …وشخصيته ماحد يجهلها ..يكفي اني اعرفه من زمان
الام: مبروك يابنتي ..الف مبروك
البتول: هههه يمه تو الناس ..
الام: والله وفرحتيني انا من هالكلام ححسيت ان بنتي كبرت …ويحق لي افرح بك
البتول: ياحبي لك يمه
مسكت جوالها اللي بدها وعلى طول دقت على غلا بتهزائها
البتول: الو
غلا: هلابصاحب الألو
البتول: يادووبا يالشينه انا اكررررررررررررررررهك
غلا: ههههههههههههههههههههههههههه يالله بس لاتردين اخوي تراه شاريكم
البتول: وليه ماتكلمتي ؟ وليه ماقلتي لي؟ متورطه يوم اكلمك من شوي
غلا: هههههه تعيشين وتاكلين غيرها ياحلوه ..
البتول: لاتعودينها يالشيييينه
غلا: هههههههههههههه بس ماقلتي لي وش صار على اخوي؟
البتول: ابفكر مدري
غلا: اوكي خذي راحتك ..
البتول: من متى وانتم ناوين علي؟
غلا: ههههههههه قبل كم يوم كلمت امك وقالت لي خلوه يجي وجاكم
البتول: ياشينكم من زمان مخططين وانا اخر من يعلم وانا اقول هذي وراها شي
غلا: هههههه يالله انتي الحين فكري زين واستخيري وردي لنا ..انتظرك انا
البتول: ان شالله غلو … يالله باي
غلا: باي واحلام سعيده
البتول: ههههههههههههههههه باي يادوبه
غلا: باي
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::
غلا سكرت من البتول وجلست سرحانه
يالله يالبتول الحين ماشالله بتتوفقين انتي وخالد ان شالله …وبتبدين حياة ثانيه حلوه .وجديده …صوتها يقول انها فرحاااااانه ومتقطعه من الفرح …ماشالله بس لاانظلهم ..
وانا …الى متى وهذا وحالي معاك يانايف؟؟…وانا اساكته وامثل للناس ؟….. وش قصدك من هالتغير اذا انت تحسبني ابنساك فأنت غلطاان لأني اموت فيك ….
كتبت هالمسج واهي تفكر ..لالاليه ماتصل فيه قبل؟ ..على انها عارفه انه مارح يرد عليها بس قالت بتجرب ….
طبعا حط لها مشغول …شوي ….وارسل لها أقسى رساله واهي تكتب له مسج سمعت صوت الرساله وفتحتها
(((……غلا يكفي …خلاص لو سمحتي ..!!!!!!!!!!!!!!!!!!!!!!!!!!!!!!!))
هالمره حاولت تتمالك اعصابها …لأنها تعودت على تجريحه الغريب واللي ماله معنى ….. مالي غير هالمسج وان نفع ول انت رح تنتهي من حياتي يانايف …. حست نفسها رمت نفسها عليه …وقطت وجه …لكن كل ماتذكرت انه زوجها تحسرت على حالها …. خلاص خله يحس بقيمتي الحين بعد مارسل له ان رد علي فأنا غاليه بالنسبه له وان مارد يعني انه يبي ينفيني من قلبه ... فجأه جاها اتصال منه ..بغت تكذب جوالها
(نصفي الثاني **ألغالي يتصل بك)
غلا: هلا
نايف: السلام عليكم
غلا: وعليكم السلام
نايف: ارجوك ياغلا يكفي اتصالات
غلا: عسى ماشر نايف ارجوك علمني وش اللي يصير بيننا ووش فيك
نايف: السالفه ومافيها اننا لازم نفترق . خلاص مليت من وضععي ورح اغيره ..
غلا: وش نفترق نايف انا على ذمتك
نايف: قلت لك انسي انك على ذمتي بعد كم يوم رح يتغير كلشي
غلا: وش بيتغير...(قام قلبها ييدق بقوه)
نايف: غلا انا ببعد مارح ارجع ..! تكفين اذكريني بالخير ..وانا بعد رح اذكرك بالخير..واذا لي خاطر بقلبك لاتسمعيني صوتك مره ثانيه
غلا: نايف؟ انا لازم اعرف وش الموضوع
نايف: الدنيا ضاقت بس وانا لازم ابعد
غلا: بس انا احبك
نايف: تكفين اذا لي خاطر بقلبك ياغلا انسيني
غلا: مارح ترجع؟
نايف: لا
غلا: محتاجتك انا من لي غير نايف؟ بترميني ؟ كذا
نايف: ليه ارميك ياخذك اللي يستاهلك نايف مايستاهلك ...........غلوو ........انسيني
غلا: طاحت على الأرض وقامت تبكي ..... نايف سمع صوتها ..تكدر مره خلاص السيناريو مب عاجبه ابد ....ابد ولامسرحيه اللي من اخراجه ...وقاعد يمثل على روحه ..ياربيه ليه ..ليه ماودي ولاعمري ولاتمنيت ولاخططت ولافكرت لها اللحظه .......غلا تكفين سامحيني والله اببقى احبك ....
اما غلا انهارت من اللي سمعته ..... ونايف حس نفسه مثل الطفل الضعيف ....لدرجة انه قامي بكي بالتلفون ....
سكتو لهم لحظه وبدا نايف
نايف ببحه: غلا خلاص لازم تنسيني ..!! والله عشانك
غلا: نايف تكفى علمني ليه عشاني؟
نايف تحسف انه قال لها المفروظ يجرحها : انا تغيرت وتغير كل شي فيني ...لازم قلبك ينتهي من نايف
غلا: ارجع لي والله انا احبك
نايف بصعوبه : لو تبكين دم مارجعت لك ........................!!!!!!!!!!!!!!!!!!!!!!!!!! !!!!
غلا سكتت فتره ...انصدمت من اقسى رد سمعته بحياتها ....وخلاص كرامتها منعتها انها تكمل ..: عذابك يجرح ومره صعب ...نايف ماقصرت
نايف: تكفين اذكريني بالخير
غلا: وانت بعد .باي
نايف: سلام

الصراحه موقفهم ماينحسدون عليه ابد كملت المسج وعلى طول ارسلته ....
.............................................
كفاية صار لك شهرين غايب عني يالغالي
كفاية يا أعز الناس ترى والله ما أقدر
دخيلك لا تخيب فيك هقواتي وآمالي
واذنها عالصبر والله وغلاتك عندي راح أصبر
أبتحمل عنا فرقاك وحالي يرثي لحالي
مع اني والله لين اليوم مدري ليش بس تهجر
أبعرف شو السبب أرجوك وش اللي بس يجرالي
اناشسويت يا ربي عشان تثور وتتفجر
انا اولله ما استاهل أبد كل اللي جرالي
أقل ما فيها بس قلي سبب خلاك تتغير
أبعرف بس شالموضوع علامك صرت ما تبالي
بذمت كل اهلك فيوم شفتني بشي انا مقصر?
عطيتك قلبي وروحي وهبتك حالي ومالي
حملت احساس هالدنيا عطيته لك وانا افخر
عشقتك عشق لا قبله ولا بعده انعشق تالي
هويتك موت واتخيل الين الموت واتصور
واذا جاني مسج منك مخزن رقمك الغالي
ولا امسح رسالاتك اتم اقراها وافكر
واحلل كل كلمة بالمسج الله يا غربالي
واقول بخاطري معقوله حاسس فيني ويشعر
وأرد أقول لأ يمكن تذكرني وهو سالي
لأني توني مطرش مسج طرش مسج يشكر
وأرد أقول لأ أدري يبيني وحاسس بحالي
وأرد أقول لأ ما اظن على باله انا اخطر
الين اني انا تأكدت قلبه بالفعل خالي
ولا غيري انا فقلبه يحبني موت ويقدّر
لأني مرة من المرات طرت فكرة على بالي
نويت أزعل بدون اسباب واشوفه لو بيتأثر
أبعرف قدري بقلبه بيهمه وضعي الحالي
أو انه رح يطنشني ولا يسأل ويستفسر
وفعلا دق ما جاوبت حرق لي والله جوالي
3000 مرة دق وانا مطنش ولا معبّر
كتبلي بالمسج اطلع انا عند بابك الحالي
قسم بالله ما تطلع لخربها انا واحدر
ومشكلتي أعرفه زين يسويها ولا يبالي
نزلت وخاطره مكسور يقول اشفيك متغير
وقلت له بس أبتأكد اذا قدري معك عالي
ضحكلي وقال لي اتأكدت ودمعه دلل المحجر
وطارت فيني الدنيا لمكاني صاحبي جالي
تعذرلي وانا الغلطان واانا اللي لازم اتعذر
بعدها عشت انا احلى أيام في قربه هنيالي
وصلنا لمرحلة ما نفترق عن بعضنا واكثر
بعدها فجأة خلاني ولا يسأل عن احوالي
وانا في خاطري أدري محال فيوم يتغير
أدق له ما يجاوبني بديت أشك في حالي
أخاف انه حصله شي اخافه بس متكدر
لعب في قلبي الوساس خياله ما تهيالي
حوالي1000 مسج طرشت حبيبي يا عسى ما شر
ولا جاوب وانا قاعد على اعصابي وغربالي
حبيبي صار له اسبوع فيني حتى ما فكر
الين اني عرفت اشلون أخلي خلي الغالي
يكلمني وجت فكرة بعد ما مت وانا افكر
وفعلا اتصل فيني وبدت احزاني واهوالي
وكانت صدمتي كبيرة علي الغالي يتكدر
وكانت صدمتي كبيرة علي الغالي يتغير
سألته قلت له وش فيك ما من شر يالغالي
وش اللي صار بالدنيا علامك ليش متبعثر
او انك يعني ما تدري بدونك صرت انا لحالي
ولا لي خلق أي انسان كثر ما فيك انا افكر
جاوبني وقال ارجوك أبي هالدنيا تصفا لي
انا مليت من وضعي وأشوف الكل متغير
انا ضاقت بي الدنيا وابي أبقى انا لحالي
خلاص اتركني لا تسأل وانا مارح ارجع عقب اشهر
وقلت له مو علي تكذب أعرفك تضعف قبالي
تكلم قول شالموضوع بدى قلبي يدق أكثر
سكت لحظة وقال أرجوك ابعد عني يالغالي
وخلني أذكرك بالخير وانت مثلي اتذكر
ولا تطرش مسج واحد ولاتدق لي أبد تالي
واذا لي خاطر عندك لا تتكلم أبد سكر
قلت له والله ما سكر الين تقول وتصفا لي
قال لي والله ما اتكلم ولو تبكي دمع أحمر
وسكر والدمع فيني على الخدين همالي
قسم بالله ما ادري علامه قلبه تحجر
فؤادي انهار وانا حملي يهد جبال وجبالي
في لحظة صارت الدنيا في عيني هالكبر واصغر
بعدها صار لي ما صار وربي يعلم بحالي
فؤادي باقي بس شوي واحسه من الجسم يظهر
بديت اعرق مدري ليش وخابت كل آمالي
انا توقعت كل الناس ولا توقعت هو ينكر
وقلت بخاطري خله مصيره يرجع الغالي
أكيد انه سمع أي شي وجوّه صار متعكر
ولكن طول غيابه وزادت فيني علالي
مرض قلبي تعب فكري واحسه جسمي متخدر
قسم بالله لين اليوم حالي يرثي لحالي
قسم بالله لين اليوم ولا ادري ليش هو تغير
قسم بالله ما غضت عيوني ولا هدى بالي
قسم بالله ما مر يوم إلا وفيه انا افكر
قسم بالله قلت بنساه بس طيفه يتهيالي
قسم بالله لو حاولت انا انساه اتذكر
الين اليوم انا عندي أمل يرجع ويصفالي
أقول الشوق بي رده على فرقاي ما يقدر
إلين اليوم و ضحكاته وبسماته على بالي
الين اليوم ما أرقد كثر ما فيه انا افكر
أبعرف شو السبب ارجوك وشللي بس يجرالي
اناشسويت يا ربي عشان تثور وتتفجر
انا اولله ما استاهل أبد كل اللي جرالي
أقل ما فيها بس قلي سبب خلاك تتغير
أبعرف بس شالموضوع علامك صرت ما تبالي
بذمت كل اهلك فيوم شفتني بشي انا مقصر
انا رح انتظر ردك ولو حتى بمسج خالي
واذا ما جاني منك رد وغلاتك عندي راح اصبر
سنة سنتين اللي يهم أشوفك ثاني قبالي
3 سنين او أربع أبصبر يعني راح أصبر
ولكن حكم احساسك وجاوب يا أغلى كل غالي
بذمة والديك يهون تنساني ولا تذكر
يهون انك تخليني ولا تسأل ولا تبالي
يهون انك تنام الليل وتتركني انا أسهر
كفاية صار لك شهرين غايب عني يالغالي
كفاية يا أعز الناس ترى والله ما اقدر
دخيلك لا تخيب فيك هقواتي وآمالي
واذنها عالصبر والله وغلاتك عندي راح أصبر
وصله المسج ومااخفي عنكم دمعات العزيز الرجال نايف....قامت الذكريات تنهمر قباله .....
ألمانيا ....في البحر ....في المملكه يوم يطلع معاها ......على البحر ...؟.... يوم تبكي ...ويضمها لصدره ...يوم تخفف عنه موت ابوه ....تذكر مواقفهم بألمانيا ....الهدايا اللي بينهم ....رجع بجواله للرسايل اللي قبل كانو يرسلونها لبعض....اول اول ماشافها يوم يجي لعزيمة ام محمد .... ويوشوفها ...يوم تجي لبيتهم ...يوم تطيح من يدها التفاحه .......كل كل شي قباله مره وجلس يبكي بشكل يقطع القلب ..... حس انه اهو المذنب ...واهو اللي جنى على نفسه ...غلا مو من النوع اللي يكتب رسايل ...من متى واهي تألف فيني ابيات مثل هذي...تدل على انها اعايشه مرحله صعبه ... جعلك ان شالله توفقين مع غيري ياغلا ....غيري يستاهلك ...شوهت صورتي قدام الكل عشانك ...وكرهتك فيني عشانك...جادورك ماتذكريني لابضحكتك ولابصوتك ولابنعومتك عشاني ..... اااااااااااخ ووش كثر انا تعذبت يااغلا غلا بها الدنيا ..كلها كم من يوم وانا مارح اصير لك .... وانتي بتروحين ..وابعيش على ذكراك مثل الميت ..... اه يالدنيا ..اه ياغلا ... فراقك تعبني ..وموتني وانا حي ...ودي امسح هالدموع واقول لك ...اببدى معاك حياة جديده ..غير كل احلامك احققها ...لكني افتح عيني على هالواقع ...المبكي ..... والله احبك سامحيني ....سامحيني ياغلا ...
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::::::
اليوم الثاني ببيت ابوعبدالله
كان عبدالله جاي عندهم مع الجوهره ولمى
ابوعبدالله: قولي بابا
الجوهره: بابا
ساره: ياناس فديتها انا يمه تدنن
ام محمد: كبرت بسم الله عليها كم عمرها الحين؟
لمى: بتدخل الشهر السادس
ام محمد: ماشالله ياسرع الأيام
ساره: عبدالله دامك موجود ابيك تشوف حل لجوالي
عبدالله: مدري ماعرف للجوالات اسألي محمد احسن منني
ساره: مايتصل ولايرسل ويطفي بوجهي فجأه
عبدالله: طيب وديتيه تصلحينه؟
ساره: ايه بس رجعت نفس المشكله
عبدالله: فرصه عندك الحين فيصل ومحمد بالمجلس روحي وخليه يسال فيصل يمكن عنده فكره
ساره: ايه والله جبتها لحظه ...هذي الجريده حقت اليوم؟
عبدالله: ايه ايه توني جايبها ..
لمى: ريناد وين غلا ماشفتها اليوم؟
ريناد: تعبانه
عبدالله: وشفيها؟
ريناد: مدري بس تصيح وتسمع محادثات مسجله بالجوال
ساره نغزتها عاد استوعبت ريناد
عبدالله: ليه ؟ ارقى عندها اشوف
ريناد: لالابس مصدعه شوي
عبدالله: لالازم اروح
ابوعبدالله: من امس واهي ماتنزل تحت ...
ساره: لاماعليكم منها بس تعبانه شوي
عبدالله: تعبانه ماتنزل ولاتكلم احد وتبكي ...لازم اروح يالله
ساره تهمس: زين كذا ؟ وش بتقول غلا الحين
ريناد: الصراحه ياساره لازم يدرون بفعايل نايف ول ماسمعتي التسجيل اللي بينهم امس ؟ نايف كان مره حقير ويقهر
ساره: ماعليك منهم تعرفين غلا من ناحية خصوصيات وشي فيه نايف حساسه وشوله تقولين لعبدالله ؟
ريناد: عاد قلت له
ساره تركتها وراحت عند محمد وطقت الباب
محمد: نعم؟ فيه فيصل!!
ساره: محمد تعال ابكلمك شوي
محمد: عن اذنك فيصل
محمد: هلا وش بغيتي ؟
ساره: ابيك تسأل فيصل عن جوالي
محمد: يووه مووقته
ساره: اللاوقته اكيد انه يعرف
محمد: طيب هاتيه
اخذ جوالها ودخل مع فيصل يساله عنه

 

[meen_ana]

عبدالله فتح الباب على وحده غير اخته اللي يعرفها ياهي دموع ول مناديل على الأرض والسرير حوسه والجوال بيدها وتصيح .... فتح الأبجوره اللي جنبها وجلس على الكنبه اللي جنب السرير
عبدالله: غلا؟
غلا جلست ومسحت دموعها: نعم؟
عبدالله: شلونك؟
غلا بصوت رايح ومبحووح: بخير شخبارك انت؟
عبدالله مستغرب: تمام؟...وشفيك لاتنزلين تحت ولاش؟
غلا: مابي
عبدالله: علي هالكلام؟
غلا: مابي اقابل احد خلاص
عبدالله: وليه؟ من مزعلك؟
غلا: عبدالله تراني مانيب بزر وش مين مزعلك؟
عبدالله: طيب طيب اسف اسف وليه متضايقه ؟
غلا: تعبانه
عبدالله: غلا وش مضايقك علميني ااخوك انا مب غريب
غلا: قلت لك مافيني شي
عبدالله: طيب هاتي جوالك شوي
غلا: ليه؟
عبدالله: انا قلت هاتيه
غلا: مافيه
عبدالله: وليه ووش فيه عشان ماتعطيني
غلا: مالك خص
عبدالله: اللا لي خص وهاتي الجوال لااخذه بطريقتي
غلا: عبدالله والله مانيب ناقصتك ابعد عنني خلاص
عبدالله : وش فيه جوالك علميني ؟
غلا: خصوصيات واشيا بيني وبين نايف تكفى لاتتدخل زياده
عبدالله: انتي الحين معصبه ومنفعله لكن انا ابخليك تطلعين بعدين
غلا: اوكي مشكور سكر الباب وراك
عبدالله طلع وقابلته ريناد
عبدالله: ريناد تعالي علميني وش في جوالها
ريناد بصوت واطي: متطاقين غلا ونايف
عبدالله: وطيب لازم يختلفون شي طبيعي
ريناد: لاامس قال لها كلام والله انها للحين ماقدرت تنام
عبدالله: وش قال لها؟
ريناد: اللي فهمته انه مايبيها ويقول لها لو تبكين دم مارجعت لك
عبدالله انصدم: وليه يقول لاختي هالكلام؟ ووش سوت له؟
ريناد: والله مدري ..اصلن هالولد متغير تدري انه متهم بقضية مخدرات ..؟
عبدالله: نايف؟
ريناد: ايه ...حتى محمد يقوله مره متغير
عبدالله: اتفاهم معاه ومع محمد ..
.................................................. .................................................. ...................
فيصل: يوه هذا مشكلته كبيره طيب ليه ماتغيره؟
محمد: مدري عنها تبيه
فيصل: طيب شوف انا اعرف لك واحد دامكم مصرين عليه يعني يصلحه ..
محمد: اوكي ؟
فيصل: خلها تاخذ جوالي الحين وتبدل الشريحه ...على بال مااصلحه
محمد: لالاشدعوه
فيصل يغمز: عشان يتصلح واسرقه بعدين
محمد: وكاشف نفسك بعد
فيصل: ههههههههههه لالااضحك معاك خلها تبدل شرايحه عندي شغله ابسويها قبل لااوديه
محمد: طيب
كانت جالسه بالصاله اللي فوق تقرا الجريده
محمد : اقول ساره
ساره: محمد عندي لك خبر يروووع
محمد: وشو؟
ساره: سعد
محمد: سعد؟
ساره: بالجريده شوفه
محمد معقد حواجبه : وين أي صفحه؟
ساره: افتح على اخر صفحه
محمد: اووف ........اووف ...وش هذا
ساره: مايمديييك ....
محمد: شرطة الملز تلقي القبض على افراد عصابة مخدرات بلرياض
ساره: وحاطين صورته بعد
كانت صورت سعد وجنبه واحد من الشرطه مكلبش ....وقباله اكياس المخدرات اللي كان يروجها ومعاه اكثر من واحد ....
محمد: يستاهل الحقير
ساره: ايه والله يستاهل وزياده فكه خلصت منه
محمد: ايه والله الحمدلله بس انه ماقربك
ساره: قرت الخبر وحطت الجريده على جنب
محمد: اللا قبل لاانسى يقول لك فيصل بدلي شريحتك بحقته ..يبي يشوف شي مدري وشو بجوالك
ساره: طيب اعطني
بدلت الشريحيتن وتوها تحط الشريحه الثانيه بجوالها وتسمع صوت رساله ...ماتدري ليه اللقافه نزلت عليها عشان تدري مين اللي ارسل لفيصل
الرساله من
سعد بن ضاحي
(يالخاين ..مو انت مواعدني ماتبلغ علي.؟؟ اوريك بساره بنت خالتك)
شافت المسج من جهه قامت تقراه عشر مرات وتتأكد من الشريحه
فيصل؟ وانا ؟؟ ووسعد؟؟ وتهديد ؟؟ وتبلغ وماتبلغ؟؟؟ ووش دخلني انا؟؟ ووش علاقت فيصل فينا؟؟؟انا وسعد؟؟؟
محمد: وشفيك خلصتي؟
ساره ويدها ترتجف: م،،ـ...حــ.....:مــد
الحين وش هالمسج
محمد قراه وعقد حواجبه وتم يطالع فيه فتره
ساره: محمد مين هذا تكفى علمني وش السالفه
محمد: لالامالك شغل انتي وبعيدن ليه تفتحين مسج مو لك؟
ساره: والمهم اني لقيت اسمي بالمسج ماتبيني اهتم؟
محمد: انسي السالفه وابروح عند الرجال
ساره: والله ماتروح الين ماتعلمني انا ادري انك فاهم الموضوع علمني ول ابسأل فيصل
محمد شافها فرصه انها تدري وخاصة انها وصلت لطرف الخيط من هالمسج
ساره: طيب ان الشرطه مسكوه هذا له علاقه بالموضوع ول لا؟
محمد يجلس: هذا الله يسلمك ....اممممممم تتذكرين يوم تجيك ورقة الطلاق ؟
ساره:ايه؟
محمد: هذا فيصل يعرف سعد من زمان وماسك عليه اشيا كثير بحكم معرفته السابقه له ..ومن يوم ماشكيت لفيصل عن سعد وقلت له اني ابي هالسعد يبعد عن حياتك ...فيصل ضرب الصدر ...وهدد سعد انه يعلم المباحث الين مايطلقك طبعا سعد خاف على حريته فقرر انه يطلقك وطلقك ...وانا اتوقع ان من بعد ماقبضو عليه على طول شك بفصيل والحين يبي ينتقم
ساره مصدوووووووووووووومه وساكته
محمد: وشفيك؟
ساره: مدري احس اني متحسفه على هالرجال اللي بعته .
ساره: يعني بيسوي شي سعد الحين؟
محمد: تكفين موقوف ومحطوط بالحجز هذا زين اذا مااعدموه ..تبينه ينتقم هههههههههههه ماعنده سالفه
ساره: وطيب وفيصل؟
محمد: وفيصل عادي مايضره الشكل اللي تزوجتيه هذا
ساره : اها...
محمد: يالله اقول هاتي جوال الرجال تراني طولت عليه
ساره: بس لازم اشكره
محمد: وش تشكرين خلاص هذاك اول
ساره: حتى لو
محمد: خلاص ارسلي بس لاتدقين
ساره: اوكي واعطه جواله وقل له مشكووووووووور وماتقصر والله ابندم عليه طول عمري
محمد اخذ الجوال وراح له ....
ساره: لحظه قبل ماتمشي
محمد: نعم؟
ساره: فيصل اهو مبلغ عنه؟
محمد: لالاالظاهر واحد ثاني يقال له متعب كلمني عنه فصيل
ساره: اها ..سلملي على فيصل تكفى
محمد: سبحان مغير الأحوال ههههههههههههه يبلغ يبلغ
ساره (ياشين ان حلمت برجال تدرين انه مو لك..ياتعاستك ياساره.طول عمرك كذا )
محمد: خذ هذا جوالك .... فيصل ..! تراني علمت ساره عن كلش
فيصل: وشو بالضبط؟
محمد: بيجيك مسج يوضح لك
شوي ويسمع دقت مسج
ساره
(السلام عليكم....حبيت اشكرك يافيصل...على موقفك معاي....واعتذر من كل ماصار منني ..والله انا اسفه ...وتوني اعرف ان موضوع طلاقي انت كان لك يد باللي صار...وانا ممتنه لك بكل مابقى ايامي...وبجلس ندمانه عليك ...وانا اشكرك والله مارح انساها لك وجعلك تشوف الخير والسعاده بدنياك يافيصل...مشكور وابشرك سعد بلغو عنه الحين ........ساره)
فيصل ابتسم واهو يقراه ...
محمد: فهمتني؟
فيصل: وكيف درت؟
محمد : افتح اخر مسج وصلك
فيصل: خخخخخخخخخخخخخخخخخخخخ يهدد له وجه بعد
محمد: ياحليله لو تشوف صورته بس
ومد له الجريده
فيصل: اوف ترا له سنين ماتوقع بيخلونه اكيد اعدام
محمد: يستاهل ..ماجاه
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::
<<<<<<<<<بعد مرور اسبوووع ولانايف ولاغلا ماعاد بينهم شي انتهى كلش من بعد اخر مكالمه

<<<بيت ام نايف
نايف له ساعه يتكلم مع امه وشكل الموضوع مهم دخل معاهم جلوي وشوي ويتحمسون بالسالفه لكن شكل الموضوع كبير ويضيق الصدر من ملامح نايف
جلس الوليد جنب جلوي
ام نايف: مدري يانايف ماعجبني هالكلام
نايف: ادري ولاحتى انا لكن هذا اللي المفروظ يصير
جلوي: طيب واهي داريه انك بتطلقها؟
الوليد:نايف انت من جدك بتطلق غلا؟
نايف تنهد وسكت
ام نايف: أي ان شالله
الوليد: اووف طيب ليه؟
جلوي: خلاص هذا اللي يبي يصير وبس لاتكثر اسأله لاتقعد تنشر عند العالم
نايف: يمه نتوكل بكره؟
ام نايف: قلت لك ماودي
نايف: تدرين لنا شهور قبل بس احاول اتغير عليها ...وهذا اخر اسبوع ماحد تكلم مع الثاني
جلوي: حرام والله حرام
نايف: هذي القسمه وهذذا النصيب أنا ابروح لهم بكره
ام نايف: استخرت؟
نايف: ايه
ام نايف: الله يكتب لها الخير ويسعدها
نايف ألمه كلامها سكت
ام نايف: يعني بيصير عندي نايف عزوبي ادور له من جديد؟
نايف: لاومن قال اني ابتزوج ؟ انا مارح اتزوج احد خلاص
جلوي: ليه تتوفق ان شالله تاخذ لك دورات كورسات شي تشتغل وش دعوه
ننايف: لو يخلونني وزير مابي اخذ احد من بعد غلا
ام نايف وجلوي طالعو بعض وسكتو ...واضح انه مسوي روحه صامد لكن الكلام يطلع غصب عنه ومسوي حاله مرتاح
ام نايف(اه ياولدي والله حالتك ماتسر لاعدو ولاصديق ..... ياليت اللي صار ماصار كان انت الحين توك متزوج ..بس دايم هذا حظك ...)
نايف: الوليد تراك بكره بتروح لحايل
الوليد: والله ماروح
نايف: يالله بس تراهم دايم يسالووني عنك وانا انحرج
منصور: والبس شماغ وثوب مثل العالم والناس مو تفشلنا
الوليد: مالهم شغل بملابسي
منصور: اوووووه وبعدين ؟ قلنا تقابلهم ببيتك بزر ومابعد يكبر...بس بحايل وعزيمه مافيه هالخراط اللي تسويه .. بتفهم زين ماتفهم انا افهمك
الوليد: احترم نفسك قال بزر قال يالكبير انت هد اعصابك بس
منصور: انا ان قلت لك تلبس مثل الناس تلبس عاد ان رضيت ول ان رضيت
نايف: الوليد ..! منصور..! خلاص
منصور: ان شالله بس ليتك تعلمه
نايف: بكره بتروح وتلبس مثل ماعودك ابوي خلاص
الوليد: طيب
نايف: يالله اجل عن اذنكم
ام نايف: بدري يايمه اقعد
نايف: ابي اجلس مع نفسي شوي ...سلام
جلوي: الله معاك
ام نايف: يالله هالولد مب عاجبني حاله ابد
جلوي: ايه والله الله يكون بعونه بكره يوم قاسي عليه مره
منصور: اللا تعال بكره عزيمة ربع حايل
جلوي: ايه واتوقع بياجلها عشان طلاق نايف ....
الوليد: وبيروح بيشوفها ويسلم عليها؟
جلوي: مدري عنه مايتكلم واجد بها الموضوع

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::
طلع من البيت ومتضاااايق من اللي بيصير ...يعني خلاص من بكره اهو بطريق واهي في طريق ثاني؟؟ يالله ياغلا ودي اسمع صوتها واكلمها ...يوم واعطيها احلى كلام .... وترجع ايام اول ولو للحظه وحده ... بس اخ ... وضرب بالدركسون اللي قدامه ....جلس يلف الششوارع ودموعه متحجره بعيونه ..الدموع اللي عصتها شيمة الرجال ..........
تغير صار يدخن بشكل يخوف اكثر من قبل ...اشعاره اللي لغلا وعن غلا كل شي يوصف قصتهم ويوصف ايامهم ويوصف جمالها وطيبتها واخلاقها ...قدامه يمشي ...كل لحظه بينه وبينها كانت قدامه بكل لحظه
تذكر كلامها يوم تقول له انهم مارح يكونون لبعض على طول...وكيف كان يوعدها انه مايفارقها يوم يهمس لها أحبك ....يوم يرسل لها مسجات شعر فيها ...يوم ويوم ويم ولو يعدد الى بكره ..مارح ينتهي ....
شاف صورته بالمرايا اللي قباله له ايام طول ماحلق ..ولارتب وهذي ابد مو من عادته ....
دخل للحلاق وحلق وطلع ..... طبعا مر على البقاله اللي جنبه ..ويشتري له زقاير ويبدا يدخن ..... قام يلف ويدور مايدري وين يروح .... وفكر بهم بكره والقبيله اللي يبيونه كأنه ناقص مشاكلهم الحين .....
وقف مالقى نفسه اللا قدام ...باب بيت ام محمد.... ياربيه ادخل ؟ مالي وجه اقابل خالي ابو عبدالله ولابنته .... يكفي هالقطاعه .... يالله خلني اتوكل انا تعودت كل مااغتميت اوفق عند هالباب ..خلني اودعه اليوم ....
دق الجرس وفتحت له ريناد
فتحت باب المجلس ودخلته ...وراحت جري تعلم غلا .... اللي كانت مع ساره
ريناد: غلا بسرعه عندي لك خبر
غلا: وشو؟
ريناد: شي شي ماتتوقعييينه
غلا: عن مين ؟ خالد؟
ريناد: لالاموخلوود
ساره: يختي بسرعه خلصينا
ريناد: نايف جاي للبيت
غلا: كذابه
ريناد: والله العظيم شوفي الأودي الاسود برا
غلا شافته ولفت على اخواتها بخوف
غلا بصوت واطي: ماصدق ..!!؟
ساره: نايف جاي؟
غلا: ايه
ساره: غريبه وش يبي؟
غلا: اتوقع جاي يزف لي خبر الطلاق
ساره: لالاانشالله الله لايقوله
غلا: مو اهو قايل بنفترق يعني ايش اكيد رح يطلقني
ساره: غلوو لاتتكدرين عندي لك حركه احلى ...شوفي خليكي انتي احسن منه بيني له انك انتي احسن منه وانك ماودك بالطلاق ويمكن بينفع
غلا: يعني وش تبيني اسوي؟ من بعد المانيا ماشفته اكثر من مرتين ومره بالسياره حتى ماتكلم ولانطق بشي ....وش اسوي له؟
ساره: لالااهو الحين ببيتك ووش نسوي للضيف ان جا؟
غلا: نضيفه
ساره: انا هذا الليي ابيك تسوينه ...
غلا: لالاافكر مانزل ولاحتى اسلم
ساره: لايالغبيه بعدها الكل بيشك بالموضوع ..انتي الحين لازم تكشخين ويشوفك من جديد والله مارح يتحمل بيرجع كل شي مثل اول
غلا: ساره يقول لي بالتلفون انا ماابي منك ولامسج ولاصوتك ؟ يقول اذا لي خاطر عندك ...تبيني اطلع له؟
ساره: اجل ليه تتوقعين جاي؟ اكيد يبيك
غلا: لاماتوقع اكيد يبي محمد ول بيسلم على ابوي قبل مايسلمه بنته
ساره: يابنت الحلال سوي اللي قلت لك واكيد رح يتأثر وانا وانتي كلنا نعرف نايف ...اكيد بينبهر وبيفهم انك تحبينيه وماتكرهينه عشان تفارقينه ورح يقدر هالشعور تراه شاعر
غلا: ههههههه وش دخل شاعر الله يرجك ...لالاخلينا كذا حتى انا ماتحمل احط عيني بعينه
ريناد: لاغلا والله صادقه ساره
ساره: قومي اشوف ملابسك يالله ....
غلا: سكتت تفكر بكلامها ساره ماشاورتها ..طلعت لها فستانها اللي من نايف هديه ..لونه ابيض واسود واحمروموديله نفس حق اليسا ..الفستان رهييييب واكثر من رهيب ...ومخلي جسمها يجنن ....
ساره: خذي البسي هذا وخلي المكياج علي
غلا: اوك
دخلت غرفتها وراحت تلبس بها الوقت دخل عبدالله
عبدالله يطق الباب ..ادخل؟
ساره: تفضل ادخل
عبدالله: هلا وين غلا؟
ساره: تغير ملابسها
عبدالله: ترا نايف جا يقول ابوي خلوها تنزل تسلم ترا له فتره ولاجت
ريناد: طيب
ساره: وينه فيه ؟ بالصاله ؟
عبدالله: لالاالمجلس
ساره: اوكي اعلمها
طلع من عندهم ...وطلعت غلا
حطت لها مكياج خفيف وناااعم ...ومخليها جذاااابه ..وتسحر ...
ساره واهي تحط لها الكحل
ساره: يابنت خليني اعرف اضبطه لك
غلا عيونها تدمع من الصياح: مقدر وشلون تبونني اروح له ؟ صعبه والله صعبه
ساره: لاحول ولاقوة اللا بالله ...دارين انك مشتاقت له وتحبينه ومستحيه تشوفينه لأن من زمان عنه
غلا انحرجت وسكتت
ساره بهدوء: يالله ياغلوو ترا عادي ان شالله تجيب نتيجه هالحركه ...وبعدين ابوي يبيك تنزلين يعني حتى لو نزلتي بيحسبك نازله عشان ابوي ول انتي ماتبين ...ولاتنسين انه اهو اللي جاي يعني اكيد حاط حسا ب انه بيشوف لك وهذا وجهي ان كان مو مشتاق لك
ريناد ببرائه: غلا تحبينه ول لا
ساره: حلوه هذي تحبينه
غلا تفكر بكلامها: لانايف ماحبه...مب زوجي ليه احبه
ساره: متأكده
غلا: يعني واحد تقولين له رجع لي يقول لوتبكين دم مارجعت لك تبيني احبه ؟ ليه ؟
ساره: طيب انا من يوم ماشفت ذيك الدموع وانا اقول غلا تكرهه ..تلعبين على مين ياحلوه ..يالله انتي وهالمكياج والله ان ينهبل عليك روحي له بس
غلا: طيب ووش لون اسلم ؟ وعادي؟
ساره: قلبي خليكي طبيعيه بس لاتبينين له انك مشتاقة له ...كأنك تبين تشوفيه وتضيفينه وتادين الواجب
ريناد: يالله روحي ننتظرك
.................................................. .................................................. ..........................
نزلت وقبل لاتدخل طبعا تسمع صوته يتكلم مع ابوها ومحمد وعبدالله موجودين ..بلعت ريقها ودخلت ...
شافها وتفااجأ فيها .... كانت بقمة الروعه الجمال اللي حرم نفسه منه علشانها .... كانت تفتن لدرجة حتى محمد قام يناظر فيها
غلا: السلام عليكم
نايف يوقف: وعليكم السلام
محمد(الله يكون بعونه ...شعوره شيييييين وصعب موقفه)
نايف: غلا شخبارك ؟
غلا: تمام وانت؟
نايف: ماشي الحال
وقفو لهم فتره ..يتكلمون بلغة العيون ....
ابعدت يده عنها وراحت جنب ابوها ... نايف حس بنفسه وجلس على طول
ابوعبدالله حاس ومتاكد ان بينهم شي بالعاده سسواليف وشوية مزح وضحك واشتقت لك ووينك وبالذات لأنهم من زمان وماشافو بعض ....
ابوعبدالله يهمس لها: اجلسي جنبه
غلا: مابي
ابوعبدالله انحرج منها وسكت
نايف اعجبه انها بدت تنفر منه ..وهذي نتايج كلامه معاها ... لكن بداخله ميت من القهر
ماكان وده يطالعها اما اهي كانت ترمي عليه نظرات قوويه واضح انها مب عاجبها اللي يصير ومنقهره بكل مافيها ...واللي منرفزها اكثر انه مسوي نفسه ماااهتم وبارد ومتجاهل نظراتها
محمد وكأنه يطالع مقطع من فلم ...ول مسرحيه .... مضيق خلقه هاللي قاعد يصير ...
جلسو على هالجو المكهرب ...الين ماجا بيستاذنهم .... وبيطلع .
طلع من المجلس .... وغلا شوي وتحترق لأنها مافاتحها بموضوعهم ولاكأنه مهتم أبد .... طلع من جهه التفت عليها ابوعبدالله من جهه
ابوعبدالله: غلا ..وشفيك ؟ ول هذي طريقه انا مربيك عليها مع الضيوف؟
غلا: انا اسفه يابوي
ابوعبدالله: ليه ؟ ووش بينكم ؟ ووش دعوه هالفعايل ؟ نظرات تعطينه ..ولاسوالف ولاشي جاي يبي يشوفك كذا تقابلينه ؟
غلا ماتكلمت وطلعت بسرعه قبل لايروح نايف وقابلته عند الباب الخارجي
غلا: نايف ...!
نايف لف وتفاجأ بوجودها
غلا: وش قصدك من هالتطنيشات ؟ ولاحاط لي أي حساب ابد
نايف: ...........
غلا : انا موجايه اسسألك عن ايام مرره حلوه وقديمه كانت بيننا حولتها انت الى ماضي وذكريات...لا انا اجايه اعلمك مين انت..و.أن اكبر غلطه يوم فكرت احبك فيها ...وبالفعل انا اذنبت وقتها واجرمت ..... والله يسامحك ....ويكون بعلمك تدري وش كثر كنت احبك قبل؟؟؟ ....صرت اكرهك كثر ما كنت احبك اول .... انت اكثر واحد اكرهه وكرهته بحياتي ... ماابي منك شي غير ورقة تثبت ...(سكتت يوم استوعبت انها قبال عيونه ..عيون مين ونظرات مين ... ومين ؟... نايف ؟ الغالــي ...هذا الغالي ياغلا اللي انتي تحبينه ...انتي وش اللي قاعده تقولينه؟؟...نظراته فيها كلام وفيها جروح .......... حست باحد يهمس لها ....بس نسيتي وش قال لك ؟ ول وش قال عنك ؟...كان يقول لك ابعدي عنني ....انا مابيك ...)قطع عليها صوته
نايف: ورقة الطلاق؟
غلا: .............
نايف: انا فهمتك ورح انفذ اللي تبينه ...بس اذكريني بالخير ..
غلا من غير ماتحس بنفسها: نايف.........!
نايف لف عليها: نعم؟
غلا: لالاخلاص ..بس سامحني ....مع السلامه
نايف: مع السلامه
سكر الباب من جهه وقفت جامده بنفس مكانها ...ليش لما الومه وأعاتبه يسكت؟ نايف مو من النوع الضعيف ول مايقدر يتكلم ..؟ لانايف يسكت اللي قباله ..هذا نايف اللي اعرفه ..مو اللي يحاكيني بعيونه وساكت .... ؟؟؟...........اكيد فيه شي ...نظراته تتكلم بس لسانه مايرد علي ليش؟؟. لانني ماامثل له شي ولامن اهتماماته ؟؟؟ ول لأنه فيه كلام بس مايقول لي اياه ...... تعبت من مكانها ولفت على الجهه الثانيه لفتها شي قديم .....
قربت من الشجره الطويله الكبيره ....اليي كانت على زاوية الحديقه الكبيره
(نايف احبك ...وكاتبه تاريخ 1427 ....) كانت هذي ايامنا قبل لايسافر ..تذكرت بنفس هالمكان اللي تعاتبه فيه كان يضمها واهو طالع لألمانيا واحلى كلام بينهم ..... ساح كحلها من البكي .... قطعت الألماس اللي كانت لابسته كانت هديه منه ..ورمته بنفس المكان وراحت جري لفوق ...
(ليه ليه يانايف تسوي فيني كذا؟؟ ليه يرضيك هالحال؟؟ لو انك ماتغيرت كان اوريك كل اللي انا كتبته فيك وكل اللي انا مجهزته لك .....كرهتك كرهت كل شي يعني نايف كل شي يحمل هالاسم كرهته ....)
ساره وريناد لاحظوها واهي داخله لغرفتها .... ماحبو يزعجونها ..اكتفو بالنظر ...واهي تبكي دم منه
ريناد: ياربيه الله يكون بعون هالبنت ياساره ابي اعرف واللي مخليه يبدا هالخطوه
ساره: غلا ...من شوي شفتك من البكلونه وانتي تحاكين نايف ....
غلا: وشرايك فيه؟ مو يقهر؟
ساره: شويه يقهر ....لكن ابي اعرف وش اخر شي قاله؟
غلا: يقول ورقة الطلاق رح توصلك
ريناد حطت يدها على فمها: يطلق؟
غلا بهدوووء وعلى فكره حتى نايف بها اللحظه كان يفكر بهدوء بنفس طريقت غلا
غلا ماسكه رجولها وضامتها وتتكلم بهدووووء غرييب شكلها طالع نااعم بالفستان
غلا: ايه خلاص ..قايل لي مره أنا خلاص تكفيني الذكرى اللي كانت بيننا ..وماعاد ابي اتذكر غلا مره ثانيه ......وش تتوقعون بيسوي اكيد رح يطلقني
ريناد: وطيب؟ وش بتسوين؟
غلا باستسلاااام لانها بدت تكره حركات نايف الغريبه وهذا اللي بيبه نايف مايبي يتركها ويعقدها لأنها تموت فيه يبيها تنفر منه اكثر : مدري ان جاني نصيب ..ول قعدت هنا ..
ساره: لاان شالله نصيبك باللي احسن من نايف
غلا تنهدت : ماتوقع فيه شخصيه رح اعجب فيها مثل نايف
ريناد: توك ياغلا مابقى اللا شوي وتدخلين الواحد وعشرين صغيره ..ماضاع عمرك
غلا: مونايف عشان كذا معجل الطلاق ؟عشان لايفوت الوقت
مسحت دمعتها بطرف كمها شكلها كان مثل الطفله المحرومه من عالمها واهلها تقطع القلب
غلا: خلاص نايف راح وانتهى من حياتي ورح انتهي من حياته .....الشي الوحيد اللي ابي اعرفه منهي اللي بتجي بدالي ؟ منهي اللي بتاخذ مكاني؟ وتصير حرم نايف؟...........وانا غلا ممكن ارتبط واحب احد كثر نايف؟ ول لا؟....
ساره: غلا انا حبيت وانتظرت واخرتها ماحصلت اللا اللي عكس اللي حبيته وتطلقت وشوفي حالتي الحين ؟ غلا والله احمدي ربك ان نايف مابيتركك اللا وانتي مو متعلقه فيه مثل قبل ...بالعكس شبه بتكرهينه ومصدومه منه ..وراح عنك ..........احسن من انك تتعلقين فيه ويتركك بدون اسباب
غلا: بس مهما كنت ااكرهه والله احبه ..ومستحيل اكرهه احبه بكل عيوبه ...
.................................................. .................................................. .................................................
كانت حالته شبه حالتها حاول يقنع نفسه بنفسه ان غلا رح تروح وتصير من نصيب غيره وانه اهو مايستاهلها ...لكن الطعون اللي اعطته من شوي مستحيل رح ينساها ...وشلون يتحمل غلا اللي حتى ضحكتها اشتاق لها ....وشلون بيصبر يشوفها تقول له انا كرهتك يانايف .؟؟؟؟؟كرهتك وماادراكما اكرهك ...ووش معاني هالكلمه ..خاصة انه يعرف قلبها الطيب اللي مايعرف للكره طريق... اكيد انها طالعه من قهرها منني ....
جلسس يحلل معناها ..وبعدين تذكر ان هذا كله عشان بعد كم يوم يشوف غلا مع زوجها تعيش احلى عيشه ..واسعد ايام ....ويبقى نايف نايف المتحطم ..بكل مافيه .......
كانت هالفكره تصبره على حالته ....شوي وقطع عليه اتصال محمد
بعد السلام
محمد: ووشخبارك الحين؟
نايف بطريقه اول مره يحاكي احد فيها محمد استغرب منه: محمد ... انا خلاص مابقى لي غير كم من ليله واتحطم واطلق غلا؟؟
محمد: ايييه ياخوك هذي الدنيا ..الله يصبرك ويصبرها
نايف: ووشخبارها الحين؟
محمد: لالامومنفعله مثل قبل طالعه هااديه من شوي سالنا ريناد عنها انا وعبدالله
نايف: هذا اللي ابيه
محمد: متى بتتطلقون؟
نايف: بكره ان شالله ارسل لك الورقه ....ووش قال خالي من بعد ماطلعت؟
محمد: والله مدري ابوي ماوده البكلام هذا ..بس والله حاولت اقنع فيه انا وعبدالله .... وشكله رح يقتنع
عبدالله: وجابت نتيجه الاشاعات اللي طلعتها فيني؟
محمد: ايه حاولت ازيد ...قلت انك توك مطلع من سجن ..وانك متهم ..وانك تغيرت حتى عبدالله مو متخيل اللي اقول له ...بس عاد وش نسوي ..هذا الحل الوحيد
نايف: وطبعا اقتنع من بعدها؟
محمد: ايه يقول مادامه لاوظيفه ولاشي واهو مايبيها ..ومتغير مثل ماتقول ...هذا مب اللي اانا بغيته لبنتي هذا واحد ثاني ....قلنا له على ان غلا موافقه وشكله اقتنع
نايف: بس لاتزوجونها من بعدي واحد ثاني عادي ...خلوه ولد عز يعيشها بنفس العز اللي انتم معيشينها ان ماكان اكثر ....خلوه واحد يعطيها اللي مايقدر عليه نايف
محمد حز بخاطره كلامه: مارح نلقى مثلك ..وش فيه اصاله اكثر من انك تطلق اختي وتتعذب عشانها اهي ولمصلحتها تدوس على قلبك؟ ...والله هذا مثال بسيط لنبالتك واصالتك وكرم اصلك ..ولااتوقع رح القى مثلك
نايف: ماعليك زود يامحمد ...وخلك قريب من غلا ..وعلمني عن اللي بيصير لها اول باول ترا انا قلبي عليها
محمد متفاجئ انه ممكن يطلع اللي بقلبه كذا .....: ان شالله
نايف: يالله تصبح على خير
محمد: حاول تخفف عن نفسك لان شكلك اليوم مو مريحني ...والله يوفقك بغير اختي
نايف: حامض على بوزي غير اختك مافيه ...اختك اول واخر زواج وارتباط بالنسبه لي ..ولاتشل همي...يالله يامحمد مع السلامه
محمد تنهد: سلام
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::على امواج الخليج العربي الهاديه .... وفي الجو المغيم الرايق ...قرب يجي فصل الشتا وهذي بوادره الحلوه ... رذاذ خفيف مع الجو .... وهذا غير صوت الامواج واهي تتحرك حول البخت اللي راكبينه ....
كان موقف على الطرف واهي جنبه ماسكه الحديد اللي على الأطراف ...
تركي: الجو رهييب اليوم
ديما: مابقى شي ويجي الشتا
تركي: تصدقين كلها كم من شهروتعدي سنتين على زواجنا
ديما: الأيام سريعه
تركي(يااني غبي ليتني مافتحت معاها هالسالفه أنا ماصدقت تنسى شوي)
ديما: تركي وش صار على اللي اعطيتك رقمها ؟ كلمت أبوها؟
تركي: هاه؟... اها ..ايه ايه كلمت أبوها
ديما: والله وورا ماعلمتني ؟
تركي: ديما واللي يعافيك انا جاي هنا ابي انسى هالخرابيط اللي نقولها قبل
ديما: لابس علمني واوعدك راح اسكت
تركي: كلمته وطلبت يد بنته ...ووافق والحين ابجي اخطبها بعد كم يوم
طالعها بنص عين يبي يشوف تعبيراتها اول شي تنكدت وبعدين ابتسمت له ..
ديما: اقول لك مبروك مقدما؟
تركي مرتاع منها(عاد انا ولاادري عن هالرقم اصلن ظايع منني ...وش يصرفها الحين) : لاتونا خلي البنت توافق
ديما في نفسها(بنت وتركي ويخطب؟؟...قعدت تتخيل شكله مع وحده ثانيه لالابس ابخليه يصير عنده عيال كثاار ...احسن له ..ليه اصير انانيه)
تركي(انا لازم اكلم الطبيب النفسي سريع قبل لاتتطور معها هالحاله )
تركي: اممممم اقول ديما
ديما: هلا؟
تركي: ابكلم تلفون دقايق واجيك طيب لاتتحركين
ديما: وليه مين بتكلم ؟
تركي: ابو البنت مواعده اتصل فيه اليوم بس نسيت
ديما حز بخاطرها كلامه : طيب
تركي حط رجله وعلى طول اتصل بالدكتور ....
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::
<<<<قبل لايطلق غلا بيوم الساعه 12 الليل
فكرت ترسل له مقطع من قصيده اهو كاتبها
ماتقبلـت الفـراق ومـال يـدي فيـه حيلـه
آآه لو ان الظروف المقبلـه تكشـف قدرهـا
لويعرف الشخص منا وش مع الغيب بيجي له
كان جنبنا المشاكل من قبل يوقـع ضررهـا
ماهقيت اليلـه الـي جابـت الفرقاءطويلـه
لين صارت ليلة امس بعيني اطول من شهرها
والعذاب الي يـذوب بعيـن مـن يفقدخليلـه
عندي اكبر من عذاب العين لو تفقـد نظرهـا
والحبيب الي صـدوده مثـل مداتـه جزيلـه
صد عني واعرفه لاصد عن حاجه هجرهـا
كن روحي يوم حست في جفاه وصعب نيلـه
بشرتنـي بالضايـع وشـدة العـزم لسفرهـا
مارحماها مـن هـلاك ومـا تقبلهـا دخيلـه
تحتضرقدام عينه ليـن ماتـت مـن قهرهـا
عاد ليت اللي ذبحاها وارهب الموت بوسيلـه
مادفن وجه الضحيـه والسكاكيـن بنحرهـا
ليت قلبه يوم طـاوع فعلتـه كمـل جميلـه
لوغسلها من عروقه وبكفـن صـدره قبرهـا
من حفر بضلوع قلبـه حفرة(ن)تكفـي قتيلـه
ليه مايدفن قتيلـه بالضلـوع اللـي حفرهـا
اشتيكـتـه لـرفـوف وللبراويزالهـزيـلـه
وانذعرت من االنياح اللي سمعته في صورها
رحت اسولف للجبال الصم عن قصة رحيلـه
ماتركة امتونـه الا ينحـت الـدم بصخرهـا
كانت متعمده يكون اهو اللي كتبها عشان تبين له انه كتبها في نفسه
واكتبت له رساله من تأليفها عشان تكون أخر شي ترسله لنايف.!!

...
حتـى إنتـ !!
كنـت أظنك غير والله !
بس / هنتـ .. !
وهـان قلبي عندك إنت !
حتى إنـت !!
يااااهـ
والله كنت أظنك غيرهم
كنت أظنك خيرهم
كنت أظنك كلهم ..!!
وبعت إنتـ !!
يعني مافكرت فيني ؟
أرخصت احلى سنيني ؟
وضــاع عمري ..
وإنت / إنت !!
كنت أظنك غير واللهـ
كنت أظنك خير واللهـ
حتى إنت !!
طيب
وقلبي اللي حبك ؟
والعيون اللي سهرت لك !؟
والشفاه اللي ندهت لك ؟؟
والأيادي اللي دعت لك !!
كلها كانت ( سرابـ )
وآخر الرحلهـ [ إغ ـتراب ] ؟؟
هذا إنت !!
.....

نايف :::
الحين بالقسمه والنصيب
تتشكالي
وينك يوم قلت إن فراقنا
شي خيالي
.................................................. ....
وجادور اقوى مسج ترسله بحياتها ......
لا تنصدم اذا قلت انا اليوم مـا أبيك
القلب عافك و انتهى اليوم دورك
اعميتني بحبك عسى الله يعميك
ورميتني يا شين بـ أعمق بحورك
يالله توكل لا تجيني و لا أجيك
يـالله حبيب أمك قوم رتب امورك

كتبت المسجات واهي تبكي ماتبكي ادموع تبكي دم هالمره تقطع قلبها ومستحيل بيرجع ...وينه اللي كان يواسيني اللي كان يعطيني ...نايف ..ليه يتغير ...بس مهما كان انا لازم ابعد عن حياتتك واكرهك ياحبيبي ......

اما نايف المسجات ماكانت سهله بالنسبه له كانت اكبر من الطعن ولو ان الطعن بالسيف أرحم ...من متى وغلا تكره وتهزء بمسج او تألف ؟؟...اللي عرفتها قلبها طيب ..لكن هذا نصيبي وهذا قدري مع غلا .... ابظل متعلق فيها ..على علمي انها كرهتني ....ايه ...كرهتك يانايف .... وبتحب غيرك والدنيا قدامها انت اللي بتموت ..

 

[meen_ana]

<<السـاعه 8 الصبح ....من بعد ماانهى الصباح ظلام الليله اللي همه مارح ينتهي وبيدوم ...معاه طول عمره ...
جلوي ...كان نازل من الدرج مستعجل وشاف نايف بالصاله
جلوي مستغرب: نايف؟
نايف: نعم؟
جلوي: من متى قايم.؟
نايف: مانمت
جلوي: دقايق وقام ينادي (يااااماري ...ماري...
ماري: نعم بابا؟
جلوي: سوي فطور الحين بسرعه ابطلع
ماري: طيب
نايف: وين بتروح؟
جلوي مبتسم: نسيت اللي اقول لك ؟ عندي اليوم مقابله للماحستيراليوم
نايف : من جدك انت؟
جلوي: يوه نايف ووش فيك مستغرب؟ قايل لك امس هههههههههههههه ول كل ذا سهر ..الا ووش قاعد تسوي سهران ؟
نايف: مدري ماعرفت انام
جلوي: طيب ابي دعواتك
نايف مبتسم بالغصب: الله ان شالله يوفقك ويرجيك
جلوي: نايف تكفى رح نام شف عيونك شكلك دايخ
نايف: لاتعرف ورانا شغل محكمه ومانهيت كلشي ولازم اخلصه اليوم
جلوي وتوه يتذكر موضوع طلاقه اجل عشان كذا التغير ذا كله...تقطع قلبه على اخوه ... ماحب يتكلم معاه واجد لأنه بيتحسف وبيكتئب: ومتى بتروح للمحكمه؟
نايف: بعد شوي
جلوي: ايه الله يعين
نايف تنهد وقام راح بيصلي الضحى وبيقعد مع نفسه شوي وبيمشي
جلوي: على وين؟
نايف: ابروح شوي ...
جلوي بتفكير: اقول نايف
نايف: نعم؟
جلوي: مصمل؟
نايف: جلوي واللي يرحم والديك انا لي يومين مانمت ولاذقت النوم ....انااستخرت والشي اللي فيه مصلحت غلا ابسويه ولو على حساب قلبي
جلوي سكت
نايف: جلوي تكفى ...قل لهم مابي احد يفاتحني بها الموضوع اليوم عشان انهي اللي فكرت فيه واغير هالوضع
جلوي: ابشر
نايف: يالله اجل الله يوفقك
واهو يمشي تذكر نفسه يوم كان يدرس بالجامعه وتوه منقبل بالجامعه قبل سنين طويله ...وجلوي كان توه يدرس الثانويه ...كل ماتذكر كل مااستحقر نفسه اكثر .... وكره حظه العاثر
كان جلوي يذاكر ونايف قباله
نايف: يوه الله يرحم ايامك يالثانويه العامه وهذاك الكرف ...يالله يابابا ياجلوي عيب ماتذاكر رح وذاكر
جلوي: اقول انقلع تراك قبل كنت مثلي
نايف: يووه بس انا تخرجت ودخلت الجامعه ..وبادرس بالالمانيا ان شالله وانت تفحط ورا هالنسبه وعساك تجيب درجات
جلوي: اقول انت وهالطموح اتحداك تروح تدرس برا من زين تخصصك ..حدك جامعة الملك سعود وتخب عليك
نايف: خلاص انشوف ميين اللي بيغلب الثاني ...حبيبي مافيه اهم من الطموح ...حتىى لو مارحت لألمانيا على الاقل فكرت اروح مب انت
جلوي: خلاص هذا وجهي تروك هناك
(الحين جلوي اللي ان شالله بياخذ الماجستير والدكتوراه وانا..............؟!!! حتى زواج كثير علي ...خلاص موب وقت انك تتحسر يانايف انت حتى حلمك ماوصلت له تبي توصل لبنت العز ؟)
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::
تركي وديما توهم واصلين للرياض ..دخلو وسلمو عليهم وجلسو شوي
ابوعبدالله: هذي الساعه المباركه لكم فتره ماتجون
ديما: والله ياخالي تعرف تركي وتقديمه واختبارات ارامكو ماتخلص ..وبالذات اخر سنه لازم مايصير أي تقديم
ابوعبدالله: الله يوفقكم ان شالله
تركي واهو جالس على اعصابه وموب عاجبه الكلام اللي سمعه منهم الحين غلا وش له تتطلق؟...لازم اعرف وش اللي يصير ...قام يلمح لمحمد اللي يسولف مع ريناد
محمد: تبيني؟
تركي: اقول محمد تعال معي شوي
محمد: طيب
راح معاه على جنب
تركي: وش اللي يخلي نايف يطلق غلا؟
محمد تنهد : كلنا ماودنا مثلك حتى ابوي لو بتسأله بيقول لك نفس الكلام
تركي بانفعال: وش اللي يخليه يطلقها؟
محمد: ماعنده وظيفه ولاشهاده ولاشي ياتركي نايف ماايبني بيت ولايعشي ابد ...وطبعا مايصلح يعتمد على ورث ابوه ....وغلا ماحد يبيها تاخذ اللي بها المستوى ...يقول غلا يوم وافقت علي على الشخص اللي بيعزها وبيغنيها عن كلش لكن وش تسوي مع واحد متحطم ولاحتى شهاده ماعنده هذا وين بيلقى وظيفه الوقت هذا
تركي تنهد: لاحول ولاقوة اللا بالله .... مافيه حل غير الطلاق ؟ مب لاقي له دوره ولااي تخصص أي شي؟
محمد: ياخي مستقبل غلا والله حرام يضيع كذا تنتظر
تركي معصب: البنت تعلقت بالرجال ..وماتبي غيره الدعوه مب لعبه وانااقطع يدي اذا غلا راضيه باللي يصير ........وابوي بس ودي اعرف كيف وافق؟؟
محمد: تدري وش سوينا؟ حاولت اطيحه واصغره من عين ابوي كذب عليه على حساب سمعته ...وغلا .قامت تكرهه نجيب طاريه سيرته تقول غيرو السالفه صارت تكرهه وتنفر منه ...وهذا اللي نايف سواه معاها ..
تركي معقد حواجبه: يعني خرب سمعت نفسه؟؟....وابعدها عنه ؟....عشان الطلاق
محمد: والله الله يعينه نايف ذاك اليوم والله انه يكلمني ودموعه شوي وبتخونه ...لكن وش نسوي هذا نصيبهم
تركي: لاحول ولاقوة اللا بالله ماحطينا هالحساب ابد....بس اعجبتني تضحيته بقلبه ...والله انه رجال وبعقل الف رجال
محمد: الله يعينه
تركي: ووش بيسوي مع نتيجته؟
محمد: مدري يقول ابدور أي واسطه توظفني بأي مكان وباي راتب وبعدين....
تركي: لالااقصد مارح يتزوج؟
محمد: لاوين مستحيل
تركي: وغلا كلمتوها؟
محمد: ايه ماتكلمت واجد مععي ماحاولت تبين لي غير انها ماتبي نايف ومستعده للطلاق
تركي: خساره ..والله لو ان غلا بنتي لأخليها ...مافيه مثل نايف بها الوقت
محمد: الله يعين ..اللاوش صار عليك انت؟
تركي بضحك: ابشرك ابخطب بعد كم من يوم
محمد: جدك انت؟ههههههههههه
تركي: والله مدري عن هالدكتور يقول اعطها باللي تقوله
محمد: شي غريب..!!وماعندها مشكله؟
تركي: مو هذا اللي مستغربه ...شف ههههههههههههه بعد كم يوم اببجيكم كاشخ ببالبشت والعقال وانت بتجون مععي يعني ابخطب
محمد بضحك: ..!!ولو درت فيك؟
تركي: والله اللي بيدي سويته
شوي ويدق الجرس
قامو البنات كلهم من الصاله وسمعت صوت نايف توه داخله من بعيد ....كانت منقهره منه ليش انه مارد عليها برسايلها ....لكن خلاص تعودت وتبلد احساسها
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::
دخل وسلم على ابونايف وعياله وجلس معاهم شوي ....كان يبيين لهم انه مايبي شي يأثر بعلاقته في ابوعبدالله وعياله .....شوي وراهم ورقة الطلاق اللي راحت على طول لغلا
.................................................. ....................................
كانت ماسكتها وتبكي ....
ساره: يابنت خلاص يكفي
ديما: ريناد اعطيني كاس المويه اللي جنبك
غلا: اقل شي كلمه بس بخل فيها علي متأكدين ان هذا انسان ول لا؟
ديما: قولي لايله اللا الله
غلالااله اللا الله
ديما: انتي ماتبينه مو هو مب انسان على قولك ؟ خلاص ليه تبكين وتضيقين صدرك عليه
غلا: ماتوقعتها النهايه
ديما: ومن قال انها النهايه تاخذين اللي احسن من نايف لايهمك
ريناد: نسيتي اللي ييقو ل لك ؟ لو تبكين دم ماجيتك يعني لو شافك الحين مااهتم
غلا سكتت وقام تفكر بكلامهم شوي وشوي تبكي وتهدا حالتها كانت متقبله .....
.................................................. .................
نايف كان متوقع وحاس انها تبكي الحين ومتخيل ان هذا حلم اللي يعيشه ...يبي يقنع نفسه ان هالخطوه ماصارت قام يتحسف عليها ...حتى نظرات ابوعبدالله له تغيرت ...شكله راضي باللي يصير مو انا مخرب حتى سمعتي عشانها .......؟؟؟
جلس معاهم اخر شي سلم على الكل وراح واهو يدوس على قلبه ...ووده يموت بها اللحظه بس مايعيش عمر من غير غلا
محمد لاحظه ضايق صدره وتعباان شكله مهموووم وشويه عليه مهموم ...قبل لايطلع ناداه
محمد: نايف؟
نايف كان حاط يده على يد الباب ولف عليه: هلا؟
محمد: وين القاك اليوم؟
نايف بهدوء: محمد بكره ان شالله مافيني حيل لشي اليوم...اسف
وطلع من عندهم
لاحظو كلهم تغيره طيب دامه يبي الطلاق ليه يكتئب بها الشكل ....الكل حاس انه فيه شي من وراهم مادرو عنه ..لكن غلا( الحين حرام عليى نايف ...وانتهى كلش)
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::
طلع من بيت ابوعبدالله ورجع البيت وجلس مع امه كان هادي ...مابين لها أي تغير .... يحاول يبين عكس اللي داخله .....يبي يرتاح الحين ويغير ولو بشي بسيط ....
دخل غرفته واخذ له ففوه الين جت الساعه 3 العصر صلى العصر ...وطلع مع جلوي والوليد ومنصور
نايف: بشرني عن مقابلتك؟
جلوي: ان شالله بس دعواتك نتايجنا نهاية هالاسبوع
نايف: الله يوفقك
الوليد:اللا وش صار على حايل؟ غطوو ماعاد نسمع لهم كلام
جلوي: لا اليوم عزيمتهم بنروح كلنا
منصور: بس صادق ترا من زمان لاحس لهم ولاخبر
نايف بتفكير: غطتهم هذي وراها شي بس انا الحين فضيت لهم ...قبل سكت وسترت على رداهم لكن الحين انا ماعندي اللااهم
منصور: طيب متى بنروح؟
جلوي: خلنا نخليها الحين قبل لايجي الظلام ع الاقل العصر يخلص بالسياره
نايف: الحين عادي لأن السياره مجهزها انا اليوم الفجر
جلوي: بس عساك نمت؟
نايف: ايه قبل شوي ..يالله مشينا
سلمو على ام نايف وحركو لحايل
.................................................. ...........................................
وصلو وجلسو مع الشيخ والرجال ....ومثل العاده ناصر وصالح عيونهم تقول وراهم شي
نايف حاول يتجاهلهم ويكبر عقله عنهم ...لكن للأسف الكثره تغلب الشجاعه
تعشوو وبعد العشا تفرقو والكل راح لبيته لأن اكثر الرجال يجون على وقت الغدا الى العشا ويمشون ..
كانو تقريبا بالمية رجال يجتمعون هناك .....
جت الساعه 9 بالليل
ومابقى غير عمانهم الاساسين اقرب شي لهم ...وناصر وصالح ماطلعو اهم الوحيدين
تكلمووشوي وسكتو وظلو ساكتين .....
جلوي استاذنهم وطلع
واهو طالع من المجلس الخارجي .... ورايح للسياره ....قابل سياره مب غريبه عليه كان شايفها ويعرف لوحتها من اول .....قام يحاول يتذكر ويفكر ...لمين ؟؟؟...لالامستحيل تكون اللي ببالي مستحيل؟؟؟؟؟!!!!!!!!!!
انفتح باب السياره وتطلع منها بنت شابه ...ومعاها صالح ....ولد عم ابوه ....
البنت بغت تجيه صدمه عصبيه يوم شافها ...
دخل صالح للبيت وكلمها شوي وشكلها تستاذنه تبي تطلع لمكان ....دخل وراحت للسياره ....لفت عليه وطاحت عينها بعينه ....عقدت حواجبها ...وعلى طول نزلت عيونها على لوحة السياره وعرفتها وعرفت الموقف قبالها ابتسمت من بعيد وقربت من عنده
جلوي مثل المخدر مب مستوعب اللي يشوفه ......
منى: هاااااااااااااااي جلوي كيفك؟
جلوي:.....
منى بغنج : ماعرفتني؟
فتحت له وجهها ...
منى: اممممممم انا منى اللي اعطيتك الفلوس وواعدتك بالتحليه
جلوي: أي خدمه؟
منى: هههههههههههههههه سلام بس؟
جلوي: ابعدي يامره وكفي شرك
منى: اوف هذا وانت ولد ابونايف اجل غيرك وش بيقول؟
جلوي: بنت مين؟
منى: منى بنت صالح
مدت له يدها وصافحته جلوي ماوده بها الشي يصير لكن ماقدر يسكت قبال جمالها .....كان منبهر والكلام مايطلع معاه ....(ان كيدهن عظيم )
جلوي: ادخلي داخل ووش مطلعك برا يالله بعد اذنك
منى تجاهلت كلامه: جلوي شخبارك؟
جلوي: ادخلي يابنت وغطي وجهك .....
راح لجهت السياره وركب .....وطنشها ...
بس قلبه كان ينبض لها مايدري ليه جمالها يتعب ويعذب مايسحر وبس ...
عصبت منه ودخلت داخل تنتظر ابوها ....
منى حاطه يدها على خصرها ومعصبه حدها
صالح: هلابنتي وش فيك؟
منى: يبه انت قبل تحاكيني عن هذا جلوي ول الثاني؟ تراني مليت من عزت النفس اللي عندهم ودرينا انهم اخلاق
صالح: ههههههههههههههه ماعليك يابنتي ولاتزعلين مالك اللا اللي يرضيك
منى: والحل؟ منقهره من هالحال انا
صالح: لالاماعليك ادخلي انتي الحين خلاص انتهى دورك والباقي علي
منى: اوكي
.................................................. .................................................. ............................
عند الرجال ...
ناصر كان يعطيهم نظرات غريبه ..منصور شوي يبي يقوم وشوي يمسكه جلوي ..اعصابه بدت تتفلت منه ...اما نايف يعامله معاملة (وجودك زي عدمه )
ناصر بصوت عالي: اللا نايف ؟
نايف لف عليه
ناصر: وشخبار زواجك ؟
صالح : يقولون انك طلقت بنت سلطان بن رميزان؟
نايف منقهرلكن حاول يبين انه مااهتم: ايه
الكل طبعا سكت وقام يسمع ....
الشيخ هنا تدخل وشكل فيه سالفه يبون نايف يها
صالح: يالله ياعمي تقول له؟
الشيخ: ولدي ياابوسعود
نايف: سم عمي
الشيخ: سم الله عدوك ...انت ولد سعود وابوك ماقدراوصف لكم وش كثر معزته عندي وقدره العالي
...ويشهد الله اني اشوف سعود فيك ...ماعاد نشوف سعود مات نايف اهو سعود وسعود نايف ول لا؟
صالح وناصر: ايه ياعم..الله يرحمه
الشيخ: ترحمو عليه
الكل قام يذكر الله ويرحمه ....
الشيخ: وانت دامك طلقت بنت رميزان ....واكيد بتتزوج ..ياولدي ...
نايف سكت حس انه اطرم ولايقدر يتكلم مع هالسؤال
ناصر: ايه اجل ياشيخ مافيه احد يقعد بدون زواج
منصور: وانت وش دخلك احد سالك؟
جلوي نغزه وسكت منصور
الشيخ يطالع بعيون نايف طول الوقت ...وحاس ان عيونه وراها شي لكن مهما كان الي ببال الشيخ لازم يصير
الشيخ : نايف.......! ماله داعي اعلمك بعادات القبيله بالزواج ...وبالذات ان اكثر بنات عمانك وعيال عم ابوك بسن زواج الحين ...وعيال عمهم احق بهم
العيون الحين كلها موجهه على نايف اللي ماعاد يدري وش يقول أي كلمه بتكون محسوبه عليه
صالح قرب من عنده ومد يده ومسك يد نايف: على سنة الله ورسوله ويشهد على كلامي كل الموجودين ...بنتي منى لنايف بن سعود ...
الشيخ ابتسم وكنه راضي بالكلام واعجبه موقف صالح ....
نايف انلخم وكن احد كب عليه مويه بارده ...سكت متفاجئ وش الخيانه اللي ارتكبها؟؟مستحيل اخذ بنت صالح ولوخلصو بنات العالم مااخذها ...والله مااخذ على غلا انا ناذر نذر ....عادات قبايل ول لا...انا مايخصني هالكلام ......لكن وشلون بيقدر يتصرف ...
جلوي احترقت اعصابه ...من هالكلام ....وحس بموقف نايف الصعب ...كان ساكت والكل ينتظر كلمت نايف ........ جلوي ابد ابد مارضاها لنايف ومن هو صالح عشان يحطه بها الموقف ..؟....ويكفي انه داخل على طمع اهو وبنته .....ومين منى اللي كلمها وواعدها وسلم عليها وشافها كيف يبي يرضا ان نايف ياخذها بعد كل هذا غلط كبير بحق نايف
الشيخ عصب ردت فعل نايف ....لأنه ساكت ولاطلعت منه أي كلمه
الشيخ: تغللط على شرف البنت يابوسعود
ناصر: والله ماهقيناها
نايف بعد ماشال يده عن يد صالح: ماغلطت بحق بنت صالح ياجماعه هذي بنت عمي
الشيخ: يعني نقدر نقول للملاك يجي الحين
نايف: اعتذر ...بنت عمي بنت ناس اجواد من بيت كرم وطيب وحسب ونسب ....ماغلط على شرفها لكن انااعتذر من الزواج اعفوني منه
صالح يشوف الشيخ: انت تسمع وش قاعد يقول ؟
الشيخ: لاتغلط على شرف البنت
نايف: ياعمي ...بنت صالح بنت عمي ....والرجال تجي عند بيتها تخطبها ....موب تغصب الرجال ياخذونها .... بنت العم مابها لاعيب ولانقصان بس فكرة الزواج بعيده عن بالي ...والرجال ماينغصب
صالح عصب والشيخ اكثر منه .......
جلوي اعجبه كلام نايف ....لكن مافيه مفر الكثره تغلب الشجاعه ...الملاك كان حاظر وبيزوجون نايف مثل عيال عمهم اللي قبل
.......الملاك كان حاظر المكان ...ومنى من بعيد تسمع كلشي ...واستغربت ردت فعل نايف ماحد سواها قبله
جلوي يحس انه غلطان وش اللي يخليه يسكت ويشوف نايف كذا وكل ماتذكر هدفهم من هالزواج عشان الورث تحترق اعصااابه ....
كانو يحاولون معاه بالكلام .....ويضغطون عليه لدرجة انه وصل لمرحلة الاجابات المختصره
جلوي بحزم: عمي ..!!
الكل سكت وقامو يطالعونه
الشيخ: وش عندك ياجلوي؟
جلوي: عمي انا طالب يد بنت صالح ....!! طالبك ياعمي ..وياعمي صالح
صالح وناصر استغربو واكثر منهم نايف وحتى اخوانه ماحد توقع ردت فعله
الشيخ: نايف؟
جلوي: الرجال ماينجبر ...ومن عادات القبايل مايردون عيال العم لاجو يخطبون بناتهم ول انا غلطان ؟
سكتهم كلهم بها الكلمه
نايف يحس بالامتنان لجلوي ..لكن ليه ؟؟يسوي كذ الدعوه فيها زواج مب لعب ...
جلوي علمهم وتركو الموضوع بيتشاورون فيه وبعدين بيسلمونه اوراق الملاك
جلوي حس بالعرق يتصبب من جبينه .... وش اللي سواه ولاحط له أي حساب اهو وين الحين والزواج وين ....لكن احسن من انه يشوف نايف يطلق غلا وبنفس اليوم ياخذ غيرها ...ولو انه ظل ساكت كان هذا اللي صار وطبعا نايف بيضيع من بعدها كلشي عنده ولاغلا ...وهذا مايرضاه لاخوه ..وكل ماتذكر انه شافها وقابلها وسلم عليها ...ماحب انه ياخذ بنات من هالنوع لكن تربيه صالح وش بتصير .؟.....
منصور: جلوي انت من جدك؟ ذولي يبون يسحبون فلوس مستوعب؟
جلوي: يرضيك ان نايف ياخذها اهم لعبوها صح لكن فيني ولافي نايف نايف مب ناقص هم فوق همه
جلوي: وفيه شغله ابعلمكم فيها بعدين
الوليد: وش ؟
جلوي: بعدين
نايف راح عند جلوي وبوجه شااحب
نايف: جلوي وش اللي سويته
جلوي: انا ابي اخذ بنته من زمان
نايف: علي انا هالكلام
جلوي: كان ودك تاخذبنت صالح؟
نايف: لاطبعا
جلوي: اجل خلني اتزوج
نايف في نفسه عارف ان جلوي ماسوا هالحركه اللا عشان لايخليها له ويتحملها لكن ماحب انه يكون بمكان رحمت جلوي ...... هذا جميل ومستحيل بينساه لجلوي واصعب موقف مر عليه بحياته وماحد طلعه غيره ...مايحق له يصرخ عليه ول يعاتبه وفعلا اللي بيعرف قصة نايف كلها رح يرحمه ول ووش بتكون ردت فعل غلا ان عرفت ....
التزم الصمت وماحب يتكلم ويسال عن هالموضوع كثير وخصوصا انه يشوف اخوانه مرقهين من هاليوم واللي صار فيه
نايف: نمشي للرياض؟
منصور: مانمرح ليله هنا؟
جلوي: لاوشو له بسرعه خلونا نرجع ول وش يقعدكم هنا
الوليد بمزح ماجا بوقته: لاخلونا نجلس يمكن يفكوننا من منصور ويزوجونه بالطريق ههههههههههههههههه
منصور: فال الله ولافال جعلك تاخذ وحده من ذا البدويات انت تسنعك
الوليد: لالاتكون خل نمشي
نايف: انتظركم بالسياره
الشيخ: وين؟
نايف: خلاص ياعمي بنمشي ورانا طريق للرياض
صالح : اجلسو لكم ليله وبكره الصبح امسكو الخط وامشو
نايف في قلبه(بعد شين وقوة عين يبيني اقابله بكره)
مشى سفهه ونادا اخوانه ومشو على طريق الرياض
مرت ساعه وطفشو من الطريق مابقى شي على وقت الفجر ....
نايف اللي يسوق ومنصور والوليد نامو ورا
نايف: جلوي مانمت؟
جلوي: ياخوك قاعد افكر بموضوع بنت صالح
نايف: تتوفق معها ان شالله وش يدريك
جلوي: دخلتهم مب لله
نايف: ماعليك منهم مايقدرون يسون شي
جلوي: اللا اقول نايف(ابتسم ) وش اخبار قصايدك ماعاد اسمعك تقصد ابد
نايف: توني امس مسمعك
جلوي: لاتلعب علي تعطيني من القديم انت تزوجت وقلت قصايدي لغلا وماتوريني اياها لأن كلها لزوجتك ...وانقطعت عن الشعر الباقي هههههههههههههههه
نايف سكت ججلوي حس انه نبش جروح عنده
نايف مل من كثر مايشوفونه متضايق من موضوع طلاقه على انه ماصار له اللا يوم من تطلق
حب يغير هالوضع
نايف: طيب عندي لك هالقصيده توني مألفها وانا طالع من حايل
جلوي: الحين؟
نايف: لاعاد لها اسبوع اكتب فيها وكملتها الحين بالطريق
جلوي: بعقلك؟
نايف: يقول
جلوي: لحظه ولااقاطعك عن ايش مابي غزل
نايف: وش غزل هالحزه لاهذي بربع القبيله وشويه ابوي
جلوي: يالله سمعني
نايف: يقول

إي بالله أخطو والخطا اللي جابهم عين الصواب
مبطي وأنا أشوف الطمع يكشف زادهم وأستره


مايملي عيون الحسود بهالزمن غير التراب
ومن لايتوب من الخطا تحرم عليه المعذرة


اللي من أولها خراب أكيد تاليها خراب
والبندق اللي ماتثور بهدفها تذعره


ودك ليا من جاتك الغلطة من الناس القراب
الصاحب اللي ماكسبت محبته ماتخسره


مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجرة


صوتٍ يصول منبره وخطاب مامثله خطاب
والطيبة اللي زعزعت صوت الخطيب ومنبره


مافي دمعٍ صوبوه أحبابي بوجهي وخاب
ولا زرق حزني على غالي ولا فج أنحره


كل الزهاب اللي معي ذكرى من أصحاب الزهاب
واللي بقا لي من عذاب أشرس طريقي وأخطره


لأني تجنبت الغرق, عديت من فوق السحاب
لأن أكثر أصحابي ورق ماشفت للطيب ثمره


والله ماحطيت بين الحقد والخوة حجاب
حتى غدو ربعي يحدوني على الضيق أشكره


البارحة ثارت علي أرقاب و آوتني أرقاب
البارحة وياثقل دم البارح ويامحقره


أثر المصايب ماتجيك إلا من الناس القراب
وبهالزمن حتى الخوي اللي تثق فيه إحذره


هٌب ياوجه الحسد وشلون جمعهم وغاب
كيف السنين اللي عطتني بعثرتهم بعثره


لابارك الله في رقيقٍ تزعله كلمة عتاب
ولاجمع الله الرجال اللي تفرقهم مره


الصاحب اللي مايجي من صحبته غير العذاب
نذرٍ علي إن ماهجرني ولا أنا اللي بهجره


من يفتح لفرقاي باب أفك له عشرين باب
وإذا خويي مايقدر خوتي ما أقٌدره


عودت نفسي كل ماشددت لليمه ركاب
ماصدد وجهي عن طموح إلا لياجبت خبره


إن روٌحو فأنا بريء منهم ليوم الحساب
وإن جرٌحو قولو لهم ماحركو فيٌ شعره


شفهم لهم حول السنة ولا خذو مني جواب
أحسن دوا للي يستفزك (تــــحـــــــــــقـــــــــــــره)


ماكنت أحاتيهم صغير, عاد أحاتيهم شباب
الصاحب اللي مأذخره لليوم الأسود ما أذخره


شفني جمٌعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره


اللي يخاف من الظما يترك لنا طرد السراب
واللي ماهو بقد الظلام و وحشته لايسهره


عقب إكتئاب البارحة ماعاد أنا حمل إكتئاب
الطيب جرجرني وأنا ماني بناقص جرجره


أنا تجرعت الظما لين إحترق وجهي وذاب
أنا كسرت بخاطري قبل الصداقة تكسره


أنا خسرت اللي غيابه غير عن كل الغياب
أنا غفرت لعالم ماتستحق المغفرة


أنا أكثر إنسان تعلم من كثر ما أخطا وصاب
أنا آخر لسان يتكلم في زمان الثرثرة


أنا القصيد اللي فزع من دفتره مليون ناب
وأنا الوحيد اللي جمع مليون ناب بدفتره


جفني وجرٌحه السهر وحيلي هدته الصعاب
دمعي هدر, ضحكي ندر, عمري وضيعت أكثره


شيٌبت بعقول العرب, هيبت روسٍ ماتهاب
جمخرة ناسٍ عمرهم مايعرفون الجمهرة


ماصرت ذيب إلا لأن اللي تحدوني ذياب
ماكنت أغيب إلا لأن العفو عند المقدرة


ترا حلاتك لاحملت لصاحبك كلمة عتاب
إن مانطقت بها بوجهه, ماتذمه بظهره


بهالزمن مايملي عيون الحسود إلا التراب
ولا الحظيظ الطلقة اللي ما تصيبه تذعره


ودك اليامن جاتك الغلطة من الناس القراب
الصاحب اللي ماكسبت محبته ماتخسره



:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::
<<<<<<<<<<<<<<بعد مرور 5 شهور
طبعا نايف وغلا كل واحد منهم تعود وتاقلم مع الوضع الجديد ..... غلا تكره حركته وتغيره وتصرفاته لكن بقلبها ماكرهت اكثر شخصيه اعجبتها وحبتها بحياتها ومستحيل تتخلى عن هالحب مهما كان قلبها وفي لكن مكن يكره ويحب بوقت واحد
نايف مشكلته ان الرجال ماينسى حبيبته ولاينسى اللي حبها وتعلق فيها لما تقرب منه يشوف فيها كل الدنيا....اجل لما تبعد عنه وش يبقى لها .....مانسى منها أي شي كل التفاصيل الدقيقه عنها حافظها ومستحيل بينساها ....
جلوي ملك على منى ....وحاول يجاريها ويفهمها عشان يقدر يمشي حياته
خالد والبتول ملكو واخير تزوجت البتول من خالد معذبها
تركي وديما للحين حالتهم صعبه ويا بعض